الحلقة الثامنة والستين (ف2)

الكتاب: خلف هذه الجدران  

الجزء الخامس

بقلم: هبة عبد العظيم نور           

الناشر: المؤلف

رقــــم الإيداع: 00000/2017م

استاذ احمد ,  الأستاذ عبدالله عايز يقابلك

عبدالله !!! خليه يتفضل

اتفضل  يا استاذ عبد الله

متشكر يا ضيا , السلام عليكم يا أستاذ احمد

اهلاااااااً ههه عليكم السلام ورحمة الله , تعالى يا عبد الله , ايه يا ابني الغيبة دي كلها ! ليك وحشة وربنا

الله يخليك يا أستاذ احمد , وربنا انت اللي واحشني وعايز نجولك بقالي يامَا

يا أهلاً يا عبد الله , اقعد ,واقف ليه !

متشكر يا استاذ احمد

قولي يا سيدي عامل ايه في شغلك  ,تمام ؟

تمام الحمدلله , وكمان ربنا اكرمني بشقة في سانستيفانو بالعفش بتاعها

شقة بالعفش بتاعها !!!

ما تستغربش يا استاذ احمد , الشقة دي جابها الحاج ابراهيم بشر لخالتي بدور عشان يعوضها يعني عن اللي حصل زمان

ابراهيم بشر !!! ده الصاحب القديم بتاع ادهم اخويا , سبحان الله ! ضميره صَحَى كدة وعوض خالتك عن اللي حصل بسببه !!!

الحاج ابراهيم اتغير خالص , رغم اني اول مرة نشوفوه بس نسمعوا من خالتي انه كان .........

ما تكملش , الحمدلله ان ربنا هداه , الهداية دي اصلها من عند ربنا يا عبدالله , لا حد يقدر يهدي حد ولا حد يقدر يغير قلب حد , ربنا يهدينا جميعاً

اللهم آمين يا استاذ احمد

طب اومال يعني مش شايفك مبسوط يا عبدالله !!! واحد زيك وربنا أكرمه بالوظيفة والشقة المحترمة لازم يكون مبسوط

.......................... أنا مش قادر نسامح نفسي ..... مش قادر ننسى اللي عملته في الأنسة نورهان , أنا بني أدم وحش اوي وجوايا اسود , ولو هي ما قَدَرتش تسامحني يبقى عندها ألف حق وحق , لكن ....... أنا نفسي أنها تسامحني , ارجوك يا استاذ احمد خليها تسامحني , قولها وجدي ندمان

ههه نقولولها وجدي ولا عبدالله ولا نسيم !!!

أي حاجة , تلات اسماء لبني ادم واحد ما عندوش رحمة ولا ضمير ..... اني ماشي يا استاذ احمد, عن اذنك

ماشي فيييين ! اقعد يا عبدالله , الكلام خدنا وما شَرَبناش حاجة مع بعض

مالوش لزوم

يعني انت مكلف خاطرك وجاي عشان تقولي خلي نورهان تسامحني !!!

أنا جيت لسببين , أولهم انك واحشني وكنت عايز نشوفوك , السبب التاني هو اعتذار للأنسة نورهان كنت عايزك تبلغهولها عن لساني , قولها وجدي بيقولك سامحيه , هو ما يستاهلش , بس انتِ قلبك كبير

حاضر يا سيدي , هنبلغوها , أنا كنت عايزك تيجي معايا مشوار مهم , فاضي بكرة ؟

حتى لو مش فاضي نفضولك نفسي , عايز تروح فين يا استاذ احمد ؟

سفرية بسيطة كدة للصعيد

الصعيد !!!

**************************

خلف هذه الجدران,هبة عبد العظيم نور

**************************

مسافر الصعيد تعمل ايه يا احمد !!!

نقولولك سر وما تبوحيش بيه يا هيام ؟

قول يا احمددددد

.....لا , نخاف تطلعي السر برا

اخص عليك يا احمدددد , انا عمري طلعت اسرارك برا ! دي حتى ماما نفسها عمري ما قلتلها أي حاجة تخصك

يعني نقولولك مسافر الصعيد ليه وانا مطمن انك هتصوني السر ؟

اه وربنا هنصونووووه

خلاص يا هيام ...هنقولولك .... أصل انا سَمَعت عن ست حلوة أوي في الصعيد وجمالها بيتحاكو عنه وخطّابها يامَا , لكن هي مش عايزة تتجوز أي راجل والسلام , فقلت أروح أجرب حظي وأطلب ايديها من ابوها يمكن توافق , تفتكري توافق عليا يا هيام ؟ هههههههههه

اييييييييييييييييييه !!!! بقى انت مسافر عشان كدددددة ! وانت مين قالك عليها الست دددددي ؟

هههههههههههههههههههه انتِ صدقتي يا بت !!!

وما نصدقوش ليه بقى ان شاء الله !

ههههه يا حبيبتي هو انا فاضي نبص ورايا !!! شغل المينا واخد كل وقتي وما عنديش وقت نفكروا في الحريم

وربنا ! طب ما تسيب شغل المينا يا حبيبي وتفضى للحريم

ههههههههههههههههههههههههههههه وربنا عسل

اوعى كدة ما لاكش دعوة بيا

ههههههههه يا بت بننكُشك ما تبقيش غشيمة , بقى أنا يا هيومة نبص لست غيرك مهما كانت !!! حبيبتي بعدك الستات خَلَصوا , الدنيا دي بحالها مافيهاش ست غير هيام

يا سلام ! ممم مافيهاش ست غيري ليه ! الحلوين يامَا , والأحلى مني يامَا اوووووي

بس يا بتتتتت , مافيش أحلى منك في عنيا , اللي بيحب من قلبه يا هيام ما بيشوفش ست أجمل من حبيبته , وأنا بنحبك من جوا قلبي يا هيومة

هههه ربنا يخليك ليا يا حبيبي , مش أكتر من حبي ليك يا عمري كله

ههه طب سيبيني بقى عشان نحضر نفسي للسفر

مممم يعني مش هتقولي مسافر ليه برضو ؟

ريحي روحك , مش هنقولولك إلا اما نرجعوا ان شاء الله

خلاص يا احمد , على راحتك يا حبيبي , تروح وترجعلي بالسلامة يارب

**************************

خلف هذه الجدران,هبة عبد العظيم نور

**************************

ممممم لازم افاتح بابا في موضوع سهير , لااااازم ...... طب ولو رفض ؟ ........ طب يرفض لييييييه ؟ يوووو والله ما عارف رد فعله يكون ازااااااي بس لازم اكلمه , الحمدلله ماما في المطبخ  ومنة بتذاكر , هنتهز الفرصة دي واكلمه , أما ألحقه قبل ما ينزززززل بابااااااا

*********************

أأأبابا

نعم يا عبد الرحمن

كك كن كككنت عايز اتكلم مع حضرتك   في موضوع مهم

هه شكلك كدة عامل مصيبة , اتفضل اتكلم

ياريت ندخل نتكلم في الصالون ونقفل الباب عشان ماحدش يسمعنا

ليه يا ابني ! هي أسرار حربية !!!

من فضلك يا بابا

 طب ما تأجل الموضوع بتاعك ده لحد ما اجي ع الغدا إن شاء الله ونتكلم براحتنا

لا معلش يا بابا , مش هقدر استنى

ماشي , تحت أمرك يا دكتور عبد الرحمن

**************************

خلف هذه الجدران,هبة عبد العظيم نور

**************************

ايوة يا سيدي , ايه هو الموضوع اللي عايز تكلمني فيه ؟

............ بابا ............... انا عايز اخطب سهير

تخطب سهير !!! سهير مين ؟

.................. بنت عم عواد البواب

.................. ليه سهير ؟

مش فاهم سؤالك يا بابا

لا أكيد فاهم , بس هفهمك أكتر , ايه المميزات اللي لقيتها في سهير ما لقيتهاش في غيرها من البنات ؟

بابا هو ده سؤال ولا رفض ضمني ؟

انا لو عايز ارفض مش محتاج الف وادور وأرد بشكل ضمني , انا اتعودت ان رفضي أو قبولي لأي شيء بيكون في قمة الوضوح والصراحة , ودلوقتي عايز رد على سؤالي

بابا انا ما توقعتش انك تسألني أو تتحاور معايا , انا كنت متوقع انك ترفض

ولما انت متوقع رفضي بتفاتحني ليه ؟

................ لإني متمسك بسهير

عظيم , يبقى جاوبني على سؤالي

يا بابا سهير اجمل حاجة فيها تحديها لظروفها , عدم استسلامها لواقعها , سهير قدرت تحقق أحلامها بمنتهى الإصرار والتحدي

لا يا راجل !! وانت بقى عايز تتجوزها عشان التحدي والإصرار ! انت هتتجوز ولا هتحارب ؟

ههههههه

عبد الرحمن يا ريت تبعد عن الكلام الإنشائي المنمق الجميل ده وتقولي عايز تتجوز سهير لييييه ؟

أأأ عع ععش عشان بحبها يا باباااااااا

ايوة كدة , تجيلي دوغري عشان نعرف نتفاهم ههه

هههه يعني انت موافق يا باباااااا ؟

لأ

هااااااا !!!

هو ايه اللي ها !!! بص يا عبد الرحمن , اهم واحد مطلوب رأيه في موضوع زي ده هو انت , هسألك سؤال واحد

اتفضل يا بابا

انت مقتنع بسهير رغم ظروفها الإجتماعية ؟ يعني هتقدر تواجه المجتمع اللي ممكن يقلل من شأن زوجتك ؟

ماحدش يقدر يقلل من شأنهااااا سهير هتبقى دكتورررة ودكتورة كبيرة كمااااااان انا هساعدها على النجاح وهي كمان هتساعدني

كلام جميل جداً

مش كلام يا بابا , ده فعل إن شاء الله

شوف يا عبد الرحمن , أنا في يوم من الأيام اخترت انسانة عشان اتجوزها لكن أمي ما كانتش موافقة , مش لأي شيء غير ان أمي كانت عايزالي زوجة متدينة زيها , لكن طبعاً اختياري كان صادم لأمي , ورغم كدة راحت معايا وخطبتهالي وسابتني اتحمل مسؤولية اختياري , وانا دلوقتي هتصرف زيها , مش هجبرك تسيب سهير , لكن هسيبك تتحمل مسؤولية قرارك

باباااااااا هههههه يا حبيبي يا بابااااااااا اموووووووه انت احسن أب في الدنيا يا سيادة العميدددددددد ههههههه

وانت احسن ولد في الدنيا يا سيادة العبد الرحمن ههههه

ههههه ربنا يخليك لينا يا بابا يااااااارب ممممم لكن .......

لكن ايه ؟

ماما , انا خايف قوي من رد فعل ماما

قولتلك انت الأهم في الموضوع كله , والدتك بقى سيبها علية وما تقلقش

هههه متشكر قوي يا باباااااااا ,عن اذنك

اتفضل مممممم اما افاتح رشا قبل ما انزل

**************************

خلف هذه الجدران,هبة عبد العظيم نور

**************************

رشااااااا

نعم يا هاااااااني

تعالي عايزك

*****************************

ايوة يا حبيبي , كنت هجيبلك كوباية عصير قبل ما تنزل

لا مش دلوقتي يارشا , لما اجي بقى ان شاء الله , تعالي عشان عايز اكلمك في موضوع

خير يا حبيبي

عبد الرحمن قالي انه عايز يخطب

يخطب قبل ما يخلص الكلية !! ده لسة في رايح  رابعة  !!! كدة هيتعطل عن دراستتتتته

يعني انتِ اهم حاجة عندك انه ما يتعطلش عن دراسته ! طب مش تسألي هيخطب مين ؟

اكيد واحدة من زميلاته , كلية الطب مليانة بنات من أرقى العائلات

عبد الرحمن عايز يخطب سهير بنت عواد

ايييييييييييييييييييه مين يا هااااااااااااني !!!!!!! الولد ده اكيد اتجننننننننن , انت ازاي ما عاقبتوش يا هاااااااني !

اعاقبه عشان ايه ! واحد اختار انسانة عشان يتجوزها , ايه الداعي لعقابه !!

الداعي لعقابه انه اتجنننننننننن , انه اختار بت مش من مستوااااااااه , أنااااااا اجوز ابني لبنت الخدامين دوووووووول !!!!

رشا بطّلي  لهجة التعالي وبلاش تغلطي في النااااااااس

ناس مين بس يا هااااااااني ! دول جرابيعععععععع

رشااااااااااااااااا اخر مرة اسمعك تتكلمي عن الناس بالطريقة ددددددي , ايه اللي مش عاجبك فيهممممممم , عواد ربى ولاده احسن تربيييييية , طلّع من تحت ايده مدرس ومهندس ودكتوررررة

مدرس !!! المدرس ده لولا الدروس الخصوصية كان زمانه شحااااااات ,والمهندس ده لولا انك اتوسطّله كان زمانه قاعد جنب ابوه ع البوابة وبيمسح سلالمممممم ,أما الدكتورة الفاشلة فجوازها من ابني بعيد عن احلامهااااااا

كلامك ده كله دخل من الودن دي خرج من الودن التانية , وبالنسبة لمسعد بالذات فانتِ عارفة كويس ان حقه كان ضايع , ما أنا إلا سبب في رجوع حقه , لكن ماليش فضل عليه , والدليل على كدة ان جميل بيه صاحب الشركة بيشكر فيه جداً لإنه مهندس كفؤ , وسهير بكرة تبقى دكتورة كبيرة بفضل اصرارها وعزيمتها , واخوها المدرس اللي بتعايريه انه لولا الدروس كان زمانه شحات , فدي مش مشكلته , دي مشكلة بلد بحالها ما بتقدرش قيمة المدرس ولا بتديله حقوووووقه , اسمعي يا رشا قراري الآخير , عبد الرحمن هيتجوز سهير لإن دي رغبته , في يوم من الأيام صممت واتجوزتك رغم رفض أميييييي وواضح ان كان عندها حقققققق , روحي المطبخ حضري الغدا , عايز اجي من برا ألاقي الأكل جاهز

اوكيه يا هاني اهئ اهئئئئئئ هحضرلكو الغدا  لكن انا مش هتغدا معاكو اهئ اهئ

على راحتك , انا نازل , السلام عليكم

والله لروح للولد اللي اسمه عبد الرحمن ده اهزؤه , طيب يا عبد الرحممممممن

**************************

خلف هذه الجدران,هبة عبد العظيم نور

**************************

انت يا ولد يا عبد الرحممممممن

ماما !!! أول مرة تفتحي الباب عليا من غير ما تخبطي

والله ! زعلان لإني كسرت قواعد الإتيكيت يا دكتوووور !!! أومال ايه رأيك في اللي عايز يدخل العيلة شوية جرابيع ما يفهموش الألف من كوز الدرة وهيعروه ويعرّوا العيلة كلهااااااا

ممممم قصدك على سهير وعيلتها , بس يا ماما يكون في علمك ...........

انت تخررررررس مش عايزة اسمع منك ولا كلمة دفاع عن الخدامة بنت الخدامين دددددي , بقى بتتفق مع باباك عشان تحطني قدام الأمر الواااااقع !!!  لو كنت مقتنع بيها كنت جيت فاتحتني في الموضوع قبل ما تكلم باباك زي أي شاب في سنك ما بيعمل مع أمممممه  , لكن  انت  مكسوف من اختيارك المؤررررررف عشان كدة ما قدرتش تواجهني وروحت اتحاميت في باباك عشان تكونوا جبهة ضددددددي

مامااااااا انا مش جبان عشان اتحامى في باباااا , ولا محتاج اكون جبهة ضدككك , لإني باختصار مصمم اتجوز سهير سواء حضرتك قبلتي أو رفضتييييييي

أما انك ولد قليل الأدب صحيحححححح , اييييييييه ! خلاص كبرت ودخلت كلية الطب وبقيت تاخد قراراتك لوحدك !!! انا اللي كبرتكككككك انا اللي خليتك رااااااااااجل انا اللي فنيت عمري وشبابي عشان اوصلك لللي انت فييييييييه لكن انت جاحدددددد انت ما تستاهلششششششش

يا ماما ارجوكي اهدي , انا عمري ما اقدر انكر أفضالك عليا , انتِ أمي وحبيبتي واغلى انسانة عندي , لكن قرار جوازي ده حاجة تخصني لوحدددددي

لأ ما يخصكش لوحدكككككك يخص العيلة كلهاااااااا , ولو الأمر استدعى انا هطلب تدخل أعمامككككك

ماما من فضلك , أعمامي ما لهومش حق التدخل , بابا ربنا يخليه لسة عايش وهو المسؤول عن البيت ده مش أعمامي

يعني مصمم يا عبد الرحمن تحطنا في الوضع السخيف ددددده ؟

اذا كنتِ مصرة تسميه وضع سخيف دي حاجة ترجعلك يا ماما , لكن أنا فعلاً مصر على جوازي من سهير مهما كان التمن

بقى كدة يا عبد الرحمن !!! طيب , انا هعمل كل اللي في وسعي عشان امنع المهزلة دددددددي , انا خارجة

اوووووف وبعدين بقى في ماما دي !!! شكلها كدة هتقومها حرب , بس برضو ولو , انا مش هتجوز غير سهير

**************************

خلف هذه الجدران,هبة عبد العظيم نور

**************************

في ايه يا مامتي ؟ كنتي بتزعقي لعبد الرحمن ليه ؟

تعالي شوفي اخوكي اللي اتجنن يا مننننننننة اخوكي عايز يتجوز سهير الخدامة بنت عواد البوااااااااااب

ايييييييه ! عبد الرحمن يتجوز سهير !!!!

شوفتي الكارثة اللي اخوكي عايز يعملها يا منننننننننة !!! عايز يساوي مقامنا بمقام مساحين السلالمممممممم , بس انا مش هسكتتتتتت , سيبيني دلوقتي يا مننننننة , مش طايقة اتكلم مع حددددد

اوك يا مامتي توووء معقول عبد الرحمن يتجوز سهير !!!

اهئ اهئ طيب يا هااااني , بقى أنا رشااااااا رشا هانم عبد المجيد حرم هاني بيه زاهر اجوز ابني لبنت عواد البوااااااااب ! طييييب يا هاني , والله لاتصل ببابا اخليه يجي يشوفله معاه صررررررفة , موبايلي فين يا منننننننننة ؟

اهو يا مامتي أهووو

هااااااااااااتي

طب وانا مالي انا بتتعصبي عليا ليه !!! هي هتكلم مين !

الرقم الذي تحاول .............. يييييييي موبايله مقفول , اتصل على تليفون البيت

ترررررررررررررررررررررررررررررن تررررررررررررررررررررررررررررررن

رد ع التليفون يا عبد المجيد , عبد المجيددددددد , هو راح فين الراجل ده ! ألوووو

ايوة يا مامااااااا اهئ اهئئئئئئ

رشااااا ! ماااااااالك بتعيطي ليه يا حبيبتيييييي ؟

هاني يا مامااااااااا اهئ اهئئئئئئئئ

الف مبررررروك , هو ده اليوم اللي بستناه من زمااااااااان الله لا يرحمه ولا يورده على جنة ابن اميييييييينة

يا ماما بعد الشر عليييييييه , انتِ بتتمني لجوزي حبيبي الموووووت !

هو لسة عايش !!!!!! هيروح من ربنا فين ! مسيره ياخده , اومال مالك بتعيطي وتندبي على اييييييه ؟

اهئ اهئئئئئئ هاني يا ماما عايز يجوز عبد الرحمن لبنت البواااااااااب ,تخيلي المصييييييبة !!!

يا نهاره مش فااااااايت ! يجوز عبد الرحمن لبنت البواااااااااب !!! الراجل ده انصاب في نفوخه ولا اييييييييه !!!

والله ما انا عارفة حاجة يا ماماااااا اهئ اهئئئئئئ ومش عارفة اعمل ايييييييييه

قوليله لاااااااا مش موافقة ع الجوازة السودة دددددي , هو كان ابنه لوحدددده ! ما انتِ كمان أمه ومن حقك تقولي اه  أو لأ

يا ماما انا ما اقدرش اقف قصاد هاني اهئ اهئئئئئئ انتِ عارفة ان هاني طبعه صعب وعمره ما سمع لرأيي , اقصى حاجة ممكن يعملها انه يقولي لو مش عاجبك قراراتي ارجعي بيتك باباكِ

يعملها , ما اهو قلبه قاسي وزي الحجرررر , وبعدين بقى في الراجل ده !!!

انا اتصلت عشان اقول لبابا يشوفله صرفة معاه , هو بيحترم بابا وبيحبه واكيد هيسمع كلامه اهئ اهئئئئ هو بابا فين ؟

استني هناديلك عليه , يا عبد المجيددددددددد عبد المجيددددددددد

ايه في اييييييييه , الواحد ما يعرفش يسبّح ربنا ويستغفر في هدوووووء !!!

استغفر بعديييييين تعالى شوف عمايل جوز بنتك اللي هيكفّر سيئاتناااااااا

عمل ايه هااااااني ؟؟؟

تعالي كلم رشا وهي تحكيلك على عسكري الغبرة وعماااااااااايله , خدي يا رشا , بابا معاكِ يا حبيبتي

ايوة يا رشا يا بنتي

اهئ اهئئئئئئئ الحقني يا باباااااا هاني عايز يجوز عبد الرحمن لبنت البوااااااااااب

ازاي الكلام ده ؟؟؟؟

هو ده اللي حصل يا باباااااااا

وليه هاني يعمل كدة يعني ؟؟؟؟؟

اصل البنت دي يا بابا عملت راسها براسنا ودخلت كلية الطب زي عبد الرحمن اهئ اهئئئئئ هي بقى فاكرة بكدة ان الروس اتسااااااوت وبدل ما هاني يوقفها عند حدها , رايح يخطبها لعبد الرحممممممن , انا اعصابي في الأرض يا بابا ومش قادرة افكر , حاسة اني في كابوووووووس اهئ اهئئئئئئ ارجوك يا بابا تعالى اتصرف مع هاااااااااني

طيب طيب اهدي يا رشا , انا هتصل بهاني واخليه يعدي عليا النهاردة عشان نتكلم براحتنا , مع السلامة انتِ دلوقتي يا حبيبتي وسلمي على الولاد

ايه يا عبد المجيد , هتعمل ايه مع الواد ده ؟؟؟؟؟؟

هتصل بيه اخليه يجي يا احسان

ايوة ابعت هااااااااته , اديله على دماغه يا عبد المجيد عشان ده افترا وعايز اللي يهدّه , ربنا يهدك يا هاني يا ابن أميييييينة

طب بس اسكتي بقى خليني افتح الموبايل واكلمه

ترررررررررررررررررررررررررررررررن تررررررررررررررررررررررررررررررررن

السلام عليكم يا عمي عبد المجيد

عليكم السلام يا هاني , ايه يا سيادة العميد , ما حدش بيشوفك ليه ؟ رشا بتيجي هي والولاد لوحدهم وانت بقالك كتير ما زورتناش

معلش يا عمي , مشاغل والله , كل يوم جرايم سرقة وخطف وقتل والظباط عندي مش ملاحقين وانا لازم اشرف على كل ده

ربنا يعينك يا سيادة العميد هه , طب يا ريت تفضي نفسك شوية وتعدي عليا بالليل قبل ما تروّح البيت

في حاجة يا عمي ؟

يا سيدي هو لازم يكون في حاجة عشان تيجي تزورنا ! عايزين نشوفك يا اخي هه

هه ان شاء الله يا عمي , الساعة تسعة إن شاء الله هكون عندك

ان شاء الله يا ابني , مع السلامة

**************************

خلف هذه الجدران,هبة عبد العظيم نور

**************************

تن تن عبد الرحمن

ادخلي يا منة

انت صحيح يا عبد الرحمن عايز تتجوز سهير ؟

ماما قالتلك ؟

ايوة , معقول يا عبد الرحمن تتجوز سهير !!!

انتِ كمان هتتعالي عليها وتتكلمي زي ماما يا منة ؟

لأ والله مش مسألة تعالي يا عبد الرحمن , بس برضو يا حبيبي في حاجة اسمها تكافؤ في الجواز , يعني مش كفاية انها تكون زيك في مستواك العلمي , المستوى الإجتماعي مهم جداً يا عبد الرحمن

انا بقى مش بعترف بالفروق الإجتماعية , لإنها اكيد هتدوب في يوم من الأيام , ان ما كانتش ابتدت تدوب من دلوقتي , سهير حالياً ساكنة في حي من أرقى أحياء القاهرة , وفي برج شيك جداً

ايوة يا عبد الرحمن , لكن برضو هي هتفضل بنت عم عواد البواب وانت ابن هاني بيه عميد الشرطة وماما فنانة تشكيلية من عيلة راقية , وابن اخو الدكتور عصام زاهر الجراح المشهور اللي مراته تبقى نسرين هانم بنت الدكتور هاشم الحسيني صاحب واحدة من اكبر المستشفيات على مستوى مصر كلها , وكمان ابن اخو الأستاذ ماجد موجه اللغة العربية اللي متجوز مهندسة من عيلة راقية , لكن تقدر تقولي هتقدم سهير للعيلة دي ازاي ؟ مع انك مش محتاج تقدمها لإن الكل عارف أصلها وفصلها

انا ما يهمنيش كل اللي انتِ قولتيه ده يا منة , انا ما يهمنيش غير سهير , وان كنتو هتستعروا منها انا مستعد اخدها ونهاجر لأي بلد تانية , نكمل دراسة الطب ونعيش بين ناس بيقدروا الإنسان بانجازاته , مش بيبصوا هو ابن مين ولا اصله ايه

........... للدرجة دي بتحبها يا عبد الرحمن ؟

ايوة يا منة , اظن توفري كلامك ومجهودك في الإقنااااااع

يا عبد الرحمن قولتلك انا مش بقلل قيمة سهير ولا بتعالى عليها , كل اللي عايزة اقوله انك اخويا الوحيد وعايزاك تتجوز احسن انسانة في الدنيا

سهير احسن انسانة في الدنيا

**************************

خلف هذه الجدران,هبة عبد العظيم نور

**************************

ترررررررررررررررررررررررررررررررررن

شوفي مين ع الباب يا راوية من فضلك

حاضر يا ست هيام

******

الأستاذ احمددددددد !!!هههه حمدالله ع السلامة

ههه الله يسلمك يا ام عمر .... معايا ضيف جايلك مخصوص

ضيف ليا أنا !!!!

