الحلقة الخامسة والخمسين (ف2)

الكتاب: خلف هذه الجدران  

الجزء الخامس

بقلم: هبة عبد العظيم نور           

الناشر: المؤلف

رقــــم الإيداع: 00000/2017م

************************

حناااااان خلصتي تجهيز العشااااا ؟

خلاص أهو يا باسل , فاضل تجهيز السفرة

طيب يلا يلااااا الناس زمانهم جايين , جهزي السفرة عشان تروحي تلبسي وتستعدي

استعد لإيه ؟ هو أنا هقابل أصحابك !!!!

اصل هما معاهم ستات , مش لوحدهم

المدامات بتاعتهم ؟

ههه حاجة زي كدة

يعني ايه حاجة زي كدة ؟

يووووووو خلصي بسرعة بقى يا حناااااااان بقولك الناس زمانهم جايين

حاضر يا باسل , حاضر اوووووف استغفر الله العظيم يارب

*********************************

هههه شرفتونا يا جماعة , ازيك يا مدام تيتي ؟

كويسة قوي يا باسل بيه ههه اومال فين المدام عشان نتعرف  عليها  ؟

هتيجي حالاً يا مدام تيتي , البيت بيتكو يا جمااااااعة هههه عن اذنكو

اتفضل يا باسل بييييه

تن تن حنان

ادخل يا باسل

ايه الشياكة والجمال ده ! معقول الجمال ده وبالحجاب ومن غير ميك اب كمان !!!

ميرسي يا باسل

بس تعرفي هتبقي أجمل كتير لو من غير الحجاب ولو حطيتي ميك اب خفيف كدة , صدقيني هتكوني أجمل ست في كل الموجودين

لا , أنا عايزة احتفظ بحجابي واكون أوحش واحدة فيهم

هههه انتِ جميلة في كل حالاتك يا حياتي امووه ........... بتشيلي ايدي عن رقبتك ليه ؟

يلا يا باسل , اتأخرنا على الناس , بس اسمع , انا هاخد الستات اللي جم ونقعد لوحدنا في الصالون وخليك انت والرجالة في الهول

جرا ايه يا حناااااااان ! هو احنا هنعلم الناس الأددددب ! دي حفلة يا حنان حففففففلة يعني الناس كلها بتقعد في مكان واحد عشان يبقى الجو ظريف ههه ولا ايه يا حياتي

اووووووووف ربنا يعدي الليلة دي على خير

هاتي ايدك , الإتيكيت اننا نخرج على الناس وايدينا في ايد بعض , عشان الكل يتأكد اننا زوجين بنحب بعض , مش احنا بنحب بعض يا حنان ؟

ممممم اكيد

ههه هاتي ايدك يا حياتي

*********************************************************

في شوية ستات في الحفلة يهبلوا يا طارق ههه أما نشوف ذوق باسل

لا مراته حلوة يا رأفت  اطمن ههه

ممم هي دي مرات باسل يا طارق ؟

ايوة , اومال هتكون مين يعني يا رأفت !

ممم ذوقه عالي قوي

يا جماااااااعة أقدملكم أجمل وأرق زوجة في الوجود , حنان هانم , مراتي

أهلاً يا مدام

فرصة سعيدة يا مدام

ميرسي

تعالي يا حنان لما أعرفك على مدام تيتي

مين مدام تيتي ؟

صديقة من النادي , انسانة هايييييلة هتعجبك شخصيتها قوي

واضح انها هايلة , لابسة سواريه عريان وبتدخن و تقبل عزومة راجل غريب ع العشا , واضح ان اخلاقها عالية ومن بيئة محترمة

حنااااان بلاش الكلام البايخ ده وفكي التكشيرة عشان ترحبي بيها وكمان ترحبي بباقي الستات

اوكيه , أمرك , ما هو ده ما بقاش بيتتتت

تيتي هانم , أقدملك حنان مراتي

حقيقي ! ههه أهلاً يا روحي , سعيدة اني اتعرفت عليكِ

ميرسي يا مدام

اقعدي , واقفة ليه ! هو انا هعزم عليكِ في بيتك ولا ايه ! ههه

اوكيه

تعرفي انك لطيفة قوي

ميرسي

بس مش شايفة انك ظالمة نفسك بالحجاب ده ؟

وليه انتِ ما تكونيش ظالمة نفسك باللبس المكشوف ده !!!

ههه ده لبس مكشوف !!! ده لبس عصري , الست اللي ما تلبسش كدة أكيد ست متخلفة ورجعية ومكانها الصحرا عشان ترعى الغنم ههه

عندك حق ,أكيد رعي الغنم في الصحرا هيكون أفضل من العيشة وسط الخنازيرررر ,عن اذنك هرحب بباقي الضيوووف

ايه دي !!! أما إنسانة سمجة

سايبة مدام تيتي ورايحة فين يا حنان ؟؟؟

اووووف رايحة أرحب بباقي ستات المواخير اللي مليتلي بيهم البيييييت

مالها دي ! ايه يا مدام تيتي , عجبتك المدام ؟

انت عايش مع البني أدمة دي ازاي يا باسل !! دي كاينة متخلففففففة

ههه عشان تعذريني لما اقولك اني عايش في جحيم , مستني حد يمدلي ايده عشان ينقذني

هههه ادي ايدي اهيه تعااااااالى

ههههههههههههه  تشربي ايه ؟

في ويسكي ولا حرام بأمر المدام ؟ ههههه

ههه هنا كل حاجة حلال بأمري أنا , تحت أمرك , هعملك كاسك بنفسي

ميرسي يا بسولتي هههه

*************************************************************

ايه ده يا باااااسل ! دي ازايز خمررررة, جبتها منين دددددي ؟

طارق صاحبي جابها معاه وهو جاي , لزوم السهرة يعني ههه

استغفر الله العظيم استغفر الله العظيممممم طلع الازايز دي براااااا مش ممكن بيتي تدخله المحرمات والقاذورات دددددي

حنان بقولك ايه , ما تبوخيش السهرة , ماحدش قالك اشربي , الخمرة دي لها عشاقها ههه عن اذنك

اللهم لا حول ولا قوة إلا بالله , مش ممكن اللي بيحصل ده مش ممكنننننن ده ولا كإننا مسلميييين , استغفرك ربي واتوب إليككككك

باسل بيييييه

ايوة يا طارق بييييه ههه

مافيش لعب ولا ايه النهاردة ؟

لا ازاي بقى ! بعد العشا هنفضي ترابيزة السفرة للعب وهنلعب للصبححححح

أهو ده الكلااااااام هههه

يلا يا جماعة العشا جاهز ,شرفتونا حقيقي هههه يلا يا حنان

اووووف حاضر

********************************************************

يلا يا جماعة الطرابيزة جاهزة للعب

اوكيه يا باسل بيه

ايه ده يا باسل ! انتو هتلعبوا قماااااااار ؟

ايوة , فيها ايه دي !!!

