الحلقة الرابعة والخمسين (ف2)

صباح الخير يا أبلة هيام

صباح النور يا رحمة يا حبيبتي

صباح الخير يا خلود يا حبيب عمتو اموووه

قولها صباح النور ع البنور يا عمتو رحمة ههه

هو احمد راح المينا ؟

لا لسة,بيصلي الضحى

أنا عايزة اتكلم معاه يا أبلة هيام ..... بس للأسف مش بيديني فرصة , ده حتى مش طايق يشوفني

يا حبيبتي ده احمد بيحبك وروحه فيكِ وربنا , طب ده طول عمره يقول رحمة دي بنتي مش اختي

أنا عارفة يا أبلة هيام , وعارفة ان زعله مني على قد حبه ليا

ربنا يصلح ما بينكو يا حبيبتي , ادخليله يا رحمة

هدخل يا أبلة هيام ... عن اذنك

اتفضلي , رااااااوية حضري الفطار الله يخليكِ

حاضر يا ست هيااااام

**************************

خلف هذه الجدران,هبة عبد العظيم نور

ممنوع النسخ او أخذ اسكرين شوت

**************************

تن تن أحمددد مممم لسة بيصلي ! اقعد استناه

السلام عليكم ورحمة الله .......... السلام عليكم ورحمة الله

تقبل الله يا احمد

............. منا ومنكم ان شاء الله , عن اذنك هنلبس وننزل عشان ما نتأخروش ع المينا

أنا مش هعطلك . أنا جاية اقولك ما تزعلش مني يا احمد

اوعي تفتَكَري اني هنتراجعوا عن قراري ونخلوكِ تنزلي القاهرة

أنا مش جاية أصالحك عشان تتراجع عن قرارك , أي قرار تاخده هيرضيني ....... عارف ليه ؟

.....................................................................

عشان انت حاجة كبيرة قوي عندي , مش هتصدقني لو قولتلك اني بحبك أكتر من بابا .... أكتر من ماما .... اكتر من نفسي كمان يا احمد . انت طول عمرك حنين عليا قوي , بتحبني من غير حدود , حب صافي من القلب , عمرك ما فكرت اني هشاركك في الميراث أو أنّي أختك من أبوك , دايماً بتعاملني على أنّي حتة منك . حنيتك عليا دي يا احمد كانت هي سفينة الأمان اللي ركباها وحاسة طول عمري انها بتبعدني عن أي موج عاتي ممكن يغرقني

............ عشان كدة عملتيلي اعتبار واحترمتيني يا رحمة

يا أحمد حقك عليا , والله ما كنت اقصد ازعلك , وحقيقي والله ياسر ده انسان كويس جداً , انا مش بدافع عنه , هي دي الحقيقة ...... ياسر عمره ما كان بيعامني معاملة فيها طمع فيا وفي جمالي .... بالعكس , حب ياسر ليا حب بريء جداً

يعني ايييييييه ! المفروض اننا نبارك الحب ددددده !!!

أنا ما طلبتش منك تبارك الحب ده , أنا بقولك انه حب بريء ...... أنا جيت مع ياسر لوحدي في طريق طويل اكتر من ساعتين , ما بصّليش بصة طمع واحدة , وحتى لو كان الطريق أطول من كدة ...... حتى لو مش ساعات , لو كانت أيام جمعتنا لوحدنا كان عمره ما هيطمع فيا

انتِ بتتكلمي ازاي !!! أنتو مش أنبيااااااا , أنتو بشر , مش معصومين من الزلل , الرسول عليه الصلاة والسلام قال ( ما اجتمع رجل وامرأة إلا وكان الشيطان ثالثهما ) ولا ما سَمَعتيش الحديث ده قبل كددددة !!!

عليه الصلاة والسلام , أحمد أنا عارفة كل ده , ومش بدافع عن نفسي , أنا عارفة إنّي غلطانة , كان لازم أعرف أن مجيتي مع ياسر لوحدنا هتزعلك وهيسيء ليا ولسمعتي وسمعتك انت كمان ..... أنا أسفة ...... أرجوك سامحني

................. ربنا يسامحنا كلنا يا رحمة , من فضلك سيبيني عشان نلبس وننزل بقى , اني اتأخرت يامَاااا

حاضر , بس هروح اعملك كوباية شيّ اسكندراني معتبرررررة , ولا ناسي انّي اسكندرانية يا جدع انت ! ههههه

الله يهديكِ يا رحمة

**************************

خلف هذه الجدران,هبة عبد العظيم نور

ممنوع النسخ او أخذ اسكرين شوت

**************************

راوية , اعملي السلاطة عشان احمد زمانه جاي الله يخليكِ

من عيني يا ست هيام

تسلم عنيكي يا رب , والله لولا الولا خالد مش سايبني في حالي كنت عملتها انا ههه

ههه لا روحيله يا ست هيام , اني هنعملوا كل حاجة ممم هي الست رحمة برضو مش هتتعشى وياكو ؟

........... والله يا راوية اني عايزها تتعشى معانا , لكن الزعل اللي بينها وبين احمد بيخليه يقولي تاكل لوحدها , ربنا يصلح ما بينهم يارب

بس سي احمد طيب يا ست هيام , وعمري ما شوفته زَعل من حد ولا صوته على على حد إلا اليوم اللي جت فيه الست ام رحمة , يعني معنى كدة انه زعلان منهم يامَا

نعملوا ايه يا راوية ! وربنا كلمته يامَا عشان يتصالح مع اخته ويديها ريق حلو , لكن هو مش قابل كلام , وربنا اني متنكدة اخر نكد بسبب الحكاية دي

يا سلام يا ست هيام , وربنا انتِ مافي اطيب من قلبك , ما تتخيريش عن الست ضحى , سبحان الله , قلوبكو صافية زي اللبن وكلامكو بلسم وتحبوا الخير للناس كلها

تعيشي يا راوية ...... الله يمسيكِ بالخير يا ضحى ....... يا ترى روحتي فين وأراضيكِ فين !!!

**************************

خلف هذه الجدران,هبة عبد العظيم نور

ممنوع النسخ او أخذ اسكرين شوت

**************************

بنقولولك ايه يا توحا يا حُبي , اني هنسافروا القاهرة اسبوع كدة عشان نخلصوا شوية أوراق بخصوص الشغل

والأوراق دي ما تخلصش من هنا يا ربيع ؟

لالالا يا ريت كان ينفع , يعني هو اني غاوي سفر وشحططة وبُعد عنك ! لكن مضطر , هنعملوا ايه !

ايوة بس تغيب اسبوع بحاله يا ربيع !!!

ما باليد حيلة , انتِ عارفة المصالح الحكومية حبالها طويلة

طب نيجوا معاك يا ربيع

تيجي معايا فين ! اني مش هنفضوا , دي سفرية مصالح يا توحا , خليها تنقَضَى على خير

أصلك هتوحشني يامَا يا ربيع

وانتِ هتوحشيني اكتر يا توحا , نعملوا ايه ! أكل العيش مر

**************************

خلف هذه الجدران,هبة عبد العظيم نور

**************************

ترررررررررررررررن

ميييييين ؟

افتحي يا شوقية اني توحاااااا

ست توحاااااا ههه وشك ولا وش القمر , اتفضلي

ازيك يا بت يا شوقية

كويسة الحمدلله , ست سعااااااد الست توحا جتتتتتت

اهلا يا توحا , عاش من شافك

ههه ما تقطميناش بالكلام يا سعاد , غصب عننا وربنا , ربيع ما بيسبناش نروحوا ولا نيجوا , الود وده نفضلوا قاعدة قصاده كدة صبح ليل

ههه ربنا يهنيكو

تعيشي , ده لولا جاتله سفرية القاهرة ما كنتش قَدَرت نجولك

وراح القاهرة ليه ؟

بيخلص أوراق ومصالح . فين الشيّ يا شوقية , وحشني شيّك يا بت

من عيني يا ست توحا , احلى كوباية شيّ عشان خاطرك 

تسلملي عنيكِ..وربنا عملت خير شوقية بقعدتها وياكِ على طول يا سعاد

وهتروح بيتها تعمل ايه!جوزها ومات والبنتين والولا اتجوزوا,قلنالها مالكيش قعاد لوحدك يا شوقية,خليكِ معانا متونسة بينا,الوحدة وحشة ربنا ما يحكم على حد بيها

على قولك,انكوينا بنارها سنين يامَا لحد ما ربيع حبيب قلبي ظهر زي القمر في ليلة بمبي منسّمة هههههه

هههههههههه يختي ربنا يهنيكِ بيه وبلياليه يا رايقة

**************************

خلف هذه الجدران,هبة عبد العظيم نور

**************************

ترررررررررررررررررررررن

مين ؟

افتحي يا سماسم , اني ربيع

أهلاً يا ربيع

أهلاً بيكِ يا قمر

بابا كه بابا كككككككه هيييييييييه

اهلاً ههه ازيك يا بت يا منى اموووووه

كبتلي ايه محاك ؟

جبتلك الموز والتفاح اللي بتحبيهم اهو ههه

هييييييه هيييييييييه

ادخلي العبي جوا يا منى

حاطل

ايه يا سماسم ! مالك ؟ ايه المقابلة اللي تسد النفس دي !

