الحلقة الثانية والستين (ف2)

الكتاب: خلف هذه الجدران  

الجزء الخامس

بقلم: هبة عبد العظيم نور           

الناشر: المؤلف

رقــــم الإيداع: 00000/2017م

أهلاً يا أستاذ احمد

ميييييييييين ! عبد الله !!!!!!!!

أيوة عبد الله , أو نسيم , أو وجدي يا أستاذ احمد

نسيم ! .. وجدي ! ... انت مييييييين ؟ فين نورهااااااااااان ؟؟؟

اطمن يا أستاذ احمد , نورهان كويسة أوي , إيدي ما اتمدتش عليها بأي أذى

....... أنت مين وعملت كدة لييييييه ؟؟؟؟ انطققققققققق

اقعد استريح يا أستاذ احمد

أحنا مش جايين نقعد , احنا عايزين نورهاااااااان , والخمسة مليون جنيي اهم قدامك , يكفوك ولا عايز أكتررررر ؟؟؟؟

........................ احنا مش عايزين فلوس يا أستاذ احمد

اومال انت عايز ايه ؟ بتعمل فينا كدة ليييييييييه ؟؟؟؟؟ ........ احنا مش فاهمينك ...... أنت عبد الله الشاب الطيب اللي كان في ضهري وبيحميني ؟ ولّا انت ولا نصاب وعايش على خطف الحريم عشان تقايض عليهم أهاليهم وتطلعلك بقرشين ؟ انت مييييييييييييييييين ؟ رد علياااااااااااااا

............ أنا وجدي يا أستاذ احمد

وجدي مين ؟؟؟؟؟؟

احنا عارفين انك نسيتنا , لكن احنا بقى عمرنا ما ننساك , عمرنا ما ننسى الدين اللي دفعته عن امي وخرجتها من السجن بعد ما اتسدت كل الأبواب في وشنا

........ انت ....... انت ابن اخت بدور ؟؟؟؟

ايوة , عبدالله سلامة في شهادة الميلاد , وشهرتي وجدي سلامة

.......... ليه عملت فينا كدة يا وجدي ؟

اسأل أهلك عملوا كدة ليه في خالتييييييي

خالتك !!!

عمري ما هننسوا اليوم ده , اليوم اللي خالتي رَجَعت فيه بقميص نوم قدام الحتة كلها , ومعاها رجالة أندال , اتبلّوا عليها انها كانت ماشية في الحرام وخلّوا جوزها يمرمي عليها اليمين قدام الناس كلهاااااااا , أاااااااااخ كنت عيل صغير , لا حول ولا قوة , شايف خالتي بتتظَلَم قدام عنيا ومش قادر نعملوا حاااااااااجة , ما كانش حيلتي غير دموعي وقلة حيلتيييييييي , كنت خايف منهم , مرعووووب , بنرجف من الخوف , قعدت نبكي ونصرخ بصوت عالي لكن كنت عيييييييل لا حد شايفني ولا سامعني , بس كان جوايا نااااااار , عمري ما هننسى ستي اللي وقعت قدام عنيا ميتة من حسرتها على خالتي , عمري ما هننسى حياتنا اللي اتحولت سوااااااااد , مش هننسوا أهل الحتة اللي طردونا من بيتنا ملكنا وقالولنا مالكوش قعاد وسطينا , مش هننسوا خروجنا اني وامي وخالتي في نصاص الليالي واحنا مش عارفين رايحين على فين , لا معانا فلوس , ولا معانا حد يحسسنا بالأمان . قعدنا في عشة صفيح ما كانتش بتحمينا من برد الليل ولا بترحمنا من حر النهار , وعشان ناكلوا ونشربوا ونلاقوا قرش نصرفوا منه , أمي وخالتي عملوا نصبة شيّ وبقوا يبيعوا للعمال والرايح والجاي , مش قادر ننسوا رزالة الرجالة على امي وخالتي , نظراتهم اللي كان كلها طمع في امي وخالتي كانت سكاكين بترشق في صدررررري , ايّوووووووووه ............ شربنا المر واتعذبنا يامَا , واللي ظلمونا عايشين متنعمين ولا كأنهم عملوا حااااااجة , عشان كدة عيشت عمري كله نستنوا اليوم اللي نقدروا ننتقموا فيه لخالتي وسمعتها اللي اتلوثت ظلم , ننتقموا لستي اللي ماتت بسبب قهرتها من ظلم الناااااااس , كان لازم ننتقموا لعرضي وشررررفي ,......... لكن في نفس الوقت كنت شايل جميلك اللي كان دين مطوق رقبتي , حَلَفت لنردوا الجميل للي أسرني بمعروفه , وحَلَفت لننتَقَم من الكلاب اللي نهشوا عرضي ..... ياااااااااااه طعم الظلم مر قووووي , أمر من الحنضل , لما شوفت الظلم اللي وَقَع على خاالتي حَلَفت انّي أول ما نكبر ويشتد عودي لناخدولها بتارها من اللي ظلموها وما نرحموش حددددد , كان كل همي نكون انسان قوي , عندي قوة الجسد وقوة المال عشان ما حدش يدوس عليا ولا يستضعفني في الدنيا دي , اتعلمت كاراتيه من صغري على ايد مدرب كبير , فَضَلت سنين نتدرب بكل قوتي لحد ما خدت الحزام الأسود , بعدها فتحت صالة للألعاب الرياضية وبندرب فيها الكبار والصغيرين . حققت حلم قوة الجسد , لكن ما قَدَرتش نحقق حلم المال

يا وجدي المال مش كل حاجة , عمر ما كان المال بيحقق السعادة

قلتلك يا أستاذ أحمد المال مش هدفي , ولا كنت عايز نحقق سعادة من وراه , أنا كنت عايز المال بس عشان الناس ما بتهابش غير صاحب القوة أو صاحب المال , والحمدلله ربنا اداني القوة والمهابة قدام الناس , ومش عايز حاجة تاني من الدنيا

احذر يا وجدي انك تستخدم قوة جسدك فيما يغضب الله

حاولت نستخدمها عشان ناخد بتاري ..... كان نفسي ننتَقم من اخوك اللي اسمه أدهم , أأأاااخ بنكرهوووووه , عمري ما كَرَهت حد في دنيتي قد ما كَرَهت البني أدم ده , بني أدم !!! لالالا مش ممكن يكون بني أدم , تعرف يا أستاذ احمد , احنا فكرنا نقتلوه

تقتله !!!

أيوة , وفعلاً جبت مسدس , وراقبت كل تحركاته , وقلت أول ما هتيجي الفرصة المناسبة هنفرغوا رصاص مسدسي في قلبه , وجاتلي بدل الفرصة عشرة , وكل ما نوجه المسدس ناحيته ايدي ترتعش ونفكر في حساب ربنا , أكتر من مرة واحنا نتراجع في آخر لحظة , وفي الآخر قلت لنفسي اللي بيني وبين العيلة دي تار عرض , مش تار دم

عشان كدة قررت تنتقم مننا في نورهان يا وجدي ؟

صدقني يا أستاذ احمد , أنا ما أذيتش نورهان , مش نورهان اللي تستاهل الأذية , نورهان دي أنا ما شوفتش في برائتها , إنسانة طيبة أوي , لازم تعرف ان اللي خلاها تستجيبلي هو فقدانها الحب والحنان من اللي حواليها ,, حافظت على نورهان زي ما تكون أختي , ما مستش شعرة فيها , كنا عايزين ننتَقَموا من امها ونوزعوا صورها وندوقوها من الظلم اللي ظلمته لخالتي .... لكن ما قَدَرتش ..... خوفت من حساب ربنا ..... خوفت منه لما نتعرض عليه يوم القيامة ويقولي فضَحت عرض الناس ليه ........ السؤال اللي عايز نعرف اجابته دلوقتي يا أستاذ احمد , هما اللي بيقدروا على ظلم الناس بيقدروا ازاي ! ! ازاي يا أستاذ احمدددددد !!!!!!