يا باسل حرام حراااااااام انا مش ممكن اسمح بالمهزلة دي في بيتييييييي حرام عليك يا اخييييي

حنااااااااان اظن ده مش بيتك لوحدكككك, وبعدين ده طلب الضيووووف واعتقد انك متربية وعارفة ان الواحد لازم يكرم ضيووووفه

تكرمهم بالخمورررر ! تكرمهم بلعب القماااااار !!! يا اخي اتقي الله

يووووووو يا ستي انا شيطاااااااان عايزة حااااااجة ! يلا يا جمااااااااعة

باسل انا داخلة اوضتي ومش هخرج منها إلا لما تنتهي الحفلة المقرفة دددددي

في ستين دااااااااهية , وشرفي ما في حد مؤرف غيرررررك , تعالي يا مدام تيتي عشان تقفي جنبي وانا بلعب , عايزك تبقي الجود أومين بتاعي , بتفائل بيكي , كل ما بتقفي جنبي بكسب ههه

ههه مع تيتي انت كسبان على طووووول

ههههههه اكيد

****************************************************

اهئ اهئئئئئئئئ يا ربي أعمل ايه بسسسس ! انا مش ممكن اعيش مع البني ادم ده تاني مستحيل اكمل معاه حياتي مستحييييييييل , انا لازم احسم الموضوع ده الليلة دددددي

انتِ لسة صاحية يا حنان ؟

ضيوفك المحترمين  مشيوا ؟

ايوة , مشوا بعد ما احرجتيني قدامهم وسيبتلهم الحفلة من غير ما تستأذنيهم , لما سألوا عليكي اضطريت اقولهم جالها صداع مفاجئ واضطرت تدخل اوضتها عشان تنام

باسل ........................ طلقني

هه ايه ؟ انتِ أكيد بتهزري , أو يمكن جالك صداع حقيقي أثر على تفكيرك , مش كدة يا نانو؟

باسل بقولك طلقني , طلقني يا باسل , أنا مش هقدر أكمل معاك حياتي , احنا الاتنين مختلفين عن بعض تماماً , اتنين كل واحد فيهم ماشي في طريق غير التاني ومش ممكن هيتقابلوا في يوم من الأيام

ايه الكلام اللي مالوش معنى ده !!! حنان انتِ مراتي وحبيبتي وأنا حقيقي , حقيقيييي ما أقدرش استغنى عنك

باسل بقولك احنا ما ننفعش لبعضض كفاية كدة يا باسل

مممم يعني انتِ مصرة على الطلاق ؟

أيوة مصرة

أوكيه , ومش أنا الراجل اللي يعيش مع مراته غصب عنها , لكن ما قولتليش , هتدفعيلي كام ؟

ادفعلك كام !!! ادفعلك كام يعني ايه ؟

يعني هتشتري حريتك بكام يا نانو؟

للدرجة دي يا باسل !!! هتاخد مني فلوس مقابل الطلاااااق ؟

حبيبتي أنا مش عايز اطلق , انتِ اللي عايزة تطلقي وتبعدي عن جوزك حبيبك اللي بيحبككككك , وانا بقى ما اضحيش بمراتي اللي بموت فيها ببلاش , يعني اخسر حبي من غير تعويض ! تؤتؤتؤ ده حتى يبقى حرام

عايز كام يا باسل؟

ههه أيوة كدة نتفق بقى , عايز كام ممم عايز كاااااااام ممممم أقولك , كفاية خمسة مليون , مع انك تساوي عندي أكتر بكتيررر

خمسة مليوووووون !!! انت بتخرف تقول ايييييه ؟

لا يا حنان هانم انا ما بخرفشش , لو عايزة تطلقي يبقى تدفعي خمسة مليون جنيه , وكمان تتنازلي عن ككككل حقوقك

انا مش لقيا رد أرد بيه على طلبك السخيف ده , حاضر يا باسل , أنا هاخد شنطة هدومي واروح عند ماما

قبل ما تمشي تمضيلي على وصل أمانة بخمسة مليون جنيييييه , وكمان تمضي على ورقة تناااازل , أنا لازم اضمن حقييييي

.............. حاضر

اتفضلي , ادي الوصل وادي ورقة التنازل  وادي القلم , وريني امضتك الحلوة

.................... انت محضر الوصل بالقيمة اللي انت عايزها وشايله في الدرج وكمان محضر ورقة تنازل عن كل حقوقي  !!! ممكن افهم ده معناه ايه ؟

معناه ان انا كنت واثق انك هتطلبي الطلاق بين لحظة والتانية , لإنك ست ماعندكيش وفاء لجوزك وممكن تبيعه في أي لحظة , وانا بقى ما اتباعش ببلاش يا حنان هانم

هه !!!! الأصح انك تقول ان انت اللي كنت بستفزني وتضغط على اعصابي عشان أنا اللي أطلب الطلاق وساعتها تساومني وتاخد المبلغ اللي انت عايزه , مش كدة يا باااااااااااسل ؟

احسبيها زي ما تحسبيها , لو لغيتي فكرة الطلاق مافيش مانع , نستمر مع بعض كأسعد زوجين زي ما احنا

لااااااا , لا يا باسل , انا هشتري حريتي وهمضيلك على وصل الأمانة  والتنازل , هشتري حريتي , وانت اشبع بالفلووووووس

هههه امضي يا نانو

****************************************

ازاي يا حنان تمضي للولد ده على مبلغ كبير زي ددددده ! وكمان اتنازلتي عن كل حقووووقك !!!

يا ماما ده كان محضر الوصل وورقة التنازل  وشايلهم  في الدرج , ابن اختك المحترم كان مرتب كل حاجة ومحدد المبلغ مسبقاً

الندل والجباااااااااان , ازاي يتجرأ ويعمل كدددددة

يتجرأ على ايه بالظبط يا ماما !!! على انه يطلقني ولا انه يساومني على الطلاق !!! يا ريت تكوني عرفتيه على حقيقته وصدقتيني لما قولتلك ان أكبر غلطة عملتيها انتِ وبابا الله يرحمه انكو جوزتوني للبني ادم السافل ده اهئ اهئئئئئئئئئئئئ

يا حبيبتي يا بنتي ! كفاية عياط يا حنان , خلاص يا بنتي , طالما طلع بالندالة دي يبقى لازم اخلصك منه , سيدددددددة

افندم يا حاجة فايقة

هاتي الموبايل بتاعي , هطلبلك رقم الولد اللي اسمه باسل , قوليله يجي الفيلا بعد ساعة من دلوقتي ومعاه  المأذون اللي هيطلقهم ووصل الأمانة

 طلااااااق ! ليه بس كفا الله الشرررررر

يوووووو اعملي اللي بقولك عليه يا سيددددة

حاضر يا حاجة فايقة

تررررررررررررررررررررررررن

هههه ده رقم خالتي , مساء الخير يا خالتي فايقة

لا , أنا سيدة يا باسل بيه

سيدة !!! عايزة ايه يا سيدة ؟

الحاجة فايقة بتقولك تعالى الفيلا بعد ساعة وهات معاك وصل الأمانة

ممممم وهي ما كلمتنيش بنفسها ليه ؟

ما اعرفش , هي قالتلي اتصل بيك واقولك كدة

اوكيه , نو بروبلم يا سيدة , ساعة وأكون عندكو

تررررررررررررررررررررررررررررررررررررررررررررررررن

افتحي يا سيدة , أكيد هو الولد ده , هاتي شنطة الفلوس  وقسيمة الجواز والبطاقة  يا حنان