زَهقت يا ربيع , زهَقتتتتتتت اووووووف

زَهَقتي ! زَهَقتي من ايه يا سمية !!!

من العيشة اللي اني عايشاها اني وولادي ددددي , امبارح الولا سَخَن مني وما عَرَفتش نعملوا ايه , وكانت الساعة عدت اتنين بالليل , وطبعا خوفت نتَصَل بيك عشان ام اويئ , قعدت نعملوا للولا كمادات لحد ما النهار طَلَع , لولا ستر ربنا كان الولا راح منييييييي , وبعد ده كله عايزني نقابلوك مقابلة حلوة ونضحكوا في وشك !!!

...... الولا عامل ايه دلوقتي ؟

الولا نايم

طيب هندخلوا نطمنوا عليه ونجولك

اتفضل يا اخويا اوووووف

**************************

خلف هذه الجدران,هبة عبد العظيم نور

ممنوع النسخ او أخذ اسكرين شوت

**************************

الحمدلله , حطيت ايدي على راس الولا لقيته كويس والسخونية راحت منه

................................................................

الله ! جرا ايه يا بت يا سماسم ! ما تفردي وشكككككك , بقى اني سايب الدنيا بحالها عشان خاطرك تقومي تقابليني المقابلة الوحشة دي يا ام قلب قاسي !!!ههه اضحكي بقى يا بت

يا ربيع بصراحة اني ما ينفعنيش الوضع ده , تجيلي كل اسبوعين تلاتة وتقعد يومين وتمشي وتسيبني اني والعيال للوحدة والقهر ده , يبقى الوضع ده ما يرضيش ربناااااا , ياربيع داني سيبت العيال ونَزَلت نشتروا شوية طلبات للعشا , راح جدع كان قاعد ع القهوة مَشَى ورايا وفَضَل يعاكس فيا ويقولي اني بنشوفوكي دايماَ من غير راجل , وطالما انتِ وحدانية واني وحداني تعالي نفسحوكي وننسوكي الهم , لولا اني مديت خطوتي وبقيت نجري زي اللي هربانة من قضاهااااااا

هو مين الكلب دددددده , عرفيني هو مين واني نقطّعوه ونعلموه ازاي يتجرأ على أهل بيتييييييييي

الجدع مالوش ذنب , أي ست لوحدها بتبقى صيدة لأي راجل , واني بقى عاملة زي العازبة اللي مالهاش ضهر يحميهاااااااا

طب قوليلي نعملوا ايه يا سمية !! اني ما نقدروش نطلقوا توحا , دي هي اللي بتصرف ع البيت يا بت , من غيرها مش هنلاقوا ناكلوا

شوف يا ربيع خلاصة الكلام , اني هنقولولك على فكرة في دماغي , احنا ناخدوا منها كل حاجة وبعدين نبيعوا الشقة دي وناخدوا العيال ونهجّوا من البلد ونسيبوهالهااااا

ناخدوا منها كل حاجة ازاي يا بت !!!

بسيطة , نمضّوها على ورق تنازل عن الشقة اللي هي قاعدة فيها , ونسحبوا الفلوس اللي في البنك , ونعيشوا على حريتنا بقى من غير تحكماتهاااااااا

ههه يا حلاوتك , هو انتِ فاكرة ان توحا سهلة وينضَحَك عليها !!!

لا , عارفة انها انها ولية سمّاوية ودماغها زي الداهية , واللي زي دي تيجي بالحيلة

نعملولها ايه يعني ! نكتفوها ونمضوها غصب عنها !

ليه ! هو احنا عصابة ولا قتالين قتلا ! شوف يا ربيع , انت تقنعها انك لقيت حتة أرض لقطة ولازم تشتريهالها , ولما تيجي تمضي العقد وتقراه براحتها وتتمعّن فيه على اقل من مهلها , وقبل ما تمضي تطلعلها بأي حِجة ومن غير هي ما تاخد بالها تغير ورق الأرض بورق التنازل وتمضّيها عليه ولا مين شاف ولا من دَرَى , قولت ايه يا ربيع ؟

هههه وتقولي على نفسك مش رئيسة عصابة ! دانتِ جنية يا بت

ههه داني غلبانة يا ولا

**************************

خلف هذه الجدران,هبة عبد العظيم نور

ممنوع النسخ او أخذ اسكرين شوت

**************************

سعاد

نعم يا عادل

كنت عايز نتكلموا معاكى كلمتين بخصوص اشجان

اوووف مالها

مينفعش نسبوها لوحدا فى شقة زيزينيا

ايييييه يعنى ناوى تجيبها هنا ولا إيه يا عااااااااااااادل!!! الفيلا دى فيلتى وفيلة عيالى واللى يعتبها غصب عنى نكسروا رجله

دماغك راحت لبعيد يا سعاد أنى نقصدوا من كلامى إنى نطبق شرع ربنا فى البيات

قصدك إيه يا عادل؟

زى ما انتى مراتى وليكى حق عليا هى كمان مراتى ولها نفس الحق أنى هنبات معاكى تلات تيام ومعاها تلات تيام ويوم الجمعة هنقضوها عند أحمد إبنى مع رحمة

أيوه أيوه كده طلع اللى فى قلبك وتعالالى دوغرى أنى كان قلبى حاسس إن قعادها فى إسكندرية كان بمزاجك انت وعلى هواك

يا سعاد إنت لازم تعرفى أشجان قعدت فى إسكندرية علشان بنتها

لا يا شيخ !! وهى فين بنتها ! ما هى سابتلكوا الشقة وراحت قعدت عند أحمد علشان الجو يخلالكوا ووو

أيّوووووووووه سعاد أنا لسه خارج من دور عيا شديد ومش هنقلبوها عركة وعايزك تعرفى إنى معنديش كلامى غير اللى قلنهولك

بقى كده يا عادل ! يعنى انت مش ناوى ترجع الولية دى للقاهرة تانى علشان نرتاحوا من قرفها وكمان بتكيدنى وتقولى إنك هتبات عندها تلت تيااااااااام

يا سعاد افهمينى انا ظلمت أشجان ياما علشان نراضوكى مش عايز نظلموها أكتر من كده

هى مين دى اللى اتظلمت يا عاااااااااادل اللى اتظلمت هى أنى ، واللى اتغدر بيها هى أنى ، وهى اللى خدتك منى مش أنى اللى خدتك منها يا عاااااااادل

طيب استهدى وخلينا نتفاهموا بالراحة

مفيش تفاهم بينا يا عاااااااااادل روح مطرح ما انت عايز ومتتعبش روحك وتجيلى علشان تعدل يا ..... هيههيهي يا أبو العدل كله. خليك جنبها على طول أنى اللى يبيعنى ما نشترهوش يا عادل

أنا بعتك يا سعاد!!

كفاية يا عادل كفاية أنا تعبت مش هنجروا وراك أكتر من كده، طالما شايف راحتك مع مراتك التانية مش هنحوشوك عنها. مع السلام يا عادل

بالبساطة دى يا سعاد!