........... احنا آسفين يا وجدي ..... حقيقي آسفين , بالنيابة عن كل عيلتي بنعتذرولك , انت فعلاً اتظلمت بسببنا , خالتك اتظلمت ... والدتك اتظلمت ... كل حاجة وحشة حصلتلكو كانت بسببنا

لا يا أستاذ احمد , ما تجمعش نفسك معاهم , انت خسارة في العيلة دي كلها , احنا مش عارفين انت منهم ازاي ! .... أكيد الجميل اللي عملته معايا , وافعالك الطيبة مع الناس كلها ربنا جعلها سبب في حماية نورهان ....... سامحني يا أستاذ احمد , أنت أرجل واحد شوفته في حياتي , ايدك ممدودة بالخير للي تعرفه واللي ما تعرفوش , عشان كدة ربنا بيكفيك شر خلقه

أنا مُصر يا وجدي أنّي ما نعفيش نفسي من اللي عملوه أهلي ....... سامحني يا وجدي , أرجوك سامحني

يا أستاذ أحمد أنا اللي بنرجوك تسامحني , مش أنت المقصود , ولا نورهان المقصودة

يا وجدي أنا حاسس بيك , وملتمسك العذر في اللي انت عملته , الظروف البشعة اللي انت مريت بيها , هي اللي كونت جواك رغبة جامحة في الإنتقام ,  أحنا بنطلب منك العفو يا وجدي ,   وبنذكرك  بالآية الكريمة اللي بتقول , بسم الله الرحمن الرحيم

 وَجَزَاءُ سَيِّئَةٍ سَيِّئَةٌ مِّثْلُهَا ۖ فَمَنْ عَفَا وَأَصْلَحَ فَأَجْرُهُ عَلَى اللَّهِ ۚ إِنَّهُ لَا يُحِبُّ الظَّالِمِينَ

............ كان نفسي نكون زيك يا أستاذ احمد , لكن ما قَدَرتش , انت ازاي بقيت كدة يا أستاذ احمد ؟

عمري ما انتقمت لنفسي مهما اتظلمت يا وجدي , دايماً نقابلوا الشر بالخير , نقابلوا القسوة بالحنان , ما بضمرش أي كره لحد مهما كان بيكرهني , وده مش عشان ننال رضا الناس , لكن عشان ننال رضا ربنا

ونعم بالله يا أستاذ احمد .... كل يوم بنتعلم منك درس جديد , بس الدرس اللي ادتهولي المرة دي هو درس عمري , لإنك بدل ما تغضب بسبب اللي عملته فيك , احتوتني بمجرد ما عَرَفت السبب في اللي انا عملته , وبتحاول تسترضيني وتطلب مني العفو رغم اني اتسببت في ألم وعذاب طول الأيام اللي فاتت

انت صحيح اتسببتلنا في ألم وعذاب طول الأيام اللي فاتت , لكن احنا اتسببنالك في ألم وعذاب طول السنين اللي فاتت , للمرة التانية بنطلب منك تسامحنا , واتفضل الخمسة مليون جنيي دول تعويض بسيط عن اللي فات

شيل فلوسك يا أستاذ احمد , احنا مش عايزين فلوس , طول عمري بنكرهوها , هي السبب في خراب ذمم الناس وظلمهم لبعض , هي سبب القتل والدم والدمار اللي مالي العاااااالم , شيل فلوسك يا أستاذ احمد

ماشي يا وجدي , لكن مش عايز الود اللي بينا يتقَطَع , يعني تيجي من وقت للتاني تسأل عليا وتطمني عليك , ولا انت خلاص هتستغنى عني ؟ هه

احنا ما نقدروش نستغنوا عنك يا أستاذ احمد , أنا اللي كنت خايف ان اللي حصل ده يكون سبب قطيعة بيني وبينك

لا يا وجدي , انت غالي عندي اوي وعمري ما ننسى اللي عملته عشاني , لكن في حاجة واحدة مش هنتنازلوا عنها

هي ايه يا أستاذ احمد ؟

انّي ننادوك بعبد الله هه ده الأسم اللي عَرَفتك وحبيتك بيه

واحنا كمان بنحبوا الأسم ده يا أستاذ احمد عشان هو اللي قربني منك

متشكر يا عبد الله ... من فضلك عايز نورهان عشان نمشي

نورهان في الدور اللي فوق , وده المفتاح , اتفضل

شكراً  يا عبد الله

**************************

خلف هذه الجدران,هبة عبد العظيم نور

**************************

سامعة حد بيفتح الباب بالمفتاح , أكيد نسيم طبعاً

نورهااااااان

خالو احمدددد !!!! ...... خالوا أنا ... أأأنا

ما تقوليش ولا كلمة يا حبيبتي , مش عايز نسمع مبررات للي حصل , كفاية انك بخير قدامي , وحشتيني يا نورهان , تعالي في حضني

خالو اهئ اهئئئئئئئ وحشتني يا خالو

وانتِ كمان وحشتيني يا حبيبتي , كدة برضو تفجعينا يا نورهان !!! أمك هتتجنن عليكِ , وابوكِ عمال يدور عليكِ في كل مكان زي المجنون

ماما وبابا ! .... هما زعلوا عشاني يا خالو ؟

ده سؤال برضو يا حبيبتي ! احنا كلنا بنحبك يا نورهان , أنا وأبلة هيام سيبنا بيتنا وقاعدين مع مامتك عشان نخفف عنها أحزانها بسبب غيابك

بجد يا خالو ؟ هو أنت وماما اتصالحتوا ؟

ايوة يا حبيبتي , الحمدلله

ياااااااااه الحمدلله , يعني هتبقوا تيجوا تزورونا على طول واحنا كمان نزوروكو يا خالو ؟

أيوة طبعا , دي كمان خالتك رحمة في البيت عندكو مع مامتك من ساعة غيابك

معقول ! .... لالالا أكيد ده حلم وهنصحوا منه نلاقوا كل حاجة زي ما هي .... كل واحد مخاصم التاني , والدنيا وحشة أوووي , أكيد ده حلم

لا يا حبيبتي مش حلم , هتيجي معايا وتشوفي بنفسك

طيب والكلام الوحش اللي اتقال على ماما ؟ هنواجه الناس ازاي يا خالو ؟

لا يا حبيبتي , الكلام مش صحيح , ماما اتقبض عليها عن طريق الخطأ , ماما بريئة يا نورهان

 يااااااااااه ماما بريئة , الحمدلله , اشكرك يا رب .........لكن انت عَرَفت مكاني ازاي يا خالو ؟

عبدالله هو اللي قالي على مكانك

عبدالله !! مين عبد الله ؟

عبد الله اللي جيتي معاه هنا

أنا جيت هنا مع نسيم

عبد الله هو نسيم

....... أنا مش فاهمة حاجة يا خالو , أكيد أنت غلطان , أنا جيت مع نسيم , هو اسمه نسيم مش عبدالله , اكيد انت اتلخبطت في اسمه , لكن هو ازاي يتصل بيك من غير ما يقولي ؟

حضري شنطتك عشان نمشي يا نورهان

...... خالو ..... هو .... هو نسيم قالك أنه مش عايزني عشان كدة اتصل بيك تيجي تاخدني ؟

يا حبيبتي , نسيم مالوش أي صفة ولا حكم عليكِ , عشان كدة وجودك هنا مش طبيعي

..... أنا فاهمة يا خالو . بس .... بس نسيم قالي انه ..... انه هيتجوزني

من ورانا يا نورهان ؟؟؟

....................................................

على العموم يا حبيبتي احنا لازم نمشوا دلوقتي

..........حاضر يا خالو

احنا هنسبقوكِ على تحت لحد ما تغيري هدومك , عن اذنك

........ هو ايه اللي بيحصل ! ....... هو نسيم غيّر رأيه ومش عايز يتجوزني !!! ...... ايه اللي غيرك يا نسيم !!!أنا مش هنسكت , لازم نواجهوه , لازم نعرفوا ايه اللي غيره من ناحيتي بالسرعة دي

**************************

خلف هذه الجدران,هبة عبد العظيم نور

**************************

نعملولك شيّ يا أستاذ احمد على ما نورهان تنزل ؟

كتر خيرك يا عبد الله , أنا مستعجل والله

......... أستاذ احمد

ايوة يا عبد الله

...... أنت مسامحني من قلبك ؟

مسامحك يا عبد الله ... مافيش في قلبي من ناحيتك إلا كل الخير اللي قدمتهولي

طب تفتكر نورهان هتسامحني ؟

.... مش عارف

نورهان نازلة , هنطلعوا ناخدوا منها الشنطة

طيب يا عبد الله

*****

عنك الشنطة يا نورهان

نسيم

نعم

خالو هياخدني وهيمشي , انت ما قولتلوش انك هتتجوزني ؟

......لا

ليه ؟؟؟؟

يلا يا نورهان عشان الأستاذ احمد مستني وعمال يبصلنا

******

اتفضل شنطة نورهان يا أستاذ احمد

متشكر يا عبدالله

عبدالله !!! ده نسيم يا خالو , اسمه نسيمممم

أنا عبد الله يا نورهان ... مش نسيم

.............. في ايه يا خالو ؟ أرجوك فهمنييييييي

اللي قدامك ده يبقى وجدي ابن اخت بدور .... فاكراها ؟

ماما بدور !!! ...... طب خبا عليا وكِدِب ليه وسمى نفسه بإسم غير اسمه ! كدبت عليا ليه يا وجددددي ؟؟؟ كنت بتخدعني !!! ...... انت يا وجدي كنت بتخدعنييييي !!!

................................................

