الحلقة التاسعة والخمسين (ف2)
**************************
خلف
هذه الجدران,هبة عبد العظيم نور
ممنوع
النسخ او اخد اسكرين شوت
**************************
نسيمممم وحشتني
أنا زعلان منك
ليه يا نسيمممم ؟
عديت عليكِ امبارح ما لقتكيش , وكمان
موبايلك كان مقفول طول الليل
اسفة يا نسيم , امبارح بابا عدا عليا
بالعربية ووصلني لحد البيت , ولما روحت كان عندي صداع جامد , فقفلت الموبايل ونمت
وصحيت على معاد المدرسة
صداع ! سلامتك يا نورهان , طيب عاملة
ايه دلوقتي ؟
الحمدلله الصداع راح وبقيت كويسة
الحمدلله , بس انتِ شكلك لسة زعلانة على جدتك , صوتك في لمسة حزن
طبعاً يا نسيم , زعلانة على تيتة ,
وزعلانة اكتر من اللي عملته ماما
عملت ايه ؟
تصور يا نسيم بعد ما رَجَعت من عزا
تيتة توحا , جابت حلويات وشغلت موسيقى واغاني بصوت عالي قوي وكإن عندها حفلة , وما
عملتش اعتبار للظروف اللي تيتة سعاد فيها وحزنها على تيتة توحا
هه عادي
هو ايه اللي عادي يا نسيم !
يعني , من كلامك عن مامتك كدة بنحس
انها عايشة لنفسها ومش فارق معاها حد
............ تعرف يا نسيم , أنا ساعات بنحس
انها مش بتحبني , وانها وخداني من بابا مجرد عِند مش اكتر
مافيش ام ما بتحبش ولادها يا نورهان
, لكن الحب درجات , ومتهيألي مامتك بقى عندها الحب في ادنى درجاته , بس اكيد موجود
هه
تعرف ان بابا صَعَب عليا قوي ؟
ليه ؟
اصله حكالي انه اتجوز ماما غصب عنه
عشان تيتة هي اللي اجبرته , وكل ده عشان فلوس ماما
طيب وهو ليه قَبَل ؟
قلتلك غصب عنه يا نسيم
هه مافيش راجل بيتجوز غصب عنه ,
واكيد برضو ابوكِ طَمَع في فلوس امك , بس هو اتكسف يقول كدة ,عشان كدة بقي رَمَى اللوم على امه كأنها هي السبب
............................................................
اتضايقتي من كلامي ؟
لا ابدا
تعرفي يا نورهان , بكرة لما نتجوزوا
هنعرفوا ازاي نحولوا كل الحزن اللي جواكي ده لسعادة ما تنتهيش
يا ريت يا نسبم , أنا زَهَقت من
حياتي كلها ..... ساعات كتير بنفكر في الانتحار
ايييييه ! اوعي يا نورهااااان , اوعي
تعملي كدة , اوعيييييي
هه بتخاف عليا يا نسيم ؟
اكتر من خوفي على نفسي , عشان كدة
بنحس بكتئاب فظيع لما بنشوفوا نظرات الحزن دي في عنيكي
هه خلاص , هنضحك , أنا كمان ما نحبوش
نشوفوك متضايق بسببي
ربنا ما يحرمنيش منك يا نورهان
...... نفسك تعيشي معايا على طول ؟
طبعاً
قريب , قريب قوي , هناخدوكِ
ونبعدوا عن الدنيا دي كلها
**************************
خلف
هذه الجدران,هبة عبد العظيم نور
**************************
مش
مصدقة يا سيدة ان حنان اتجوزت
مسعد النهاردة وطلعوا اوضتهم هههه الموضوع تم بسرعة قوي
ربنا
يسعدهم ويهنيهم يا حاجة ههه
حطيتلهم
العشا قبل ما يطلعوا الأوضة ؟
ايوة
طبعاً , والتورتة التلات ادوار اللي محل الحلواني بعتها
طيب
الحمدلله , كان نفسي اعملها فرح , لكن هي ومسعد بقى رفضوا وقالوا مش عايزين هيصة
ودوشة
يا
ست هانم الفرحة في القلب , مش لازم المظاهر يعني , وبعدين كفاية ابوه وامه واخواته
كانوا حواليه , وقرايب حضرتك اللي كانوا موجودين
طيب
الحمدلله , اهم حاجة عندي ان بنتي مبسوطة ههه
**************************
خلف
هذه الجدران,هبة عبد العظيم نور
**************************
هه
مبروك يا حنونة , تسمحيلي ابوس ايدك
هه
الله يبارك فيك يا مسعد
مممم
حنان انا عايزك تنسي أي حاجة وحشة مرت في حياتك , اعتبري نفسك اتولدتي من جديد
الليلة دي
انا
اتولدت من جديد من وقت ما وافقت تتجوزني يا مسعد
ايه
وافقت اتجوزك دي بقى ! الأصح انك تقولي إن ربنا سبحانه وتعالى أكرمني وأسعدني
وأهداني بيكِ
هه
ربنا يخليك ليا يا مسعد , أأأ انا أأأ انا
أنا
بحبك يا حنونة
ههه
ممم وانا كمان , بحبك اوي يا مسعد , اوي ,
اووووي
ههه
مش اكتر من حبي ليكِ ممم تيجي نقطع التورتة
ههه
يلا
هاتي
ايدك عشان نقطع التورتة سوا
ممم
اهيه
الله
, ايدك ناعمة اوي , زي ايد الطفلة الصغيرة
ههه
ههه
يلا نقطع التورتة ؟
يلا
بسم
الله الرحمن الرحيم
**************************
خلف
هذه الجدران,هبة عبد العظيم نور
**************************
شيلي يا بت يا رزقة قشر الموز
والسفندي ده وهاتيلي طبق التفاح
عيني يا ست اوسا
خدي يا حبيبتي طبق التفاح , بالهنا
والشفا
ناوليني يا بت الرموت عشان معاد
المسلسل التركي قرب
ايّووووه ده جمييييل , هنيجو نتفرجوا
معاكِ يا ست اوسا
خلصتي اللي وراكِ يا بت ؟
من بدرري , الشغل اللي ورايا
النهاردة ماكانش يامَا , اتفضلي الرموت يا ست اوسا
هاتي يا بت
ده المسلسل هيبتدا اهو , نروحوا
ننادوا للست نورهان تتفرج معانا وتفك عن نفسها شوية ؟
لالالا نورهان ايه ! ده مسلسل كله حب
وفيه مشاهد مليانة بلاوي , مش عايزين نفتحوا عين بنتي ع الحاجات دي
ههههههه
بتضحكِ على ايه يا بت !!!
بنضحكوا عشان انتِ أم فشر كل الأمهات
وربنااااا , حاكمة بنتك بالحديد والنار ومخلياها زي القطة المغمضة ههه
لازم يا بت , الدنيا مليانة بلاوي , واحنا بنخافوا ع
البت نورهان , وكمان مش عايزة تربيتي ليها تخيب ونشمّتوا ابوها وبنات كُوكب فيا
فشرررر , طب ده الست نورهان ست
البنات كلهممممم
عارفة يا بت عارفة , انسدي بقى خليني
نسمعوا المسلسل
اسمعي يا حبيبتي اسمعي
ترررررررررررررررررررررررررن
تررررررررررررررررررررررررررررررن
موبايلك بيرن يا ست أوسا
تررررررررررررررررررررررررن
ايّووووووه , مش هنعرفوا نشوفوا
المسلسل في يومنااااا , هاتي الهبااااااب
ترررررررررررررررررررررررررررررن
خدي
يا ست اوسا
ترررررررررررررن
دي سوسن ! ألو , ايوة يا سوسن
ايوة يا وحشة يللي ما بتسأليش
ههه غصب عني يا بت , ما بنفضوش ,
بس بنعرفوا اخبارك من البت رزقة
رزقة دي حبيبتي ووش السعد عليا وربنا
ههه . اني متصلة عشان نعزموكِ على حفلة عيد ميلادي
عيد ايه يا بت ! هههه والله يا بت
ونَضَفتي وبقيتي تعملي عيد ميلاد
داحنا هنعملوه على مستوى عالي قوي وحياة غلاوتك عندي , ما بنعزموش غير الناس
الهاي كلاس , رجالة كبار قوي بحريمهم , وهوانم محترمين باجوازهم
طب واللي مالوش جوز يا بت !
يختي بلا جواز بلا هم , وبعدين يمكن
الحفلة دي تكون سبب سعدك ويجيلك فارس احلامك ههه
فارس احلامي ده ايه ! دانا بنتي على وش
جواز
البت دي مكبراكي اوي ... هتجبيها
معاكِ ؟
لا مش هنجيبوها , اني مش معودة بنتي
ع السهر والحفلات
ونعم الأمهات هههه على العموم عيد ميلادي هيبتدا من الساعة
ستة بالليل لحد ستة الصبح تاني يوم ههه
ههه ليه يا بت ! عازمة مقاطيع ما
وراهومش شغل !!!