اتفضلي يا ماما , , مش طايقة اشوفه يا مامااا

معلش يا حبيبتي , خلاص هنخلص منه الحمدلله 

اهلاً يا باسل بيه

ازيك يا سيدة

خليك عندكككككك ما تخطيش ولا خطوة جوا الفيلااااااااا

ايه المقابلة دي ي خالتي !!! انا جيت وجبت معايا المأذون

السلام عليكم

عليكم السلام يا أستاذ , اتفضل في الصالون

متشكر

دي قسيمة الجواز وبطاقة بنتي  يا استاذ , اتفضل شوف شغلك

يا حاجة فكروا تاني , ده طلاق مش حاجة هينة , الطلاق أبغض الحلال

معلش يا أستاذ , احنا فكرنا كويس , اتفضل

زي ما تحبي يا حاجة

قبل ما تبدأ اجراءاتك يا استاااااذ فين الفلوس يا خالتييييي

دي الشنطة اللي فيها المبلغ اللي مضيت بنتي عليه يا غدار يا خااااااااااين

خمسة مليون جنيه ؟

ايوة , هات وصل الأماااااااااانة

ههه مش لما اعد الفلوس الأول

عدهم وخلصناااااا

هه ماشي يا خالتي

ممممممم مظبوطين

هات وصل الأمانة وإلا هخلي الشغاليين يقطعووووك

هو انا نصاب يا خالتي ! ادي وصل الأمانة أهو

هااااااااات , ارمي اليمين على حناااااااان

انتِ طالق يا حنان

الحمدلله , اللهم لك الحمد والشكر

امضي يا ابني على ورقة الطلاق

ماشي , ادي امضتي

امضي يا بنتي هنا

حاضر , ادي امضتي , كدة حضرتك هتحتاج مني حاجة تاني ؟

لا يا بنتي

طيب عن اذنكو , ماما انا طالعة اوضتي

اتفضلي يا حبيبتي

**************************************

 مع السلامة يا استااااااذ , خلاص يا خالتي , كدة بنتك بقت طالق

 خد شنطة الفلوس وغور من هنااااااا , إياك اشوف وشك تاااااااني

ليه بس كدة يا خالتي ! أهو انتِ بقى كدة اللي بتقطعي صلة الرحم , الله يسامحك يا خالتي , الناس خلاص نسيوا الآخرررررررة , سلام يا خالتي

في ستين دااااااهية حسبي الله ونعم الوكيل فيك اهئ اهئ اهئئئئئئئئ يا حبيبتي يا حنان

*************************************************

صافي يا صاااااافي

ايوة يا رووووتي ازيك يا جمييييييل ههه

اهئ اهئئئئئئئئ

ايه ده ! مالك يا روتي

اهئ اهئئئئئئئ انا واقعة في مشكلة كبيرة اووووي

مشكلة ايه دي ؟؟؟؟؟

انا حامل اهئ اهئئئئئئئئئ

يا خبرك اسووووووود ! هو ميييييين ؟

الزفت اللي اسمه عاصم

عاصم مين ؟

البوي فريند بتاع الحيوانة اللي اسمها بيسكي

طب ولما هو البوي فريند بتاعها عملتي معاه علاقة ازااااااي ؟

قولت اخده منها واحرق دمها اهئ اهئئئئئئئئ

اهو دمك انتِ اللي اتحررررررق وده كنتي متجوزاه عرفي ولا كدة وخلاص ؟

كدة وخلاص ازااااااي ! انتِ عارفة اخلاقي كويس , انا عمري ما اسلم نفسي لحد من غير جواز عرفي اهئ اهئئئئئئ

طب ايه المشكلة دلوقتي ! انتِ متجوزة وحامل , يبقى نو بروبلم

لا في بروبلم , في كاررررررثة اهئ اهئئئئئئئئ

كارثة ايه يا بنتي ؟

اهئ اهئئئئئئئئ السافل الندل قطع الورق بتاع الجواز العرفي وقالي اخبطي راسك في الحيطططططططط

اما ندل حقيقي , ممممم هارد لاك روتي , المرة الجاية خدي بالك , باي

باي ايييييييه انتِ هتسيبيني لوحدي يا صافي ؟

اومال عايزاني اعملك ايه يعني ؟

تقوليلي اتصرف ازاي في البيبي اللي في بطني ددددده

هههه وانا اعرف منين ! لو كنت دكتورة كنت عملتلك عملية ونزلتهولك , بس للأسف انا مش دكتورة , باي بقى عشان الشلة مستنياني

اهئ اهئئئئئئئ وبعدين بقى , اعمل ايه دلووووووقتي , انا هتصل بيه تاني عشان يخلي عنده دمممممممم

تررررررررررررررررررررررررررررررررن تررررررررررررررررررررررررررررررررن

ييييييي دي هي , ماماااااااا يا مامااااااااااا

عايز ايه يا عاصمممم

ردي ع البنت دي وقوليلها اني سافرت برا مصر ومش راجع تاني خاااااااااالص

وانت هتسافر حقيقي ؟

ايوة يا ماما هسافر , هقضي كام يوم انا واصحابي في شرم وبعدين ناخد اول طيارة طالعة على ايطاليا عشان ادرس فن براحتي هناك وارجع وانا عازف جيتار مشهوووووور

هههههه خلي بالك من نفسك يا حبيبي

طب ردي يا ماما وقوليلها اني نسيت الموبايل هنا , انا نااااااازل

طب استنى خد موبايلككككككك

الموبايل هدية مني ليكككككككِ باااااااااي

هههه باي يا شقي , اليووووووو

ايه ده ! أأأ هو ده مش موبايل عاصم ؟

ايوة , وانا ومامته , أي خدمة ؟

اهئ اهئئئئئئئ يا طنط انا عايزة عاصم ضروري ارجوووووووكِ

عاصم سافر ايطاليا يا حبيبتي عشان يدرس الفن على اصووووووله

ايطالياااااااااا ! سافر امتىىىىىىىى ؟

لسة حالاااااااا

اهئ اهئئئئئئئئ يا طنط انا واقعة في مشكلة وعايزاه ضروري ؟

خير يا روحي , عايزة فلوس ؟

فلوس ايه يا طنطططططط ابنك ضحك عليا وانجوزني عرفي وبعد ما عرف اني حامل هرررررب اهئ اهئئئئئئئئ

ابني مش غلطان يا امورة , لما الصياد يلاقي فريسة سهلة يبقى غلطان لو ما انقضش عليها , وانتِ لو كنتِ محترمة ومحافظة على نفسك ما كانش لا ابني ولا الف زيه لمسوا شعرة فيكِ , باي باي يا كتكوتة ااااه على فكرة انا اسمي سهى , لو جبتي بنوتة سميها على اسمي هههههههههههههههههههههههههههههه باي

اهئ اهئئئئئئئئئئئئ والله مامته ست سافلة زيييييييييه اهئ اهئئئئئئئئ اعمل ايه دلوقتي بقىىىىىىىى ! انا لازم اصارح بابي ومامي عشان يقفوا جنبي في المصيبة دددددي مممممم بس هقولهم سافر !!!! يبقى كدة الموضوع مش هيتحل ولا هلاقي اب لابني اهئ اهئئئئئئئ اعمل ايه اعمل اييييييه…ايه ده,دي ميرهان

هاي روتي

هاي ميرهان,ازيك

مالك؟

اهئ اهئئئئ بصراحة ومن الآخر بقى أنا اتجوزت عرفي وحامل والندل قطع الورقة وسافر ايطاليا,يعني كارثة من جميع النواحي

واووو,يا خبر!!طب وهتعملي ايه؟

مش عارفة,لازم الاقي اب لابني واقول عليه لبابي عشان يجوزهولي وننهي الفضايح دي

اب لابنك هههه مش هتلاقي احسن من رامي

رامي!