شوقيييية

نعم يا ست سعاد

لمى هدوم عادل بيه فى أكبر شنطة ونزليها لحد الباب

.............................. هو فى إيه !! .............. حاضر يا ست سعاد

إنت بتطردينى من بيتى يا سعاد

هو صحيح انت صاحب البيت ده بس ما عادش لك مكان فيه ولا فى قلبى يا عادل .... أنا طالعة اوضتى

ماشى يا سعاد ، على راحتك، انى هنستنوا فى العربية هاتولى الشنطة على هناك

**************************

خلف هذه الجدران,هبة عبد العظيم نور

ممنوع النسخ او أخذ اسكرين شوت

**************************

لميتى هدوم عادل كلها يا شوقية

لاء مش كلها

لميها كلها يا شوقية، وما تخليلوش أى حاجه هنا، ولو الشنطة ما كَفَتش خدى شنطة تاااااانية مش عايزه نشوفوا أى حاجه من ريحته هنا

إيه اللى حصل يا ست سعاد لده كله

البيه جاى يقولي إنه هيروح للست هانم تلات تيام ويجينى تلت تيام، قلتله خليك معاها، خليه يشبع بيها يا شوقية

يا ست سعاد مش كده انتم مش صغيرين للكلام ده، وفيها ايه لما يروح للست أشجان تلت تيام علشان يرضى ربنا

أنى مش عايزه نسمع ولا كلمه يا شوقية، أنى تعبت من عادل تعبتتتتت,وبعدين هو ما صدق، الموضوع جه على هواه، هو عايز يقعد معاها على طول، راجل خاين مالهوش أماااااان، يا خسارة قعادى تحت رجله فى المستشفيات. يلا يا شوقية لميله كل هدومه علشان يلحق عرة النسوان أنى مش هندوا فرصة لأشجان تشمت فيا وتقول عادل بقى يجيلى ويسيب سعاد تلت تيام لازم تعرف إن عادل ما يلزمنيش وأنى اللى استغنيت عنه وستهولهااااا

**************************

خلف هذه الجدران,هبة عبد العظيم نور

ممنوع النسخ او أخذ اسكرين شوت

**************************

طيب يا سعاااااد شوكتك قويت ولازم تتكسر صبرك عليا،نتصلوا بأحمد

تررررن تررررررن تررررررن

السلام عليكم يا حاج

عليكم السلام يا أحمد ,أنى فى العربية هنعدوا عليك من تحت العمارة تشيعلى رحمة

رحمة ! عايزها ليه يا حاج؟

 هو إيه اللى عايزها ليييييه ! هتعيش معايا أنى وأمها فى شقة زيزينيا . خليها تلم هدومها ,أنى على وصول إن شاء الله

يا حاج أنى مش معترض انك تاخد رحمة لكن انت مش هتقعد معاها على طول .فى أيام هتقضيها مع أمى

لاء ، أنى هنعيشوا مع أشجان على طول، مش هنروحوا لأمك

إيه الكلام ده يا حاج! ده مش عدل ربنا

عدل ربنا أنى نعرفوه كويسسسسس. أمك اللى ساقت العوج ولازم نأدبوهاااااا. الولية كبرت وخرفت، أول ما عرفت إن أشجان هتقعد فى إسكندرية على طول وإني لازم نروحولها تلات تيام قلت أدبها وصوتها على عليا، وأخرة المتمة بتخلى شوقية تلملى هدومى وتقولى مالكش مكان هنا. أمك بتطردنى من فلتى، بس أنى هنعرفوا نعلموها الأددددددددب

يا حاج إهدى بس شوية، إنت عارف طبع أمى شديد، بكره تهدى والأمور ترجع أحسن من الأول

لاء وانت الصادق، بكره هنعملوا إعلان فى الجرايد ونعرضوا الفيلا للبيع

الله! وأمى تروح فين ؟

كفاية عليها شقة صغيرة، كانت بنت مين هى علشان تعيش فى فيلا طويلة عريضة، أنى واخدها بالجلابية اللى عليها ولبستها الحرييررررر، خدتها من عشة وسكنتها فى قصر، لكن ما تمرش فيهااااا بعد ده كله بتطردنى من بيتيييييييي

يا حاج إهدى بس مفيش داعى تقول كلام وقت الغضب تندم عليه

أنى ما نندموش يا أحمد، الحاجة الوحيدة اللى ندمت عليها هى جوازى من ست قليلة أصل زى دى

يا حاج من فضلك، أرجوك ما تنساش دى أمى

بقت أمك دلوقتى !! اشبع بيها يا خويااااا . أنى قربت نوصل عند العمارة، خلى رحمة تجهز نفسهااااا

حاضر يا حاج، أنى مش هنتناقشوا معاك فى حاجة علشان عارفك انك متعصب

أنى هنيجى المينا بكره

تنور يا حاج

**************************

خلف هذه الجدران,هبة عبد العظيم نور

ممنوع النسخ او أخذ اسكرين شوت

**************************

تررررررررررررررررررررررررررررررررررررررررن

مييييييين ؟

اني عادل يا اشجان

عاااااادل ! ههه حمدالله ع الس....... رحمممممممممة ! يا حبيبتي يا بنتي ههههه رحمممممممممة تعالي في حضني يختي اموووووه اموووووه وحشتيني يابت

ربنا يخليكِ يا ماما , انتِ كمان وحشتيني اوي , عن اذنكو هدخل ارتاح

ادخلي يا حبيبة ماما , نورت بيتك يا عادل ههه

بنورك يا أشجان , ما تقفليش , البواب هيطلع شنط رحمة وشنطي اني كمان

هي رحمة هتقعد معايا على طول ؟

ايوة , واني كمان هنقعدوا معاكِ على طول , عشان كدة جبت كل حاجتي من الفيلا

ايه !!! انت زعلان ويا سعاد ولا ايه يا عادل ؟

ايّووووووووه , بنقولولك ايه يا اشجااااااان , لو عايزاني نقعدوا معاكِ يبقى ما تسألنيش عن حااااااااااجة

خلاص خلاااااص , حقك عليا يا ابو احمد , على راحتك يا سيدي

تررررررررررن حاج عااااااادل

ادخل يا عبده

الشنط يا حاج

حطهم عندك

أي أوامر تاني يا حاج ؟

كتر خيرك يا عبده , خد ال100 جنيي دول عشانك

ههه ربنا يخليك لينا يا حاج ويفرحك بالأمورة الصغيرة

مع السلامة

نورت بيتك يا عادل , رغم انك مكشر في وشي من ساعة ما جيت

معلش يا اشجان , المزاج مش رايق

مممم نحضرولك العشا ؟

لا , اني هندخل نعمل كام تليفون مهمين وننام , والصبح هنروحوا لاحمد المينا

على راحتك يا ابو احمد

**************************

خلف هذه الجدران,هبة عبد العظيم نور

ممنوع النسخ او أخذ اسكرين شوت

**************************

ازيك يا ولا يا ضيا

أهلااااااا ازيك يا حاج عادل

الحمد لله بخير، أحمد فى مكتبه؟

أيوه يا حاج اتفضل

**************************

خلف هذه الجدران,هبة عبد العظيم نور

ممنوع النسخ او أخذ اسكرين شوت

**************************

السلام عليكم يا أحمد

أهلا أهلا يا حاج، وعليكم السلام ورحمة الله، نورت الميناااااا

تعيش

نطلبولك الشىّ

أنا لسه ما فطرتش

خلاص نفطروا سوا وبعدها نشربوا الشىّ

أجل الفطار شوية علشان ماليش نفس

روق كده يا حاج مافيش حاجه تستاهل زعلك

تن تن تن

أستاذ أحمد، ريس العمال عايز يدخل

أدخل يا عم بكرى

السلاموا عليكم

عليكم السلام

ازيك يا حاج عادل، وأنى نقولوا المينا منورة ليه

نورك يا بكرى الله يخليك

أيوه يا عم بكرى خير

خير إن شاء الله، إنت عارف المركب على وصول لكن أنى مالقيتش ولا رصيف فاضى، نعملوا ايه

يا عم بكرى خليها على الهلب لحد ما أى رصيف يفضى ، عدى على الأستاذ محمد فى مكتبه خليه ينزل المينا يحل المشكلة دى

حاضر يا أستاد أحمد بالإذن

اتفضل

الله يعينك يا أحمد يا إبنى، طول النهار دوشة عمال ومشاكل مابتخلصش

أنى خدت على كده يا حاج، المينا دى بقت فى دمى ونعشقوها ونعشقوا شقاها

ربنا يديك الصحة يا ابنى، أنى امبارح بالليل اتصلت بصحفى كبير وله معايا عشرة قديمة قلتله على الإعلان بتاع الفيلا قالى إنه هينزله النهادره بالبنط العريض، طلبت فى الفيلا بالجنينة عشرة مليون جنىى

ليه بس اتسرعت يا حاج! أنى مش معاك فى موضوع بيع الفيلا

ليه إن شاء الله !