أيوة , اتفضل يا باشمهندس

السلام عليكم ورحمة الله

عليكم السلام ورحمة الله

........ ازيك يا أمي

....... أمك !!!!

ههه ده عمر ابنك يا ام عمر

ايه !!! ...... ابني ! ....... عمر ! ......... لا ...... انت بتقول ايه يا أستاذ احمد !

أنا عمر ابنك ... اشتقتلك يا أمي

........ عمر !!!! ...... معقول ! ....... اهئ اهئئئئئئئئئئئئئ انت عمرررر ؟ قولي الحقيقة يا ابني , انت عمر ؟ عمر ابني اللي خدوه مني غصب عني وعيشت بناره العمر ده كله ؟ اهئ اهئئئئئئ

ايوة يا أمي أنا عمر ........ مش هتاخديني في حضنك يا أمي وتعوضيني حرماني من حنانك العمر ده كله ؟

ابنييييييي عمرررررر تعالي في حضني يا عمرررررر اهئ اهئئئئئئئئئئئئئئئئ

أمييييييييييييي

ادي ابنك اللي اشتقتيله قدامك يا أم عمر ... عمر , أو الباشمهندس عمر

باشمهندس ! هههه انت بقيت مهندس يا عمرررر ؟

ايوة يا أمي , مهندس مدني ههه

بسم الله ماشاء الله يا حبيبي اموووووه امووووه بسم الله ماشاء الله اهئ اهئئئئئ الحمدلله , اللهم لك الحمد يارب اهئ اهئئئئئئئ أيّووووووووه ع الصبر اللي صَبَرته يا عمر اهئ اهئئئئئئئئ صبر مر , مر اوووووي اهئ اهئئئئئئئئ

ربنا عوض صبرك خير يا أمي , وببركة دعاكِ ليا حتى وأنا غايب عنك ربنا وفقني في حياتي وتفوقت في دراستي لحد ما بقيت مهندس

انا مش مصدقة ...... خايفة نكون بنحلم .... أنا بنحلم يا أستاذ احمد , مش كدة ؟

هههه أنا مش عارف ليه بنستكتر على نفسنا السعادة وبنخاف لما تتحقق أنها تكون حلم , زي ما نكون حاسين أننا اتخلقنا للشقى , والسعادة دي بنلقيها في الأحلام ... اطمني يا أم عمر , ده مش حلم , دي حقيقة , ابنك أهو , راجل محترم ومهندس قد الدنيا , ربنا عوض صبرك خير ورجعهولك عشان يداوي حزن السنين

....... أنت سافرت الصعيد عشان تدور على ابني وتجيبهولي يا أستاذ أحمد ؟

عملت كدة عشان حسيت بقلبك المفتور على ابنك , ودموعك المحبوسة في عنيكِ دايماً وبتنزل كل ما ننادوكِ بام عمر

ياااااااه يا أستاذ احمد !!! ....... أنا عمري في حياتي ما شوفت انسان قلبه زي قلبك , عمري ما كان يخطر على بالي ان حد ممكن يدور على ابني ويجبهولي لحد عندي ..... بتعمل كدة من غير مصلحة هتتحققها !!! .... من غير أي غرض !!!

كله لوجه الله يا ام عمر

الله يجازيك كل خير , الله يجعلك من أهل الجنة وتقابل الرسول عليه الصلاة والسلام ويتبسم في وشك  ويسقيك من ايده اهئ اهئئئئ اللهم آمين يارب

اللهم آمين ..... خليتيني نبكي يا ام عمر ..... اللهم صل وسلم عليك يا حبيبي يا رسول الله ..... نسيبك مع عمر بقى عشان تاخدوا راحتكو , اكيد عنده كلام يامَا عايز يقولهولك . غداك عندنا النهاردة يا باشمهندس ههه

ههه ان شاء الله يا أستاذ احمد

تعالى يا عمر , تعالى يا حبيبي , اقعد يا نور عيني , احكيلييييييي احكيلي

احكيلك ايه يا امي ؟ ههه

كل حاااااااجة كل حاجة يا عمر ,عايزة نعرفوا عنك كل حاجة من يوم ما سيبتك , احكيلي عملت ايه في كل لحظة وكل ساعة وكل يوم وكل سنة مرت عليك من غيري يا ابني اهئ اهئئئئ

هحكيلك يا أمي , بس من غير دموع عشان خاطري , انا مش عايز اشوفك غير مبتسمة يا أمي

خلاص يا عمر ههه خلاااااص , لا دموع ولا حزن تاني يا ابني بعد ما شوفتك ههه احكيلي بقى يا ولا

ولا ! ههههه

هههه ايوة ولا , هو انا مش امك ومن حق نقولولك يا ولا !

ههههه من حقك كل حاجة يا أمي .... أمي ..... ممكن تاخديني في حضنك تاني ؟

يا حبيبي يا ابنيييييي تعالى في حضني يا عمرررر

يااااااااااااه يا أمي . كان فين الحنان ده من زمان ! ليه سيبتيني يا أمي !!!

أنا !!! هما قالولك ايه عني يا حبيبي ؟ انا ما سيبتكش يا عمر , ابوك واعمامك هما اللي خدوك مني غصب عني وحرقوا قلبي عليك اهئ اهئئئئ حتى لما جريت ع الصعيد عشان نشوفوك خبوك مني وماخلونيش نشوفوك وطردوني اهئ اهئئئئ وبعد كدة بعت ناس سألوا عليك من بعيد لبعيد قالولي ان ابوك خدك وسافر وما يعرفوش طريقك

فعلاً , انا عيشت عمري كله في القاهرة , ابويا اتجوز تلات مرات  , وفي كل مرة كانت مراته بتعاملني أسوأ معاملة , عشان كدة كان بيطلقها ويتجوز غيرها , وفي الآخر قرر يعيش من غير جواز عشان يربيني ويعلمني من غير ما يعرضني لأذى على ايد أي ست يتجوزها

سبحان الله ! ...... ولما هو حنين كدة , كان حرمني منك ليه !!

ابويا كان ندمان , وكان نفسه يكفّر عن ذنبه ويرجعك لعصمته , لكن أهله كانوا هما التحكمين فيه , وكانوا رافضين انه يرجعك , عشان كدة حاول يعوضني عن غيابك , بس ما قدرش , قبل ما يموت قالي لو قابلت امك خليها تسامحني

..... هو مات ؟

السنة اللي فاتت , بعد ما اتخرجت من الكلية بكام شهر

.... الله يرحمه ويسامحه .... مش قادرة ندعي عليه بعد ما عَرَفت انه صانك وحافظ عليك وعملك احسن تعليم

الله يرحمه , صحيح ابويا اداني كل حاجة لكن ما قدرش يعوضني عن حنانك اللي اتحرمت منه طول العمر

**************************

خلف هذه الجدران,هبة عبد العظيم نور

**************************

تررررررررررررررررررررررررررررررررررن تررررررررررررررررررررررررررررررررررن

اهو جه يا عبد المجييييد هفتححححححله

بصي من العين السحرية الأوووووول

ماااااشي , هووووو هو بعنيه الخضرا اللي عليها بصة ترعب خلق الله , أهلاااااااً

السلام عليكم يا طنط

عليكم السلام يا خوياااااا , بقى عايز تجوز عبد الرحمن الددكتووووور عبد الرحمن ابن الحسب والنسب لبنت البوااااااااب ! ما تدور لمنة على زبال بالمرة عشان تكممممممممل

احسااااااااااان , ما تتدخليششششش , روحي اعمليلنا  فنجانين قهوة

ما عنداش ببببببببن

طيب سبيني  ارحب بالراااااجل , أهلاً يا هاني يا ابني , شرفتنا , اتفضل في الصالون

متشكر يا عمي

ورااااااااااااااكو

ازيك يا هاني وازي الحاجة والدتك ؟

بخير يا عمي الحمدلله , طبعاً بعد الكلام اللي سمعته من طنط ابقى فهمت حضرتك بعتلي ليه

يا هاني يا ابني , انا مش بتدخل في شؤونك , انا ........

ما تتدخلش يعني ايه يا عبد المجيددددددد انت جد عبد الرحممممممممن يعني لازم تتدخل وتتدخل لما ابوه ياخد قرار يخسف بيه الأررررض

طنططططط من فضلككككك ما حدش له سلطة على ولادي غيرررري , امي نفسها عمرها ما اتدخلت في قراراتي ناحية الولاااااااااد

احسااااااااان , اتفضلي سيبينا نتكلم براحتناااااا , كدة مش هعرف اتحاور مع هاااااااني

اوووووف ماشي يا عبد المجيد , بس يكون في علمك يللي اسمك هاني انتتتتتتت , انا مش موافقة ع الجوازة ددددددي

انا متأسف يا هاني بالنيابة عن احسان

ولا يهمك يا عمي

كنت بقولك يا ابني انا مش بتدخل في شؤونك وشؤون اسرتك , لكن انا زي والدك , وانت لك علية حق النصيحة , تسمحلي اتكلم ؟

طبعاً يا عمي , اتفضل

يا ابني انا عارف ان عبد الرحمن متعلق بالبنت رغم الفارق الإجتماعي الكبير اللي بينهم , وعارف ان البنت كويسة واخلاقها ممتازة , ويكفي انها قدرت بجدها واجتهادها انها تدخل كلية الطب , لكن تفتكر ده مقومات كافية لإنها تكون زوجة لواحد زي عبد الرحمن ربيب احدى الأسر الراقية ؟

يا عمي انا عارف ان ده هيكون وجه اعتراضك على البنت , لكن هقولك على وجهة نظري ببساطة

اتفضل يا ابني

فعلاً سهير من اسرة بسيطة , لكن شخصيتها رائعة وقدرت تحوز اعجاب كل اللي حواليها , أنا شخصياً معجب بسهير جداً , مش لوحدها , باخوانها الاتنين كمان , كلهم اتحدوا الصعب وما استسلموش لظروفهم القاسية , الكبير مدرس لغة انجليزية والوسطاني مهندس معماري والصغيرة في كلية الطب وبكرة ان شاء الله تبقى دكتورة من انجح الدكاترة , واذا كان على المستوى الاجتماعي , فاطمن يا عمي , اخوها المهندس ربنا أكرمه واخدلهم شقة في حي راقي , يعني بعدوا عن شغلانة البوابة اللي بالنسبة للمجتمع للأسف وصمة عار , مع ان المفروض على المجتمع ينظر نظرة عادلة ويشوف البواب البسيط ده ربى ولاده ازاي ووصلهم لايه , المفروض يبقى مثار فخر للجميع , كتير غيره من اصحاب الأموال بيشتروا العلم لاولادهم بالفلوس , وياريت اولادهم فالحين

يا ابني انا معاك في كل اللي بتقوله , لكن انت قولت ان الموضوع برضو بيخضع لحكم المجتمع ونظرة المجتمع , الناس مش هترحمهم , حتى لو البنت سكنت في قصر , فبرضو أصلها بنت بواب

يا عمي على فكرة انا جدي لوالدي كان محوالجي سكة حديد , يعني كان راجل بسيط , لكن قدر يعلم والدي ويدخله كلية الألسن , وباجتهاد والدي قدر يوصل انه يكون معيد في الكلية واجتهد اكتر وبقى دكتور , واتقدم لأمي اللي هي سليلة عائلة عريقة , ومع ذلك قبلوه لانه انسان ناجح وقدر يكون مثار فخر للجميع , انا فاكر دايماً والدي وهو بيحكي عن جدي الله يرحمه وازاي رباه , ازاي كان بيحرم نفسه من كل حاجة عشان يوفرله الكتب واللبس , وسبحان الله كنت دايماً اشوف نظرة الفخر في عيون والدي الله يرحمه وهو بيتكلم عن جدي , يا عمي عبد المجيد , المفروض نغير نظرتنا للمجتهد مهما كان أصله , طالما الأصل لا تشوبه شائبة اجرام ولا تدني خلقي , البنت صحيح بسيطة بس من عيلة تشرف ولا غبار عليها

يا ابني ما اقدرش اقول غير توكل على الله , ربنا يقدملكو ما فيه الخير

**************************

خلف هذه الجدران,هبة عبد العظيم نور

**************************

انت جيت يا هاني ؟

جيت يا رشا بعد لقاء عمي عبد المجيد بناء على طلب حضرتك

مممم عملت ايه مع بابا ؟

هههه وقفني طابور ذنب وقالي ارفع ايدك لفوق ونزل فيا ضرب بالكرباج

انت بتتريأ يا هاني !!!

رشا , عايزك تعرفي ان ماحدش يقدر يغير رأيي ويثنيني عن قرار خدته

يعني انت مصر تجوز عبد الرحمن للبنت دي ؟

ايوة مصر

لكن انا بقى مش موافقة يا هاااااااااني مش موافقققققققة اهئ اهئئئئئئئئئئ

رشاااااااا , أول مرة صوتك يعلى عليا , لو اتكررت تاني ربنا وحده اللي يعلم هيكون مصيرك ايه

من غير تهديد يا حضرة الظابط اهئ اهئ مش هتتكرر تاني اهئ اهئئئئئئ لإني هسيب البيت اللي ماليش فيه حكم على ولادي اهئ اهئئئئئئئ انا هحضر شنطة هدومي والصبح هروح عند بابا ومش هتشوف وشي تاني

................... على راحتك , انا داخل انام

اهئ اهئ اهئئئئئئئئئئئئئئئئئئئئئئئئئئئ ااااااااااااه اهئ اهئئئئئئئئئئئئئئئئئئئئئئئئ

**************************

خلف هذه الجدران,هبة عبد العظيم نور

**************************

ماما انتِ بتعملي ايه ؟ اهئ اهئئئئئ , واخدة شنطتك ورايحة فييييين ؟

سيبيني يا منة اهئ اهئئئئئئئئئ انا ماليش مكان في البيت ده اهئ اهئئئئئئئ

ايه اللي بتقوليه ده بس يا ماما ! اهئ اهئئئئئئ انتِ كل حاجة في البيت ددددده

اوعي يا منة ارجوووكِ اهئ اهئئئئئئ انا مخنوقة يا منة مخنووووقة

يا باباااااااا اهئ اهئئئئئئ يا بابا إلحق مامااااااا امنعهااااااا قولها ما تمشيششششششش اهئ اهئئئئئئ

براحتها يا منة , ماحدش قالها امشييييييي

كدة يا بابا ! طب انا كمان هاخد هدومي وامشي معاهااااااااا

بنتتتتتتتتتتت تعالي هنااااااااااااا , اتجننتيييييييي !!! اياك تاني مرة تتكلمي بالشكل دددددده اتفضلي ادخلي على اوضتكككككك

اهئ اهئئئئئئ حاضر يا بابا حاضرررر اهئ اهئئئئئئئ بس انا بقى زعلانة من حضرتك اهئ اهئئئئئ

ايه يا منة فيه ايه ؟ بابا وماما مالهمممم ؟

مش عارف مالهم يا سي عبد الرحمن ! اهئ اهئئئئئ ماهو كله منكككك , اهي ماما هتاخد شنطة هدومها وتسيب البيت اهئ اهئئئئئئئ

ايييييييييه مامااااااااااااااا

************************

ماما رايحة فيييييييين ؟

ابعد عني يا ولد انتتتتتتتتتتتت اهئ اهئئئئئئئئ مش طايقة اشوفك قداااااااااامي اهئ اهئئئئئ يا خسارة عمري اللي ضاع في تربيتك اهئ اهئئئئئئئئئئئئئئئ

ماماااااااا ماماااااااااااا……….ماما مشيت يا بابا

مشيت مشيت , اعملها ايه يعني ! هي هتمشينا على مزاجهااااااا !!! انا داخل اعمل لنفسي فنجان قهوة , حاسس اني محتاجه قوي

اووووووف وبعدين بقى !!! الموقف اللي خدته ماما ده صعب قوي , هتصرف ازاي ياربي , هتصرف ازااااااي !!!

**************************

خلف هذه الجدران,هبة عبد العظيم نور

**************************

ترررررررررررررررررررررررررررررن تررررررررررررررررررررررررن

شوف مين ع الباب يا عبد المجيددددد ايدي مش فاضية

طيب يا احسان طيييييب

رشا !!!!!

اهئ اهئئئئئئئئ ايوة رشا يا باباااااا رشا اللي اتهانت وكرامتها اتداست على ايد هاني بييييييه اهئ اهئئئئئئ

في ايه يا بنتي ؟ ايه الشنطة ددددددي ؟

رشا بنتي حبيبتييييييي ماااااااااااالك , ايه الشنطة دي يارشااااااا

اهئ اهئئئئئئ انا سيبت البيت يا ماماااااا

يا دي المصيببببببببة , طردها ظابط النكسسسسسة بنتك اتطردت من بيتها يا عبد المجيددددد

استني انتِ بس يا احسان لما نشوف ايه اللي حصصصصل

هيكون ايه اللي حصل غير ان الخاين عديم العشرة جوز بنتك طردهاااااااا

هاني ما طردنيش يا ماما اهئ اهئئئئئئ انا اللي سيبت البيت , كان لازم اخد موقف مع هاااااااااني  اهئ اهئئئئئ

ايه اللي حصل بس يا رشا يا بنتي فهمينييييييي

هاني يا بابا مصر يجوز عبد الرحمن لبنت البواااااااااااب , في راجل عاقل يعمل كدددددددة ! اهئ اهئئئئئئئ

يا بنتي اتفاهمي مع جوزك بالراااااااحة

حاولت يا بابا حاولتتتتتتتتت اهئ اهئئئئئئ وكان جزائي الإهانة وتجريدي من دوري كأم اهئ اهئئئئئئ هاني لغى وجودي يا بابا وخد قرار مصيري زي ده لوحده اهئ اهئئئئئئئئ وطبعاً عبد الرحمن بيه مبسووووووووط , موقف هاني خلى عبد الرحمن يتحدااااااااني اهئ اهئئئئئ حسيت اني ماليش قيمة ولا لزمة في البيت اهئ اهئئئئئئئ عشان كدة كان لازم اسيببببببه اهئ اهئئئئئئ

طب اهدي يا بنتي , انا هتصل بهاني واشوف ايه حكايته

لا يا باباااااا لاااااا لو بتحبني ما تتصلش بييييييه اهئ اهئئئئئئئئ انا لازم احافظ على كرامتييييييي

خلاص يا بنتي , خلاص , اهدي , خديها ترتاح في اوضتها يا احسان

اوضتها !!! بعد العمر ده كله هترجع اوضتها تااااااااااني !!! منك لله يا ابن امييييييييييينة

**************************

خلف هذه الجدران,هبة عبد العظيم نور

**************************

أستاذ أدهمممم ,عايزين الأوناش عشان ننزلوا الصناديق من ع المركب

ماشي , هنكلموا السواقين , روح انت خليك مع الرجالة يا ريس عبد الكريم , فهمهم اننا مستعجلين , مش عايزهم ياخدوا وقت يامَا

حاضر يا أستاذ أدهم ..... ده الأستاذ احمد جَه

ازيك يا ريس عبد الكريم

نحمده يا أستاذ احمد , هنروحوا نشوفوا الرجالة

ماشي , الله يعينك , ههه ازيك يا ادهم , ما شوفتكش النهادرة

اني من ساعة ما وصلت واني على رصيف تلاتة مستني المركب

ربنا يقويك يا اخويا , روح انت مكتبك عشان في واحد حبيبك مستنيك هناك

حبيبي اني ! هأ , اني ماليش حبايب , ماحدش بيحبني

ايّووووه يا أدهم ! دانت حبايبك يامَا وأولهم اني , ولا اني مش كفاية ! ههه

هه ربنا يخليك ليا يا اخويا , مين اللي عايزني ؟

روح وشوف يا سيدي , واحد نفسه يشوفك يامَا

طيب اني كنت لسة هنكلموا السواقين بتوع الاوناش

روح انت ومالكش دعوة , اني هنعملوا كل حاجة بدالك

ماشي يا اخويا

**************************

خلف هذه الجدران,هبة عبد العظيم نور

**************************

مين ! .........الشكل ده مش غريب عليا ........ إبراهيم  بشر !!!!!

هههههه ليك وحشة يا برنسسسسسس

ههه ابراهيمممممم ! وربنا ما عَرَفتك إلا لما دققت في ملامحك , ايّوووووووووووه اخر واحد يجي على بالي نشوفوه هنا

ليه يعني ! هه انت ناسي اننا اصحاب من سنين ياما

لكن  فرقتنا سنين يامَا

اللي فرقنا مش السنين ... اللي فرقنا الشيطان اللي كنا ماشيين وراه . اني لما سيبتك يا أدهم قطعت على نفسي عهد اني لا نشوفوك ولا نعرفوك تاني

وايه اللي اتغير !

انت اللي اتغيرت , واني كمان اتغيرت , ربنا هداك زي ما هداني , ولولا الأستاذ احمد هو اللي جالي وقالي ما كنتش عَرَفت اللي جرالك واللي كان سبب في هدايتك , حمدالله على سلامتك يا أدهم

الله يسلمك يا ابراهيم , خرجت من الحادثة عاجز برجلي اليمين زي ما انت شايف , لولا العكاز ما نقدروش نمشوا

الحمدلله انها جت على قد كدة يا أدهم , ربنا نجاك وعطاك فرصة تانية عشان تتطهر من ذنوبك , واني عارف انك رَجَعت لربك الحمدلله

الحمدلله

ههه باين عليك مش فرحان انك شوفتني تاني , رغم انني فَرَحت يامَا لما شوفتك يا ادهم

ما تقولش كدة يا ابراهيم , ربنا عالم اني فَرَحت قد ايه لما شوفتك قدامي , بالحضن يا ابراهيممممممم

بالحضن يا ادهم هههههههههه ألف سلامة عليك يا اخويا

الله يسلمك , ازيك يا ابراهيم وازي بنتك مهجة ؟

مهجة كَبَرت وبقت عروسة ماشاء الله ههه دي خدت الاعدادية ورايحة الثانوي ان شاء الله

ماشاء الله

وربنا رقني بأخ لمهجة وسميته بشر على اسم ابويا هه رايح سنة خامسة ان شاء الله

ماشاء الله هه ربنا يخليهوملك يا ابراهيم , تشرب ايه ؟

....... مالك يا ادهم ؟ انت لا قادر تتكلم ولا قادر حتى تبتسم

........ ااااااااه اني مش قادر نعيش يا ابراهيم , مش عارف اذا كنت عايش ولا ميت

نعوذ بالله ! ليه بس ده كله !

....... ضحى ....... ضحى سابتني ومَشَت ....... لا عارفلها عنوان ولا طريق

طب ما تعرفش يعني ممكن تكون فين ؟

ما نعرفوش غير انها في انجلترا , حتى دي كمان مش متأكد منها

والولا ابنك فين ؟

خدته معاها ووجعت قلبي عليه

لكن شكلك حزين عليها اكتر من حزنك على ابنك

الولا حتة منها , بنحبوه عشان هو ابني منهاااااا , عمري ما قَدَرت نقسى عليه ولا نزعلوه بكلمة عشان هو ابن ضحى , كل حناني ع الولا كان بسبب حبي اللي ما يتوصفش لامه ...... لكن نعمل ايه ! أهي راحت وخدته مني , ياريتها كانت سبتهولي عشان يبقى حتة منها معايا وفي حضنيييي ...... ليه يا ضحى تعملي فيا كدة ! ....... لو عَرَفتي بنحبك قد ايه ما كنتيش قَدَرتي تقسي عليا القسوة دي كلها .......... ما كنتيش قَدَرتي تسبيني يا ضحى

أدهم ! ايه الدموع دي كلها ! لا يا اخويا لااااا طالما هي ما بتحكبش وقَدَرت تبعد عنك بلاد وبلاد , يبقى خلاص , انت كمان شوف حالك ودور ع اللي تحبك وتعيش في طوعك , الستات يامَا يا اخويا

........... انت اللي بتقول الكلام ده يا ابراهيم !!! دانت أكتر واحد عارف اني بنحب ضحى قد ايه , داني بنحبها من واني عيل صغير , دانت عاشرتني يوم بيوم لحد ما كَبَرنا وحبي لها كَبَر معايا ....... ضحى مش أي ست ........ ضحى ما تتنساش

........... ولو ما رَجَعتش طول العمر ؟

........... يبقى ده نصيبي , هنعيشوا على ذكراها , لكن ست تانية تدخل في حياتي لاااااااااااااا

هي عَرَفت اللي جرالك ؟

وهتعرف منين ! بنقولولك مش في اسكندرية ولا في مصر بحالها

ايوة بس اكيد لها ناس وأهل هنا , وممكن اوي تكون سألت عليك وعَرَفت اللي جرالك

تسأل عليا !! اني ولا بنيجي على بالها ........ تلاقيها عايشة اسعد ايام عمرها وهي بعيدة عني

......... طب سيبك بقى من السيرة اللي مالية قلبك حزن دي , اني بقى بمناسبة ان ربنا جمعنا على خير بعد السنين دي كلها , هنعزموك على أكلة سمك وجمبري معتبررررة

سمك وجمبري ! هه موافق , بس على شرط , يكون في مطعم من مطاعم عن حامد ........ مع انه باع المطاعم ومَشَى ...... بس أكيد سايب طيف ضحى هناك , يلا يا هيمااااااا

يلا يا أدهم ههه والله زمان يا اخويااااااا

**************************

خلف هذه الجدران,هبة عبد العظيم نور

**************************

بابا , خالو احمد اتصل وقال انه جاي في السكة دلوقتي ان شاء الله , ما تنزلش بقى

احمد !!! غريبة انه يجي فجأة كدة !!! ما قالكيش جاي ليه ؟

لأ , هو قالي حضريلي الشيّ على ما نيجي يا نورهان عشان نشربوه سوا

طب اني هننزلوا المحل طياري كدة عشان فيه بضاعة جيالي ولازم نستلموها وهنيجو على طول

طب ما تتأخرش يا بابا

ان شاء الله مش هنتأخر , روحي صحي جدك عشان لو خالك جَه يلقى حد يستقبله

حاضر يا بابا

*************

جدوووو اصحى يا جدو يا حبيبي , جدووو

ايه يا نورهان ! بتصحيني ليه !!