ايه! اوعي تقولي علاقتك بيه سطحية,أنا عارفة انكو اصحاب قوي وراحلك البيت كتير,يعني لو شاورتي وقلتي هو ده ماحدش هيكدبك

تتصوري عندك حق,برافو عليكِ يا ميرهان انك فكرتيني برامي

أنا بقى فاكراه على طول وعايزة اخدمه,يمكن لما يبقى أب يتربى ههههههه روحي روحي اتصلي بباباكِ خليه يجيبهولك متكتف,وانا هبقى اتصل بيكِ واطمن الموضوع وصل لإيه يا روتي امووه

ميرسي قوي يا ميريهان,بجد انتِ جود فريند,ومن النهاردة هتكوني كلوز فريند ليا

ههه ميرسي….إن ما روريتك يا رامي,وشرف أمي الرقاصة الطاهرة اللي جسمها ما اتكشفش إلا على زباين محترمين لفضحك انت وعيلتك هيهيهي,أنا تستعر مني وما ترضاش تتجوزني!بكرة سيرتك انت وأهلك تبقى لبانة في بق اللي يسوا واللي ما يسواش

***************************

بابي..انت نازل؟

ايوة يا روتي,عندي ميتنج مهم قوي مع رجال أعمال أجانب

بابي اهئ اهئئئئ

ايه يا روتي مالك يا حبيبتي؟

أنا عندي مشكلة كبيرة قوي يا بابي اهئ اهئ

ههههه حبيبتي أي مشكلة لها ألف حل عند باباكِ,بفلوسي أحللك أي مشكلة,أوعي تشيلي هم أي حاجة وانا موجود يا روتي يا حبيبة بابي,ها يا روحي,ايه مشكلتك؟بس قولي بسرعة عشان انا مستعجل ومش هقدر أتأخر على الناس

بابي,أنا….أنا حامل

اييييييييييييييييييييه!

اهئ اهئئئ اهو ده اللي حصل بقى يا بابي

يعني ايه ده اللي حصل!دي أخرة ثقتي فيكِ يا روتي؟ لالالا أنا زعلان منك حقيقي,انتِ خذلتيني

يا بابي يعني تزعل من الضحية وتسيب الحيوان المفترس اللي عمل كدة يفلت بجريمته!

هو مين الندل دددده؟

اهئ اهئ رامي عصام زاهر يا بابي

****************************************************

ههههه والله يا بيسكي انتِ عليكِ نكت فظيعة,يا بنتي بتجيبيها منين النكت الخليعة دي؟

ههههه من صاحباتي يا رامي

ههههههههههه صاحباتك دول مسخرة,ابقي عرفيني عليهم

اوكيه,نو بروبليم,تعالى حفلة عيد ميلادي وهتلاقيهم كلهم هناك

ماشي,هو امتى؟

التلات الجاي

أوك

بس اوعى تنسى تجيب هدية تليق بمقامي

هجيبلك اتنين ظباط آداب يقبضوا عليكِ انتِ وصاحباتك ههههه

هههههه انت فظيع يا رامي….ايه ده يا رامي,في ظباط واقفين مع المتر دوتيل وبيشاورلهم عليك

بيشاورلهم عليا انا! لالالا,أكيد بيشاورلهم عليكِ انتِ,شكلك هربانة من كذا حكم اعدام هههه

ههههه باين عليهم هيعدموك انت,دول جايين على هنا

جايين على هنا!!!! هو في ايه!

انت رامي عصام زاهر؟

في حاجة؟

بقولك انت رامي عصام زاهرررر؟

لأ أأأايوة,لييييه؟

اتفضل معانا

اتفضل معاكو على فيييين؟هو في اييييه؟

هتعرف في النيابة

نيابة! يا نهار ثرتي فايف !أنا مظلووووم,اقبضوا على بيسكي وصاحباتهااااا سيبووووني

يا خبر! فراس,يا فراااااااس,الحق,دول قبضوا على رامي

قبضوا على رامي!هو عمل ايه يا بيسكي؟

مش عارفة,قالوله هتعرف في النيابة

يا نهار ثرتي فايف على رأي رامي…معاكِ رقم باباه؟

هعمل برقم باباه ايه!

طيب أنا عارف المستشفى اللي هو فيها,هروح ابلغه عشان يتصرف

اوك يا فراس..يا ترى عملت ايه يا رامي

***************************

يا عشري باشا اهدا,احنا بعتنا نجيب الولد وزمانه في الطريق دلوقتي..اشرب قهوتك

قهوة ايه اللي هشربهاااا,مش هشرب قهوة ولا ههدا إلا لما اجيب حق بنتي من الحيوان ددده,مش حرام يخدع بنت مسكينة زي روتي بنتي!

اهئ اهئئئ استغل سذاجتي وبرائتي يا بابي

هربيه يا حبيبتي,وشرفك هربيه

تن تن المتهم  رامي عصام زاهر يا فندم

خليه يدخل

ادخل ياااااااض

ايه ياض دي! ما تزقش كددددة

اخرس واقف عدل وكلم سعادة البييييه

حاضر,يا فندم أنا ما عملتش حاجة وما اعرفش هما جابوني هنا ليه…ايه ده! روتي! ازيك يا روتي,عامل ايه يا عمو,انتو كمان اتقبض عليكو! هو في ايه؟

اتكلم معايا انا يا ولدددد..انت تعرف الأنسة ريتاج أحمد العشري؟

لأ

أهو ابتدا ينكر يا بابي اهئ اهئ

انت كدااااااب,انت تعرف بنتي كويس قوووي

ايه ده! هو انتِ اسمك الحقيقي ريتاج يا روتي! سوري ما كنتش اعرف

يعني انت تعرف الأنسة ريتاج أحمد العشري

ايوة طبعاً اعرفها

سامع يا فندم,اهو اعترف انه يعرف بنتي

هو في ايه! هو اللي يعرف بنتك يتقبض عليه ولا ايه يا عم الحااااااج!

ولددد,قلتلك اتكلم معايا انا

يا فندم ما انا مش فاهم أي حاااجة

انت ايه علاقتك بالأنسة ريتاج العشري؟

عادي,صاحبتي

صاحبتك!..يعني كنت بتتردد عليها في البيت؟

ايوة,بس هي اللي بتبعت تاخدني والله,انا عمري ما روحت إلا بعد محايلة منها

اهئ اهئ اخرس يا مجرم,انت اللي جيت فجأة واتهجمت عليا يا حيواااان

اتهجمت على مين! عيب يا روتي,انتِ كدة بتطعنيني في شرفيييي

ما تتكلمش مع بنتي,شرف ايه اللي بتتكلم عنه يا فاجررر,جاي تتكلم عن الشرف بعد ما ضحكت على البنت وبقت حااااامل

حامل! والله؟ الف مبروك يا عمو..يااااه الواحد بقاله كتير ما فرحش,الف مبروك يا روتي,بس انتِ اتجوزتي امتى؟

اه يا ساااافل اهئ اهئئئ اتكلم انت يا بابي عشان انا مكسوفة موت اتكلم

لا,انا اللي هتكلم يا عشري بيه,انت يا ولددد,العشري بيه وكريمته المصونة الأنسة ريتاج بيتهموك انك غررت بالأخيرة وحملت منك

