الحلقة الحادية والستين (ف2)

الكتاب: خلف هذه الجدران  

الجزء الخامس

بقلم: هبة عبد العظيم نور           

الناشر: المؤلف

رقــــم الإيداع: 00000/2017م

أميييييي , انتِ فين يا امّااااااا

وجدي ! أخيراً ظهرت ! كنت غطسان فين بقالك كام يوم يا ولا ؟

ههه هي دي حمدالله ع السلامة اللي بتقوليهالي يا امّا !!!

حمدالله ع السلامة يا سي وجدي , كنت فين يا ولا ؟

كان عندي مصلحة مهمة بنقضوها يا امّا

مصلحة ايه اللي ما بتنتهيش دي ! دانت بتظهر يوم وتختفي عشرة يا ولا

ما تشغليش بالك انتِ يا امّا . أومال خالتي بدارة فين ؟

خالتك نَزَلت القهوة تشوف الشغل

ايّوووووووووه وايه اللي نزلها القهووووووووة !!! احنا مش منبهين عليكو ان مافيش واحدة فيكو تنزل القهوة في غيااااابي !!

نعملولها ايه يعني ! قالتلي الولا وجدي مش موجود ولازم ننزلوا نديروا القهوة بنفسي

أومال احنا جايبين الولا كيمو والولا ممدوح لييييييه !!!

احنا ما نعرفوش حاجة وما تزعقش في وشي كددددة , لما تيجي خالتك ابقى اتفاهم معاهاااا

معلش يا امّا , حقك عليا , بنزعقوا من زعلي بس عشان الكلام ما بيتسَمَعش .... لكن أحنا مالمحناش خالتي في القهوة واحنا جايين على هنا

تلاقيها راحت تقضي مشوار طياري ولا حاجة , نجيبولك تتغدا ؟

ايوة , هندخلوا نغيروا هدومي على ما تحطي الغدا , وبعدين ننزلوا نشوفوا حكاية خالتي بدارة دي

***********************************************

سلامو عليكو يا ابتسام

اهلا يا بدارة , عليكم السلام يختي 

اااااه يا رجلي ياني , كعوبي دابت من المشاوير

ليه ؟ روحتي فين ؟

روحت نحاسبوا التجار ع الفلوس المتأخرة علينا ونتَفَقوا على بضاعة جديدة , وعديت على مصنع الكراسي عملت طلبية جديدة عشان نجددوا كراسي القهوة

وكان مالها الكراسي القديمة !!! ماهي جامدة وزي الحديد

لالا يا ابتسام , قدمت وشكلها مش قد كدة .... هو نور الحمام قايد ليه ؟

الولا وجدي جَه

يا شيخة ! وكان فين الولا ده ؟

احنا نعرفوله حاجة !!! كلامه عايم , كل ما نسألوه يقولي كنا بنقضوا مصلحة , أهو خرج اهو

حمام الهنا يا ابن اختي , نعيماً

ههه خالتي ! الله ينعم عليكِ يا جميل , وربنا وحشتيني

بلا وحشتك بلا كلام فاضي , أنا زعلانة منك , بقى تغطس الأيام دي كلها وما تقولناش أنت فين يا ولا !

نعملوا ايه ! الظروف حَكَمت , وانتِ عارفة حكم الظروف يا خالتي

ما يحكمش عليك ظالم يا حبيبي

انا بقى اللي زعلان منك يا خالتي , ايه اللي نزّلك القهوة في غيابي ؟

أيّوووووه ! يعني ما نشوفوش مصالحنا يا وجدي !

يا خالتي احنا جايبين جدعين زي التيران عشان يديروا القهوة وما يتعبوكيش

أحنا ما نأمنوش للأغراب يا ولا , ماحدش بيخاف ع المال زي صاحبه

بس دول اُمنا يا خالتي واحنا نضمنوهم برقبتي

مهما كانوا اُمنا برضو مش هيراعوا المال ويخافوا عليه زينا , واحنا لقيناك غَطست قلنا ننزلوا القهوة بدالك على ما ترجع ..... ناوي تغطس تاني ولا خلاص كدة ؟

هه لا يا خالتي , مش هنغطسوا تاني , احنا رسينا ع الشط بتاعنا خلاص

بدارة , نجيبولك تتغدي مع وجدي ؟

ايوة يا ابتسام , المشاوير جوعتني وربنا .. انتِ مش هتاكلي معانا ولا ايه ؟

سبقتكو يختي , حمدالله ع السلامة يا وجدي , وربنا البيت بيبقاله حس بوجودك يا ولا ههه

ههه الله يسلمك ويخليكِ ليا يا امّا 

***************************

ولا يا كيمووووو

أهلاااااااً ازيك يا وجدي , عاش من شافك , كنت فين الغيبة دي كلها !!

في الدنيا الواسعة

وبتعمل ايه في الدنيا الواسعة ؟

بنخليني في حالي وما بنتحَشَرش في اللي ماليش فيه يا ولا يا حشري ههه

مقبولة منك يا عمنا

أومال فين الولا ممدوح مش شايفه في القهوة

بيفسّح خطيبته فسحة طياري كدة وجاي على طول

ماشي , بقى يا ولا نسيبوكوا كام يوم نرَجعوا نلاقوا خالتي نَزلت القهوة بنفسها !!!

وهنعملولها ايه ! هنمشوها بالقوة !!

تقولولها انكو قايمين بالواجب وزيادة وتقولولها ارجعي بيتك وما تتعبيش نفسك

أهي نَزَلت تعبت نفسها وعلمتنا الأدب ههه

ايه اللي حصل ؟

اسكت يا جدع دي خنقتنا وربنا المعبود , كل ما تلاقي واحد قاعد ع القهوة شكله مش ولا بد تقوم تناديلي وتقولي مشّي الجدع ده من هنا وما تجيبلوش طلبات , ده شكله شمّام ولا متعاطي برشام

هه ما انت عارف خالتي , تحب المحترمين بس هما اللي يقعدوا ع القهوة

يعني نعملوا فيش وتشبيه للزباين قبل ما يقعدوا !!