قولتلك رجال أعمال , تعالي وانتِ مش
هتندمي
ماشي يا سوسن , أنا كمان مخنوقة
وعايزة نغيّروا جو
هههه واني مافيش احلى من الجو عندي
يا حبيبتي , اللي بيجيني مرة بيجيني على طول , باي باي يا أوسا , نشوفوكِ بكرة في عيد الميلاد
باي يا سوسن
**************************
خلف
هذه الجدران,هبة عبد العظيم نور
**************************
ست سعاد , نجيبولك الفطار ؟
لا يا شوقية ... ماليش نفس
ايّوووووووه ! مالكيش نفس ده ايه !
دانتِ نايمة ليلة امبارح من غير عشا , حتى ع الغدا برضو ماخدتيش غير معلقتين شوربة
, كدة غلط عليكِ يا حبيبتي , صحتك تعدم
صحتي ! وهنحافظوا على صحتي عشان مين
!
عشاني اني ههه اني ما نقدروش نعيشوا
من غيرك يا ست سعاد
ههه ينيلك يا شوقية
طب طالما ضحّكتك يبقى ما تكسفنيش
وتفطري , بالله عليكِ روحي اغسلي وشك واقلعي الاسود الحزايني ده وتعالي افطري في الجنينة
اني نقلعوا الاسود قبل اربعين توحا
!!!
أربعين توحا ايه وخمسين توحا ايه بس
! لا شرع ولا دين بيقول كدة , هما تلات تيام العزا وتقلعي الاسود
لا يا شوقية ... أني لسة حزينة على
اختي , مش هنقدروا نقلعوا الاسود ... سيبيني على راحتي
خلاص يا ست سعاد , بس اخرجي اقعدي في
الجنينة , واني هنجيبولك احلى فطار تاكليه جنب حمام السباحة
ماشي يا شوقية ... أني فعلاً محتاجة
نقعدوا في الهوا
روحي يا حبيبتي روحي
*****************************
ايه ده ! أمي قاعدة في الجنينة ! طب
الحمدلله انها اتحسنت
السلام عليكم يا أمي ههه
عليكم السلام يا احمد
أني فَرَحت يامَا لما شوفتك قاعدة في
الجنينة وخرجتي من الحبسة اللي انتِ فيها
...................................................
صحتك عاملة ايه يا أمي ؟
الحمدلله
سي أحمد ! ههه يا صباح الفل والورد
والياسمين
ههه صباح النور يا خالتي شوقية
الفطار يا ست سعاد
حطيه عندك يا شوقية
تاكليه كله , مش عايزة حاجة ترجع في
الصينية , افطر معاها يا سي أحمد عشان نفسها تتفَتَح
أني فَطرت والله يا خالتي شوقية ,
لكن هناخدوا الشيّ مع أمي
وماله يا ابني , هنروحوا نعملولكو
اتنين شيّ
شكراً يا خالتي شوقية , ما بتاكليش
ليه يا أمي ؟
بناكل أهو
وده أكل ده ! أني هنقشرولك بيضة
.............. اتفضلي يا أمي
متشكرة
أني بصراحة جيتلك عشان موضوع مهم
خير ؟
كنت عايز الفلوس بتاعة خالتي توحا
الله يرحمها عشان نرجعوها لعم مرشدي
الفلوس في دولابي , اطلع اوضتي
هتلاقي مفتاح الدولاب في درج السرّاحة , افتح درفة الدولاب اللي على ايدك اليمين
هتلاقي شنطة سمسونيت بني
ومفاتيح الشنطة فين ؟
مش قافلاها بمفاتيح
طيب يا أمي , أني هنطلعوا نجيبوا
الشنطة عشان نرجعوا الحق لاصحابه
مش هتشرب معايا الشيّ ؟
هه هنطلعوا نجيبوا الشنطة وننزلوا
نشربوا معاكِ الشي , وبعدين نروحوا لعم مرشدي ان شاء الله
طيب يا احمد
**************************
خلف
هذه الجدران,هبة عبد العظيم نور
**************************
تررررررررررررررررررررررررررن
شوف مين ع الباب يا سامي
حاضر يا ابويا
******
أحمد !!!
السلام عليكم يا سامي
عليكم السلام يا احمد , اتفضل
متشكر , السلام عليكم يا عم مرشدي
مين ! أحمدددد !!!أيّوووووه بعودة
الأيام يا احمد يا ابني ههه
ههه ازيك يا عم مرشدي , واحشني وربنا
, عارف انّي مقصر معاك يامَا , لكن غصب عني , شغل المينا واخد كل وقتي
الله يعينك يا ابني ويقويك , أني
عارف ان مشاغلك يامَا وهمومك ما يتحملهاش جبال
........... الحمدلله يا عم مرشدي
ازي ابنك ومراتك الأصيلة بنت الأصول
؟
بخير الحمدلله يا عم مرشدي
نعملولك شيّ يا ابن خالتي ؟
قبل الشيّ تعالى يا سامي عشان
هنسلموا عم مرشدي أمانة في رقبتي ونخلّصوا ضميري
أمانة ايه اللي في رقبتك يا ابني ؟
افتح الشنطة دي يا عم مرشدي
ماشي ........... أيّوووووه ........ دي فلوس يامَا يا ابني
دي فلوسك يا عم مرشدي
فلوسي !!
اللي اخدتها منك خالتي توحا
ايّووووووه , داني كنت استعوضت ربنا
في شقا عمري اللي خدته توحا بالحيلة وبالجبروت
ربنا أراد ان مالك يرجعلك يا عم
مرشدي
أني خلاص يا ابني كَبَرت , لا عايز
مال ولا يلزمني , الفلوس دي لسامي واخواته البنات
مالك وانت حر التصرف فيه يا عم مرشدي
تعرف يا احمد يا ابني ... في ناس في
الدنيا دي عايشة عشان تاخد , وناس عايشة عشان تعطي , انت بقى من الناس اللي ربنا
خلقها عشان تعطي من مالها وكمان عشان تكون سبب لحفظ أموال الناس ورجوعها لاصحابها
... ربنا يديك على قد نيتك يا ابني
ربنا يخليك يا عم مرشدي
متشكرين يا احمد يا ابن خالتي , لو
كانت الفلوس مع حد تاني ماكانتش رَجَعتلنا
أني ما عملتش حاجة نستحق عليها الشكر
يا سامي , ده حقكو وكان لازم يرجع
طيب نعملولك الشيّ بقى
ولا يا سامي , شيّ ايه اللي هتعمله
لاحمد !!! اتصل بالحاتي هاتلنا اتنين كيلو كباب وكفتة عشان احمد يتغدا معانا
مالوش لزوم يا عم مرشدي
وربنا ما يحصل , بقى انت تيجي لحد
بيتي وما تتغداش معايا !!! طب دانت واحشني يامَا ومش هنسيبوك النهاردة ههه
ههه تعيش يا عم مرشدي , خلاص مش
هنزعلوك وهنتغدوا معاك
الله يجبر بخاطرك يا ابني , يلا يا
سامي اتصل بالحااااااتي
حاضر , انت نورتنا النهاردة يا ابن
خالتي
نورك يا ابو نورهان
**************************
خلف
هذه الجدران,هبة عبد العظيم نور
**************************
تررررررررررررررررررررررررررررررررررن
موبايلك بيرن يا ست سعاد
تررررررررررررررررررررررررررن
هاتيه يا شوقية
تررررررررررررررررررررررررررررن
اتفضلي
ترررررررررررررررررررن
دي أوسا
قطيعة
ايوة يا أوسا
ازيك يا ماما يا حبيبتي
كويسة الحمدلله , نورهان عاملة ايه ؟
كويسة , هنجيبوها ونجولك دلوقتي ,
لابسين وجاهزين اهو , حد عندك ؟
أحمد كان هنا ومَشَى
طب كويس انه مَشَى عشان كنت عايزاكِ
في موضوع كدة
خير ؟
ما ينفعش الكلام في التليفون , لما
نجولك بقى . سلام يا ماما
الله يسلمك . .... دي أوسا هتجيب
بنتها وتيجي
ايه ! ليه ؟؟؟
هو ايه اللي ليه ! جاية تشوفنيييي ,
جاية تطمن علياااا
الست أوسا !!! يمكن يا ست سعاد .
بنقولولك ايه يا ست سعاد , أني هندخلوا نرتاحوا عشان رجلي وجعاني وهنشيعولك عطا
تشوف طلباتكو
**************************
خلف
هذه الجدران,هبة عبد العظيم نور
**************************
وحشتيني يا ماما وربنا
ما تشوفيش وحش يا أوسا ... ازيك يا
نورهان
الحمدلله يا تيتة , وحشتيني خالص ,
وكنت عايزة نجولك عشان نعزوكي في تيتة توحا بس ماما ما رَضَتش
أصل يا ماما كنت خايفة عليها من جو
العزا والكآبة , أصل نورهان نفسيتها وحشة وما بتتحملش .... بنقولولك ايه يا ماما
نعم
هو الفلوس بتاعة خالتي توحا فين ؟
وانتِ مالك ومال فلوس توحا !!!
مالي ومال فلوسها ازاي !!! مش لينا
فيها !!!