خالو احمد جاي كمان شوية ان شاء الله وبابا نَزَل عشان يستَلَم بضاعة وعايزك تقابل خالوا احمد على ما يجي

احمددد !!! ههه يا مرحب بيه , طلعيلي جلابية غير دي يا بت يا نورهان

حاضر يا جدو

اااه يا قوي يا رب

**************************

خلف هذه الجدران,هبة عبد العظيم نور

**************************

تررررررررررن ترررررررن

خالووووو هههه وحشتني يا خالوووو اتفضضل امووووه

ههه السلام عليكم , ازيك يا نورهان اموووه

ازيك انت يا خالو , وحشتني يامَااااااا

كدابة ,لو كنت وحشتك كنتِ سألتي عليا , لكن انتِ بت وحشة

ههه معلش يا خالو , حقك عليا , مشاغل بقى

مشاغل ! وراكِ الديوان ولا الوزارة !!! ههه

هههه اتفضل يا خالو , جدوووو خالو احمد جَه

احمدددددد يا مرحب يا ابني , اهلاَ وسهلاااااااً

السلام عليكم يا عم مرشدي , خليك قاااااعد , وربنا ما انت قاااايم

ودي تيجي ! هو احنا هنقوموا لأعز منك يا ابني !!! مرحب يا غالي

الله يخليك يا عم مرشدي , ازي صحتك ؟

الحمدلله يا ابني , نحمدوه

الحمدلله يا عم مرشدي

وازيك كدة وازي  الولا ابنك وامه   بنت الأصول

كويسين  بخير الحمدلله ههه طول عمر لسانك حلو يا عم مرشدي

الكلام الحلو بيطلع من القلب يا ايني لما يشوف معادن الناس الطيبين اللي زيك وزي مراتك الله يحفظهالك

ربنا يخليك يا عم مرشدي , انت الاحسن وربنا

روحي يا بت يا نورهان اعملي اتنين شيّ

حاضر يا جدو

شرفتنا يا احمد يا ابني , وربنا انا حاسس زي ما يكون نهار عيد لما شوفتك قدامي

ههه الله يخليك ويديك الصحة يا عم مرشدي , انتهزت فرصة موضوع خاص بنورهان وقلت نعدي عشان نشوف عم مرشدي ونشربوا معاه الشيّ

خير يا ابني ؟ موضوع ايه اللي بخصوص نورهان ؟....... أمها اللي باعتاك ؟

لالا الموضوع مالوش علاقة بامها , أنا جايبلها عريس

عريس ! وهي بنت اختك دي بتفكر في عرسان !!! ده العرسان رايحين جايين عليها وهي مش راضية بحد فيهم , حتى ابن عمتها رفضته , مع ان الولا مهندس وحاجة تشرح القلب , ابوه جايبله الشقة والعربية ده غير ان عندهم فلوس يامَا

الفلوس مش كل حاجة يا عم مرشدي

عارف يا ابني , لكن أحنا بنتكلموا بلغة الناس اللي بيقيموا الراجل بللي في جيبه , الولا كويس وما يترَفَضش , ومن ناحية الأخلاق ما يتعيبش , لكن نقولوا ايه بقى في بنت اختك !

طب وهي رفضته ليه ؟

بتقول عايزة تكمل علام , كلمها يا ابني , قولها سترة البنات حلوة واحنا عايزين نستّروها , البت حلوة والطمّاعين يامَا , وربنا بنخاف عليها لو خَرجت من باب البيت , ونقولوا امتى يا نورهان تبقي في عصمة راجل عشان ما نشيلوش همك

ربنا يقدم ما فيه الخير يا عم مرشدي

الشيّ يا جدو , اتفضل الشيّ يا خالو

متشكر يا حبيبتي

أنا حطيلي الشيّ بتاعي في اوضتي وتعالي عشان خالك عايزك في كلمتين لوحدكو

حاضر يا جدو

اقعد يا عم مرشدي , هتسيبنا ليه !

عشان تبقوا على راحتكو , تعالي يا نورهان , اقعدي جنب خالك وشوفيه هيقولك ايه واسمعي كلامه , اااه القوة من عندك يا رب

*****

في ايه يا خالو ؟؟ انا حاسة ان في حاجة كبيرة عايز تكلمني فيها

هه جايبلك هدية

هدية ! هي فين دي !! انت داخل بإيدك فاضية ههه

ههههه شوف البت ام لسان طويل ! هنقصولك لسانك ده يا بت يا نورهان , الساعة لسة تمانية  الصبح والمحلات مقفّلة ما عرفتش نجيبوا حاجة ندخلوا بيها

هههه وربنا بنهزروا معاك يا خالو , اوعى تكون زعلت مني

اني ما نزعلوش منك يا نورهان , انتِ حبيبتي

انت اللي حبيبي وربنا , لكن ايه بقى حكاية الهدية دي يا سي خالووو ؟؟؟؟

عريس

اوووف عريس تاااااااااني ! انا زَهَقت من السيرة دي وربنااااا

بس ده مش أي عريس

مش أي عريس ازاي يعني !!! مش بني ادم زينا !!! ههه

نسيم

........ نسيم !!!!....... ما تكملش يا خالو

مش عايزاه ؟؟؟

لا مش عايزااااااه , هو يطلع مين ده عشان نوافق عليه !!!  قوله أنا مش موافقققققة أنا كل يوم والتاني بيجيلي عرسان يامَااااااا واحسن منه ألف مرررررررة , أنا اصلاً كل اللي بيشوفني بيتهَبَل عليا وبيقولوا بنت مين الحلوة دددددي

ههههههههههههههههههههههه اه يا مغرورة , يا بت بطلي غروووور , عارفين يا ستي انك ملكة جمال , لكن احنا مش هنعرضوكي في فاترينا عشان الناس تتفرج , احنا عايزين نجوزوكي

وانا بقى مش عايز نتجوز الولا ده

رفضاه ليه يا نورهان ؟؟؟

انت اللي بتسأل يا خالو !!! دانت عارف كل اللي عمله فيا , بقى ده بني ادم عنده اخلاق برضو !!!

يا نورهان صدقيني , وجدي انسان طيب وقلبه أبيض , وجدي لو كان عايز يأذيكي ماكانش في حاجة هتمنعه , وانتِ كنتِ بين ايديه

اومال هو عمل كدة ليييييه ؟ ليه يا خالووو !!!

وجدي معذور , قاسى يامَا وشاف ظلم يامَا , كفاية انه شاف خالته بتتظَلَم وبتتهان قدام عنيه وهو ما قَدَرش يدافع عنها عشان كل لسة عيل صغير

يا سلام  ! ولما كَبَر بقى مالقاش قدامه غيري عشان ينتَقَم منها , مش كدة يا خالو !!!

وجدي ندمان جدا على اللي عمله , معترف انك مالكيش ذنب وانه غلط لما فكّر ينتَقَم من امك وابوكي في شخصك , طالب منك انك تسامحيه

اوووووف سامحته , لكن جواز لاااااا

ولو قولتلك ان ده الراجل اللي نأمنه عليكي ومتأكد انه هيصون الأمانة ؟

............... انت بتدافع عنه ليه يا خالو ؟

عشان هو ضحية زيك

ضحييييية !

ايوة ضحية , صحيح اتصرف غلط , لكن كلنا بنغلط يا بنتي , ماحدش فينا معصوم , وجدي عمل كدة من حبه لخالته , حس ان خالته اتكسرت واتهانت عشان كدة  حَلَف ليجيب حقها , لكن من ناحية تانية وجدي برضو ما بينساش الجميل , ما نَسَاش ليا موقف صغير عملته معاه زمان وجَه بعد السنين دي كلها عشان يردهولي , وده معناه ان معدنه اصيل وما يتخافش منه , وقولتك لو كان عايز يأذكي ويدمرك ويدمرنا كلنا ما كانش في حاجة هتمنعه , حاجة واحدة بس اللي منعته

ايه هي يا خالو ؟

خوفه من ربنا

............. انت عايزني اعمل ايه دلوقتي يا خالو ؟

توافقي على الجواز من وجدي يا نورهان

.............. أسفة , مش موافقة يا خالو

............. واحنا مش هنغصبوكِ يا نورهان

**************************

خلف هذه الجدران,هبة عبد العظيم نور

**************************

عملت ايه مع البت العنادية دي يا احمد يا ابني ؟

ما وافقتش يا عم مرشدي

ليييييه!

هي حرة,يمكن مش متحمسة للجواز عشان لسة عندها ثانوية عامة

ايّووووووووه وايه لزومها الثانوية العامة وتعب القلب !!! احنا مش لازمنا شهادااات ,احنا مش هنوظفوها يا ابني عشان نهتموا بالشهاداااااات

يا عم مرشدي دي حاجة تخصها..الغصب ما ينفعش في الأمور دي,بس هنحاولوا معاها تاني ان شاء الله يمكن نقنعوها

لكن يطلع مين العريس ده يا احمد ؟

وجدي ابن اخت بدور

ابن اخت بدور !!! ........ ما ينفعش يا احمد

ليه يا عم مرشدي ! الولا كويس اوي , وبعدين بيشتغل مدرب كاراتيه في نادي كبير وعنده الشقة وكل امكانيات الجواز , غير انه طيب وابن حلال وعارفين اصله وفصله

يا ابني الولا ما يتعيبش , لكن اختك اول واحدة ماكانتش هتوافق لو عَرَفت , وكمان سامي شايل من بدور من ساعة ما بدَت سعيد عليه , يبقى ازاي  كان هيوافق على جواز بنته من ابن اختها !!!

 وجدي ونورهان مالهومش ذنب في اللي حصل بين الكبار

يا ابني الكلام ما يجيش كدة , ده نسب والوشوش لازم تتقابل , ازاي بدور هتقدر تقابل اختك ! ازاي هيتصافوا ويتسامحوا بعد كل اللي حصل !!! يا ابني القلوب شايلة يامَا وكل واحد عنده سبب يكره التاني , والنسب مش كدة يا احمد , النسب ده يا ابني لازم يكون بالرضا والوفاق , بلاش الموضوع ده يا ابني

يا عم مرشدي اني عارف كل اللي بتقوله , لكن نعملوا ايه اذا كان وجدي بيحب نورهان ونورهان كمان مش عايزة تتجوز حد غيره

بيحبها !!! نورهان قالتلك انها رافضة الجواز عشان خاطره ؟؟؟؟

لالالا نورهان ماقالتش كدة , تستحي تقول , وياريت ما تواجههاش بالكلام ده , واذا كان على النفوس الشايلة لازم يتصافوا ويتسامحوا وكفاية كره لحد كدة , ويمكن لو جواز  نورهان من وجدي تم  يقرب القلوب من بعضها

ياريت يا ابني , احنا مش عايزين غير الصالح

**************************

خلف هذه الجدران,هبة عبد العظيم نور

**************************

ترررررررررررررررررررررررررررررررررررررن

موبايلك بيرن يا هاني بيه

هاته يا سيدي هاااااااته , ايه ده ! أمي ! السلام عليكم يا أمي

عليكم السلام يا هاني , عايزاك حالاً

في حاجة يا أمي ؟

بقولك عايزاك حالاً

..... حاضر يا أمي , اديني ساعة واحدة بس واكون عندك

**************************

خلف هذه الجدران,هبة عبد العظيم نور

**************************

تحت أمرك يا أمي

ايه اللي حصل بينك وبين مراتك ده يا هاني !

مين قالك ؟

كمان ما كنتش عايزني اعرف يا حضرة الظابط ؟ على العموم منة هي اللي حكتلي

منة !

البت نزلت حكتلي وهي منهارة وبتبكي , كويس الحالة اللي وصلت البنت ليها دي يا هاني ! منة قالتلي انك حتى ما حاولتش تمنع أمها من الخروج

وامنعها ليه يا أمي ! هي حرة , عايزة تسيب البيت وتمشي , أو عايزة حتى تطلق براحتها , أنا ماحدش يفرق معايا

هو ده جزائها يا هاني !!! نسيت عشرة العمر الطويلة اللي بينكو ! نسيت ان دي كانت لك الزوجة والحبيبة والصديقة في يوم من الأيام ! نسيت انها سابت أهلها واتغربت معاك بعيد عنهم عشان تبقى جنبك لحظة بلحظة ! في الآخر يكون جزائها انك تسيبها تخرج من البيت بكل بساطة وكإنها لا تمثل لك أي شيييييييييء !!!

يا أمي رشا مش بالملائكية اللي بتوصفيها بيها دي , رشا لها سلبيات كتير , كتير أووووي

وانت بقى اللي ملاك يا هاني ومالكش سلبيات !!! كل واحد فينا يا هاني له سلبيات , مش معنى كدة اننا نضحي ببعض بكل سهولة أول ما نتعرض لمشكلة صغيرة , ما فكرتش في ولادك وموقفهم من اللي انت عملته ! للأسف انت اديتلهم صورة سلبية عن الحياة الزوجية من غير ما تحس , تقدر تقولي ازاي عبد الرحمن بعد ما يتجوز هيصون مراته ازاي ويخاف على بيته من الانهيار وهو بيشوف أبوه بيستهين بأمه وبالبيت اللي جمعهم سنين طويلة ! تقدر تقولي ازاي منة لما تتجوز هتتفانى في خدمة جوزها والحفاظ على حياتها وهي بتشوف أمها بتطرد من البيت بكل سهولة بعد كل التعب اللي تعبته مع أبوهاااا !!! البنت قالت كلمة بترن في ودني لحد دلوقتي لأن معناها خطير , قالتلي أنا كنت فاكرة اني كنت عايشة في بيت بجد , لكن بيتنا ده يا تيتة اتضح انه كان زي بيت العنكبوت , اتهد في لحظة وبابا واقف يتفرج

.............. يا أمي رشا هي اللي كبرت الموضوع , عايزة تمشي عبد الرحمن على مزاجها , الولد من حقه يختار الإنسانة اللي عايز يعيش معاها

عايز يتجوز سهير , مش كدة ؟

ايوة يا أمي , في يوم من الأيام انا اخترت الإنسانة اللي شايف فيها الزوجة المناسبة , وانتِ اعترضتي بالفعل وقولتي مش هي دي يا هاني , لكن في نفس الوقت ما فرضتيش رأيك عليا ولا عملتي اللي عملته رشا , انتِ اكتفيتي بإبداء رأيك لكن سبتيلي أنا حرية اتخاذ القرار , فيها ايه لو رشا عملت كدة مع عبد الرحمن ؟ فيها اييييه !! اظن كانت جنبتنا كتير من المتاعب

وانت ليه ما حاولتش تقنعها ؟

رشا عمرها ما هتقتنع

حاول , حاول يا هاني , يمكن لو احتويت مراتك ولو لمرة واحدة تقدر تغير جواها حاجات كتير , الست اللي بتحب جوزها  لما تحس ان جوزها بيحبها ومتمسك بيها بتعمل كتير أوي عشان ترضيه حتى  لو على حساب نفسها , ارجوك يا هاني ما تسيبش الأمور تتفاقم أكتر من كدة , أرجوك  صالح مراتك يا هاني

بعدين يا أمي بعدين , أنا أعصابي تعبانة وهي كمان أعصابها تعبانة , محتاجين نبعد عن بعض فترة

................. على راحتك يا هاني , انا قولت اللي عندي وانت حر في حياتك

**************************

خلف هذه الجدران,هبة عبد العظيم نور

**************************

حضرتي فطار للولاد يا لولو ؟

ايوة يا نسرين هانم , هو حضرتك مش هتفطري ؟

افطر ازاي بس لولو !!! , ساندرا صاحبتي قالتلي انتِ تخنتي خالص يا سينو , زدتي اكتر من ربع كيلو , تخيلي طلع كلامها صحيحي يا لولو ! شوفت الوزن بتاعي لقيتني سبعة وخمسين كيلو وربعي , دي مسيبة , مسيبة وفري بيج كارثة يا لولووووو

معقول يا مدام ! لا فعلاً عندك حق , دي مصيبة وكارثة وواقعة سودة كمان , الله يكون في عونك

ادعيلي كتير يا لولو , صلي من اجلي زي لويزا الطيبة اللي صلت من اجل فرجينيا جميلة الجميلات , انتِ بتصلي كل شوية واكيد طيبة زي لويزا وأور لورد هيسمع دعائك

يا ست هانم , احنا مسلمين , نقول ربنا سبحانه وتعالى

اوكيه , صلي لربنا وقولي يارب نسرين تخس الربع كيلو الفظاع دوووول

انا هصلي صحيح بس عشان ربنا يهديككككِ ‘عن اذنك هنادي على ايتن ورامي عشان يفطروا , يا مرارتي ياااااااااني

**************************

خلف هذه الجدران,هبة عبد العظيم نور

**************************

الفطار يا رااااامي , يلا يا ايتنننننن

ايتن نايمة يا دادة , ابقي صحيها بعدين

طيب تعالى انت افطر يا رامي

أوك , جود مورنينج مااااام

جود مورنينج ماي بيبي

مش هتفطري ؟

نووو رامي نوووو , هاخد واحدة ساليزو مع مج نيسكافيه

ههه عاملة دايت ؟

يس , فين النيسكافيه بتاعي لولوووووووو ؟

حاضر يا مدام حاااااضر

ايه رامي ! ليه بتاكل كتير كدة !!! انت اكلت واحدة توست على اربع قطمات , ايه التوحش اللي انت فيه ده !

ههههههههه جعان يا ماما , على فكرة انا بايت من غير عشا

صو وات ! ايه يعني ! برضو كل برقة , ومش تاكل كتيررر كفاية واحدة تووووست

مااااااام , سيبيني اكل من فضلك , واذا كنتي خايفة اتخن ما تخافيش , انا نازل النادي بعد شوية وهتحرك كتير , يعني اكيد هحرق دهون

ايه تحرق دهون دي ! انت إرهابي  !!! اسمها هفقد كاليريز

هههههههه سوري مام , عندك حق

اتفضلي يا مدام الساليزو والنيسكافيه

ثانك يو لولو

تررررررررررررررررررررررن ترررررررررررررررررررن

افتحي الباب لولوووووو

حاضر يا مدام

ميييييين ؟

عبد الرحمن

اهلاً ههه ازيك يا عبد الرحمن

ازيك انتِ يا دادة

مانوووووو ابن عمي حبيبيييييي تعالى افطرررر

سبقتك , ازيك يا طنط نسرين

هاي مانووو , تعالى خد واحدة ساليزو

شكراً يا طنط , فطرت

انا عايزة اقولك نسيحة , كل يوم تاكل واحدة ساليزو ومج نيسكافيه على الفطار , مش تاكل حاجة تاني عشان تحافظ على رشاقتك , لازم تكون فارس أحلام خيالي لكل البناااااات , مش في فارس احلام بياكل زي رامي الفجعان ددددده

ميرسي ع النصيحة الغالية دي يا طنط هه

طيب انا يادوب ادخل ألبس واخد عربيتي واطير على النادي عشان شوية من أصحابي مستنيني هناك , بااااااي

باي يا طنط , ازيك يا رامي

ايه يا ابني مالك في ايه ؟

ماما سابت البيت

ليه ! عمي هيتجوز ؟ هههههه

يوووووو اذا كنت هتهزر فانا مش هكمل كلااااااااامي , انا ماااااااااشي

استنى بس يا مانووووو , شيلي الأكل يا دادة واعمليلنا اتنين نيسكافيه انا ومانو

حاضر يا رامي

تعالى اقعد واحكيلي طنط رشا سابت البيت ليه ؟

عشان موضوع سهير

ممم مش موافقة طبعاً

اومال يعني سابت البيت ليه ! شدت هي وبابا والخلاف زاد بينهم راحت واخدة شنطة هدومها وراحت عند جدو

طب ليه عمي ما منعهاش ؟

ما انت عارف بابا يا رامي , بابا عمره  ما بيحب يحايل الستات , عشان كدة ساب ماما تمشي

طب وانت ومنة ما منعتوهاش ليه ؟

حاولنا , لكن طبعاً هي زعلانة مني جداً , وعشان ترضى يبقى لازم اتنازل عن جوازي من سهير , قولي لو انت مكاني تعمل  ايه يا رااااااااامي ؟

من وجهة نظري يا مانو ان طنط رشا هترجع البيت ومش هتغيب كتير , طنط رشا عمرها ما سابت البيت , اكيد لما اعصابها تهدا هترجع

وان ما رجعتش

خلاص , اتنازل عن موضوع سهير

لااااا مستحيل يا راااااااااامي مستحيييييييييل

يبقى خلاص , صمم على موقفك وانتظر ما تحمله الأيام القادمة ههه

اوووووووف انا نازل عند تيتة , محتاج اتكلم معاها اوي

طب والنيسكافيه ؟

لالا مش عايز , سلام

بيس يا مان

ايه ده ! مانو مشي رامي ؟

يوة يا مام  , نزل عند تيتة , اصله مخنوق وعايز يتكلم معاها

مخنوق ! اكيد اللي اسمها رشا هي اللي خنقته , ست لا تطاااااك

ههه طول عمرك ما بتطقيش طنط رشا , اصلها زعلانة عشان عبد الرحمن عايز يتجوز سهير

مين سهير !

سهير يا مام , سهير بنت عم عواااااااد

وااااااااات ! ههه وات ايه سيربرايز , مفاجأة تجنن , امتى البارتي بتاع الفرح ؟

بارتي ايه يا مااااااام ! بقولك طنط رشا مش موافقققققققة

مش مهم , نو بروبلم , المهم مانو , هو عريس , مش رشااااا , وبعدين مالها سهورة ! دي بنت أمورة وكمان رشيقة جداً , بس فيها ديفو واحد , انها بتلبس نضارة نظر ,ودي بتفقد الست كتير من انوثتها

يا مامي ايه اللي بتقوليه ده ! امورة ايه ونضارة ايه بس ! طنط رشا مش موافقة عشان الفرق الاجتماعي

أها , عشان سهير بنت بواب ؟

ايوة

صو وات ! الحب مش يعرف كلام زي دي , كيوبيد هيزعل كتير من رشا

بجد يا مام ؟ وده فيه خطورة على صحتها ههههه ؟

نو رامي نوووو , في خطورة على لاف ستوري بين مانو وسهورة

يا مام سهير مالهاش في الحب والحاجات دي , مانو  هو المتعلق بيها

نو رامي نووووو انا لازم اتدخل , لازم اكنع رشا

وهتقنعيها ازاي ! اذا كان عمي هاني بنفسه ماقدرش يقنعها عشان كدة سابت البيييييييت

احسسسسسسن , هو اصلاً مش بيحبها , ست مملة وتخينة , تخينة جددددداً , كويس انها مشيت عشان يتجوز عليها

هههه يعني الست الرفيعة عمر جوزها ما يتجوز عليها يا مامي ؟

نو رامي نووووووو , شوف دادي بتاعك , مش ممكن يتجوز عليا فور ايفررر , انا ست حلوة , شيك , رشيقة أمووووورة جداً , يتجوز واحدة ست تاني ليه !