واحد شيّ هنا يا كيموووو

فين الطاولة يا كيمووووو

, طب روح  شوف طلبات الزباين دول بدل ما نطردوك ههه

ماشي , اهو الولا ممدوح جه اهو

الشيّ يا كيموووو

جاي يا سيددددي طلباتك يا باشاااااا , ممدوووووح وجدي ظهر ع الشاشة

وجدددددي ههه حبيب قلبي الطير المسافر , حمدالله ع السلامة يا حبيبناااا امووه امووه

ازيك يا ممدوح

ازيك انت يا وجدي , واحشني وربنااااا

تعيش يا ممدوح , فسحت خطيبتك يا اخويا !!!

نعملوا ايه ! ما بتبطلش زن ع الفُسَح , نقولولها خسارة الفلوس اليامَا اللي بتطير دي , نوفروها لجوازنا احسن , تقولي لا , لازم نشبعوا من الفُسح عشان بعد الجواز مش هتفسحني ههه

وانت نويت ع الجواز امتى ؟

كمان شهرين ان شاء الله ... وانت مش ناوي كدة تدور على بنت الحلال وتتجوز يا وجدي ؟

أنا لسة قدامي يامَا على ما نفكروا في الجواز ... خلوا بالكو من القهوة , هنطلعوا نناموا عشان حاسس بالتعب , نشوفوكوا الصبح بقى

ماشي يا وجدي , تصبح على خير

وانت من أهله

واحد شيّ هنا يا ممدوح يا ابني 

من عنينا يا عم الحاج

********************

تررررررررررررررررررررررررررررررررن ترررررررررررررررررررررررررررن

دي بهيرة اللي بتتصل , يا حبيبتي يختي , الوووو وحشتيني يا بهيررررة

ازيك يا أشجان , صباح العسل يا عسل

اهئ اهئ اهئئئئئئئئئئئئئئ

ايه ده ! هو انا شتمتك ولا ايه يا اختي ! هههههه

مخنوقة من غيرك يا بهيرة , هنموتوا من الوحدة

والله يا اختي وانا كمان , كل يوم اخد طبق اللب وادخل البلكونة أأزأز واعيط عليكِ شوية ههههههه

هو فين العياط ده !!! ما انتِ بتضحكِ أهو

أصل ده مش معاد عياطي يا اختي هههههه , روقي كدة , مسيرنا نتجمع تاني ان شاء الله , أل على رأي المقولة الشهيرة قد يجمع الله الشتيتين بعد أن يظنا كل الظن ألا تلاقيا يا أختي

ايه اللي قلتيه ده ! أنا ما فهَمتش منه حاجة وربنا

مش مهم يا أختي , المهم النية , قصدي اقولك ان ربنا هيجمعنا تاني ان شاء الله , انما فين بقى ما اعرفش , بس أكيد مش هنخرج برا مكانين , يا الدنيا يا الآخرة إن شاء الله

اهئ اهئئئ يعني هنموتوا من غير ما نشوفوكِ ولا نشربوا معاكِ الشيّ زي زمان !!!

ااسكتي يا اشجان والله الشاي ما لوش أي طعم من غيرك , عملت كوباية شاي من شوية خدت منها شفطة وافتكرتك روحت دلقاها في الحوض وقعدت اعيط هههههههه

ربنا ما يحرمني منك يا بهيرة ويجمعنا على خير في الدنيا قبل الآخرة يختي يا حبيبتي

يارب يا اشجان يا أختي يارب

وازي العيال يا بهيرة , وياسين هيدخل كلية ايه ؟

العيال كويسين الحمدلله , ياسين هيدخل صيدلة ان شاء الله , ولادي غاوين الكليات العلمية , رغم ان انا وابوهم أدبي هههههه

ربنا يوفقهم يارب

آمين يا رب , ازي رحمة

رحمة يختي اتلمت على اخواتها واترَمَت في حضنهم وسايباني ناكلوا في روحي

هي اتصالحت مع اخواتها ؟

ايوة , البت بنت اختها مش لاقينهاولا عارفينلها طريق وهي لما عَرَفت صممت تروح مع ابوها عشان تواسي اختها , وكانت عايزة تبات عندها امبارح لكن انا اتصلت هديت الدنيا على دماغها وقلتلها تجيني هنا حالاً وإلا مش هيحصلك طيب , رَجَعت بالليل مع ابوها وصبحت من الصبح جَرَت على اختها من غير حتى ما تفطر

معلش يا أشجان , ده واجب ولازم تعمل كدة مع اختها , وانتِ ما كانش له لزوم تغصبي عليها ترجع , كنتِ سيبيها تبات مع اختها

احنا ما نآمنوش على بنتي تبات هناك , ولمّا يِسمّوها بقى ولا يدبحوها وهي نايمة ويدفنوها من غير ما حد يدرى نعملوا ايه احنا بقى !!!

ههههه يسمّوها ويدبحوها ايه بس يا اشجان !!! هو انتِ مش هتبطلي شغل ريا وسكينة ده !! دول مهما كانوا اخوات وبيجري في عروقهم دم واحد

ولاد سعاد ما بيجريش في عروقهم دم , دول بيجري في عروقهم سم تعبانين وعقااااارب

ما تقوليش كدة عليهم حرااام , ربنا يحاسبنا على غيبتهم

احنا لا عايزين نغتابوهم ولا نجيبوا سيرتهم

طب خلاص , بطلي تتكلمي عنهم وحش

خلاص مش هنتكلموا عنهم , ربنا ياخدهم عشان نبطلوا نجيبوا في سيرتهم

ههههه الله يهديكِ يا أشجان , لكن البت لسة ما لقيوهاش ؟

لا لسة , مش عارفين طريقها ولا الجن الازرق عارف طريقها

اوعي تكوني انتِ اللي خطفتي البت يا أشجان هههه

انا !!! هو انا نعرفوا نخطفوا فرخة !!!

