الحلقة الثانية والخمسين (ف2)

**************************

خلف هذه الجدران,هبة عبد العظيم نور

**************************

حمدالله ع السلامة يا سونسوووووون هههههه القاهرة كانت وحشة من غيرك الكام ساعة دول وكان هيحصل فيها عواصف رملية هههههه

ربنا يخليكِ يا بهيرة , الله يسلمك

جوز اشجان عامل اييييييييه ؟؟؟

كويس الحمدلله , بس برضو باين عليه التعب

ما هو برضو الدور اللي جاله كان شديد يا حبيبي , شوفت ضرة اشجان  ؟

ايوة , هي اللي فتحتلي باب الاوضة

شكلها ايه يا سونسووووون ؟

وانا مالي ومال شكلهااااا , شيفاني بدقق في وشوسش الستاااااات !

عارفاك يا حبيبي بتغض البصر , بس اكيد برضو لمحتها وهي بتفتح

اهي ست زي أي ست

اصل انا من كلام اشجان دايماً اتخيلها شعرها منكوش وعنيها حمرا ومبرقة وبتطلع نار من بقها هههه

هه لا يا ستي , ست هانم محترمة وقابلتني مقابلة كويسة

 اصلك تستاهل كل خير يا سونسون ,حمدالله ع السلامة يا حبيبي  هههه شوفت البحر يا سونسوووون ؟

يا بهيرة هو انا رايح اشوف البحر ولا اطمن ع الراجل العيااااان !

ايوة ما انا عارفة انك رايح للراجل العيان , بس بقول يمكن برضو تكون لمحته من بعيد كدة

ايوة , لمحته من بعيد وانا راكب التاكس

الله ! يا بختك يا سونسون , هو لونه ازرق برضو زي ما بيجي في التليفزيون ولا دي خدع بصرية  ؟ ههههه

ايوة فعلا لونه ازرق يا ستي , في اسئلة تااااااني ؟

لا يا حبيبي كفاية عليك كدة عشان مجهد وجاي من سفر

طب ممكن تشوفيلي لقمة أكلها ؟

يا حبيبي يا سونسوووون ! انت جعااااان ؟؟؟؟

لا , عايز الأكل عشان اتصور جنبه

ههههههههههه عسل يا سونسون , من عيني يا حبيبي , بس غريبة انك تروح اسكندرية وماحدش يأكلك ويرجعوك جعااااان , هما بخلا ولا ايييييه !!!

يا ستي ولا بخلا ولا حاجة , انا اللي كنت مستعجل عشان ارجعلكو

نورت بيتك يا حبيبي , الهي ما يغربك عننا ابداً يا سيد البيت ككككككله ههه

تعيشي يا بهيرة

**************************

خلف هذه الجدران,هبة عبد العظيم نور

**************************

خالد نام يا ست هيام وحطيته في سريره

كتر خيرك يا راوية..هي ماما فين؟

الحاجة ام خالد صلت العصر وقعدت في التراس

طيب,هنروحولها,بالله عليكِ يا راوية اعمليلنا حاجة نشربوها

من عيني يا ست هيام

**************************

خلف هذه الجدران,هبة عبد العظيم نور

**************************

ماما

تعالي يا هيام,الولا خالد نام؟

ايوة...على فكرة يا ماما في حاجة مهمة قوي حصلت كان لازم تعرفيها انتِ وخالد,بس بقى جت حكاية دخول عمي عادل المستشفى لهيتنا,رغم انها حاجة مهمة قوي

في ايه يا هيام كفاالله الشر؟

ما تتفجعيش كدة يا ماما..كنت عايزة نقولك ان ضحى جت هنا وباركتلي

.......ضحى!!..وايه اللي فكرها بيكِ!!

والله يا ماما احنا كلنا ظلمنا ضحى ..مسكينة..دي شافت عذاب ياما قوي يا ماما واحنا مش دريانين بيها,,دي ما سابتش خالد بإرادتها,كانت مغصوبة على كدة

مغصوبة!! ومين اللي غصبها يا بنتي ؟

أدهم

أدهم! وهو أدهم يمشي كلامه عليها بصفة ايه!! وكان هيشوفها فين ولا يقابلها فين!

احنا هنحكولك يا ماما

**************************

خلف هذه الجدران,هبة عبد العظيم نور

**************************

ايه رأيك يا ماما في اللي سَمَعتيه ده؟

.....لا حول ولا قوة إلا بالله!!..بقى معقول في ناس كدة في الدنيا!! ياخد البت غصب عنها ويكسر قلبها وقلب اهلها وقلبنا احنا من قبل الكل!! يعني ايه يهددها بقتل خالد ويهددها بفضيحة ما عملتهاش!! هو الدم والعرض عنده ما لهومش تمن!!غربة ابني عن عيني السنين دي كلها مالهاش تمن!!..ده ابني ساب البلد وكَرَه يقعد في اسكندرية يوم واحد بعد اللي جرا..وضحى..يا حبة قلبي يا بنتي,واحنا اللي ظنينا فيها السوء اللي في الدنيا كله وهي مظلومة ومغلوبة على أمرها ..شَرَبت المر السنين دي كلها واحنا فاكرينها متهنية وسايبة ابننا بخطرها!! يا حبيبتي يا ضحى يا بنتي!..نستغفرك يا رب ونتوب إليك....يكونش عشان كدة اهلها خدوها وهربوا من اسكندرية

أكيد يا ماما,كلنا فَهَمنا كدة,مع انها ما قالتليش ولا جابتلي سيرة انهم مسافرين,بس عنيها كان كلها دموع وكلامها يقطع القلب والله يا ماما..كانت بتتكلم زي ما تكون بتودعنا ومش هتشوفنا تاني,والله قلبي وجعني عليها قوي..يا ترى هترجع تاني يا ماما؟

ربك أعلم بكل حي يا بنتي,واللي كاتبه يخطي خطوة في مكان بيخطيها..ربنا يحفظها هي وأهلها فين ما يكونوا....اسمعي يا هيام..اوعي تجيبي سيرة لخالد عن الحكاية دي

ازاي بقى يا ماما!!! انتِ عايزة خالد يفضل ظالمها العمر كله!لازم يعرف انها مظلومة

ومعرفته هتفيد بإيه يا بنتي!! أني مش عايزة اخوكِ يرجع يفكر في اللي فات وقلبه يحن.اخوكِ متجوز يا هيام ومرتاح مع مراته,بلاش نشغل بال الجدع بحكاية تخليه يفكر في واحدة تانية غير مراته ونعكر المية الصافية اللي بينهم يا بنتي,زي ما انتِ بنتي,آيات كمان بنتي,وزي ما انا عايزة سعادتك مع جوزك عايزة سعادتها مع جوزها,ربنا يهدي سرك وسرها يا بنتي