غرغرت يعني ايه؟ انا مش عارف اقول الكلمة أصلاً,بس والله العظيم كدددب,انا مالمستهاش,ايه يا رووووتي,هو انتِ تعكي الدنيا وفي الآخر تشيليني الليلة!أنا برررريء

اهئ اهئ لا انت مجرم,حرام عليك ضيعت مستقبلي

مستقبلك ايه يا فااااااشلة,يا بنتي دانتِ كل يوم مع واحد شكل

اثبت يا فندم التعدي اللفظي على بنتي عشان هعمل للولد ده قضية سب وقذف

انا عايز المحامي بتااااااعي,ياروتي حرام عليكِ,دول عمامي لو عرفوا هيقطّعوووني,المصيبة ان سُمعتي عندهم زي الزفت وهيصدقووووكِ,قولي الحقيقة ابوس ايددددك

اهئ اهئئئ الحقيقة انك مجرم,سفااااااح

انتِ كدااااااابة,كدابة ومفترية

قلتلك يا ولد ما توجهش كلام للأنسة أو لوالدها..ممم اسمك رامي عصام زاهر..يا ترى في صلة قرابة بينك وبين سيادة العميد هاني زاهر؟

لاااااااا,ما اعرفووووش,لا عمري شوفته ولا قابلته ولا سمعت عنه,دي تشابه اسماء,ايوة تشابه اسماء,الله يهدك يا روووتي

تن تن

ايوة يا جعفر

والد المتهم رامي عصام زاهر عايز يقابل حضرتك

خليه يتفضل

داااااااد,يا نهار كلودي,مين الندل اللي قاااااااله,اكيد حد من شلة النادي ,استخبى فين بس!

السلام عليكم يا فندم

عليكم السلام

دكتور عصام زاهر,والد رامي

أهلاً يا دكتور,اتفضل استريح

متشكر

داااااااد,انا مظلوم يا داااااد

انت تخرس خالص يا نكبة حيااااااتي,ممكن اعرف رامي ابني مقبوض عليه ليه؟

ابن حضرتك متهم باغتصاب انثى مما ادى إلى حملها

ايييييييييه!!

داااااد,مظلوم يا دااااد,والله العظيم البت دي كدااااااابة

ما تتكلمش يا ولد من غير ما اوجهلك سؤااال,ايه رأيك في الكلام ده يا دكتور عصام؟

في الحقيقة انا مصدوم,مش ممكن رامي ابني يعمل كدة

ابنك غرر ببنتي,ابنك سافل ومنحط وما اتربااااااش

وبنت حضرتك بقى اللي متربية كويس!

طبعاً متربية كويسسس,لكن للأسف,ابنك وأمثاله ما بيسيبوش أي شيء جميل إلا اما بيفسدوووه,ده جزائي إني اديت الأمان لابنك وسمحتله يذاكر مع بنتي في اوضتها! يقوم يستغل عدم وجودنا وضعف البنت ويعمل عملته السودة دددددي!

والله العظيم انت راجل مش محترم ولازم تكون عبرة لغيررررك,بقى تسمح لابني وغيره انه يدخل اوضة نوم بنتك وكمان مندهش من الكارثة اللي حصلتتتت!!والله العظيم انت عايز تتضرررررب وانا اللي هضررربك

اقعد يا دكتور عصااااام,ما يصحش كدة من فضلك

اقعد يا دااااااد,احنا مش ناقصين مشاكل تااااانية

خايف من المشاكل قووووي! يا أخي يا ريتني ما خلفتك,انت نكبة حياااااااتي,وباء وانتشر في العييييلة

يا داد مش وقته,طلعني من الورطة دي وبعدين ابقى اشتمني براحتككك

ادي آخرة معرفة البنات المنححححلة

من فضلك ما اسمحلكش تهين بنتيييي

يا أخي روح ادفنها واخلص من عارهااااا,بنتك ايه اللي عمال تدافع عنها بعد ما حطت راسك في الووووحل

ابنك هو اللي المفروض يتدفن بالحياة عشان نخلّص المجتمع من أمثاااااااااله

أنا هدفّعك تمن الكلام ده غالي قوووي,أنا هعرفك مين هو عصام زاهررر

أنا اللي هعرّفك مين هو أحمد العشرررري,بشرفي هسجنك انت وابنكككك

شرفك! الله يرحمه ويحسن إلييييك,يا فندم أنا بطالب بإجراء تحليل الdna لإثبات ان رامي مالوش علاقة بالجنين ده,وطبعاً مش هينفع يتعمل إلا بعد ولادة الأنسة المتربية

وانت يا رامي,مستعد لعمل تحليل dnaبناء على طلب والدك ولا خايف؟

لا مش خاااااايف,انا مستعد اعمل dnalmno معاكو لحدyz,المهم اثبات برائتي

ماشي يا رامي,ايه رأيك يا عشري بيه؟

موافق طبعاً,ننتظر لما بنتي المسكينة تولد ونعمل النحليل للمولود عشان نثبت انه ابن الافندي ددده

ها! بابي,أأ هو التحليل ده يثبت اذا كان رامي ابو البيبي او لأ؟

ايوة طبعاً يا حبيبتي,هجيبلك حقك وهسجننننه

اهئ اهئئئئ,بابي,مش رامي اللي عمل كدة,ده واحد تااااااااااني

سمعت يا داااد هههههه ظهر الحق وزهق الباطل يا روتي يا بااااااطلة

كدة برضو يا روتي يا بنتي تحطيني في الموقف السخيف دددده! اومال هو مين الندل اللي عمل كدة

ابقى حاسب بنتك بعدين يا للي اسمك عشري,المهم ان ابني ظهرت برائته,بس انا بوجهلك تهمة البلاغ الكاذب انت وبنتككككك

.......عصام باشا,ارجوك,انا طمعان في كرم اخلاقك,قدر موقفي وكفاية اللي انا فيه,مافيش داعي للبلاغ

اووووف فعلاً كفاية عليك المهزلة الاخلاقية اللي انت فيها بسبب بنتك المستهترة..اظن يا فندم ممكن اخد ابني طالما ثبتت برائته

طبعاً طبعاً,متأسفين جداً لإزعاج حضرتك يا دكتور عصام,متأسفين يا رامي

حصل خير,بس لو سمحتوا ابقوا اتأكدوا قبل ما تبهدلونا من غير سبب,يلا يا داد

يلا يا وباء العيلة

متشكر,باي باي يا روتي يا كدااااابة

يا اخي انت كمااااان اهئ اهئئئئ

************************************

اتفضل اركب يا استااااااذ

ميرسي يا داد...........انت واقف بالعربية ليه يا داد! ما تسوق

.....عاجبك الفضايح اللي انت عاملها دي

أنا برضووو! ما انت سمعت بنفسك يا داد انها بنت كدابة وبتفتري علياااا

انا عايز اعرف ليه البنت دي اختارتك انت بالذات عشان تتهمك الاتهام الدنئ ده؟

مش عاااارف,منها لله,ولاد الحرام ما خلوش لولاد الحلال حاجة,على رأي دادة صالحة ههه

ليك نفس تهزر!..الهانم امك فين؟

الهانم امي في النادي

تعالى نروح نبشرهااا

نبشرها بإيييييه!