أيوة يمكن خطفتيها عشان تتسلي شوية بدل الكآبة اللي انتِ عايشة فيها ههههه

لا وربنا يا بهيرة , أنا ما نعرفوش الحاجات دي يختي

انا بهزر معاكِ يا أشجان , ربنا يرجعها لامها بالسلامة ويطمن قلبها عليها , انا هقفل بقى عشان افطّر ياسر قبل ما ينزل يروح لابوه السوبر ماركت

طيب يا حبيبتي , سلميلي عليه , نكلموكِ بكرة بقى , سلام يا بهيرة

الله يسلمك يا أختي

كنتِ بتكلمي مين يا ماما ؟

دي طنطك أشجان

أأ هي عاملة ايه ؟

كويسة الحمدلله ... هروج اجهزلك الفطار قبل ما تنزل

ماما أأأ هي ... هي طنط أشجان ما سألتش عليا ؟

سألت عليك وعلى اخواتك وقالتلي سلميلي عليهم

و...... و....... هي مبسوطة في اسكندرية ؟

هي مين دي يا ياسر ؟؟؟؟؟

طنط أشجان

أهو كل واحد بيأقلم نفسه على مكان العيشة اللي ربنا اختارهوله

أيوة بس ..... بس دي كانت زعلانة أوي انها هتسيب القاهرة

وفي يوم من الأيام برضو كانت زعلانة اوي انها هتسيب اسكندرية , لكن عاشت في القاهرة عشان ربنا كتبلها كدة , واهي رجعت بلدها بعد السنين دي كلها

لكن ..... لكن رحمة ....

أيوة , هات كدة من الآخر  , مستنية اسمع منك اسم رحمة من الصبح , عمال تدور وتلف وتقول طنط أشجان طنط أشجان .... شوف يا ياسر رحمة اتصالحت مع اخواتها وكل يوم عندهم , وزي ما انت عارف رحمة من عيلة كبيرة أوي في اسكندرية , يبقى أكيد طالما خدت على الجو هناك هتتجوز برضو من هناك من واحد من عيلة كبيرة زي عيلتها , وتوتة توتة وفرغت الحدوتة يا حبيبي وفكر في مستقبلك

ايه اللي بتقوليه ده يا ماما !!! على أي أساس حكمتي الأحكام دي كلها !!! أن رحمة نسيت القاهرة وخلاص هتتجوز من اسكندرية وعايزاني انساها !!!

أنا بعمل كدة لمصلحتك يا ياسر , يامَا يا حبيبي شباب بيحبوا بنات وفي الآخر كل واحد بيروح لحاله ويتجوز اللي ربنا كتبهوله ..... يلا عشان اتأخرت أوي على بابا , يادوب تفطر وتنزل , وخليك فاكر ان رحمة أهلها مليونيرات , ودول لما يحبّوا يناسبوا مش هيناسبوا أي حد

ماما احنا مش أي حددددد , والفلوس مش كل حاجة , وبعدين احنا عايشين كويس الحمدلله ومش طمعانين في حد

أيوة عايشبن كويس يا حبيبي الحمدلله , بناكل كويس وبنلبس كويس وعندنا فراخ ولحمة في الفريزر الحمدلله , لكن ما عندناش يا ابني أرصدة في البنوك نشتري بيها فلل وشاليهات ولا نسافر نصيف في أوروبا , دول ناس واحنا ناس يا ياسر , وكفاية بقى كلام عن رحمة عشان انت مش لايق عليها

............ متشكر يا ماما

هروح احضرلك الفطار

لا , ماليش نفس , انا رايح لبابا

لا حول ولا قوة إلا بالله

ايه يا ماما اللي قولتيه لياسر ده !!!

انت سمعتنا يا ياسين ؟

سمعتكو وما رضيتش اتدخل

هههه هتتدخل تعمل ايه بقى يا صغنن !!!

يا ماما انا ما بقتش صغير , انا خلصت ثانوية عامة وهدخل الجامعة ان شاء الله , أنا عايز أعرف انتِ ازاي اتأكدتي ان أهلها هيرفضوا ياسر ؟

يا ابني سبق واخوك طلب رحمة من اخوها في اسكندرية واخوها قاله مش هجوزهااالك , هنستنى لما اخوك يتهزأ أكتر من كدة !!!! أنا عندي أقسَى على ابني شوية وافوّقه ولا إنّي اسيبه عايش في الوهم ده ويتهزأ ويتقل قيمته .... هتفطر ولا هتغضب ع الفطار انت كمان ؟

لا مش هفطر , انا هروح اساعد ياسر في السوبر ماركت

بالسلامة يا حبيبي ...... يا حبيببي يا ياسر !!! والله غصب عني يا ابني , انت كرامتك عندي بالدنيا , هيبعزقولك كرامتك وفي الآخر مش هيجوزك رحمة

*********************

بهيرة بتسلم عليكِ يا رحمة

طنط بهيرة ! هي عاملة ايه , دي وحشاني اوووي

كويسة الحمدلله , اتصلت الصبح بعد ما نَزَلتِ

و.......... و......... ياسمين عاملة ايه ؟

كويسة

و....... ياسين ؟

ياسين كويس

و.......عمو حسين ؟ 

كويس الحمدلله

....كلهم كويسين يعني ؟

الحمدلله يارحمة

ممممم طيب انا هدخل اعمل مج نيسكافيه واقعد في البلكونة شوية

روحي يا حبيبتي .... اعمليلي شيّ معاكِ يا رحممممممة

حاضر يا مامااااااا ....... يا ترى عامل ايه يا ياسر !!! بتفكر فيا ولا نسيتني !..... معقول يكون نسيني ! ..... بالسهولة دي !!! معقول !!!