............الله المستعان يا ماما

**************************

خلف هذه الجدران,هبة عبد العظيم نور

**************************

ايه رأيك يا احمد في اللي ماما قالته بخصوص خالد وانه ما يعرفش اللي جرا من اخوك وان ضحى مظلومة؟

...........خالد لازم يعرف يا هيام

ايوة بس ماما خايفة على علاقته بمراته,خايفة ضحى تشغل تفكيره غصب عنه لما يعرف انها مظلومة واتاخدت منه غدر

يا هيام خالد عاقل,خالد عمره ما هيظلم مراته ولا يعيد ماضي فات ولو حتى في خياله,ده صاحبي وانا اكتر واحد عارفه..احنا بس عايزينه يعرف عشان ما يفضلش طول عمره فاكر ان ضحى سابته بسبب ظروفه

طيب قوله انت يا احمد

لا يا هيام بلاش انا...مش هنقدر نقوله ان اخويا هو السبب في الألم والحزن اللي سكن قلبه السنين دي كلها...اتصلي بيه وخليه يجي واحكيله عن كل حاجة ,حرام نفضل سايبين المظلوم غرقان في الظلم

**************************

خلف هذه الجدران,هبة عبد العظيم نور

**************************

عَرَفت بقى يا خالد ان ضحى كانت مظلومة

مظلووووومة!!! هي اللي ظلمت نفسها وظلمتني يا هياااااااام,انا مش متصور ان ضحى بالسذاجة دددددددي! ازاي تستجيب لبني أدم ندل وتمضي على ورقة بالقذارة دددددددي!

يا خالد ماانا قلتلك انه هددها بقتلكككك

وهي كدة ما قتلتنيش يا هيااااام!!! دي دبحتنيييي,دبحتني بإيديها وهي فاكرة انها بتنقذنيييي آآآآآآه ليه كدة يا ضحى ليييييييييه! كان لازم تستنجد بياااا,كان لازم تقووولي,كان لازم تقول لأهلهااااا,ازاي تواجه أدهم لوحدها وتخليه يقتلها ويقتلنا كلنااااااا

كانت خايفة منه يا خالد

خايقة منه! هي كانت متخيلة انه ممكن ينفذ تهديداته!!

وما ينفذهاش ليه يا خالد!...شوف يا خالد,انا ما بنحبش نتكلم عن أي حد من أهل أحمد وحش,كل اللي نقدروا نقولوه ان أدهم متحامي ببلطجية وطريقه كله شر..ضحى عندها حق تخاف منه عليك وعلى اهلها وعلى سمعتهم..واهم سابوله البلد وهَرَبوا عشان مايبقاش بينه وبينهم حرب ودم

لا يا هيام,أنا مصر انها غلطانة وانها كان لازم تستنجد بيا وبأهلها ...الله يسامحك يا ضحى

خالد..ماما ما كانتش عايزانا نعرفوك عشان بالك ما ينشغلش بضحى من تاني

....ما تخافيش يا هيام..أنا عمري اللي فات ضاع,مش مستعد اضيع عمري اللي جاي..ضحى ماضي..آيات هي مستقبلي وحياتي وعمري كله

**************************

خلف هذه الجدران,هبة عبد العظيم نور

**************************

مين ؟

افتحي يا أمي , انا خالد

خااااااالد ههه ازيك يا حبيبي , ادخل , أومال فين آيات والولا احمد ؟ ما جبتهومش معاك ليه ؟

آيات والدتها جت تزورها , قلت نسيبوهم على راحتهم وجيت نشرب معاكِ الشيّ

يا مرحب يا حبيبي , ربنا ما يحرمني من دخلتك عليا . هنعملوا الشيّ ونجولك

**************************

خلف هذه الجدران,هبة عبد العظيم نور

**************************

اشرب الشيّ يا خالد

تسلم ايدك يا أمي ....... عَرَفتي اللي حصل مع ضحى واننا كنا ظالمينها ؟

...... هي هيام نفذت اللي في دماغها وقالتلك !!!

وانتِ ما كنتيش عايزاها تقولي ليه يا أمي ؟

يا ابني احنا  خوفنا  قلبك يحن للي مضى وفات , وانت يا ابني معاك ست زي الدهب مش عايزاك تظلمها

إحنا نظلم يا أمي !!! يبقى ما تعرفيش ابنك يا ام خالد

يا ابني البني أدم مننا ضعيف وقلبه بيتأثر , وخصوصا لما يعرف أنه حَكَم على حد ظلم غصب عنه

يا أمي احنا صحيح اتأثرنا وحسينا بمشاعر خنقتنا , لكن صدقيني ما كانتش أكتر من مشاعر شفقة على ضحى ومصيرها ......... مسكينة , ضحت بنفسها وقتلت فرحتها بكل قسوة

ربنا يصلح حالها يا ابني , احكيلي الولا احمد عامل ايه مع آيات هه

**************************

خلف هذه الجدران,هبة عبد العظيم نور

**************************

يااااااه يا ضحى , ضيعتي نفسك ببلاش , يا ريتك كنتي اتكلمتي , ياريتك كنتي نطقتيييي ماكانش ده كله حصل يا ضحى , ياخسارتك يا ضحى , ألف خسارة على عمرك اللي ضيعتيه مع واحد ما يستاهلششش

خالد حبيبي عملتلك القهوة اللي طلبتهااااااا ههه اتفضل

متشكر يا ضحى ههه

ضحى !!!!!!

أأأآيات أأأ انا .... أنا آسف , لساني خاني , والله غلطة مش مقصودة

................ ضحى دي هي خطيبتك القديمة بتاعة زمان , مش كدة ؟

..... ايوة

واضح انك لسة بتفكر فيها رغم مرور السنين دي كلها

لاااا , لا يا آيااااااات , بالله عليكِ يا حبيبتي ما تخليش دماغك تروح لبعيدددد , كلامك ده مش حقيقيييييي انتِ حبيبتي ومراتي وكل حياتي يا آيات

..... اومال ليه نادتني باسمها ؟؟؟

..........................................................