ليكِ فيها ايه يا أوسا !!! دي فلوس
الحاج مرشدي
مرشدي مييييييين ! يا ماما دي فلوس
خالتي اللي طَلَعت بيها من جوازتها السوووودة , مش احسن من اللي طَلَعت من جوازتها
من غير فلوس زي حالاتي !!! الفلوس دي لازماني يا ماما
الفلوس رَجَعت للحاج مرشدي
اييييييه ! رجعت لمرشدي ازااااااي !
ازاي يا ماما تعملوا كددددددة !!!
أحمد اخوكي جَه من شوية وخد الفلوس
ووداها للراجل
أحمددد !!! ايّوووووووووووه , هو كل
مصيبة وراها احمدددددد !!! هو ابنك ده عايز مني ايييييييه ! حاططني في دماغه
وبيحاربني ليييييييييه ؟
واحمد هيحاربك ليه يا أوساااااااا ؟
أيوة بيحاربني يا ست ماماااااا ,
عشان الفلوس دي من حقي ومن حق بنتييييييي , نورهان تبقى حفيدة خالتي توحا
الوحيدددة , والمفروض بعد موتها كل الفلوس تبقى من حق نورهاااااااان
لا يا ماما مش من حقي , كلنا عارفين
ان الفلوس دي بتاعة جدو مرشدي , تيتة توحا اخدتها منه غصب عنه , خالو أحمد اتصرف
صح لما رجعها لجدو مرشدي
اتكَتَمي يا بتتتتتتتت , ما نسمعوش
صوتك واني بنتكلممممممم
..... حاضر يا ماما .... أنا خارجة نقعد في الجنينة
غوري في دااااااهية , جاتك الأرف
عكاكة زي أهل ابوووووكِ
العصير يا ست أوسا
بلا عصير بلا زفتتتتتت , الواحد
أَرَف من عيشتتتتتتته , كل خرابة يطلعلي منها احمدددد , إلهي يتحَرَم من نور عنيه
زي ما هو حارمني من كل حااااااااجة
اخرسي يا بتتتتتتتت , ينقَطَع لسانك
اللي دعيتي بيه على ابنيييييي , عايزين ايه من احمددد ! هو لازم يبقى حرامي ويكبش
ويديكو عشان ترضوا عننننننه !!!
كدة يا ماما ! يعني احنا اللي حرامية
!!! كتر خيرك , أني بقى هنمشي ومش هتشوفي وشي هنا تاااااااااني
في ستين دااااااهية , يعني هو وجودك
جنبي كان عامل اييييييه ! دانتِ ما بتجيش غير لمصلحتككككك
**************************
خلف
هذه الجدران,هبة عبد العظيم نور
**************************
الحقي يا خالتي شوقية , عاركة كبيرة
اوي قامت بين الست سعاد والست أوسا , والست أوسا خدت نورهان ومَشَت , ما تروحي
تشوفي الست سعاد زعلانة ليه
ماليش دعوة , قال يا داخل بين البصلة
وقشرتها . الست سعاد ما بتحبش حد يتدخل بينها وبين ولادها , ولو طَلَعت قولتلها
كلمة حق هتبهدلني وتقولي ما تتحَشَريش بيني وبين عيالي
أني سَمَعت كلام كدة واني معدية من
جنبهم إن الست أوسا كانت عايزة فلوس الست توحا الله يرحمها وبتقول انها من حقها
جاتها كسر حُقها , دي فلوس الحاج
مرشدي يا بت والأستاذ احمد خدها رجعهاله , تلاقي هو ده اللي ولّعها من يمته وخلاها
اتعاركت مع امها
والله الأستاذ احمد ده بيصعب عليا
عشان اخواته وحشين معاه كدة , مع إنه طيب وحنين
مالهومش في الطيب نصيب , ما بيحبوش
إلا اللي شبههم , وكفانا من سيرتهم الطين دي عشان قلبي بينقَبَض
**************************
خلف
هذه الجدران,هبة عبد العظيم نور
**************************
خلاص بقى يا ست اوسا روقي
اااااخ , نار وقايدة في قلبي يا بت
يا رزقة , الفلوس اللي كنت حاطة أمل عليها ضااااااعت , وكله بسبب وش الأذى اللي
اسمه احمدددددد
بصراحة اخوكي ده خيابة الدنيا فيه ,
بقى في حد يقع في ايده اتنين مليون جنيي إلا كسور ويروح يديها لصاحبها !!! ما صاحب
الحاجة إلا اللي لقاها ووَقَعت من نصيبه , طب يا ريت كانت وَقَعت في ايدي اني , داني كنت
سويت بيها الهواااااايل
أهي راحت , منك لله يا احمد , عمري
ما شوفت من وراه حاجة عدلة , كل عمايله معايا مهببة
سيبك منه وروقي , ولا نَسَيتي اننا
هنروحوا حفلة عيد ميلاد الست سوسن ونفرفشوا ونراعوا مزاجنا ! هههه
أي والله محتاجة نروحوا حفلة زي دي
وننسوا همي , يبتليك بهموم الدنيا يا احمد النحسسسسس , طلعيلي يا بت الفستان
السواريه
**************************
خلف
هذه الجدران,هبة عبد العظيم نور
**************************
أنا حلوة كدة يا بت يا رزقة ؟
قمر يا ست أوسا قمر وربناااااا , بس
تقّلي بودرة الخدود حبتين
ههه اسمها البلاشر يا بت يا جاهلة ,
اومال بتشتغلي في الكوافير ازاي !
دايما ننسوا اسمها ههه زوديها شوية
وكمان زودي الروج وطوّلي شرطة الأيلاينر عشان تبين جمال عنيكِ
ههه بقيتي تفهمي يا بت , بس مش عايزة
نزودوا الماكياج عشان ما يبقاش يامَا
يختي زودي زودي , داحنا رايحين عيد
ميلاد مش رايحين ختمة
طب يا بت طلعيلي الجزمة السودة اللي
فيها خطوط فضي بتلمع والشنطة الفضي
حاضر يا ست أوسا , وربنا هتبقي أحلى
واحدة في الليلة دي , طب ما تقلعي الحجاب ده وبلاش منه عشان حلاوتك تزيد اكتر
واكتر
لا يا بت , مش للدرجة دي
خلاص , طلعي خصلة شعر من تحت الحجاب
عشان الناس تعرف ان شعرك حرير ههه
ماشي يا بت ههه .......... أني كدة
جاهزة
ماشاء الله عليكِ يا ست أوسااااااا ,
أربعة وواحد يا أختي , خطي برا أوضتك برجلك اليمين , خمسة وخميسسسسة
جرا ايه يا بتتتتت ! بتزفّي رقاااااصة
!!!
هههه وهو فيه رقاصة في جمالك !!!
نورهااااااااان
ايوة يا مامااااا .... ايه ده ! ايه
اللي حضرتك عاملاه في نفسك ده يا ماما !!!
عاملة في نفسي ايه يا بت !!! كل ده
عشان لابسة فستان حلو وواخدة بالي من روحي ! فاكراني كَبَرت ولا كَبَرت !!! داني
كل الحكاية تلاتة وتلاتين سنة واللي من سني لسة ما اتجوزوش , وبعدين اني رايحة عيد
ميلاد واحدة صاحبتي , عايزاني نلبسوا بيشة ومَلَس
......................... !!!!!
أنا مش هنتأخر , لو جوعتي عندك الأكل في التلاجة سخني وكلي , وإياك تشغلي
التليفزيون وتسيبي المذاكرة , هنقطعوكي حتت , سَمَعتي ؟؟؟؟
...... حاضر يا ماما
يلا يا بت يا رزقة
يلا يا ست أوسا , بتعجبني معاملتك
الجامدة لبنتك قوي
أومال يا بت , ماما كانت دايماً تقول
, اكسر للبت ضلع يطلعلها أربعة وعشرين
هههه يديكِ أربعة وعشرين فرحة بحق
الليلة الهنية دي
***********
أووووف ايه اللي ماما عاملاه في
نفسها ده ! الناس تقول علينا ايه !!!
**************************
خلف
هذه الجدران,هبة عبد العظيم نور
**************************
هي دي شقة سوسن يا بت ؟
ايوة اللي يمّتك دي , مس سامعة
الهوليلة والضحك اللي جوا ! ههه
طب رني الجرس يا بت
تررررررررررررررررررررررررررررررررررن
افتحي الباب يا بت يا سوكااااااااا
من عيني يا ست سوسننننن
انت منورنا النهاردة يا حمدان بيه
هههههه
ههه النور نور القمر صاحبة الحفلة
الحلوة دي
ههههه تسلملي
**************************
خلف
هذه الجدران,هبة عبد العظيم نور
**************************
مين ! رزقة ! ههه افتكرتك بني ادمة
اومال اني ايه يا ام وسط مخلّع !