***************

تررررررررررررررررررررررررررن

دي ثريا اختي هههه الووو ازيك يا ثريا

ازيك يا اشجاني , وحشاني يامَا وربنا

وربنا انتِ اكتر , ما بتزورنيش ليه يا ثريا ! بقالي يامَا ما شوفتكيش يختي

ما انا متصلة عشان كدة , هنجولك كمان شوية , وعلي هيبقى يعدي بالعربية ياخدني لما يخلص مصالحه

تآنسي وتنوري يا حبيبتي ههه وربنا زيزينيا كلها هتنور , ما تتأخريش يا ثريا , سلام

اتفضلي الشاي يا ماما

تسلم ايدك يا حبيبتي , خالتك ثريا جاية كمان شوية

أهلاً بيها

ومالك بتقوليها من غير نفس كدة !!

عايزاني اعمل ايه يا ماما !!!

عايزاكِ  تلبسي فستان حلو كدة تقابلي بيه خالتك

هي خالتي غريبة عشان البس فستان اقابها بيه !!!

يا بت خالتك ما قطعتش العشم في جوازك من ابنها

يييييي , يا ناس ارحموني بقىىىىى , انا داخلة البلكونة

هو ايه اصله ده !!!

***********************

يا أستاذ حمددددي صاحب الجريدة الأستاذ فتحي خليل  عايزك ومتنرفز ع الآخرررر

ليييييييه ! هو ايه اللي حصصصصصل ؟

روح شوف بنفسك

تن تن مساء الخير يا استاذ فتحي

خير منين يا سي حمدي بعد الكوارث اللي هتحصل بسبب تهورككككك

في ايه بس يا فندممممممم ؟

في ان أحمد عادل سليم رافع ع الجريدة  قضية تعويض بعشرة مليون جنيييييييي

ايّووووووووووه عشرة مليون جنييييي ! لييييييه ؟

ليه ! عشان مجد حضرتك الصحفي اللي هتدفع تمنه الجريدددددددة

يا فندم انا صحفي وروحت اغطي خبررررر ايه اللي عملته غلطططط !!

الغلط انك اتسرعت وبنت عادل سليم طلعت بريئة وأهلها رافعين ع الجريدة تعويض ما نقدرش ندفعه يا حضرة الصحفي المحتررررررم , انت متحول للتحقيققققققق

تحقيقققققق !

التحقيق ده عقاب مبدئي ولو احمد عادل سليم كسب قضية التعويض تبقى مرفود وما تعتبش الجريدة تااااااااااني

اووووووووف عن اذنك

استنى يا افندددددي عايز تكديب واعتذار ينزل في العدد بتاع بكرة

يا استاذ فتحي العدد خلاص اتجمّع ونزلناه المطبعة

لااااااا يرجع تاني وتنزلوا التكذيب والإعتذار في الصفحة الأوووووولى , وانا بكرة هروح لاحمد سليم المينا واحاول اتفاهم معاه , اتفضل غور من وشييييييي

حاضر يا فندم حاضرررررر وانا اعرف منين انها هتطلع بريئة !!! حاجة تأرررررف

*******************************************

يحولني للتحقيق لييييييييييه!! وانا مالي انااااااا , واحد زفت  قهوة سادة يا بدرررررري

حاضر يا استاذ حمدي

ايه يا حمدي مالك ؟

اوووووووف صاحب الجريدة شايط وقالب الدنيا عشان ابن عادل سليم رافع قضية بعشرة مليون جنيي ع الجريدة

ايوووووة ! عشرة مليون جنيييييي !!!

ايوة يا سيدي , رد شرف واعتبار للجوهرة المصونة اخته

طب ما هو الأستاذ فتحي له حق يشيط ويقلب الدنيا ويرفدك كماااااااان

انت كمان هتقول كدة يا منعممممم !!! أنا عايز اعرف اشمعنى يعني يهزئني انا ويقولي كلمتين فارغين عشان الموضوع طلع فشنك ومش صحيح !!! طب ما هو في كذا صحفي من عندنا في الجريدة قبل كدة كتبوا عن قضايا واتهموا ناس يامَا في شرفهم وسمعتهم وفي الآخر طَلَعوا براءة ومع ذلك رئيس التحرير ما عملش معاهم اللي عمله معايا والمواضيع عدت بسلام ولا كأن حاجة حصلتتتتتتتت

هههه يا ابني عشان الناس دول غلابة ولا معاهم فلوس يرفعوا قضايا تعويض ولا حد يسمع كلامهم من أساسه , لكن بقى بنت عادل سليم من كبارات اسكندرية واللي يرشها بالمية هيرشوه بالدمممممم

القهوة السادة يا أستاذ حمددددي

هات يا خوياااااا

قهوة سادة على روح مين دي يا حمدي ؟ ههه

على روح المجد الصحفييييييي

هههه ادي حال الدنيا , كلنا لها

**************************************************

مممم شركة الشحن والتفريغ بتاعة عادل سليم , ربنا يستر بقى واعرف أحل الموضوع ودي

 أنت يا ........ انت الساعي ؟

أي خدمة يا أستاذ

لو سمحت عايز نقابل الأستاذ أحمد عادل سليم

مين حضرتك ؟

أنا الأستاذ فتحي خليل رئيس تحرير جريدة أخبار تهمك

الأستاذ أحمد على رصيف نمرة تلاتة

طب ونروحوله ازاي ؟؟؟

اتفضل استناه في مكتبه واني هنتصل بيه

طيب , متشكر

**********************************************

السلام عليكم

عليكم السلام , أكيد حضرتك الأستاذ أحمد عادل سليم

أيوة , اتفضل استريح

متشكر يا أستاذ أحمد , أنا الأستاذ فتحي خليل رئيس تحرير جريدة أخبار تهمك

خير

خير ان شاء الله يا فندم , تسمحلي بكوباية مية ؟

ضيااااااااا

أمرك يا أستاذ أحمد

كوباية مية للأستاذ

حاضر

اتفضل يا أستاذ

متشكر ...............مممم استاذ احمد أنا في الحقيقة مش عارف أبدأ الكلام منين

وفر كلامك يا أستاذ , وما كانش له لزوم تتعب نفسك وتيجي لحد هنا , لإني من الآخر مش هتنازل عن القضية ولا عن جنيي واحد من التعويض

يا أستاذ أحمد اسمعنيييي , الولد الصحفي اللي نشر الخبر ده أنا حولته للتحقيققققق وعلى أتم استعداد إني أرفده من الجريدة خاااااااالص , مستعد لأي ترضية حضرتك تطلبها , لكن أرجوك تتنازل عن القضية , الجريدة مالهاش أي ذنب يا فندم

ههه !!!! طب عايز اسألك سؤال يا أستاذ ......