انت لسة بتحبها يا خالد

والله ابدااااااً , انا بحلف واني عمري ما نحلف كدددددب , اني نسيت ضحى من زمان , لكن .......... هنحكيلك على كل حاجة يا آيات , هنحكيلك ايه السبب اللي خلى ضحى تفسخ الخطوبة زمان

**************************

خلف هذه الجدران,هبة عبد العظيم نور

**************************

يااااااااااه دي اتظلمت قوي , انت ظلمتها واهلك ظلموها , حتى اهلها هي كمان ظلموها لما اعتقدوا انها اتخلت عنك عشانه , بجد صعبت عليا اوي , ضحت بنفسها عشان تحميكو من واحد مجرم وفي الآخر وقعت هي في قبضته

................. شوفتي بقى ليه الموضوع ده اثر على تفكيري وخلاني نغلط غصب عني في اسمك يا حبيبتي ؟ آيات انتِ الهدية اللي ربنا بعتهالي عشان تداوي كل جراحي , تعوضني بحبها وحنانها عن كل اللي شوفته في دنيتي القاسية 

.................... انا عايزة اعرف وبصراحة شعورك الحقيقي من ناحية ضحى دلوقتي بعد ما عرفت انك ظلمتها

هنريحك يا آيات ....... شعوري ناحية ضحى مر بتلات مراحل , المرحلة الأولى كانت حب , المرحلة التانية كانت حنق واستياء واحساس بمرارة في القلب , المرحلة الآخيرة بقى واللي بنتكلم فيها دلوقتي اقدر اقولك ان احساسي بضحى احساس بالشفقة , شفقة على انسانة دمرت نفسها عشان تحمي غيرها

فعلاً مسكينة , وحقيقي انا كمان حاسة بالشفقة عليها

طب مش كفاية كدة كلام عنها وتروحي تعمليلي قهوة بدل اللي بَرَدت دي يا آيات  هانم ! هههه

ههه حاضر  يا خالد بيه

**************************

خلف هذه الجدران,هبة عبد العظيم نور

**************************

أنا هنسافر لندن بعد بكرة يامّا

ايه !! تسافر لندن تعمل ايه ؟

هنروحوا نشوفوا بنت الأبالسة دي راحت فييييييين

ايّووووووه هتسيب شغلك ومصالحك وتدور تلف ورا بنت سميرة في البلاااااااد !!!

أومال يعني نسيبوها تعمل فيا كدة ونسكت يا امّااااااا !!! ....زمانهم بيضحكوا دلوقتي ومبسوطين انهم قَدَروا يخدعوني ويخلصوا مني ..لكن انا بقى مش هنهنوهم ع الشماتة دددددددددي

جرا ايه يا أدهمممم !! ما تفوق لنفسككك , تطلع ايه يعني حتة بت زي دي عشان تعمل فيك كدة !! لو عايز تنتَقَم منها صحيح طلقها غياااابي , اللي تعمل في جوزها كدة وتهرب من وراه تبقى كلبة ولا تسووووى

...أنا عارف انها ما تساويش حاجة ..عشان كدة لازم نرجعوها مهما كان التمن ..لكن المرة دي ..هنرجعوها خدامة تحت رجليا ..العز اللي شافته على ايدي خلاص ...كان زمان وولى , لازم ننتَقَموا لكرامتي يا امّا ..لازم ننتَقَموا من عيلة حامد مندووووور

ايّوووووه كانت شبكة سودة اللي اتشبكناها مع عيلة حامد زفتتتتت...اسمع يا أدهم , أنا مش عايزاك تسافر , عايزاك تنسى الموضوع ده خالص , واذا كنت مش عايز تطلقها خلاص براحتك , خليها معلقة , لا هي متطلقة ولا هي متجوزة , وكفاية انها هتقضي عمرها موقوف حالهااااا

لااااا ..لازم نسافر يا امّا ..لازم نرجعوهااااا..أنا جيت نسلم عليكِ

...مش هتعدي  على ابوك في المستشفى تقوله  انك مسافر ؟

وابويا ماله ومالنا ! كفاية عليه السنيورة وبنتها  اللي اول ما يشد حيله هيجري على هناك, لكن وشرفي نفوقوا من بنت حامد ونفوقولها هي وبنتهااااا

عملتلك شيّ يا سي أدهم , اتفضل

غوري من وشيييي

هنغور حاضر

انا ماشي يا امّا

بالسلامة يا أدهم

هو ماله يا ست سعاد مش طايق روحه كدة ؟

يعني مش عارفة اللي هو فيه يا شوقية !

الست ضحى برضو ؟

هي زفتة الطين , من ساعة ما اختفت والولا حاله اتبدل يا شوقية

يا ست سعاد قلنا العيشة مش بالغصب , إذا كانت الست ضحى مش عايزاه يبقى كل واحد يروح لحاله بالمعروف

هما دول يعرفوا معروف ولا عندهم دم !!بقى يفرقوا بين الولا ومراته وياخدوها هي وابنها ويطفشوا من البلد يا شوقييييية !!! بقى أدهم يستاهل منهم الغدر ددددده !!!

لا ما لهومش حق يا ست سعاد , اه يا مرارتي ياني ..اشربي الشيّ يا ست سعاد

وربنا الواحد ما له نفس يا شوقية ..هنجيبوا النفس منين والولا مسافر وسايب البلد !

وربنا ؟ ههه هو سي أدهم مسافر ومش راجع تاني ؟

بعد الشرررر , قطع لسانك , ده رايح يدور ع البت مراته ويجيبها ويرجع بيها

يا رب ما يلاقيها يااااارب

بتدعي تقولي ايه يا وليييييية !

بنقولوا ربنا ينوله اللي في باله يا ست سعاد , عن إذنك هنطلعوا للبت عطا نساعدوها ..بت يا عطااااا , خلصتي الطبيخ ولا لسسسسسة , اه يا رجلي ياني

**************************

خلف هذه الجدران,هبة عبد العظيم نور

**************************

شوقييييييية خلصتي تنضيف الدور الفوقاني ولا لسسسسسة ؟ احمد راح يجيب عادل من المستشفى وزمانهم في السكككككة

البت عطا بتنضف فوق , خلصتي ولا لسة يا بت يا عطااااااااااااا

خلاص اهو يا خالتي شوقيييييية

اهيه خلصت يا ست سعاد , الحاج عادل هيجي يلاقي الدنيا زي الفل هههه

تررررررررررررررررررررررررررررررررررررررررن

روحي افتحي يا شووووووقية اكيد همااااااا

هوا يا ست سعاااااااد

الحاج عاااااادل هههههه حمدالله ع السلامة يا حاااااااج كفارة

ههههه

هههه هو اني خارج من السجن يا ولية يا مخبولة انتِ !