ادخلي يا ست اوسا ...... مالك مخضوضة كدة ! دي شقة الست سوسن , يعني الدار
أماااااان , اهي الست سوسن واقفة مع شويةرجالة محترمين ونازلة ضحك اهيه , تلاقيهم بيقولولها نكت , ست سوسنننننننن
مييين ! ههه أوساااااا , وسعووووولي
وسعولي عشان نرحبوا بالقمرة اللي نورت عيد مبلاااااادي , اهلاً اهلاً اهلاً يا
أوساااااا امووه اموووه
اهلاً بيكِ يا سوسن , كل سنة وانتِ
طيبة , خدي هديتك , جبتلك جزمة جلد تعبان
, على الله تكون مقاسك
ههههه نموتوا في جلد التعابين , أكيد
هتطلع مقاسي , تسلمي يا قلبي , انما ايه الحلاوة دي يا أوسا ! عيني عليكِ باردة
من بعض ما عندكم يا سوسن
كل سنة وانتِ طيبة يا ست سوسن ههه
وانتِ طيبة يا بت يا رزقة , ما
جبتليش هدية يا بت ؟
الهدايا هتشتي عليكِ يامَا زي المطر في ليل طوبة , ايش تكون
الهدية اللي نجيبوها جنب هدايا الناس الكبارات دول !
طب ادخلي يا بت ولفّي ع المعازيم
شوفي طلباتهم
وماله , المهم نتعشوا وناكلوا
التورتة
اه يا مفجوعة يا دنية هههه . ....
منوراني يا أوسا , اتفضلي
شكراً يا سوسن , انما ايه الستات
والرجالة دول كلهم ! دانتِ معارفك يامَا اوي
اومال يا أوسا , ما اني سيدة أعمال
والكل يحب يجاملني , تحبي تقعدي ع البار ؟
بااااار ! انتِ عاملة بار في شقتك !!
ايوة , لزوم الضيافة , تاخدي كاس ؟
لالالا اني ما نحبوش الحاجات دي
ومالها الحاجات دي ! هتعملي زي
المتخلفين اللي بيحرموها !!!
أني لا بنحرموها ولا بنحللوها , اني
ما نحبوهاش
على راحتك
مساء الرضا والجمال يا سوسن
أهلا ابو الفتوح بيييه ههه مساء
السعادة على عيونك
كل سنة وانتِ طيبة , هابي بيرث داي
تو يووووووو هههههههه
هههههههه وانت طيب يا ابو الفتوح بيه
اتفضلي هديتك , طقم ماس حر ما
لَبَستوس ست في اسكندرية قبلك
ميرسي يا روح قلبي ههه , طول عمرك
لارج وهداياك تجنن
مش تعرفيني بالهانم ؟ ده وجه جديد ما
شوفتوش عندك قبل كدة , لكن وجه جميل و مشرق وجذّاب
نعرفوك عليها , مدام أوسا أعز
صاحباتي
أهلاً يا مدام ..... متجوزة ؟
لا , متطلقة
هههه خير ما فعلتي , اني كمان طَلَقت
اربع مرات , بصراحة الجواز ده مقيد للحرية والمفروض يلغوه خالص ويسيبوا الناس تعيش
على حريتها هههه
...... عن اذنكو
رايحة فين يا أوسا ؟
رايحة نقعد ... رجلي وجعتني
ايه الست قليلة الذوق دي ! ازاي تمشي
واني بنكلموها !!
سيبك منها , عندك الستات في الحفلة
يامَا , عن اذنك , دققتين ورجعالك , البيت بيتك يا ابو الفتوح بيه
**************************
خلف
هذه الجدران,هبة عبد العظيم نور
**************************
ايه يا أوساااا ! كدة تكسفي الراجل
!!! بقى تسبيه وتمشي وهو بيكلمك !!
ايّوووه على تقل ددددمه , تعرفيه من
انهي داهية ده ؟
هههه ده راجل ولا كل الرجالة , وزبون
عندي
زبون عندك ! بيجيلك الكوافير عشان
تضفريله شعره ؟
هههههههههههههه يقطع شيطانك يا أوسا
, لا يا بت , اني نقصد إن مراته هي اللي زبونة عندي
مش بيقول مطلق !!!
ها !! أأايوة , مراته الآخرانية هي
اللي كانت زبونة عندي يعني , عن اذنك هنشوفوا الناس ونرحبوا بيهم ...... منورين يا
جمااااااااعة , تحبوا تسمعوا موسيقى شرقي ولا غربيييييي ؟
شرقيييييي , شرقيييييي وكمان هترقصي
يا سوسن , قولوا ورايا يا جمااااعة , عايزين سوسننننننننن عايزين سوسنننننننننننن
**************************
خلف
هذه الجدران,هبة عبد العظيم نور
**************************
وبعدين بقى في الجارة المؤرفة دي يا
حسن!
الست اياها برضو ؟
ايوة , هو في حد بيعمل العمايل دي
إلا هي ! وبعدين دي شقتها شقة مشبوهة , لما وَقَفت في البلكونة من شوية شوفت ناس
شكلها غَريب وقَفَوا بعربايتهم وطَلَعوا عندها , ستات شكلهم مسخرة ورجالة شكلهم مش
محترم , ودول كلهم طَلَعوا عندها , احنا لازم نعزلوا من هنا يا حسن , دي عمارة
مشبوهة
يا حبيبتي ما تبالغيش , هي شقة الست
دي بس هي اللي مشبوهة , بقيت سكان العمارة ناس محترمين الحمدلله
ماليش دعوة , احنا لازم نعزلوا من
هنا , اني ما نسكنوش جنب جارة بالشكل ده , اني عندي بنات ونخافوا عليهم
يا حبيبتي ماهو كمان ما ينفعش نعزلوا
من هنا , اني ما صدقت لقيت شقة قريبة من شركتي , وبعدين احنا صَرَفنا يامَا ع
الديكورات
طب وايه الحل يا حسن , نسكتوا ع
الوضع ده ونسييبوا الست دي تبوظ العمارة وتجيب سمعتها الأرض !!!
لا طبعاً مش هنسكتوا , احنا نبلغوا
البوليس عن الشقة المشبوهة دي
**************************
خلف
هذه الجدران,هبة عبد العظيم نور
**************************
رزقة , هو الولا عطوة اتأخر ليه ؟ مش
قال هيجيب البت الجديدة النهاردة . عامر بيه مستعجل
تلاقيه في الطريق , زمانه جاي
اني خايفة يتأخر اكتر من كدة والراجل
يزهق ويمشي
لا ما تخافيش , عطوة زمانه جاي ,
طالما هياخد فلوس يبقى هيجيب طلبكو ويجي على ملا وشه هههه ....... أهو جه أهو
ومعاه الكتكوتة , يختي على جمالهاااااا
مساء الفل على عيون ست الكل
مساء النور يا عطوة ..... هي دي ؟
ايوة , ايه رأيك ؟
مش بطالة
ازيك يا مدام سوسن , اني اسمي ....
مش مهم اسمك , المهم فعلك ههه ......
وريها طريق الأوضة يا رزقة
حاضر , تعالي معايا يا حلوة ......
اخر أوضة متدارية بالستارة دي , عدلك مستنيك هناك هيهييي
ماشي
**************************
خلف
هذه الجدران,هبة عبد العظيم نور
**************************
بت يا رزقة
نعم يا ست أوسا
مش ده الولا عطوة ابن اخوكِ ؟
أيوة هو
وبيعمل ايه هنا ؟
بيشتغل مع الست سوسن
بيشتغل مع سوسن !!! انتو بتشتغلوا
معاها ايه بالظبط ؟؟؟
بنجيبولها زباين للكوافير
زباين للكوافير !!!
عن اذنك , هنروحوا نتفرجوا ع الست
اللي بترقص دي , رقصها حلو بنت الايه هههههه
**************************
خلف
هذه الجدران,هبة عبد العظيم نور
**************************
ترررررررررررررررررررررررن دب دب
دببببببببببببببب افتحوااااااااااا بوليسسسسسسسسسسسسسس
يا لهوووووي ! البوليس ع الباب يا ست
سوسنننننننن
اييييييييييييييه !
دب دب دبببببببببببببببب افتحوا
لنكسر البااااااااااب
يا دي الوقعة السوووووودة افتحي يا
بت بدل ما يكسروا الباااااااب
انتو عايزين مين يا بيييييييه ؟
اوعي يا بتتتتتتتتتت ادخل يا عسكري انت وهو فتشوا الأوض وهاتولي الأوباااااااا ش فين صاحبة
الشقققققققة ؟
أأأ اني , انتو ازاي تتهجموا علينا
كدة من غير إذن نيابة ؟
ههه يا سلام ! على العموم اذن
النيابة اهو ........ هات كل الأشكال القذرة دي يا عسكري انت وهو وحطوهم في
البوكسسسسسس
أمرك يا باشاااااااا
ايه ده ! في ايه يا سوسنننننن ! ايه
اللي بيحصل ددددده ؟ البوليس هنا ليييييه ؟
ظلم يا أوسا ظلممممم , منهم لله , بت
يا رزقققققة
بلا رزقة بلا نيييييلة , اني ماليش
دعوة يا بيييييه , اني خدامة وما نعرفوش حاجة عن اللي بيحصل هناااااا , الست سوسن
هي الراس الكبيرررررة
خدهم يا عسكري انت وهووووو
ياخدونا فيييييين ! الحقيني
يامّااااااااااا
سوسننننن قوليهم ان اني ماليش دعوة
يا سوسسسسسسن اهئ اهئئئئئئئ
يختي سبيني في اللي اني فييييييه
يا باشاااااا , لقينا اربع ستات
متلبسين بأفعال فاضحة
لفوهم بملايات وهاتوهمممممم
**************************
خلف
هذه الجدران,هبة عبد العظيم نور
**************************
يا خبر ! ماما اتأخرت قوي , وكمان
موبايلها مقفول اهئ اهئئئ يا ترى روحتي فين يا ماما !!! نتصل بتيتة نقولولها ولا
نعملوا ايه !!! اني هنموت من القلق اهئ اهئئئئ
ترررررررررررررررررررررررررررن
يارب تكون ماما هي اللي ع الموبايل
....... دا نسيم , الحقني يا نسيممممم , ماما خرجت من بدري و اتأخرت اوي وكمان
موبايلها مقفول ومش عارفة نعملوا ايه
....... أمك اتقبض عليها في شقة
دعارة
اييييييييييييييييه ! انت ازاي تقول
على ماما كدة يا نسيممممممم !!!
