الحلقة السبعين (ف2)
**************************
خلف هذه الجدران,هبة عبد العظيم نور
**************************
ترررررررررررررررررررررررررن ترررررررررررررررررررررن
ميييييين
افتحي يا منة انا باباااااا
بابااااا اهلاً يا بابا
اهلاً بيكِ يا ستي , في ست مسكينة واقفة برا اطلعي اديها العشرة جنيه دي عشان تاخدي ثواب
ست مسكينة ! هات يا بابا اديها العشرة جنيه واقولها ادعيلنا ماما ترجعلنا بالسلااااااامة
هههه روحي
اتفضلي ال........... ايه ددددددددده مامااااااااااااااااااا هههههههههه معقوووووووووول ! انتِ رجعتي يا حبيبتي ؟؟؟؟؟؟
هههههههه وحشتيني يا منووووونة امووووووووه
يا حبيبتي يا ماماااااااااا اموووووه امووووووه وحشتيني يا عسووووولة , البيت كان وحش أوي من غيررررك , هو انتِ الست المسكينة اللي بابا قالي عليها ؟
هههه ايوة
هههههه طب خدي العشرة جنيه بقى
ههه لا خليهالك يا حبيبتي , هاخد من باباكِ أكتر منها بكتيررر لازم اخد تعويض عن غيابي عن البيت , هااااني مش هتيجي تاخد الشنطة يا حبيبي !
لاااااااا زي ما شيليتها زي الشاطرة وخرجتي بيها , شيليها وادخلي بيها يا رشا هاااااانم
كدة يا هاني ! دي الشنطة تقيلة
من عنيا يا رشروشة , اخر مرة تعملي العملة دي وتسيبي بيتك
ههه حاضر يا حبيبي
تعالي يا ماما تعااااالي نورتي البيت والله , ياااااااه البيت كان كئيب بشككككككل !
ههه يا حبيبتي يا منة ! ممم اومال فين عبد الرحمن ؟
عبد الرحمن نايم يا ماما
ممممم سيدي ع الروقان , نايم ولا على باله , طيب , هدخل اصحيه واني طلعيلي كيس لحمة من الفريزر عشان الحق اطبخ واغديكو
حاضر يا مامتي هههه وحشني اكلك المسكرررر وكمان هساعدك بس ما تاخديش على كدة
هههه روحي يا حبيبتي , عن اذنك يا هاني يا حبيبي داخلة اصحي عبد الرحمن باشا
اتفضلي يا ام الباشا
**************************
خلف هذه الجدران,هبة عبد العظيم نور
**************************
عبد الرحمن , اصحى يا دكتور
ايه ده ! هو انا من كتر ما بفكر في ماما بقيت أحلم اني بسمع صوتها !
عبد الرحمن , اصحىىىىى ايه النوم ده كله !
لااااااا معقووووول مامااااااااا ! هههههه انتِ ماما بجددددددد ؟
لا عفريتة
هههههههه يا حبيبتي يا مامااااااا حمدالله ع السلامة يا جميييييييل
والله ! على العموم الله يسلمك , خروجي من البيت ده بينلي مين بيحبني بجد ومين اللي مش فارق معاه وجودي
كدة برضو يا ماما ! طب أنا مش جيت لحد عندك وانتِ ما رضتيش تقابليني !
وايه يعني ! كان المفروض تيجي تاني وتااااااالت , لكن انت بقى ما صدقت , كإنك عملت اللي عليك وخلاص
لا والله يا ماما , انا كنت هاجي تاني صدقيني , بس قلت اسيبك شوية على ما اعصابك تهدا , لكن انتِ جيتي ازاي ؟
ايه جيت ازاي دي ! جيت زي الناس
لا ما اقصدش , يعني حنيتي لينا وجيتي من نفسك كدة ولا ضغظ من القيادة العليا ؟
ههههه القيادة العليا بجلالة قدره هو اللي جالي لحد بيت بابا وصالحني وجابني على هنا
هههههههههههه يا عيني ع الحب
ولددددددد احترم نفسككككككك , انت بتتكلم عن باباك ومامتككككك
احلى بابا وماما في الدنيا يا ست الكككككل , وبعدين فيها ايه يعني لما نشوف بعنينا حب بابا ليكي ! ما احنا كدة بنتعلم من سيادة العميد ههه
ممممممم عشان تعمل كدة مع اللي اسمها سهير !
ماماااا ههههه انتِ رضيتي عن سهير
لا طبعاااااااً , أنا بس هعمل زي باباك واعصر على نفسي عشرين شجرة لمون ووافق على خطوبتك ليها
الله أكبرررررررر ههههههههه أهو ده الكلام يا ماما يا ست الككككككل بوسة بقىىىىىىى اموووووه
اوعي كدددددة ريحتك عرق ومحتاج تستحمىىىىىىى
هههههه عمرك ما هتتغيري يا ماما , هقوم اخد شاور وبعدين اجي اديكي بوسة على نضافة
ههه طب يلا , وانا هروح احضرلكو الغدا
**************************
خلف هذه الجدران,هبة عبد العظيم نور
**************************
تررررررررررررررررررررررررررررررررررررررررررن
موبايلك بيرن يا مسعد يا حبيبي
هاتيه يا حنونة من فضلك
اتفضل
متشكر ممممم يااااه ! ده هاني بيه , السلام عليكم يا هاني بيه
عليكم السلام يا باشمهندس ههه ايه يا سيدي ! ماحددش شافك ولا سمع صوتك من ساعة ما جيت سلمت عليا قبل ما تمشوا
والله غصب عني يا هاني بيه , مشغول بإدارة الشركة الجديدة بتاعة والدة المدام
مدام ! مدام مين ؟
المدام بتاعتي
الله الله الله ! ههههه انت اتجوزت يا مسعد ؟
ههه ايوة , اتجوزت من شهرين
ماشاء الله , ووالدة زوجتك عندها شركة ايه بقى ؟
شركة مقاولات , في الحقيقة هي بتاعتها هي والمدام , وطلبوا مني ادارتها
اختيارهم موفق جداً , احسنوا الاختيار
ربنا يخليك يا هاني بيه
بجد أنا مبسوط جداً من الأخبار السعيدة دي , ويا ترى المدام من عيلة مين ؟
والدها كان رجل أعمال الله يرحمه , اتعامل مع الشركة بتاعة جميل بيه كتير , وبعد ما توفاه الله زوجته طلبت مني اكمل بنى البرج اللي اتفق عليه معانا لكن للأسف مات قبل ما ننفذ المشروع , اتوليت أنا الإشراف على البنا والتسويق الحمدلله
ههه ومن هنا كانت معرفتك بالمدام طبعاً
هه بالظبط
ربنا يوفقك يا مسعد , انت تستاهل كل خير
ربنا يخليك يا هاني بيه , ده من ذوق حضرتك
طيب يا سيدي أنا كمان كنت متصل عشان أحدد معاك معاد لزيارة الوالد والوالدة بخصوص عبد الرحمن ابني وسهير اختك
عبد الرحمن وسهير !
نيجي امتى واحنا والعريس ؟
ههه والله يا هاني بيه انتو تشرفوا في أي وقت , اديني بس ساعة اعمل اتصلات بأبويا وامي وسعيد اخويا عشان اشوف ايه المعاد اللي يناسبهم
كنت فاكرك في البيت عندهم
لا والله انا في الفيلا
فيلا ! بسم الله ماشاء الله , طيب يا مسعد , منتظر تبلغني بالمعاد اللي حددتوه , السلام عليكم
عليكم السلام يا هاني بيه
مين هاني بيه ده يا حبيبي ؟
ده يا ستي يبقى راجل صاحب افضال عليا وهو اللي شغلني في شركة جميل بيه وكمان يبقى ابن صاحبة العمارة اللي كان ابويا بواب عليها , ومتصل دلوقتي عشان عايز يجيب ابنه ويخطبله سهير اختي
بجد ! هههه خبر يجنن , يبقى هنفرح بسهير قريب
ههه ان شاء الله يا حبيبتي
هاجي معاك عند طنط وعمي لما تحددوا المعاد
لالا انا مش عايزك تتحركي كتير عشان الحمل
يا حببي انا مش هبذل مجهود , انا بس كنت عايزة اكون جنب سهير في يوم جميل زي ده
خلاص يا ستي , مافيش مشكلة ان شاء الله , اكلم سعيد اخويا عشان اشوفه فاضي امتى عشان ده مواعيده ملخبطة وبعدين ابقى اكلم ابويا وامي
**************************
خلف هذه الجدران,هبة عبد العظيم نور
**************************
ترررررررررررررررررررررن تررررررررررررررررن
يووه ! مسعد ! هيقعد بقى يقولي ما بتزورش ابوك وامك ليه ويديني موعظتين ع المساااااا
تررررررررررررررررررررررررررررن
أرد ولا اطنش ! الواحد وراه دروس كمان شوية ومش فاضي
ترررررررررررررررررررررررررررررررررن
ماترد ع الموبايل يا سعيد ليكون حد عايزك في درس جديد ولا حاااااااجة
هو انا عندي وقت لحد جديد يا درررررة ! ده مسعد اخويا
يييييي تلاقيه هيقولك ابوك وامك وبرالوالدييييين رد عليه ولخص عشان احنا نازلين بعد نص ساااااااعة
تررررررررررررررررررررررررن
طيب طيب , الو , ايوة يا مسعد
السلام عليكم يا سعيد
عليكم السلام
انا متصل بيك عشان اقولك ان هاني بيه زاهر عايز يحدد معانا معاد عشان يخطب سهير لعبد الرحمن
سهيرررر ! سهير ميييييين ؟
هتكون سهير مين ! سهير اختك
معقوووووول ! هاني بيه زاااااااااااهر سيادة العميددددد ابن صاحبة العمارة عايز يخطب سهير بنت البواب لعبد الرحمن ابببببببنه !!!
هي اختك شوية ولا ايه !!! مالك بتقلل منها ومن شأنها كدة !!! اختك في كلية الطب وهتبقى دكتوووورة
ايوة , بس برضو هتفضل بنت البواب
حاجة ما تعيبهاش يا سعيد , واهو جه اليوم اللي واحد من عيلة كبيرة بيتودد لنا عشان يتجوزها
يتودد لمين !!! والله العظيم الواد اللي اسمه عبد الرحمن ده مخه ضااااااارب , بقى سايب بنات الطبقة الراقية اللي هو منها وعايز يتجوز اختككككك !
سعيددددد من فضلك ماحبش حد يتكلم عن اختي كدة
ما هي اختي انا كمااااااان , انا بس مستغرب ع الدنيا دي , ههه على العموم دي حاجة تسعدني , لما نناسب الكبار يبقى احنا كمان هنكبر
طب ما قولتليش فاضي امتى عشان اكلم ابوك وامك ونحدد معاد مع هاني بيه ؟
انا هضيلكو نفسي بكرة من خمسة لسبعة , وعليه العوض بقى في الدرسين اللي هلغيهم
ماشي يا سعيد , ما تتأخرش عن خمسة ان شاء الله
ان شاء الله , مع السلامة . ممممممم هو في ايه ! مال اخواتي حظهم من السما كدة ! مسعد يتجوز واحدة مليونيرة وتسكنه معاها في فيلا , وكمان امها تفتحله شركة ويعيش عيشة البهوات , والبت سهير هتتجوز ابن هاني بيه زاهر عميد الشرطة , اومال اشمعنى انا اللي حظي فقري واتجوز واحدة فقرية ونعيش العمر كله نلم القرش ع السحتوت وحارمين روحنا من متع الدنيا عشان نحوش قرشين من فلوس العالم الجعانة اللي بندي عيالهم دروس !!! حكمتك ياااااااارب
مالك يا سعيدددددد بتكلم نفسك ليييييييه !
من عجايب الدنيا يا درة , في عريس جاي لسهير اختي بكرة وهروح اقابله مع مسعد وابويا
عريس ! وده مين اللي حظه اسود ومنيل ده وهيتجوز اختك وش الفقر ددددددي !
