الحلقة السادسة والخمسين (ف2)

تررررررررررررررن

ده باين الأستاذ احمد هو اللي بيرن الجرس يا يحيي , افتح يا ولا يا احمدددد

حاضر يا مامااااا , مييين ؟؟؟

أحمد عادل سليم

أهلاً يا أستاذ احمد ههه اتفضل

انت احمد ابن يحيي مش كدة ؟ هه

ايوة اني , اتفضل

متشكر يا احمد , خد الحاجات دي دخلها المطبخ

ههه متشكرين قوي

اهلاً يا أستاذ احمد شرفتنا ههه

الله يخليكِ يا ام احمد , ممكن نشوفوا يحيي ؟

ايوة طبعاً اتفضل , يا ألف أهلاً وسهلاً ههه

الأستاذ احمد جه عشان يشوفك يا يحيي

خليه يتفضل

اتفضل يا أستاذ احمد

السلام عليكم يا يحيي

عليكم السلام يا أستاذ احمد

سلامتك ألف سلامة يا يحيي

الله يخليك يا ابن الأصول , اتفضل اقعد يا استاذ احمد

متشكر

اعملي الشيّ يا بطة

حاضر هنعملوه هوا

ما تتعبيش نفسك يا ام احمد , اني هنمشوا على طول

وربنا ما يحصل , دانت نورتنا وشرفتنا يا استاذ احمد , عن اذنكو

اتفضلي يا ام احمد

ألف لا بأس عليك يا يحيي

..................... وشي منك في الأرض يا أستاذ احمد , لو تعرف اني عملت ايه وحاولت نأذيك ازاي ما كنتش بصيت في وشي ولا جيت لحد هنا

............ مش فاهم يا يحيي

هنحكولك على كل حاجة يا استاذ احمد عشان نخلصوا ضميري , بس بالله عليك سامحني لما تعرف ندالتي

............... اتكلم يا يحيي

اني يا أستاذ احمد اللي حطيتلك المخدرات في شنطة العربية

انت يا يحييييييييي !!!!! طب لييييييه !!!!

غصب عني , الأستاذ أدهم هو اللي طلب مني كدة وإلا يقطع عيشي

أدهم !!! أدهم اخويا !!!

ما يستاهلش يكون اخوك , انت صنف وهو صنف تاني خالص , كل حاجة عايزها بالقوة , واللي يقف قصاده يدوسه تحت رجليه , أيّووووه ندمان ندماااااان يا ريتني ما اشتغلت معاه , لكن نعملوا ايه في الطمع اللي عماني , كنت عايز فلوس يامَا وخلاص , مش مهم هنجيبوها من سكة شريفة ولا من الحرام . اني ما قَدرتش نأذيك , الخير اللي عملته معايا هو اللي رجعني المينا تاني عشان ناخدوا الشنطة قبل ما البوليس يجي , ساعتها قابلت الولا الطيب اللي شغال عندك سواق وحكيتله على كل حاجة , هو اللي حرق العربية لما سمع سارينة البوليس عشان يبعد عنك الشر , الحمدلله ان ربنا نجاك من كيده ......... لكن في حاجة تانية اكبر من دي

حصل ايه تاني يا يحيي ؟؟؟

فاكر الرجالة اللي طَلَعوا عليك في الطريق عشان يقتلوك ؟

................. انت كنت عارف انهم عايزين يقتلوني وسكت يا يحيي !!!!

لاااااا اني ما رَضيتش نشتركو معاهم وربناااااا

لكن سَكت يا يحيي

.....................................

ليه ما نبهتنيش يا يحيي ؟؟؟

سامحني يا أستاذ احمد , خوفت ليقطع عيشي , خوفت ع الفلوس لتروح مني , وسبحان الله المال اللي كنت خايف عليه راح وخد معاه الصحة كمان عشان نعتَبر , اني ما اذيتكش انت بس , اني طول فترة شغلي مع ادهم اخوك اذيت ناس يامَااااا, وأولهم مراته الست ضحى

ضحى !!!

هو اللي كان بيخليني نراقبوها وننقلوله كل أخبارها , وعشان كدة قَدَر يفرق بينها وبين خطيبها الطيب ابن الناس الطيبين

أدهم عمل كدة !!!!