****************

اهيه ماما قاعدة هناك مع طنط باكينام وطنط ساندرا

روح ناديها,قولها إني مستني على الطرابيزة دي,يلا اتحررررك

اوك داد,ليه العصبية دي بس!

**************

ماااااام ههه هاي مام

هاي رامي حبيبي

هاي طنط ساندرا

هاي رامي

هاي طنط باكينام,هاو ار يووو

فاين,ازيك رامي,اقعد اطلبلك جوس

ثانك يو,ايام ان هاري,مستعجل,مام,تعالي كلمي داد

يور داد! هو فين؟

قاعد على الطرابيزة اللي هنااااااااك دي,شوفتيه؟

أها شوفته,اكسيكيوز مي ماي دير فريندز,هاروح اشوف صاصو عايز ايه ورجعالكو على طولي

اوكيه سينو مش تتأخري

**************************

مام اهيه داااااد

هاي صاصو

أهلاً يا هانم,يا ترى ازي مود حضرتك؟

مودي لذيذ,وانت ازي المود بتاعك

زي الززززفت,حضرتك عارفة أنا والبيه ابنك كنا فين؟

نو,هعرف منين!

كنا في النيابة يا ست هاااااانم

واوووو,كنتو معزومين هناك؟

ايوة,كنا معزومين على فضاييييح

جبتولي معاكو شوية؟

لا اطمني,هتاخدي منها كتير قووووي,البيه ابنك كان متهم باغتصاب انثى

يعني ايه؟

قولها يعني ايه يا أستااااااذ

يا داد عيب الحاجات دي بقى,أنا بتكسف والله هههه

البيه ابنك في بنت متهتكة اتهمته باغتصابها وانها حامل منه

نووو رامي نووووو,ريلي تشوك,ليه رامي حبيبي تعمل كدة,الحاجات دي مش ظريفة خالص,انت ايه يخليك تتحمل مسؤولية بيبي وانت في سن زي دي!انت لسة مش استمتعت بشبابك حبيبي,هعتبرها غلطة ومش تكررها تاني,اوكيه؟

في ايه يا ماااااام!أنا طلعت مظلوم والبنت طلعت مفترية

شت اب يور ماوث..أنا زعقتله صاصو وبرقتله عنيا,هو مش هيعمل كدة تاني

والله العظيم ما عارف اقولك ايه غير انك ست عايشة في كوكب غير كوكبنااااا

ليه تزعق صاصو,الصوت العليان مش نايس وبيعمل ازعاجات كبيرة,في حاجة تاني عايزها قبل ما اروح لاصحاباتي؟

لاااااااا,مش عايز أي حاجة,بس احب ابشرك ان بيتنا في طريقه للانهياااار

اوكيه,جود لاك,باااي

آآآآآه دمااااااااااااغي

ههه ايه يا داد,بالراحة على نفسك

الست دي هتجيبلي ذبحة

بعد الشر عليك يا داد,ما انت عارف مام,مافيش حاجة شاغلاها غير نسرين هاشم الحسيني...زي ما حضرتك مافيش حاجة شاغلاك غير الدكتور عصام زاهر ههه

اتفضل قداااااامي

اوك يا داد..أهم حاجة ان حضرتك اتأكدت اني مظلوم

خرجت من الكارثة دي بسلام,لكن ما اعرفش هيكون مصيرك ايه في الكارثة الجاية

يا داد أنا مش بعمل كوارث,أنا في حالي,الكوارث هي اللي بتجيلي لحد عندي ههه

ما هو انت لو محترم وبتتعامل مع ناس محترمين ما كانش كل ده يحصلك,لكن انت دايماً تسيب الناس المحترمة وتتصاحب على حثالة البشر,مرة تتصاحب على ابن تاجر مخدرات ومرة بنت رقاصة وفي النهاية يتهموك باغتصاب انثى,اوووف محتاج اروح البيت انااااام ,حاسس ان بقالي اتنين وعشرين سنة ما نمتش

هههههههه يعني من ساعة ما خلفتني

******************

تررررررررررررررررررررررررررررن

شوفي مين على الباب دادة

ده تلاقيه رامي يا ايتن,مامتك ما بتجيش دلوقتي ..... الله,الدكتور عصام!

هههه وانا كمان يا دادة

اهلاً يا رامي,أهلاً يا دكتور

اعمليلي فنجان قهوة وهاتيهولي مكتبي يا صالحة

حاضر يا دكتور

هاي دادي...وحشتني

اهلاً يا أيتن يا حبيبتي,عن اذنك

...هو دادي ماله يا رامي؟ شكله نيرفز قوي,وبعدين  انتو كنتو فين أصلاً,أول مرة اشوفك راجع مع دادي من مكان؟

ههه اصلنا كنا في النيابة

وااااات! بتهرج

لا والله ما بهرج,دلوقتي بعد ما طلعت بريء وطاهر الذيل اقدر احكيلك ههه

بريء! هو في ايه يا رامي؟

البت اللي اسمها روتي عملت عملة سودة وحامل واتهمتني ان انا اللي عملت كدة,تخيلي يا أيتن رامي اخوكي,مثال الأدب والأخلاق الحميدة يتهموه انه ديب مفترس ويعمل عملة  ديرتي زي دي!

يا خبر! دي قليلة الأدب قوي ممم عشان كدة بقى كنتوا في النيابة

ايوة,ولولا ان داد هددها اننا نعمل تحليل dna ما كانتش اعترفت ان انا ماليش علاقة

ريلي رامي انت صاحباتك دول جاتر سنيب خالص,المفروض تقطع علاقتك بيهم

يا شيخة فُكك بقى,انتِ هتتكلمي زي داد! هي بس البت روتي اللي طلعت ندلة ومش هعرفها تاااااني

*******************************

عمرك يا أمي شوفتِ بنت بالوقاحة دي!

ما تغلطش في حد يا عصام,ربنا يهديها يا ابني

يهديها ايه بس!دي بنت قليلة أدب,أنا هعرّفها ازاي تفتري على ابني وتتهمه تهمة قذرة بالشكل ده

هتعمل ايه يا عصام؟

هرفع عليها قضية وهفضحهااااا

لالالا أوعى تعمل كدة يا عصام,لا يا ابني,ربنا سبحانه وتعالى ستّير ويحب الستر على عباده,اوعى يا ابني تكون سبب في فضيحة لحد

واللي هي عملته في ابني ده,وبهدلتنا في النيابة,يعدي بالساهل كدة!