طيب وماما بدور ؟ .... ماما بدور عارفة اللي انت عملته ده ؟؟؟؟؟

لالالا ما تظلميش خالتي , دي بتحبك أوي يا نورهان , دي ما تعرفش أي حاجة , أنا اللي ........

أنا فهمت من غير ما تكمل , أنت كنت عايز تنتقم لماما بدور , وما لقيتش قدامك غيري عشان تنتَقَم منها .... مش كدة يا ..... يا وجدي ؟ اهئ اهئئ .... طب أنا ذنبي ايه ؟؟؟ .....أنا  أذيتك في ايه  يا وجدي ؟؟؟ اهئ اهئئئئئئ

 ......... أرجوكِ سامحيني يا نورهان , ارجوووووكِ ...... أنا فعلاً غلطان ... ماعنديش أي دفاع عن نفسي

أنت ندددددددل , أندل إنسان شوفته في حياااااااااتي  اهئ اهئئئئ منك لله يا وجدي , منك لله .... عمري ما هنسامحك أبداً لحد ما نموت اهئ اهئئئئئئ يلا نمشي من هنا يا خالوووو

يلا يا نورهان

**************************

خلف هذه الجدران,هبة عبد العظيم نور

**************************

هو ده كل اللي حصل مع نسيم يا خالو ... قصدي وجدي اهئ اهئئئئ بس والله يا خالو ما عملتش حاجة غلط اهئ اهئئئئ أنا صدقته عشان قالي اننا هنتجوز اهئ اهئئئئ

نورهان .... أنا عندي كلام يامَا كنت عايز نقولوه ..... لكن انتِ في حالة ما تسمحش بالعتاب

قول اللي عايز تقوله يا خالو ... انا سمعاك ومش هنزعل من أي حاجة تقولها مهما وجعتني

يا حبيبتي أنا مش عايز نقولك كلام يزعّل , أنا كل اللي عايز نقولوه ان ما كانش يصح ولا ده من ديننا إنك تتعرفي على واحد غريب عنك وتتكلمي معاه وتخرجي معاه لوحدك , انتِ كان ممكن تضيعي يا نورهان لولا ستر ربنا

أناعارفة إنّي غلطانة يا خالو , بس والله غصب عني ,ماكنتش لاقيا حد يهتم بيا اهئ اهئئئئ ماما على طول مشغولة عني , عمرها ما قالتلي في مرة تعالي يا نورهان نتكلم مع بعض , عمرها ما طبطبت عليا ولا سألتني إن كان في حاجة مضيقاني , عمرها ما سألتني عن مشاكلي أو حاولت تحلهالي اهئ اهئئئئ طول عمري بنحل مشاكلي بنفسي , صح أو غلط مش مهم , المهم إنّي بنتحمل النتايج لوحدي اهئ اهئئئئئئ .... مافيش علاقة بتربطني بماما غير الأوامر والصوت العالي , واعملي ده وما تعمليش ده ... لكن العلاقة الجميلة الدافية اللي بتربط الأم ببنتها ما كانتش موجودة اهئ اهئئئئ ... لكن نسيم ... أقصد وجدي , عوضني عن كل ده بكلامه الرقيق وحنيته عليا , اداني كل المشاعر اللي كنت مفتقداها من أهلي ... كنت دايماً في أي مشكلة نلاقوه جنبي بيحلهالي .... يا خسارة ... ما كنتش عارفة ان وجوده في حياتي مجرد محاولة انتقام مش أكتر اهئ اهئئئئئئ .... ليه أنا حظي كدة يا خالو ؟ ... ليه مافيش حد بيحبني حقيقي ويخاف عليا من قلبه ؟ اهئ اهئئئئ

يا نورهان يا حبيبتي لازم تعرفي أن ماما وبابا وأنا وكلنا بنحبك يا نورهان ... يمكن الظروف القاسية اللي مرت في حياتك وطلاق والدك ووالدتك هما اللي خلوا كل اللي حواليكِ يتصرفوا بالشكل ده من غير ما يحسوا انهم بيظلموكِ وبيدوسوا على مشاعرك ... لكن صدقيني بابا وماما أكتر قلبين بيحبوكِ في الدنيا لكن ....

خالو من فضلك ما تدافعش عنهم

حاضر .... لكن بالنسبة لعبدالله فهو ضحية هو كمان , القهر والظلم اللي اتعرض لهم هما اللي خلوه يفكر بالشكل ده , لكن صدقيني هو إنسان طيب بجد , حتى الإنتقام ما قَدَرش عليه

ما قَدَرش عليه !! ....هو الإنتقام معناه عندك يا خالو هو القتل والحرق والدم !!! .... ودبح المشاعر وألم الروح ده ما يعتبرش انتقام عندك يا خالو ؟ .... يا ريتني كنت مت وما عَرَفتش ان نسيم بيمثل عليا اهئ اهئئئئئئ

حبيبتي انتِ لسة صغيرة والمستقبل قدامك كبير , وسنينك اللي جاية أجمل إن شاء الله , بكرة بإذن الله ربنا يرزقك بإنسان طيب زيك ويكون يستاهلك

اهئ اهئ اهئئئئئئئئئئئئ

كفاية عياط بقى خليني نتصَل نطمن ابوكِ هه

ترررررررررررررررررررررررررررررررررررن

ايوة يا احمد

السلام عليكم يا سامي

عليكم السلام , في جديد يا احمد ؟

أنا عَرَفت طريق نورهان وروحت جيبتها , واهي معايا في العربية وراجعين على اسكندرية

هي كانت برا اسكندرية ! لقيتها فين يا احمدددد ؟

لما نشوفوك هنحكولك , هنستنوك في شقة أوسا بعد ساعة ان شاء الله على ما نكونوا وصلنا

ماشي يا احمد , هنكونوا عندك في المعاد , اديني نورهان نكلموهااااا

معلش , لما تشوفها ابقى اتكلم معاها براحتك

ماشي , هنكونوا عندك في المعاد ان شاء الله , سلام يا احمد ... ولا يا حمووووووو

نعم يا أستاذ سااااااامي

خد العشر تلاف جنيي دي وزّعها ع الغلابة اللي في الحااااااارة

بمناسبة ايه ؟؟؟

نورهان بنتي رَجَعت هههه

وربناااااا ! ههه الف مبروك يا أستاذ سامي , باركلنا احنا كمان

على ايه يا ولا ؟

أمي طردت اختي رزقة من البيت وفرقنا رز بلبن ع الجيران

ههه خير ما فعلت امك يا ولا , اختك دي وبا وبااااااا وطاعون كماااااان

ربنا يكفينا ويكفيك شر الوبا والمرض يا أستاذ سامي

آمين , انا ماشي يا ولا , نيجوا نلاقوك فرقت الفلوس ع الغلاااااااابة , خلي بالك من المحل يا رمضاااااان ركز في شغلك يا عباااااااس

حاضر يا أستاذ ساااااااامي

سلام يا أستاذ سامي ... أما ننادوا ع الشحات ده , خد يا ولا يا شحات يا فقري انتتتتتتت

عايز ايه ؟

خد عشرة جنيي من العشرين دول وهات الباقي

باقي ايه يا عممم !! نجيبولك منين !!!

على رأيك ,أنا بقالي عشرين سنة بنشتغلوا في المحل ده وكل يوم نشوفوك بتشحت ولسة لحد دلوقتي ما رَكَبتش عربية ولا اشتريتلك شقة ع البحر

ما احنا لسة بنحوّش

حوش يا اخويا حوّششش , ان شاء الله ولادك هما اللي هيتهنوا بالفلوس اليامَا اللي انت محوشها دي , وانت هتعيش شحات وتموت شحاااااااات

يا عم انا حيلتي حاجة ! كريم يارب

**************************

خلف هذه الجدران,هبة عبد العظيم نور

**************************

أبلة هياااااام أبلة هياااااام , ده احمد جه تحت ومعاه نورهااااان

صحيح يا رحمة ؟؟؟؟

ايوة والله شوفته بينزل الشنطة من العربية وطالع هو ونورهان , أنا هروح افرّح أبلة اوسا هههه

وانا هروح افتح بسررررعة , اللهم لك الحمد يارب

**************************

خلف هذه الجدران,هبة عبد العظيم نور

**************************

السلام عليكم يا هيام

عليكم السلام يا احمد , نورهاااااان ههه اموووه اموووه حمدالله ع السلامة يا حبيبتي , وحشتينييي , نورتي بيتك

متشكرة يا أبلة هيام , عن اذنك

هي مالها يا احمد ؟

مرهقة يا هيام

نورهااااااان بنتييييييي اهئ اهئئئئ يا حبيبتي يا نورهااااان تعالي في حضني اموووه امووووه كدة برضو يا نورهان تعملي في امك كدة ! اهئ اهئئئئئ عايزاني نموت بحسرتك يا حبيبتي !!!