أدهم اخوك ده شيطان ماشي ع الأرض

الله يسامحه ويسامحك يا يحيي

اني مش هنلوم عليك لو ما قَدرتش تسامحني يا أستاذ احمد , اني اذيتك ياما , وبدل ما نردوا جمايلك اللي مغرقاني حطيت ايدي في ايد عدوك وكنت عايز نأذيك , لكن صحبة الشيطان ما بيجيش من وراها غير الشر يا أستاذ احمد , سامحني يا أستاذ احمد

...................... الله يسامحك يا يحيي

اني بنعفيك من عرضك السخي بكفالة بيتي , اني ما نستاهلش غير البهدلة

التلاتلاف جنيي هيكونوا عندك أول كل شهر يا يحيي

هه ما تبقاش الأستاذ احمد لو ما عملتش كدة

***********************************

الأستاذ احمد نزل هه حمد الله ع السلامة يا أستاذ احمد

الله يسلمك يا سيدي..بسم الله توكلنا على الله..بقولك ايه يا عبد الله,عايزك تحفظ العنوان اللي احنا فيه ده,الشقة اللي كنا فيها بتاعة واحد اسمه يحيي في الدور الأولاني

يحيي!!..انت عَرَفت ان هو ده اللي....

ربنا يغفرله ويسامحه..المهم انك تحفظ العنوان عشان أول كل شهر هنشيعوك بظرف تسلمهوله

حفظنا العنوان وهنعملوا كل اللي تأمرنا بيه .ربنا يجازيك خير يا أستاذ احمد..حتى اللي كانوا عايزين يأذوك بتعطف عليهم! والله ما بنلاقوا كلام نوصفوك بيه غير انك انسان في قلبه رحمة

طب بس بلاش كلام فاضي,ركز في طريقك خلينا نوصلوا البيت,واقع من الجوع ونفسي ناكلوا لقمة حلوة من ايد مراتي ههه

ههه وربنا الست دي محظوظة بيك يا أستاذ احمد

**********************************

السلام عليكم , ممكن أقابل هاني بيه

عليكم السلام , انت ميييييييين ؟

لو سمحت قوله مسعد عواد

ماشي , استنى هنا

هاني باشااااااا

عايز ايه يا شاهين

واحد عايزك اسمه مسعد عواد

مسعدددد ! خليه يتفضل

اتفضل

السلام عليكم يا هاني بيه هه

اهلاً يا باشمهندس , عليكم السلام , ايه الزيارة الجميلة والغير متوقعة دي ! هه

جيت اسلم على حضرتك قبل ما نسيب العمارة

خلاص نويتو ؟

ان شاء الله  هنتوكل على الله بكرة الصبح , ابويا سلم المفاتيح للحاجة أم عصام النهاردة

ما تتصورش قد ايه انا حزين يا مسعد , حقيقي هنفتقدكو , انتو بقالكو معانا سنين طويلة قوي , انتو أهلنا يا مسعد والله

ربنا يعزك يا هاني بيه , واحنا والله صعب علينا فراقكو , لكن ابويا وامي كبروا ولازم اريحهم طالما ربنا قدرني

ربنا يبارك فيك يا مسعد , حقيقي والله انت إنسان طيب وابن حلال , واكيد برك بأبوك وأمك هتجني ثماره في حياتك

ربنا يرزقني برهم ورضاهم اللهم آمين , متشكر اوي يا هاني بيه

تشرب ايه يا مسعد

لالا معلش , انا والله جيت اسلم عليك وامشي على طول , يا دوب اروح الشقة اوضب شوية حاجات

طب قبل ما تمشي سيبلنا العنوان يا باشمهندس , ولا مش عايزنا نزوركو ؟ هههه

ههه ازاي بقى ! ده شرف لينا يا هاني بيه , انا عمري ما هنسى جميلك عليا العمر كله

جميل ايه بس ! انت تستاهل كل خير يا مسعد

ربنا يخليك , اتفضل العنوان في الورقة دي

ماشي يا باشمنهدس

السلام عليكم يا هاني بيه

عليكم السلام يا مسعد , بالتوفيق إن شاء الله

**************************************

مامااااا

ايوة يا سهيررر

انا هطلع اسلم على تيتة أم عصام وطنط بهيرة وسكان العمارة قبل ما نمشيييي

فيكِ الخير يا دكتورة , اصيلة زي امك , انا طلعت سلمت عليهم الصبح , ما تتأخريش يا سهيررر عايزاكِ تلمي معايا جلاليب ابووووووكي

اييييييه ! هو احنا هناخد جلاليب بابا معاناااااااا ؟

اومال يا بنتي هيقعد بالصديري والكالسون !!!