فتحي يا فندم , فتحي خلييييل

طيب يا أستاذ فتحي بصفتك رئيس تحرير الجريدة مش برضو لازم بتراجع كل الأخبار وتأشر بالموافقة عليها قبل ما بتزل المطبعة ؟؟؟

........... يا فندم أنا فعلا براجع كل الأخبار , لكن بصراحة ما كنتش اعتقد ان الخبر هيطلع غير صحيح

يبقى مسؤوليتك انت يا استاااااااذ , هي أعراض الناس لعبة عشان تتناولوها على صفحات جرايدكم الصفرااااااا

يا فندم ارجوك , الجريدة بتاعتي مش من الجرائد الصفرا , لكن أنا مقدر موقفك وانفعالك , أرجوك يا فندم قدر موقفي أنا كمان , المبلغ اللي حضرتك طالبه ده مبلغ خيالي  , مش في استطاعة الجريدة انها تدفعه , أنا شايف ان حضرتك ترجع بالتعويض على الصحفي اللي أخطأ وتعفي الجريدة من المسؤولية

آسف , الجريدة مسؤولة قبل الصحفييييي , ومافيش تنازل عن التعويض

أستاذ أحمد , اسمحلي ده تعسف , المفروض تديني فرصة ل...........

 أني آسف ماعنديش وقت نضيعه ,شرفت يا أستاذ

.............. متشكر

**************************************

سلامو عليكو يا ولا يا عباس

اهلا يا استاذ سامي , عليكم السلام ورحمة الله , ما فيش اخبار عن نورهان بنتك ؟؟؟

 قلبت عليها الدنيا ومالهاش اثرررر , ما بنناموش الليل من كتر التفكير فيها , خايف عليها قوي يا ولا

ربنا يرجعهالك بالسلامة ان شاء الله ونفرحوا كلنا

اومال الولا حمو ورمضان فين ؟

حمو ورمضان راحو يعزوا

يعزوا ! يعزوا في مين ؟؟؟

مرات واحد صاحبهم

صاحبهم مين ده يا ولا ؟

بيقولوا كان شغال هنا من سنين ياما

سعيد !!!

ايوة ايوة , هو سعيد ده

مراته ماتت ! عقبال ما يحصلها ان شاء الله

ليه بس كدة يا استاذ سامي !!! شكلك بتكرهه

هو مين ده يا ولا اللي نعملوله اعتبار ونكرهوه !!! ده ولا حااااااجة , روح شوف الزبونة اللي داخلة دي على ما يجي بسلامته رمضااااااان

حاضر يا استاذ سامي , تحت أمرك يا مداااااام

وريني قماش الستاير ده لو سمحت

حاضر

ده الأستاذ سامي هنا يا رمضان , صباح الخير يا استاذ سااااااامي

اهلا يا خويا , حمدا ع السلامممممة , يا مرحب يا سي رمضاااااااان

اهلا يا استاذ سامي , مافيش اخبار عن نورهان ؟؟؟

 ما لاكش دعوة انتتتتتتتت , هي التكية اللي انتوا شغالين فيها مالهاش صااااااااااااحب ؟

ليه بس كدة يا استاذ سامي !!! انت صاحب المكان والخير والبركة

ولما انا صاحب المكان , ازاي تسيبوه من غير اذني وتروحوا تقضوا مشاويررررر !!

يا استاذ سامي مشاوير ايه بس ! احنا سَمَعنا من ابو حسن اللي شغال عند ابراهيم هلال ان مرات سعيد اتوفت فخدت حمو وروحنا نعملوا الواجب , صلينا عليها ودفناها وخدنا بخاطر سعيد وجينا على طول , احنا مش من عادتنا نسيبو المحل , بس ده ظرف طارق

طب روح يا اخويا شوف شغلك يا بتاع الواجب والظرف الطارق , خلينا نشوفوا اكل عيشنااااااا

حاضر يا استاذ سامي

روق يا استاذ سامي , انا ورمضان ما نقصدوش نزعلوك , بس الواجب ما فيش منه مفر

صاحب واجب اوي يا اخوياااااااا , تسيبوا اشغالكو وتروحوا تجاملوا ولا مايسواش زي دددددده !!!

هو انت لسة قارش ملحة سعيد بعد السنين دي كلها يا استاذ سامي !!

ما تجيبش سيرته قداااااااامي انا عفاريت الدنيا بتركبني لما نسمعوا اسمممممه

خلاص يا استاذ سامي , مش هنقولوا اسم سعيد تاني قدامك عشان ما نعكروش مزاجك , مافيش اخبار عن المازمازيه نورهان بنت سعادتك ؟؟؟

لا يا ولا , أنا خايف تكون البت جرالها حاجة

ماتت يعني ؟؟؟؟؟؟؟

يا اخي موتة تشيلكككككك , ما تفولش ع البت

هنفولوا على ايه !!! الأعمار بيد الله واللي بيموت بيرتاح , ربنا يريحك يا رب يا استاذ سامي

غور يا ولا هاتلي كوباية شيّ عشان دماغي هتتفَلَق

حمامة يا استاذ سامي

***********************

اهئ اهئئئئ عشر تيام دلوقتي يا هيام والبت لا حس ولا خبر , وبابا كل يوم يجدد الإعلان ومافيش فايدة اهئ اهئئئ البت أكيد جرالها حاجة اهئ اهئئئئئ لو كانت عايشة كان حد اتصل وقال انه يعرف مكانها عشان ياخد المليون جنيي اهئ اهئئئئ

الصابرين بخير يا أوسا , جايز الناس اللي نورهان عندهم ماشافوش الإعلان

ما شافهوش ازاي ! دي اسكندرية كلها عَرَفت بغياب بنتي وبالفلوس اللي بابا عارضها للي يلاقيها

معلش يا أوسا , الصبر حلو ,  ان شاء الله هنلاقوها يا حبيبتي

أبلة أوسا , انا جبتلك شوربة وحتة فرخة

كتر خيرك يا رحمة ... رجعيهم المطبخ

لا بقى مش هرجعهم , طب دانا اللي عملاهم بنفسي , تقومي تكسفيني كدة !!