...... ازيك يا ماما

أنا بخير طول ما انتِ بخير يا حبيبتي اموووه اموووه كنتِ فين يا نورهان , كنتِ فيييين ؟

اوسا , سيبيها ترتاح , ادخلي اوضتك ارتاحي يا نورهان

تدخل أوضتها ده ايه ! دي هتفضل في حضني كدة ومش هنسيبوها اهئ اهئئئئئ تعالي يا حبيبتي , تعالي يا نور عيني اموووه وحشتيني يا نورهان

....... بجد يا ماما ؟

اخص عليكِ يا بت ! ده سؤال تسأليه !!! طمنيني يا نورهان , انتِ بخير ؟ حد مد ايده عليكِ ؟؟؟ طمنيني يا بنتييييي

اطمني يا ماما , أنا بخير الحمدلله

الحمدلله والشكر لله , أنا دعيت يامَا انك ترجعيلي بخير والحمدلله ربنا استجاب دعايا

الحمدلله يا ماما

الكميل الصغنون حبيب خالتو هههه حمدالله ع السلامة يا نورهاااااان

انتِ خالتي رحمة , مش كدة ؟

ههه ايوة , مش شيفاني شبهك ازاي ! حمدالله ع السلامة يا حبيبتي امووه امووه قلقتينا عليكِ اوي

ربنا يخليكِ يا رحمة

ايه رحمة دي يا بنت ! هو عشان انا مش أكبر منك بكتير هتاخدي عليا وترفعي الألقاب ! هههه اسمي خالتو رحمة يا بنت هههه

هه

ممم بتضحكِ بالعافية كدة ليه ! انتِ متضايقة من حاجة يا نورهان ؟

رحمة , سيبيها ترتاح , الأيام اللي فاتت كانت صعبة عليها يامَا واكيد ماعندهاش استعداد تتكلم

طيب يا احمد , المهم انها رجعت بالسلامة , حمدالله على سلامة نورهان يا أبلة أوسا

تعيشي وتسلمي يا رب يا رحمة

تررررررررررررررررررررررررررررررن

هيام , خدي رحمة وادخلوا جوا , أنا اللي هنفتح 

حاضر يا احمد

ده باين عليه سامي يا أوسا اللي بيرن الجرس

سامي !!!وايه اللي عرّف سامي ان نورهان رَجَعت ؟

أنا اللي اتصلت بيه عشان نطمنوه

**************************

خلف هذه الجدران,هبة عبد العظيم نور

**************************

سلامو عليكو يا احمد

عليكم السلام يا سامي , اتفضل

نورهاااااااااااااان

باباااااااااا اهئ اهئئئئئ

يا حبيبتي يا بنتي اموووه اموووووه بقى كدة يا بت تفجعينا عليكِ الفجعة دي !!! كنتِ فين يا بت ؟؟؟

احنا اللي هنقولولك يا سامي , بنتك كانت عند وجدي

وجدي !!!! وجدي مييييين ؟

وجدي ابن اخت بدور

بدوررر !!!!

 هي البت دي لسة عايششششة !!! سامع يا سي سااااااااامي ! تبقى هي اللي سلطت الولا الصايع ابن اختها يخطف البتتتتتتتت

أوسا وطي صوتك من فضلك , أحنا بنتكلموا بهدوء

هدوء ايه يا احمد بعد المصايب اللي جتلنا من ورا ابن اخت الخداااااااامة , ادينا عنوان الولا ده واحنا نشيعوله رجالة أدهم يقطعوه حتتتتت

أوساااااا , اللي عمله وجدي ده انتِ السبب فيه

أنا يا احمد !!!

أيوة انتِ يا أوسا , انتِ اللي اتفقتِ مع أدهم على خالته وبهدلتوها وشوهتوا سمعتها بالباطل , بسببكوا خرجوا من بيتهم متهانين ومكسورين , انتِ وأدهم اللي زرعتوا في قلب الولا عداوة من ناحية عيلتنا , ده اللي خلاه ينتَقَم من بنتك

ينتقم من بنتي !!! ... نورهاااااان انتِ كويسسسة ؟ قوليلي الصرااااااحة , الولا ده عمل فيكِ ايييييييه ؟

يا ماما قولتلك أنا كويسة , نس...قصدي وجدي ما أذنيش ولا مد ايده عليا

اخ يا نااااااااري , مالقاش إلا بنتي عايز ينتَقَم منهااااا !!! أما ولا واطي وتربية شوارع صحيححححح

يعني برضو شايفة ان الولا غلطان ؟؟؟ وانتِ ما غَلَطتيش يا أوسا يوم ما اتآمرتي على خالته وكنتِ السبب في فضايحهم وموت جدته بحسرتها  ؟؟؟

ما تموت ولا تغور في داهيييية , يولع هو وخالته  وأهله كلهمممممم , المهم ان بنتي رَجَعت بالسلامة

ساكت ليه يا سامي !!

بسمع والكلام وجع قلبي  , انت شوفت بدور يا احمد ؟

هو ده اللي هامك يا سي ساااااااامي !!! ومش هامك اللي عمله الولا ابن اخت الزبالة اللي كنت متجوزها عليا وبتصرف عليها فلوسييييي !!! واحد غيرك عنده دم كان راح للولا ده قطّعه بسناااااانه

ما كفاياكِ تقطيع في الخلق يا أوسااااااا , مش مكفيكِ اللي عملتيه فيا وفيها زمااااااان !! انتِ اييييييه ! ما بتوبيششششش !!! ........ احمد , اديني عنوان وجدي

حاضر يا سامي .................................... كتبتهولك في الورقة دي , اتفضل

متشكر يا احمد , يلا يا نورهان عشان هتروحي معايا

تروح معاك على فيييييين ! بنتي مش هتسيبني يا ساااااااااامي , أنا هناخدوها ونرجعوا الفيلا عند ماما النهاردة

وأنا بنقولولك هناخدوا البت معايا ومش هنسيبوهالك تاني يا أوساااااااا

سامعة اللي بيقولوا ابوكِ يا نورهااااااان !!! ردي عليه عشان يتكَتَم وقوليله مش هنسيبوا ماماااااا

من فضلك يا ماما , أنا عايزة نعيش مع بابا

ايه !!! انتِ بتقولي ايه يا بتتتتتتتت !!!

معلش يا ماما , سيبيني على راحتي

بقى كدة يا نورهان ! ..... بتنصري ابوكِ علياااا !!! يا خسارة دموعي اللي ما نَشَفتش عليكِ اهئ اهئئئئئئ يا خسارة كل أه كانت بتشق صدري من الحزن عليكِ اهئ اهئئئئ اخص عليكِ يا نورهان اهئ اهئئئئ

معلش يا ماما .... أنا أسفة , يلا يا بابا

يلا يا بنتي

نورهااااااااان يا نورهاااااااااان , شوفت البت واللي عملته يا احمد !!! اهئ اهئئئئئئ البت قلبها قَسَى عليا اهئ اهئئئئئ

معلش يا أوسا , نورهان أعصابها تعبانة , أكيد لما تهدا هترجع تعيش معاكِ في الفيلا إن شاء الله

ابلة أوسا , هي نورهان راحت فين ؟

مَشَت مع ابوها يا رحمة , شوفتي اللي كنت هنموتوا نفسي عليها يا رحممممة ! اهئ اهئئئئ

ما تزعليش نفسك يا أبلة , اكيد باباها واحشها وعايزة تقعد معاه شوية وبعدين هترجعلك , نورهان ما تستغناش عنك يا أبلة أوسا

ترجع بقى ولو ما ترجعش هي حرة اهئ اهئئئئ انا قلبي اتقفل من يمتها اهئ اهئئئئ

هياااااااام

ايوة يا احمد ... ايه ده ! هي نورهان فين  يا احمد؟

روحت مع ابوها , روحي انتِ ورحمة ساعدوا أوسا تلم هدومها والحاجات اللي محتاجاها عشان نرجعوها الفيلا

حاضر , يلا يا رحمة , قومي معايا يا أوسا

ماشي يا هيام .... يا خسارة يا نورهان اهئ اهئئئئئ

**************************

خلف هذه الجدران,هبة عبد العظيم نور

**************************

كابتن وجدي اهو يا معتصم , مش كنت عايز تسأله قافل الصالة ليه ؟

ايوة , بقالنا يامَا ما اتمرناش ,  أنا هنروحوله كابتن وجددددددي

كابتن وجددددي , حمدالله ع السلامة يا كابتن

الله يسلمك  يا معتصم

انت قافل الصالة ليه ؟ أنا كنت عايز نرجع نتمرن معاك

ان شاء الله هنفتحوها يا معتصم

طب كويس الحمدلله , أنا ليا اتنين اصحابي لما لقوك قفلت الصالة راحوا يتمرنوا مع كابتن محمد زهران

هه ما روحتش معاهم ليه ؟

بقى معقول يا كابتن نسيبوا كابتن وجدي أحسن مدرب كاراتيه ونروحوا لأي حد !!!