هي برضو اللي وش فقرررررر ! دانتِ الفقر ذااااااااااته
انا فقر يا سعيددددددد !
هههه بهزر معاكِ يا حبيبتي , أصل البت سهير هتتجوز جوازة ما كناش نحلم بيهاااااا
هتتجوز مين يعني !!!
هتتجوز واحد زميلها في كلية الطب , ابوه يبقى عميد شرطة
ايييييييييه ! سهيررررررر !!! سهير اختك هتتجوز ابن عميد شرررررطة !!! ده كبيرها تتجوز واحد ابوه كمسرررررررري
شوفتي الحظ النار !!! هي ومسعد طول عمرهم محظوظيييييين ! صدق من قال , دنيا حظوووووظ
**************************
خلف هذه الجدران,هبة عبد العظيم نور
**************************
بقى معقول يا بت يا سهير الكلام اللي قاله مسعد اخوكي ده !!! هههه بقى عبد الرحمن هيجي يخطبك بكرة هو وابوه !!!
وفيها ايه يعني يا ماما ! هههه عادي , هو يطول !!!
لا بقى من ناحية يطول فهو يطول نجوم السما , بس هو اللي باصص في الأرض
كدة يا ماما ! يعني ده مقامي عندك !
لا والله يا سهير يا حبيبتي ما اقصد , انتِ مقامك عالي , عالي اوي يا دكتووووورة , انا بقول عليا انا وابوكِ , احنا فين وهما فين يا بنتيييي !
ما تقوليش كدة يا ماما لو سمحتي , مقامك انتِ وبابا من مقاااااااامي , ولو كان مقامي عالي يبقوا انتو كمان مقامكو عااااالي , عالي اووووووي , وإلا ما كانش ابن سيادة العميد صمم انه يتجوز بنتك
ربنا يكتبلك السعد كله يا بنتي
اومال فين بابا ؟
ابوكي من ساعة ما اتصل بيه مسعد وهو قاعد يكلم نفسه في الفسحة
فسحة ايه يا ماما ! اسمها ريسبشن , ريسبششششششن , اوعي تقولي فسحة دي قدام حد وتفضحيناااااا
ربنا ما يجيب فضايح يا بنتي , اسمه ريسوبشن ريسووووبشن , يلا بقى يا بنتي عشان نقعد مع ابوكي في الفسحة
******************************************
ايه يا عواد ! لسة مش مصدق نفسك !
لا والله يا فهيمة , الواحد مخه متمخول من ساعتها
هههه على ايه يعني يا بابا !!!
على ايه ازاي بس يا بنتي ! انا لسة من كام شهر كنت بمسح لهاني بيه العربية ويديني خمسين جنيه في ايدي , يبقى دلوقتي يجيب ابنه ويجي يخطب بنتي !
انسى يا بابا الأيام اللي فاتت , خلاااااااص مش هترجع تااااااااااني , دلوقتي احنا غير ومستوانا غيرررر , وشرف للدكتور عبد الرحمن انه يتجوززززني
ههههأ يا صلاة النبي يا بنت فهيمة , البت بنتك يا فهيمة بتتكلم ولا ولاد الوزرااااا
ايوة يا عواد , كإن أبوها من الأعياااااااان
هههه ايوة أنا من الأعيان , ابويا كان شيخ غفر وجدي مقاول انفار
طب كفاية هزار بقى يا بابا انت وماما وخلوني اكلمكو في مستوى اللقاء والمفروض يكون ازاااااي
هااااااااا !!!
مالكو في ايه ! شوف يا بابا , المفروض لما تقعد مع هاني بيه تتعامل معاه الند بالنددددد
ازاي يعني يا بنتي ؟
يعني ما تقولّوش يا هاني بيه , قوله يا هاني بسسسسس
اييييييه ! ايه يا بنتي اللي بتقوليه ده !!! العين ما تعلاش ع الحاااااجب
لا يا بابا لازم تعلى , وتعلى اووووي , بلاش الذل والإنكسار في لهجة كلامك معااااه , تكلمه زيه زيك وتتشرط عليه كماااااان , ده جاي لحد عندك عشان يخطب بنتككككك
اتشرّط عليه ماشي , لكن ارفع الكلفة لا , ما ينفعش يا بنتي اقول اسمه حاف كدة
خلاص يا بابا , على راحتك , المهم بلاش تعمل حاجة تقلل من مركزك
مركزي !!!
وانتِ يا ماما , ما تقلليش من نفسك قدام حرم سيادة العميد الست رشا هااااااانم , انتِ مش اقل منها يا مامااااا بلاش المسكنة اللي كنتِ بتكلميها بيها
ربنا يا بنتي يعدي بكرة على خير ونتفق ع الخطوبة على خير
ان شاء الله يا ماما ههه اطمني , عبد الرحمن متمسك بيا جدااااااً
**********************************************
انزلي يا رشا , هو ده العنوان , يلا يا عبد الرحمن هات علبة الشيكولاتة وتعالى
حاضر يا بابا , يلا يا ماما , واقفة بتبصي ع البرج كدة ليه زي ما تكوني اول مرة تشوفي ابراج !!
بستغرب , بقى فهيمة وعواد ساكنين هنا !
ههه شوفتي بقى مستوى العروسة واهلها !
لا يا شيخ !!! على اساس اننا ما نعرفش هما مين يعني !
طب يلا يلا عشان بابا واقف مستنينا
يلا يا سيدي ممممم بقى عواد البواب ومراته يسكنوا في برج زي ده !!! حاجة غريبة
**************************
خلف هذه الجدران,هبة عبد العظيم نور
**************************
سهير خلصت لبس ولا لسة يا فهيييييييمة ؟؟؟؟ الناس زمانهم جايين
بتلبس يا عواد , بتلبس ومعاها مرات اخوهااااا
ترررررررررررررررررررررررررررررررررررن
اهم جم يا فهيممممة استعجلي بنتكككك
طيب يا عواد طيب , خلي سعيد ولا مسعد يفتحوااااا
مسعد راح يفتححححح
اهلاً يا هاني بيه ههه
اهلاً يا باشمهندس , السلام عليكم
وعليكم السلام ورحمة الله , اتفضل في الصالون , اهلاً يا مدام اتفضلي
ميرسي
ازيك يا باشمهندس مسعد ههه
اهلاً يا دكتور عبد الرحمن اتفضل ههه
اتفضل علبة الشيكولاتة الأول
متشكرين جداً
اهلا اهلا يا هاني بيه , نورتنا يا فندم ههه
اهلا يا استاذ سعيد , ازيك عامل ايه
الحمدلله تمام , شرفتينا يا مدام
ميرسي
ههه ازيك يا دكتور , شرفتنا
ههه متشكر اوي يا استاذ سعيد , عم عوااااااد
اهلا اهلا يا بني , ازيك يا عبد الرحمن يا حبيبي
الله يسلمك , وحشتنا اوي يا عم عواااااااد
ما تشوفش وحش يا ابني , يا مرحب يا ألف مرحب يا هاني بيه ههه
ههه الله يخليك يا عواد , ازيك يا راجل يا طيب وازاي احوالك ؟
نحمده ونشكر فضله , ازيك يا مدام
اهلاً يا عواد
نورتونا والله , أم العروسة جاية تسلم عليكو اهيه , تعالي يا فهيمة
ازيك يا طنط فهيييييمة
اهلاً يا عيون طنط فهيييييمة هههه طنط فهيمة طالعة من بقك زي العسل يا دكتور عبد الرحمن
ههه متشكر أوي
يا أهلا يا أهلا يا هاني بييييه , ايه النور ده
ههه الله يخليكِ , ازيك انتِ يا أم العروسة
زي الفل الحمدلله , ازيك يا رشاااااااا
رشاااا !!! ممممم أهلاً يا فهييييمة
الحاجة فهيمة يا حبيبتي , اصل مسعد ابني ربنا يخليهولي طلعني عمرة انا وابوه الشهر اللي فات وزرنا الحبيب المصطفى عليه الصلاة والسلام , عقبال ما تزوري يا حبيبتي
عليه الصلاة والسلام , ان شاء الله يا فهيمة
ان شاء الله يا حبيبتي , يا مرحب يا مرحب , معلش يا جماعة العروسة لسة بتلبس , انتو عارفين العرايس بقى
روحي استعجليها يا فهيمة
حاضر يا حاج عواد
وانت عامل ايه بقى في شغلك يا استاذ سعيد ؟
تمام الحمدلله يا هاني بيه , التدريس بقى حاجة صعبة والطلبة ما بقوش زي زمان , تحس انهم لا شافوا تربية ولا حد فاضي يربيهم
للأسف , في فعلاً نسبة كبيرة من الطلبة يفتقروا إلى الأخلاق والسبب فعلاً عدم التربية , وانت اخبارك ايه يا باشمهندس ؟
الحمدلله تمام يا هاني بيه
باركله يا هاني بيه , مسعد ابني جايله عيل في السكة ان شاء الله
ههه ماشاء الله , الف مبروك يا باشمهندس
الله يبارك فيك يا هاني بيه هه اتفضل شيكولاتة
متشكر
اتفضلي يا مدام
لا ميرسي مش عايزة
على راحتك
**************************
خلف هذه الجدران,هبة عبد العظيم نور
**************************
ايه يا سهيررررر ! لما انتِ خلصتي لبس يا بنتي ما جتيش تسلمي ع الناس ليييييييه !
ايه يا ماما ! اسلم عليهم أول ما يجوا كدة !!! مش لازم يستنوني شوية على ما احن عليهم ! ولا عايزاهم يفتكروا اني ما صدقت انهم جم !
سامعة كلامها اللي يفور الدم يا حنان يا بنتي ؟
ههه معلش يا طنط , عروسة وبتتدلع بقى
قوليلها يا حنان , ولا انا مش من حقي اتدلع !
هه من حقك طبعاً , ايه رأيك في الفستان على سهير يا طنط ؟
حلو والدكتورة محلياه اكتر
ههه ميرسي يا ماما
طب يلا يا سهير الله يهديكِ
اوكيه يا ماما , روحي انتِ وانا خمس دقايق وهحصلك
طيب , ما تتأخريش عن خمس دقايق
**************************
خلف هذه الجدران,هبة عبد العظيم نور
**************************
جرا ايه يا فهيييمة الناس بقالهم زيادة عن نص ساعة قاعدين , وهاني بيه عمال يبص في ساااااعته
اعملها ايه ! بنتك دماغها ناشفة وما حدش بيقدر عليها يا عواد , اهي جت اهيه , تعالي يا عرررروسة ههه
ياااااه سهير ههه
السلام عليكم
عليكم السلام ورحمة الله
ازيك يا عمو هاني
ازيك انتِ يا سهير ههه اخبارك ايه ؟
تمام الحمدلله مممم ازيك يا طنط
اهلاً
ازيك يا عبد الرحمن
ازيك انتِ يا سهيررررر ههه
كويسة الحمدلله , اوعى يا مسعد هقعد جنبك
تعالي , اتأخرتي كدة ليه يا سهير ؟
معلش
دي مدام حنان مراتي يا جماعة
السلام عليكم
عليكم السلام يا مدام
اقدملك هاني بيه يا حنان
اهلاً وسهلاً يا هاني بيه
اهلاً بيكِ يا مدام , اقدملك مدام رشا , المدام بتاعتي
اهلاً مدام رشا , شرفتينا
اهلاً بيكِ , الشرف ليا أنا مممم حقيقي البرج ده بتاعك انتِ ووالدتك ؟
هه ايوة , عندنا غيره خمس ابراج , بتدوري على شقة ولا ايه يا مدام رشا ؟
ههه يعني مممم بقى واحدة من عيلة كبيرة زي الهانم اللي شايفاها قدامي دي تتجوز ابن البواب !!! ياربي , هتجنن , دي لابسة مجوهرات من ارقى ما يكون , ولبسها كمان رغم انه محتشم لكن شيك اووووي , غريب حظ ولادك يا عواد , اهي بنته هتتجوز ابني وهتناسب عيلة كبيرة
ايه يا رشا , مالك باصة على المجوهرات اللي لابساها مرات مسعد وهتاكليها بعنيكي كدة ! الناس تقول علينا ايه !