هههههه صح يا مام , عندك حق , خليكِ انتِ نايمة على سطح القمر وسيبي الأرض لصحابها , بيس يا مام , بيسسسس , انا نازل

اوكيه مممم انا لازم اخد عنوان مامت رشا من منونة واحل البروبليم الرومانتيك الكبير ددددده

**************************

خلف هذه الجدران,هبة عبد العظيم نور

**************************

يعني انتِ عرفتي يا تيتة ان انا عايز اتجوز سهير بنت عم عواد ؟

ايوة يا عبد الرحمن , منة قاتلي

ورأيك ايه يا تيتة

شوف يا عبد الرحمن يا حبيبي , انا دايما لما بتعرض لموقف صعب وما اعرفش اتصرف فيه بحاول اتذكر مواقف مشابهة حصلت أيام الرسول عليه الصلاة والسلام لحد من الصحابة رضوان الله عليهم , طبعاً الموقف مش بيبقى مشابه بأحداثه بكل وقائعه , لكن أنا بشوف هل أنا بتصرف صح ولا غلط بمحاولة قياس بسيطة , انا هحكيلك حكايتين  جايز تطلع منهم بعبرة

احكي يا تيتة

سيدنا عمر بن الخطاب رضي الله عنه , الصحابي الجليل , فاروق الأمة , أمير المؤمنين  وثاني الخلفاء الراشدين , واللي اتعود كل ليلة يتفقد الشوارع والبيوت عشان يقدم المساعدة لأي حد محتاجها , في ليلة من الليالي وهو بيمر جنب بيت من البيوت سمع حوار بين بائعة اللبن وبنتها , بائعة اللبن كانت عايزة تغش اللبن وتضيف عليه الماء عشان يزيد وتبيع اكتر وتكسب اكتر , لمن بنتها نهتها وقالتها يا أمي حرام نغش اللبن , أمير المؤمنين نهانا عن غش اللبن , الأم قالت لكن عمر لا يرانا , ردت البنت وقالت , إن كان عمر لا يرانا فإن الله يرانا , أعجب سيدنا عمر بن الخطاب رضي الله عنه ببنت بائعة اللبن البسيطة لإنها تتقي الله , وزوجها  من ابنه وكانت ثمرة الزواج ده سيدنا عمر بن عبد العزيز أعدل الرجال بعد سيدنا عمر بن الخطاب , وده لإن أمه اللي ربته , ربته على تقوى الله لإنها كانت إمرأة صالحة

والحكاية التانية يا تيتة

الحكاية التانية عن سيدنا سعيد ابن المسيب , وهو عالم جليل من علماء المسلمين , كان عنده بنت جمبلة ومتدينة , حتى إن أمير من الأمراء طلب الزواج منها ورغم ذلك رفض سيدنا سعيد ابن المسيب تزويجه إياها , وكان في شاب فقير من طلبة العلم كان اسمه أبو وداعة , كان  بيحبه سيدنا سعيد بن المسيب وكان معجب جداً بحرص الشاب ده على حضور مجالس العلم اللي كان يعملها سيدنا سعيد , ولما علم سيدنا سعيد بوفاة زوجة الشاب ده , اخد بنته وعرض الزواج منها على الشاب التقي , الشاب اتفاجئ وقال لسيدنا سعيد , لماذا لم ترسل إليّ فآتيك ؟ قال , مثلك يؤتى إليه , زوجه من بنته لتدينه وحسن خلقه

فهمت يا تيتة , ياااااااه كلامك ريحني جداااااً , حضرتك تقصدي تقولي ان الفقر والغنى مش مقياس لاختيار الزوج أو الزوجة , وان اهم حاجة التدين وحسن الخلق , يعني انا اختياري صح , يا تيتة والله سهير مؤدبة وخلوقة جداً , عمرها ما بتتعامل مع زمايلها الشباب إلا في اضيق الحدود اللي تقتضيها طبيعة الدراسة , واكيد حضرتك ملاحظة انها لبست الحجاب من زمان قوي , ومش بتهتم بالمظاهر الفارغة زي كتير من البنات

انت مش هتعرفني سهير يا عبد الرحمن , البنت متربية وسطنا وانا عارفة اخلاقها , واذا كانت هي اختيارك فبتمنى ربنا يوفقك يا حبيبي

طب وماما يا تيتتتتتتة

مامتك بقى ما حدش يقنعها غير باباك , اطمن , اكيد باباك هيحل الموضوع في الوقت المناسب

امتى بس يا تيتة امتىىىى !

أنا قولتلك رأيي في الموضوع , لكن موقف والدك ووالدتك دي أمور عائلية تخصكو , بعد اذنك يا حبيبي , معاد الورد القرآني بتاعي

اتفضلي يا تيتة , انا طالع , السلام عليكم

عليكم السلام ورحمة الله يا حبيبي

**************************

خلف هذه الجدران,هبة عبد العظيم نور

**************************

ترررررررررررررررررررررررررررررررررررن

خليكِ انتِ يا احسان , انا اللي هروح افتح

طيب يا عبد المجيد

مين ! مدان نسرين !

جود مورنينج انكل , ممكن أقابل اسمها ايه دي رشا ؟

طبعاً يا بنتي , اتفضلي , اهلاً وسهلاً يا مدام نسرين

ثانك يو

اتفضلي في الصالون يا بنتي , دقيقة واحدة وابعتلك رشا

اوكيه , ثانكس

مين اللي جه يا عبد المجيد ؟

دي مدام نسرين , سلفة رشا

والله ! ههه طب قول لرشا , وانا هروح اسلم عليها على ما رشا تيجي

اهلاً اهلاً يا نسرين يا حبيبتي , ازيك ههه

هاي طنطي , ازيك انتِ

الحمدلله كويسة يا حبيبتي , انتِ جاية تسألي على رشا ؟

أها

فيكِ الخير والله , انتو مهما كان سلايف وحبايب , تحبي تشربي حاجة ولا مالكيش نفس ؟

نو طنطي مش عايزة اشرب حاجة , انا عاملة دايت

خير ما فعلتي والله يا بنتي , الدايت ده احسن حاجة في الدنيا , توفير للسكر وللزيت والرز والمكروووونة

أها , ذاتس ترو , ده صحيحي

طب هقوم انا بقى ورشا هتجيلك على طول , البيت بيتك يا نسرين

ثانكس طنطي

**************************

خلف هذه الجدران,هبة عبد العظيم نور

**************************

تن تن رشا يا بنتي

اتفضل يا بابا

سلفتك نسرين جات برا وعايزة تقابلك

مييييييين ! ايه اللي جابها ددددددي ! اكيد جاية تشمت فيااااااا , قولها نايمة يا باباااااااا مش عايزة اقابلهاااااا

لالالا يا رشا , ما يصحش يا بنتي , الست جاية عشانك مخصوص لحد هنا

اوووووف حاضر يا بابااااا , اما اشوف جاية ليه الست دددددي

**************************

خلف هذه الجدران,هبة عبد العظيم نور

**************************

اهلااااااااً ايه الزيارة السعيدة دي ؟

ثانك يو , انا مش جاية عشانك

نعمممممم ! اومال ايه اللي جاااااااابك ؟

جيبالك رسالة من كيوبيد

رسالة من مين يختييييييي  ؟

من كويبيد , مستر كيوبيددددد , ملاك الحب

يا سلااااااااااام ! وباعتك ليه بقى بسلامته سي كيوبيد ؟

بيقولك انه زعلان منك موووووت , عشان انتِ ست مجرررررررمة

احترمي نفسك يا نسررررررين , ما تنسيش انك  في بيتنااااااا

بيتكو ! ممم تعرفي ان ذوقكو مؤرف في الموبيليا , ولون الحيتان فزيعععع , بيت كئيبي كئيبي , زي بيت انسان الغابة ,  انا من ساعة ما دخلت وانا خنقانة

اووووووف معلش , نبقى نتعلم الذوق منكككككك , لخصي وقوليلي ايه اللي جايبك يا ست نسرينننننن ؟

انا عرفت من رامي ماي صن حبيبي ان مانو ابنك بيحب سهورة الأمورة وعايز يتجوزها , وانتِ مش موافقة يا متوحشششة

انا حررررررة , واظن طبعاً انتِ عايزة الجوازة دي تتم عشان تشمتي فياااااا , ما انتِ عايزة جنازة وتشبعي فيها لطمممممم

 وات !انا عارفة جنازة , لكن يعني ايه لطم ؟ شكلها كلمة بيئة زي باقي كلامك , حقيقي انتِ ست فالجر وكلامك شورعاني

نعمممممم ! انتِ جاية لحد هنا عشان تشتمينييييييي ! انتِ ايه اللي جااااااابك ؟

قولتلك مستر كيوبيد هو اللي جااااااااابني , انا لو عليا مش عاوزة اشوف وشككككك , اسمعي قرار كيوبيد الآخيررررر , لازم توافقي على جواز سهورة من مانو وإلا كيوبيد هيزعل منك موت ومش هيكلمك تاني خاااااالص

ما يزعل ولا يتفلققققققق , كيوبيد ايه يا ام دماغ ضاربة انتتتتتتِ , خليكِ في النوادي وشلة الستات الفاضيين اللي بتقعدي معاهممممممممم , انتِ ما بتفهميش غير في المووووضة في عروض الأزياااااااء في الجزم والشنطططط والسهرات والديفيليهاااااااات , مالك انتِ ومال جواز ابني !

اُو نوووو , حقيقي ست حقودية , في قلبك  نار من النوادي والشلة بتاعتي وهتموووووتي هتموتي وتيجي تقعدي معانا , انا مش في عندي مانع , لكن ريلي هما مش هيرضو , عضوية الشلة بتاعتنا مش بتقبل الستات أكتر من ستين كيلو , وانتِ خمسة وتسعين كيلووووو

جاتك خمسة وتسعين كُبة يا شيخخخخة , انا ما كملتش خمسة وسبعين كيلووووو

واووووووو تخينة , تخينة موووووت , ياربي انا ازاي اواجه المجتمعي وسفلتي خمسة وسبعين كيلو !!! مش الموضوع بتاعنا , انا مضطرة اترجاكِ , شو صم ميرسي , خلي عندك رحمممممممة

يعني انتِ لة مكاني يا ست نسرين ترضي ان رامي يتجوز واحدة مش من مستوااااااااه ؟

واي نووووووت , لو كيوبيد قال كدة يبقى اوكييييييه , الحب مش في اقوى منه

هههههههه على اساس ان انتِ وجوزك متجوزين عن حب !

نووووووو رشا نووووو , احنا مش اتجوزنا عن حب , لإن مستر كيوبيد كان في اجازته السنوية وقت ما اتجوزنا , ومش لحقنا نعمل لاف  ستوري  , ولو ابني رامي عايز يتجوز بنت بواب العمارة اللي جنبينا انا موااااااافقة ,  ومانو يتجوز بنت دودو  البواب ونعمل بارتي كبير انا وانتِ ونعزم كل بوابين شارعنا والشوارع اللي حوالينااااااا

لااااااا بقى دانتِ جاية تهزرررري , يلا مع السلامة بقى الحقي النوادي بتاعتككككك

اوكيه , انا كنت عارفة انك مش هتوافقي , عشان اصلاً انتِ مش عندك قلب , انتِ عندك روك , صخر مش قلب

طيب يا روحي , ميرسي اوي على النصايح وميرسي ع الزيارة , سيبينا في حالنا بقىىىى الواحد زهق من الدنيااااا

زهقتي من الدنيا امشييييي , ايه مقعدك معانااااااا ! وأي  سوير يا رشا . انا بحلف , لو متي مش هعبرك ولا هشتري فستان اسووووود , انا هعمل بارتي واغيظكككككك , بس اغيظك ازاي ! انتِ هتكوني متي

بعد الشر علياااااا قاعدة على قلبكككككك يلا امشيييييي يلا يا بتاعة النوااااااادي

اوكيه , انا ماشية يا بتاعة المطبخات يا تخينة يا فششششششلة

امشيييييييييييييي جاتك القرف , انا ناقصاها دي !!! الله يسامحك يا هاني انت وابنككككك

**************************

خلف هذه الجدران,هبة عبد العظيم نور

**************************

تن تن معاااااذ , صاحي يا حبيبي ؟

اتفضلي يا أمي

ههه بتذاكر !

ايوة , في حاجة يا أمي ؟

ممم يعني , كنت جاية اخد رأيك في موضوع

اتفضلي يا أمي

انا جيبالك عروسة هههه

مين من قرايبنا ؟

ههههه اشمعنى يعني من قرايبنا !

يعني ! بحس انك ميالة اكتر اني اتجوز من القرايب

عشان عرضت عليك شهد بنت اخويا قبل كدة يعني ؟

ههه يعني

لا يا سيدي , المرة دي مش من القرايب خالص

مين ؟

نور

نوررر ! ههه معقوووووول !

وايه اللي يخليه مش معقول !!

يعني كنت معتقد انك لما تختاريلي عروسة لازم تكون متدينة وملتزمة ومن بيت ملتزم من صغرها

ليه يعني يا ابني !!! سبحان الله  , يعني هي البنت لو التزمت وعرفت طريق ربنا وهو في سن المراهقة او الشباب يبقى نسقطها من حساباتنا !!! بالعكس دي ممكن تكون اكثر التزاماً وتديناً من بنت نشأت في اسرة ملتزمة , اذا كان أكابر الصحابة رضوان الله عليهم اسلموا بعد ما عاشوا سنين طويلة في الكفر وعبادة الأصنام وشرب الخمور , ومع ذلك شوف هما وصلوا لإيه بحسن إسلامهم واتباعهم للحبيب عليه الصلاة والسلام

عليه الصلاة والسلام , يا أمي انا مش معترض على نور , بالعكس , انا بجد معجب جداً بيها وبالتغيير الرائع ده في علاقتها بدينها ومظهرها الإسلامي اللي زادها روعة , انا كنت معتقد ان انتِ ما يعجبكيش غير بنت نشأت في اسرة إسلامية زي ما قلتلك

ههه لا , انا عجباني نور جداً , ولعلمك بقى انا عارفة عنها كل حااااااجة , نور ماشاء الله عليها حفظت كتير من القرآن وملتزمة جداً بصلاتها واذكارها وقيام الليل وحاجات جميلة جداً كمان اكتر من كدة

بجدددد ؟ ههه ماشاء الله هاااااااايل , لكن انتِ عرفتي منين كل ده يا أمي ؟؟؟

من مامتها , ما انت عارف اني اخدت رقمها عشان نتواصل

مامتها دي تقصدي بيها مرات باباها طبعاً

ههه لا مامتها بقى , علاقتهم ببعض بقت جميلة جداً ماشاء الله

الحمدلله ههه

ما قولتليش بقى , ايه رأيك في العروسة ؟ اخطبهالك ولا اصرف نظر ؟؟؟

تصرفي نظر لييييه ! اخطبيهالي فوراااااً

هههههه حاضر يا باشمهندس

لكن مش المفروض تقولي لأبي الأول ؟

انت متخيل اني ممكن اجي اتكلم معاك في موضوع زي ده وهو ما يعرفش !!!

يعني ابي مواااافق ؟؟؟

طبعاً موافق ههه ومعجب جداً بالإختيار ده كمان

هههه طب هنخطبها امتىىىىىى

شوف الولد مستعجل ازاي ! هههه

ها ! أأالالا عادي يا أمي , براحتكو يعني

هههه على العموم أبوك هيتصل بأبوها بكرة ان شاء الله  ويحدد معاد

ههه ان شاء الله

**************************

خلف هذه الجدران,هبة عبد العظيم نور

**************************

8

ايه يا ماجد , اتصلت بالأستاذ ايمن وحددت معاه معاد ؟

ايوة يا منولة , يوم الجمعة  الجاية ان شاء الله

طيب كويس انك حددت يوم الجمعة , رانيا اختي بتجيلي كل يوم خميس

عارف يا ستي وعشان كدة بعدت عن يوم الخميس ههه

هههه مبروك يا ابو العريس , كبرت يا ماجد يا حبيبي ههههه

هههههههه لازم اكبر طالما مراتي عجزت وشابت

كددددددة ! هههه عجزت عجزت يا سيدي , يعني حد بيفضل صغير طول عمره !

هههه الإعتراف بالحق فضيلة يا ست الحاجة , أنا من هنا ورايح مش هقولك غير يا ست الحاجة هههه

ههههههههههههه ماشي يا ماااااجد مقبولة منك , يلا بقى نطلع نفرّح ماما أمينة بالخبر الحلو ده

ماشي , بس مش هقول لاخواتي إلا بعد زيارة اهل العروسة

فعلاً كدة احسن

**************************

خلف هذه الجدران,هبة عبد العظيم نور

**************************

ياااااه خبر جميل جداً يا ماجد ههه , ومتأكدة طبعاً انكو اخترتوا صح

زي ما اخترت الحاجة منال بالظبط من خمسة وسبعين سنة هههه

ههههه

ههههه شايفة يا ماما امينة ماجد عايز يكبرني ازااااااي !

هههه يا ماجد حرام عليك , والله منال صغيرة والولاد كبروها , مبروك مقدماً يا منال يا حبيبتي وعقبال ما تفرحي بمريومة

الله يبارك فيكِ يا ماما ههه هقوم اعملكو حاجة تشربوها

اتفضلي يا بنتي , ربنا يخليها منال , الوحيدة اللي كل يوم تسأل عليا وشايلة همي

منال بتحبك اوي , بعتبرك أمها بجد وده عشان انتِ بتعتبريها بنتك يا أمي

أكتر من بنتي , انا لو عندي بنت ما كانتش هتهتم بيا اكتر من منال , ربنا يجازيها عني خير اللهم آمين 

**************************

خلف هذه الجدران,هبة عبد العظيم نور

**************************

نوووووور هههه حبيبة ماماااااااا عندي ليكِ خبر يجنننننننن

ايه يا مامااااااا ؟

هههه معاذ وباباه ومامته جايين يوم الجمعة ان شاء الله يخطبوكي من باباااااا

معااااااذ !!! ههه ممم مفاجأة

يا بايخة يا ام دم تقيل ! ههههه ايه رد الفعل البارد ده !!!

ههههه اومال اعمل ايه يعني يا ماما !

كنت فاكراكي هتفرحي اكتر من كدة يا نور

انا فعلاً فرحانة اوي يا مامااااااا , بس احساسي بمعاذ المرة دي غير

غير ازاي يعني ؟

يعني , الأول كنت عايزة معاذ يتقدملي عشان اعجابي بيه وبوسامته وشخصيته وكمان متدين , وده بالنسبة لي كان استايل غريب عليا من الشباب اللي بشوفهم , وده اللي كان شاددني له اوي

اومال دلوقتي ايه الإختلاف يا ست نور ؟؟

دلوقتي بقى الحمدلله بعد ما التزمت وبقيت على طريق صح , بقيت عايزة اكمل الطريق ده مع زوج صالح يعنني على طاعة ربنا , وناخد بإيد بعض للجنة , ومعاذ هو الزوج الصالح ده اللي بتمناه

هههه ماشاء الله ع الكلام الجميل , ايه الرزانة والإتزان ده يا بنت !

ههههه عشان تعرفي قيمتي يا ست ماما . ايه ده ! ده آذان المغرب , هروح اتوضى واجيلك عشان نصلي سوا زي كل يوم

هههه مستنياكي يا عروووووسة

**************************

خلف هذه الجدران,هبة عبد العظيم نور

**************************

معقولة يا ابلة منال هتروحي تخطبي لمعاذ بكررررة !!! ههههه انا مش مصدقة

ههه ليه يا ست رانيا ! اختك كبرت خلاص وولادها هيتجوزوا , عجرت يا رانيا ههه

لاااااا مش ممكن هههه هتفضلي ابلة منال الصغيورة الأموووورة , خديني معاكي يا ابلة , اموت واشوفك وانت حماااااااا ههههه طبعاً هتشدي البنت من شعرها عشان تشوفيه حقيقي ولا باروكة ههه وبعدين تقوليلها قومي كدة وريني طولك وعرضك يا اسمك ايه انتِ , وفي الآخر تقولي لمامتها بنتك وحشة ومعصعصة بس هنجبر بخاطركو وناخدها هههههههه

ههههههههه اخص عليكي يا رانيا , بقى انا ست ارشانة كدة !!! طب دانا هبقى حما طيبة زي ماما أمينة ان شاء الله هههه

ان شاء الله يا أبلة هههه بس قوليلي , العروسة حلوة ولا نص نص ؟

لا حلوة ماشاء الله , بس احنا ما اختارناش على اساس الجمال

عارفة والله يا ابلة , يلا ربنا يوفقه , رغم اني كنت جايباله عروسة تانية , بس هو مالوش بخت بقى

مين دي يا رانيا ؟

رودينا بنتي هههههه يعني لو يستاناها كدة قد خمستاشر ستاشر سنة يبقى كتر خيركو

لاااااا متشكرين يا ستي ههههه

طاوعيني يا ابلة , دي بنتي عروسة لقطة , كفاية انها هادية ورقيييييقة, نسمة يااخواتي نسممممممة

ههههههه لا يا حبيبتي , معلش مش هنقدر نستنى  , لما تكبر ربنا يرزقها بعريس ابن حلال

ايوة يا ابلة , ويكون جميل جمال ان شالله حتى يكون له مثال هههههه

هههههه

**************************

خلف هذه الجدران,هبة عبد العظيم نور

**************************

يلا يا مريم , استعجلي معاذ , ابوكوا سبقنا عشان يدور العربية , مش عايزين نتأخر على أهل العرووووسة

حاضر يا أمي حالااااً

تن تن معااااذ

ادخلي يا مريومة

ههه ايه دددده ! ايه الشياكة والأناقة دي كلهااااا

عريس بقى يا بنتي ههه ايه رأيك في البرفيوم اللي انا حاطه ؟

ممممم جمييييل , يلا بقى بسرعة عشان أبي ومي منتظرين من بدررري

طيب جاي وراكِ على طول اهوووو , مريممممم استني

نعم  يا معاذ

معلش انا هطلع لتيتة دقيقتين بس وهحصلك على طول

طيب بس بالله عليك ما تتأخرش عشان ماناخدش كلمتين في جنابنا من أبي وأمي هههه

هههه لالا مش هتأخر إن شاء الله

**************************

خلف هذه الجدران,هبة عبد العظيم نور

**************************

تررررررررررررررررررررررررررررررررررن

مييييين ؟

أنا معاذ يا تيتة

ههه معاااااذ ايه يا حبيبي , لسة ما روحتش لعروستك لحد دلوقتي ؟

انا نازل على طول اهو يا تيتة , بس جيت اقولك ادعيلي

كنت عارفة انك مش هتروح قبل ما تعدي عليا , لحظة واحدة يا معاذ هجيبلك اللي كنت محضراه

اتفضل يا حبيبي

مصحف !

هادي عروستك بيه , جميل أوي انك تهاديها يوم خطوبتكو بمصحف فيه كلام ربنا

الله ! فعلاً أجمل  هدية ممكن اهاديها بيها يا تيتة , ربنا يخليكِ لينا يارب , ادعيلي يا تيتة

ربنا يوفقك يا حبيبي ويجعلها ليك زوجة صالحة تقر عينك اللهم آمين

اللهم آمين يا تيتة , اسمحيلي ابوس ايدك قبل ما انزل امووه السلام عليكم يا تيتة

عليكم السلام يا معاذ يا حبيبي

**************************

خلف هذه الجدران,هبة عبد العظيم نور

**************************

وحشاني اوي اوي اوي يا منولة ههه كل دي غيبة !!!

ههه معلش يا سحورة , اديني صحيح غبت عنك لكن رجعتلك بعريس لبنتك هههه

هههههه احلى عريس عشان مامته حبيبتي , ازيك يا مريومة يا حبيبة قلبي

الله يسلمك يا طنط ههه

مريومة ماشاء الله امورة اوي وعنيها خضرا وجميلة , هي طالعة شبه مين كدة ؟

ههه شبه جدتها والدة أبوها , ماما أمينة ربنا يخليها ويديها الصحة

ماشاء الله , هي كانت جميلة كدة في شبابها ؟

اه والله , كانت اجمل من مريم كمان ههه كل العيلة مجمعة ان مريم الحفيدة الوحيدة اللي طالعة شبهها بشكل كبير , حتى في الطباع والهدوء , زي ما انتِ شايفاها كدة ههه

ههه ربنا يخليهالك يارب , ناقص بقى عريسك يا مريومة عشان نفرح الفرحة الكبيرة

هه أنا مش مستعجلة خالص يا طنط , اخلص دراستي الأول ان شاء الله

ربنا يكتبلك اللي فيه الخير يا حبيبتي

بنتك اتأخرت علينا كدة ليه يا سحر ؟ هتتقلوا علينا من أولها ! ههه

لا والله أبداً هههه اهي حبيبة ماما جت اهيه , تعالي يا نورررر

ههه السلام عليكم

عليكم السلام ورحمة الله ههه ازيك يا نور يا حبيبتي

الله يسلمك يا طنط منال , وحشتيني اووووي

ههه اديني جيت لحد عندك يا ستي ومعايا العريس

مممم هه ازيك يا مريم ههه

ازيك انتِ يا نور ههه

ايه يا جماعة هنقضيها سلامات ولا ايه ! هههه اما ارن على بهية تجيب الجاتوه والسوفت درينك

ترررررن ايوة يا هااااااانم

اتأخرتي ليه يا بهية !

كنت بودي الجاتوه والحاجة الساقعة عند الرجالة , جايالك حالاً يا مدام

**************************

خلف هذه الجدران,هبة عبد العظيم نور

**************************

تن تن مدام سحر

ادخلي يا بهية

ههه اتفضلوا يا جماعة , الف مبروك يا مدام منال

ههه الله يبارك فيكِ يا بهية

أيمن بيه عايز نور عشان تسلم على العريس وباباه

ههه طيب يا بهية , يلا يا نور روحي سلمي على عريسك وعلى عمو ماجد

ممم طيب يا ماما , عن اذنكو

اتفضلي يا حبيبتي

**************************

خلف هذه الجدران,هبة عبد العظيم نور

**************************

ههههههه بقى معقول يا ماجد ! السنين والأيام تلف بالشكل ده ونتقابل تاني ونبقى نسايب كمااااااان !