متشكر يا سيدي , على العموم انا هنفتح الصالة بكرة ان شاء الله

ماشي يا كابتن , هنقولوا لاصاحبي ونجولك كلنا , سلام يا كابتن

الله يسلمك يا معتصم

**************************

خلف هذه الجدران,هبة عبد العظيم نور

**************************

سلامو عليكو يا امّا

عليكم السلام يا وجدي , رَجَعت بدري يعني !

خالتي بدارة فين ؟

نايمة

طيب هندخلوا نصحوها عشان عايزينها في كلمتين

ايوة يا اخويا ما انت سرك كله مع خالتك وانا ولا كأني امك

ههه انتِ الخير والبركة يا امّا

***************

تن تن خالتي بدارة

ادخل يا وجدي

الله ! ما انتِ صاحية اهو , اومال امي قالتلي انك نايمة ليه ؟

أنا قلتلها داخلة ننام , حاولت ننام وما قَدَرتش

ليه ؟

بالي مشغول أوي على نورهان , قلبي بيتقطّع عليها , ياترى راحت فين وجرالها ايه !!

.........رَجَعت لأهلها

بجد يا وجددددددي ؟

ايوة

وعَرَفت منين ؟ نشروا عنها خبر في الجورنال ؟

لا

أومال عَرَفت منين يا وجدي ؟

أنا اللي اتصلت بخالها احمد عشان يجي ياخدها

ايييييييييه !!! ...... أنت يا وجدي !! أنت تعمل كدددددة !!! .... بتعمل ده كله عشان الفلوس يا وجددددددي ؟؟؟ بتتاجر بأعراض الناس عشان تاخد مليون جنيي يا وجددددي !!! أنت فاكر ان ربنا هيباركلك في الحرااااام !!!! هتقول ايه لربك لما يحاسبك عن الفلوس ده وعن الطريقة اللي خدتها بيهااااا !!!

يا خالتي اسمعيني

مش عايزة نسمعوا حااااااجة , أنا قلتلك لو كنت انت اللي ورا الحكاية دي يبقى ده آخر الكلام بيني وبينك , وطالما قَبَلت على نفسك فلوس حرام يبقى يحرم عليا ناكلوا معاك في طبق واحددددد , اخص عليك يا وجدي اخصصصص , يا خسارة التربية اللي ربيتهالكككك

في ايه يا بدارة ؟ بتتعاركي مع وجدي ليه ؟

................................................

مزعل خالتك ليه يا وجدي ؟

........................................

ما ترد على امكككك, ساكت ليييييييه ! ابنك يا ابتسام هو اللي خطف بنت سامي ورجعلها لأهلها بعد ما قبض التمننننن

صحيح الكلام اللي بتقوله خالتك ده يا وجدي ؟

........ نصه صح ونصه ما حصلش يا امّا

يعني ايه يا وجدي ؟

يعني انا ما خدتش ولا مليم من عيلة عادل سليم , ولا كان في نيتي الفلوس من الأساس .... أنا كنت بنعمل كدة عشان ننتَقَم لخالتي , خالتي اللي دلوقتي بتتهمني إنّي عملت كدة عشان المااااااااال  , أحمد عادل سليم قدملي  شنطة فيها خمسة مليون جنيي وكان هيسيبهالي عن طيب خاطر بعد ما عرف السبب اللي خلاني نعمل كدة , بعد ما عَرَف ان ايدي ما اتمدتش بأذى لبنت اخته , وان كل اللي عملته كان رد على اللي عملوه في خالتي وفينا زمااااااااان , لكن أنا رفضت ناخدوا ولا مليم , عارفة ليه يا خالتي ؟

...........................................

عشان انا ما نقبلوش الحراااااااام ..... أنا هناخدوا شنطة هدومي ونروحوا نقعدوا في البيت التاني عشان نريحوكِ يا خالتي  ...... بس عايزك تفتكري حاجة واحدة يا خالتي , انّي ما عملتش كدة إلا عشان بنحبوكِ , بنحبوكِ أوي

..........................................

......سلام يا خالتي

عاجبك كدة يا بداااااارة ! ده جزاء الولاااااا !!! استنى يا وجدييييي استنى يا ابني , أما نحصلوا الولا نهدوه بكلمتين

******

بتعمل ايه بس يا وجدي ! سيب الهدوم مطرحها في الدولاب , مش هتمشي من هناااااا

سيبيني براحتي يامّا , وقولي لخالتي إنّي أجّرت القهوة لعم غانم , والإيجار هيوصلكو أول كل شهر مع مراته

كدة يا وجدي !!! ... يعني تقصد انك خلاص هتتخلى عني وعن خالتك ؟

لا عيشت ولا كنت يامّا لما نتخلوا عنكو , أنا بس أجرت القهوة عشان مش فاضيلها , هنتفرغ للصالة , وكمان عشان خالتي ما تنزلش وسط الرجالة تدير القهوة في غيابي , عرضي غالي , غالي أوي يا امّا , نشوفوا وشك بخير , سلام يا امّا

وجدددددي استنى يا وجددددي اهئ اهئئئئئ ما تخلنيش نجري وراك كدة يا ولاااااا  , وجدددددددي ....... مَشَى , الولا سابنا ومَشَى .... ارتحتِ يا بدارة !!!!

.......... أنا داخلة نتوضى عشان نصلي العصر

**************************

خلف هذه الجدران,هبة عبد العظيم نور

**************************

نورهان رَجَعت يا ابوياااااا نورهان اهيه

نورهاااااااان هههه حمدالله ع السلامة يا حبيبتي , غيبتك طالت والقلب انفطر من الحزن عليكِ , وحشتيني يا بتتتتت

جدوووو اهئ اهئئئئ وحشتني يا جدووو , ايدك نبوسوها اموووه

ههه بتبوسي ايدي ! ده ابوكي عمره ما عملها يا بت

يا ابويا احنا نبوسوا رجلك قبل ايدك , وادي ايدك اهيه يا حاج مرشدي يا ابو الكل اموووه ادعيلي وادعي لبنتي يا ابويا

الله يصلح حالك وحالها يا ابني ..... كنتِ فين يا بت يا نورهان ؟

..............................................................

دي حكاية طويلة يا ابويا , هنحكوهالك بعدين , بس نغدي البت دي الأول

ترررررررررررررررررررررررررررررن

دي لازم اختك كاميليا اللي ع الباب , احنا قولنالها انك رايح تجيب نورهان

طيب هنفتحولها

****

أهلاَ يا كاميليا , ادخلي

أهلاً بيك يا سامي , حمدالله على سلامة نورهان ههه , بت يا نورهااااااان

عمتوووو

يختي اسم الله عليها حبيبة عمتها اموووه اموووه حمدالله ع السلامة يا بت

الله يسلمك يا عمتو اهئ اهئئئئ

ايّوووه ! ايه لزوم العياط يا بت ! ربنا ما يجيب عياط ولا نكد تاني , شوفي بقى يا بت يا نورهان , انتِ مش هتسبينا تااااااني , احنا بنقولولك قصاد ابوكِ أهو , كفاية علينا بعاد لحد كدة , انتِ عيشتِ مع امك يامَا اوي وما اتهنيناش بيكِ , طول عمرنا نشوفوكِ زي الطيف اللي بيختفي بسرعة , لكن دلوقتي خلاص , رَجَعتي لأهلك وناسك ونورتيهم يا حبيبتي امووه شوفي جدك فرحان بيكِ ازاي ووشه منور !! وربنا ما كان بينام ولا عينه بتشوف النوم في غيابك ومافيش على لسانه غير نورهان نورهاااان

يا حبيبي يا جدووو امووه , أنا بنحبك أوي وبنحب بابا , وبنحبوكِ أوي يا عمتو كاميليا انتِ وعمتو أحلام

ههه ان شالله ما نتحَرم منك يا حبيبتي , اسمعوا يا جماعة , الغدا عندي النهاردة بمناسبة رجوع نورهان بالسلامة

تعيشي يا كاميليا يختي , طول عمرك راجل يا بت هههه

هههه يخليك ليا يا اخويا

**************************

خلف هذه الجدران,هبة عبد العظيم نور

**************************

سي أدهم رَجَع من السفر يا ست سعاااااااد

أدهم! هأ.يا مرحب,راجع بعد المرار اللي دقناه ده كله يعمل ايه!!نازلاله

*********

أهلاً يا أدهم,لقيت ست الحسن اللي سايب مصالحك وداير تلف وراها في البلاد ولا لسة؟

ما لقتلهاش أثر,سيبك من الكلام ده وجاوبيني يا امّااااا,الكلام اللي سَمَعته ده حصل؟

كلام ايه؟

حكاية أوسا اللي ملت اسكندرييييية؟

الموضوع اتقفل,أحمد اخوك جاب حقها والمحكمة حكمت بخمسة مليون جنيي تعويض

بقى سمعتنا اللي اتبهدلت في اسكندرية تساوي خمسة مليون جنييي!! نتفَضَحوا وناخدوا قصاد الفضايح كام مليون جنيي يا امّااااا!!!!