أمى هتظن إنك استغنيت بام رحمة عنها، وأكيد هتقول فى نفسها إن أم رحمة هى اللى سلطتك عليها وعلى بيع الفيلا

أشجان ما تعرفش أى حاجه

يا حاج أمى هتظن كده، وأى ست فى مكانها هتظن كده، وده هيفتح باب مشاكل بين أمى وبين أم رحمة، وإحنا مش عايزين مشاكل يا حاج

يا أحمد أمك زودتها قوى ولازم تقف عند حدهااااا

مش بالطريقة دى يا حاج، إنت عارف إن الفيلا غالية على أمى قوى

أيوه طبعا، أمك تعز المال زى عنيهااا ، ولو جاتلها الفرصة هتاخد كل حاجة زى ما أختها عملت فى الحاج مرشدى، ماهى الطينة من العجينة

لا لا يا حاج، أمى بتحبك، هى بس اللى عملته ده غيرة ستات وبكره هتفوق لنفسها

ميلزمنيش فوقانها، الفيلا لازم تتباع، مش هى اللى خلتنى نسيب الفيلا غصب عنى! أنى هنخرجوها منها مذلولة

مش أخلاقك يا حاج

اللى زى أمك ما ينفعش معاها الأخلااااق

علشان خاطرى أنا يا حاج، أنا مش عايز أمى تزعل ، ولا تخرج من المكان اللى بتحبه غصب عنها

طول عمرك طيب يا ولا ، وربنا انت خسارة فيها .

ترررن ترررررن

ده رقم غريب يا ولا، الظاهر حد بيسأل عن الفيلا، أيوه .... أنى صاحب الإعلان عايز تتفرج على الفيلا قبل ما تشتريها، لاء لاء خلاص الفيلا اتباعت مع السلامة

هههههههههه أيوه كده ربنا يخليك يا حاج

ماشى يا سيدى أنى عملت كده علشان خاطرك انت بس، وبعد الفطار هنتصلوا بالأستاذ الصحفى يشيل الإعلان خالص ,أما أمك بقى فكفاية هجري ليها , خليها تعيش لوحدها من غير أنيس عشان تعرف ان الله حق

ربنا يصلح ما بينكو يا حاج .... بس أنى ليا طلب تانى

أيووووووه عايز ايه تانى!

حاجه بخصوص رحمة

مالها رحمة؟

مش عايزها تخرج لوحدها

وهى هتروح فين يعنى! دى ما تعرفش حاجه فى إسكندرية

وحتى لو تعرف يا حاج ، ما فيش خروج لوحدها والعربية تتسحب منها بعد إذنك

يا سلام! يعني بتحن على أمك وتقسى على أختك القسوة دى كلها!! عايز تحرمها من العربية ليه؟

دى مش قسوة يا حاج، ده خوف على رحمة، أنى لازم نحموها

ماشى ، مع انك مش هتخاف على بنتى أكتر منى، بس أنى عارف حبك لرحمة. شيّع هاتلنا الفطار بقى يا ولا

ههههه من عنيا يا حاج.,ضياااااااااااااااا

**************************

خلف هذه الجدران,هبة عبد العظيم نور

ممنوع النسخ او أخذ اسكرين شوت

**************************

جدو  قاعد جنب البسين بيشرب قهوة,كويس ان تيتة سيرفيناز مش معاه عشان اتكلم معاه براحتي...جدووو

أهلاً أهلاً حبيب جدو,اقعد يا ولد

متشكر يا جدو

تشرب ايه يا رامي؟

لالا مش عايز اشرب حاجة,انا جاي اتكلم معاك شوية

اتكلم يا حبيبي,أنا سامعك

جدو...أنا بحب

ههه جميل,الحب ده شيء جميل جداً يا رامي,شعور حلو قوي,وما يحسش بحلاوته إلا اللي اتحرم منه..لكن مين سعيدة الحظ اللي اختارها قلبك؟

ميرهان

مين ميرهان؟من عيلة مين يعني؟

دي بنت عنب الشام الرقاصة

اييييه!!

ايه يا جدو ! انت اتصدمت؟

شوف يا رامي,حب زي ما انت عايز واستمتع,لكن يوم ما تفكر تتجوز لازم تكون بنت من عيلة كبيرة تليق بمركز عيلتك

يعني ميرهان ما تنفعش؟

ميرهان دي تقضي معاها وقت ظريف,تخرجوا ,تتفسحوا,تسافروا كام يوم ,لكن جواز لا يا رامي,مش حفيد الدكتور هاشم الحسيني اللي يتجوز بنت رقاصة

يعني بنت الرقاصة دي مالهاش قلب!

لها قلب طبعاً,لكن قلبها ده لازم يختار واحد من وسطها ووسط أمها,لكن أولاد العائلات الكبيرة لا

ايوة بس أنا عارف ان في ناس رتبهم عالية قوي واتجوزوا رقاصات وفنانات

ههه دي اسمها نزوات مش جوازات,وأغلبها بيتم في سرية يا رامي عشان المتعة وبس,لكن الأيام هي اللي بتفضح سرهم وبتبقى الفضايح على الملأ,ولو دورت عليهم هتلاقي ان الناس دول لهم زوجات من أكبر العائلات في البلد وهما اللي بيكونوا في الصدارة والوجهة الاجتماعية..عشان كدة بقولك ابعد عن البنت دي

تعرف يا جدو.أنا عشان كدة جيتلك,عارف انك عايز مصلحتي وهتدلني على الصح

انت حبيبي يا رامي,ابن بنتي ,حفيدي اللي ما بحبش حد قده,عشان كدة أحب اشوفك دايماً احسن واحد في الدنيا

ثانكس جدو..على فكرة أنا ما رضيتش اتكلم مع داد في الموضوع ده,عشان عارف انه هيتكلم بعصبية ويفضل يهين فيا,وده هيخليني اعند واتمسك ببنت الرقاصة,لكن انت يا جدو كنت متأكد انك هتتكلم معايا بهدوء

هه رامي انت ما بتحبش البنت دي,لو بتحبها حقيقي ما كنتش اخدت رأي حد وهتمشي ورا قلبك مهما كانت البنت

......كان مجرد اعجاب,اتهيألي انه حب,لاني مش عارف اختار ولا احدد أي حاجة في حياتي...أنا لازم أصارحها عشان ما اعلقهاش بيا اكتر من كدة..بيس جدو

بيس يا رامي ههه..الولد كبر ومشاكله بقت عاطفية

**************************

خلف هذه الجدران,هبة عبد العظيم نور

ممنوع النسخ او أخذ اسكرين شوت

**************************

دي ميرهان واقفة  في الجنينةعمالة تشم الورد.رقيقة قوي البنت دي...يا خسارة... اما اناديها عشان تقولهم يفتحوا البوابة..ميرهاااان

رااااامي ههه افتحوا الباااااااب

أمرك يا هاااااانم...اتفضل

ثانكس

تعالى يا رااااامي ,ايه المفاجأة الحلوة دي ههه

....ازيك يا ميرهان

اقعد,ولا تحب ندخل نقعد جوا؟

لا ,هنا كويس

بقالي كتير ما قعدتش في الجنينة .زهور البونسيه والليلك وحشوني قوي,شايف قد ايه جميلة ورقيقة؟

ممم اه فعلاً

اطلبلك جوس يا رامي؟

لا

مالك يا رامي؟..شكلك مش طبيعي,لو حاجة مضيقاك احكيلي عشان اخفف عنك

...ميرهان...أنا مش قادر اخدعك اكتر من كدة

....تخدعني! يعني ايه؟

ميرهان,أنا اتسرعت..انتِ بجد رقيقة قوي ومختلفة عن كل البنات اللي عرفتهم وأي حد يتمناكِ,لكن..لكن أنا مش هقدر أكمل معاكِ,لاني اكتشفت ان مشاعري ناحيتك مش حقيقية