ها! انا مش باصة ع المجوهرات والله , انا بس سرحت وعيني اتثبتت عليهم غصب عني
طب شيلي عينك من عليهم عشان فهيمة خدت بالها
طيب طيب يا هاني
قوم يا سعيد يا ابني هات الحاجة الساقعة والحلويااااااات
حاضر يا ابويا هه هو احنا هيجيلنا اعز من هاني بيه !
ههه متشكر يا سعيد , هتتخصصي ايه يا سهير ان شاء الله ؟
باطنة ان شاء الله يا عمو هاني , وبعد ما اخد البكالوريوس هسافر اكمل دراستي برا
انا معجب بطموحك جداً يا سهير
ههه ميرسي قوي يا عمو
**************************
خلف هذه الجدران,هبة عبد العظيم نور
**************************
اتفضلوا الحاجة الساقعة والحلويات , اتفضل يا هاني بيه الطبق بتاعك
شكرا يا سعيد
اتفضلي يا مدام
لا ميرسي , عاملة دايت
اوكيه يا مدام , اتفضل انت يا عبد الرحمن
متشكر يا استاذ سعيد ههه
طب ندخل في الموضوع بقى يا جماعة , انا يسعدني ويشرفني اخطب سهير بنتك لعبد الرحمن ابني يا حاج عواد
ههه دي حاجة تشرفنا يا هاني بيه , احنا ...............
بابااااااا , انا اللي لازم أرد على طلب هاني بيه لإن الموضوع يخصني
سيبها يا عواد , وايه رأيك يا سهير ؟
اسفة , انا مش موافقة
اييييييه !!
سهيرررر ! انتِ رفضاااااااني ؟
استنى انت يا عبد الرحممممممن , يعني ده ردك الأخير ولا احنا فهمنا غلط يا سهير ؟
لا يا عمو هاني ما فهمتس غلط , انا رافضة الجواز من عبد الرحمن , عن اذنكو
سهيررررر استني
عبد الرحمممممن اظن كلامها كان واضح ومش محتاج تفسير , اتفضل هات والدتك وتعالى , اظن ما فيش داعي لوجودنا بعد اللي حصل , السلام عليكم
روح وراه يا سعيد يا ابني هديه بكلمتييييين
استنى يا هاني بييييييه
يلا يا عبد الرحمن عشان ننهي المهزلة دددددي , يلااااا
.......... حاضر يا ماما
استني يا ست رشااااااا ما تزعلش يا عبد الرحممممن لا حول ولا قوة إلا بالله , منك لله يا سهير يا بنتييييي
اما ادخل اشوف البت المجنونة دي عملت كدة لييييييه
بت يا سهيررررر
انا الدكتورة سهير يا مامااااااا
بلا دكتورة بلا طيييييين , حد يعمل عملتك السودة دددددددي !
وانا كنت عملت ايه يعني
دانتِ وقعتك سودة مع ابوكي واخواااااتك
تن تن سهير
اتفضل يا مسعد
ممكن اعرف عملتي كدة ليه ؟؟؟
انت يا ست سهيرررررر انتِ اتجننتيييييي ! انتِ يللي ما تساويش أي حااااجة ترفضي عبد الرحمن ابن هاني بييييييه ! انتِ فاكرة نفسك ايييييييييييه ؟
سعيدددددد انا ما حبش حد يقلل من شأنيييييي , ايه يعني عبد الرحمن ددددددده ! ايه يعني عيلتتتتتتته !
هو انتِ فاكرة نفسك هتعوضي واحد زي عبد الرحمن ولا عيلة زي عييييييلته ! تبقى مجنونة لو كنتي فاكرة كدددددددة
انا مجنونة يا سيدي , عايز حاااااااااااااجة !
والله العظيم انتِ عايزة تتضررررررربي
سعيدددددددد سيبهاااااا هي حرة
ولما هي رافضاااااااه بتخليه يجيب اهله لحد هنا لييييييييه ! عشان ترفضه وتحرجه قدام الكككككككل ! على العموم انا غلطان اني اسيب شغلي واجي عشان حتة بت زي دددددددي , انا ماااااااااااشي
اهئ اهئئئئئئئ شايف يا مسعد الأسلوب اللي بيتكلم بيه معايا !!!
........... ليه عملتي كدة يا سهير ؟
اهئ اهئئئئئئئ عشان الست مامت عبد الرحمن ما تفتكرش بخيالها المريض اني ما صدقت ان ابنها اتقدملي وانه فرصة بالنسبة لي اهئ اهئئئئئئئ عشان الكل يعرف اني بني ادمة من حقي اقبل وارفض على مزاااااااجي اهئ اهئئئئئئئئئ انا مش جارية عشان ابن البيه يجي يسحبني من ايدي ويقولي انا منيت عليكي واتجوزتك يا بنت البواب اهئ اهئئئئئئئئئئئئئئئ
تعالي في حضني يا سهير
اهئ اهئئئئئئئئئئئئئئ انا تعبانة يا مسعد اهئ اهئئئئئئئئئئئ
بس يا حبيبتي اهدي , اهدي يا سهير
**************************
خلف هذه الجدران,هبة عبد العظيم نور
**************************
تررررررررررررررررررررررررررررررررررررن
ده اكيد بابا وماما وعبد الرحمن جم هههه
بابااااااا هههه ايه عملتوا اييييييه ؟
السلام عليكم يا منة
عليكم السلام , هو بابا ما ردش عليا ليه يا ماما ؟ في ايه يا عبد الرحمن ؟
مافيش , عن اذنكو داخل انام
في ايه يا ماما ! مالكو عاملين كدة ليه ؟
الست سهير هانم بنت البواااااااااب رفضت عبد الرحمن اخوكي
اييييييييييه ! سهير ترفض عبد الرحممممممممن !
شوفتي المهزلة !!! ده انا كان هاين عليا اديها ألمين على وشهااااااا , بقى بنت زي دي ترفض ابني أنااااااا ! ابن سيادة العميد هاني زاااااااهر !!!
طب ورفضت ليه يا ماما ؟
اكيد قصدها تذلناااااااا عايزة تعمل لنفسها قيمة على حسابنااااا , أنا مش صعبان عليا غير عبد الرحمن , اتصدم يا حبيب قلبي
يا خبر ! انا ما توقعتش كدة خالص يا ماما , كنت فاكراها هتفرح اوي ان عبد الرحمن اختارها رغم الفارق الاجتماعي عشان يتجوزها
اوووووف كفاية بقى يا منة كلام عنها , الواحد راجع مخنوووووق , كويس اننا ما قولناش لحد اننا رايحين نخطب البتاعة دي وإلا كان شكلنا بقى وحش اوي لو عرفوا انها رفضت ابنيييييي , انا رايحة اغير هدومي
**************************
خلف هذه الجدران,هبة عبد العظيم نور
**************************
بابا , انا زعلانة عشان عبد الرحمن اوي
ليه يعني ! عادي يا منة ان واحد يتقدم لواحدة وترفضه
ايوة يا بابا بس عبد الرحمن كان متمسك بيها اوي , هو حضرتك نسيت كل المشاكل اللي حصلت في البيت بسبب الموضوع ده ! تقوم في الآخر سهير ترفضضضضه !
حصل خير يا منة , جايز مش شايفاه مناسب ليها , مامتك فين ؟
ماما دخلت تغير هدومها
طيب هاتيلي كوباية مية من فضلك
حاضر يا بابا ممممم غريبة اوي سهير دي , بابا شكله متضايق اوي من الموقف , هودي لبابا المية واروح لعبد الرحمن اطمن عليه
اتفضل يا بابا
شكراً يا منة
انا هدخل لعبد الرحمن بقى
تعالي يا منننننة , سيبي اخوكي لوحده دلوقتي , اكيد ما عندوش رغبة يتكلم مع حد
ايوة يا بابا بس انا عايزة اطمن عليه
بعدين يا منة , مش دلوقتي , ممكن تأجليها للصبح ان شاء الله
خلاص يا بابا حاضر
*********************************************
ايه يا رشا , بقالك ساعة بتتقلبي في السرير وما نمتيش
مش جايلي نوم يا هاني , صعبان عليا ابني اوي
وابنك جراله ايه يعني ! انا مش عارف انتو مكبرين الموضوع ليه كدة !
انا هروح اطمن على ابني يا هاني , مش قادرة انام من كتر التفكير في الموقف السخيف والمحرج اللي الولد اتحط فيه
روحي يا رشا , انا عارف انك مش هتنامي إلا لما تنفذي اللي في دماغك
**************************
خلف هذه الجدران,هبة عبد العظيم نور
**************************
تن تن عبد الرحمن
اتفضلي يا ماما
كنت عارفة انك صاحي
حاولت انام وماجاليش نوم
زعلان ؟
.....................................
حبيبي الموضوع بسيط , ايه يعني واحدة رفضتك ! انت مليون واحدة تتمناك يا حبيبي ومن أكبر العائلاااااااات
اظن يا ماما خلاص ارتحتي بعد ما سهير رفضتني
اخص عليك يا عبد الرحمن ! هو انا عمري ارتاح وانا شيفاك تعبان يا حبيبي !
مش دي كانت رغبتك يا ماما ! خلاص , اهي سهير حققتهالك وانسحبت بهدوء
صدقني يا عبد الرحمن انا عايزة مصلحتك , سعادتي من سعادتك يا حبيبي , وانا عمري ما اكون سعيدة وانا شايفاك حزين بالشكل ده
عادي يا ماما , حالة نفسية وتاخد وقتها وتعدي زي كل حاجة ما بتعدي
مممم تصبح على خير يا حبيبي
وانتِ من اهله يا ماما
**************************
خلف هذه الجدران,هبة عبد العظيم نور
**************************
الفطار يا هاني يا حبيبي
ماشي يا رشا , اومال الولاد فين ؟
عبد الرحمن قال مالوش نفس ومنة لسة نايمة
ومالوش نفس ليه الباشا ؟
معلش يا هاني , اللي حصل برضو مش شوية
صبيلي الشاي
حاضر , .............. اتفضل , هاني حبيبي , هروح النهاردة اتغدا مع دعاء وماما وبابا , اصلهم عزموني ونسيت اقولك
طيب يا رشا , هعدي عليكِ بالعربية بالليل , اول ما ارن عليكي تنزلي
اوكيه يا حبيبي , لكن مش هتطلع تسلم عليهم ؟
يووو يا رشا , ما انتِ عارفة مامتك وكلامها اللي يفور الدمممم انا ما بتحملشششش
معلش يا هاني يا حبيبي , ماما كبرت , حكم السن بقى
يبقى ابوكي اللي يتحملهااااا اني ماعنديش خُلق , وبعدين ما هي امي ست كبيرة اهيه واكبر من امك كمان , ما بتغلطش ليه في حد زي امك ما بتعمممممل !