هههه بختك حلو يا سيدي , هتجوز بنتك  لابني

هههه شايف ابوك يا معاذ بيمن علية بيك

هههه لالا يا عمي , ابي بيهزر مش اكتر

دايماً تدافع عني يا ابني , ربنا يخليك يارب هههه

هههه

اومال فين بنتك عشان عريسها يشوفها ؟ دي اسمها الرؤية الشرعية , ولا ما عندكش فكرة ! ههه

يا عم حاضر , هتيجي , بتتقل عليكو بس شوية , اصل انا بنتي شخصية ههههه

ههههههه طالعة لابوها يا سيدي

السلام عليكم

اهي البنت جت اهيه ههه عليكم السلام يا حبيبتي  , تعالي سلمي على عمك ماجد

ازيك يا عمو ههه

ازيك انتِ يا نور

قولي لمعاذ ازيك عشان ما يزعلش يا نور ههه

هه ازيك يا معاذ

ازيك يا نور ههه مبروك الحجاب

الله يبارك فيك

اتفضلي المصحف ده عشانك

الله ! متشكرة اوي يا معاذ , جزاك الله خيراً

وخيراً جزاكِ , عايز اسألك سؤال

اتفضل

عندك مانع تلبسي النقاب ؟

إطلاقاً , أنا مقتنعة بيه جداً وكنت فعلاً ناوية ألبسه قريب

طيب الحمدلله , المرة الجاية هجيبهولك معايا

 إن شاء الله , بابا ممكن اطلع ولا عايزني في حاجة تاني ؟

لا خلاص كدة كتر الف خيرك ههه شوفت العروسة يا عريس ؟

ههه

نتكلم في الجد بقى يا ايمن

اتفضل يا ماجد

**************************

خلف هذه الجدران,هبة عبد العظيم نور

**************************

تررررررررررررررررررررررن تررررررررررررررررررررن

موبايلك بيرن يا دكتور عصاااااام

تررررررررررررررررررررررررررررررررررن

هاتيه يا صفاااااااء , وخلي النيرسز اللي في الدور ده يشوفوا شغلهمممممم دخلت عند مريض لقيت المحاليل المتعلقاله خلصتتتتت قوليهم أي تقصير هيبقى الحساب عسيرررررر , وحضروا اوضة العمليات عشان العملية اللي بعد سااااااااعة

ترررررررررررررررررررررررررررررررررررن

حاضر يا دكتوررر

دي امي ! السلام عليكم يا امي هه

عليكم السلام يا دكتور , عاش من سمع صوتك , بقالي تلات ايام ما اعرفش عنك حاجة

معلش يا امي , كان عندي ضغط شغل والله , حتى بعد ساعة عندي عملية مهمة

ربنا يوفقك يا عصام , اتصلت عشان اقولك معاذ ابن اخوك خطب

والله ! هههه ماله مستعجل كدة الولد ده !!!

انا قلت ابلغك عشان تعدي على ماجد تباركله

ممم للأسف والله مش فاضي خالص , انا هتصل بيه بالتليفون

على راحتك , السلام عليكم

عليكم السلام يا امي

تن تن دكتور عصام

ايوة يا مي

الدكتور هاشم الحسيني عايز حضرتك في مكتبه

حاضر

**************************

خلف هذه الجدران,هبة عبد العظيم نور

**************************

تررررررررررررررررررررررررررررررررررررررررررن

اخوك عصام ع التليفون يا ماجد

هاتيه يا منال

السلام عليكم يا عصام

ههه عليكم السلام يا ابو العريس , ايه يا سيدي الأخبار الحلوة دي !

ههه هنعمل ايه بقى اذا كان سي معاذ عايز يتحمل المسؤولية بدري

ههه ربنا يوفقه , لكن مين العروسة ؟

فاكر ايمن عبد العليم زميلي في الكلية ؟

يااااااااااه ههه انت لسة على صلة بيه !!

لا ابداً , الظروف جمعتنا بعد السنين دي كلها والمدام اتعرفت ع المدام بتاعته واختارت البنت لمعاذ

ماشاء الله , ربنا يتمم بخير

عقبال ايتن ورامي

ايتن ماشي , انما رامي ده قدامه عشرين سنة على ما يحس انه راجل وممكن يتحمل مسؤولية

ههه ربنا يهديه

اللهم آمين ,  آسف اني ما قدرتش اجيلك عشان وقتي ضيق والله , لكن اكيد طبعاً في فرحه هكون اول واحد موجود , مبروك مرة تانية , السلام عليكم

عليكم السلام يا عصام

**************************

خلف هذه الجدران,هبة عبد العظيم نور

**************************

انت جيت يا صاصو ! هاو ار يووووو

فااااااااااين , اووووووف فين البيجاما اللي كنت معلقها هنااااا ؟

مش اعرف حاجة عنها , اكيدي اكيدي لولو اخدتها في اللوندري

اوووووف ماشاء الله , حتى بيجاما جوزك ما تعرفيش عنها حاااااااجة

المفروض اتصور معاها سيلفي صاصوووو !

انتِ مش مفروض عليكِ حاجة خااااااالص انتِ فاقدة الأهلييييييية

انا مش عندي اهلية ! اومال بابي ومامي دول يبقى ايه ! مش دول يبقوا اهلية ! مامي وبابي يبقوا  ماي فاميلي وبالعربي يبقوا اهلييييية

اووووووف معاذ ابن اخويا خطب

واووووووو هاو جريت , مين خطبته ؟

خطب بنت واحد صاحب ابووووه , ابوه خطبله عشان راجل ويقدر يتحمل مسؤولية

اوكيه , رامي كمان بقى راجل , تخيل صاصو , في بنات كتير عايزين يخطبوه , بس انا مش عارفة اوافق على مين , تفتكر كارما ولا لوجين ولا سولا ؟؟؟؟ كلهم كلهم ميتانين على رااااااااامي

اووووووف انا هناااااام تصبحي على خير

جود نايت صاصوووو انا بكرة هاخد تارت كبير وبانش اوف فلورز وانزل عند مينولا  اقولها كونجريتيوليشننننننننننننن

**************************

خلف هذه الجدران,هبة عبد العظيم نور

**************************

تررررررررررررررررررررررررررررررررررررن

مين

انا سينو مينولاااااا

اهلاً ههه ايه المفاجأة الجميلة دي , اتفضلي يا نسرين

ديب ثانكس , هاي مينولا

ههه اهلاً بيكِ اتفضلي

اتفضلي انتِ تارت  وبانش اوف فلورز , عرفت ان معاذي انجيجد قلت اجي اقول كونجريتيوليشننننن هههه

ههه ده من ذوقك والله , الله يبارك فيكِ وشكراً على الورد الجميل  والتارت , تعالي نقعد في الليفنج

اوكيه

**************************

خلف هذه الجدران,هبة عبد العظيم نور

**************************

تحبي تشربي ايه يا نسرين ؟

لا مش عاوزة اشرب انا , ايام اون ايه دايت , ممكن جلاس اوف مينرال وتر

للأسف ما عنديش مية معدنية ههه معلش اشربي عصير عشان خاطري وضحي بالدايت النهاردة

اوكيه , مش مهم دايت النهارة , عشان تعرفي انتِ غليانة عندي كتير

هههه والله انتِ ست رقيقة جداً وانا بحبك خالص

ههه وانا كماني بحبك مووووت , عارفة لو كانت رشا هي اللي ابنها  اتخطب  مش كنت عبرتها خااااااالص   , لكن انا بحبك عشان كدة جيت

والله كلنا اخوات ولازم نجامل بعض ههه لحظة اجيب العصير

اوكيه

**************************

خلف هذه الجدران,هبة عبد العظيم نور

**************************

اتفضلي يا نسرين

ثانكس , انتو ليه مش عملتوا بارتي كبير عشان معاذي ؟

لا احنا يادوب اتفقنا مع اهل البنت وقولنا نأجل كل حاجة بعد تخرج معاذ ان شاء الله

نايس نايس , كله نايس , فين معاذي عشان اقوله كونجريتيوليشن ؟

ههه حاضر , هخلي مريم تناديله بعد ما تسلم عليكي , مريوووووووومة

نعم يا أميييييي

تعالي سلمي على طنط نسريييييييييين

حاضررررر

السلام عليكم يا طنط

وات !!!

ممم ههه ازيك يا طنط

أها ههه فاين , ازيك انتِ مريومة ؟؟؟  فاااااين ؟

الحمدلله يا طنط , حضرتك نورتينا

نورتكو ! هو انا اباجورة !!! اوكيه , ثانكس

ههه عن اذن حضرتك

خلي معاذ يجي يسلم على طنط يا مريم

حاضر يا امي

اهلاً بيكِ يا نسرين

اهلاً منيولا

وازي ايتن ورامي ؟

نايس , في النادي مع اصحابتاهم

خلي بالك برضو الولاد بيصاحبوا مين , احنا لازم نتأكد من اخلاقيات الناس اللي ولادنا بيتعاملوا معاهم

لا مش تخافي , كل اصحباتاهم من فيري  بيج فاميليلز , باباتهم سفرا , وزرا , بيزنس مين , كدة يعني

مممم على فكرة دي مش مقياس انهم متربين كويس

مكياس !!! وات ذا ميننج او مكياس ! يعني ايه الكلمة دي !

لا ما تشغليش بالك , اهو معاذ جه

السلام عليكم يا طنط نسرين

هاي معاااااااذي ههه كونجريتيوليشن هاند صم برايد جرووووم مبروك عريس اموووور هههه

ا ههه لله يبارك في حضرتك عقبال رامي

رامي مش يفكر في جواز , رامي يحب حرية وكدة احسن  ههه عروستك امورة وكيوت ولا لا ؟

ههه الحمدلله

على فكرة يوم الفرح بتاعكو انا هوديها عند كوافير واووووو , ريمو  , فزيع فزيع فزيععععع كل نجوم المجتمعي بيروحوا عنده

هههه لا متشكر يا طنط , اصل عروستي محجبة ومش بتروح الكوافيرات دي

او نووووو انتوا الخسرانيني , كونجريتوليشنننننننننن هههه

ههه الله يبارك في حضرتك

طنط نسرين جايبة الورد الجميل ده عشانك وتورتة كمان ههه

ياااااه ههه متشكر اوي يا طنط على ذوقك , الورد جميل جداً ومتشكر ع التورتة

لو عجبك الورد اديك العنواني بتاع المحل عشان تبعت للبرايد بتاعتك ورد كتيررر , كل الستات يحبوا راجل رقيق , اوعى تبقى زي صاصوووو عمره ما جابلي ورد ولا قالي آي لف يو

ممم ههه عن اذنك يا طنط

اوكيه

**************************

خلف هذه الجدران,هبة عبد العظيم نور

**************************

نورهان , انتِ فين يا بنت ساااااامي

نعم يا جدووو

الله ينعم عليكِ يا عسل ههه قومي يا بت البسي وتعالي معايا

نلبس ونروحوا معاك على فين يا جدو ؟

هناخدوكي معايا عند ناس حبايبي , عازمينا ع الغدا

غدا ! مين دول يا جدو ؟

ما قلتلك يا بت ناس حبايبي

طب وانا ايه يوديني عند ناس ما نعرفهومش !

اني هناخدك معايا عشان نتعكز عليكِ , ما انتِ عارفة يا بت ان جدك خلاص مابقاش يعرف يروح مشوار إلا اما يتسند على حد

ههه ربنا يديك الصحة يا جدو , خلاص حاضر , هنلبسوا ونيجوا معاك مع اني ما بنحبوش نروحوا عند حد ما نعرفهوش

**************************

خلف هذه الجدران,هبة عبد العظيم نور

**************************

هي دي الشقة يا نورهان , رني الجرس يا بت

حاضر يا جدو

ترررررررررررررررررررررررررررررررن

ههه اهلااااااااً حبيبتي , ازيك يا نورهااااااااااااان

ماما بدوررررررررر !!! هههه يا حبيبتي يا ماماااااااااااااااا اهئ اهئئئئئئئئئئ

يا حبيبتي يختي امووووه اموووووه يا حبيبتي يا نورهاااااااان لسة فاكراني يا ضي عيني ؟

أنا عمرك ما نَسيتك يا ماما بدور اهئ اهئئئئئئ

يا حبيبتي يا بنتي امووووه يا حبيبتي

ايه يا بدور يا بنتي ! فرحتك بنورهان نَسَتك الراجل العجوز اللي رُكَبه مش شايلاه ولا ايه ! ههه

ايّووووووه ههههه لامؤاخذة يا عم مرشدي , سامحنييييي  اتفضل تعااااالى اقعد  استريح

 ااااه يا قوي يارب . الله يريح قلبك يا بنتي , اني وفيت بوعدي وجبتلك البت لحد عندك

تعيش يا عم مرشدي , جميل مش هننسوه وربنااااا ايّووووووه دي كانت نورهان وحشاني بشكككل !!!

ههه يا حبيبتي يا ماما بدوررر وحشتيني اووووووي اموووه

هههه تسلميلي يا بنتي يا حبيبتي , خمس دقايق يا عم مرشدي ويكون الغدا جاهز

اومال فين سعيد ؟؟؟

سعيد نَزَل يجيب شوية فاكهة وطالع

والعيال فين ؟

العيال عند الجارة اللي تحتينا بتديهم درس في القراية والكتابة  , اصلها مدرسة

ربنا يصلح حالهم ويوفقهم

يا رب يا عم مرشدي

ترررررررررررررررررررررررررررررن

هههه اهو سعيد جه , لحظة نفتحوله

اهلاً يا سعيد يا حبيبي هههه

اهلاً يا ست الستات ههه وحشتيني النص ساعة دي

هههه طب بس بقى عشان الضيوف جم

والله ! طب خدي الفاكهة اغسليها على ما نرحبوا بيهم

 ايّوووووووه ايه النور ددددده السلام عليكم يا عم مرشددددي هههه

ههه عليكم السلام يا سعيد يا ابني , النور نورك انت وبدور

الله يخليك يا عم مرشدي , ازيك يا نورهان يا غالية يا حفيدة الغاااااالي ههه

ههه ازيك انت يا عم سعيد

نورتونا والله وشرفتونا , الغدا يا بدوررررر

حاضر يا سعيد , هنعملوا السلاطة ونحطوا الأكل على طول ههه تعالي معايا يا نورهان

**************************

خلف هذه الجدران,هبة عبد العظيم نور

**************************

منور يا عم مرشدي , واحشني يامَا وربنااااااا

الله يخليك يا سعيد , بدور عاملة معاك ايه انت والعيال ؟

بدور دي مافيش زي حنيتها في الدنيا يا عم مرشدي , قَدرت بحنيتها تخلي العيال يحبوها زي عنيهم , ما بيناموش إلا لما تقعد جنبهم وتنيمهم , وتأكلهم بإديها وتدلعهم ههه والله زي ما تكون امهم واكتر

الله يديها على قد نيتها يا ابني , بدور طيبة وتستاهل كل خير

وهتفرحلنا  اكتر يا عم مرشدي لما تعرف ان بدور حامل هههه

ههه بسم الله ماشاء الله , اللهم لك الحمد يارب , البت دي طيبة وربنا هيعوض صبرها خير ان شاء الله , مبروك يا ابني

الله يبارك فيك يا عم مرشدي , فعلاً بدور شافت ظلم ياما واني بندعي ربنا اني نقدروا نعوضوها

اني عارف انك هتعوضها يا ابني , انت كمان طيب وابن حلال يا سعيد

الله يخليك يا عم مرشدي . بدورررر كل ده بتعملي السلاااااطة ! ههه

حالاً اهو يا سعيدددد

**************************

خلف هذه الجدران,هبة عبد العظيم نور

**************************

ههه عجبك الأكل يا نورهان ؟

اوي يا ماما بدور , اكلك كان واحشني اوي , كل حاجة فيكي كانت وحشاني , لكن انا زعلانة منك

هو اني نقدروا على زعل  بنتي حبيبتي !!! زعلانة مني ليه يا نورهان ؟؟؟

................ يعني انتِ ما كنتيش عارفة اللي عملوا فيا نسيم ؟

نسيم !!! تقصدي الولا وجدي ؟

يعني انتِ عارفة كل حاجة اهو

وربنا يا بنتي ما كنت نعرف أي حااااااجة , اخص عليكِ يا نورهان , اني برضو نتَفَق عليكِ يا حبيبتي !! نتَفَق على بنتي !!! دي أول مرة  نسمعوا كلمة ماما كانت منك يا نورهان , دانتِ غالية عليا اوي يا بت

يعني هو عَمَل كدة من وراكِ ؟

ايوة , معلش , الولا ماكانش يقصد , ده وجدي طيب اوي وربنا , من حبه فيا كان فاكر انه كدة بينتقملي , معلش , شاب وطايش بقى , هنعملوا ايه !!!

............... الله يسامحه . لكن نفسي نسألوكي سؤال محيرني يامَا

اسألي يا حبيبتي

انتِ ليه يا ماما ما حاولتيش تشوفيني لما عَرَفتي طريقي ؟ أنا كنت فاكرة انك كَرَهتيني بسبب بابا وماما واللي عملوه فيكِ عشان كدة ما حاولتيش تشوفيني

كَرَهتك !!! طب استني هنوروكي حاجة

**************************

خلف هذه الجدران,هبة عبد العظيم نور

**************************

شوفي يا نورهان الصورة اللي في الجورنال دي

الله ! دي صورتي اللي جدو عادل نشرها لما كنت غايبة

قصيتها من الجورنال وقعدت نبوسوا فيها زي المجنونة ونقولوا وحشتيني يا نورهان , اخدت الصورة وشيلتها في دولابي وكل يوم الصبح نفتحوا الدولاب ونصبّحوا ع الصورة ههه دانتِ في قلبي يا بت وربنا . بس اني يا حبيبتي ما كانش ينفع نجولك بيت ابوكي ولا حتى عند امك , انتِ عارفة اللي فيها يا نورهان . عشان كدة طلبت من عم مرشدي يجيبك عندي عشان نشوفوكي , والحمدلله ربنا أكرمني وشوفتك قدامي , بسم الله ماشاء الله عروسة زي القمر , بنتي حبيبتي ونور عيني وربنا يا بت هههه

اهئ اهئئئئئئئئ انتِ طيبة اوي يا ماما بدور , كان نفسي تكوني ماما بجد

ايّوووه طب ماني امك يا بت , هي الأم ايه غير حضن وقلب يحب وايد تمسح الدمعة  , وانتِ اتربيتي في حضني يا نورهان وطول عمري نحبك , وايدي دي اللي هتمسح دمعتك دلوقتي يا حبيبتي اموووه

اهئ اهئئئئئئئئ ليه مش كل الناس طيبين زيك ! ليه الدنيا فيها شر يامَا كدة وناس بينتَقَموا من بعض !!! أنا ذنبي ايه عشان ابن اختك يعمل فيا كدة ! اهئ اهئئئئئئ

يا حبيبتي بالله عليكِ ما تزعلي من وجدي , ده الولا ندمان ندم عمره , طب ايه رأيك انه من ساعتها ما عادش وجدي بتاع زمان  . الولا ماكنش بيبطل كلام ولا ضحك ولا مناغشة فيا وفي امه , لكن من ساعة اللي حصل وهو على طول شارد وزعلان . وجدي ندمان بجد يا نورهان

............ حقيقي ندمان ؟

اه وربنا ندمان , بقولك ايه , بصراحة كدة اني جبتك النهاردة عشان نتكلموا معاكِ براحتي , وجدي عايز يتجوزك

اييييييه !!! مستحيييييييل , خالوا احمد عرض عليا الموضوع ده قبل كدة وانا رفضتتتتت

ههه اتعلمتي القساوة من مين يا بت !!!!

مش قساوة . خلاص , أنا مسامحاه , بس هو في حاله وانا في حالي , انما جواز لأ

بس اني بقى عايزاكِ تسامحيه وترضي عنه وتوافقي ع الجواز

....... وانتِ ما سامحتيش بابا ليه ووافقتي ع الجواز منه يا ماما بدور ؟

لا يا نورهان , اوعي تشبهي اللي حصلك بللي حصلي , بعد الشر عليكِ يا بنتي من ان يجرالك ولا واحد من الألف من اللي حصلي على ايد ابوكي , انتِ كَبَرتي دلوقتي يا نورهان ولازم تفهمي ان اللي حصلي من ابوكي ما يتنساش يا بنتي , الحمدلله على كل حال . انما وجدي رغم انه كان عايز ينتَقَم لكن ما قَدَرش ياّذيكِ ولا يمسك بسوء , حصل ولا ما حصلش ؟

...... حصل يا ماما بدور

طب اومال ليه بقى مستقوية القلب ع الولا يا بت انتِ !!! هههه

يا ماما بدور طب تفتكري لو انا وافقت بابا وماما هيوافقوا ؟

سألت السؤال ده لجدك , رد وقالي لو نورهان موافقة اني اللي هنتولى الموضوع

جدو قال كددددددة ؟ هههههه

هههههههه ايّووووووووه ! شوف يختي البت اللي نشفت ريقي في المحايلة وهي تقول مش موافقة ! داني هنتصلوا نبشروا الولااااااااا هههه العروسة وافقتتتتتتتت

ههه

**************************

خلف هذه الجدران,هبة عبد العظيم نور

**************************

يعني ايه يا ابويا نجوزوا بنتي للولا الصايع ددددددده

الولا مش صايع يا ساااااااامي , الولا بيشتغل وبيكسب وعنده شقته

ان شالله يكون عنده عزززززبة , ولو عنده بلد بزَيّهاااااا , اني مش هنجوزوه البتتتتتتتت

ايّووووووه وليه يا ساااااااامي !!! هو تصليب رأي وخلااااااااص !!!

يعني يا ابويا عايزني نجوزوا بنتي للولا اللي خطفها وشيبنا بعماااااااايله !!!

الولا ما عملش كدة إلا عشان ينتَقَم لخالته اللي شَرَيت المر على ايدك وايد طليقتككككككك

ماشي يا ابويا , واهو خد حقه وخطف البت عشان ياخد بتار خالته  , عايز مننا ايه تااااااااني !

عايز يتجوز نورهان

لاااااااا مش موووووووافق

بس البت موافققققققة

موافقة على ميييييين !!! على بلطجي بيخطف الحريممممممم ! ناوية تتجوزه ويعملوا عصاااااااابة !!!

مالاكش دعوة , يعملوا اللي يعملوه , وبعدين اطمن , الولا طيب ومش بتاع مشاكل , غيرش بس النار اللي كانت قايدة في قلبه من الظلم اللي وَقَع عليهمممم , يا ابني الظلم بيعمي البصر والبصيرررة , بيقيد نار اسمها الانتقام في القلب

واني ايش ضمني انه يكون عايز يتجوز البت عشان يكمل انتقااااام , يمكن يقتلها ولا يولع فيهاااااا , ساعتها لما حد يكلمه يقول كنت بننتقم لخاااااااااالتي

لا ما تخافش , الولا طيب وابن حلال . الولا ده لو مؤذي كان قتل بنتك بصحيح , ولا حتى كان لاقدر الله مسها بسوء وشايلنا العار طول العمر , البت كانت تحت ايده وما كانش حد هيمنعه عنها , ولا اني غلطان ؟

................ يعني انت عايز ايه دلوقتي يا ابويا ؟

عايزك توافق على جواز البت من الولا

لما نسمَعوا رأي نورهان , بت يا نورهاااااااااااااان نورهااااااااااااااااان

نعم يا باباااااااا

تعالي يا بتتتتتتتتت

ممم نعم يا بابا

موافقة على زعيم العصابة خطّاف النسوان اللي اسمه وجدي ؟

 ......ايوة يا بابا موافقة

وماله يا بنتي , ده اليوم اللي بيتمناه كل أب , كل أب يا بنتي مناه انه يجوز بنته لبلطجي , لقتال قتلا , او ع الأقل حرامي عشان يرفع راسه بين الأبهاااااااات , احنا هنوافقوا بس عشان جدك متدخل في الموضوع ومتصدّر للولا , لكن اسمعي يا نورهان , لو جيتي في يوم اشتكيتي من الولا ده هنحطحوكي في شوال ونرموكي في الماااااااالح

حاضر يا بابا , عن اذنكو

استني يا بتتتتتتتت

نعم يا بابا

الولية امك عَرَفت ؟

لا , خالو احمد هيقولها

طب اصطفلوا معاها بقى , عشان اني متأكد ان عمرها ما هتوافق على ابن اخت بدوووور , دول بينهم تار ولا التار اللي كان بين المسلمين والتتاااااااااااار .

ما تشيلش هم الحكاية دي يا سامي , أحمد هيتصرف مع اخته

 وان شاء الله يا ابويا الباشا العريس هيجي يطلبها مني ولا هتكتبوله عليها وياخدها من برا برا ؟

الولا هيكلمك بكرة يحدد معاك معاد

ماشي , واني مستني المكالمة

**************************

خلف هذه الجدران,هبة عبد العظيم نور

**************************

تفتكري يا هيام اوسا هتوافق ؟

واني نعرفوا منين يا احمد !!! اللي فيه الخير يقدمه ربنا , ولو اني مستغربة

ههه انتِ كمان مستغربة

لأ , انا مش مستغربة من الموضوع , انا مستغربة منك انت عشان بتكيل بمكيالين

انا يا هيام بنكيل بمكيالين !!!

ما تزعلش مني يا احمد , بنقولوا اللي شايفاه , ازاي يعني انت اللي بتسعى بكل جهدك عشان تجوز نورهان من وجدي عشان بيحبوا بعض ومن ناحية تانية واقف قصاد جوازة رحمة من الولا جارهم رغم انك عارف انهم بيحبوا بعض !!!