اه والله يا أوسا , رحمة صممت تعملك الأكل بنفسها

تسلميلي يارحمة , كتر خيرك يا حبيبتي , كفاية عليا انك ما سبتنيش في ظرف زي ده

ما تقوليش كدة يا أبلة , أنا هجيلك كل يوم لحد لما نورهان ترجع

ترجع !!! يا عالِم يارحمة اهئ اهئئئ يا عالِم هنشوفوها تاني ولا لأ اهئ اهئئئ

***************************

صباح الفل يا وجدي

صباح الورد  يا ممدوح

سَمَعت عن الإعلان اللي في الجرايد بتاع البت المخطوفة ؟

...... بت مخطوفة !!! بنت مين دي ؟

بنت ناس كبارات اوي , جدها يبقى عادل سليم بتاع المينا , لا وعامل جايزة مليون جنيي للي يلاقي البت دي أو يدلهم على طريقها

ايّوووووووه ! مليون جنيي مرة واحدة !!!

ايوة يا وجدي , يا سلام لو نعرفوا طريق البت دددددي !! كنت بلغت أهلها وخدت المليون جنيييييييي

هه إلا صحيح لو خدت المليون جنيي دول تعمل بيهم ايه يا ممدوح

نعملوا بيهم ايه ! نعملوا بيهم عمايل سوووودة , أول حاجة نسيبولك القهوة دي ونعملوا مشروع يبقى ملكي لوحدي وماليش فيه شريك

ههههه طول عمرك ندل يا ولا يا ممدوح , وعشان نيتك السودة دي عمرك ما هتلاقي البت ولا هتاخد ربع جنيي حتى

هههه على رأيك , الفقري فقري ... يا سلام يا ولا يا وجدي لو الواحد يتجوز بت  غنية زي دي وأهلها مليونيرات

هه البت دي أهلها مليارديرات يا فقري , الملايين دي للجعانين اللي زيك , عادل سليم ده راجل تقيل أوي وما بيتكلمش إلا بالميارات , يعني المليون جنيي دول يادوب يكفوه فطار الصبح

هه على رأيك , خلينا احنا في العالم الفقرية اللي زينا , نرضى بخطيبتي وحمايا اللي من كتر الجوع جاله جفاف وعنيه دخلت لجوا

هههههههه ضجكتني يا ولا يا ممدوح مممم هو فين الجورنال اللي كاتب عن البت دي ؟

عايزه ليه ؟

أهو نشوفوه ونعرفوا الدنيا فيها ايه

احنا شوفناه مع الجدع اللي بيشرب عنّاب هناك ده , استنى نجيبوهولك منه ........ يا أخ , لا مؤاخذة عايزين الجورنال خمسة كدة

أكيد عايز تشوف البت اللي أهلها هيدفعوا مليون جنيي للي يلاقيها

 أيوة طبعاً , اومال هنشوفوا صفحة الوفيات !! هات يا جدع

***

خد يا وجدي الجورنال وملي عينك من البت ... ايّوووه دي البت حلوة اووووي , هو في بنات كدة !!!

هه الدنيا مليانة بنات حلوة

الحمدلله على حظي الدكر

ههه طب سيبني نقرا الإعلان بمزاج بقى وروح شوف طلبات الزباين مع كيمو

ماشي يا عمنا

مممم عارضين مليون جنيي بحالهم !!!... بس يا خسارة يا عيلة عادل سليم , ما حدش يعرف طريق البت إلا أنا ... موتوا بحسرتها بقى واعتَبَروها اتدفنت

**************

تن تن خالتي بدارة

............................

هي ما بتردش ليه !! مممم بتصلي ! .... نستنوها

السلام عليكم ورحمة الله ........ السلام عليكم ورحمة الله

تقبل الله يا خالتي

منا ومنك يا حبيبي .... صليت الضهر في الجامع يا وجدي ؟؟؟

هه ما انتِ عارفة انّي ما بنصليش يا خالتي

ليه بس يا ابني !! طب دي الصلاة دي احلى حاجة في الدنيا , لما بتدخل الصلاة كدة وقلبك يخشع تنسى الدنيا بللي فيها بهمومها ومشاكلها , وتلاقي نفسك بتناجي ربنا وهو سامعك , الواحد بيبقى في دنيا تانية , ايّوووه , وربنا ما بنبقى عايزة نخلصوا صلاة

ادعيلي بالهداية يا خالتي

الله يهديك يا وجدي يا ابن اختي

شوفت خبر في الجرايد هيفرحك يامَا ويبرد نارك يا خالتي

ايه يا اخويا اللي في الجرايد يفرّح !! دي كلها أخبار تغم النفس

إلا الخبر ده يا خالتي , واحنا بنقلبوا في الجرايد شوفنا الإعلان ده

اعلان ايه ده ؟

شوفي صورة البت دي كدة

مين دي !!

اقري الإسم والتفاصيل يا خالتي

اييييييه !! نورهان سامي مرشدي !!! .... مختفية ! ...... مش لاقينها !! ........ يا قلبي يا بنتي ! اهئ اهئئئئ مش لاقينها يعني اييييييه ! البت راحت فييييين !!!

........ ايه ده يا خالتي ! انتِ زَعَلتي عليها !!