هو ده اللي حصل يا نورهان
انت كداااااااب كداب يا نسيم اهئ
اهئئئئئ ماما مش ممكن تعمل كددددددة
هنبعتولك الصور بتاعتها والعساكر مجرجرينها ع الواتس يا نورهان عشان
تصدقيني , لحظة واحدة
ايه اللي انا شايفاه ده !!! لااااا
مش ممكن مش ممككككككككن اهئ اهئئئئئئئئ
مش هي دي امك ولا اني غلطان ؟
....... هي يا نسبم اهئ اهئئئئ بس
اني متأكدة انها مظلوووووومة
ههه حتى بعد ما وريتك الصور لسة
بتدافعي عنها !!!
.......... انت جبت الصور دي منين ؟
...... عَرَفت منين أصلاً ان ماما في المكان ده ؟
مش ده المهم , المهم انك تسيبيلها
البيت من الليلة دي , دي ما تنفعش تكون
امك يا نورهان . هتلوث سمعتك وشرفك ... دي ما تشرفش أي حد
اهئ اهئئئئ مش ممكن ماما تعمل كدة ,
مش ممكككككككن اهئ اهئئئئ
حضري شنطتك يا نورهان .... هنعدوا
عليكِ بعد نص ساعة , لحد هنا ومالكيش
علاقة بالست دي ... أول ما نوصل على إمه الشارع هندوكي رنة . سلام
اهئ اهئئئئ معقول يا ماما تعملي في
بنتك كدة !!! اهئ اهئئئ معقوووول ! ...... فعلاً هي ما تستاهلش تكون أمي اهئ اهئئئ
أني لازم نمشي مع نسيم ... اني هناخدوا كل هدومي وهناخدوا الدهب كماااااان
**************************
خلف
هذه الجدران,هبة عبد العظيم نور
**************************
اني كدة حطيت كل حاجة في الشنطة ,
ياااااه تقيلة قوي , مش قادرة نشيلوها
ترررررررررررررررن
اهو نسيم رن علياااا, يبقى وصل على
إمة الشارع , لازم ننزل حالاااااً
**************************
نفتحوا البوابة من غير ماحد ياخد
باله , الشنطة وجعتلي ايدي , ايّووووه ده البواب قافل بوابة العمارة بالمفتاح
اووووف , اني فاكرة ان معايا مفتاح للبوابة في الشنطة , يارب نلاقوه ....... أهو ,
الحمدلله , نفتح ونخرج بسرررررعة
*********************
نورهاااااان ههه استني ناخدوا منك
الشنطة
ااااه وجعتلي دراعي قوي
معلش , لو كان ينفع كنت طَلَعت خدتها
منك عشان ما تتعبيش ... اركبي انتِ على ما نحطوها في شنطة العربية
ماشي يا نسيم
**************************
خلف
هذه الجدران,هبة عبد العظيم نور
**************************
ايّووووه اخيراً بقيتي معايا وهنمشوا
ونسيبوا كل الدنيا , وحشتيني يا نورهان هههه
اهئ اهئئئئ
ايه ده بقى ! بتعيطي ليه ؟
اهئ اهئئئ اني مكسوفة اوي من اللي
ماما عملته
حبيبتي انتِ مالكيش ذنب .... هي اللي
ما تستاهلش تكون امك
يعني انت ما غيرتش رأبك فيا بسبب ماما
؟
ايه اللي بتقوليه ده ! أني عارف انك
غير مامتك , وكمان انتِ مش مسؤولة عن تصرفاتها , واني ما اتعودتش ناخد حد بذنب حد
تاني , وفي الأول والآخر ماحدش بيختار أهله يا نورهان
عندك حق يا نسيم .... لكن انت ما
قولتليش احنا رايحين فين ؟
هنروحوا مكان بعيد ...... مكان
مافهوش إلا اني وانتِ ..... هنبعدوكي عن كل الناس
طيب هو فين المكان ده ؟؟
المسافة بعيدة يامَا عن هنا يا
نورهان , وعشان ما تحسيش بالملل خدي القرص ده
....... ايه القرص ده ؟
ما تخافيش ....ده منوم
منوم !!
خوفتي مني ؟
أني ! اني لو خوفت من الدنيا كلها مش
هنخافوا منك يا نسيم
طب خدي القرص .... المية عندك في
الأيس بوكس
أخدته يا نسيم
بالشفا هه أول ما نوصلوا هنصحوكي يا
حلوة
**************************
خلف
هذه الجدران,هبة عبد العظيم نور
**************************
نورهان ..... اصحي يا نورهان .......
حبيبتي ....... نورهان اصحيييييي
ممممم أنا فين ؟؟؟
وصلنا ..... اصحي وفوقي بقى عشان
نطلع
ايه ده ! احنا هنطلع البيت
القديم ده ؟؟؟
ايوة , لحظة هنجيبوا الشنط من شنطة
العربية
يلا يا نورهان ........... مال شكلك
مرعوب كدة !
البيت قديم ومافيش حواليه أي بيوت
تانية , مكان مهجور ومخيف
خايفة وانتِ معايا ؟
....... لا
طب تعالي ورايا
حاضر يا نسيم
**************************
خلف
هذه الجدران,هبة عبد العظيم نور
**************************
ادخلي يا نورهان , دي الشقة اللي
هتقعدي فيها .... معلش , شقة صغيرة , لكن جميلة بوجودك
مممم هي دي الشقة اللي هنتجوز فيها
يا نسيم ؟
نتجوز !
هههههههههههههههههههههههههههههه
انت بتضحك ليه يا نسيم ؟
أبداً , احنا لما نتجوز يا نورهان
أكيد مش هنعيشوا في الشقة دي , لازم يكون قصر كبير يليق بحفيدة الحاج عادل سليم
وحش المينا
اني مش عايزة قصور , أني عايزاك انت
يا نسيم , انت الوحيد اللي حاسس بيا في الدنيا دي كلها , عشان كدة سيبت كل حاجة
وجيت معاك
انتِ حبيبتي يا نورهان ..... خدي
موبايلك الجديد , ده هديتي ليكِ
موبايل جديد ! متشكرة أوي يا نسيم
متشكرة على ايه ! أنا حطيتلك فيه خط
جديد رقمه مش موجود مع حد غيري , وخزنتلك رقمي عليه عشان لما تحبي تطلبيني
طيب ما انا معايا موبايلي القديم
ورقمك متخزن عليه
لا , موبايلك القديم ده هتدهولي عشان
نرموه في البحر
ترميه في البحر ليه ؟
عشان يغرق ويغرق معاه كل الماضي
..... نورهان القديمة ما بقالهاش وجود ...... من النهاردة انتِ نورهان جديدة
بتاريخ جديد هنكتبوه اني وانتِ عشان يشهد على حكاية حبنا
ربنا ما يحرمنيش منك يا نسيم وتفضل
تحبني طول العمر
اسمعي يا نورهان , أني لازم نمشي
دلوقتي
تمشي ! انت هتسيبني لوحدي في المكان
المهجور ده !!!!
ما تخافيش ...... أني سايبلك
تليفزيون فيه كل القنوات اللي ممكن تسليكِ على ما نرجعولك ,وكمان التلاجة فيها أكل
وعصاير يكفوكِ أسبوعين
اييييييه !!! انت هتسيبني اسبوعين
لوحددددي !!!