هههه ربنا يكفيك شر الرمية في السجون وشر الرقدة في المستشفيااااااات الله لا يعيدها أياااااام , وربنا كنت هنزوروك بس الست سعاد ما رَضَتش وقالتلي انتِ تقعدي تحرسي الفيلا

كأنك جيتي يا شوقية , كتر خيرك

ازيك يا سي احمد هههه

الله يخليكي يا خالتي شوقية ههه

حمدالله ع السلامة يا عاااااادل نورت بيتك هههه

منور بيكي يا سعاد , يلا يا احمد ,طلعني فوق

اسند عليا يا حاج

انا طالعة معاهم يا شوقية

اطلعي يا ست سعاد بالسلامة , واحنا هنطلعوا وراكي عشان نسألوا الحاج عايز يتغدا اييييييه

حمدالله ع السلامة يا حاج عااااادل ههه

الله يسلمك يا عطا

ازيك يا عطا

ازيك انت يا أستاذ احمد , نعملوا حسابك في الغدا ؟

لا متشكر , اني هنطلعوا الحاج اوضته ونمشي على طول

**************************

خلف هذه الجدران,هبة عبد العظيم نور

**************************

ههههه نورت بيتك يا ابويا

الله يخليك يا احمد

استنى يا حاج , هنقلعوك الجزمة

ما تتعبش نفسك يا ابني

ايه اللي بتقوله ده يا حاج ! اني لو نقضي عمري تحت رجليك وما نوفيكش حقك

ربنا يكرمك يا ابني

ارتاح ع السرير يا حاج , استنى هنحطولك الخدادية دي ورا ضهرك

متشكر يا احمد

تن تن ست سعااااااااااااد

ادخلي يا شوقية

اني جيت نسأل الحاج عادل ياكل ايه ؟ نعملولك فتة معتبرة ونحمرولك العيش في السمن البلدي وع الوش هُبر لحمة محمرة من اللي قلبك يحبها يا حااااااج ؟

ههههههههههه اني نقدروا ع الأكل الدسم ده برضو !! ما خلاص يا شوقية

انتِ عايزة تموتيلي الراجل يا مصيبة انتتتتتتتتتِ !!! فتة ايه وسمنة ايييييييه ! دا الدكتور قال ما تأكلهوش غير مسلوق في مسلووووووق

حقكو عليا , اني قولت لروحي ده خارج من دور عيا شديد ولازمه غذااااااا , هو اللي يمشي ورا كلام الدكاترة يكسب !!!! اني غلطانة يا سي احمد عشان عايزة مصلحة ابووووووك ؟

ههههههه يا خالتي شوقية ابويا لسة تعبان , وبصراحة من هنا ورايح امنعي الدهون عن الحاج الله يخليكِ , احنا ما صدقنا ربنا خد بيده

خلاص يا سي احمد , طالما انتو شايفين كدة خلاص , اني نازلة للبت عطا نلحقوها قبل ما تحمر العيش في السمن البلدي , استني يا عطاااااااااااااااااااااا

 ههه خالتي شوقية دي الحاجة المسكرة اللي في البيت ده , طب عايز مني أي خدمات قبل ما نمشي يا حاج  ؟

لا يا ابني , اتوكل على الله انت

طيب يا حاج , احنا هنخلصوا شغل في المينا ونعدوا عليك بالليل ان شاء الله

طيب يا ابني , كتر خيرك يا احمد

عايزة مني أي حاجة يا امي ؟

متشكرة .................الولا مَشَى يا عادل

سكة السلامة

ههه نورت بيتك يا عدولتي

هه كَبَرنا ع الدلع يا سعاد

انت كَبَرت انت !!! طب يجوا ايه ولادك الشباب دول جنب شبابك يا ابو الشباب كله ههههه

ههه اااااخ منك يا سعاد ومن كلامك , بيرجعني شباب تاني وربنا

هههه وربنا البيت من غيرك كان وحش قوووي ما كنتش طايقاه ولا طايقة رووووحي

خوفتي عليا يا سعاد ؟

ايّووووه ! ده سؤال تسأله يا عادل ! يا راجل دانت عمري كله

هههه تسلميلي يا سعاد

**************************

خلف هذه الجدران,هبة عبد العظيم نور

**************************

تيتة ,وائل حبيبك جه ههه أنا جيت يا تيتة  جيت ههه جبتلك معايا الموز اللي بتحبيه

................................

انتِ نايمة ع الكنبة في الصالة برضو ! مش قولتلك تنامي في اوضتك !

..............................

هه طب اصحي بقى عشان اديكي الدوا ونقعد نرغي لحد الفجر زي كل يوم

....................................

تيتة ............. اصحي يا تيتة ...................... تييييييتة ............ ما بترديش ليه يا تيييتة . تيييييييييييييتة  لاااااااا لا يا تييييييييتة لاااااااااا ابوس ايدك ما تسبينيش لوحدييييييي تييييييييييييييييييييييييييييييتة

**************************

خلف هذه الجدران,هبة عبد العظيم نور

**************************

شد حيلك يا وائل يا ابني

الشدة على الله يا عم الحاج محمد

جدتك كانت ست طيبة ,الله يرحمها برحمته ويجعلها من أهل الجنة

آمين يا رب

لكن انت ما اديتش والدتك خبر يا ابني؟ستات كتير جم سألوا عليها عشان يعزوها

اتصلت بيها لقيت تليفونها مقفول, وانا ما ينفعش اسيب العزا واروحلها

طيب جرب تتصل تاني يا ابني,لازم تبلغها,دي مهما كانت والدتها ولازم تيجي تستقبل العزا فيها

حاضر يا عم الحاج

**************************

خلف هذه الجدران,هبة عبد العظيم نور

**************************

البقاء لله يا مدام أماني,سألنا عليكِ كتير يا حبيبتي واول ما ابو كرم قالي انك جيتي جبت الجيران وجينا نعزيكِ,البقاء لله

ونعم بالله يا حاجة ام كرم

شدي حيلك يا حبيبتي , ادي حال الدنيا

متشكرة يا مدام نهلة

 والله الحاجة قطعت بينا كلنا,شدي حيلك

الشدة على الله يا ام اسامة..متشكرة ليكو كلكو , عن اذنكو

اتفضلي

وائل يا حبيبي , معلش انا مضطرة امشي,مش هقدر أتأخر اكتر من كدة

أه طبعاً اتفضلي,مافيش حاجة تستحق تعطلي نفسك عشانها

مممم هبقى اتصل بيك اطمن عليك, ولو عوزت أي حاجة اتصل بيا

لا كتر خيرك,ما تشغليش بالك بيا

طيب خد الألف جنيه دول خليهم معاك يا وائل

متشكر,مش محتاج حاجة

على راحتك,أنا ماشية,سلام

الله يسلمك

ايه ده يا ام كرم! دي مدام أماني مشيت, بقى دي أصول انها تمشي وتسيب العزا بتاع امها! دي الستات لسة بتيجي عشان تعزيها

...الله أعلم بظروفها يا ام اسامة

ظروفها!..عجايب

**************************

خلف هذه الجدران,هبة عبد العظيم نور

**************************

أما اتصل بعصام ليكون فاكرني لسة في العزا وما يجيش

ترررررررررررررررررررررررن

ألو,أهلاً يا أماني

أهلاً بيك يا حبيبي,يلا بقى انا مستنياك

انتِ رجعتي البيت!أنا أعتقدت انك هتقعدي مع ابنك التلات تيام بتوع العزا

لالالا مافيش داعي,يعني هو قعادي هيرجّع ماما!