ايّووووووه,اومال كنت عايزنا نعملوا ايه يا أدهمممم!!!

الولا الصحفي اللي كتب الكلام الفارغ ده كان لازم نجيبوه ونشربوا من دممممممه,المؤسسة اللي مشغلاه كانت تولع بللي فيهاااااا,احنا مش شوية في اسكندرية يا امّا عشان نسكتوا ع الفضايح دي ونلبسوا طرح زي الحرييييييم

بنقولولك ايه يا أدهم,اللي حصل حصل,وأوسا اختك غلطانة,لو ما كانتش سابت الفيلا وراحت تعيش على مزاجها في شقتها مع البت الخدامة النجسة ما كانش حصل اللي حصل

ايّووووووه البت الخدامة دي لو نطولوها كنّا نقطّعوهاااااااا

خلاص يا أدهم,قلنالك أحمد لم الموضوع,مش عايزين نفتحوا اللي اتقفل تاااااااني

أأأأأخ أحمد,احنا قلنا ان فكرة التعويض دي فكرته,ما هو لو كان عنده دم ولا خايف على اسم العيلة كان قلب اسكندرية عاليها واطيهاااااا,لكن ابنك طول عمره لا بيحل ولا بيربط

واديك رَجَعت,ابقى خلي بالك انت من اسم العيلة

مش قبل ما نلاقوا بنت حامد وناخدوا بتااااااري

خليك وراها,لف البلاد سواح ,اخرتك يا إما هتجنن يا إما هتموت من القهرررر

.........فين أوسا يا امّا؟

أنا أهو يا أدهم...حمدالله ع السلامة

الفيلا دي مش هتخرجي منها تاااااااااني,كفاية فضيحتنا اللي جت على ايديكككِ

ايّووووووه سيبنا في حالنا يا أدهمممم,كفاية بنتي اللي باعتني وراحت لابوها اهئ اهئئئئئ

في ستين دااااااااهية,ما هي بت قليلة الأصل زي ابوهااااا,انتِ يا ولية يا شوقييييية

نعمين يا سي أدهمممم

حضريلنا لقمة نتسمموها على ما نغيروا هدومناااااا

ها! هو انت هتقعدلنا هنا يا سي أدهم ومش هتروح فيلتك؟

عندك اعتراااااض؟

لا ما عنديش,خَلَص ونسينا نجيبوا واحد جديد,يادي الهنا اللي هل علينااااا,بت يا عطااااا,حضري عشا لسي أدهم اللي جه ينورنااااا

عيني يا خالتي شوقيييية

**************************

خلف هذه الجدران,هبة عبد العظيم نور

**************************

أدهم باشا , جمال باشا أبو السعد عايز يقابلك

خليه يدخل

اتفضل يا جمال باشا

صباح الخير يا أدهم باشا , حمدلله ع السلامة

الله يسلمك يا جمال باشا

احنا أول ما عَرَفنا أنك رَجَعت من لندن بالسلامة قولنا لازم نيجوا نسلموا ونطمنوا عليك

فيك الخير يا جمال باشا

طمني , لقيت مراتك ؟

لا ..ما قَدَرتش نوصلوا لأي حاجة ,سألت يامَا في السفارة والقنصلية وفي كل مكان مالقيتهاش , لدرجة اني لفيت االمواني عشان نعتروا على اخوها وبرضو من غير فايدة , مالهومش أي أثر , آآآآخ لو نعرفوا راحت فين , دانا كنت زي المجنون , نمشوا في الشوارع ندور في وشوش كل الماشيين , ندخلوا المحلات ندور , ندخلوا المطاعم ندور, ما خليتش مكان إلا اما دورت فيه , لكن مالهاش أي أثر..أنا تعبت , تعبت يامَا وربنا ومش عارف نعملوا ايه

هه اتجوز

بتهزر !

وربنا ما بنهزر , أنت اللي مكبر الموضوع , ايه يعني ست راحت ! الدنيا مليانة ستات حلوين ينسوا الواحد اسمه ههه

...مراتي مش أي ست يا جمال باشا , ضحى دي عمري كله , حلم حياتي اللي عيشت عشان نحققه , وبعد ما اتحقق وبقى ملكي بصيت حوالية ملقيتوش آآآآه يا ضحى

أنت بتبكي يا أدهم باشا ! ..أول مرة نشوفوا دموعك

دموعي عمرها ما نَزَلت على أي حاجة مهما كانت غالية , لكن دي ضحى ,ضحى

إهدا يا أدهم باشا , ياااه , أنا ما كنتش نعرف إن الحب يعمل كدة

تبقى ما جربتش الحب يا أدهم باشا

الحمدلله يا عم إنّي ما جربتوش , أنا قلبي مافيهوش مكان غير لشغلي وبس , لكن الحريم بالنسبة لي حاجة كدة لزوم المتعة , نتجوزوا اللي تعجبني , ولما نلاقوا اللي احسن منها نطلقوها ونتجوزوا ست ستها , عشان كدة تلاقيني بنستمتع بكل لحظة في حياتي , مش مقضيها حب وتقطيع قلب زيك هه ...لكن ما قولتليش , ناوي تعمل ايه ؟

هنسافروا تاني

تاااااني !!

تاني وتالت ورابع لحد ما نلاقوها

على راحتك يا أدهم باشا ...طب انا كنت طالب منك خدمة صغيرة كدة لاخوك وعشمي انك مش هتكسفني

أأمر يا جمال باشا

احنا  كنا عايزين  منك خمسة  مليون جنيي سلف , اخوك مزنوق في سيولة وما نقدروش نتصرفوا في أي حاجة من ممتلكاتي عشان المشروع الجديد اللي بنعملوه خدت عليه قرض من البنك بضمان أملاكي , وانت عارف البنوك بقى ما عندهومش هزار

تحت أمرك يا جمال باشا

متشكرين يا أدهم باشا , أنا طول عمري نقول أنك صاحب صاحبك وراجل بجد

تعيش يا أدهم باشا

والفلوس هتكون عندك بعد شهر من دلوقتي , ولو عايز ضمان نكتبولك

لالالا , مافيش بينا الكلام ده يا جمال باشا , أنت راجل ليك اسمك ووزنك في السوق ومش جديد عليا

هه متشكر قوي ع الثقة الغالية يا أدهم باشا , فكرتني برجالة زمان اللي العهد عندهم بالكلمة

تشرب ايه يا جمال باشا ؟

لالا  مش هنقدروا نشربوا حاجة , شَربنا فنجانين قهوة قبل ما نجولك , اكتبلي الشيك بس عشان نلحقوا نصرفوه قبل البنك ما يقفل , عايزين نقضوا مصالحنا المتعطلة

حاضر يا جمال باشا , وادي الشيك اهو

**************************

خلف هذه الجدران,هبة عبد العظيم نور

**************************

شوفت بنت خالك مبسوطة ازاي وهي في وسطنا يا ولا يا محمد ؟ البت زي ما تكون ما صدقت لَقَت حضن حنين

أيوة فعلاً كانت مبسوطة . أول مرة نشوفوا نورهان بتضحك من قلبها كدة .....بس اللي محيرني هي كانت فين طول فترة غيابها

مش مهم كانت فين , المهم انها رَجَعت يا محمد

مش مهم كانت فين ازاي يا أمي !!! دي بنت , يعني سمعة وعرض وشرررف

ايّوووه , بنت خالك مش خاطية , البت يا حبة قلبي طَفَشت من امها بسبب قسوتها , وراحت قَعدت عند واحدة صاحبتها كام يوم وكانت في أمان

............. الكلام ده اللي قالهولك خالي ؟

أيوة , وانا مصدقة اخويا ... نورهان بت جدعة يا محمد , مش بتاعة مشي مع شباب ولا كلام من ده يا ابني , ما تخليش دماغك تروح لبعيد

يا أمي انا مش بنشكك في نورهان وأخلاقها , أنا كل اللي كنت عايز نعرفوه هي كانت فين طول فترة غيابها عشان قلبي يرتاح ونطمنوا على عرضي