لا , اني هنعدوا كل يوم نشوفوا
طلباتك لحد ما ....... لحد ما نتجوز , يااااه أني اتأخرت ولازم نمشي , بكرة
هنكونوا عندك
ما تتأخرش عليا يا نسيم
ما تخافيش .... سلام
الله يسلمك يا نسيم ...... يا مامي ,
أنا خايفة اوي , هنباتوا هنا ازاي لوحدي !! أني عمري ما بيت لوحدي أبداً , الله
يسامحك يا ماما اهئ اهئئئئئ , أني نحمد ربنا ان نسيم ما قطعش علاقته بيا بسببها
..... يا حبيبي يا نسيم
**************************
خلف
هذه الجدران,هبة عبد العظيم نور
**************************
موبايل نورهان هه نرموه في
البحررررررررررررررررر
ههههه غَرَق , بداية الحساب يا عيلة
عادل سليمممممم , هناخدوا حقي ومش هنرحموا كبير ولا صغير فيكوووووو
**************************
خلف
هذه الجدران,هبة عبد العظيم نور
**************************
كفاية عياط يا ست أوسا عنيكي
هتتعمىىىىىىىى
اخرسيييييي مش طايقة نسمعوا
صوتكككككك , منك لله يا رزقة انتِ وسوسنننننن
مني لله ليه ! هو اني ضربتك على ايدك
عشان تيجي الحفلة !!! ما انتِ اللي لَبَستي واتغندرتي وجيتي بمزاجكككك
بس يا بت انتِ وهييييييي , يلا خشوا
عند البيه الظابط يا مجرمين يا حسالة المجتمععععععع
**************************
خلف
هذه الجدران,هبة عبد العظيم نور
**************************
احنا مظلومين يا بييييييييه , احنا
ما عملناش حاااااااااجة
بس يا بت انتِ وهيييييي , فين البت
صاحبة شقة الدعارة ؟
هي دي يا بيه
قربي هنا يا بتتتتتتتت
ايه بت دي يا باشااااا ! اني هانم
محترمة ومعارفي ناس كبار أوي في البلدددد
انتِ تخرسييييييي , ما تتكلميش إلا
اما نسألككككك
اووووف اني مش هنرد على أي سؤال قبل
ما نعملوا مكالمة مهمة
ههه هتكلمي مين يختي ؟
هنكلموا اللي هنكلموه يا باشا , بعد
إذنك , الوووو أيوة يا ابو العلا ببيييييه , أني سوسن , اني اتقبض عليا من شوية
وموجودة في النيااااااابة ...... هيكون اتقبض عليا ليه !! ظلم في ظلممم , انت لازم
تتصرف أه , اني لازم نخرجوا من هنا وإلا وحياة شرفي لنهدوا الدنيا على دماغ الكككل
, ......... خلاص هنطمن , باي باي
عملتي يختي المكالمة اللي نفسك فيها
! افتح المحضر يا عسكري
لو سمحت قبل ما تفتح المحضر اني
عايزة نقولوا حاجة اهئ اهئئئئئ
عايزة ايه يا بت ؟
أني وربنا ما ليا دعوة بسوسن ولا
نعرفوا أي حاجة من اللي هي بتعمله ده
اومال كنتِ عندها بتعملي ايه ؟
وربنا كنت معزومة على عيد ميلادها
اهئ اهئئئئ
وانتِ ايه علاقتك بست مشبوهة زي دي !
ما تقولش عليا مشبوهة يا باشااااااا
, وربنا لتعرف قيمتي كمان شوية
انتِ تخرسي خاااااالص .... وانتِ
جاوبي ع السؤال
اني نعرفوا سوسن من سنين يامَا ,
كانت زميلتي في المدرسة الثانوي التجاري , وعلاقتي بيها اتقطعت من يامَا , بس
شوفتها صدفة لما دخلت كوافير وطَلَعت هي صاحبته , راحت خدت تليفوني وخدت تليفونها
عشان نسألوا على بعض وياريتني ما خدته ولا عَرَفتها تاني اهئ اهئئئئئئئ
انتِ بتتبري مني اني يا أوسا !!!
لييييه ! شيفاني جربة ولا جربة ولا ما نليقوش بالمقام العاااالي !! طب وربنا يا
بيه أوسا دي شريكتي وبتدير الشقة معاياااااا
كدااااابة والله كداااااابة اهئ
اهئئئ اني ما نعرفوش حاااااااجة , دي كداااااااابة
أهو انتِ اللي كدابة واني هنجيبوا
ناس يشهدوا على قلبك ....بت يا رزقة
نعمين يا ست سوسن
قولي للباشا مين اللي شيعتك تشتغلي
معايا وبتاخد الفلوس بالنص فيفتي فيفتي
الست أوسا يا ست سوسنننننن
اخرسي انتِ وهيييييي اهئ اهئئئئئ بقى
كدة يا رزقة !!! بقى بعد السنين دي كلها بتفتري عليا وتتَفَقي مع سوسن ضددددددي
!!!
أيّوووووه يعني نكدبوا ونجاملوكي
ونغضبوا ربنااااااا !!!
اخرسي قطع لساااااانك اهئ اهئئئ اني
أشرف منك ومنهاااااا
هيهييي وحياة شرف بنتك يختي !!! يا
بيه , الست أوسا دي عندها بت ماشية على حل شعرها وبتخرج مع الشبان وبيصرفوا عليها
وامها عااااارفة
اخرسييييييي إياك تجيبي سيرة بنتي
على لسانك يا زبااااااالة
اني زبالة ! معلش يا ام النضافة كلها
, ابقي قولي لنورهان بنتك تسلملي على نسيم اللي بيصرف عليها بالآلافااااااات
اخرسييييييي اهئ اهئئئ منك لله ,
الله ينتقم منك يا رزززقة داني هناكلوكي بسناااااااني
الحقوني يا نااااااس حوشوها عني وش
الإجرام دددددي
بس يا ست انتِ وهييييييي
يا فندم أنا رجل الأعمال شكري عزام ,
اني عايز نعرف انتوا قبضتوا عليه لييييييه ؟
مش عارف ليه يا اخويااااا !
يا باشا اظن انا ما اتقبضش عليا
متلبس , اني كنت قاعد على طرابيزة القمار , واظن مافيش قانون بيعاقب على لعب
القمار , وعلى العموم اني هنتصل بالمحامي بتااااااعي
اتصل بللي هتتصل بيه
عن اذنك يا ست سوسن , اوعي يا منحرفة
انتِ وهي من يمتي عشان هنكلموا البيه الظابطططط , اني شريفة يا بيييييه , اني
مظلووووومة
ولما انتِ شريفة , ايه اللي وداكِ
الشقة دي ؟
بنوصلوا الصبايا لحد هناك وننزل ,
اني مالي اني
قوادة يعني
اهي شغلانة ناكلوا منها عيش بدل ما
نبقوا عوالة ع المجتمع
يا شيخة اتقي الله , طب اشتغلي
شغلانة شريفففففففة , بتاكلي من اعراض النااااااس ! امشي غوري اقفي هناااااك
اديني غورت اهو , راجل عصبي ماحدش
عارف يكلمه ...... شوفتي يا ست سوسن , أني شَهَدت معاكِ وبيعت الست أوسا عشان
عارفة انك واصلة وهتخرجي من هنا وتخرجيني معاكِ
اني عيني ليكِ يا رزقة
الست أوسا بتعيط
تعيط ولا تتفَلَق , احنا ناقصينها
!!!
منور يا عطوة يا ابن اخويا
سيبيني يا عمتي انتِ كماااان ,
ياباشاااااا اني مظلوم , اني انضحك عليا
يا باشاااااا
اسمك ايه يا ولا ؟
اسمي عطوة يا باشا
اهئ اهئئئ عطووووة قول للبيه اني
مظلومة يا عطوووة , قوله اني جيت عشان نحضروا عيد ميلاد سوسن وماليش دعوة
بحاااااجة
اسكتي يا ست انتِ ما تتكلميش إلا لما
نوجهلك سؤاااااال
اهئ اهئئئ طب من فضلك نعملوا مكالمة
هه انتِ كمان مسنودة !! على العموم
ماشي , اعملي المكالمة اللي انتِ عايزاها
يا ربي نكلموا مين ونستنجدوا بمين !
اهئ اهئئئ ما نقدروش نتصلوا ببابا ونعرفوه المصيبة دي ونتفَضَحوا قدام الزفتة
اشجان وبنتها اهئ اهئئئ وأدهم مسافر وما نعرفوش هيجي امتى اهئ اهئئئ .........