نعم يا ننوس عين امككككك!!انت بتقول الكلام ده لمين ياااااااااااض؟

يااااض!..ايه الاسلوب الغريب ده!..معقول انتِ ميرهان؟

لا خيالها يا روح مامااااااا,بقى انا ميرهان بنت عنب الشام الرقاصة حتة واد ما يسواش زيك يضحك عليااااااا , هو دخول الحمام زي خروجه يا حيلة امك!! وشرف أمي الرقاصة الطاهرة اللي جسمها ما اتكشفش غير على زباين محترمين لعلمك الأدددددددب ,تضحك عليا انا ياض! هيهيهييي,استلقى وعددددددك,يا شااااااافعي,يا دهشووووووري,واد يا قنااااااوي,تعالوا كتفولي العجل دددده

أمرك يا ست الككككل

لاااااااااااا,انا بحذركوااا , الباب فيييييييييين

ده هرب يا ست ميرهان

خليه يهرب,مسيره يقع في ايدي ونصفي حسابنا,طيب يا راااااااااامي,ان ما ربيتك ما ابقاش انااااااا

**************************

خلف هذه الجدران,هبة عبد العظيم نور

ممنوع النسخ او أخذ اسكرين شوت

**************************

طب باي باي دلوقتي يا بيسكي عشان وصلت قدام عمارتنا , هركن العربية واطلع , باي , ايه ده ! ده مانو وصل بعربيته اهو هههه مانووووووو

رامي !!! ههه قاعد في عربيتك كدة ليه ؟؟؟

بتشمّس هههه اركن عربيتك وتعالى اركب معايا هحكيلك على حاجة

ماشي

*************************

اديني جيت يا سيدي , هتحكيلي على ايه ؟

ههه مش انا كنت هتضرب امبارح علقة محترمة

تتضرب ! مين كان هيضربك ؟

البودي جاردز بتوع بنت الرقاصة

اييييه !!! يضربوك ليه ؟؟؟؟

هي اللي سلطتهم , بس انا بقى هربت منهم ,جريت بكل قوتي وطرت برا الباب

ههههههه يا أسددددد , وايه اللي قَلَبكو على بعض كدة !

اصل انا قولتليها ان علاقتنا ما تنفعش تستمر ولازم انهيها

ههه ليه كدة ! شيطان ودخل بينكو ,  ما انت كنت بتقول شعر في بنت الرقاصة ورقتها ونعومتها وصوتها اللي بيهمس همس هههه

صوت مين يا ابني , كنت تعالى اسمع صوتها امبارح  , مجرد ما قلتيلها اننا لازم نسيب بعض , راحت قالتلي تسيب مين ياااااااااااااض هو دخول الحمام زي خروجه يا حيلة امك , مش ميريهان بنت عنب الشام اللي يتقالها كددددددة وراحت ضاحكة ضحكة غريبة هيهييييييي

ههههههههههههههههههههههه والله العظيم انت تستاهل , مالك انت ومال المستويات دي !!! يا ابني دي بنت رقااااصة يعني اكيد متربية ع الجراءة وطريقة الكلام المتدنية دي

ايوة ما انا عرفت هههههههههههههههه بس اللي كان غايظني ايه الطريقة اللي كانت بتتكلم بيها معايا اول علاقتنا دي وكانت عاملة نفسها أميرة كوكب الرقة ههههه

كانت بتمثل عليك , عادي يعني , بس الشخصية الحقيقية بتظهر بقى لما تتعرض لموقف زي اللي اتعرضتله معاك

ايوة يا مانو بجد والله , دي طلّعت اسوأ ما فيها هيهييي هههههههههههههه

ههههههههههههههههههههههههههههه والله انت مشكلة , طب كويس بقى ان الموضوع انتهى لحد كدة , بصراحة كنت متضايق من علاقتك بيها جداً وكنت حاسس ان فيها حاجة مش حقيقية ولازم هتتكشف  مممممم دي سهير وصلت من الجامعة

اه صحيح , سهير اهيه , اتفرج ع الحلاوة حلاووووووووووووة دي بلدي ونجاوة نجاااااااوة ههههههه

راااااامي وبعدين بقى ! قلتلك الف مرة ما تتريأش على سهير

يا عم انا اتريأت ولا اتكلمت ! انا بغني اغنية مناسبة للموقف ههههههه نفسي اشوف رد فعل طنط رشا لما تقلها انك عايز تخطب سهيرررررر هههههه

بس بقى يا رامي ما تفكرنيش , انا كل ما افكر في الموقف ده بترعب

ليك حق تترعب والله هههه انزل خليني اركن العربية

ماشي , سلام يا رامي

بيس يا مان

**************************

خلف هذه الجدران,هبة عبد العظيم نور

**************************

صباح الخير يا ست أوسا

صباح الزفتتتتتتتت

ايّوووووه ليه بس كدددددة ! حد يصحى من النوم يقول على صباحه زفت برضو !!!

اصل شوفت حلم وحش قوي يا بت يا رزقة , صاحية مخنوقة  ومزاجي معكّر

حلم ايه ده اللي خنقك وعكّر مزاجكككك ؟

شوفت يا بت اني قاعدة في الشقة دي لوحدي وفجأة لقيت نار وَلَعت حوالية وحاوطتني من كل مكااااان  , وعمالة تزيدددد واني نصرررررخ وما حدش سامعنيييييي , وكنت  بنجري في كل ناحية عشان نخلصوا من النار مش قادرررة وفجأة لقيت احمد اخويا بيحاول يطفي النااااار كل ما يطفي النار تزيد اكتررررر يطفي تزيد اكترررررر وما قَدَرش يطفيهاااااا  فجأة لقيت احمد ايديه ورجليه متقيدين وهو بيبصلي ويصرخ ويقول اختييييي اختييييييييي , و النار بلعتني زي الغول  وكنت بنصرخ يا بتتتتتتتتتتت

يا وقعة سودة ! ده ايه الحلم المهبب ده !!! ما تخافيش يا ست أوسا ,ده كابوس وراح لحاله , تلاقيكي ما كونتيش متغطية كويس , اني برضو لما كنت نحلموا حلم وحش ونحكوه لامي كانت تقولي ابقي اتغطي يا مدهولة هههه

يعني ده كابوس يا بت ومالوش معنى ؟

لا معنى ولا مستعنى , فرفشي يختي فرفشي بلا كوابيس بلا خيبة , احنا  دلوقتي نحضرولك الفطور الملوكي ووراه كوباية الميسكوفيه اللي بتحبيه ونروقولك بالك يا عسل أبيض على قشطة هههه

بعدين  يا بت , هناخدوا دوش الأول

على راحتك يا ست الكل

نورهان صَحَت ؟

لا لسة نايمة

طب صحيها وروحي حضريلنا الفطار على ما ناخدوا الدوش بتاعي

روحي يختي خدي الدوش , الهي يدِش  عدوينكككككك , يا لهوي ع الحلم اللي شافته , باين عليها هتولع بصحيح , الحمد لله ما كنتش معاها في الحلم وإلا كنا ولعنا سوا , يختييييي  ان شالله العدو اللي يكرهني

**************************

خلف هذه الجدران,هبة عبد العظيم نور

**************************

الولا خالد فين يا هيام ؟ روحت عشان نبوسوه ما لقيتوش في سريره

مع راوية يا احمد , يا دوب رَضَع وخدته على طول , اصلها متعلقة بالولا اوي , بتقولي لما بناخدوه في حضني كإني بنحضنوا عمر ابني وهو صغير

عمر ! هي عندها ابن يا هيام ؟

اسكت يا احمد دي حكايتها تقطّع القلب وربنا , داني دخلت مرة لقيتها بتعيط بحرقة يا عيني ولما سألتها حكيتلي حكاية الولا ابنها اللي طليقها واهله خدوه منها وودوه الصعيد ومنعوها تشوفه وحرقوا قلبها عليه

ايّوووووه هي قلوب الناس مالها مليانة قسوة كدة !

الله يهدي عبيده يا احمد

طب والولا ده خدوه منها امتى ؟

ايّوووه من سنين يامَا قوي , ده زمانه بقى راجل ملو هدومه

بعد السنين دي كلها ولسة بتبكي عليه وما نَسيتوش !

هو الضنا يتنَسَى يا احمد !!! الله يصبر قلبها على فراقه

لا حول ولا قوة إلا بالله

تن تن ست هيام

تعالي يا راوية ,ادخلي يا حبيبتي

خدي الولا حطيه في سريره , اسم الله عليه نام

هاتي يا راوية , بسم الله الرحمن الرحيم

عايز حاجة يا استاذ احمد قبل ما ننام ؟

كتر خيرك يا ام عمر

......... أم عمر !!!