يا ابني ربنا بيقول في كتابه العزيز,بسم الله الرحمن الرحيم(فمن عفا وأصلح فأجره على الله)....ما تخليش الرغبة في الانتقام تخليك تتصرف غلط يا ابني,معلش واللي حصل حصل,والحمدلله ان رامي طلع بريء,كفاية الفجيعة اللي البنت وأهلها فيها

والله يا أمي لا هي ولا أهلها يستاهلوا التعاطف,بس حاضر,مش هرفع قضايا عشان خاطرك

عشان تاخد اجر الصفح والعفو من ربنا يا ابني(اللهم آت نفوسنا تقواها,وزكها انت خير من زكاها)

*******************************

الدوا يا بطة فين الدواااا

علبة الدوا خَلَصت يا يحيي وما عادش معانا فلوس نجيبوا تاني

بيعي الدهب يا بطة عشان تصرفي عليا وع العيال

دهب ! هو احنا عاد حيلتنا دهب يا يحيي !!! علاجك خد مننا مصاريف يامَا , بعت كل الدهب اللي حيلتي عشان نصرفوا على علاجك وع البيت والعيال , ودلوقتي ما عادش معانا نجيبولهم حتى عشا

وبعدين يا بطة ! احنا محتاجين فلوس يامَا , واني عَجَزت وهنرقدوا في السرير طول عمري وما نقدروش نشتغلوا

يبقى اني اللي لازم نشتغل يا يحيي

تشتغلي يعني ايه ! انتِ تروحي لأدهم بيه  الشركة , اطلبي منه كل الفلوس اللي انتِ عايزاها وهو هيديكي

أدهم بيه ! ده حتى ما هانش عليه يسأل عليك يا يحيي ولا حتى جالك المستشفى ولا مرة , ولا كإنك كنت شغال معاه بقالك سنين يامَا وخادمه بعنيك

مش مهم يسأل عليا , المهم يدينا فلوس نعيشوا منها , روحيله يا بطة , اشرحيله حالتنا , قوليله يحيي عايز مصاريف للعلاج والعيال لازمهم مصاريف يامَا للأكل والشرب والمدارس

حاضر يا يحيي , ان شاء الله الصبح هنتوكل على الله ونرحوله

**********************************

أدهم بيه

عايز ايه يا رياض

مرات يحيي جت برا وعايزة تقابلك

يحيي مين ؟

يحيي مين !! يحيي اللي كان شغال عندك

ودي عايزة ايه ؟

قالت عايزة تقابلك ضروري

قولها مش فاضي

ايوة بس دي قالت انها عايزاك ضروري

ريااااااض , سَمَعت اللي قولتتتتتتته ؟

حاضر يا أدهم باشا

***********************

معلش يا ست , ادهم بيه مش فاضي يقابل حد

يعني ايه مش فاااااضي !! اني عايزاه ضروووري

انا قولتله بس هو عنده شغل يامَا

لا ما هو اني مش هنتنَقل من هنا إلا لما نقابلوووووه اني هندخلوووووله

تعالي هنا يا ستتتتتتتت

ادهم بيييه

ايه ده ! انتِ ازاي تتجرأي وتدخلي مكتبي من غير استئذان يا ست انتتتتتتِ !!! اطلعي براااااا

يا ادهم بيه اني مش جاية نعطلوك عن شغلك , اني جاية نقولولك ان الفلوس اللي معانا خَلَصت على علاج يحيي واحنا دلوقتي محتاجين فلوس يامَا للأكل والشرب ولكسوة العيال وعلامهم , ده غير مصاريف العلاج اللي ورانا , عشان كدة جيتلك

نعم يختي ! حد قالك ان هنا تكييييية !!!

لا يا أدهم بيه , هنا المكان اللي جوزي اشتغل فيه سنين يامَا , وواقفة قدام الراجل اللي جوزي خدمه بإخلاص طول العمر من غير ما يكل ولا يمل

اسمعي يا ست أنتتتتتتِ , جوزك خد حقه تالت ومتلت من شغله معايااا, لكن دلوقتي علاقتي بيه اتقطعت , لا هو شغال عندي ولا له عندي حقوووووق

يا أدهم بيه , يحيي كان من رجالتك , ده لحد آخر لحظة قبل الحادثة وهو سهران بيخدمك اهئ اهئئئئ يكون ده جزاؤه في الآخر !!!

اني اللي عندي قولته , جوزك ما لوش حقوق عندي والشركة دي ما تعتبيهاش تاااااااني , لو عايزة صدقة ابقي روحي اقفي على باب جامع يختي

بقى كدة !!كتر خيرك يا أدهم بيه , حسبي الله ونعم الوكيل اهئ اهئئئئئ

امشي غووووري , ريااااااااض

أمرك يا أدهم باشاااااا

الولية دي لو جت هنا تاني اطردوهااااا , إياك تدخلها الشركة تااااااني

حاضر يا باشا

**********************************

تررررررررررررررررررررن

افتحي لامك يا زينب يا بنتي , باين عليها رَجَعت من عند أدهم بيه

حاضر يا بابا

ماماااا اتأخرتي ليه ؟

معلش يا زينب

طب اني كنت عايزاكِ

استني شوية لما ندخلوا لابوكِ وبعدها نفضوا نسمعوكِ 

طيب يا ماما

**********************************

سلامو عليكو يا يحيي

عليكم السلام يا بطة , طمنيني عملتي ايه مع أدهم بيه ؟

ولا حاجة

ولا حاجة يعني ايه !!

يعني طردني من شركته يا يحيي وقالي جوزك ما لوش حقوق عندي وما تعتبيش هنا تاني

ايه ! ازااااااااي ! بقى بعد خدمتي له السنين دي كلها يكون ده رد الجميل !!! اه الندددددددل

منتظر ايه من واحد زيه لا عنده قلب ولا رحمة يا يحيي !

طب وبعدين يا بطة ! هنعملوا ايه !!! احنا صرفنا كل اللي معانا والبيت لازمه مصاريف يامَا عشان يفضل مفتوح , واني عاجززز لا حول ولا قوة ولا قادر نتحرك من مكااااااااني

اهدا يا يحيي الله يخليك , انت عيان وصحتك ما تستحملش ,اني هنتصرف ان شاء الله

هتتصرفي تعملي ايه ؟؟؟

هندوروا على شغل ونشتغل

هتقولي نشتغل تاني !!!

مافيش حل غير كدة

لا يا بطة ما تشتغليش , طلعي الولا احمد من المدرسة ويوسف كمان ووديهم للاسطى محروس المكانيكي عشان يشتغلوا ويصرفوا ع البيت

لااااااا ولادي ما يسيبوش المدارس يا يحيي , ولادي لازم يتعلموا , ازاي لسانك طاوعك وقَدَرت تقول كدة !!!

غصب عني يا بطة , اوعي تفتَكَري ان ليا أمل تاني غير اني نشوفوا ولادي أحسن ناس , لكن الظروف حكمت يا بنت الناس

لا يا يحيي , اذا كانت الظروف حكمت يبقى اني اللي نتحمل الظروف مش عيالي

مامااااا

جيالك يا زينبببببب , هنروحوا نشوفوا البت عايزة ايه يا يحيي ونيجوا ندوك الدوا

انتِ جبتي فلوس الدوا منين ؟

استلفت من الجيران , لما ربنا يفرجها هنردوا الفلوس , نروحوا نشوفوا البت

طيب يا بطة , الله يعينك ويساعدك ع الهم اللي ابتلينا بيه

************************************

أيوة يا زينب , فيه ايه ؟

ماما انا عايزة فلوس درس الانجليزي عشان المس قالت اللي مش هتجيب الفلوس الحصة الجاية مش هندخلوها

أيّووووووه يا بت انتِ ما عندكيش دمممم ! مش شايفة الظروف اللي احنا فيها !!! ابوكِ راقد في السرير لا حول ولا قوة , وصاحب الشغل ادانا ضهره من غير ما يدينا ولا جنيي واااااحد , والفلوس خَلضت خلَصتتتتتت , ما معناش فلوس ناكلوا بيها ولا ندفعوا ايجار البيت اهئ اهئئئئئئ وانتِ ما عندكيش دم ولا حاسة بيناااااا يا بنتي ارحميني اني تعبتتتتت اهئ اهئ اهئئئئئئئئئئئئ