أحمد ...... نكلموا احمد . مافيش قدامي غيره اهئ اهئئئ الساعة عدت اتنين بالليل , يارب نلاقوه صاحي
تررررررررررررررررررررررررررررن
ايه ده ! موبايل احمد بيرن
تررررررررررررررررررررن
ده رقم غريب
ترررررررررررررررررررررررررن
ليكون حد عايزه في حاجة مهمة
ترررررررررررررررررررررررررررررررن
, اصحى
يا احمد , موبايلك بيرن , احمد
تررررررررررررررررررررررررررررن
مممم في ايه يا هيام
موبايلك بيرن
ترررررررررررررررررررررن
مين يا هيام
مش عارفة , رقم غريب
تررررررررررررررررررن
الو
ايوة يا احمد , اني اختك أوسااااااا
أوسااااااا ! في ايه يا أوسااااااا ؟
ألحقني يا احمد , اني مقبوض عليا ظلم
وموجودة في النيابة اهئ اهئئئئ
اييييييه ! ايه اللي حصل يا
أوساااااا ؟
ظلم يا احمد , ظلم وربنااااااا ,
تعالالي بسرررررعة
طيب يا أوسا , اني هنجيلك حالاً إن
شاء الله ...... اللهم لا حول ولا قوة إلا بالله
في ايه يا احمد ؟ مالها أوسااااا ؟
مافيش حاجة يا هيام , عندها مشكلة
خاصة وعايزاني نروحولها دلوقتي
........ طيب يا احمد , خير يا رب ان
شاء الله , ابقى طمني
ان شاء الله يا هيام
**************************
خلف
هذه الجدران,هبة عبد العظيم نور
**************************
يا فندم , اخو المتهمة أسماء عادل
سليم جه برا وعايز يقابل سيادتك
خليه يتفضل
اتفضل يا أستاذ
متشكر
أحمدددددد اخوياااااااا اهئ اهئئئ
الحقني يا احمدددددد
بس يا ست انتتتتتتِ
ايه ده !!! ايه اللي لبساه أوسا
وعاملاه في نفسها ده !!! وايه الستات الخليعة الملفوفين بمليات دي ! ..... يا خبر
اسووووود ! دعارة !!!............... السلام عليكم يا فندم
عليكم السلام
أحمد عادل سليم , أخو مدام أسماء ,
ممكن أعرف ايه الحكاية بالظبط ؟
اخت حضرتك اتقبض عليها في قضية دعارة
ظلم والله يا احمدددددد اني كنت
معزومة في عيد ميلاد وما كنتش نعرفوا ان الشقة مشبوهة , وربنا ما نعرفوا حااااجة
اهئ اهئئئ اتصرف يا احمددددد خرجني من هنا نبوسوا ايدكككككك اهئ اهئئئئئ
......... ممكن كوباية مية يا فندم
من فضلك ؟
اتفضل يا أستاذ احمد
متشكر ....... آسف , مش قادر نتلم
على أعصابي
مقدر شعورك .... شيء مخزي فعلاً
عفوك يا رب ... عفوك ..... طيب من
فضلك ممكن اختي تخرج معايا بكفالة وبضمان محل اقامتها ؟ أني مستعد لأي كفالة
مطلوبة
آسف والله , دي قضية كبيرة ولازم يتم
التحفظ عليهم لحين انتهاء التحقيقات
....... طيب من فضل حضرتك أنا مضطر
اعمل تليفون
اتفضل
هتتصل بمين يا احمد ؟؟؟؟
هنتصل بعلي ابن خالتي ثريا , ماهو
وكيل نيابة وممكن يساعدنا
ايييه ! علي ابن ثريا اخت اشجااااان
!
عندك حل تاااااااااني !!!!!!
اهئ اهئ اهئئئئئئئئ
ترررررررررررررررررررررررررررررررررن
ايه ده ! مين بيطلبني في وقت زي ده
ترررررررررررررررررررررررررررررن
! ..... أستاذ احمد !!! غريبة اوي ,
خير يا رب . السلام عليكم يا أستاذ احمد
عليكم السلام يا علي , أني آسف
لإزعاجك في وقت زي ده
أنا تحت أمرك في أي وقت يا أستاذ
احمد
متشكر يا علي , ممكن تجيلي النيابة
دلوقتي ؟
في ايه يا أستاذ احمد ؟
........ تعالى وانت تعرف
**************************
خلف
هذه الجدران,هبة عبد العظيم نور
**************************
تن تن يا بهاء بيه , علي بيه السمان
وكيل النيابة برا
علي ! خليه يتفضل
مساء الخير يا بهاء
ههه قول صباح الخير يا علي
ازيك يا أستاذ احمد
أهلاً يا علي بيه
لحظة نعرف ايه الحكاية من بهاء بيه
اتفضل
ايه اللي حصل يا بهاء , قابضين على
اخت الأستاذ احمد ليه ؟
ممسوكة في قضية دعارة
دعاااااااارة ! مستحيييييل , يا بهاء
, مدام أسماء بتنتمي لعائلة من أكبر عائلات اسكندرية , غير ان بتربطنا بيها صلة
قرابة , والتهمة دي إهانة للعيلة كلهااااا
أني مظلومة يا عليييييي اهئ اهئئئئ
وربنا كنت بنحضروا حفلة عيد ميلاد وما نعرفوش حااااااجة . خلوهم يطلعوني من هنا
اهئ اهئئئ يا ناس اني سايبة بنتي لوحدها وزمانها اتفجعت بسبب غياااابي اهئ اهئئئ
طيب من فضلك يا بهاء , أنا هخرّج
مدام أسماء على ضمانتي الشخصية , والصبح هتكون موجودة لاستكمال التحقيق
طيب يا علي , بس من فضلك تخليها تيجي
الساعة تسعة الصبح
ان شاء الله ...... أستاذ احمد ,
لازم تجيب مدام أسماء الساعة تسعة الصبح وإلا هتحط في موقف حرج
ما تخافش يا علي .... تسعة بالظبط
هتكون موجودة ان شاء الله ....... متشكر اوي على تعبك معانا
ما تقولش كدة يا أستاذ احمد , احنا
أهل
**************************
خلف
هذه الجدران,هبة عبد العظيم نور
**************************
خد الستات دول ع الحجز يا عسكري
أمرك يا باشااااا , يلا يا بت انتِ
وهي
اوعى ما تزوقششش
****************
وبعدين يا ست سوسن ! دي الست أوسا
طَلَعت واحنا اللي اتحبسنا هنا مع المشبوهين وفتايات الليل الفُجّر دول
ما تخافيش يا بت يا رزقة , ليلة
وتعدي , هيتصرفوا ويطلعوني من المخروب ده
يطلعوكِ لوحدددددك ؟
ما تخافيش يا بت , رجلي على رجلك
تعيشيييي , طب والولا عطوة ؟
أيّوووووه بلا عطوة بلا هبااااااب ,
هو أني هنشيلوا هم الرجالة كمان !!!
طول عمر قلبك كبير وشايلة هم الرجالة
قبل الستات يا ست سوسن , بقى واحدة زيك بتعمل الخير كله وتفرفش الناس تقوم آخرتها
تترَمَى رمية الكلاب كدة !!!
ماحدش بيقدّر يا رزقة , يلا كلها
سواد الليل ونخرجوا
منك لله يا سوسننننننن , انتِ اللي
جرجرتي رجلي اني والبنات دول للسكة ددددددي
أني ما بنجرجروش حد يا روح طنطططط ,
الفلوس والطمع هما اللي جرجروكي جاتك المصااااايب
بس يا بت انتِ وهي مالكوش دعوة بالست
سوسن , واتخمدوا , إلهي تناموا ما تقوموااااااا
**************************
خلف
هذه الجدران,هبة عبد العظيم نور
**************************
........ اركبي يا أوسا
يا احمد اني مظلوووومة , اوعى تصدق
فيا حاجة وحشششة , انت اخويا وعارفني كويس , اني ما نعملوش كدة يا احمدددد
عارف انك ما تعمليش كدة , لكن اللي
عايز نعرفوه انتِ ايه يوديكي مكان قذر زي دددده ؟؟؟؟؟
اهئ اهئئئ منك لله يا سوسن انتِ
ورززقة , يا احمد دي سوسن صاحبتي بتاعة زمان عزمتني على عيد ميلادها وحضرته بحسن
نية واني ما نعرفوش انها بتدير شقة دعارة اهئ اهئئئئئ
وانتِ ايه يخليكِ تعرفي واحدة زي دي
!!! للدرجة دي ما تعرفيش تصاحبي مين وما تصاحبيش ميييين !!!
يا احمد وربنا ما نعرفوا انها كدة
اهئ اهئئئ أني عارفة انها طول عمرها تحب تعيش على كيفها , بس عمر ما كان يخطر على
بالي انها تدير شقة دعارة اهئ اهئئئئئ
.............. انتِ عارفة فضيحة زي
دي ممكن تعمل فينا ايه يا أوسا ؟
................................................
لو ما قَدَرناش نثبتوا برائتك
والتهمة ثبتت عليكِ , نبقى انكسرنا واسم العيلة وَقَع , الناس كلها هتنهش في عرضنا
ومش هنقدروا نرفعوا راسنا بين الناس تااااااااااني
....................................................................
ايه اللي يخليكِ تعيشي لوحدك وتخرجي
على كيفك من غير حساب يا أوساااااا
توبة يا احمد تووووبة اهئ اهئئئئ أول
ما تثبت برائتي هناخدوا بنتي ونرجعوا نعيشوا مع ماما تاني اهئ اهئئئئ ..........
لكن برائتي هتتثَبَت ازاي ! ده كل اللي اتهموني شهود زور ما عندهومش ضمير ولا
بيخافوا من ربنا اهئ اهئئئئئئ
........... ربنا كبير , وصلنا عند
العمارة ... انزلي يا أوسا
متشكرة يا احمد , كتر خيرك
هنعدوا عليكِ الصبح الساعة تمانية
تكوني جاهزة ان شاء الله
حاضر
**********************
اااااه مش قادرة نقف على رجلي ......
زمان نورهان نامت من بدري حبيبة قلبي اهئ اهئئئ بلاش نقلقوها .... بعد ما نرجعوا
من النيابة بكرة نبقوا نشوفوها .......
نرجعوا !!! يا عالِم هنرجعوا ولا مش هنرجعوا اهئ اهئئئئ منك لله يا سوسن , الله
ينتقم منك اهئ اهئئئئ
**************************
خلف
هذه الجدران,هبة عبد العظيم نور
**************************
انت جيت يا علي !
ايوة يا أمي
نَزَلت روحت فين كدة في انصاص
الليالي ؟
جالي تليفون مهم يا أمي واضطريت ننزل
تليفون من الشغل ؟
لا ... من احمد عادل سليم
احمد !! ... خير ؟
والله يا أمي مش عارف نقولولك ايه
في ايه يا ابني قلقتني
طيب احنا هنحكولك بس توعديني ان
الكلام يبقى سر بينا حتى ابويا نفسه ما يعرفوش
وانا من امتى يا علي بتقولّي على سر
وبنطلعوه يا ابني !