أيوة بس دي أصول يا أماني

الأصول يا حبيبي اني ارجع بيتي واستنى روح قلبي اللي لو يوم ضاع من غير ما اشوفه ما يتحسبش من عمري على رأي الست ام كلثوم هههههههههه

أم كلثوم! انتِ متأكدة أن والدتك توفت النهاردة!

ههههه يعني لازم احزن واكتئب واكئبك معايا يا حبيبي ! بس صدقني والله أنا حزينة على ماما قوي, وحقيقي قطعت بيا

أها واضح ,أوكيه يا أماني,هخلص مرور على المرضى وادي النيرسز شوية تعليمات واجيلك

مستنياك على نار الشوق يا حبيبي,باي عصوووووومة

**************************

خلف هذه الجدران,هبة عبد العظيم نور

**************************

حمدالله ع السلامة يا ربيع , طولت الغيبة يعني

وحشتيني يا توحااااا وحشتيني يامَااااااا

ما تشوفش وحش , بنقولولك طولت الغيبة ليه المرة دي ؟؟؟

معلش يا توحا , الشغل كان يامَا وربناااا . لكن وحشتيني وحشتيني يامَاااااا . ايّوووه طول ما اني غايب كنت بنقولوا ملعون الشغل اللي يبعدني عنك يا توحا يا حبيبتييييي

ههه صحيح يا ربيع ؟ يعني الشوق غَلَبك ؟

طبعاً يا توحا , طب وغلاوتك الشوق مش بس غلبني , الشوق قتلني يا توحااااااا

هههه يخليك ليا يا راجلي وسندي , بس اني زعلانة منك يا ربيع

ليه بس يا عيون ربيع ؟؟؟

يعني نتَصَلوا بيك عشان نقولولك جوز اختي في المستشفى وانت ولا تهتم ولا حتى تسأل ع الراجل بالتليفون !! خليتني في نص هدومي قدام سعاد اختي

بصراحة بقى يا توحا , الراجل جوز اختك ده لا بنطيقوه ولا بينزلي من زورررر

ليه بس كدة يا ربّوعتي  !!

أهو كدة وخلاص . من ساعة ما جيت وطلبت ايدك منه وقعد يتمنظر عليا ويحسسني ان اني مش قد المقااااام

فشرررر , مش قد المقام ده ايه !!!دانت سيد الناس كلها يا ربيع , هو اني كنت نلاقي راجل زيك فين !!!

ههه تعيشي يا توحا , ربنا يخليكِ ليا , أني اللي ما كنتش نلاقوا ضفرك يا ست الستات

 هههه أيوووه عليك يا ربيع وعلى كلامك الحلو المسكر !!!

الحلو ما نسمعهوش غير الحلو , قومي البسي

نلبسوا ليه ؟

عازمك ع العشا برا

ههه يا حبيبي يا ربيع , أني من ساعة ما اتجوزتك وأنا عايشة في أحلى سنين عمري

ولسة يا توحا , إنتِ ما شوفتيش حاجة

**************************

خلف هذه الجدران,هبة عبد العظيم نور

**************************

تن تن ست نورهااااان

اوووووف عايزة ايه ؟

بتذاكري يا حلوة ! اسم الله عليكِ

بنقولولك عايزة ايه ؟؟؟؟

عايزة سلامتك , معذورة في خمسوميت جنيي , قلت نعدي ناخدوهم منك

ايييييه !خمسوميت جنيي ! ونجيبهوملك منين دوووول !

دي حاجة ما تخصنيش , تجيبهم من عند امك , من عند ابوكِ , من عند الجن الازرق , اني ماليش دعوة , المهم ناخدوهم

أنا مش معايا فلوس , ومش ممكن نطلبوا من ماما ولا من بابا كمان لإنهم هيسألوني عايزاهم في ايه

قوليلهم أي حاجة يا حلوة , هو انتِ هتغلَبَي !!! على العموم عشان تعرفي انّي طيبة وقلبي طيب هندوكي مهلة لبكرة زي دلوقتي , لكن وربنا لو ما خدتش الخمسوميت جنيي لنعملولك فضيحة لا قبلها ولا بعدهااااا

ربنا ! هو اللي زيك تعرف ربنا عشان تحلف بيه !!!

وما نعرفهوش ليه يختي ! شيفاني بنقبّضوا في الأرواح ولا بنأذوا حد !!!

اوووف ممكن تسيبيني وتخرجي من الأوضة بقى ؟

وماله , حاضر يا بنت ستي , معادي معاكِ بكرة عشان ناخدوا الخمسوميت جنيي , سامعة ؟ خمسوميت جنيي ما ينقصوش مليم , تصبحي على خير يا حلوة هه

اهئ اهئئئ وبعدين بقى ! نجيبولها الفلوس دي كلها منين !!!

**************************

خلف هذه الجدران,هبة عبد العظيم نور

**************************

شوفت بقى العذاب اللي انا عايشة فيه يا نسيم ؟

ازاي الولية الخدامة دي تهددك بالشكل ده !!!يعني ايه تاخد خمسوميت جنيي ياإما تفضحك !!!

أنا زَهَقت منها , زَهَقت من عيشتي ومن الدنيا كلها اهئ اهئ اهئئئئ

........ وزَهَقتي مني انا كمان يا نورهان ؟

نزهق منك انت يا نسيم ! انت الإنسان الوحيد اللي بتصبرني ع الحياة اللي انا عايشاها دي , ربنا يخليك ليا يا نسيم

ويخليكِ ليا يا نورهان , اضحكي بقى ههه ........ خدي يا نورهان الخمسوميت جنيي دول اديهم للخدامة

لالالا وانت ذنبك ايه يا نسيم !

ذنبي اني بنحبك وما نطيقش نشوف حد يأذيكِ

ربنا يخليك ليا يا نسيم ... بس انا خايفة ندوها الفلوس دي تقوم تطمع وتطلب مني تاني

مافيش قدامنا غير اننا نسكتوها بالفلوس لحد ما نشوفوا حل لحكايتنا

حل ! ... ازاي ؟

نتجوز

بجد يا نسيم ؟ انت هتتجوزني ؟

ههه هو انا نطول ان القمر دي تبقى مراتي !