ههه فَهَمتك يا ست هيام , شوفي يا هيومة , موضوع نورهان ووجدي مختلف تماماَ , نورهان ووجدي هما الاتنين ضحية , الاتنين اغلب من الغلب وشافوا عذاب يامَا في حياتهم , الظروف الوحشة هي اللي جمعتهم وخليتهم يتعلقوا ببعض , حبهم لا كانوا قاصدينه ولا كانوا بيتحدوا بيه حد , لكن رحمة غلطت , رحمة اتغرقت في الحنان والدلع من صغرها من ابوها ومن امها ومني انا كمان , وعلى يدك كنا بنعملوا ايه مع رحمة وبنعاملوها ازاي , يامَا اتحايلت عليها وعلى امها عشان تيجي اسكندرية وتعيش جنبي ونراعوها , لكن هي اللي رفضت وامها عامت على عومها , وكل ده ليه ! عشان كانت بتحب الولا ومش عايزة تفااااارقه , يبقى ازاي تساويها  ببت غلبانة ومكسورة زي نورهان !!!

ممم ربنا يصلح حالها وحال رحمة يارب , طيب يا احمد يا حبيبي يعني لو الولا اللي عايز رحمة ده .............

هياااااااااام ما تفتحيش معايا السيرة دي تاني , الموصوع ده اتقفل والولا ده مش هنجوزوه اختييييي , سَمَعتي ؟؟

خلاص يا حبيبي , على راحتك

هه طب قومي البسي عشان نخرجوا نتمشوا ع البحر ونعزموكي على ايس كريم

ههه وربنا كان نفسي في التمشية ع البحر بقالي يامَااااا , هنلبسوا خالد ونجيبوه

خالد مييين ! سيبيه لام عمر , عايزين نخرجوا لوحدنا مش عايزين لمة هههههه

ههههههههههه حاضر يا حبيبي

**************************

خلف هذه الجدران,هبة عبد العظيم نور

**************************

قلتي ايه يا اوسا ؟

يعني مالقيتش لبنتي غير الولا ده يا احمد !!!

الولا طيب وابن حلال وكفاية انه ماشاء الله التزم بالصلاة , واني نضمنوه برقبتي , اني لو ماكنتش واثق فيه ما كانش ممكن نتدخل في موضوع زي ده يا اوسا , نورهان دي بنتي زي ما هي بنتك

اني عارفة يا احمد انك بتحب البت وعايزلها الخير , لكن اني ...... اني ازاي نقابلوا بدور بعد اللي حصل !!!

 دي فرصة يا اوسا عشان النفوس تتصافى

............. اني اللي عملته في بدور يامَا , مش متهيألي تسامحني مهما حصل , هتسامحني على ايه ولا ايه !!! على سمعتها اللي سوأتها ولا الحمل اللي نزلتهولها ولا اسكندرية اللي سابتها بعد الفضيحة وتشريدها في الشوارع , ايّوووووه دي حاجات ياما اوي يا احمد

اللي بتقوليه ده معناه انك ندمانة يا اوسا

ندمانة وتايبة وعايزة ربنا يسامحني اهئ اهئئئئئئئئئ

دموعك دي خير , معناها ان قلبك صَفَى للناس يا أوسا , اعترافك بذنبك ورغبتك ان ربنا يتوب عليكِ معناه انك اتغيرتي , واني شايف ان الجوازة دي هتخليكي تفتحي صفحة جديدة مع بدور . أي واحدة مكان بدور كانت هترفض تجوز ابن اختها لبنتك , لكن بدور متسامحة وقلبها ابيض , واتمسكت بنورهان عشان خاطر وجدي ورغبته القوية انه يتجوزها

يعني انت متأكد انه هيعيش مع بنتي بما يرضي الله ومش هيأذيها ؟

ماتخافيش , قلتلك انا ضامنه , قلتي ايه بقى يا ام العروسة ؟ ههه

اللي شايفه في مصلحة البت اعمله يا احمد

على بركة الله , مبروك مقدماً يا حبيبتي

الله يبارك فيك يا اخويا , عقبال ما تفرح بابنك وتجوزه في حياتك وتفرح بعياله

 اللهم آمين .تعيشي يا حبيبتي هه

**************************

خلف هذه الجدران,هبة عبد العظيم نور

**************************

نجيبولك كوباية شيّ من القهوة يا استاذ سامي ؟

مش عايز حاجة يا ولا يا حمو, روح بس لمع الفاترينات الملطّشة دي

من عنيا حاضر

تررررررررررررررررررررررررررررررررررن

موبايلك بيرن يا استاذ سامي

تررررررررررررررررررررررررررررررررررررن

سامعه يا اخويا , اني عارف مين اللي متصل , عشان كدة بنتقل عليه

ههههه وده مين ده يا أستاذ سامي ؟؟؟

وانت مالك يا ولاااااا , روح لمع الفاتريناااااات

ترررررررررررررررررررررررررررررررررررررن

حاضررررر

 شوف الزباين دول يا ولا يا عبااااااس

تررررررررررررررررررررررررررررررررررن

حاضر يا استاذ سامي , طلباتك يا ست الكل

الوووو

السلام عليكم يا عم سامي

عليكم السلام , يا نعم

أنا وجدي

ربنا يشفيك ويزيح عنك

أنا كنت عايز نجولك عشان نطلبوا منك نورهان رسمي

أنا بنتي اسمها نورهان سامي

هه ما أنا عارف , أنا نقصد يعني نطلبوها رسمي منك باعتبارك ابوها

والله كويس انك عارف اني ابوهاااااا , بعد ما لفيت الكرة الأرضية وطلبتها من نص اسكندرية في الآخر متصل عشان تخطبها مني , لا والله فيك الخير

يا عم سامي انت عارف ان موضوعي أنا ونورهان مش سهل , كان لازم نرتبوا مع ناس يامَا قبل ما نجولك

ماشي , وانت عايز مني ايه دلوقتي ؟

عايز نجولك البيت

لا , تعالالي القهوة

اييييييه !

ايه ! ما سَمَعتش !!!

نطلبوا بنتك منك في القهوة يا عم سامي !

وفيها ايه !!! دانا ناوي نعملكو الفرح في غُرزة ان شاء الله , واهو بالمرة تعزم زمايلك البلطجية وقطاعين الطرق

مممم انت رافضني يا عم سامي عشان كدة بتمطوح فيا , مش دي الصراحة ؟

تعالالي ع القهوة يا ولا بعد نص ساعة , هنستنوك , سلام

سلام يا عم سامي

**************************

خلف هذه الجدران,هبة عبد العظيم نور

**************************

السلام عليكم يا عم سامي

عليكم السلام يا اخويا , اترزع

شكراً

تطفح ايه ؟

ياريت شيّ

ماشي , ولا يا زيزووووو اتنين شيّ ويكونوا زي الحبر يا ولااااااااا

حاضر يا أستاذ سامي

مممم ازيك يا عم سامي

تسلم , وبعدين ؟

يا عم سامي أنا عايز نقولك ان أنا زعلان من نفسي اوي عشان اللي عملته

طب والله كويس ان عندك دم , مع ان شكلك جبلة وربناااا

يا ريت تقبل اسفي وعذري , غلطة ولحد دلوقتي بندفعوا تمنها من عذاب ضميري

الشي يا استاذ ساااااامي

ماشي يا زيزو , كمل يا ابو ضمير

أنا كل اللي عايزه انك تسامحني وتوافق على جوازي من نورهان

شوف يا ولا يا وجدي , وربنا المعبود أنا ما طايقك ولا طايق نشوفوا وشككككك , لكن أنا عارف يا ولا انك طيب وابن حلال , وعارف انك هتصون بنتي عشان بتحبها , وانا كل اللي طالبه في الدنيا اني نجوز بنتي لراجل طيب وابن حلال ويعرف ربنا ويكون بيحبها . أنا جربت نتجوز واحدة عشان فلوسها , لكن ما ارتاحتش , نَدمَت وقولت في داهية الفلوس اللي تخلي الواحد يبيع سعادته وراحته عشانها . أنا كنت بنحب خالتك بدور من زمان , عشان كدة صممت نتجوزها ونبقى كدة ضربت عصفورين بحجر واحد , لكن بهدلتها معايا وشغلتها خدامة للي يسوا واللي ما يسواش وكل ده عشان خاطر الفلووووس , واخر المتمة الحجر اللي ضربت بيه العصفورين خبط في دماغي وفتحلي نفوووخي , فوقت من الخبطة لا لقيت الحب ولا لقيت المال . باختصار يعني أنا مش عايز بنتي تمر بللي غيرها مر بيه , مش عايز واحد ياخدها عشان فلوسها , أنا عايز واحد يكون شاري بنتي بجدددد عايز بنتي لنفسهاااااا مش عشان فلوس أهلهااااا

وانا الراجل اللي انت بتدور عليه يا عم سامي

انا عارف يا ولا , وده اللي خلاني نوافقوا عليك . انا حبيت الأول نقابلوك في القهوة عشان نتكلموا على راحتنا ونقولوا كل اللي عايز نقولوه

في حاجة تاني عايز تقولها يا عم سامي ؟

ايوة , نورهان بنتي تصونها زي عنيكككك , يعني زي ما بتخاف على عنيك من العمى تخاف على بنتي من شوكة تشكهاااااا , سامع يا ولااااااا ؟

نورهان في عنيا يا عم سامي

أما نشوفوا يا اخويا , المقابلة انتهت

يعني نمشي !

مش طفحت الشيييييييّ !! هتقعد تعمل ايييييه !!

مش هتحددلي معاد عشان نجيبوا ابويا ونيجوا نخطبوها ؟؟؟

ماشي , هات ابو زيد الهلالي سلامة وتعالوا بكرة بعد العشا , نطفحوا لقمة سوا ونتكلموا في المفيد

ههههه ربنا يخليك يا عم ساااااااامي هات بووووسة اموووووووه

اوعي يا ولااااااااا , يلا غور ونشوفوك بكرة ان شاء الله

ههههههه سلام يا عم سامي يا حمايا يا عسسسسسسسل

الله يسلمك يا نن عين حماك . ايه ده ! حماه ! ايّووووه هو اني كَبَرت اوي كدة وهنبقوا حما الهلف ده !!! الله يسامحك يا نورهان يا بنتي شيبتيني قبل أواني , داني لسة عريس جديد وهندخلوا دنيا بعد كام شهررررر

**************************

خلف هذه الجدران,هبة عبد العظيم نور

**************************

يعني نورهان وافقت على وجدي  يا احمد ؟

ايوة  يا هيومة, خالته بدور اقنعتها

بدور !!! وقابلتها فين ؟ معقول راحت بيت سامي !!!

لا طبعاً , دي عزمت نورهان وعم مرشدي عندها ع الغدا واتكلمت معاها لحد ما اقنعتها

وربنا لو نورهان مالها مزاج للولا ما كانت وافقت ولو عملولها ايه ههه

وجدي طيب , على قد طيشه واللي عمله معاها لكن طيب وما قَدَرش يأذيها ولا يأذي أحد من طرفنا

ربنا يتمملهم على خير

يارب , واهي امها كمان وافقت الحمدلله بعد ما كلمتها

ممم طب ويا ترى أوسا وبدور هيتعاملوا مع بعض ازاي بعد اللي حصل بينهم ! دا اللي حصل بينهم مشاكل يامَا اوي

والله ما عارف , هما لحد دلوقتي ما اتقابلوش ولا اتصافوا , بس حاسس ان أوسا ندمانة على اللي عملته مع بدور ونفسها تستسمحها , بس أوسا نفسها عزيزة وما بتتكَسَرش لحد , عشان كدة ما اتعتقدش انها تروح لبدور ولا تطلب مقابلتها

طب بنقولولك ايه يا أحمد , ما تيجي نعزموهم هما الاتنين عندنا ونخلوهم يقعدوا قعدة تصافي ؟ يمكن بعدها النفوس تهدا والقلوب ترتاح

والله فكرة يا هيام , خلاص , اني هنكلم اوسا نعزموها وهنجيبولك رقم بدور من نورهان عشان تعزميها . دايماَ كدة سبّاقة في الخير يا هيومة ههه

هه ربنا يصلح ما بين الناس كلها يا احمد

**************************

خلف هذه الجدران,هبة عبد العظيم نور

**************************

ترررررررررررررررررررررررررررررررررررن

مين ؟

أنا سامي يا كاميليا

ساااااامي ههه اهلاً وسهلاً يا اخويا اتفضل

هنتفضل عشان نقولولك كلمتين

اقعد يا خويا , خير

نورهان بنتي هتتخَطَب

.... تتخَطَب !!!..... لمين ؟

الولا وجدي ابن اخت بدور

ايه !!! ....غريبة

لا غريبة ولا حاجة , النصيب كدة , وبدور وسطت ابويا في الموضوع والبت وافقت وانا كمان وافقت

....... وماله يا اخويا , ألف مبروك , ربنا يتمم بخير

اوعي تكوني زعلانة مني ولا من البت يا كاميليا

لا ابداً يا اخويا  , ده كله قسمة ونصيب , نورهان بنتي واحنا نفرحولها , احنا بس كان غرضنا نجوزوها لمحمد ابني عشان عارفاه هيصون بنت خاله , لكن طالما انت شايف مصلحتها مع واحد تاني , يبقى خلاص , ربنا يبارك يا اخويا

هههه عارف ان طول عمرك قلبك ابيض يا بت يا كاميلو , وانا بقى جايلك وطمعان في حاجة تاني

ههه تحت امرك يا اخويا

الولا وابوه جايين بكرة ان شاء الله , هندوكي فلوس تجهزيلهم عشا وتعملي حاجة حلوة وانا هنجيبوا فاكهة وانا جاي

وربنا ما ناخدوا مليم , البت بنتي وبتتخَطَب واني اللي هنوجّبوا معاهااااا

ههه تعيشي يا كامليا , كريمة من يومك وربنا , خلاص يا ستي , اللي يعجبك اعمليه , عايز عزومة تشرف

من عيني يا اخويا حاضر , احنا هنبعتوا لاحلام تجيلي من الصبح بدري وتجهز معايا وهنشرفك قدام نسايبك

ربنا يخليكي ليا ويخلي احلام

مممم لكن اوسا وافقت ع الحكاية دي !!!

اخوها احمد كلمها وخلاها وافقت

طيب يا خويا , على خيرة الله

**************************

خلف هذه الجدران,هبة عبد العظيم نور

**************************

يا مرحب يا اسطى  سلامة , نورتنا انت والجماعة

تعيش يا استاذ سامي , النور نورك ونور عم الحاج

الله يكرمك يا ابني , منورانا يا ست ام وجدي

ده نورك يا عم الحاج مرشدي , الله يديك الصحة يارب

تعيشي يا بنتي , هه منور يا عريس

الله يخليك يا جدي

ما ترحب بعريس بنتك يا سااااامي

نرحبوا بيه نعملوله ايه يعني ! قاعد ساكت ليه يا ولا  يا وجدي !!!

يعني معقولة هنتكلموا في حضور الكبار يا عم سامي !

لا متربي يا ولا , متربي بصحيح , واجب الضيافة فين يا كاملياااااا

ههه انا جاية اهو , يا مرحب يا جماعة يا أهلا وسهلا منوريننااااااااااا منورة يا ام العريس

الله يخليكي يا حبيبتي , ده نورك , هو احنا مش هنشوفوا عروسة الولا ولا ايه ؟؟؟

ههه حالاً يا حبيبتي

ما تستعجيلهاش , يمكن بتتذوق

بنتنا يا حبيبتي مش ناقصها جمال عشان تتذوق ههه ده جمال رباني , لحظة واحدة ونجيبوهالك يا ام العريس

*************************

تن تن بت يا نورهاااان , فينك يا بت ما طَلَعتيش ليه ؟ أم العريس مستعجلة عايزة تشوفك

حاضر يا عمتو مممم هو وجدي جه معاهم ؟

ههههه ايّووووووه اومال العريس مش هيجي يا بت ! جه يختي وقاعد برا مع ابوكي , بس ايه بقى مكسوف ووشه في الأرض ههه يلا بقى تعاااااالي

حاضر

**************************

خلف هذه الجدران,هبة عبد العظيم نور

**************************

السلام عليكم

عليكم السلام

سلمي على عمك سلامة يا نورهان , ابو المحروس عريسك

ازيك يا عمي

اهلاً يا بنتي , بسم الله ماشاء الله

مالك يا بت متنحة كدة ! روحي سلمي ع الولية امه اللي مبرقالك دي

حاضر يا بابا  , ازيك يا طنط

ههه يا أهلاً يا أهلاً بالقمر كله  بسم الله ماشاء الله على العروسة وجمالهااااا كَبَرتي يا نورهاااااان , هاتي اما نبوسوكي اموووه امووووه ماشاء الله عليكِ ههه ما تسلم على عروستك يا وجدي

....... ازيك يا نورهان

...... الحمدلله

تعالي اقعدي يا نورهان

حاضر يا بابا

ايه يا عروسة ابني يا حبيبتي ! مش فاكراني يا نورهان ! احنا نبقوا اخت خالتك بدارة اللي مربياكي , ايّووووه ! نَسِتيني ولا ايه ؟

هه بصراحة مش فاكرة حضرتك

ايّوووه يا بت داني ياما شيلتك ولاعبتك , دي بدارة جابتك عندنا يامَااااا

كانت صغيرة يا امي , مش معقول هتفتكرك

ههه المهم ان انا فاكراها , قمر يا ناس قمرررر

هه ميرسي يا طنط

يختي عليها وعلى كلامها الخوجااااااتي ههه عسسسسسسل وربنا عسسسسل

ما تسكت امك دي يا ابني خلينا نتكلموا في الكلام المفيد , نورهان , خدي خالتك ام المحروس العريس واقعدي مع عمتك جوا عشان هنتكلموا كلام رجالة ما يصحش الحريم يسمعوه

حاضر يا بابا , اتفضلي معايا يا طنط

ههه من عيني يا حبيبتي حاضر

, اهو الستات مَشَوا وريحونا ,مشرفنا يا ابو العريس

الله يخليك يا استاذ سامي , انا جاي النهاردة عشان نتشرف بالنسب الغالي

وماله , واحنا مش هنعزوا البت عنكو , واذا كان ع الطلبات والشبكة والمقدم والمؤخر مش هنختلفوا , احنا بنشتروا راجل , مش انت راجل يا ولاااااا ؟

ايوة راجل يا عم ساااااااامي

الله يحرسك لامك , شوف يا اسطى سلامة , انا بنتي عندي اغلى من الدنيا بللي فيها , وعايز نشهدوك ع الكلام اللي هنقولوه لابنك

وانا سامع يا استاذ سامي , قول اللي عندك

شوف يا ولا يا وجدي , اني هنوافقوا ع الخطوبة , والدبلة اللي انت جبتها اني هنلبسوها لبنتي قدامك , لكن ما تفتَكَرش انها عشان بقت خطيبتك هتيجي تنطلي كل يوم والتاني وتقولي نشوفوها ولا نخرجوا معاها  لاااااا احنا ما يعجبناش الكلام ده ولا هنسمحوا بيه , ولا الكلام ده يزعّل يا ابويا

الأصول ما تزعلش يا ابني , واحنا بنحافظوا على بنتنا , ولا احنا بنتكلموا غلط يا ابو العريس ؟

كلام مظبوط وما يطلعش غير من اصحاب الأصول يا عم الحاج مرشدي

تعيش يا ابني

يعني مش هنيجو نشوفوها خالص  يا عم سامي !!!

تيجي بأدبك وفي وجودي وهي مرة كل شهر

ايّوووووه ! مرة واحدة كل شهر !!! قليل اوي يا عم سامي

هو ده شرطي , قَبَلت بيه هنلبسوا البت الدبلة , ما قَبَلتش يبقى هنقولولك كل شيء قسمة ونصيب

قابل يا عم سامي قاااااابل

خلاص , نورهاااااااااان

نعم يا بابااااا

تعاااااااالي

حاضررررر

هات الدبلة يا ولا

اتفضل يا عم سامي

هاتي ايدك اليمين يا نورهان عشان نلبسوكي الدبلة

اتفضل يا بابا

وادي الدبلة يا ستي ههه مبروك اموووه

الله يبارك فيك يا بابا

مبروك يا بنتي

الله يبارك فيك يا عمي

ههه مبروك يا حبيبة جدك تعالي اما نبوسوكي

ههه امووه الله يبارك فيك يا جدو

مبروك يا نورهان ههه

........... الله يبارك فيك , بابا اني عايزة اقول لوجدي حاجة 

قولي يختي

بص يا وجدي , اوعى تفتكر اني وافقت عليك بسهولة كدة , لا , خالي وماما بدور اتحايلوا عليا يامَا عشان نرضوا ونوافقوا ع الخطوبة دي

ههه من بختي انك وافقتي يا نورهان

....... عن اذنكو

اتفضلي

ولا يا وجدي

نعم يا عم سامي

قرب ودنك يا ولا

نعم

البت مش طايقاك , بتبصلك بغل وشكلها عايزة تنتَقَم منك , مش خايف لتقتلك ؟

ههه هو اني نطول نموتوا على ايد نورهان

هههأ يا تقل دمك

**************************

خلف هذه الجدران,هبة عبد العظيم نور

**************************

لو سمحت ممكن اقابل الاستاذ احمد ؟

نقوله مين حضرتك ؟

حسين اسماعيل , جاره من القاهرة

حاضر , لحظة نبلغوه

استاذ احمد

ايوة يا ضيا

الأستاذ حسين اسماعيل عايز يقابلك

حسين اسماعيل مين ؟

بيقول جارك من القاهرة

الاستاذ حسيييييين ! خليه يتفضل فورااااااا

اتفضل يا استاذ حسين

متشكر , السلام عليكم يا استاذ احمد

اهلا اهلا اهلا يا استاذ حسين وعليكم السلام ورحمة الله وبركاااااااته هههه ايه النور ده ! اسكندرية نورت وربناااااا

هههه الله يكرمك , ده نورها ونور أهلها الأفاضل

الله يخليك يا استاذ حسين , اتفضل اقعددددد اتفضل

متشكر اوي يا استاذ احمد

ضيااااااااا

نعم يا استاذ احمددد

هات حاجة ساقعة للأستاذ حسين , ولا نجيبولك شيّ يا أستاذنا ؟؟؟

يا ريت شاي يا استاذ احمد

روح يا ضيا اعمل كوباية شيّ بالنعناع للأستاذ حسين اللي نورنا وشرفنا بزيارته النهاردة

حاضر يا استاذ احمد

الله يحفظك يا استاذ احمد ههه

واني ربنا الفرحة مش سيعاني اني شوفتك النهاردة , انت لما جيت المرة اللي فاتت زرت الحاج في المستشفى وما اسعدنيش الحظ وشوفتك , زعلت يامَا اني ما عملتش الواجب معاك , بس الحمدلله الفرصة جت , النهاردة بقى هنعزموك ع الغدا عندي في البيت

لالالا كتر الف خيرك , مش هينفع والله , انا مش هقدر اتأخر , لازم ارجع القاهرة بعد ما اخلص كلامي معاك

وربنا ما يحصل ابداااا , ايه يا استاذ حسين , حد قالك الاسكندرانية بخلا ولا ايه ! ههههههه

ههههه لالالا طبعا , الاسكندرانية اهل الكرم

تعيش يا استاذ حسين , يبقى ما تكسفناش بقى والنهاردة لازم تتغدا معايا في البيت , لحظة نكلموا المدام عشان تجهز الغدا

تررررررررررررررررررررن

السلام عليكم يا حبيبي

عليكم السلام يا ام خالد

ام خالد ! مالك بتكلمني رسمي كدة !

النهاردة عايزك تعملي غدا يشرف , وليمة محترمة وكل اللي عندك في الفريز تطلعييييييه

ههه ليه ده كله !!!