من هنا ورايح مش هنادوكي بغير أم عمر , ربنا يجمع شملك على ابنك اللهم آمين

كتر خيرك يا سي احمد , يارب يخليلك ابنك انت والست هيام وما تتحَرَموش منه أبداً , تصبحوا على خير

وانتِ من أهله يا أم عمر

**************************

خلف هذه الجدران,هبة عبد العظيم نور

**************************

يااااااااااه مش مصدقة يا حنان يا بنتي ان البرج خلاص خلص والشقق اتباعت كلهااااا ههه

هه مبروك يا ماما

الله يبارك فيكِ يا حبيبتي , لما تشوفي البرج هيعجبك قوووي انا انبهرت بيه لما شوفته ع الطبيعة , حقيقي الباشمهندس مسعد ده رااااائع

الحمدلله يا ماما , يعني كدة مافاضلش ولا شقة للبيع ؟

 لا , ما فاضلش غير شقة الباشمهندس مسعد , ودي بقى همضي عقدها معاه بكرة إن شاء الله في شركة باباكِ ,  كنتي عايزة شقة لحد ولا إيه ؟

ايوة , واحدة صاحبتي قالتلي اسألك على شقة في البرج

لا اعتذريلها بقى , قوليلها تستنانا في البرج الجاي إن شاء الله هه

هه إن شاء الله يا ماما

حنان , مالك يا حبيبتي ؟

مافيش يا ماما

اووووووف باسل برضو ؟

العادي يا ماما , والجديد بقى ان في ستات بتتصل بيه على تليفون البيت عادي جداً وبيطلبوا يكلموه ومافيش احترام لصاحبة البيت , واحدة امبارح اتصلت وطلبت تكلمه

معقول !!! وانتِ قولتيلها اييييييه ؟

ولا حاجة , ناديت عليه عشان يجي يرد عليها

انتِ اتجننتي يا حناااااان ! كان المفروض تهزأيها وتقفلي السكة في وشهااااااا

انتِ عايزاه يتخانق معايا ويبهدلني عشانها !!!

يا برود أعصابك يا حنان

لا برود أعصاب ولا حاجة , غاية ما هنالك إن باسل ما بقاش يفرق معايا , صدقيني يا ماما أنا بعيش اتعس أيام حياتي معاه , بيجيلي احساس بشع وانا رايحة البيت , كإني رايحة لمكان مخيف ومقبض , ومع ذلك مضطرة اتحمل

وبعدين مع باسل ده بقى !!!

أنا مروحة يا ماما , باسل قالي ما تتأخريش عشان عازم ناس اصحابه على العشا , وقالي لازم أعمل عشا فاخر

اقعدي يا حناااااان عشا ايه اللي هتروحي تعمليه ! أطلبي الأكل دليفري

ما ينفعش يا ماما , العشا الليلة دي لازم يكون من عمايل إيدي , دي أوامر باسل بيه هه عن اذنك

لا حول ولا قوة إلا بالله , وبعدين بقى !!! والله لولا خايفة على البنت من البهدلة كنت طلقتها من الولد دددده

**************************

خلف هذه الجدران,هبة عبد العظيم نور

**************************

ترررررررررررررررررررررن تررررررررررررررررررررررررررررن

موبايلك بيرن يا ست هيام

هاتيه يا راوية من فضلك

اتفضلي

شكراً , ايه الرقم الغريب ده !!! السلام عليكم

عليكم السلام , ازيك يا هيام وحشتيني

مين معايا ؟؟؟

أنا ضحى

ضحىىىىىىىىىىىىىىىى يا حبيبتييييييي انتِ فين يا ضحىىىىىىىى ؟؟؟

وطي صوتك يا هيام , اوعي يكون حد جنبك , أنا مش عايزة حد يعرف اني كلمتك

مافيش حد جنبي يا ضحى , اطمني , ازيك يا حبيبتي وازي ابنك  وعمي حامد وطنط سميرة؟

الحمدلله يا هيام كلهم بخير يا حبيبتي  ,الحمدلله ان رقمك بتاع زمان ما اتغيرش,انا قلت اتصل وانا وحظي بقى. اتصلت مخصوص عشان نطمن عليكِ وعلى ابنك

الحمدلله يا ضحى , أنا كويسة وابني كويس الحمدلله

ربنا يحفظهولك يا هيام وتشوفيه راجل قد الدنيا إن شاء الله

يا رب يا ضحى , ويفرحك بابنك يا رب وترجعي اسكندرية تاني ونشوفوكي بقى , وربنا دانتِ وحشاني يامَا

انتِ أكتر والله يا هيام , أنا مضطرة نقفل دلوقتي , بس قبل ما نقفل عايزة نقولك بالله عليكِ احذفي الرقم ده

هو ده مش رقمك ؟

رقمي بس مش عايزة حد يعرف خالص اني اتصلت بيكي ولا عايزة حد يعرف الرقم ده خالص , لو ماما عَرَفت اني اتصلت بيكي هتحصل مشاكل كبيرة بيني وبينها , لإن انتِ عارفة اننا هاربانين من ادهم

لا حول ولا قوة إلا بالله , ربنا يصلح الحال يا ضحى , اطمني يا حبيبتي , ماحدش هيعرف الرقم ده خالص , بس اسمحيلي نكتبوه في ورقة من غير اسم ونشيلوه في دولابي , اني برضو ما ينفعش نعرفولك رقم ونفرطوا فيه كدة

طيب يا هيام , على العموم اني عارفة انه في ايد أمينة

بالله عليكِ ابقي اتصلي طمنيني عليكِ من وقت للتاني يا ضحى

ان شاء الله يا هيام , بوسيلي ابنك , السلام عليكم

عليكم السلام يا حبيبتي , لا حول ولا قوة إلا بالله , يا حبيبتي يا ضحى !!! اتكتب عليكِ تتغربي عن مكانك وعن حبايبك

ست هيام , خالد بيعيط

رايحاله يا راوية

**************************

خلف هذه الجدران,هبة عبد العظيم نور

**************************

ماجد حبيبي,الكيكة اللي طلبتها مني في الفرن وقربت تستوي

اخيررررررراً,دانا كنت قربت أيأس انك تعمليها ههه

غصب عني والله يا حبيبي,كل يوم الاقي حاجات قد كدة ورايا وما بلحقش اعمل الكيكة,بس النهاردة بقى قلت لااااا,عليا وعلى أعدائي,لازم اعمل الكيكة ههه

محسساني انك خدتي قرار حربي ههه

ههه لا يا حبيبي,قرار عاطفي

هههه

هنادي على مريم ومعاذ عشان ياكلوها معانا جنب الشاي..معاااااذ

نعم يا أمي

تعالى يا حبيبي عشان تاكل معانا كيك مع الشاي

ياااااااااه,أخيراً يا أمي عملتِ الكيكة!

هو انت وابوك عليا ولا ايه!

شوفتي ابنك المسكين مشتاق للكيك ازاي!

دانا عندي فقر كيك في الدم يا أبي هههه

ههههه

طيب يا ماجد انت وابنك هههه,يا مريوووووم,مريوووووم

نعم يا أمييي

تعالي يا حبيبتي شاركيناااا,لو ما جتيش ابوكِ ومعاذ هيخلصوا الكيكة

كييييييكة ! الله,انا نفسي في الكيك قوي

أمي ,انا شامم ريحة شياط

يا خبر! الكييييييييكة

عليه العوض ومنه العوض يا ولاد,أمكو حرقت الكيكة

مممم اسفة والله يا ماجد,اتاريني كنت معلّية الفرن وناسية..لكن ولا يهمكو,هعملكو واحدة جديدة,ساعة بالكتير وتكون قدامكو ان شاء الله

لااااا مش قبل ما تدفعي غرامة على اللي حرقتيها,ايه رأيكو يا ولاد؟موافقين امكو تدفع غرامة؟

ايوة ههههه

بقى كددددة!بتتفقوا مع ابوكوا عليا! طيب مش دافعة هههه

لا يا منال هتدفعي,عايزين 200 جنيه تعويض

200 جنيه لييييه! دي ما كلفتنيش خمستاشر جنيييه

ونسيتي انتظارنا الطويل,دانا بقالي تلات شهور مستنيها يا مفترية

لا يا ماجد خليك منصف,200 جنيه كتير

لا هما 200 جنيه ما ينقصوش مليم,موافقين يا ولاد؟

ايوة موافقييييين

انتوا مالكو عاملين زي بتوع مجلس الشعب كدة! هو ابوكوا كل ما يقول على حاجة تقولوا موافقين! هههه