هه

**************************

خلف هذه الجدران,هبة عبد العظيم نور

**************************

تن تن ست نورهان

اوووووف ادخلي

مساء الخير يا عسل , جبتي الفلوس ؟

اتفضلي أهم

هه جبتيهم منين ؟

وانتِ مالك انتتتتتتتِ !!! انتِ ليكي انك تاخديهم وخلاص

هه ماشي , هاتي اما نعدوهم ...... ادي مية ادي متين ادي ....... مظبوطين وتمام التمام . اني عارفة مين اللي اداهوملك

....................................

اكيد حبيب القلب ههه , بس يا ترى اداهوملك قصاد ايه ؟

اخرسييييييي , دا إنسان محترم ومتربي

ههه ماشي يا متربية , على العموم اني ماليش دعوة , طالما خدت الفلوس خلاص , وطالما انتِ غالية عند الجدع كدة وبيدفع بقلب جامد يبقى مش هنختلفوا . عن إذنك يا حلوة عشان ورايا شغل يامَا عند الست سوسن

اووووف في ستين داااااهية

**************************

خلف هذه الجدران,هبة عبد العظيم نور

**************************

لو سمحت ورشة الحاج محمد الحداد فين؟

على ناصية الحارة اللي جاية

متشكر

**************************

السلام عليكم يا عم محمد

وائل!!عليكم السلام يا ابني,اتفضل اقعد

متشكر يا عم الحاج

أهلاً يا وائل,يا ألف مرحب,ابعت اجيبلك شاي ولا حاجة ساقعة؟

ولا أي حاجة يا حاج...أنا جاي طالب منك خدمة

عنيا ليك يا ابني

تسلم عنيك يا عم الحاج..أنا كنت جاي اشتغل معاك

تشتغل معايا! هنا؟

وفيها ايه!

دي شغلانة كلها شقا يا ابني

وانا عايز اشقى عشان محتاج فلوس اعيش بيها ,مش عايز امد ايدي لامي تاني

طيب اقعد يا وائل وانا هلاقيلك حل ان شاء الله

**************************

خلف هذه الجدران,هبة عبد العظيم نور

**************************

عملت ايه في الامتحان يا مروان

كويس الحمدلله , هو كان غتت بس برضو حليت , وانت عملت ايه يا ياسر ؟

الحمدلله كويس , اهو امتحان عدا , عقبال الباقي

يارب ان شاء الله , ايه ده ! دي رحمة قاعدة لوحدها وبتعيط , شكلها عكت في الامتحان هههه

رحمة ! طب عن اذنك يا مروان اشوفها مالها

الله ! انت مش واخد عهد انك ما تتكلمش معاها إلا لما تخطبها رسمي ؟

يا اخي ما انت شايفها بتعيط , استنى لما اخطبها الأول وبعدين اسألها بتعيطي ليه !!! دانت غريب يا مروان يا اخي

ماشي يا عم الرومانسي , سلام

رحممممة مالك بتعيطي ليه ؟ حليتي وحش في الامتحان ؟

ما اعرفش

يعني ايه ما تعرفيش !!!

انا حاسة اني مخنوقة يا ياسر , عايزة اشوف بابا بأي طريقة وماما مش راضية تخليني اسافر

تسافري فين بس يا رحمة !!!

ياسر أنا لازم أسافر , والحل الوحيد  اني اسافر من ورا ماما

ازاي بس يا رحمة !!

عادي , هاخد عربيتي واسافر اسكندرية

يا بنتي هو انتِ عارفة السكة ولا عارفة أي حاجة !!!

هسأل في الطريق , وأكيد هلاقي اللي يدلني

بلاش جنان يا رحمة

الجنان اني اقعد لحد دلوقتي من غير ما اشوف بابا اهئ اهئئئئ أنا ما كنتش عارفة اني بحبه اوي كدة غير لما حسيت انه كان هيروح مني في لحظة , ماحدش حاسس بيا اهئ اهئئئئ

يا رحمة انا حاسس بيكِ ومقدر كل مشاعرك ناحية باباكِ , حقيقي الله يكون في عونك , بس برضو لازم تسمعي كلام مامتك

............ أنا مسافرة دلوقتي يا ياسر

استني يا مجنوووونة مش هسيبك تسافري يا رحمممممة

ابعد عني يا ياسررر مسافرة يعني مسافرررة

طب استني , انا هاجي معاكِ , مش ممكن اسيبك تسافري لوحدك من غير حماية

........... متشكرة يا ياسر

متشكرة على ايه ؟

متشكرة عشان بتخاف عليا

هه طب يلا بينا

**************************

خلف هذه الجدران,هبة عبد العظيم نور

**************************

اركب يا ياسر

ماشي يا ستي

على فكرة لازم تكلمي مامتك دلوقتي عشان تقوليلها انك هتتأخري

مش عارفة هقولها ايه , بس لازم اكلمها فعلاً

تررررررررن

الو , ايوة يا رحمة يا حبيبتي , عملتي ايه في الامتحان ؟

الحمدلله يا ماما , تمام

يعني حليتي حلو ؟

ايوة يا ماما والله , اطمني , ماما انا متصلة بيكِ عشان اقولك انّي هتأخر شوية

تتأخري شوية ليه ؟

أصل انا لسة هاخد ورق مهم بخصوص الأمتحان الجاي من كنزي , وهي دلوقتي راحت البيت عشان تجيبه

طب خديه منها وتعالي على طول يا رحمة

مش هينفع يا ماما , اصل الورق ده صعب اوي ولازم تشرحهولي

الله ! اومال يعني هترجعي امتى ؟

مش قبل المغرب

أيّوووووه المغرب ! ليه يا بنتي ؟

يا ماما بقولك لسة هتشرحهولي , ولا عايزاني اسقط في المادة الجاية !!!

خلاص يا بنتي , اني مش عايزة غير مصلحتك يا رحمة , سوقي على مهلك وانتِ راجعة

حاضر يا ماما , مع السلامة

مامتك صدقتك ؟

ايوة

طيب انا كمان هكلم ماما عشان ما تقلقش

اوكيه يا ياسر

تررررررررررررررررررررررررن

ايوة يا ياسر , عملت ايه في الأمتحان يا حبيبي ؟

كويس اوي يا ماما الحمدلله

اومال مال صوتك زي ما تكون حليت وحش ومصدوم كدة !!!