ييي ممممم دايما يتكلم عن امه على انها اكتر كائن مثالي على الكرة الأرضية , ربنا يخليلك مامتك يا هاني يا حبيبي
ويهديلك امك يا رشاااا , انا نازل , السلام عليكم
عليكم السلام يا حبيبي
**************************
خلف هذه الجدران,هبة عبد العظيم نور
**************************
ترررررررررررررررررررررررررررررررررررن
افتح الباب يا عوااااااد
حاضر يا فهيمة هانم , ما انا اشتغلت عندك يا بنت كلاف المواشي , الولية من ساعة ما سكنت في الشقة دي وماحدش عارف يكلمها , مين ! الست رشااااااااا ؟
ازيك يا عواد
الله يسلمك يا ست الككككل , اتفضلييييي , فهيييييمة يا فهيمممممة , الست رشا نورتناااااا
اييييييييه ! الست رشااااا هههه ازيك يا ست رشااااا
ازيك انتِ يا فهيمة , يا ترى سهير موجودة ؟
ايوة موجودة , هتروح فين ! طول الاجازة ما بتخرجش , بتقعد تذاكر وتقرا ليل ونهار ع الكمبوتر
كمبوتر !!! طب ممكن اقابلها ؟
من عيني يختي حاضر , اتفضلي استريحي وانا هبعتهالك
لا , انا عايزة اتكلم معاها لوحدنا , ممكن ادخلها اوضتها
طب استني اديها خبر يا ست رشا
سهيرررر
نعم يا ماما
الست رشا جت وعايزة تدخلّك
مدام رشا !!!! عايزة ايه يعني ؟
ماقالتش , بس اكيد برضو بخصوص عبد الرحمن , اسمعي بقى يا سهير , وافقي ع الواد ليعمل في روحه حاجة وتبقي انتِ السبب
ههههههه مش للدرجة دي يا ماما , الحب الأفلاطوني ده انتهى من زمان
ايه الحب الفلفطوني دي ! حب ايه يا بت وقلة ادب ايه ! انا اقصد يعني ان الواد شايفك عروسة كويسة ولقطة وهتربي عياله تربية حلوة
اربي عياله ! ايه يا ماما في ايه ! انتِ جوزتينا واحنا مش دريانين ! على العموم خلي مدام رشا هانممم تدخل اما اشوف عايزة ايه
اوعي تكسري بخاطرهاااااا , يا رب يا بنتي يعدلك دماغك المشقلبة وتشوفي مصلحتك , اتفضلي يا ست رشااااااا
ميرسي يا فهيمة
صباح الخير يا سهير
صباح النور يا مدام رشا , اتفضلي
ميرسي مممم تعرفي ان اوضتك حلوة اوي , بحب اللون الفيليت في الميبل
فعلاً , الفيليت هادي وبيضفي على الميبل شاعرية
ههه دانتِ رومانسية بقى !
هه! وايه الغريب في كدة !
كنت معتقدة انك شخصية عملية ودراسة الطب طغت على شخصيتك
دراستي للطب دي جزء من طموحي , أما شخصيتي فأكيد منفصلة عن نوعية دراستي
رفضتي عبد الرحمن ابني ليه يا سهير ؟
هو أنا مش من حقي أرفض يا مدام رشا ؟
من حقك طبعاً ترفضي لما يكون الإنسان مش مناسب
ههه وانتِ شايفة بقى ان ابنك مناسب عليا ولازم اقبله مش كدة !
اللي أنا واثقة منه يا سهير , انك بترفضي من أجل الرفض , عايزة تثبتي لنفسك ولينا إن انتِ اللي في الموقف الأقوى وعشان كدة رفضتي عبد الرحمن , كلامي صح يا سهير ؟
لا يا مدام رشا , أنا ما رفضتش عبد الرحمن من أجل الرفض , أنا رفضت ارتبط بإنسان تكوني انتِ أمه
ايه !!! ممكن تفسير لكلامك المهين ده ؟
كلامي ما اقصدتش بيه أي أهانة يا مدام رشا , أنا قصدت أبعت رسالة لحضرتك من ورا رفضي لعبد الرحمن
ورسالة ايه دي بقى !
حضرتك كنتِ متوقعة ان اقصى طموح ليا في الدنيا اني اتجوز ابن سيادة العميد , ابن حضرتك يعني يا مدام رشا , لإن في رأيك ان البنت اللي زيي وفي ظروفي اقصى أمانيها الإنتساب لعيلة كبيرة زي عيلة حضراتكو , لا يا رشا هانم , مش جوازي من عبد الرحمن اللي هيعلي من شأني ويرقيني , نجاحاتي وتحقيق ذاتي هو اللي هيخليني في أعلى الدرجات , أنا هخلص دراستي واسافر اكمل دراستي برا إن شاء الله , هو ده الإنجاز الحقيقي , انما ابن حضرتك بقى دوريله على واحدة من بنات الطبقات الراقية عشان حضرتك تقدري تتباهي بيها وتقولي مرات ابني بنت فلان بيه وحفيدة عيلان باشا , أما أنا فطريقي مش طريق عبد الرحمن
سهير , حقيقي دي أول مرة في حياتي اتكلم معاكِ , وبجد ما توقعتش نضوج فكرك وشخصيتك بالشكل المبهر ده , لو قولتلك ان أنا أكون فخورة جداً لو قبلتي تتجوزي ابني هيكون ردك ايه يا دكتورة سهير ؟
................ عن اقتناع حقيقي يا مدام رشا ؟
قولي يا طنط رشا , عايزة اسمعها منك
هه حاضر يا طنط رشا , خلي عمو هاني يتصل بمسعد اخويا عشان يحدد معاد , ده اذا كان عبد الرحمن لسة متمسك بيا
هههه تسمحيلي ابوسك قبل ما امشي
ههه انا اللي هبوس حضرتك
**************************
خلف هذه الجدران,هبة عبد العظيم نور
**************************
ايه يا رشا ! اخيراً اتكرمتي ونزلتي !بقالي عشر دقايق واقف بالعربيييية
معلش يا هاني يا حبيبي , اصل دعاء كانت بتعيط واعصابها تعبانة , حاولت اهديها
بسبب جوزها وولادها برضو !
هما اللي عملوه فيها شوية ! طب دانا اللي يحكمني عليهم اضربهم بالرصااااااص
ههههه يا جامد انت , يا ستي ربنا يهديهم
يارب يا حبيبي , على فكرة لك عندي خبر يجننن , كان نفسي اتصل بيك واقولهولك بس قولت أأجله لحد ما اشوفك بالليل
خير ؟
سهير وافقت على عبد الرحمن
سهير ! وانتِ عرفتي منين ؟؟؟؟؟؟
مممم اقولك وما تتعصبش عليا
لا قولي وهتعصبببببب في ايه يا رشااااااا ؟
يا نهار ابيض , ايه يا هاني , يا حبيبي بالراحة عليا انا بتخض والله
اتكلمي يا رشااااا
طب انا بس هوصلك الصورة الصح , انا يا حبيبي أم وصعب عليا اشوف ابني بيتعذب
هاااا وبعدين
لما شوفت عبد الرحمن في الحالة الوحشة دي قلبي وجعني اووووي ما انا أم بقى يا حبيبي
يووووووو هاتي من الآخر يا رشاااااااا
أأأأ انا روحت لسهير واتكلمت معاها واتصافينا وحبينا بعض خالص وقالت انها موافقة تتجوز ابني
روحتي لسهيررر ! من ورايا يا رشااااااا !
يا حبيبي والله ما اقصد ازعلككككك انا بس كنت هموت واعرف هي عملت كدة لييييييه
وعرفتي ؟
ايوة , كانت رفضاه بسببي
ههههههههههههههههههههههههههههههههههه والله كان قلبي حاسس
بتضحك على ايه يا هاني ! انا وسهير اتصالحنا وخلاص الحمدلله وافقت
انا بقى مش موااااااااافق
اييييييييه ! لا يا هاني ارجووووووك اوعى ترفض جواز عبد الرحمن من سهير وتحطم الولدددددد
هههههه سبحان الله ! بقى انتِ دلوقتي اللي بتتحايلي عليا عشان اوافق على جواز عبد الرحمن من سهير ! دانتِ سيبتي البيت لأول مرة في حياتك من يوم ما اتجوزنا عشان تمنعي الجوازة دي , ايه اللي جرا في الدنيا !
ههه جرا كل خير يا حبيبي , اقتنعت ان البنت كويسة , وأهم حاجة سعادة ابني حبيبي , اتصل بالباشمهندس مسعد بقى عشان تحدد معاه معاد
طيب ان شاء الله , نوصل البيت بس واستريح واكلمه ان شاء الله
**************************
خلف هذه الجدران,هبة عبد العظيم نور
**************************
انتِ بتقولي ايه يا ماماااااااا ! هههههه بجد روحتي لسهير واقنعتيهاااااا ؟
ايوة , ومالك فرحان اوي كدة ! انت هتحبها اكتر مني ولا ايييييييه !
ابداً يا ماما أبدااااااً , في حد في الدنيا يحب حد أكتر من مامته حبيبته ! ههههه امووووه
ههه ميرسي
طب بابا كلم الباشمهندس مسعد ولا لسسسسسة ؟
لسة , قالي هيشرب الشاي ويكلمه
يووووو لسة هيشرب الشاااااااي , باباااااااااا
**********************************************************
هههه يا هاني بيه داحنا يسعدنا ان حضرتك تشرفنا بزيارة تانية , لكن المرة دي هتكون عزومة ع الغدا عندي في الفيلا
هههه ماشي يا باشمهندس , عزومة مقبولة , حددلنا معاد مناسب ليك وللأسرة الكريمة
ان شاء الله هتصل بسعيد اخويا واشوف ظروفه واتصل بحضرتك , مع السلامة يا فندم
ايه يا مسعد يا حبيبي الأخبار الحلوة دي ! ههه هو عريس سهير هيجي تاني ؟
ههه ايوة يا حنونة يا حبيبة قلبي يا وش السعد كككككككله , من يوم ما اتجوزتك وانا كل يوم بتحصلي حاجة حلوة في حياتي
هههه يا حياتي انت , حلوة اوي فكرة عزومة الغدا دي , داحنا هنجيب طباخين مخصوص من ارقى الاوتيلات لليوم ده
ليه يا حبيبتي ! هي حفلة جواز ! دي عزومة عادية تقدر تقوم بيها سيدة
خلاص يا حبيبي , نأجل الاحتفالات الجامدة ليوم خطوبتهم ههه
هو احنا هنعمل خطوبتهم هنا في الفيلا ؟
ايوة طبعاااااا الجنينة واسعة ونحتفل فيها براحتنا , مبروك لاختك يا حبيبي ههه
ههه الله يبارك فيكِ يا روح قلبي
**************************
خلف هذه الجدران,هبة عبد العظيم نور
**************************
انت نورت الفيلا يا هاني بيه والله ههه
الله يخليك يا مسعد , احلى حاجة انكو خليتو الحريم لوحدهم عشان ما يكبسوش على انفاسنا هههه
ههههه هما كمان ياخدوا حريتهم
عندك حق , ازيك يا سعيد
تمام الحمدلله يا هاني بيه هه
ها يا حاج عواد , رأيك ايه في جواز عبد الرحمن من سهير ؟
هو انا اقدر اقول حاجة يا هاني بيه ! سهير ما تغلاش عليكو
طيب خير الحمدلله
بابا هات ودنك
في ايه يا عبد الرحمن ؟
هو سهير مش هتيجي تسلم علينا ولا ايه ؟
وانت عايز تشوفها ليه ؟
عايز اشوفها ليه ازاي يعني ! اومال انا جاي هنا عشان اشوف عم عواد !!!
هههه , ايه يا حاج عواد , هي العروسة مش هتيجي تسلم علينا ولا ايه ؟ عايزين نعرف رأيها كمان عشان العريس يطمن
وماله , قول لاختك تيجي يا مسعد
هتصل بيها ع الموبايل
ايوة يا سهير , تعالي عايزينك شوية , سلام
والله انتِ لطيفة خالص يا حاجة فايقة هههه
هههه متشكرة يا مدام رشا , والله انتو نورتونا النهاردة انتِ ومنة العسولة دي
ههه ميرسي يا طنط
عقبال ما تفرحي بيها يا مدام رشا
يارب , ده اليوم اللي بتتمناه كل أم
طيب عن اذنكو يا جماعة عشان عايزني برا , عن اذنك يا طنط رشا
اتفضلي يا سهير , وانتِ بقى في الشهر الكام يا مدام حنان ؟
في الشهر التالت هه
**************************
خلف هذه الجدران,هبة عبد العظيم نور
**************************
سهير ههه سهير جت اهيه يا باباااا
مالك فرحان كدة ! يا ابني اهدا شوية
السلام عليكم
عليكم السلام يا سهير
ههه ازيك يا سهيررررر
ههه ازيك انت يا عبد الرحمن
اقعدي يا سهير يا بنتي
حاضر يا بابا
هاني بيه عايز يعرف رأيك في الجواز من الدكتور عبد الرحمن
ايه رأيك يا سهير , موافقة على عبد الرحمن ابني ولا اخده وامشي ؟ ههه
هه عن اذنكو
ايه ده يا باباااا ! هي رفضتني تااااااااني ؟؟؟؟
يا ابني اهمددد لا طبعاً ما رفضتكش , السكوت علامة الرضا , مش كدة يا باشمهندس مسعد ولا بنات عيلتكو مختلفين ؟ ههه
ههه لا ابدأ , فعلاً السكوت علامة الرضا , الرسول عليه الصلاة والسلام قال ان البكر .........