وما نزعلوش ازاي ! دي بنتي اللي مربياها يا وجدي اهئ اهئئئئ يا حبيبتي يا بنتي ! البت كَبَرت وبقت زي فلقة القمر , زادت حلاوة على حلاوتها ... خايفة تكون وَقَعت في ايد ناس ما يعرفوش ربنا يا وجدي اهئ اهئئئئ

ايّوووووووووه ايه المناحة اللي انتِ عاملاها دي يا خاااااالتي !!

بنقولولك بنتي يا وجدي بنتييييييييي

لا مش بنتك , مش بنتك  يا خالتييييي , دي بنت الناس اللي ظلمووووكي , بنت اللي تهموكي في شرفككككك , بنت اللي كانوا سبب في موت ستي وتشريدنا وخروجنا من بيتنا في عز الفجر زي اللي عاملين عملة . فوقي يا خالتي , فوووووقي , ده انتقام ربناااااا . أكيد ظلموا حد والحد ده ما نَسَاش تاره وانتقم منهم

يعني اللي اتظلم ده ما لقاش غير نورهان ينتَقَم منها !!!

مش بينتقَم منها ... بينتقم من أهلهااااااا

اهئ اهئئئ يا حبيبتي يا نورهان

خلى أهلها الأندال يشربوا الذل ويدوقوا المر اللي غَرَقنا فيه يا خالتي , ايّووووه دانا دلوقتي بس اتشفى غليلي

...... وجدي .... تقصد ايه بالكلام ده ؟ اوعى تكون انت ورا اللي حصل للبت , انت اللي خطفت نورهان يا وجدددي ؟؟؟؟

هه ايه يا خالتي بدارة اللي بتقوليه ده !!صحيح احنا لو نطولوا نولعوا فيهم مش هنتأخروا , بس مش احنا اللي نعملوا كدة , ما لنا احنا ومال خطف البنات !!! اطمني يا خالتي , دي مش سكتنا

........ ماشي يا وجدي , بس لو ظهرلي في يوم من الأيام انك انت اللي ورا الحكاية دي هنقاطعوك العمر كله

********************

محمد , انزل لريس العمال الله يخليك وقوله يخلص تحميل المركب بسرعة عشان نفضّوا رصيف تسعة للمركب اللي جاية ان شاء الله

حاضر يا أستاذ احمد ... مافيش أخبار عن بنت اختك ؟

أبداً يا محمد

يعني مافيش حد اتصل حتى بعد الإعلانات بتاعة المليون جنيي ؟

ناس يامَا اتصلت , اللي بيسأل عن مواصفات أكتر للبنت عشان يدور عليها , واللي بيتصل يهزر ويستخف بأحزان الناس

فعلاً يا أستاذ احمد , في ناس ماعندهاش دم ولا إحساس

ربنا يهدي الجميع

يعني ما فيش ولا واحد اتصل وقال انه شاف واحدة شبهها حتى ؟

أبداً يا محمد

ربنا كبير يا أستاذ احمد وان شاء الله هتلاقوها

يارب يا محمد

تن تن استاذ احمد

اهلاً يا عبد الله

ازيك يا أستاذ محمد

الله يسلمك يا عبد الله

انزل انت يا محمد اعمل اللي قولنالك عليه لو سمحت

حاضر يا أستاذ احمد , عن اذنكو

نعملولك شيّ يا أستاذ احمد ؟

متشكر يا عبدالله .. نفسي مسدودة عن كل حاجة

ان شاء الله هتلاقوها يا أستاذ احمد

أنا خايف ع البت أوي يا عبدالله , الدنيا مليانة وحوش

ليك حق تخاف والله يا أستاذ احمد , اللي ما بيتقوش ربنا يامَا , احنا هنعملولك الشيّ المظبوط من ايدي وما تكسفنيش

ماشي يا عبد الله مممم نتصلوا بهيام عشان تطمني على أوسا

تررررررررررررررررن ترررررررررررررررررررررررررن

السلام عليكم يا حبيبي

عليكم السلام يا هيومة , أوسا عاملة ايه ؟

نامت من كتر التعب والعياط , ورحمة قاعدة جنبها , وانا سيبت  الولا لراوية  ودخلت المطبخ نعملولهم  الأكل,ما انا جبت راوية معايا عشان تقعد بالولا ونفضوا لأوسا

تاعبينك معانا يا هيومة معلش , أنا عارف ان بيتك وحشك ونفسك ترجعيله

يا احمد يعني هنرجعوا بيتي ازاي ونسيبوا اختك في الحالة دي !!! اديني قاعدة معاها لحد ما ربنا يزيح الغمة والبت ترجع ان شاء الله

أصيلة يا هيومة ... كل يوم بنعرفوا قيمتك اكتر من اليوم اللي قبله

ربنا ما يحرمنيش منك يا احمد , بنردولك جزء من جمايلك عليا وعلى أهلي , عمري ما هننسى اهتمامك بماما طول فترة غياب اخويا زي ما تكون أمك واكتر

بلاش عبط يا بت انتِ , انتِ عارفة انها أمي فعلاً

عارفة يا احمد , ربنا ما يحرمناش منك يا حبيبي

طب بوسيلي خالد لحد ما نشوفوه بالليل

حاضر يا حبيبي , إلا صحيح ما حدش اتصل بخصوص نورهان ؟

لا يا هيام

الله المستعان يا حبيبي

سلام دلوقتي يا هيومة عشان عندي شغل يامَا

الله يسلمك ويوفقك  يا حبيبي

اااااااه يا رب

تررررررررررررررررررررررررررن

رقم غريب , يارب يكون حد هيطمنا على نورهان ,ناولني التليفون يا عبد الله

اتفضل يا أستاذ احمد,ربنا يطمنك يارب

السلام عليكم

وعليكو , أنت اللي عامل الإعلان بخصوص البت ؟

أيوة أنا , مين معايا ؟؟

فاعل خير

أنت تعرف طريق البنت ؟

البت عندي

صحيحححح ؟ أنت بتتكلم جددد ؟

أومال يعني متصل نهزر يا أستاذ !!

طب اديني العنواااان , هنجيلك على طوووووول

ما تهدا علينا شوية يا أستاذ , مش لما نتَفَقوا على حقي الأول !!