ماماااا اهئ اهئئئئئ حقك عليا اهئ اهئئئئئ والله غصب عني , خلاص اني مش هنطلبوا فلوس تاني بس انتِ ما تعيطيش  اهئ اهئئئئئئ

سيبيني دلوقتي يا زينب الله يخليكِ خليني نفكروا نعملوا ايه في اللي احنا فيه ده

حاضر يا ماما اهئ اهئئئئ

يا رب دبرني يااااارب

تررررررررررررررررررررررررررررررن

شوفي مين ع الباب يا زينببببببب

حاضر يا ماماااااا

مييين ؟

اني الحاج مرعي صاحب البيت

اهلا يا عم مرعي

سلامو عليكو يا زينب

عليكم السلام

اني جيت نسأل ع الإيجار , النهاردة عشرة في الشهر وما وصلنيش

طب لحظة واحدة هنادولك ماما

ماشي

مامااااا الحاج مرعي صاحب البيت واقف برا وبيسأل ع الإيجار

اووووووف طيب اني خارجاله

أهلاً يا حاج مرعي

أهلاً بيكِ يا ست ام احمد , النهاردة عشرة في الشهر والإيجار اتأخر يامَا

معلش يا حاج مرعي , اديك شايف الظروف , واني مافيش معايا ولا مليم نأكلوا بيه العيال وربنا

طب واني ذنبي ايه يا ام احمد ! ما تآخذنيش اني مش فاتح البيت تكية ولا ليا دعوة بظروفكو , اني ورايا مصالح ويلزمني فلوس الإيجار

طب اصبر عليا كام يوم يا حاج مرعي لحد ما نتصرّفوا ولا نستَلَفوا

ما نقدروش نصبروا كام يوم , قدامك لبكرة آخر النهار والفلوس تكون عندي وإلا سيبوا البيت

نسيبوا البيت نروحوا فين بس يا حاج !

دي مش مشكلتي اني , ما تآخذنيش يا ام احمد , كل واحد بيدور على مصلحته , وآخر الكلام زي ما قولتلك بكرة آخر النهار هنعدوا ناخدوا الإيجار وإلا هببقالي تصرف تاااااني , سلام

اهئ اهئئئئ لا حول ولا قوة إلا بالله , نعملوا ايه بس يا رب !!

****************************************************

لو سَمَحت ممكن نقابلوا الأستاذ احمد ؟

نقولوله مين يا ست ؟

اني ........ اني مرات يحيي

يحيي مين ؟

قوله انت بس مرات يحيي اللي كان شغال عندك زمان في المينا وهو هيفتَكر ان شاء الله

حاضر , لحظة واحدة

*********************************************

أستاذ احمد

ايوة يا ضيا

في واحدة ست بتقول انها مرات يحيي عايزة تقابلك

مرات يحيي ! يحيي مين ؟؟؟

بتقول كان شغال عندك في المينا زمان

أيوة أيوة افتكرته , خليها تتفضل

اتفضلي يا ست

كتر خيرك

سلامو عليكو يا أستاذ احمد

عليكم السلام ورحمة الله , اهلاً وسهلا , اتفضلي اقعدي

شكراً يا أستاذ احمد

تحت أمرك

الأمر لله وحده , اني جيتلك بعد ما كل السكك اتقفلت في وشي اهئ اهئئئئئ

لا حول ولا قوة إلا بالله , مالك يا ستي ؟

يحيي حصلتله حادثة من تلات شهور واتشل وراقد في البيت اهئ اهئئئئئئ

لا حول ولا قوة إلا بالله , الله يشفيه ويعافيه يا رب

الحال اتبدل يا أستاذ احمد والعيشة ضاقت وكل الفلوس والدهب اللي حيلتنا اتصرفوا على علاج يحيي وياريت جَه بفايدة اهئ اهئئئئئ

استغفري الله يا ام احمد وما تقوليش كدة

استغفر الله العظيم يارب اهئ اهئئئئئ غصب عني يا استاذ احمد , الإيجار اتكسر علينا والراجل صاحب البيت مش صابر وعايز فلوسه بأي طريقة وإلا يطردنا من البيت اهئ اهئئئئئ , ده غير مصاريف العيال والمدارس اهئ اهئئئ , وربنا اني جيالك ومافيش لقمة في البيت ياكلوها اهئ اهئئئ

لا حول ولا قوة إلا بالله , للدرجة دي !!!

ولما روحت لأدهم بيه نشتكيله طردني من شركته  وقالي مالكوش حاجة عندي اهئ اهئئئئئ

.......... الله يهديك يا أدهم

اني جيتلك يا أستاذ احمد عشان تشوفلي شغلانة هنا في المينا ناكلوا منها عيش

تشتغلي ايه بس وسط الرجالة يا ام احمد ! هنا الشغل ما ينفعكيش

نشتغلوا أي حاااااجة حتى لو هنمسحوا البلاط و السلالم بس نلاقوا في ايدي قرش نصرفوا على عيالي ونعلموهم وندفعوا اجرة البيت اللي سترانا حيطانه اهئ اهئئئئئ نبوسوا ايدك يا استاذ احمدددد , هنتبهدلوا والعيال هيتشردوا اهئ اهئئئئ

لا يا ام احمد مش هيحصل , انتِ لا هتشتغلي ولا هتتبهدلي , أني ما يرضنيش بهدلتك , خدي التلاتلاف جنيي دول اقضي بيهم مصالحك , وأول كل شهر هيوصلّك قدهم لحد باب بيتك من غير ما تتعبي ولا تيجي لحد هنا , دول غير تموين البيت اللي هنتكفلوا بيه ان شاء الله

اهئ اهئئئ معقول يا أستاذ احمد ! انت بتتكلم جد ؟؟؟؟

ماتشيليش هم يا ام احمد , خدي الفلوس وروحي وانا بعد ما نخلصوا شغلي هنعدوا على يحيي نطمنوا عليه , لسة عنوانكو زي ما هو ؟

ايوة يا استاذ احمد اهئ اهئئئ الله يكرمك يا رب , الهي ما يذلك أبداً ولا يحوجك لحد يا طيب يا أصيل اهئ اهئئئ

مع السلامة يا ام احمد

*****************************************

بقى الأستاذ احمد عمل معاكي كدة يا بطة !!!

ههه الله يسعده يارب ويزيده من نعيمه

اني ساعات بنحس ان الراجل ده مش من دنيتنا دي ولا نستاهلوا انه يكون بينّا ........ الله يجزيه خير

هيعدي عليك بالليل يطمن عليك ان شاء الله

صحيح ؟

ايوة ان شاء الله , اما نروحوا ندفعوا الإيجار للحاج مرعي اللي جَه يهددنا بالطررررد

******************************************

ضياااااااا

نعمين يا أستاذ احمد

انزل قول لعبد الله يدور العربية,انا نازل عشان ورايا مشوار لازم نقضوه قبل ما نروح

طريق السلامة يا أستاذ احمد

***********************************

تررررررررررررررن

ده باين الأستاذ احمد هو اللي بيرن الجرس يا يحيي , افتح يا ولا يا احمدددد

حاضر يا مامااااا , مييين ؟؟؟

أحمد عادل سليم