عندنا ضيف غالي من القاهرة ولازم نكرموه عشان ما يقولوش الاسكندرانية بخلا ومش اهل كرم

هههه من عنيا يا حبيبي , احلى سفرة عشان خاطر ضيفك الغالي عليك ده , ممم لكن هو مين ؟

الأستاذ حسين اسماعيل جارنا

ممممم ابو ياسر ؟؟؟؟

......... سلام يا ام خالد , واعملي اللي قولتلك عليه , شرفتنا يا استاذ حسين وربنا

الشرف ليا انا يا استاذ احمد , بس والله كدة بتتعب نفسك وبتتعب المدام

لا تعب ولا حاجة , شرفنا بس انت كل يوم وما تشيلش هم ههه

ههه الله يكرمك , واخبار الوالد وصحته ايه ؟

الحمدلله تمام , اتحسن يامَا عن الأول , بس بنحاولوا نبعدوه عن أي مجهود أو انفعال

والله يا أستاذ احمد انت انسان رائع , وده رأيي فيك من زمان , وخصوصا لما عرفت انك اتنازلت عن حلمك ودخول الكلية اللي انت بتتمناها طول عمرك عشان تقف جنب والدك وتساعده نزولاً عن رغبته

الله يخليك يا استاذ حسين , اهو كل واحد في الدنيا بياخد نصيبه المكتوب له

تن تن الشيّ يا استاذ احمد

متشكر يا ضيا , حطه عندك وروح انت وما تدخليش حد , اني مشغول النهاردة , خلي الأستاذ محمد يحل محلي عشان بعد ما نشربوا الشيّ هنمشي اني والأستاذ حسين

ماشي يا استاذ احمد

انا خايف والله يا استاذ احمد اكون معطلك عن شغلك ومصالحك

ده كلام يا استاذ حسين !!! ما فيش عطلة ولا حاجة , اني ليا مدير اعمال هنا , لما بننشغلوا بيحل محلي

ربنا يعينك ويباركلك في وقتك وصحتك يا استاذ احمد

تعيش يا استاذ حسين , اتفضل الشيّ , لو تحب تزود سكر عندك السكرية اهيه

لالا تمام كدة , انا بحب الشاي ناقص سكر , مممم بصراحة يا استاذ احمد مقابلتك الكريمة اللي اسرتني بيها دي تشجعني ادخل في الموضوع اللي جايلك بخصوصه

هه مش قبل ما نتغدوا يا استاذ حسين

**************************

خلف هذه الجدران,هبة عبد العظيم نور

**************************

يارب يكون الأكل عجبك يا استاذ حسين

بسم الله ماشاء الله , دي ما كانتش عزومة غدا , دي وليمة يا استاذ احمد وفيها مالذ وطاب وكل ما تشتهيه النفس ههه

هههه دي حاجة بسيطة ما تليقش بمقامك يا استاذ حسين , اتفضل نقعدوا في الصالون , الفاكهة يا أم عمررررر

حاضر يا استاذ احمد

**************************

خلف هذه الجدران,هبة عبد العظيم نور

**************************

اهلا وسهلا يا استاذ حسين , وربنا اني ما عارف نوصفولك فرحتي ازاي انك قبلت عزومتي وشرفت بيتي

الله يخليك يا استاذ احمد

تن تن الفاكهة يا استاذ احمد

عنك انتِ يا ام عمر , متشكرين , روحي بقى اعمليلنا اتنين قهوة , قهوتك ايه يا استاذ حسين ؟

يا ريت مظبوطة

حاضر , اتنين قهوة مظوط يا ام عمر الله يخليكِ

من عنيا يا استاذ احمد

**************************

خلف هذه الجدران,هبة عبد العظيم نور

**************************

ايه رأيك في القهوة يا استاذ حسين ؟

ممتازة ههه ممم يا ريت تسمحلي افاتحك في الموضوع اللي جايلك مخصوص عشانه

......... اتفضل يا أستاذ حسين

شوف يا أستاذ احمد , انا عارف انك واخد فكرة وحشة عن ياسر ابني

................................ ربنا يصلح حال الجميع

يا استاذ احمد , ياسر ابني مش بالسوء ده , انا عارف ان لك ملاحظات عليه , وعارف انه اتصرف تصرف استفزازي بالنسبة لك

بالنسبة لي انا بس ! يعني من وجهة نظر حضرتك تصرفه عادي ؟

لا طبعاً , انا ما قولتش كدة , وانا أول واحد لومته عليه , لكن مش هفضل اجلده بكلامي طول الوقت , كفاية عليه جَلَد الذات , ياسر ندمان جداً على اللي عمله , وبينه وبين نفسه بيتمنى لو رجع بيه الوقت واتصرف بشكل مغاير للطريقة اللي نفّرتك منه

هو مش مضطر لده كله , موضوع وانتهى واني نسيته خلاص

يا أستاذ احمد , ياريت تدي لياسر فرصة تانية , ياسر رغم اندفاعه في تصرفاته لكن انسان صادق مع نفسه ومع اللي حواليه , اللي عمله ياسر احنا السبب فيه

احنا !!!

ما اقصدش حضرتك طبعاً , انا اقصد انا ووالدته ووالدة رحمة كمان , احنا اللي ربيناهم على انهم كيان واحد مش ممكن يفترق , لحد ما الولد والبنت اتعلقوا ببعض بشكل مش طبيعي , ولما جه الوقت اللي لازم نفصلهم فيه عن بعض , كل مستحيل , مستحيل جدا

يا استاذ حسين انا حاولت يامَا ننبهوا ام رحمة ونقولولها البت كَبَرت , ما ينفعش كدة يا ام رحمة , لكن هي ما كانتش بتسمعي كلام

هي معذورة برضو يا استاذ احمد , مدام اشجان ماكانش لها انيس ولا ونيس في القاهرة إلا بهيرة مراتي , تقريباً ماكانوش بيفترقوا , وبالتالي الولاد كمان ما كانوش بيفترقوا , ليل نهار مع بعض , وفي المدرسة سنين طويلة مع بعض , وهو ده اللي ادى للتعلق المبالغ فيه لحد دلوقتي

.................... يا استاذ حسين , الموضوع انا نهيته بإني اخدت اختي تعيش في اسكندرية بلد ابوها وبلد امها للأبد , وكلها شهر ولا اتنين وهتتجوز , وابنك كمان مسيره يلاقي بنت الحلال ويتجوز  , واكيد ساعتها هينسوا كل حاجة

ينسوا في حالة واحدة يا استاذ احمد , لو كانوا افترقوا عن بعض بإرادتهم , مش اجبروا على الفراق

......... ايه المطلوب مني يا استاذ حسين ؟

انا جاي اطلب ايد بنتنا رحمة لياسر ابني , وقبل ما ترد اوعى تنسى ان رحمة دي انا مربيها وسط ولادي , يعني ليا فيها زي ما ليك فيها هههه

ههه انت زي ابوها يا استاذ حسين طبعا , واحنا ما ننسوش وقوفك انت والمدام بتاعتك جنب ام رحمة طول سنين حياتها في القاهرة , واللي ينسى الجميل يبقى مش بني ادم

لا جميل ولا حاجة , زي ما قولتلك رحمة دي زي بنتي , وجودها وسط ولادي عمره ما ضايقني , كنت بعتبرها جزء من حياتي اليومية زيهم ههه , عايز اسمع قرارك النهائي في موضوع رحمة وياسر , وياريت قبل ما تصدر قرارك تراعي فيه الرفق بالولاد

هه دي محاولة تأثير على قراري بقى !!!

هه العفو يا أستاذ احمد

شوف يا استاذ حسين , انت رجل فاضل , وانسان حقيقي بعتز بيه , وزي ما انت جيت تزلل الصعاب في طريق ابنك , انا مش هنكون عقبة في طريق سعادة اختي , يا ريت تجيب الاستاذ ياسر وتشرفنا يوم الجمعة الجاية في بيت الحاج اللي في زيزنيا , هنكتبولك العنوان حالأ

ههه متشكر جدا يا أستاذ احمد على كرم اخلاقك , والله انا عاجز عن الشكر

**************************

خلف هذه الجدران,هبة عبد العظيم نور

**************************

هيوووووووومة

نعم  يا حبيبي , الضيف مَشَى ؟؟؟

ايوة مَشَى , كنت عايز نوصلوه بالعربية لحد محطة القطر لكن ما رضاش ابداً

يوصل بالسلامة ان شاء الله , ممممم هو كان جاي ليه ؟

ههه وانت مالك

كددددة ! ممممم ماشي يا احمد , مش هنسألوك على حاجة تاني

طب خلاص تعالي ما تزعليش يا امّاصة , نعوذ بالله من الستات , لازم يحشروا مناخيرهم في كل حاجة يا إما يزعلوااااا ههه

يا حبيبي انتو من غير شورتنا لا تعرفوا تروحوا ولا تيجو هههههه

ههههههههههههههههههه لا يا شيخة ! ما انتو عليكو عقول ماشاء الله تودي في داهييييية

وربنا احنا غلابة , الله يسامحك ههه , ها قولي بقى الراجل كان جاي ليه ؟؟؟؟

جاي يصفي الود يا ستي بيني وبين ياسر عشان نوافقوا على جوازه من الأميرة رحمة اختي ههه

وربنا كان قلبي حاسس انه جاي عشان كددددة , اوعى يا احمد تكون رفضتتتتتت

قولتله يجيب الولا ويجي يوم الجمعة ان شاء الله عشان يقابلوا الحاج في شقة زيزنيا

وربناااااااا ؟ هههههه الله , يا حبيبتي يا رحمممممة , دي هتفرح يامَا لما تعررررف , اني هنروحوا نتصلوا بيهااااااا

هياااااااااااام , تتصلي بيها تقوليلها على اييييه !!! الولا لا جَه ولا قابل ابوهاااااا , والكلام ما يبقاش منك ليهااااا

ممم اسفة يا احمد , كنت عايزة نفرحوها وربنا

احنا هنعدوا عليهم بكرة الصبح إن شاء الله قبل ما نطلعوا ع المينا ونقولوا للحاج

ربنا يتمم بخير يا رب يا حبيبي ويفرحكو بيها

آمين يا هيومة , الولا خالد نايم ؟

ايوة

هو الولا ده بيصحى امتى !! ههه

طول الليل صاحي يزن , ابقى اسهر جنبه ههه

لا يا ستي , ربنا يديكي الصحة وتسهري انتِ جنبه ههه

**************************

خلف هذه الجدران,هبة عبد العظيم نور

**************************

بجد يا سونسون اخوها وااااااافق ؟ هههه

والله يا بهيرة هو قال هات ياسر وتعالوا قابلوا الحاج يوم الجمعة في شقة زيزنيا

ما هو يبقى كدة وافق يا سونسووووون هههههههه , لكن انت هتعرف مكان شقة زيزنيا منين ؟ هو اداك الخريطة ؟

خريطة ايه يا بهيرررررة !

يوووووووو معلش يا سونسون , ما انا مرات مدرس جغرافيا من زمان وبهت عليا هههههههه انا قصدي اداك العنوان يعني ؟

ايوة طبعاً اداني العنوان

يا حبيبي يا ياسرررر ده لما يعرف الفرحة مش هتسااااااااعه ههههه

هو فين البيه ؟

قافل على نفسه اوضته كالعادة , ده بقاله تلات تيام ما بيروحش الشغل وخاله زعلان منه اوووووي , بس اكيد الاخبار اللي هنقولهاله هتفرحه وتخرجه من الحالة  الوحشة ددددددي , اما اروح اقوله يجهز نفسه هو وياسين  وبعدين اتصل بياسمين وجوزها عشان يجوا معانا يوم الجمعة اسكندرية ان شاء الله ههههههه

تعالي هناااااااا  ياسين ايه وياسمين وجوزها اييييييييه احنا رايحين نخطب ولا رايحين نحااااااارب !!!

نحارب ليه بعد الشر يا سونسون !!! احنا رايحين قاصدين خير , هروح انا وانت وياسر والعيال , اهو منها نخطب لياسر ومنها نفرجهم ع البحر

مافيش حد هيروح غير انا وياسر وبس , لما نبقى نتفق ابقى اخدك وناخد العيلة وعيلة العيلة والجيران واللممممممممة

طب خدني انا بس عشان اشوف اشجان الله يخليك يا سونسووووون اهئ اهئ دي وحشتني اوي والله

يا ستي ادعي الموضوع يتم على خير وانا اخدك معايا المرة الجاية تقعدي معاها يوم بحاله وتشبعي منها براحتك, عن اذنك هروح لياسر بيه عشان اقوله يستعد

روح يا سونسون , يا حبيبتي يا اشجان , وحشتيني يا اختي ووحشني كلامك , ايّوووووه ع العيشة من بعدك ايّوووووووووه اهئ اهئئئئئئئئئ

**************************

خلف هذه الجدران,هبة عبد العظيم نور

**************************

تن تن ولد يا ياسر

بابا ! انا صليت والله كل الفروض جماعة النهاردة , بس حسيت اني مرهق فقولت ارتاح شوية

بارك الله فيك يا سيدي , يا ابني ما تخليش ابدأ حالتك النفسية تأثر على عبادتك لربك , بالعكس . لما تلاقي نفسك تعبان والدنيا ضاقت بيك اتوضى وصلي واتوجه لربنا بقلب خاشع واشكيله كل همومك وانت تلاقي نفسك ارتحت

ان شاء الله يا بابا , انا فعلاً كنت مقصر جداً الفترة اللي فاتت , وعشان بعدت عن ربنا حسيت ان الدنيا سودة في عنيا

ههه يعني دلوقتي احلوت في عنيك ؟؟؟

الحمدلله , بقيت احسن من الأول , انا هكرس كل وقتي لشغلي

يعني مش عايز تتجوز ؟؟؟

لا

خالص ؟

انا شيلت الموضوع ده من دماغي خالص يا بابا

عظيم , عظيم جداً يا ابني , عن اذنك هروح اتصل بالأستاذ احمد عشان الغي معاه معاد يوم الجمعة , اصل اتفقت معاه اخدك ونروح نخطب رحمة من ابوها , بس طالما انت عقلت وربنا شفاك من اللي انت فيه يبقى خير , عن اذنك

ميييييييييييين !رحممممممممممممممممممممممممة !!!!!!!!! انت بتتكلم جد يا بابااااااااااااااااااا ؟

ههه يا ابني انت مش قولت مش عايز تتجوززز ؟

يا بابا انت فهمتني غلططططط انا اقصد مش عايز اتجوز غير رحممممممممممممممة

ههههههه ماشي يا سيدي , اديني حددت معاد مع اخوها يوم الجمعة الجاية عشان نروح نقابل الحاج عادل في شقة زيزنيا

شقة زيزنياااااااا ! دي الشقة اللي عايشة فيها رحمممممممة هههههه يا حبيبي يا بابااااااااا هات بووووووووسة اموووووووووووووووووووووووووه انا خلعت عليك لقب احسن اب في الدنياااااااااا امووووووه

ههههه متشكر يا سيدي

لكن انت اتصلت بالأستاذ احمد امتى يا بابا ؟

وده كلام ينفع في تليفونات برضو يا ابني ! انا لسة راجع من اسكندرية من نص ساعة

يا حبيبي يا باباااااااا ايدك ابوسهااااااا امووووه بقى انت سافرت اسكندرية مخصوص عشاني ؟

هو انا عندي اغلى منك انت واخواتك يا سي ياسر !!!

الله عليك يا استاذ حسين يا اروع راجل في قارة افريقيااااااااااا ههههههههههههه

ههههه , جزاك الله خيراً يا سيدي , استعد بقى عشان نسافر انا وانت يوم الجمعة ان شاء الله

هي ماما مش هتيجي معانا ؟

لا مافيش داعي , لما اهل البنت يوافقوا نبقى ناخدها

لا يا بابا لا , ماما لازم تيجي , حتى عشان خاطر تشوف طنط اشجان , دي بقالها يامَا يا شافتهاش

بقالها ايه يا اخويا !! انت هتقلب اسكندراني من دلوقتي ! ههه

هههه نعملوا ايه بقى ! هوايا اسكندراني وهنتجوزوا اسكندرانية

ربنا يوفقك ويسعدك يا ابني ههه

ربنا يخليك يا بابا , قلت ايه في موضوع مرواح ماما معانا ؟

خلاص يا سيدي , ناخدها , بس هي لوحدهااااااا كانت ناوية تجيب ياسين و ياسمين وجوزها وولادها ومش بعيد تتصل بخالك يجيب مراته وعياله

هههه وانت كمان يابابا هات تيتة محروسة وعماتي وجوازهم وعيالهم وشد تلغراف للصعيد  هات قرايبنا الصعايدة اللي هناك عشان الاسكندرانية يطفشوا من البلد هههه

ههه كل دول هيروحوا اسكندرية ان شاء الله بس ليلة فرحك انت ورحمة

هههه هات بوسة يا استاذ حسين اموووووه اما اروح اقول لماما تستعدددددد

**************************

خلف هذه الجدران,هبة عبد العظيم نور

**************************

مامااااااا

ايوة يا ياسر

انا عارف انك زعلانة عشان مش هتيجي اسكندرية تشوفي طنط اشجان

اعمل ايه ! رأي باباك ولازم يمشي , كان نفسي اشوف اشجان هي والبحر , بس مافيش قسمة , مكتوب عليا اشوف البحر في الخريطة بس

لا هتشوفيه ع الطبيعة ان شاء الله  , بابا وافق انك تيجي اسكندرية

صحيح يا ياسررررر ؟؟؟؟ ههههههههه

اه والله صحيح , استعدي بقى عشان تسافري معانا ان شاء الله

مستعدة من دلوقتييييييي هههه بس هنزل اشتري جزمة ضد المية ههههههه

**************************

خلف هذه الجدران,هبة عبد العظيم نور

**************************

حضرتي الفطور يا شجووووونة ؟

بنحضروه اهو يا عااااااادل

رحمة صَحَتتتتتت ؟

لا لسة ما صَحَتششششش , كانت سهرانة طول الليييييل

طب اني هنروحوا نصحوها على ما تحضري الفطار

ترررررررررررررررررررررررررررررررررررن

طب افتح الباب الأول يا عادل وبعدين صحيهاااااااا

ماشي يا شجونة , يكون مين اللي جايلنا ع الصبح كدة !!!

احمد!!!

هههه صباح الفل يا حاج

صباح الورد يا سيدي , ايه اللي فكرك بينا ع الصبح !!!

جيت نصبّحوا عليك ونكلموك في موضوع مهم

بخصوص الشغل ؟؟؟

لالالا , موضوع تاني خالص

طيب , يبقى تفطر معانا الأول وبعدين نتكلموا , اعملي حساب احمد ع الفطور يا اشجااااااان

احمدددددد ! اني جاية نسلم عليه هههههه

صباح الخير يا احمد ههه

صباح الفل يا ام رحمة ههه ازيك عاملة ايه ؟

كويسة الحمدلله , ازي هيام والولا ؟

بخير , نحمد ربنا ونشكر فضله , اقعدي يا ام رحمة عشان الكلام يبقى قصادك

خير يا احمد , في حاجة ولا ايه ؟ مجيتك من بدري كدة قلقتني

ما تتفجعيش يا ام رحمة , اني جاي في خير ان شاء الله

قول يا ابني في ايه

الأستاذ حسين اسماعيل جالي عشان عايز يحدد معاك معاد يخطب رحمة لابنه ياسر

ياسر ابن بهيرة ههههه يا الف نهار ابيضضضضض ده يوم المنى , اني هنزغررررت لولى.......

اشجااااااااان هو سلق بيض ولا ايييييييه ! وازاي الجدع اللي اسمه حسين ده يقابلك انت ويخطب رحمة منككككككك ! حد قاله ان ابوها ماااااااااااات !

الف بعد الشر عليك يا حاااااااج , الراجل لا خطبها ولا اني اتعديتك واديتله كلمة من وراك , هو بس جالي عشان عارف موقفي من ياسر وان اني ممكن نأثروا عليك ونحليك ترفضه , عشان كدة جَه يجبر خاطري بكلمتين ويصفي الود عشان يجي يقابلك ويخطب رحمة للولا ابنه بقلب جامد

ايوة ايوة , كدة فَهَمت , اصل اني ما نحبوش اللي يتخطى الأصوووول

طول عمرك ابو الأصول يا حاج

والولا ده يقدر على مهر رحمة ؟؟؟

جرا ايه يا عااااادل ! هي بيعة وشروة !!! الولا رايد البت وده كفاااااااية

يعني هنرموا البت يا اشجاااااااان !!! دي رحمة بنت عادل سليممممممم , يعني اللي يتجرأ ويخبط على بابها يبقى قد مهرهااااااا , واللي عايز بنتي يا إما يتقالها بالدهب والماس يا إما ما يلزمنيشششش

ايّوووووووه يا عيني على بختك يا رحمممممة هنلاقوها منين ولا منين بسسسس

استني انتِ بس يا أم رحمة , ايه يا حاج عادل يا عم الكل انت هههه هو حد في الدنيا ما يعرفش قيمتك وقيمة بنتك !!!

بنتي مأصلة من جدود لجدووووود , دي مش أي بت ولا عيلتها أي عييييييلة , مال وجمال وأصل وحسب ونسببببب

طبعاً يا حاج يا حاج , والكل يشهد بكدة , بس احنا يا حاج ما بنبيعوش بنتنا , احنا بندودها للراجل اللي يقدرها ويعرف قيمتها , راجل يكون عايزها لذاتها , مش عشان طمعان في مالها ولا في جمالها ولا اسم عيلتها , اللي يبص لست عشان مالها ممكن يبيعها لو لقى الأغنى , واللي يبص لست عشان جمالها , ممكن يسيبها لو لقى الأجمل , لكن اللي عايزة ست لذاتها وعشان رايدها بجد , مش ممكن يتخلى عنه ولو بكنوز الأرض يا حاج

غلبتني يا ولا

سلم لسانك يا احمدددددد ههههههه ربنا يخليك لينا ياااااااارب , اما نروحوا نصحوا رحمة ونفرحوهاااااا

استني يا اشجان لما نكملوا كلامي مع ابنيييييي

ما اني ساكتة اهو

يعني نفهموا من كدة يا احمد ان الولا ده هياخدها تعيش في القاهرة تاني ؟؟؟

لا يا حاج , خال ياسر هيفتح فرع لشركته بتاعة السياحة هنا في اسكندرية وياسر هو اللي هيديره وكمان هيجيب شقة هنا عشان يتجوز فيها ان شاء الله

سَمَعت يا عااادل ! هههههه وربنا لنزغررررررررت لولولييييييييييييييييييييييييييييييييييييييييي هههههههههه ثواني نصحوا رحمة ونجيبولكو الفطاااااااار

**************************

خلف هذه الجدران,هبة عبد العظيم نور

**************************

بت يا رحمممممممة ههههههه اصحي يا عرووووووسة اصحي يا قمرة زمااااااااااانك , السعد جالك يا بتتتتتتتت لولوليييييييييييييييييييييييي

ممم هااا ايه يا ماما الدوشة دي !

حد يا بت يقول ع الزغاريت دوووووشة ! بنزغرتوا عشان فرحك قرب يا عرووووووسة لولولييييييييييييييييييييييييييييييييييي

فرحييييييييي ! اوووووووووف , يعني انتو مش هترحموني بقىىىىىىىىىى ! مش عايزة اتجوز يا نااااااس مش عايزة اتجوززززززز اقولهالكو بأنهي لغة عشان تفهمووووووووني !!!

ههههه وماله يختي , هو الجواز بالغصب !!! كل واحد ينام ع الجنب اللي يريحه يا بنت عادل , هنخلوا اخوكي يتصل بالأستاذ حسين يقوله مش عايزين ياسرررر ايّووووووه الجواز مش بالعافيييييييية

ياسرررررررر !!! هههههههه بتتكلمي جد يا مامااااااااا ؟

ايوة يختي وجد الجد كمان , بس يا خسارة ما فيش قسمة , العروسة مش راضية بالعريس هههههه

هي مين دي اللي مش راااااضية هههههههه انا راضية وموافقة من يوم ما اتولدتتتتتتت

طب بس بس وطي صوتك لاحمد اخوكي يسمعك يغير رأيه ههه

احمددد ! مممم هو احمد هنا ؟

اومال مين اللي جابلنا البشارة الحلوة دي يا بت ؟

بجد يا ماما ! يعني احمد وافق على ياسر ؟؟؟

ايوة , الاستاذ حسين جه وقابله وحددله معاد عشان يجي لابوكي يوم الجمعة ان شاء الله

غريبة ان احمد يوافق , كنت فاكراه عمره ما هيغير رأيه يا ماما

يا بت الف مرة نقولولك احمد ده ما فيش اطيب من قلبه , طب كنتي تعالي اسمعيه وهو بيقنع ابوكي ما يبيصش للشبكة ولا للمهر ويبص بس للولا عشان رايدك من قلبه , خلى ابوكي لان من كلامه

هههه يا حبيبي يا احمدددددد , انا هروح اصبّح عليه واشكررره

**************************************

صباح الخير يا باباااااااا امووووه ههههه

صباح النور يا حبيبتي

احمددددد اموووه صباح الخير يا اخويا يا حبييي هههه

ههه ايوة يا بتاعة مصلحتك انت , طول عمرك تبوسيني وتتمحلسيلي لما تكوني عايزة حاجة مني ههه

ههه كل اللي عايزاه ان ربنا يخليك ليا وما يحرمنيش منك ابدا انت وبابااااااا امووووه

**************************

خلف هذه الجدران,هبة عبد العظيم نور

*****************************

السلام عليكم يا احمد

عليكم السلام يا أدهم , تعالى , اتأخرت كدة ليه ؟

معلش , راحت عليا نومة

هه كنت سهران ولا ايه ؟

ايوة , ماكانش جايلي نوم , فَضَلت صاحي لحد قرب ادان الفجر , قومت اتوضيت ونَزَلت صليت في الجامع وبعدها رَجَعت نمت , عشان كدة ما قَدَرتش نصحى في معادي

ماكانش جايلك نوم ليه ؟

...... هيكون ليه يعني يا احمد !!! الولا احمد ابني وحشني يامَا , و....

وضحى كمان وحشتك

.......... احنا هننزلوا نشوفوا احوال المينا ونشرفوا ع العتالين بنفسي

استنى بس , كنت عايزك في موضوع

موضوع ايه ؟

هنتكلموا واحنا بنشربوا الشيّ , تشرب شيّ بالنعناع ؟

ماشي

ضياااااااا , اتنين شيّ بالنعناع الله يخليككككك

من عنيا يا أستاذ احمددددد

**************************

خلف هذه الجدران,هبة عبد العظيم نور

**************************

ايه الموضوع اللي كنت عايزني فيه يا احمد ؟

اختك رحمة جالها عريس

مين ده ؟

جارهم في القاهرة

جارهم !!! يكونش قصدك ع الولا اللي جَه معاها في العربية ؟

ايوة هو

طب وده حيلته ايه عشان ندوله رحمة ؟

هههه لسة هتتكلم بلغة المال تاني يا أدهم !!!

ما نقصدوش كدة يا احمد . نضمنوا منين ان الولا ده مش طمعان في مالها !!! ولا نسيت اللي عمله ابن خالتك في أوسا اختك بسبب الطمع !!!