اديك عَرَفت واطمنت على عرضك

أمي ... أنا عايز نخطب نورهان

وربنااااا ؟ هههه ده يوم المنى يا محمددد

ومالك فَرَحتي قوي كدة يا أمي ! ههه

وما نفرحوش ليه يا ابني !!! دي لحمنا يا ولا ولازم نلمّوه , ونورهان يلزمها راجل زيك يحميها ويشيلها في عنيه

بس تفتكري خالي يوافق ؟

وما يوافقش ليه !!! هو يلاقي زيك !! ده انت ماشاء الله في آخر سنة في كلية الهندسة وهتتخرج بعد كام شهر بمشيئة الله , والشقة عندك وجاهزة ع الفرش وابوك هيشغلك في شركة قريبه , يعني عريس كامل من مجاميعه , شباب ومال وعلام وجمال يا ولا هههه

طب ما يمكن امها هي اللي ما توافقش , ما انتِ عارفة ان طول عمرها بتكرهنا

ايّووووه اللي بيكرهنا يبعد عننااااا , مالها ومالنا أوسا ! طول عمرها مفرقة بينا وبين البت , كفاية عليها كدة وتسيبنا نلموا لحمنا , طب وربنا لنطلعوا نفاتحوا سامي في الحكاية دي دلوقتي

يا امي استني , نقولوا لابويا الأول

ابوك مش هيقول حاجة يا محمد , ده هيفرح وربنا , وبعدين انا لازم نطلعوا دلوقتي عشان نعرفوا رأي سامي وإلا مش هيجيلي نوووم

**************************

خلف هذه الجدران,هبة عبد العظيم نور

**************************

شوف بقى يا بابا , احنا هنفاتحوا سامي في موضوع وعايزاك تحضرنا عشان ناخدوا البركة

اتكلمي يا كاميليا , عايزة تفاتحي اخوكِ في ايه ؟

ايه رأيك في محمد ابني يا سامي ؟

محمد !!! ولا جدع وراجل وبنلاقوه وقت الزنقة

ههه تعيش يا اخويا , أهو أنا بقى عايزة نخطبوا نورهان بنتك للراجل الجدع ده ههه  ولو لك غرض هنخلوا فؤاد يجيب الولا ويطلبوا البت منك رسمي

نورهان !!! ايه الكلام ده ! البت صغيرة يا كاميليا , دي لسة رايحة تانية ثانوي

صغيرة ايه بس !!! ما تتكلم يا بابا

نورهان كَبَرت وبقت عروسة يا سامي يا ابني , اخواتك البنات اتخطبوا قدها

ده كان زمان يا ابويا , كان زمن غير الزمن , دلوقتي البنات ما بيتخطبوش إلا وهما في الجامعة ع الأقل , وفي منهم ما بيرضوش يتخطبوا إلا لما يخلصوا علام ويشتغلوا كمان

يا ابني واحنا مالنا ومال الناس دول !!! احنا لا محتاجين لعلام البت ولا هنوظفوها بعد ما تخلص علام , احنا عايزين نستّروا بنتنا ونفرحوا بيها , البت تبقى في بيتها مع راجلها اللي يصونها يا ابني , بدل ما لا قدّر الله يحصلّها اللي حصل تاني , تضمن منين ان امها ما تاخدهاش وتعاملها بنفس القسوة , و البت تهرب ولا تعمل في نفسها حاجة , ساعتها نقولوا يا ريت اللي جرا ما كان

يا حاج أنا عارف انك عايز مصلحة بنتي , هناخدوا رأي البت , ده جواز يا حاج

حقك وحقها يا ابني , كلم البت واحنا مستنين رأيها

**************************

خلف هذه الجدران,هبة عبد العظيم نور

**************************

رأيك ايه يا نورهان في الكلام اللي قولتهولك يا بنتي ؟

لا يا بابا لااااا

ليه بس يا نورهان ! الولا محمد جدع أوي وطيب وبيصلي ويعرف ربنا , هو ده الراجل اللي نتمنهولك

يا بابا أنا عايزة نكمل تعليمي وندخل الجامعة وناخد شهادة كبيرة زي خالو أحمد

خالك احمد نفسه لو عرضنا عليه الموضوع هيقول جوزوها

وانا مش عايزة نتجوز يا بابا

مش عايزة تتجوزي ! ...... طب احنا مش هننهوا الكلام مع عمتك ولا هندوها رد نهائي , هنقولولها نأجلوا الكلام شوية لحد ما أعصابك تهدا , احنا مش هنمشوا وراكِ ونتسرّعوا ونرفضوا عريس لقطة زي ده ..... تصبحي على خير

وانت من أهله يا بابا , اوووووف نفهموهم ازاي إنّي اتعقدت من الرجالة ومش عايزة نتجوز !!!.... كله من الولا اللي اسمه نسيم ولا عبدالله ولا وجدي ولا اسمه ايه ده ...... مش هنسامحوه طول عمري

**************************

خلف هذه الجدران,هبة عبد العظيم نور

**************************

السلام  عليكم  يا رجاااااااالة

عليكم السلام يا استاذ احمدددددد صباحك قشطة ان شاء الله

صباحكو فل يا سيدي , الهمة شوية يا رجاااااااالة المركب على وصوووووول

احمدددددد

سامي !!! اهلا يا سامي ,واقف برا الشركة ليه ! اتفضل

لا , متشكر يا احمد , احنا مش جايين نعطلوك , جايين قاصدينك في خدمة

تحت امرك يا سامي

الأمر لله وحده , اني كنت عايز عنوان بدور

بدور !!! مش معايا العنوان والله

ما تعرفش ازاي ! مش روحت جبت نورهان من هناك ؟

ده كان بيت تاني غير اللي عايشين فيه

مممم طب اديني عوان البيت ده واني هنروحوا هناك نسأل

ماشي يا سامي

**************************

خلف هذه الجدران,هبة عبد العظيم نور

**************************

دي الحارة اللي قالولي عليها لما سألت عن وجدي في البيت التاني , واكيد دي القهوة اللي بيقولوا ملك بدارة واختها , نسألوا أي حد من ع القهوة

لو سمحت يا ابني انت , هو بيت وجدي سلامة فين ؟

اني وجدي يا عم سامي

وجدي ! كَبَرت يا وجدي وبقيت راجل ...بس عمايلك مش عمايل رجالة

............. واني مش هنرد عليك يا عم سامي عشان ما نقعوش في الغلط , انت جاي تعاتبني ؟

لا جاي نعاتبوك ولا جايلك من أساسه , اني جاي لبدارة

عايز منها ايه ؟

عايز نشوفوها

ما ننصحكش تشوفها , وفر كلامك اللي جاي تقولهولها , اللي عملته في خالتي مش هيمحيه أي كلام ولا مليون اعتذار

عايز نشوفوا بدارة , اني قطعت المسافة دي كلها عشان نقابلوها , ما تمنعنيش يا وجدي

ماشي يا عم سامي , ولو اني عارف ان مجيتك زي عدمها

**************************

خلف هذه الجدران,هبة عبد العظيم نور

**************************

خليك هنا يا عم سامي على ما نستأذنوا خالتي بدارة في دخولك

واني مستني

تن تن امّاااااا

اهلا يا وجدي

فين خالتي بدارة ؟

كانت بتصلي

اني خلصت صلاة الحمدلله , نعم يا وجدي

ادخلي انتِ جوا يا امّا

ليه يا خويا ! بيناتكو اسرار !!

معلش , موضوع يخص خالتي لوحدها

طيب يا سيدي , ولو ان خالتك ما بتخبيش عني حاجة

خير يا وجدي ؟ عايزني في ايه ؟

في ضيف عايزك وبيطلب الإذن في الدخول

ضيف !!! مين الضيف ده ؟

اني يا بدارة

....... ساااااامي !!!

ايوة سامي يا بدارة

اني هنقعدوا في الاوضة اللي قصادكو عشان نسيبوكو براحتكو

ازيك يا بدارة

...... الله يسلمك

أأأأ وحشتيني , وحشتيني يامَا

كتر خيرك

ايه يا بدارة المقابلة دي ! هو اني ما وحشتكيش !!

هههههه توحشني !!!!! بإمارة ايه !!!

بدارة اني ............