يعني نتوكل على الله ونحدد معاد كتب الكتاب يا حاج عواد ؟
كتب كتاب مرة واحدة ! مش لما يخلصوا كليتهم !
يا عم عواد انا وسهير مجال دراستنا واحد , واكيد هنشجع بعض على التفوق
أما نشوف , على الله بس ما تعطلوش بعض وتسيبوا الكلية خالص وتشتغلوا بوابين
ههه لا ما تخافش , انا وسهير عندنا أحلام وطموحات لازم نحققها
ربنا يوفقكو يا ابني , امتى كتب الكتاب يا هاني بيه ؟
انا بقول بعد شهر ان شاء الله , يعني عشان نعمل ترتيباتنا , وهنقدم الشبكة ان شاء الله يوم كتب الكتاب , يا ترى ليكم طلبات محددة في الشبكة يا حاج عواد ؟
والله انا ما اعرفش في الحاجات دي , عندك طلبات يا سعيد ؟
والله انا شايف ان الشبكة دي المفروض يلغوهااااااا الناس بيدفعوا فلوس كتير اوي في الشبكة , احسن يحوشوا الفلوس دي للمستقببببل
مستقبل ايه يا ابني اللي هيحوشولوا ! كفاية انت بتحوش , رأيك ايه يا مسعد في موضوع شبكة اختك ؟
شوف يا هاني بيه , احنا مش هندقق معاكو في الشبكة , دي هدية من العريس للعروسة ما تخصناش في حاجة , هو عايز يهادي عروسته يهاديها , مش عايز هو حر ههه
لالالا انا عايز اهاديهااااا هجيبلها الشبكة اللي هي عايزاها
على حساب مين يا حبيب بابا ؟
على حساب حضرتك يا بابا هههه
ههه ماشي يا سيدي , بس دي هتعتبر دين , لما تشتغل ترجعلي فلوسي وإلا هسجنككككككك
لالالا هرجعهالك يا سيادة العميد ههه اديني فرصة بس عشرين سنة
ههه مبروك يا حبيبي , مبروك يا جماعة
الله يبارك فيك يا هاني بيه
ايه يا مسعد , انت هتجوع هاني بيه والعريس ولا ايه !
لا ازاي بقى ! الغدا هيكون جاهز حالاً ان شاء الله , عن اذنك يا هاني بيه , هقولهم يجهزوا السفرة
اتفضل يا مسعد
**************************
خلف هذه الجدران,هبة عبد العظيم نور
**************************
دكتورة جيهان..صاحب رسالة الماجيستير اللي عايز حضرتك تشرفي عليها موجود برا وعايز يقابلك
الولد اللي جاب الرسالة الأسبوع اللي فات؟
ايوة,اسمه أيمن فؤاد
ايوة ايوة ,الرسالة بتاعته قدامي واطلعت عليها..خليه يدخل الفاشل ده يا سناء
ههه حاضر يا دكتورة
********
مساء الخير يا دكتورة
انت العبقري صاحب الرسالة العبقرية دي ؟
ههههه ايوة يا دكتورة,مدح حضرتك بداية مبشرة
قصدك بداية مقرررررفة,بداية تدل على الفشل الذرييييييع,بداية بتوضح مدى الإنهيار العلمي اللي وصلناااااله
ليه يا دكتورة بس! ده بحث عملت فيه مجهود خراااااافي
انت بتعرف تقرأ وتكتب؟
نعمممم!
بقولك بتعرف تقرا وتكتبببب؟
ايوة طبعاً يا دكتورة,أنا معايا بكالوريوس علوم
طيب تعالى أمليك
أفندمممممم!
قلتلك تعالى اتملاااااااا,امسك الورقة والقلم دول واكتببببببب
حاضر يا دكتورة..اتفضلي
إكتب يا ولد..ولكن هذا الحيوان مهدد بالانقراض
حاضر يا دكتورة..ولاكن هاذا الحيوان مهدد بالانقراد...حاجة تاني يا دكتورة
لا كفاية كدة..اتفضل وريني اللي كتبته
اتفضلي ,هو في ايه!
هه ماشاء الله ,كمان بتعيد نفس الأخطاء اللي وردت في رسالتك يا جهبز!! بقى مش مكسوف من نفسك لما تكتب لكن أولها لام ألف!! وكمان هذا اللي الأطفال في كي جي يعرفوا يكتبوها كويس والمس تديلهم نجمة على شطارتهم ,حضرتك بطولك وعرضك بتكتبها غلططط!
غلططططط!
وكمااااااان كلمة الانقراض ,كاتبها بالدااااااال! بالدال يا جاهل يا مدعي العلمممم!!!
الله! اومال الكلمات دي بتتكتب ازاي يا دكتورة!
روح محو الأمية وهما يعلمووووووك,قبل ما تتقدم برسالة في علم البيولوجي وتجيلي اشرفلك عليها يا أستاذ ابقى أكتب صح الأوووول,أساساً أنا شاكة في شهاداتك العلمية اللي أخدتها من الجااااامعة..أنا لو الأمر بإيدي ارجعك الابتدائية تااااااني,خد رسالتك اللي كلها مهازل دي واطلع براااااااااا
حاضر يا دكتورة ,حاضر..ده ايه التعسف ده, كل ده عشان شوية أخطاء إملائية! أنا هروح لدكتور تاني يشرفلي ع الرسالة
سنااااااء ..الولد ده لو جه هنا تاني ما تخليهوش يدددخل,ده ايه الانهيار العلمي اللي احنا فيه ددددده!
ههه طيب اهدي يا دكتورة
اهدا ازاي بس ! الواحد بيجي الجامعة بيبقى عايز يغتال نص الطلبة..انا ما شفتش كم الانهيار العلمي والأخلاقي زي اللي عند الجيل ده أبداً يا سناء,شيء مستفز,لبس غريب وأشكال أغرب وعلم مفيششششش
معلش يا دكتورة,ربنا يهديهم ويصلح حالهم
تررررررررررررررررررررررررررررررررررررررررررن
لحظة يا سناء هرد على موبايلي,ده وليد ابني,ايوة يا وليددددد
هههه وبتزعقي ليه يا ماما
قول عايز ايه وخلصني
مستنينك على الغدا انا وبابا وريم والولاد ,جاية امتى
ساعة بالكتير واكون عندكم ان شاء الله
طيب مالك بس يا ماما
يييي,ايه يا وليد فيه ايييييه! في الجامعة يا أخي,بشوف مهازل وأغرب أصناف البشر,عايزاني اتكلم ازاااااااي
هههه طيب طيب يا ماما خلاص, مستنينك ,جيهان بنتي من ساعة ما جت من الحضانة وهي قاعدة من غير أكل وقالت لمامتها هستنى تيتة جيجي
ههه حبية قلبي جيجي,قولها تيتة جايالك يا روحي
ههه ماشي يا ماما ,سلام
الله يسلمك يا حبيبي ....سناء,ابقي بلغي أساتذة القسم إني عاملالهم اجتماع بكرة الساعة عشرة صباحاً إن شاء الله
ان شاء الله يا دكتورة..حضرتك ماشية؟
ايوة ..جيجي حفيدتي واخواتها حمادة وحفصة مستنين على الغدا
ههه بحس انك بتحبيها أكتر من اخواتها
كلهم حبايبي,لكن هي حبيبتي أكتر عشان أسمها على اسمي ,وكمان البنت لطيفة بشكل مش معقول ههه
ههه ربنا يخليهوملك كلهم يا دكتورة,هو حمادة وحفصة في سنة كام دلوقتي؟
في تالتة اعدادي,لسة المشوار قدامهم طويل هه
ربنا يوفقهم يارب
**************************
خلف هذه الجدران,هبة عبد العظيم نور
**************************
ايه يا ليدو,كلمت طنط جيجي؟
ايوة يا ريري كلمتها
تن تن مامااااا
دول حمادة وحفصة يا ليدو,أكيد عايزين حاجة ههه,ادخلوا يا ولاد
ماما أنا وحفصة خلصنا مذاكرة,ممكن نلعب جيمز؟
اووووف انتو ما بتزهقوش من لعب الجيمز!
مش قلتلك ماما مش هترضى يا حفصة!
بالله عليكِ يا مامتي يا حبيبتي امووه امووه عشان خاطر بنتك حبيبتك حفوصة
ههه شوف البنت! قولي لبابا ,أنا ماليش دعوة
بابا امووووه عايزين نلعب جيمز
هههه دايماً كدة بتوصلي للي عايزاه بالمحلسة ,عشان كدة حمادة بيعتمد عليكِ وعاملك المتحدث الرسمي هههه ولا ايه يا سي حمادة!
هههه وافق بقى يا بابا عشان خاطري وخاطر حفصة
طيب صليتوا العصر؟
ايوة يا بابا طبعاً الحمدلله
ماشي,روحوا العبوا على ما تيتة تيجي,يعني نص ساعة بالكتير
اوكيه يا بابا
تن تن
ييييي مين تاني ؟
أنا جيجي يا ماماااا
ههه تعالي يا جيجي,عايزة ايه انتِ كمان؟
مش عاوزة حاجة,جاية العب معاكو
هههه جيجي حاية تلعب معانا يا وليد
ههه يا روح بابا اموووه,ممكن نأجل اللعب بعد الغدا عشان بابا حبيبك مرهق؟
يعني ايه مرهق؟
تعبان ,تعبان شوية وكان عندي شغل كتير,الشغل متعب قوي يا جيجي
خلاص مش تروح الشغل تاني,اقعد العب معايا
هههه طب هاتي بوسة وروحي دلوقتي العبي مع اخواتك ,وبعد الغدا نلعب سوا
اوكيه امووه,هاتي بوسة انتِ كمان يا ماما
ههه يا روحي أنا امووه,باااااي
على فكرة يا ريم,هاني بيه زاهر اتصل بيا انا وبابا النهاردة عشان يعزمنا على كتب كتاب ابنه
ماشاء الله لا قوة إلا بالله,هو ابنه كبر قوي كدة!
ايوة يا ستي,في كلية الطب ماشاء الله
ماشاء الله,عقبال ولادنا يارب
يارب ان شاء الله,هتيجي معايا؟
أكيد ان شاء الله,هاني بيه ده انسان على خلق بصراحة,إنسان نبيل ,أنا ما انساش وقفته معايا في محنتي
فعلاً,الراجل ده طول عمري أحبه..آه صحيح كنت هنسى,ليكِ عندي شيك بتلتوميت ألف جنيه بتاع محصول السنة دي
هو فين ده؟
هدهولك بس تدفعي مليون جنيه الأول ههههه
هههه والله! ادفع مليون جنيه عشان أخد تلتوميت ألف! خليهوملك يا سي وليد
هههه لا يا ستي,اعمل بيه ايه! اتفضلي أهو,بس بقى افتكريني ببدلة شيك ولا ازازة برفان ولا أي حاجة استنفع بيها منك هههه
هههه أنا كلي ليك يا حبيبي
لا والله ماليش في كلام المجاملات ده,هتجيبلي ايه هدية بقى؟
حبيبي أنا أجمل هدية في حياتك,مش كفاية عليك أنا؟ هههه
هههههههههههه كفاية يا بخيلة
ههههههههه لا والله ,انا من غير الفلوس دي أصلاً كنت ناوية اجيبلك هدية,بس طالما انت طلبت بدلة أو برفان,فأنا هجيبلك الاتنين عشان تعرف قد ايه انا ست كريمة وبعطف على المحتاجين اللي زيك هههههههه
كددددددة! طب تعالي هنااااااااااا,مش هسيبكككككك
ههههههه لاااااااا يا مااااااامي,خلاص خلاص,بهزر والله
لا والله ما هسيببببك , هتروحي مني فيييييين ؟هههههههههه
هههههههه بس بقى يا وليد وطي صوتك الولاد يسمعوا
اووووووف ,تعرفي ارخم حاجة ولادك دول,الواحد بيحس انه متحاصر ومتراقب ومش عارف يضرب مراته براحته ههههههه
ههههههه اهون عليك!