اطمن , هنجولك ومعايا المليون جنيي

هههه المليون جنيي دول تعملهم حجاب وتحطهم تحت مخدتك يمكن البت ترجع

طيب انت عايز كام ؟

خمسة مليون جنيي

خمسة مليون جنيي !!

وما ينقصوش مليم , وإلا بقى مش هتشوف بنتك تاني

أنا مش أبوها , أنا خالها

خالها ! اومال بتضيع وقتي ليه في الاتفاق معاااااك !!! اديني رقم أبو البت عشان نتَفَقوا معاااااه

يا سيدي الإتفاق معايا انا , جدها اللي هيدفع الفلوس يبقى ابويا

احنا مالناش دعوة مين اللي هيدفع , المهم ناخدوا الخمسة مليون جنيي ولو من الجن الازرق

طب مش شايف ان خمسة مليون جنيي دول ياما أوي ؟

الخمسة مليون جنيي يامَا !!! طب خلي حد غيركو يقول الكلام ده , دانتو وحوش المينااااااا ,. تسلمني الفلوس نسلموك البت

طب احنا نعرفوا منين انك بتتكلم جد ومش بتضللنا ؟

احنا لا عايزين نضللك ولا نضلل غيرك , وما عندناش وقت نضيعوه , هتجيب الخمسة مليون جنيي ولا تنسى البت وتستعوض فيها ربنا ؟

اديني العنوان

هندوك العنوان بس على شرط

ايه هو الشرط ده ؟

الموضوع يتم بعيد عن البوليس , وإلا وربنا المعبود لو البوليس عَرَف مكاني لنكون مخلّص ع البت قبل ما يوصلولي , وساعتها بقى ابقوا استلموها جثثثثثة

لاااااااا لا بوليس ولا حاجة , احنا أهم حاجة ناخدوا البنت وتكون بخير

اطمن , البت بخير وما حدش مسها بسوء

طب احنا عايزين نعرف , هي البنت وصلتلك ازاي ؟

ما نحبوش كتر الكلاااااااام , وفر أسألتك عشان مالهاش عندي إجااااابة

طيب طيب , اديني العنوان من فضلك  , واحنا هنروحوا نجيبوا الفلوس , ومسافة السكة هنكونوا عندك

أهو ده الكلام السليم , اكتب العنوان

***

اتفضل الشيّ يا أستاذ احمد

لالا شيّ ايه يا عبد الله ! احنا لازم نمشوا دلوقتي حالاً عشان نلحقوا البنت

عَرَفت طريقها يا أستاذ احمددددد ؟؟

ايوة يا عبد الله , بس الراجل طالب خمسة مليون جنيي قصاد حريتها

ايّوووووووه ! خمسة مليون جنيي !! ده ايه الطمع ده !! بلغ البوليس يا أستاذ احمدددد

لالا ده حذرني إنّي نبلغ البوليس , وإلا هيأذي البنت

وربنا ما يقدر يمس فيها شعررررررة , أنا جاي معااااااك

لااااااا , انت لا يا عبد الله , عارف انك ممكن تتهور وتمد ايدك عليه وتبوظلنا كل حااااااجة

يا أستاذ احمد ما هو ما ينفعش نسيبوك لوحدددددك , ده باين عليه راجل مجرم ولازم نروح معاك نحميك

الحامي هو الله يا عبدالله

ونعم بالله , طب هنيجي معاك ونستنوك برا , بصراحة خايف عليك

ما تخافش ... حسبي الله ونعم الوكيل

ونعم بالله يا أستاذ احمد

*****************

نورهااااااان

اهلاً نسيممممم وحشتني

انتِ وحشتيني أكتر , اتغديتي ولا لسة ؟

لسة

طب انا عديت على مطعم سمك وجمبري وجبتلك تشكيلة ما حصلتش عشان نتغدوا سوا هه

ههه متشكرة يا نسيم

بس بعد الغدا بقى هتطلعي الدور الفوقاني وهنقفلوا عليكِ ومش هنفتحوا إلا لما يجي الضيف

ضيف !

مين الضيف ده ؟

ده مفاجأة هه

عرفته هه ممم المأذون ؟

هه انتِ عايزة تتجوزيني بجد يا نورهان ؟

هه ممم

....... بتحبيني يا نورهان ؟

أوي أوي يا نسيمممم مش متخيلة حياتي من غيرك كان ممكن يبقى شكلها ايه

............. نورهان

نعم يا نسيم

عايزك تسامحيني

نسامحك !! نسامحك على ايه ؟؟

........... نورهان .... أنا ......

أنت ايه ؟

..... مش هناكل بقى ولا ايه !! هه , يلا اقعدي عشان ناكلوا بسرعة ونطلعوكِ فوق , الضيف زمانه جاي

*******************

ادي باب البيت اللي قالي عليه , ايّوووه المنطقة مهجورة مافهاش غير البيت ده , مافيش جنبه غير عشة صفيح ومهجورة هي كمان ..... نسمي الله قبل ما نرن الجرس . بسم الله الرحمن الرحيم

تررررررررررررررررررررررن

.........................................

توء , ما حدش فتح , نرن مرة تانية يمكن مش سامع

تررررررررررررررررررررررررن

أهلاً يا أستاذ احمد

ميييييييييين ! عبد الله !!!!!!!!

أيوة عبد الله , أو نسيم , أو وجدي يا أستاذ احمد

نسيم ! .. وجدي ! ... انت مييييييين ؟ فين نورهااااااااااان ؟؟؟

اطمن يا أستاذ احمد , نورهان كويسة أوي , إيدي ما اتمدتش عليها بأي أذى

....... أنت مين وعملت كدة لييييييه ؟؟؟؟ انطققققققققق

اقعد استريح يا أستاذ احمد


************************

انتهت الحلقة اشوفكم يوم الأربعاء او الخميس إن شاء الله 

لا تنسوا ذكر الله 

سبحان الله ,الحمدلله ,لا إله إلا الله ,الله اكبر