هاتي يا منال المتين جنيه وخلينا حبايب

لاااااا أنا هاخد فلوسي واروح استخبى عند اخويا عمر في راس غارب هههه

مش هتلحقي يا منااااال,هنأمم كل أموالك قبل ما تسافري هههه

اه يا ظلمة, الحقوني يا نااااااس هههه

ترررررررررررررررررررررررررن

الله! ده عمر اخويا ع الموبايل,حاسس بأخته والمؤامرة اللي بتحاك ضدها حبيب قلبي,السلام عليكم يا عمر

عليكم السلام يا منولة وحشتيني

وحشتني أكتر يا حبيبي ,ازيك وازي زينب والولاد؟

بخير كلهم وبيسلموا عليكِ

تعالى يا عمر الله يخليك خدني خبيني عندك,ماجد اتفق مع ولاده عليا وعايزين ياخدوا مني 200 جنيه غرامة وانا مش عايزة ادفع هههه

هههههه غرامة! عملتي ايه عشان يغرموكِ؟

ولا حاجة,حرقت الكيكة اللي نفسهم فيها من زمان

هههه والله تستاهلي الغرامة يا منولة

انت كمان يا عمر! ههه هو انا ماليش حد ينصفني ولا ايه يا ناااااس!

طيب خلاص هقوملك محامي,بس مش هياخد أقل من عشر تلاف جنيه ههه

نعم! لا انا بقول ادفع الغرامة احسن ههه

ههه وحشتيني يا منولة ووحشتني خفة دمك,على فكرة متصل عشان افرحك

خير يا حبيبي؟

شهد بنتي اتخطبت

والله! ههه ماشاء الله لا قوة إلا بالله,الف مبروك يا حبيبي,واتخطبت لمين بقى؟

ابن واحد مهندس زميلي

والولد بيشتغل ايه؟

بيدرس تكنولوجيا معلومات,اخر سنة السنة دي

هايل,ماشاء الله لا قوة إلا بالله,الف مبروك يا حبيبي

الله يبارك فيكِ يا منولة وعقبال ولادك,انت اتصلت برانيا وقولتيلها وهتحضر الخطوبة هي وجوزها وولادها,وطبعاً انتِ هتيجي انتِ وماجد والولاد

ممم هي الخطوبة امتى؟

الجمعة الجاية ان شاء الله,اديني ماجد بقى عشان اعزمه

حاضر..كلم عمر يا ماجد,باركله,شهد اتخطبت هه

ماشاء الله هه,ايوة يا ابو العروسة,ألف مبروك يا عمر

الله يبارك فيك يا ماجد,عقبال معاذ ومريم

الله يكرمك,ربنا يتمم بخير وعقبال محمد كمان

اللهم آمين يا رب,بس بعد ما يخلص دراسته ان شاء الله,احنا مستنيكو يوم الجمعة ان شاء الله عشان تحضروا حفلة الخطوبة

الجمعة!..يا عمر هو انت ماشي معانا بالعكس على طول! المعاد مش مناسب لنا خالص

والله انتوا اللي ماشيين معايا بالعكس يا ماجد,ايه حكايتكو معايا!

ما انت عارف يا عمر ان ده وقت دراسة ومش فاضيين,على العموم أكيد هنحضر الزفاف ان شاء الله

ممم يعني ده اعتذار عن حضور حفلة الخطوبة,ماشي يا سيدي,مردودالكو في خطوبة مريومة ههه

هههه مش هتهون عليك,معلش والله يا عمر,غصب عننا,الف مبروك لشهد مرة تانية

الله يبارك فيك يا ماجد,السلام عليكم

عليكم السلام يا عمر

ايه يا ماجد,مش هنقدر نحضر خطوبة شهد! يا خسارة

ما هو المعاد مش مناسب خالص يا منال,على العموم في الأجازة نروح نقضي معاهم كام يوم وكمان نقدم هدية مناسبة لشهد

ان شاء الله يا ماجد,كويس ان رانيا هتحضر عشان ما نبقاش احنا الاتنين ما حضرناش,عقبالك يا مريومة ههه

ربنا يحفظك ليا يا أمي,عن اذنكو هتصل بشهد عشان اباركلها

اتفضلي يا حبيبتي,وانا شوية كدة هتصل بيها وبمامتها اباركلهم ان شاء الله..بس والله فرحت قوي يا ماجد لما سمعت الخبر ده

اوعي تفتكري ان انا نسيت الغراااااامة

سامحني بقى يا ماجد عشان خاطر خطوبة شهد ههه

ههه خلاص يا ستي,عشان خاطر شهد

****************************************************

مبروك عقد الشقة يا باشمهندس مسعد

الله يبارك في حضرتك يا حاجة فايقة

طبعاً دلوقتي عندك الشقة ومش ناقص غير العروسة اللي تنورها هه

لا الشقة دي مش هاخدها ليا , دي عشان أبويا وأمي واختي الصغيرة , يعني هنعيش فيها كلنا مع بعض

طب وليه كدة يا إبني !! دي شقتك ومن حقك , يعني هو والدك ووالدتك مش عندهم شقتهم الخاصة ؟

في الحقيقة يا حاجة فايقة أنا والدي راجل بسيط , بواب على عمارة , وأمي بتساعده , تعبوا قوي عشان يربونا , ياما حرموا نفسهم من حاجات كتير عشان يعلموني أنا واخواتي , والحمدلله تعبهم اثمر بفايدة , اخويا الكبير مدرس لغة انجليزية وأنا بفضل الله مهندس معماري واختي الصغيرة رايحة رابعة طب

بسم الله ماشاء الله , انا فخورة بيك جداً يا إبني , ومعجبة جداً بصراحتك , كتير من الناس ما بيحبوش يجيبوا سيرة آباهم لو كانوا ناس بسطاء , لكن إنت ونعم الإبن البار , شايل جميل والدك ووالدتك على راسك وأول ما سنحت لك الفرصة عايز تردلهم الجميل

انا مهما عملت مش هقدر أرد جمايلهم

تعرف انك شوقتني قوي اشوف والدك ووالدتك ؟ اللي يربوا إنسان رائع زيك يستحقوا كل الإحترام والتقدير

اشكرك يا فندم , استأذن أنا عشان اروح افرح أبويا وأمي واختي بالشقة هه السلام عليكم

عليكم السلام يا ابني ... سبحان الله !! حقيقي عظمة الأخلاق مش بالفقر ولا بالغنى

**********************************************************

معقول اللي انت قلته ده يا مسعد يا اخوياااااااا ! هههههه معقول أنا صاحية وانت بتتكلم جد ولا انا بحلمممممم ؟

هههه صاحية يا ستي وعقد الشقة أهو كمان عشان تصدقي

ورينييييييي يااااااااه مش ممككككككن مش مصدددددددقة ههههههه اخيراً هنمشي من هنا ويكون عندنا شقة في منطقة راقية وبابها مقفول عليناااااااا ! معقول هنعيش حياتنا زي باقي الناس من غير ما حد يتحكم فيناااااا ! من غير ما نسمع كل شوية صوت سكان العمارة وهما بينادوا على بابا وماما عشان يجيبولهم الطلباااااااااات ! معقول يا مسعدددددد ! اهئ اهئ اهئئئئئئئئئئئئئئئئئئئ

وليه بقى الدموع دددددي ! هههه

اهئ اهئئئئئئ فرحانة فرحانة قوي يا مسعددددد ياااااااااااااه يامَا حلمت ان يكون لينا شقة ولو صغيرة ويكون بابها مقفول عليناااااا يامَا حلمت اني اشوف بابا وماما مرتاحين بعد تعب السنين دي كلها اهئ اهئئئئئئ

ههه وأهو الحمدلله جه اليوم ده يا ستي

انا مش عارفة أقولك ايه يا مسعد غير ان انت أعظم أخ في الدنيا دي كلهااااااا, واحد غيرك كان فكر ياخد الشقة دي لنفسه ويتجوز فيها ويقول كفاية إني بصرف على أهلي وخلاص

يا سهير يا حبيبتي أنا عمري ما كنت هحس بالراحة إلا وانتو مرتاحين , أهم حاجة عندي أنتو يا سهير