لا والله ما تهوني يا ريم ,انتِ حبيبتي
ربنا ما يحرمنيش منك يا وليد يا حبيبي ياااااارب
على فكرة نسيت اقولك,عمك عبد الحق عيان قوي
اييييه! مين اللي قالك؟
الحاج بركات المستأجر بتاع الأرض,بيقول حالته كانت سيئة جداً,بس دلوقتي أحسن من الأول شوية
....طيب أنا عايزة أزوره يا وليد
تزوريه!..طلب مش متوقع يا ريم,تزوريه بعد كل اللي عمله فيكِ وفي والدتك!
معلش,اللي عمله فينا ربنا يحاسبه عليه,لكن مش قادرة انسى ان ده عمي أخو ابويا وانه مريض ولازم أزوره عشان صلة الرحم اللي بينا
هه خلاص يا ستي,تحبي تروحي امتى؟
بكرة الصبح إن شاء الله
أمرك يا جناب الهانم,مضطر احترمك وانفذلك أوامرك عشان هتجيبلي بدلة وازازة برفان ههههههههه
هههههههه انت تستاهل الدنيا كلها يا حبيبي,يلا بقى غير هدومك على ما طنط جيجي تيجي
**************************
خلف هذه الجدران,هبة عبد العظيم نور
**************************
تيتة جيجي جتتتت هييييييييه ,وحشتيني يا تيتة
ههههه يا روح قلب تيتة,امووه وحشتيني يا جيجي
وإنتِ كمان وحشتيني,بابا وماما في اوضتهم وحمادةوحفصة قاعدين على النت وجدو يسري نايم ,ومش في حد مستنيكِ غيري
هههههههههههه أما انك بنت مكارة بشكل,عايزاني ازعل منهم كلهم يعني وأخاصمهم؟
ايوة,صالحيني أنا بس
هههههه اموووه يا روحي انتِ,جدو صحي اهو
حمدالله ع السلامة يا جيجي
الله يسلمك يا يسري ههه ,عملت ايه النهاردة من غيري؟
ولا حاجة يا ستي,روحت نادي الشرطة قابلت اتنين لواءات اصدقائي,قضينا وقت مش بطال وأخذنا حديث الذكريات ههه,وبعدين صليت العصر ورجعت ,قلت لنفسي أنام لغاية ما جيجي ترجع,اعمل ايه يا ستي! ما بقدرش اتحمل البيت في غيابك
هههه حبيبي يا يسري, بس انا مبسوطة انك روحت النادي وقابلت اصدقائك القدام ,بس المرة الجاية تاخدني معاك وإلا ازعل هههه
هه افضيلي انتِ بس يا دكتورة وأنا أزهقك من كتر الخروجات والفسح
أعمل ايه بس يا يسري! حرب الدراسية بتبتدي وكل وقتي بيضيع مع الأعداء
هههه الطلبة بتوعك بتعتبريهم أعداء!
هيجيبولي انهيار عصبي اوووووف ,مش عايزة اتكلم عنهم ,عايزة انساهم ولو نص ساعة في اليوم ..وليد اتصل بيا وقالي انكو مستنين على الغدا ,سيبت اللي ورايا وجيت على طول,هطلع اغير هدومي ونزلالك حالاً,أومال عزيزة فين يا جيجي؟
دادة عزيزة بتلعب في المطبخ
هههههههه طيب روحي قوليلها خلصي لعب وقولي للسفرجي يحضر السفرة ,وانا هبلغ باباكِ ومامتك واخواتك ينزلوا
حاضر يا تيتة,ازيك يا جدو,انت نمت كتير كدة ليه؟
ههه وحشتك؟
اه..هروح لدادة عزيزة بقى
طيب يا حبيبتي
**************************
خلف هذه الجدران,هبة عبد العظيم نور
**************************
ممم حمادة وحفصة قاعدين في الريسبشن ماسكين الموبايلات ومندمجين قوي,دول ما لاحظوش اني طلعت الدور الفوقاني من أساسه,لو حد يحكمني على مخترع النت ده كنت أعدمته رمياً بالرصاص بلا تردد اوووف ..احاول اتمالك أعصابي وانا بكلمهم عشان ما انفجرش فيهمممم..حمادة,حفصصصة ههه ازيكو يا ولاد
تيتة جيجييي,وحشتيناااا
وانتو كمان,كنت بتعمل ايه يا حمادة؟
بعمل سيرفينج على النت يا تيتة
ويا ترى استفدت ايه النهاردة من معلومات جديدة عشان تفدني بيها حبيبي؟
معلومات جديدة!!
ايوة هه انت عارف ان وقتي دايماً مضغوط ومشغولة بالطلبة والأبحاث ومش عندي وقت للنت,قلت استفيد منك وبالمعلومات اللي بتحصلها يومياً يا حبيبي
مممم ههه في الحقيقة يا تيتة ما كنتش بدور على معلومات ولا حاجة,أنا كنت بتفرج على مقاطع فيديوهات كدة يعني
أها,طيب ممكن أعتمد عليك في البحث عن موضوعات معينة محتاجة أعرف عنها معلومات وأستفيد منها ؟
موضوعات زي ايه يا تيتة؟
ايه رأيك في اللغة العربية؟
نعم! مالها
هههه بتسلم عليك يا حبيبي,كنت عايزة أعمل بحث موسع على ان اللغة العربية هي أصل اللغات
أصل اللغات؟ حقيقي يا تيتة جيجي؟
شوف أنا ما اقدرش أجزم.عشان نثبت أو ننفي لازم نعمل بحث موسع ومكثف,وده بيتطلب فريق عمل كامل,مكون من حضرتك وكمان حضرِتك يا أستاذة حفوصة
أنا يا تيتة!
أيوة انتِ يا حبيبة تيتة..هتدخلي تعملي بحث على النت وتحملي كتب وموضوعات خاصة بالبحث بتاعنا وتدوني كل المعلومات المهمة..وبالنسبة لك يا أحمد يا حبيبي هتعمل مقارنات بين الألفاظ المشتركة بين اللغة العربية والإنجليزية مثلاً وهي اللغة الأكثر شيوعاً,هتلاقي ان كلمات انجليزية كتير وبشكل غير حصري مشتقة من اللغة العربية
مش فاهم يا تيتة
طيب أنا هديك أكتر من مثال عشان الفكرة توضح,على سبيل المثال مممم مثلاً كلمة مرح ,لها مقابل في الإنجليزية(ميري) وكلمة قصر ,معناها في الانجليزية كاسيل,كمان كلمة جرثوم,بيقابلها كلمة (جيرم)..كلمة قطع بيقابلها (كت)..وهكذا..فهمت يا أحمد؟
هه ايوة كدة تمام يا تيتة,كمان كلمة طويل معناها (طول),كلمة دفاع معناها(ديفينس)
ههه هاااااااايل,وانتِ يا حفصة ,عندك أمثلة؟
مممم بفكر يا تيتة مممم أها ,كلمة جمل معناها (كاميل) بالانجليزي.مممم وقناة مائية اسمها(كانيل) وكمان جدول معناها شيدول
ههههه انتِ هايلة يا بنت يا حفصة,أنا فخورة انك حفيدتي
هههه ميرسي يا تيتة
وانا مش فخورة بيا يا تيتة!
أكيد في قمة الفخر يا حبيبي,وهكون فخورة بيكو أكتر لما اشوف نشاطكو الخرافي عشان تخلصوا البحث ده ,وهيكون في مكافأة غير عادية
ايه هي يا تييييتة ؟
هاخدكو معايا انا وجدو نقضي اجازة الصيف في بلجيكا عند عمتكو شيري ونعمل جولة سياحية ممتعة في العاصمة بروكسل وغيرها من المدن
هييييييييييييه هنروح عند طنط شيري وهنعمل جولة سياحية كمااااان
ههههه دي مكافأة معلقة بشرط انجازاتكو في البحث
أنا وحفصة هنبدأ من دلوقتي يا تيييييتة
ايوة يا تيتة,مش هنضيع وقت
لالا,بعد الغدا ان شاء الله,وكل يوم تخصصوا ساعة من وقتكو للبحث,عشان ما تتعطلوش عن المذاكرة,اتفقنا؟
اتفقنا يا تيتة
هه طيب عن اذنكو هغير هدومي عشان ننزل نتغدا مع بعض,اسبقوني على السفرة
اوكيه يا تيتة
**************************
خلف هذه الجدران,هبة عبد العظيم نور
**************************
تن تن دكتورة جيجي
اتفضلي يا عزيزة
اتأخرتي ليه كدة ؟
اعمل ايه بس يا عزيزة ! بتحصل حاجات في الكلية بتعطلني
شيري اتصلت وقالت انها كلمتك لقت موبايلك مقفول
أكيد كان عندي محاضرة,وقت المحاضرات بقفل التليفون,هي كويسة؟
اه الحمد لله,وكلمت سما ومالك ولادها,ماشاء الله عليهم زي العسل
ههه الولاد دول وحشوني بشكل,يمكن أكتر من شيري
ما هم بيقولوا أعز الولد ولد الولد
مثل لطيف حقيقي ههه
هي شيري هتيجي السنة دي؟
لا ,انا ويسري اللي هنروح ان شاء الله,محتاجة اغير جو,ويمكن أخد معايا أحمد وحفصة,ده اذا عملوا اللي اتفقت معاهم عليه,اومال فين ريم ووليد مش سامعة صوتهم؟
تن تن طنط جيجي
دي ريم بتخبط يا دكتورة هههه تعالي يا ريم ,لسة الدكتورة بتسأل عليكِ انتِ ووليد,أنا نازلة عن اذنكو
اتفضلي يا دادة عزيزة ههه انا اهو يا طنط
مختفية فين يا حياة طنط؟ ههه
ابداً والله,كنت مع وليد,وسمعناكِ وانتِ بتكلمي أحمد وحفصة على البحث اللغوي ههه فكرة ممتازة والله يا طنط,اهو أحسن من قعدتهم على النت من غير فايدة
ربنا يهدبهم ويقدروا قيمة الوقت المهدر في لا شيء ده..ياااااه يا ريم كان يوم متعب بشكل مش طبيعي
معلش يا طنط,رسالتك ولازم تأديها مع الطلبة بتوعك
رسالة!...اقولك سر ياريم
قولي يا طنط
كان نفسي أكون انسانة ريفية بسيطة ..ست على الفطرة, تعليمي بسيط وأفكاري بسيطة..ابقى أم لولاد كتيرررر,سبعة او تمانية أو عشرة حتى ههه عايشين في بيت بسيط ,خالي من كل بهرجة في الحياة,عندنا أولة وزير وبراد أزرق وكوبايات عليها نقوشات ملونة نشرب فيها الشاي,اصحى من الفجرية أخبز وأطبخ,واتجمع أنا وولادي وجوزي على طبلية ,او نروح الغيط ناكل تحت الشجرة كلنا ونشرب الشاي..أساعد جوزي في شغل الغيط ولما يعرق أنشفله عرقه بكم جلبيتي هههه ياااااااااه حياة جميلة قوي ياريم
هههه معقول يا طنط! بقى الدكتورة جيهان حيدر عميدة كلية العلوم واستاذة البيولوجي المتميزة كانت تتمنى تكون انسانة بسيطة وتعيش حياة بسيطة بالشكل ده!