معلش يا أمي , أصل الموضوع صعب اوي
ولازم نأكد عليكِ
خير يا ابني ؟
أوسا بنت الحاج عادل سليم اتقبض
عليها في شقة دعارة
اييييييه ! يا دي المصييييييبة , ايه
اللي بتقوله ده يا علييييييي !!!
هو ده اللي حصل
اوسا ! .... أوسا تعمل كددددددة !!!
لا يا ابني مش معقول , هي صحيح طبعها وحش وعمايلها ما تسرّش لكن برضو ما تعملش كدة
, أكيد في حاجة غلط
والله يا أمي لسة بنحققوا معاها
وهنعرفوا أساس الحكاية ان شاء الله , وان كانت مظلومة هيبان
لا حول ولا قوة إلا بالله .... وعادل
عَرَف ؟
لا , احمد ماقالش لحد
يا عيني عليك يا عادل , دي مصيبة ايه
اللي لا كانت ع البال ولا الخاطر دي ! الراجل لسة قايم من دور عيا شديد ما بقالوش
كام شهر , ده لو عَرَف الحكاية دي مش بعيد يطب ساكت
ربنا يستر بقى يا أمي ...أنا بصراحة
نفسي تطلع بريئة , لإن لو سمعتها اتلوثت هتأثر على سمعة رحمة لانها اختها
..... أنت لسة بتفكر في رحمة يا علي
؟
لا يا أمي , مش زي ما انتِ متخيلة ,
رحمة مهما كانت بنت خالتي وسمعتها من سمعتي , وانا عايز رحمة طول عمرها تعيش رافعة
راسها
ربنا يستر يا ابني ... استر يارب
واحفظ اعراض الولاية آمين
**************************
خلف
هذه الجدران,هبة عبد العظيم نور
**************************
متشكرة
يا مسعد يا ابني على عزومة العشا اللطيفة دي هه
هههه
دي حاجة بسيطة , اصل حنان طلبت تاكل سمك وجمبري فعملت حساب حضرتك معانا
كلك
ذوق هه على فكرة يا مسعد انا كنت عايزة اتكلم معاك في موضوع مهم
خير
يا طنط ؟
خير
يا حبيبي ان شاء الله , نتكلم واحنا بناخد الشاي في الهول , هي حنان فين ؟
بتصلي
العشا وجاية
ربنا
يتقبل منها ان شاء الله
******************************************************
ها
يا ماما , كنتِ عايزة مسعد في ايه ؟
هقوله
حالا يا حنان , شوف يا مسعد , انا كنت عايزة افتح شركة مقاولات بإسمي أنا وحنان
وانت اللي تديرها , طبعاً هيكون لك نسبة في الأرباح بالإضافة لمرتبك
فكرة
روعة يا ماما هههه ايه رأيك يا مسعد ؟
ممم
والله يا طنط انتِ كدة هتحمليني مسؤولية
كبيرة أنا مش قدها
انت
قدها وقدود يا باشمهندس , وبعدين انت اكتر واحد هتخاف على مالي ومال حنان يا ابني
ايوة
لكن
لا
لكن ولا غير لكن , توكل على الله وقول موافق
وافق
يا مسعد يا حبيبي , كفاية انها هتكون شركة بتاعتنا وملكنا , أنا بصراحة مش عايزاك
تشتغل عند حد , انت اتخلقت عشان تكون مدير لشركة كبيرررررة
ههه
خلتيني مدير مرة واحدة كدة يا حنونة !
وعشرين
مدير كماااااان
يا
ابني دي هتبقى شركة ليكو ولأولادكو ان شاء الله , ولا ناسي ان جايلك بيبي في السكة
! هه
خلاص
يا طنط , اديني بس فرصة اصلي استخارة
صلي
يا ابني , ربنا يقدر مافيه الخير
**************************
خلف
هذه الجدران,هبة عبد العظيم نور
**************************
تررررررررررررررررررررررررررررررررررررررررررن
ايه ده ! مين بيرن جرس الفيلا
الصبحية كدة ! دي الساعة يادوب ستة ونص , البت عطا نايمة , نروحوا اني نشوفوا مين
**********
سي أحمد !!! خير يا سي أحمدددد ؟
السلام عليكم يا خالتي شوقية
عليكم السلام يا ابني , ايه اللي
جابك الصبح كدة ؟
........ أمي فين ؟
انا حاسة والله اعلم ان نسيم هيبقي وجدي ابن اخت بدور،،،اعتقد هيبقي حابب يدوقهم من نفس الكاس اللي شربوها لخالته
ردحذفلا حول و لا قوة إلا بالله العلي العظيم
ردحذفنسيم مش ممكن يكون وجدي😐😐😐
ليه بس كده؟!! 😯😯😯
نورهان مش ذنبها أيا كان حصل زمان و عايز تنتقم من عيلة عادل سليم... حرام عليك مش كفاية إنها ضحية زواج فاشل...
يا ترى مين اللي هينقذها منك و لا خلاص هتتسبب لها في فضيحة و تكون ذنبها في رقبة أوسا اللي افترت على ضحى بالباطل 😓😓😓😓😓
زي ما توقعت أوسا هتجري عالفلوس لكن عجبني رد سعاد على أوسا... و سبحان الله أوسا كل ما تقع في مشكلة تلاقي أحمد هو اللي بيجري عليها و يكون سندها 😒😒😒
أوسا أهو حلمك تحقق و لو زي ما شفتي في منامك أحمد مش قادر يساعدك يبقى راحت عليكي و اعرفي إن ده عقاب ليكي على رمي ضحى بحاجة هي بريئة منها و أبعد ما تكون عنها و تدميرك لحياتها... فعلا كما تدين تدان و الجزاء من جنس العمل 😑😑😑
حنان و مسعد ألف مبروك و النونو الصغنن في الطريق 😍😍😍😍
مبروك يا مسعد مراتك و مامتها بنات حلال و بنات أصول 😀😀😀
سبحان الله عمرك ما اهتميت لنفسك و كل همك تساعد أهلك و تسعدهم،.. أهو دلوقت عملك الصالح و نيتك الطيبة بيفتحولك باب السعادة عشان إنت راضي و بتحمد الله على كل حال☺☺☺
لكن يا خوفي سعيد يطمع في فلوسك 😅😅😅
أما ألحق الحلقة التانية بسررررعة
نسيم مش ممكن يكون وجدي عشان هو بيحب أحمد و عمره ما هينسى فضله عليهم و كمان بدور مش بتحمل الهوا على نورهان و أكيد مش هتسمح لوجدي إنه يدخل نورهان في دايرة الانتقام 😐😐
ردحذفياااه اد ايه الاحساس بالظلم ده وحش اوى .انا كنت بحس بالظلم مع كل شخصيه ف الرواية بتتظلم بزعل زيها وافكر زيها .اد ايه شخصية احمد دى مريحه وصبورة .من الواضح ان سعاد بدات تفوق بعد موت اختها وكمان كل الامور بدات تتضح
ردحذفكان عندى احساس من اول يوم ان نسيم ده جاى لغرض معين بس مكنتش قادرة اجمعه ومازلت .معتقدش انه وجدى بس ممكن يكون من طرف بدور بالذات انه وقع اوسا ف مصيبه تشبه كتير المشكله الى عملها ادهم ف بدور
دمتى مبدعه يااستاذه
الغريب ان اوسا صعبت علي رغم انها انسانة مؤزية
ردحذفوسعاد وحزنها علي اختها
لاحظات الانكسار محزنة حتي لو كان لانسان مفتري
سلمت وسلمت يداك
ادي اخرتها يااوسا بس بنتك ذنبها ايه تشيل ذنب مش ذنبها واديكي اول مااحتاجتي وعوزتي حد يقف جنبك مالقيتش غير أحمد يارب تكوني عرفتي قيمته واللي انتي عملتيه في ضحى وبدور وهيام ربنا ماضيعهوش ابدا
ردحذفنسيم هو وجدى ؟؟🤔🤔
ردحذفيعيني عليك يا أحمد اخواتك مش بيفتكروك غير في مصايبهم وبس
ردحذفمش عارفة يا أوسا نتيجت عمايلك السودة
واتهامك الناس بالباطل دا جزاااائك
ياترى هتعملي اييه ولا هتاخدي كام سنة سجن !
ونورهان رغم انها صعبانة عليا بس اتدايقت منها لما مشت مع نسيم
واحساااسي ان نسيم هو وجدي
بس كان محترم معاها
يارب يا نسيم ما تعملش حاجه ف نورهان دي تربية خالتك 😒😒
والله اوسا صعبت عليا بس دي اخرت الخوض في الاعراض وذنب ضحي الغلبانه بس للاسف تهمه بشعه مش هتدفع تمنها هي بس دي عيله بحالها ونورهان ذنبها ايه وشكل نسيم هو وجدي وهينتقم منهم بس نورهان ملهاش ذنب واحمد ياعيني عمال ياخد في صدمات لاحول ولاقوه الابالله
ردحذف