لالا , ياسر مش كدة , ده أهله ناس طيبين وبتوع ربنا , والولا متربي ع الحلال والحرام , الطمع مش سكته

اومال سكته ايه ؟

شاري اختك ومش عايز مالها

يعني انت ضامنه يا احمد ؟ ولا بعد جوازهم يظهر المستخبي وساعتها نقولوا ياريت اللي جرا ما كان ؟

لا ما تخافش , احنا ضامنينه ان شاء الله , وبعدين يا سيدي اختك كمان عايزاه , جالها كذا عريس ورفضتهم , وطالما الولا شاريها واتقدملها يبقى خلاص

يعني رحمة بعد ما رَجَعت وبقت جنبنا ومطمنين عليها هترجع القاهرة تاني !!!

لا يا سيدي , الولا هينقل حياته كلها هنا عشان خاطر الست رحمة هه خاله فتح فرع لشركة السياحة بتاعته هنا في اسكندرية والولا هو اللي هيديره , وهيجيب شقة هنا كمان , يعني لا طمعان ولا مستني مننا حاجة

ههه نقل حياته من القاهرة لاسكندرية عشان رحمة ! ده يبقى شاريها بجد بقى , على العموم احنا مش عايزين غير سعادتها

طبعاً , الولا وأهله هيجو يوم الخميس الجاي ان شاء الله على شقة ام رحمة في زيزنيا عشان يقابلوا الحاج وكمان هنكتبوا الكتاب

كتب كتاب ! بالسرعة دي !

سرعة ايه بس ! الولا عارفينه وعارفين اهله وكل حاجة عنه , مش جديد علينا عشان نسألوا عليه وكمان هيجهز شقته قريب ان شاء الله , يبقى هنأجلوا الموضوع ليه !

على خيرة الله

طب جهز نفسك بقى عشان تحضر يوم الخميس , هما هيوصلوا بعد المغرب ان شاء الله

ان شاء الله يا احمد

**************************

خلف هذه الجدران,هبة عبد العظيم نور

**************************

حمدالله ع السلامة يا بهيرة , القطر وصل سيدي جابر

سيدك جابر مين يا سونسون ؟

سيدي جابر ده اسم المطنقة يا بهيرة

هههه الله , منطقة جميييييلة , هي اشجان ساكنة هنا ؟

يا ماما , طنط اشجان ساكنة في زيزنياااااا

ايوة ايوة صحيح هههه زيزنيا , قالتلي كذا مرة , اومال البحر فين يا سونسووووون ! انا مش شايفة بحر , اوعوا تكونوا نزلتوا بلد تانية غير اسكندرييييية

 لا يا بهيرة ما تقلقيش ,تعرفي تقري اليفطة اللي على يمينك دي ؟

ههههه ايوة , مرحباً بكم في الأسكندرية , والله ناس ذوق ههههه

يلا يا ياسر , هات امك عشان نوقف تاكس نروح بيه زيزنيا

يلا يا ماما , بتبصي على ايه ؟

هههه بتفرج على اسكندرية , تصدق روحها حلوة اوي يا ياسر !

ههه يا ماما هو انتِ لسة شوفتي حاجة , احنا يادوب خارجين من محطة القطر

طب يلا بقى وقفوا التاكس عايزة اشوف البحر يا ناااااااس

تاااااااااااكس

الله التاكس الاصفررررر هههه كان نفسي اشوفه ع الطبيعة من زمان يا ياسرررررر

ههه الحمدلله يا ماما , صبرتي ونولتي

ايوة يا استاذ

زيزنيا لو سمحت

اتفضلوا اركبوا

اركب جنب والدتك ورا يا ياسر

ماشي يا بابا , اتفضلي يا ماما

شكراً يا حبيبي

********

ماماااا البحر اهوووو

الله ههههه البحر يا ياسرررررر البحررررر , وده بحر حقيقي ولا خدع سينيمائية يا ياسر ؟

لا والله حقيقي هههههه

هههه اصل من كتر شوقي للبحر خايفة تكون تهيؤات

لا مش تهيؤات , شايفة الموج بيجري ورا بعضه ازاااااااي

الله ههههه نفسي انزل العب في المية وابل رجلي يا ياسررررر

ان شاء الله يا ماما , نخطب بس رحمة واجيبك البحر ونلعب كلنا سوا

هههه يا حبيبي يا ابني , الله البحررررر يا حلاوته يا حلاووووته ولا الهوا يا ياسر , الهوا هنا غير اللي عندنا في القاهرة , والريحة اللي هالّة علينا من البحر حلوة اوووووي

هههه ايه يا ماما !!! دا انتِ ناقص تكتبي قصيدة في البحر وريحته

الحرمان وحش يا ابني هههههه اول مرة اشوف البحر في حياتي , ده كويس اني ما نطتش من شباك التاكس ههههه

هههه هفسحك انتِ وبابا في البحر ما تخافيش

ان شاء الله , الشوارع جميييييلة والكورنيش يهبل ههه الله يسامحك يا اشجان ! بقى تسيب الجمال ده كله وتيجي القاهرة !!! داحنا ما حيلتناش إلا نيل متلوث ويصعب ع الكافر من عمايل الناس فيه هههه , الله ع البحر وجماله يا نااااااااس

**************************

خلف هذه الجدران,هبة عبد العظيم نور

**************************

بت يا رحمة , خلصتي لبس ولا لسة ؟

لسة يا ماما , هو ياسر واهله وصلوا ؟

لسة , زمانهم في السكة ان شاء الله , انما ايه الحلاوة دي يا بت ! هههه

هههه طالعالك يا ماما

انا ! يا حسرة , هو انا نيجي في نص جمالك ! هههه

هههه ربنا يخليكِ ليا يا ماما , بس انا كنت سامعة صوت الباب من شوية

ده احمد وادهم جم وقاعدين مع ابوكِ

ادهم كمان جه !

ههه ايوة , قال جاي نحضر الاتفاق مع عريس اختي

 يااااااه , الحمدلله يا ماما , فرحانة اوي ان اخواني الرجالة الاتنين معايا في يوم زي ده , عمري ما كنت اتخيل ان ادهم يبقى جنبي في يوم زي ده

الحمدلله يا بنتي ان ربنا هداكو لبعض , ربنا يدبم المحبة بينكو ولا يدخل بينكو عدو يارب

آمين يا ماما ممم انا هصلي ركعتين بنية ان ربنا ييسر أموري وتتم على خير

صلي يا بنتي , صلي , الله يهديكِ يا حبيبتي وينور بصيرتك ويتم موضوعك على خير آمين يارب

تن تن رحمة

ده صوت أدهم يا ماما,اتفضل يا أدهم

ههه مبروك يا عروسة,تعالي في حضني يا بت

هههه يا حبيبي يا اخويا اموووه ربنا ما يحرمنيش منك يا أدهم يااااااااارب

ولا منك يا رحمة,مبروك لرحمة يا ام رحمة

الله يبارك فيك ويسعدك يا أدهم

يسعدني!!..ادعيلي يا ام رحمة نلاقوا مراتي وابني

ربنا يردهوملك بالسلامة يا أدهم ويجمع شملكو من تاني آمين يارب

يارب...خدي يا رحمة,افتحي العلبة القطيفة دي وشوفي فيها ايه

وريني كدة ...الله ,دي سلسلة دهب وفيها اسمي ههه متشكرة قوي يا أدهم امووه يارب عقبال ما تجيب لأبلة ضحى

........كل واحد بياخد نصيبه يا رحمة..اسمعي يا بت يا رحمة,اوعي تفتكري ان الهدية دي هي هدية جوازك,هدية جوازك حاجة تانية تليق ببنت الحاج عادل سليم,هنطلعوكِ رحلة لأوروبا  شهر بحاله انتِ وجوزك ليلة فرحكو,يادوب نعملوا الترتيبات من دلوقتي ,جهزوا الباسبورتات بقى

يا حبيبي يا أدهم هههههه اموووه امووه ربنا ما يحرمنيش منك يارب,سامعة يا ماما اخويا حبيبي بيقول ايه!

هههه ربنا ما يحرمكوش من بعض يا رب ,ربنا يفرحك يا أدهم زي ما فرحت اختك

تعيشي يا ام رحمة..استعدي بقى يا رحمة عشان الناس زمانهم جايين ,عن اذنكو هنرجعوا للحاج واحمد

اتقضل يا أدهم يا اخويا يا حبيبي هههه

أدهم اتغير خالص يا رحمة..سبحان مغير الأحوال

بس صعبان عليا قوي يا ماما..عنيه كلها حزن,قلبه مكسور...يا ترى هيلاقي أبلة ضحى يا ماما؟

العلم عند الله يا بنتي

**************************

خلف هذه الجدران,هبة عبد العظيم نور

**************************

بهيرررررررة هههههه يا حبيتي يختيييييي اسكندرية نورت وربناااااااااااا امووووه اموووووه يا حبيبتي يختي يا حبيبتيييييييي

اشجااااااااان ههههههه كنت قربت انسى شكلك يا اختي هههههه وحشتيني امووووه اموووووه

وربنا انتِ اكتر , حمدالله ع السلامة يا استاذ حسين

الله يسلمك يا ام رحمة

اهلاً يا ياسر هههه نورت اسكندرية

ههه منورة بيكِ يا طنط

انستنا يا أستاذ حسين

الله يخليك يا حاج عادل

ده احمد ابني , طبعاً عارفه ومش محتاجين نعرفوك بيه

هه طبعاً , الأستاذ احمد ده ونعم الرجال والله

الله يخليك يا أستاذ حسين هه

وده أدهم ابني , أول مرة تشوفه طبعاً

ايوة , اتشرفت بيك يا أستاذ ادهم

الله يخليك .... منور يا عريس

ههه متشكر قوي يا استاذ ادهم , بوجودك

الله يكرمك,بصراحة احمد اخويا بيشكر في الأستاذ حسين جداَ,وبصراحة احنا كمان ارتحنالك يا أستاذ حسين,اتشرفنا بنسبك

ههه بارك الله فيك يا أستاذ أدهم,انتو ونعم الناس والله,والحاج عادل رجل من أفاضل الناس

الله يكرمك يا أستاذ حسين....هاتي العروسة يا اشجان

من عيني يا حاج , لحظة وهنرجعولك يا بهيرة

ما تتأخريش يا اختي

**************************

خلف هذه الجدران,هبة عبد العظيم نور

**************************

السلام عليكم

عليكم السلام

تعالي يا بنتي سلمي على ام العريس

ههه طنط بهيرررررة وحشتينيييييييي

يختي كمييييلة هههه ازيك يا رحمة امووه امووه وانتِ كمان وحشتيني يا حبيبتي

الحاجة الساقعة والجاتوه  فين يا اشجاااااااااان

حاضر يا حااااااج ههه

*********

اتفضلوا الحاجة الساقعة يا جماعة ههه يا ألف اهلا وسهلااااااا

حطيها عندك ع الطرابيزة يا اشجان

حاضر يا حاج , ناخدوا بس بتوع  بهيرة

اتفضلي يا بهيرة هههه منورة يختي وربنا

الله يخليكِ يا اختي

مالك قاعدة مكسوفة كدة يا بهيرة ! ده بيت اختككككك

عارفة يا اختي والله , معلش شوية كدة واخد على جو الشقة واقوم اتنطط ع الكراسي ههه

هههه وربنا وحشتيني , الصالون واسع واحنا قاعدين في اليمة التانية بعيد عنهم , اتكلمي براحتك مش هيسمعونا , عجبتك اسكندرية ؟

حلوة اوي اوي يا اشجان ههه عجبتني اوووووي ولا البحر اللي كنت هتهبل عليه من جمااااااله , بقى يا مفترية تسيبي اسكندرية الجميلة دي وتيجي عندنا القاهرة !

ما القاهرة جميلة برضو ههه

ايوة جميلة ما قولناش حاجة , بس اسكندرية دي روح وجمال تاني خااااااالص

ههه اه والله على رأيك , بس نعملوا ايه ! حكم القوي ع الضعيف

لالالا ما تتحججيش , انا عارفة الحقيقة اللي خلتك تسيبي اسكندرية وتيجي القاهرة

ايه هي يا اختي بقى ؟

جيتي عشان تخطفي ياسر وتجوزيه لبنتك هههه طب كنتي قولي يا اشجان وانا اجيبهولك لحد عندك من غير ما تتعبي رجليكِ وتتعبي جوزك رايح جاي كل اسبوع من الاسكندرية للقاهرة وبالعكس هههه ما كانش لازم يعني تيجي تسكني قصادي وتبقي جارتي هههه

هههههه وربنا كانت جيرة الهنا كله يا جارة الهنا , ايّووووه كانت ايام حلوة يا بهيرة ومرت زي الطيف الجميل

الأيام اللي جاية احلى ان شاء الله , انا متفائلة هههه

تررررررررررررررررررررررررررررررررررررررن

شوف مين ع الباب يا احمد يا ابني

حاضر يا حاج

**************************

خلف هذه الجدران,هبة عبد العظيم نور

**************************

أمي !!!!!!

ازيك يا احمد

هه الله يسلمك يا امي , انتِ جاية عند ام رحمة بنفسك !

ابوك فين ؟

قاعد مع عريس رحمة واهله في الصالون

طب اني هندخلولهم

**************************

خلف هذه الجدران,هبة عبد العظيم نور

**************************

عادل

سعاد !!!!!

طنط سعاد !!!

الحقيني يا بهيرة , دي سعاد ضرتي

هي ددددي ؟ الله ههه كان نفسي اشوفها

مالكو باصينلي ومستغربين كدة ليه !!!متجمعين عند النبي , قلنا نيحو نعملوا الواجب يا ابو العروسة , مبروك للبت يا عادل

هههه الله يبارك فيكِ يا ام احمد

مبروك يا اشجان

...... الله يبارك فيكِ يا سعاد , نورتي , يا ألف خطوة عزيزة

يعز مقدارك يا ام العروسة , مبروك يا رحمة

الله يبارك فيكِ يا طنط

خدي هديتك , خاتم ماس , مش خسارة فيكِ يا بنت الغالي

ههه متشكرة اوي يا طنط , كلك ذوق والله

تعيشي

دي بهيرة جارتي وحبيبتي وتبقى ام العريس

يا مرحب , نورتي اسكندرية يا ام العريس

والله اسكندرية منورة بالناس العسل اللي زيك ههه طب والله كان نفسي اشوفك من زمان من الكلام الحلو اللي اشجان كانت بتقوله عليكِ

تعيشي يا ام العريس , ازيك يا ادهم

اهلاً يا برنسيسة ههه منورة القعدة

منورة بيكو كلكو , اتفقتوا ولا لسة ؟

لسة هنتَفَق يا سعاد , خدي الحريم واقعدوا جوا على راحتكو يا اشجان

حاضر يا عادل , يلا يا سعاد نقعدوا جوا

وماله

**************************

خلف هذه الجدران,هبة عبد العظيم نور

**************************

 ربنا يتمم بخير للبت  يا اشجان

تعيشي يا سعاد , مش هننسولك مجيتك لحد هنا اللي فرحتنا وجبرت خاطرنا هه

تعيشي يا اشجان , ده واجب وأصول

وانتِ ست الواجب والأصول يا سعاد

ههههه الله , لالالا ده اللي بيتقال ع الضراير كله اشاعات مغرضة ههههه انتو كدة هتشجعوني اجوّز حسين

انتِ يا بهيرة هتجوزي الأستاذ حسين !!

ايوة طبعاً ان شاء الله , هيتجوز من الحور العين في الجنة بعد عمر طويل ههههههه

ههههه اسمعي يا ام العريس , بكرة بإذن المولى هنعزموكوا ع الغدا عندي في الفيلا

لا والله يا اختي ما ينفع , احنا هنسافر النهاردة بالليل ان شاء الله

ايّوووووووووه وربنا ما ينفع الكلام دددددددده انت ضيوفناااااااا

يا ماما ! في ايه يا اختي , والله بتخض من الصوت العالي وبتجيلي كوابيس وحشة بالليل ههههه

ما انتِ اللي كلامك غريببببب , يعني ايه تيجوا اسكندرية وتمشوا في نفس اليووووم ! حد قالك ع الاسكندرانية بخلااااااا !!!

هههه لا والله يا اختي , طول عمرهم يقولوا اسكندرية احسن نااااااااس , ايّوووه عليكو وعلى كرمكوووو

خلاص , احنا هنخلوا عادل يشدد على جوزك في البيات عشان بكرة لازم تتغدوا عندي

ههه والله يا حبيبتي كفاية مقابلتك الحلوة لينا , ال على رأي المثل , لاقيني ولا تغديني , يبقالنا عزومة بعد جواز ياسر ورحمة ان شاء الله

ربنا يتمم بخير يا ام العريس

اللهم آمين يارب

**************************

خلف هذه الجدران,هبة عبد العظيم نور

**************************

الشيّ يا احمد

تسلم ايدك يا هيومتي ههه

ههه تدوم الضحكة الحلوة يا قلب هيومتك

اقعدي يا حبيبتي,حاسس انك وحشاني قوي يا هيومة

وحشاك وانت بتشوفني كل يوم!هه

ربنا ما يحرمني من وجودك كل يوم وكل دقيقة وكل ثانية يا حبيبتي

تسلملي يا حبيبي من كل سوء ويديم نعمة وجودك في حياتي يارب آمين...قولي يا احمد,أدهم اخوك عامل معاك ايه في الشغل؟

الحمدلله يا هيومة,ادهم ماشي في الشغل كويس قوي,اتعلم حاجات يامَا في الشهر اللي فات, وبيبقى في عز فرحته وهو بيشرف بنفسه ع العتالين وهما بيشحنوا ويفرغوا المراكب,تقريباً واقف على رصيف المينا على طول وما بيقعدش في مكتبه ساعة على بعضها

طيب الحمدلله..لكن ده مش مجهود عليه؟ ده لسة برضو رجليه تاعباه

بيقول مش تعبان,حتى جلسات العلاج الطبيعي بطلها, واجمل حاجة في ده كله انه بقى مواظب ع الصلاة وبيجري ع الجامع قبل الآذان

ماشاء الله,فرحتني وربنا يا احمد

الحمدلله يا هيام,أنا دعيت يامَا لأدهم بالهداية وعمري ما يأست من رحمة ربنا..لكن كل اللي مزعلني انه متشتت عن مراته وابنه

مممم ربنا يصلحله الحال

دي الحاجة الوحيدة اللي تاعبة أدهم, ويمكن بيهلك روحه في الشغل عشان ينسى همه..يا ريت كنا نقدروا نعملوا حاجة تسعده,لكن للأسف,لا نعرفوا مكان ولا عنوان لمراته,اخبارها اتقطعت هي وأهلها من ساعة ما سابوا اسكندرية, ويا عالم هيرجعوا تاني ولا لأ يا هيام

حتى لو ما رَجَعتش يا احمد ونصيبهم وقَف لحد كدة,خليه يتجوز ويبتدي حياته من جديد

وابنه يا هيام! هو الضنا يتنسَى!

....مش عارفين نقولوا ايه يا احمد! الضنا ما يتنساش,الله يصبر قلبه ويصلح حاله

آمين...اومال فين الولا خالد!

مع راوية جوا.......يا رااااااااوية, هاتي خالد عشان ابوه عايززززه

حاضر يا ست هياااااااااام

*********

اهو خالد اهو يا احمد , تعالى يا حبيبي اموووه , بنموتوا فيك يا ولا وخطوتك على الأرض بتهز قلبي من جوا ههه امووه كلم بابا

بابّاااا

هههه تعالى يا خلود اما نشيلوك اموووه ايه يا ولا مش هتكبر بقى عشان تساعدني انا وعمك في الميناااا!

جرا ايه يا احمد! انت هتعمل في الولا زي ما ابوك ما عمل فيك ولا ايه !ههه لا يا حبيبي,أنا ابني هيدرس في الكلية اللي هو عايزها ويشتغل الشغلانة اللي هو عايزها ان شاء الله

ههه هو حر يا ستي,ما كانتش كلمة قولناها يا هيومة, أنا عمري ما هنغصب على ابني يعمل حاجة هو مش عايزها

ههه تسلملي يارب,ما قلتليش,عزمت أوسا وبدور عشان نصالحوهم ولا لسة؟

اطمني يا ستي,عزمتهم وهيجوا ان شاء الله,بس ما اوصكيش بقى يا هيومة,اوعي تسيبيهم من غير ما يتصالحوا

وده كلام برضو! إن شاء الله ربنا هيصفي قلوبهم ويتصالحوا,داحنا قاصدين خير وربنا مش هيخيب رجانا إن  شاء الله

إن شاء الله يا هيومة

**************************

خلف هذه الجدران,هبة عبد العظيم نور

**************************

انتِ منوراني وربنا يا أوسا ههه ايّووووه بقالك سنين يامَا مادخلتيش بيتنا,من ساعة ما جيتي باركتيلي على جوازي

معلش يا هيام , على يدك , البال ماكانش خالي

ربنا يروق بالك يا رب يا ام  نورهان ههه

اومال فين الولا خالد ؟ عايزة نشوفوه

نايم يا حبيبتي , شوية كدة ويصحى ونجيبهولك

ممم وبدور هتيجي امتى ؟

زمانها جاية , اتصلت بيها من شوية قالت جاية في السكة , على نجيبولك كوباية عصير تكون جت

لا , خلي العصير بعدين , لما تيجي بدور الأول

ترررررررررررررررررررررررررررررررررررررررررن

اهي جت اهيه , عن اذنك نفتحولها

*********************

اهلاً وسهلاً ههه انتِ اكيد بدور

ايوة اني , وانتِ مدام هيام مرات الأستاذ احمد , مش كدة ؟

هه ايوة , اتفضلي , اهلاً وسهلاً

اهلاً بيكِ , اني لولا غلاوتك وغلاوة الأستاذ احمد اللي بنعتبروه زي اخويا ماكنتش جيت أبداً , لكن انتو خاطركو عندي غالي

ربنا يخليكِ يارب ههه كلك ذوق والله , اتفضلي , أوسا مستنياكِ في الريسبشن

ماشي

**************************

خلف هذه الجدران,هبة عبد العظيم نور

**************************

ولحد هنا وانتهت حلقات النهاردة

*******************

قارئتي العزيزة ,أمل خيري

سلامتك حبيبتي الف سلامة ,شفاكِ الله وعافاكِ اللهم آمين

وبقدملك خالص التعازي لكل غالي فقدتيه ,ربط الله على قلبك ورزقك الصبر والسلون حبيبتي اللهم آمين ...اسفة والله لم أعلم إلا مؤخراً

**************************

الحلقات اوشكت على الانتهاء إن شاء الله ,الحلقة الأخيرة يوم الثلاثاء إن شاء الله

حبيت اذكر المعاد بناء على طلب قارئتي العزيزة walaa  واللي طلبت التنويه عن معاد الحلقة الأخيرة للتهيئة النفسية ومنع الصدمة ههه

***************************

قارئاتي العزيزات

israa mousa

اهلاً بيكِ يا اسروئة ,سعيدة بتعليقاتك جدا

lolo 91

شكرا يا لولو يا جميلة على التواجد والتعليق

um 3omairw

اهلا بيكِ حبيبتي ,منوراني والله

سنحيا كراماً

تسلمي حبيبتي ,شكرا على تعليقاتك

نورا

اهلاً يا نورا يا أمورة ,شكرا على التعليقات حبيبتي

soltyrei

حقيقي حبيبتي تحليل رائع لشخصية أدهم ,غير مألوف ,ولم أعهده من قرائي ,فجميعهم كانوا يضمرون لأدهم كراهية بسبب أفعاله ..بينما أنتِ سبرتِ أغوار الشخصية وبحثتِ عن مواطن الجمال في القبح ..حقاً ادهشتيني ..ولكن كيف تكرهين ضحى هذا الملاك الرقيق ! هههه ضحى أحبها الجميع ,حتى ان احد القراء الأفاضل استشاط غضباً مني بسبب ما ألت اليه احوال ضحى ,وقال لي نصاً انتِ لو أمامي لقتلتك يا هبة نور ههههههه الله المستعان ,فالناس فيما يعشقون مذاهب ...مرحباُ بكِ حبيبتي بين اخواتك

manar

اهلا بيكِ منار الحبيبة ,ما تحرميناش من تواجدك يا سكرة ,كلها كام يوم وماشيين ههه

alaa awad

لولو السكرة , منورة يا جميلة والله

يقين

نورتينا حبييتي والله واسعدتني تعليقاتك ايما سعادة وخصوصا انك عملتي حساب مخصوص عشان تعلقي ,شكرا حبيبتي ربنا يسعد قلبك اللهم آمين ,ربنا يوفقك في امتحاناتك ويكتبلك النجاج والتوفيق...ادعولها يا جماعة ,الجميلة يقين طالبة دعواتكم

******************

نداء عااااااجل ,نداء عاااااجل ,قارئتي العزيزة shereen Hamdy

نما إلى علمي  انك نشرتي على صفحتي على الفيس انك مش عارفة تعلقي وكل ما تكتبي تعليق مش بيتنشر ,حتى انك اعزيتِ ذلك إلى عدم وجودك في مصر ,انتِ تعتقدين ان من هم خارج مصر لا يمكنهم التعليق ,لكن ده مش صحيح ,لان عدد كبير من القراء الأفاضل اللي بيعلقوا هم خارج مصر ...لكن ممكن يكون السبب في طول التعليق حبيبتي ,حاولي تعلقي على اكثر من تعليق ,وعشان تتأكدي ان مافيش مشكلة في نشر تعليقك ,جربي تكتبي تعليق صغير وشوفي هيتنشر ولا لأ ...ياريت نشوفوا اسمك منور قبل انتهاء العرض يا شيري يا جميلة

*****************************

القاكم غذا بمشئية الله قرائي الأعزاء

لا تنسوا ذكر الله والاستغفار والصلاة على الحبيب عليه الصلاة والسلام