ايوة يا ريم..كل انسان فينا جواه أحلام وخيالات بعيدة عن الواقع بتاعه,كان يتمنى لو تكون حقيقة مممم أنا عمري ما قلت لحد على حلمي البسيط ده ولا حتى يسري ...يااااااااااه ههههه
بتضحكي على ايه يا طنط؟
هههه تخيلت يسري وهو بيزرع في الغيط وعرقان وبناوله اولة المية عشان يشرب
هههههههههههه والله يا طنط حاجة لطيفة قوي
فعلاً,كنت هتفرغ لك كحماة وقتها حبيبتي وأطين عيشتك
ههههههه لالالالا كدة كويس قوي يا طنط,هو في أجمل من الدكتورة جيجي في الدنيا!
آه يا منافقة هههههه
ههههه انتِ حبيبتي والله يا طنط امووووه
ههه ميرسي يا روحي,يلا بقى عشان جوعت قوي,على فكرة بعد الغدا هاخدك ونروح عند مامتك ناخد معاها فنجان شاي
خليها كوباية وبراد ازرق يا طنط هههه
هههه ياريت والله
تن تن ماما,مش وقت كلام انتِ وريم,عايزين نتغداااا
أهلاً يا وليد.وحشتني هه
وانتِ كمان يا ماما ,ايدك ابوسها امووه
ميرسي يا حبيبي ,على فكرة البرفان اللي انت حاطه ده مش حلو,ما تحطوش تاني
ايه! ده بيعجب ريم جداً
كل واحد حر في رأيه يا حبيبي,وانا قلت ريحته بتعصبني وما تحطوش تاني
أوامرك يا دكتورة هههه
**************************
خلف هذه الجدران,هبة عبد العظيم نور
**************************
هو ده بيت عمك يا ريم
هه انت لسة فاكره يا وليد؟
طبعاً,جيت هنا مرة واحدة لكن مش ناسي المكان
انا برضو ما جيتش كتير,مرتين تلاتة وانا صغيرة مع بابا الله يرحمه وماما هه..كانوا بيقابلونا كويس قوي ويبقوا مش عارفين يعملوا ايه عشان يراضونا ..لكن بعد وفاة بابا....الله يسامحهم بقى,مش عايزة أتكلم عنهم وحش..ياااااااااه ..افتكرت بابا لما جينا ندخل البوابة وهو ماسك ايدي وبيقولي ادخلي يا ريم,ده بيت عمك,يعني بيتك يا حبيبتي
ريم..انتِ ندمانة عشان جينا؟
إطلاقاً يا وليد,أنا بس الذكريات اخدتني لبعيد
انتِ من جواكِ مش مسامحة عمك
لا مسامحاه عشان ربنا يديني الأجر,ربنا يسامحنا كلنا يا وليد
**************************
خلف هذه الجدران,هبة عبد العظيم نور
**************************
خد الدوا يا عبد الحق
دوا ايه تاني يا نبوية! أنا جوفي اتحرق من كتر الادوية
نعمل ايه يا عبد الحق! ما هو الدكتور اللي كاتبها عشان ربنا يكتبلك الشفا وتقوم بالسلامة
هو الدوا هيرجع الصحة اللي راحت آآآآآه
يا راجل قوم خد الدوا,ولا عاجبك رقدتك في السرير كدة!
آآآآه..هاتي يا نبوية
خد القرص اهو,وادي كوباية المية..اشرب بالشفا
ترررررررررررررررررررررررررررررررررررررررررن
انزلي شوفي مين يا نبوية
طيب,ارتاح انت,هغطيك وانزل
*******************************
ترررررررررررررررررررررررررررررررررن
ايوة يللي ع الباب,مين؟
استنى يا وليد انا هرد عليها,أنا ريم يا طنط
ريم!..ريم مين؟
ريم بنت محمود عوض الله يرحمه
ريم بنت محمود...!! ايه اللي جابها دي! الأرض وخدتها من عمها واجرتها للغرب ومالهاش عندنا حاجة!..يبقى جاية ليه!..أما افتح اشوفهي عايزة ايه.....أهلاً يا ريم
أهلاً بيكِ يا طنط نبوية..ده وليد جوزي
...الظابط!!..جايالنا وجايبة البيه الظابط جوزك ليه! ليكِ حدانا ورث تاني وجاية تدوري عليه؟
أنا جاية ازور عمي عبد الحق,سمعت انه عيان
...فيكِ الخير يا ريم..اتفضلي..اتفضل يا سعادة البيه
متشكر
الحاج عبد الحق راقد في اوضته في الدور الفوقاني..اتفضلوا معايا
**************************
خلف هذه الجدران,هبة عبد العظيم نور
**************************
عبد الحق,ضيوف عايزينك
ضيوف مين يا نبوية
أنا يا عمي
.......ريم !!
سلامتك يا عمي ألف سلامة
.....الله يسلمك يا بنت اخويا..أهلاً يا حضرة الظابط
سلامتك يا حاج عبد الحق
الله يسلمك..اتفضلوا اقعدوا...نبوية,الغدا عشان الضيوف
من عنيي يا حاج
لا يا حاج عبد الحق كتر خيرك,ما تتعبيش نفسك يا ست نبوية,احنا جايين نطمن ع الحاج وماشيين
لا ما يصحش,لازم تاخدوا واجبكو
طنط مش هنقدر نتغدا والله
خلاص,يبقى اعملكو كوبايتين شاي,بالإذن اني
اتفضلي
سلامتك يا عمي,اول ما الحاج بركات بلغنا انك عيان قلت لازم اجي اطمن عليك انا ووليد,انت أحسن دلوقتي يا عمي؟
.............صغرتيني قدام نفسي يا بنت اخويا...بقى بعد اللي عملته فيكِ وفي امك بعد موت ابوكِ,وبعد ما بقيتِ في وضع يخليكِ تستغني عن الدنيا كلها وأولهم اعمامك اللي ظلموكِ..نسيتِ ده كله وجايبة جوزك وجاية تزوريني!!
أنا مش فاكرة أي حاجة غير انك عمي أخو ابويا ,ما كانش ممكن أعرف انك عيان وماجيش يا عمي
..............كتر خيرك يا بنتي.....ريم
نعم يا عمي
.......سامحيني يا بنتي..سامحيني عشان اقابل ربنا وانا مرتاح
مسامحاك يا عمي
الله يباركلك يا بنتي...ازي الست والدتك
ماما كويسة الحمدلله
بتزوريها ؟
ايوة طبعاً,ماما ساكنة في عمارة قدام الفيلا بتاعتنا,وكل يوم يا إما بتيجي عندنا يا إما بنروح عندها
امك ست طيبة,ربتك أحسن تربية,الله يرضى عليكِ وعليها..ويرحمك يا محمود يا اخويا
الله يرحمه
اتفضلوا الشاي
**************************
خلف هذه الجدران,هبة عبد العظيم نور
**************************
اركبي العربية يا ريم عايزين نمشي
حاضر يا ليدو اهو
بسم الله توكلنا على الله
انت هتودينا فين؟
سؤال غريب قوي ههه هنرجع القاهرة
مممم لا
يعني ايه لا!
ههه عارف انا عايزة اروح فين دلوقتي؟
عايزة تروحي فين؟
الفيلا بتاعتكو اللي شوفتك فيها لأول مرة في حياتي يا صبحي هههه
هههههه كانت ذكريات حلوة قوي
عايزة استعيدها,والنهاردة بالذات,ايه رأيك؟
اقولك حاجة ومش هتصدقيها
قول وهصدق
أنا فعلاً كنت هطلع بيكِ على الفيلا من غير ما تقولي
هههه مش مصدقاك
طب والله حقيقي...لما نفتح شنطة العربية هتلاقي كمية أكل وعصاير تكفينا اسبوع بحاله,وهتلاقي كمان شنطة هدومنا
ههههههههههههه انت مش معقول يا وليددد,كمان حضرت شنطة هدومنا ! عملت الترتيبات دي كلها امتى؟
لما كنتِ عند مامتك بالليل انتِ والولاد
هههه بجد مفاجأة تجنن
لا أجلي الجنان لما نوصل الفيلا يا ست ريم هههه
ههههه ماشي يا صبحي,بس على شرررررط,تلبس لبس صبحي وتقولي يا ست ريم
ده اللي في نيتي يا ست ريم والله هههه
شاطر يا صبحي هههه فاكر لما نمت في الجنينة في عز البرد والمطر واخدت دور برد؟
ايوة ,وفاكر عصير اللمون اللي كنتِ بتعملهولي ,وشوربة الخضار والفراخ المسلوقة يا ست ريم ههه
ههه ده واجب يا صبحي..أنا عايزة اسهر معاك بالليل في الجنينة في عز البرد ونولع حطب ونقعد حواليه نتدفى ونحكي ونحكي ونحكي لحد الفجرررر
هههه والله عامل حسابي لكل ده,في حطب هناك كتير وهنولعه وهنسهر جنبه نتدفى,مع وليد ما تشيليش هم حاجة أبداااا
وليد مين! انت نسيت اسمك يا واد يا صبحي! هههه
واد! انتِ لسانك طول كدة ليه يا ست ريم! هههههه
ههههه اسفة يا صبحي
**************************
خلف هذه الجدران,هبة عبد العظيم نور
**************************
ادينا ولعنا الحطب وهنتدفى يا ست ريم ونسهر للصبح
شاطر يا صبحي,اعملنا كوبايتين شاي على النار دي
عنيا يا ست ريم يا عسسسسسل هههه
صبحي,اتأدددب
هههههه متأسفين يا ست ريم
هههههه
وليد....بحبك..بحبك أكتر من نفسي..انت بالنسبة لي مش راجل عادي,انت رحمة ربنا اللي بعتهالي عشان تنقذني من العذاب اللي كنت فيه,رجعتلي حقوقي اللي سلبوها اعمامي..ردتلي كرامتي اللي اتهانت على ايد ظابط متجبر ما بيتقيش ربنا,جبتلي حقي منه وقصمت ضهره..انت عنوان كل فرحة في حياتي,كل فرحة في حياتي محطوطة في صندوق جوا قلبي مكتوب عليه وليد..جوزي وحبيبي وصاحبي وابويا وكل حاجة بالنسبة لي
....مهما عملت يا ريم مش هيكون قد افضالك عليا..انتِ اللي صحيتي فيا إيماني بربنا وقتلتي حب المعاصي جوايا..خلتيني أحس ان الحياة بعيد عن ربنا هي الجحيم بعينه..كنت بستغرب لما بشوفك بتصلي وبتذكري ربنا بكل يقين في عز محنتك,كنتِ في محنة صعبة ومش عارفة هتطلعي منها ولا لأ ولا ايه مصيرك,ومع ذلك ايمانك بربنا ما اتهزش,ومن ثباتك ده قوتيني ..انتِ ملاك جميل ربنا بعتهولي عشان أراد برحمته يعدل مسار حياتي التافهة الخالية من أي معنى..بحبك قوي ياريم
ربنا ما يحرمنيش منك أبداً يا وليد
وليد مين بس يا ست ريم! أنا صبحييي ههههه
ههههه بحبك وانت وليد وانت صبحي وبحب رومانسيتك ونرفزتك وعصبيتك وحنانك وكل كل حاجة فيك يا حبيبي
هههه يا حفيظ ع القلب الاسود,لازم تفكريني اني بتنرفز واتعصب,ما هو من عمايلك يا ست ريم انتِ وولادك ههههه
ههههه تعرف,انا بحب ولادي قوي,لكن بحبهم اكتر لانك ابوهم يا وليد
يا سيدي ع الكلام الجميل هههه انا وهما محظوظين انك في حياتنا يا حبيبتي
ربنا ما يحرمنيش منك ولا منهم يا حبيبي
اشربي الشاي يا ست ريم,شوية شاي من ايد صبحي,انما ايييه ,يعدلوا الدماغ
هههه تسلم ايدك يا صبحي
مش هتعلميني الكتابة والقراية بقى يا ست ريم! أنتِ علمتيني ان ألف أرنب,وبه بطة هههههه
هههههه شااااااطر يا صبحي,هعملك كمان ان ألف أسد جسور ..ربنا بعتهولي عشان يجميني,وبه بطل شجاع رجعلي كل حقوقي
وانا بقى أقول,الف أميرتي الجميلة اللي خلت حياتي جنة على الأرض,وبه بريئة بقلب رقيق شفاف أسرني ..ألف أنا وبه بحبك يا ريم
ألف أنا وبه بحبك يا وليد ..بحبككككك
**************************
خلف هذه الجدران,هبة عبد العظيم نور
**************************
سامع يا صلاح ابوي ويش يقووول
شنو تقول يوبا ! شلون تتزووووووج !