لالا أصل أنا بفكر في المادة الجاية , اصلها صعبة أوي

لا ما تخافش , هتبقى سهلة ان شاء الله عشان انا داعيالك

هه ربنا ما يحرمنيش من دعائك يا أمي يا عسل انتِ

ههه ربنا يخليك يا ياسر يا سكر انت , جاي امتى عشان تتغدا ؟

معلش يا ماما هتأخر عشان هروح اذاكر مع واحد صاحبي

مروان ؟

لالا واحد تاني انتِ ما تعرفيهوش

طيب يا حبيبي , ذاكروا كويس ربنا يوفقكو , مع السلامة

الله يسلمك يا ماما

قوليلي يا رحمة , انتِ عارفة عنوان فيلا باباكِ ؟

طبعاً يا ياسر

**************************

خلف هذه الجدران,هبة عبد العظيم نور

**************************

هي دي الفيلا يا ياسر

طب انزلي

..........................................

رحمة , مالك سرحانة في ايه ؟

............... سرحت في أول مرة جيت هنا , كان يوم فرح أوسا اختي , كنت جاية فرحانة قوي اني هشوف اخواتي اللي عمري ما شوفتهم , كنت فاكرة انهم اول ما يشوفوني هيفرحوا قوي ويجروا عليا وكل واحد فيهم يخطفني من التاني عشان يبوسني , لكن ........ لكن للأسف اتصدمت صدمة عمري لما لقيت اختي اللي جيت مخصوص عشان احضر فرحها كشّرت اول ما شافتني , وفضلت تشتمني وتقول كلام وحش على أمي , عاملتني كأني عدوتها , واللي  اتصدمت فيه اكتر واترعبت منه هو أدهم اخويا , ياااااااه مش قادرة انسى نظرة الكره اللي شوفتها في عنيه أول ما شافني , ولا قادرة انسى قسوته وتهديده ليا بالقتل لو جيت الفيلا تاني

........... طب انتِ جيالهم ليه يا رحمة بعد القسوة اللي شوفتيها منهم دي كلها ؟

أنا جاية لابويا يا ياسر , يلا انزل

ماشي

**************************

خلف هذه الجدران,هبة عبد العظيم نور

**************************

ترررررررررررررررررررررررررررررررررررن

روحي يا بت يا عطا افتحي الباب وتعاليلي بسرعة عشان نكملوا الطبيخ ونشوفوا اللي ورانا

حاضر يا خالتي شوقية

*********************************************

افندم

أنا رحمة عادل سليم

رحمة ! هو انتِ بقى الست رحمة ! ماشاء الله عليكِ زي القمر ههه داني سَمَعت عنك وعن جمالك يامَا

سمعتي عني من مين ؟

من خالتي شوقية , اهلاً وسهلاً يا ست رحمة , اتفضلي ممم اتفضل يا  أستاذ ؟

متشكر

تعالى يا ياسر , من فضلك قولي لبابا انّي جيت عشان اشوفه

حاضر

بت يا عطاااااااا

طب هنردوا على خالتي شوقية , بالإذن

**************************

خلف هذه الجدران,هبة عبد العظيم نور

**************************

ايوة يا خالتي شوقية

مين اللي جَه يا بت يا عطا ؟

دي الست رحمة

رحمة ! رحمة مين ؟

بنت الحاج عادل , دي حلوة قوي وجمالها ما يتوصفش يا خالتي شوقية زي ما قولتيلي  , ماشاء الله عليها , هي امها حلوة زيها كدة ؟

هي امها ما جاتش معاها يا بت ؟؟؟

لا , دي معاها واحد

واحد !!!!!

ايوة ,لكن انتِ مش قلتي انها مش متجوزة ؟

.................. اني رايحة نشوفوها

واني هنطلع نبلغ الحاج عادل

أهلاً أهلاً يا ست رحمة يا أعز الحبايب ههه نورتي بيت ابوووكِ

انتِ دادة شوقية , أنا فاكراكِ كويس

يفتَكَرك السعد والهنا يا حبيبتي أهلاً وسهلاً , اومال مين بسلامته ؟

ده ياسر جارنا

جاركو !!!

ازيك يا دادة شوقية

اهلاً وسهلاً يا ابني , هي والدِتك عارفة انك جاية هنا يا رحمة يا بنتي ؟

لا , انا جيت من وراها عشان اشوف بابا

طب دي أصول برضو يا بنتي انك تيجي من غير علمها  ! صحيح هنا بيت ابوكِ وما روحتيش لحد غريب , لكن برضو ما كانش يصح انك تتنَقَلي من بلد لبلد من غير إذن والدتك

.....................................................

اقعدي يا بنتي , عطا طَلَعت تدي خبر للحاج عادل

اقعد يا ياسر

**************************

خلف هذه الجدران,هبة عبد العظيم نور

**************************

تن تن ست سعاد

أيوة يا بت يا عطا

الست رحمة جت تحت عشان تشوف الحاج عادل

رحمة !!! رحمة بنت أشجان ؟؟؟

رحمة بنت الحاج عادل يا ست سعاد

أمها معاها ؟

لا , معاها واحد

واحد ! واحد مين يا بت ؟

ما نعرفوش , يمكن خطيبها يا ست سعاد

خطيبها يعني ايه ! البت دي مش مخطوبة

ما نعرفوش حاجة

طب انزلي دلوقتي يا بت واني هنحصلوكِ

هي بتقول عايزة تقابل الحاج عادل

لا , اني اللي هننزلولها , اوعي تجيبي سيرة لعادل ان البت دي هنا , فااااااهمة ؟؟؟

حاضر يا ست سعاد

اني هندخلوا نلبسوا وننزلولها , اسبقيني يا بت

حاضر ممم شكل الست سعاد ناوية على حاجة

**************************

خلف هذه الجدران,هبة عبد العظيم نور

**************************

أما نفتحوا الراديو لعادل عشان ما يسمعش صوتنا تحت ................هنفتحولك الراديو يا عادل , انا عارفة انك بتحبه

شغليه على محطة القرآن الكريم يا سعاد

عيوني , وهنعلهولك ع الآخر عشان تنسجم 

**************************

خلف هذه الجدران,هبة عبد العظيم نور

**************************

اهلاً اهلاً اهلاً يا ألف مرحب , ازيك يا رحمة , نورتي بيت ابوكِ ههه

........... اهلاً يا طنط , هو بابا فين ؟

طب مش قبل ما تسألي على ابوكي تعرفيني ع المحروس !

ده ياسر جارنا

جاركو ! هههه, جاية من القاهرة لاسكندرية مع جاركو !!! والله وامك عَرَفت تربي بصحيح

طنط من فضلك انا ما اسمحلكيش تجيبي سيرة ماما بنص كلمممممممة

وطي صوتك يا بتتتتتتتت , اني ما حدش يعلي صوته في بيتييييي

لا بقى يا طنط , البيت ده بيت بابااااا , يعني بيتي انا كمااااااان

هههه صحيح ! أمك بقى اللي باعتاكِ تقولي الكلمتين دول !!