يا حبيبي يا اخويا يا حبيبيييييي اموووه ربنا ما يحرمناش منك يااااااارب , بابااااااا انا مش مصدقة اللي مسعد قااااااااله هههه معقول يا ماما معقووووول خلاص يا باباااااااا انت مش هتبقى بواب تااااااااااااني

ايوة , خلاص هبقى محافظ ,وانتو هتبقوا ولاد المحافظ , يا بنتي هو لما اسيب البوابة وامشي يبقى خلاص !! برضو هتفضلوا ولاد البواااااب , الشغلانة دي هي اللي خلتك دكتورة يا دكتورة , اوعي تستعري مني وإلا هدعي عليكي دعوة تتقلبي تمرجية وانتِ واقفة

ههه انا يا بابا استعر منككككك ! دانت احلى بابا في الدنيااااا

تعيشي يا دكتورة , افرحي يا فهيمة , هتعيشي في شقة زي بقيت الناس , عشان تعرفي ان امك كانت داعيالك لما اتجوزتينييييييي

ايوة يا اخويا كانت داعيالي اتهنى بعد ما شيبت , الحمدلله كله بأوانه , ربنا يخليك لينا يا مسعد يا ابني ويسعدك زي ما سعدتنا يا حتة من قلبي ههه

ههه فرحانة يا أمي

أيوة فرحانة اومال ايه !! والله يا ابني الواحد رجليه دابت من المرواح والمجي كل شوية , كعوبي اتهرت من مسح السلالم انا وابووووك , لسة وانا بمسح السلم امبارح , بقول هو انا هفضل في الهم ده لحد ما اموت ولا ايه !

خلاص يا أمي , انسي التعب والشقى , إن شاء الله مافيش غير الراحة بعد كدة

 الله يريح قلبك يا ابني , الله يراضيك زي ما راضيتنا يا حبيبي  وجبرت كسرنا

ماما انا مش مصدددددقة حاسة اني بحلم اننا هنسكن في شقققققققة اقرصيني يا ماما عشان اصددددق اخبطيني بحاجة على دماااااااااااغي

حاضر يا حبيبتي , ناولني غطا الحلة يا مسعدددددددد

**********************************************************

لو سمحت عايز أقابل الباشمهندس مسعد

مين حضرتك ؟

اخوه الأستاذ سعيد

حاضر يا أستاذ سعيد , الأوضة اللي هناك دي هي مكتب الباشمهندس مسعد , هو راح عند جميل بيه وجاي على طول , ممكن تستناه

متشكر

**************************************************

باشمهندس مسعد , اخو حضرتك مستنيك في مكتبك

سعيد !!!

************************************************

هه السلام عليكم يا سعيد , ايه المفاجأة الحلوة دي !

عليكم السلام يا سيدي , قولت اجيلك الشغل عشان نتكلم براحتنا بعيد عن امك وابووووك

في ايه يا سعيد ؟

في ايه انت يا مسعد ! حد يعمل عمايلك دي يا ابني انت !!! بقى تجيلك شقة بالمستوى ده وفي حي راقي زي ده تقوم تديها لابوك وامك وسهيررررررر !!! انت معتوه يا ابني انتتتتتتتت

من غير غلط يا سعيد , كنت عايزني اعمل ايه بالشقة ؟

تتجوززززز , تشوف مستقبلككككك , دي كانت فررررصة

اشوف مستقبلي واسيب ابويا وامي وسهير عايشين في اوضة تحت السلم يا سعيد ! ارتاح أنا واسيب ابويا وامي لشغلانة البوابة وشقاها وأنا في ايدي أريحهم بعد تعبهم السنين دي كلها !

يا مسعد ما تكبرش الموضوع , ابوك وامك خدوا ع الشقىىىى , هما أساساً اتخلقوا للشقىىىىى , مش هتنظم انت الكون على مزاجك , لا احنا لينا ذنب انهم فقرا ولا لينا ذنب انهم بوابيييييين

كلامك ده في منتهى القسوة يا سعيد , ازاي تقول على ابوك وامك كدة !!! أبوك و امك تعبوا عشانا كتير واستحملوا كتير , كتير قوووي , وكمان سهير من حقها تعيش في شقة مقفولة عليها وتاخد حريتها

سهير سهير سهيرررررر البت دي طول عمرها مش عاجبها عيشتهاااااا طول عمرها باصة لفوووووق , وبرضو مش مشكلتك انت انها عايشة في اووووضة , ظروفها كدة يا اخي وتستحملهااااا , وبكرة لما تبقى تشغل دكتورة تبقى تجيب شقة لروحها ولا تتجوز وجوزها يبقى يجيبلها شققققققققة , لكن انت تضحي بشقة زي دي عشان تعملي فيها فدائي تبقى غلطااااااااان

وانت بقى سايب الدروس الخصوصية وجايلي مخصوص عشان تديني درس في كيفية التنكر للأهل  يا أستاذ ؟؟

الظاهر ان انا غلطااااااااان , انت حرررر , انسان غبيييييي هتعيش وتموت غبييييييي ,ابقى قابلني لو عوضت شقة زي دي ولو بعد عشر سنيييييييييين

لا حول ولا قوة إلا بالله

*********************************************************

خلاص بقى يا سعيد يا حبيبي , اخوك دماغه ضاربة هنعمله ايييييييه !!!

معقول في حد بالغباء ده في الدنيا يا دررررررة ؟

بصراحة انا شوفت اغبيا كتير وقليل ما شوفتش زي اخوك ده , ايه الخيبة اللي هو فيها دي ! كل ده عشان ابوه وامه وسهير ! ما تولع سهيرررر , يعني هي بعد ما تشتغل هتكبش وتديله !!!

ضيع نفسه بغباوووووووته

اكيد جاتله ضربة شمس بسبب وقوفه كتير تحت الشمس في المواقع , ماهو ماحدش عاقل يعمل كدة , جاته خيبة , ده لو كان احتفظ بالشقة دي عشان جوازه كنت جبتله حتة عروووسة ما يحلمش بيهااااااا

مين العروسة دي ؟

أبلة سها مدرسة الفرنساوي , دي بتكسب كويس قووووي, وبصراحة مستخسراها هي وفلوسهاااااااا

فلوسها !!! يا خسااااارة والله لو كان عندي وقت كنت روحت خطبتها أنا

نعممممممم ! عايز تتجوز عليا يا سعيد!

ما تبقيش عبيططططة دي هتبقى جوازة استثمارية

لا يا اخوياااااا يفتح الله , ال جوازة استثمارية ال , بقى معقول اخوك المهبول ده يعمل العملة السودة دددي ! اصحاب العقول في رااااااااحة

****************************************************************

ولحد هنا وانتهت حلقاتنا ,كنت ناوية انزل اربع حلقات عشان نخلص قبل رمضان ,بس لقيت ناس غايبة كتير والتفاعل اقل من المرة اللي فاتت ,فقلت خلاص ,يبقى الجماعة مستغنين وعايزين يكملوا بعد العيد

******************

قارئتي العزيزة جوجو

حبيبتي ربنا يصبر قلبك يا رب ويأجرك على صبرك وثباتك اللهم آمين ,وان شاء الله ابنك ينتظرك على باب الجنة وياخد بإيدك بعد عمر طويل وتدخلوها سوا اللهم آمين ..اسفة حبيبتي اتأخرت في تقديم واجب العزاء بسبب النسيان الذي يعتريني لكثرة المشاغل ,اتضايقت من نفسي جدا والله ,بس غصب عني سامحيني على نسياني وتقصيري ..شكرا انك موجودة معانا ويارب الحلقات تنال اعجابك

******************

قارئتي العزيزة ايمان صالح

ماشاء الله لا قوة إلا بالله ,ربنا رزقك بالذرية بعد 17 سنة جواز ,ربنا يحفظ اولادك اللهم آمين حبيبتي

*********************

***********************

..اشوفكم يوم .... الاثنين

يا صبر ايوب هههه ,,إلا لو لقيت المدونة مافهاش مكان لحد يدخل بسبب تعليقاتكم اللي مالية الدنيا

ما تنسوش ذكر الله الدائم والاستغفار والصلاة على الحبيب عليه الصلاة والسلام

سبحان الله وبحمده ,سبحان الله العظيم

استغفر الله واتوب اليه