شنو فيها يا صلاح انت واختج !! امج تركتنا ورجعت ع بلادها وانا صار لازم اتزووووج
شفت يا صلااااااااح ! اهئ اهئئئئئئئئ
انتظري يا رغد , شلون يوبا تتزوج بعد امي !!!
تبيني انتظر لين امج تحن وتعود ! امج مو راح تعود
مممم تبي تتزوج مين يوبا ؟
بوثينا
أبوي اختار العروس يا صلاح ونسى امي , يا ويلي من بعدج يومااااااا اهئ اهئئئئئئئئئئئ
ليش تنوحين يا رغدددددد ! مثل امجججج نواااااااااااحة , ابتسمي , ابتسمي يا رغد , راح اجيبلج أم جديدة بدل اللي طافت
لااااااا لا يوبااااااا اهئ اهئئئ ما في أحد يقدر يعوضني حنان امي , وينج يوماااااا وينجججج اهئ اهئئئئئئ
هذي اختج يا صلاح , العروس راح تيجي بعد باكر
شنو يوبااااا ! راح تتزوج هني !!!
شنو هني ! هني دااااااااري , وين تبيني اتزوووووج !
لا يوبااااا هذي دار اميييي دار اختييييي, داااااااااري
شلون دارج يا عديم الدياااااااار !! اني بتزوج هنيي , رضيت رضيت , ما رضيت يبجى مالك مكان هنيي
جذي يوبا! تطردني عشان مرة !!! حقج يوبا , انا راح اخد اختي ونتركلج الدار
سوي مثل ما تبي تسوووووي , ايشششش ! راح تتحكموا فيني يا ولاد دعاء !!! , انا طالع للسوج , ابي اشتري هدايا للعروس , يا ريتج انت واختج تفكرون زين وبدل ما تعادون العروس تجيبون هدايا عشان تستجبلونهااااا
شنو يصير يا صلاح ! هذا ابوي ! هذا ابوي اللي نحبَه وما ندري ويش نسوي عشان يرضى !!! اهئ اهئئئئئئ ابوي اتغير وايد يا صلاااااااااح , حاسة راسي تلف, حاسة ببراكين انفجرت فيني اهئ اهئئئئئئئئئئئئئ ابي اشوف امي يا صلااااااااح ابي نرتمى في حضنهاااااا ما صار لنا مكان في حضن ابوي اهئ اهئئئئئئ كيف ما جسى على امي راح يجسى علينا , والله اعلم ويش راح يجرى لما تدش علينا العروووووس , ابي اسافر لامي , مو راح انتظر عرس ابوي على مرة غيرهااااااااا
معاج حق يا رغد , ما صار لنا مكان في هذي الدار , هذي دار العروس الجديد , نسافر لامنا , اما ابوج , الله يهنيه بالعروسسسسسسسسس
**************************
خلف هذه الجدران,هبة عبد العظيم نور
**************************
ولحد هنا وانتهت حلقات النهاردة
اغنية راجعلك يا بلادي لأحمد بو خاطر
*****************************
برحب بكل القراء وخصوصا عائلة (unknown) عيلة كبيرة ومعروفة في المدونة , منورين يا أكابر ههههه اعملكو ايه مش عا رفة اساميكو ,واللي ضحكني وموتني من الضحك واحدة عسولة منكو بتقولي ما بتكتبيش اسمي ليه وانا بعلق اول واحدة ههههه اضحك الله سنك حبيبتي
شكرا ليكو بجد على التواجد والتفاعل ,وبشكر قارئتي العزيزة alaa
منوراني يا لولو ,اول مرة اكتب اسمك على ما اعتقد
******************
قارئاتي حبيباتي الجميلات شكرا على التفاعل وشكرا للجميع من النساء والرجال على التواجد
خلاص ..يومين ونودع الرواية ...كنت فاكرة اني لما اخلص كتابتها وترتيب مشاهدها هكون في قمة سعادتي ,,لكن والله لفراقها شجون في نفسي ..ونهاية العرض سيكون مؤلم بالنسبة لي جدا ...رغم معاناتي بها وبكائي في كثير من الأحيان من شدة تعبي واعتكافي عليها وسهر الليالي الطويلة في كتابتها ,لكن أحببتها واحببت
جميع أبطالها ..بقى لنا الغد وبعد الغد وبعدها نودع ابطالنا إن شاء الله ..حقا قد اثار الأمر في نفسي شجون ...الله المستعان
القاكم غدا قرائي الأعزاء إن شاء الله
لا تنسوا ذكر الله والاستغفار والصلاة على الحبيب عليه الصلاة والسلام
صلوا عليه لتسعدوا ...إن المحبة أحمد
اللهم صل على محمد وعلى آل محمد كما صليت على إبراهيم وعلى آل إبراهيم في العالمين إنك حميد مجيد
وبارك على محمد وعلى آل محمد كما باركت على إبراهيم وعلى آل إبراهيم في العالمين إنك حميد مجيد
سبحانك اللهم وبحمدك لا إله إلا أنت استغفرك وأتوب إليك
جزاكي الله خيرا استاذة هبة
ردحذفربنا يسعد قلبك يا رب
شكل كله هيسامح بعضه
معقول رشا و نسرين هيتسامحو ههه
فعلا انا كنت المس في رشا حبها لاولادها و زوجها و خدمتهم جدا
و اشعر انها ممكن تتغير بشوية لطف من زوجها
عالعموم برضه كان كويس تاخد علي دماغها برضه😆
ام رشا و هي انت السبب يا رشا و انت السبب يا عبدالمجيد كان ناقص تكمل
و انتي السبب يا هبة نور اللي كتبتي الاحداث كده😃
من الشخصيات اللي مش بطيقها ابدا هي و محروسة
نسريين ايه البساطة في الاداء بتاعها ده سامحت بمنتها التفاهة
هي حقيقي كانت زعلانة
ايه الحياة الهلامية بتاعتها دي هههه
مسكينة والله
حلو جدا الحقيقة المعني اللي وصلنا من الرواية😍
التسااامح فالدنيا لا تستحق التباغض
فمن عفا و اصلح فأجره علي الله
ان كل واحد فيه جانب خير ممكن منه يبقي احسن واحد في الدنيا لو تم استغلاله صح
بصراحة بدور و سامي غلطوا في حق اوسا جدااا
بس دا مش مبرر ابدااا باللي عملوه مهما كان
لا نتجاوز حدود الله
رمي المحصنات بالباطل عقابه الييييم
يل تري هترجع ضحي و ادهم و يتصافو
بجد الرواية جميلة جدا وكل الابطال اللي كرهناهم واتمنينا ينتهو نهاية وحشة رجعنا حبناهم ازاي عملتي فينا كده تسلم ايدك علي اجمل رواية قرآتها واتعلقت بيها
ردحذفاللهم صلِ و سلم و بارك على سيدنا محمد وعلى آله وصحبه وسلم...
ردحذفأكيد طبعا هنشتاق للرواية الجميلة دي
هنحزن كتير لما تخلص ...
يااااه فكرتينا ب وليد وريم تاني ودكتور جيجي ....
🌷دمتي مبدعة🌷
جزاك ألله خيرا
ردحذفياااااه ع الاحداث اللى دايما بتفجأينا بيها انا فعلا توقعت ان
ردحذفسهير هتعمل كده لكن متوقعتش موقف رشا...يااااه ع ادهم اتغير ٣٦٠ درجه للدرجاتى فعلا هى دى التوبه النصوحه...مش قادره اتخيل ان ابطال الروايه هيفرقونا خلاص😭😭😭لو انها شئ غير منطقى كنت قولت ممكن نكمل ياقى الاحداث للاحفاد اللى لسه هتظهر ف الروايه 😂😂تسلم ايدك يامبدعه وف انتظارك ان شاء الله 😘😘😘😘😘
جزاك الله خير يا هوبة ياعسسسل
ردحذفمبسوطة بتغيير رشا و تغيير معاملة هاني ليها
تسلم ايدك استاذة هبة معلش
ردحذفالنت مش عندي باستمرار مش عارفة اعلق براحتي
ربنا يسعدك يا رب
معقول احسان يتصافو هي و اهل جوزها و جوزها و تبطل كبر
ماهي رشا واخدة الكبر منها
اهي احسان دي مش قادرة الاقي فيها اي صفة عدلة
يمكن اكون بتصلي
رشا و نسرين و حتي اماني كل واحد في صفة ممكن تميزه
لكن ام رشا 🤔🤔🤔🤔🤔
بجد ياهبة انت كاتبة رائعة ام أجد كلام اوصفك فيه.. عجبني كثير تصرف تيتا جيجي مع احفادها فكرة أكثر من رائعة
ردحذفوليد وريم ثنائي رائع تعيشي معهم رومنسياتهم... سلمت الأيادي ياهوبة احبك في الله ❤
ما كنتش متخيلة إن رشا دي تتغير
ردحذفآخر واحدة كنت أتوقع انها تتحول ...
كدة كله اتحول للأفضل ما عدا إحسان...
يبقى الوضع على ماهو عليه.
زعلت قوي من سهير لما رفضت عبدالرحمن والأخرى في غرفتها بتنقل عليهم...طب وافقت ليه انهم يجوا البيت من الاول لما هي رافضة. .صعب عليا عبدالرحمن قوي...
اتأخرت
ردحذفجزاكى الله خيرا كثيرا يا ابله هوبه😊
ردحذفو الله انا ال حزينه جدا على ان الروايه هنفارقنا و احنا معاشرينها بقالنا سنين
بس فرحتنا بااننا هننهيا بعد انتظار طويل فرحه لا توصف😊
و ستظل الروايه فى قلبى و بالى و ستظلين انتى افضل من قرات لهم و لن ننساك ابدا😇😃
محبتك مريم فوده
لو سمحتى كان عندى طلب من حضرتك
ممكن رابط الاجزاء الاولانيه من الروايه لانى عايزه اقراها تانى
و هل المدونه هتفضل مفتوحه علطول بحيث وقت ما احب اقراء الجزء الخامس اقرائه
و شكرا
علي قد ما كان نفسي اعرف النهاية علي قد ما زعلانة انها هتخلص
ردحذفمبسوطة ان رجعتيلنا ريم ووليد تاني
ومىبسوطة انك كنبتي اسمي 😂😂😍
لحظات رومانسية جميلة مع ريم ووليد
ردحذفاخيرا عصام فاق وساب امانى
وهى دلوقت جاية تدور على ابنها وائل
زرعتى هوا وحتحصدى هوا
هيام حتبلغ ضحى وحترجع لادهم 😉
بهيرة شافت البحر وفرحت كالطفلة الصغيرة
مبسوطة لياسر ورحمة
زغلت جدا من طارق
مش عايزة تاكديلى ان الست الى بتوقف جنب زوجها بيكون دا جزاءها فالاخر
حتعقد كدا 😥
جميله قوى الحلقة يا هوبه
ردحذفجمييييلة الحلقات تسلمى
ردحذفطارق انسان مريض نفسيا فعلا
بس مريض بمزاجه مريض بحب نفسه مريض بحب المال والمكانه
وربنا هيرجع حق دعاء منه ...
انما ظهور وليد وريم جميل
انا كنت ناسياهم خالص
لكن لما اتكلموا عن صبحى افتكرت بعض الاحداث
بستأذن حضرتك عايزة الجزء اللى كان فيه قصة ريم ووليد
وتسلم ايدك مرة تانية 😍
اللهم صل وسلم وبارك على محمد وعلى آله وصحبه وسلم تسليماً كثيراً مبارك فيه
ردحذف