ايه اللي فكرك بيا يا سامي ؟؟؟

اني ما نستكيش عشان نفتكروكي يا بدارة , عمرك ما روحتي عن بالي , عمري ما بطلت تفكير فيكي ولا قلبي بطل يحنلك , من ساعة ما سبتيني واني زي التايه في الدنيا , لا حاسس بنفسي ولا حاسس بللي حوالية , حتى الضحكة يا بدارة حرّمتها على نفسي في بعادك , كنت عايش زي الميت من غير روح , قلبي بيبكي عليكي والحزن ماليني , كنت عايز نعرف طريقك بأي شككككل بأي تمن , دورت عليكي يامَا لكن ما لقتكيش

وبعد ما لقتني , عايز مني ايه يا سامي ؟

نرجع لبعض يا بدارة

نرجع لبعض !!! بعد كل اللي جرالي بسببك يا سامي !!! بعد الاحلام الحلوة اللي وعدتني بيها وصدقتك وفي الآخر طَلَعت كوابيسسسسس !!! بعد شرفي اللي انداس تحت الرجلييييين !!!  بعد سنين عمري اللي ضاعت في المرمطة والشقى في الشوارع عشان نلاقوا لقمة ناكلوهاااااا !!!  ايّوووووه ........... وبعد ده كله جاي ببساطة تقولي نرجعوا لبعض ,لا يا سامي , لا , اذا كنت فاكر ان بعد اللي حصل ممكن نرجعولك تبقى بتحلم

بدارة , انتِ كدة بتدبحيني

واني اتدبحت  على ايدك بدل المرة ألف يا سااااااااااامي , اتدبحت يوم ما اتجوزتني في السر , اتدبحت لما خدتني بيتك عشان نبقوا خدامة تحت رجلين مراتك ,اتدبحت لما أهل مراتك انتقموا مني وشوهوا سمعتي , اتدبحت يوم ما امي ماتت بقهرتها وحسرة قلبهااااااااااااااا , اتدبحت ألف مرة ومرة وانت عمرك ما حسيتتتتتتت يامَا شوفت ذل  وقلة قيمة على ايد مراتك , طبعاً , ما اني الخدامة وهي الهانم ومن حقها تؤمر وتنهي في الجارية اللي جبتهالها تحت رجليهاااااا

يا بدارة بلاش تقسي عليا , انتِ عارفة اني خدتك البيت عند اوسا ليه , مش عشان تبقى خدامة , لكن عشان نبقوا قريبين من بعضضض عشان ما نفارقوش بعضضضض , اني لا قصدت نذلك ولا نهينككككك , اني لو عليا نفديكي بروحي يا بداااااارة

وما فدتنيش بروحك ليه يوم ما اخو مراتك البلطجي جرجرني في الشوارع بهدوم النووووووم , ليه وَقَفت ساكت وما قَدَرتش تدافع عنيييييييي , ليه ما حاولتش حتى تقتله عشان تدافع عن عرررررررضي ؟

................................................

سكت ليه يا سامي ؟ نقولولك اني , انت سَكَت عشان خوفت من اهل مراتك ,سَكَت عشان جبااااااااااان

اني مش جبان يا بداااااااااارة , اني طلقت اوسااااااا ما قَدَرتش نعاشروها ثانية واحدة بعد اللي جرالك على ايد اهلهااااااااا اني بعت اوسا وبعت الدنيا كلها واشتريتك حتى في بعدك يا بدااااااااارة , عارف ان اللي حصلك مش هين , وعارف انك صعب تنسي , اديني فرصة نعوضوكي يا بدارة

 تعوضني !!! تعوضني عن ايه ولا ايه !!! عن العيشة المرة معاك ولا عن الضنا اللي اتحرمت منه !!!! ايّووووه كان نفسي نبقى أم , كان نفسي العيل اللي راح مني غدر على ايد اوسا يفضل عايش في حضني يعوضني بحنيه وبكلمة امي عن كل اللي اني شوفته , لكن راح , راح بسبب اوسا عشان تنتقم مني وتحرق قلبي ,ما تقدرش تعوضني يا سامي , عوضي على الله وحده ,  عمري ما هننسى منظرك وانت ساكت وشايفني بنتبهدل وبيتنهش عرضي على ايد كلاااااااااب ,  انت سقطت من نظري يا سامي , والراجل لما يسقط من نظر ست عمره ما يملا عنيها تاني مهما عمل

يا بدارة اني ...........

 شرفت وآنست يا سامي

............................. يعني مش عايزاني يا بدارة ؟؟؟ ......................... مش عايزاني بعد ما حرمّت كل متع الحياة على نفسي واني بنستناااااااكي

متع الحياة قدامك بطولها وعرضها , عوض نفسك عن ... هأ , عن الشقى والعذاب اللي شوفتهم في غيابي , انت خليتني كَرَهت نفسي وكرهَت الدنيا , طريقك غير طريقي يا سامي , مش اني اللي بتدور عليها

.............................................. اني ماشي

تعالي يا امّا , عم سامي مَشَى

ليه كدة يا بدارة ! كنتي رَجَعتيله يختي طالما راجع ندمان كدة

انتِ سَمَعتي يا ابتسام ؟

ايوة , سَمَعت وزعلت , زي ما انتِ اتعذبتي فهو كمان اتعذب , وكفاية انه ما اتجوزش بعدك يا بدارة , مش سلامة اللي ما صَدَق اني اترميت في السجن وراح اتجوز عدوتي اللي كانت السبب في خراب البيت ! الله ينتقم منه ومنها قادر يا كريم

امييييييي ما تدعيش على ابويا

هه وماله يا حبيبي , مش هندعي على ابوك اللي طول عمره مهنيك ومدلعك وشايلك على راسه , اني داخلة نحضروا العشا , وانتِ يا بدارة يختي , ياريت تفكري تاني في حكاية سامي , الجدع راجع ندمان , عقّل خالتك يا وجدي , بالإذن

ايه يا وجدي , بتبصلي كدة ليه ! هتغلطني انت كمان زي امك !

لا يا خالتي , بالعكس , ده احسن قرار خدتيه , ما ينفعش ترجعي لعم سامي بعد اللي جرالك بسببه , انتِ تعبتي يامَا يا خالتي , تعبتي يامَااااا ومش ده الراجل اللي يعوضك

هه لا هو ولا غيره يا وجدي , خلاص يا حبيبي , خالتك كَبَرت وراحت عليها

انتِ كَبَرتي !!! يا خالتي انتِ كل الحكاية تمانية وتلاتين سنة , يعني اللي قدك لسة ما اتجوزوش هه

ههه سيب الجواز لصحابه يا ولا , اني خلاص خدت نصيبي , لكن تعرف , اني كنت فاكراك هتزعل عشان رفضت نرجعوا لسامي

ليه ! عشان ابو نورهان يعني ؟

ايوة

....... مش عشان نوصلوا لنورهان نضحوا بيكي يا خالتي , وكمان الطريق لنورهان مسدود بعداوات يامَا بينا وبين اهلها

لو لك نصيب فيها يا ولا هتاخدها , البت طيبة وكويسة , دي تربية ايدي , ولا ناسي ان خالتك كانت خدامتها !

ما تقوليش كدة يا خالتييييي انتِ ست الكل وعلى راس الكككككل

هههه تعيش يا ابن اختي

**************************

خلف هذه الجدران,هبة عبد العظيم نور

**************************

شفت يا بويااااااااا ! شوفت بدارة اللي حرمت على نفسي صنف الحريم في غيابها عملت فيا اييييييه !!!

بدارة !!! هي رَجَعت الأنفوشي ؟؟؟؟؟

اني اللي روحتلها , اترجيتها واستسمحتها عشان تنسى اللي فات , لكن باين ان البعد علمها القسووووة

قسوة !!! يا ابني هي اللي جرالها على ايديك كان شوية عشان تسامحك بالسهولة دي !!!

ما اني كنت عايز نعوضوهااااااا كنت عايز نسعدوها ونهنوها ونعيشوها عيشة تنسيها كل اللي فاااااااااات

يا ابني اللي حصلها بسببك كفيل يخليها تكرهك وتكره اليوم اللي شافتك فييييييه , هي كانت شافت منك ايه حلو عشان يشفعلك عندهاااااا !!!

................ يعني انت موافقها يا ابويا في رفضها ليا ؟؟؟؟

اني مالي يا ابني نوافق ولا نرفض !!! هي صاحبة الشأن , وهي رفضتك

............. كنت فاكرها هتنسى كل اللي حصل وتبدأ معايا صفحة جديدة

الست ممكن تسامح في أي حاجة إلا جرح كرامتها يا ابني

طب نخلي احلام وكاميليا يروحولهااااا ؟

يروحوا يعملوا ايه !!! يتوسطولك عندها !!! ما تتعبش نفسك يا ابني , بدارة قلبها اتقفل من ناحيتك ومش ممكن هيتفَتَحلك تاني , سيبها يا ابني تجرب حظها مع راجل يعوضها بصحيح , لكن انت كل ما هتشوفك هتفتَكَر اللي جرالها بسببك

............................ اني نازل نقعد ع القهوة شوية , حاسس اني بنتخَنَققققققققق

باباااااااا

هو بابا نَزَل بسرعة ورزع الباب كدة ليه يا جدو ؟؟؟ وكمان ما ردش عليا

معلش يا نورهان , اكيد ما سَمَعكيش يا حبيبتي , ما قولتليش يا بت , مش هتوافقي بقى على محمد ابن عمتك عشان نفرحوا بيكي ؟