أنا مش هرد عليكِ احتراماً لبابا , أنا عايزة أقابله

ههه بس كدة ! غالية والطلب رخيص , نص ساعة وبابا هيكون هنا , شوقيييييييييييية

نعم يا ست سعااااااد

هاتي اتنين شربات لبنت اشجان وصاحبها اللي جانا لحد هنا على سهوة

ايه صاحبي دي ! ما تتكلمي كويس يا ست انتتتتتتِ

هو مش صاحبك ! معلش , غَلَطت , يكونش جوزك وما حدش ادانا خبر يا بنت اشجان !!!

اوووووف انا مش هتكلم معاكي ولا كلمة , انا هستنى بابا

ههه وماله , استني بابا يا رافعة راس بابا ,اوعي من وشي يا شوقييييييية

حاضر,بالإذن يا ست رحمة ,شوية ونرجعولك

اتفضلي يا دادة شوقية

**************************

خلف هذه الجدران,هبة عبد العظيم نور

**************************

ايه يا ست سعاد الكلام اللي قولتيه للست رحمة ده ! ما كانش له لزوم تزعليها كدة

هي لسة شافت حاجة الفاجرة ددددي , جاية ساحبة في ايدها راجل غريب ومش عايزاني نسمعوها كلمتين يسموا بدنها !!! لولا ان عادل عيان والدكتور محذرنا من زعله كنت طَلَعت قولتله انزل شوف تربية اشجااااااااان , بس وربنا لنربوها هي وامهااااا , وهي اللي جت برجليها ,  الحمد لله ان أدهم رَجَع امبارح,اوعي يا بت اما نتصلوا بيه

يا خبر اسووود  !!! استر ياااااارب , بلاش سي ادهم  يا ست سعاد نبوسوا ايدكككك

مالكيش دعوة انتتتتِ غوري ع المطبخ شوفي اللي ورااااااكِ

......... حاضر يا ست سعاد , ألطف يااااااارب

تررررررررررررررررررررررررررررررررررن

مساء الفل يا برنسيسة

مساء النور يا أدهم , عايزاك تجيلي الفيلا ضروري

في ايه يا امّا ؟؟؟

البت بنت أشجان هنا وجايبة معاها راجل

راجل ! راجل مين ده ؟؟

أل جارهم , المتربية بنت المتربية هيهيييي

ودي ايه اللي جابها ؟؟؟

جاية تزور ابوك

وابويا شافها ؟

لا , أبوك قفلت عليه باب الأوضة وشغلت الراديو ع العالي

طيب يا امّا , هنجولك دلوقتي ع الفيلا , وربنا لنحزنوا امها عليهاااااااا

تعيش يا أدهم , وده اليوم اللي كنت بنستنوه من زمان , اشفي غليلي يا أدهمممم طفي النار اللي قايدة في قلبي بقالها سنين يامَاااااا

هيحصل يا امّااا

**************************

خلف هذه الجدران,هبة عبد العظيم نور

**************************

رحمة , انا بقول اخرج استناكِ برا , شكل وجودي هيعملك مشاكل

لا يا ياسر , بابا عارف كويس قوي علاقتنا كجيران , وأكيد هيقدّر انك جيت معايا عشان خايف عليا

أيوة بس كلام مرات باباكِ صعب قوي

سيبك منها

**************************

خلف هذه الجدران,هبة عبد العظيم نور

**************************

ست رحممممة , الله يخليكِ خدي الجدع اللي معاكِ ده وامشي دلوقتي

ليه  يا دادة شوقية ؟

يا بنتي الست سعاد اتصلت ب ............

شوقييييييييييييييية

أيوة ايوة يا ست سعاد جاااااااااية

هي كانت عايزة تقول ايه يا رحمة ؟

مش عارفة , ما يهمكش , مجرد ما نقابل  بابا  كل حاجة هتتحل

**************************

خلف هذه الجدران,هبة عبد العظيم نور

**************************

ترررررررررررررررررررررررررررررن

ده أكيد أدهم , روحي افتحيله يا شوقية

استر يا رب , عديها على خير يااااااااارب

اهلاً يا سي أدهم , يا مصيبتي ! انت جايب معاك الرجالة دول ليه !!! بالله عليك بالراحة وكل حاجة تتحل بالهداوة , الست رحمة مهما كان اختك

مش شغلكككك , ما تتحَشَريش في اللي مالكيش فييييه , خليكو هنا جنب الباب , لما ننادوا عليكو تدخلوا

أمرك يا باشااااااا

ألطف يا رب ألطططططف , ربنا يستر عليكِ يا ست رحمة ,  اني قلبي وَقَع في رجلي من الخوف

***************************************

ولحد هنا وانتهت حلقاتنا لهذا اليوم

*************

إنما ايه الحلاوة دي ! ايه الجمع السعيد ده,متجمعين عند النبي إن شاء الله هههه عليه أفضل الصلاة والسلام

ايوة كدة ,اللمة حلوة ,وعلى رأي المثل ,مدونة من غير ناس ما تنداس هههه

كل حبيباتي القمرات اللي سجلوا في المدونة لأول مرة ,نورتوني والله كل واحدة بإسمها,ولولا ان المكان محاصر عندي ومش عارفة اقعد على اللاب براحتي كنت رحبت بيكم واحدة واحدة ,بس ملحوقة إن شاء الله لينا قعدة طويلة مع بعض وندردش كتير إن شاء الله ,رغم اني حاسة ان بعد الرواية مش هشوفكو تاني في المدونة ههه هتيجو ليه تاني بعد الرواية ! اما اشوف ساعتها من باقي على العشرة ومين ما صدق الرواية خلصت ومشي ههه

بقول لكل اللي علقوا متشكرة ليكو جدا وبقول لكل الزوار وفريق المتابعة الصامتة تسلم رجيلكو ويا ألف خطوة عزيزة ,,ما نتحرمش من دخلتكو علينا المدونة آمين يارب هههه

********

*****************

بقول لكل اللي علقوا مستنية تعليقانكم وإيااااك واحدة تغيب ,هتاخد مخالفة هههه ده لو عايزين حلقات الخميس إن شاء الله

****************

اشغلوا اوقاتكم بذكر الله  والصلاة على الحبيب عليه الصلاة والسلام ,حتى اوقات انتظار الحلقات

سبحان الله ,الحمد لله ,لا إله إلا الله ,الله أكبر