يا ماما الجلاليب دي قديمة ووحشة اوووووي هبقى اخلي مسعد يجيبله حاجات جديدة تليق بيه

ابقي هاتيله بجامتين واحدة صفرا وواحدة حمرا , البت اتهبلت

***********************************************

تررررررررررررررررررن

مين ؟

انا سهير يا تيتة أم عصام

سهيرررر هه تعالي يا حبيبتي

انا جيت اسلم عليكِ قبل ما نمشي يا تيتة

والله انا زعلانة خالص من ساعة ما سمعت الخبر ده يا سهير , مش متصورة انكو من بكرة مش هتكونوا موجودين معانا , هتوحشونا قوي يا بنتي

انتِ اللي هتوحشينا قوي يا تيتة , وهتوحشيني أنا بالذات , انتِ غالية عليا اووووي , مهما قولتلك مش هقدر اوصفلك بحبك قد ايه , مافيش غير تلاتة بس في العمارة اللي كانوا بيعاملونا على اننا منهم وما نفرقش حاجة عنهم , انتِ وابلة منال وطنط بهيرة , باقي سكان العمارة كانوا بيبصولي بصة شفقة ما كنتش بحب اشوفها , لكن انتو لا

انتِ فعلاً مننا يا سهير , دانا اللي مربياكِ يا بنت ههه

ههه وده شرف ليا والله يا تيتة

تعالي في حضني يا سهير

يا حبيبتي يا تيتة اموووه امووووه بحبك اوي اوي اووووي ربنا يديكِ الصحة يا رب ويخليكِ لينا وتفضلي منورة العمارة على طول

اوعي تقطعي بيا يا سهير , ابقي تعالي زوريني يا حبيبتي

طبعاً يا تيتة إن شاء الله , مممم ادعيلي يا تيتة , ادعيلي احقق كل أحلامي وابقى دكتورة متميزة واسافر برا اكمل دراستي

ان شاء الله يا بنتي , ربنا يوفقك يارب يا سهير وتحققي كل طموحاتك اللهم آمين

آمين يا تيتة , اشوف وشك بخير

مع السلامة يا بنتي , مع السلامة يا سهير

**************************************************************

اهئ اهئئئئئئ خلاص يا بنت فهيمة هتسبينا وتمشي انتِ وامك وابوكِ ؟ اهئ اهئئئئئئ اخص عليكو يا سهيررر اخص عليكووووو

هههه يا حبيبتي يا طنط بهيرة ! للدرجة دي زعلانة عشان هنمشي !

اهئ اهئئئئئ واكتر من الدرجة دي يا سهير , دي عشرة , والعشرة ما تهونش إلا على ولاد الحرام ,وانا بنت حلال مصفي اهئ اهئئئئئئئئ

ههه والله يا طنط بهيرة انتِ عسل وبموت فييييييكِ اموووه هتوحشيني وهيوحشني كلامك اللي زي السكر وضحكتك اللي بتملاني تفاؤل وبهجة , يااااااه لما بشوفك الصبح  وانا رايحة الكلية وانتِ بتضحكي بيبقى يوم جمييييييل بيعدي من غير مشاكل وبيحصلي فيه حاجات حلوة قوي

اهئ اهئئئئئ خلاص ابقي تعالي كل يوم الصبح اضحكلك شوية اهئ اهئئئئئئ

ههههه هتوحشيني يا طنط وهتوحشني كلمة بنت فهيمة منك ههه عاملة ايه يا بنت فهيمة ههه ازيك يا بنت فهيمة ههه

اوعي تكون الكلمة دي كانت بتزعلك يا سهير , انا بقولها بعشم والله اهئ اهئئئئئ

لا والله يا طنط , دانا كنت بحب اسمعها منك قوووي

تعيشي يا سهير اهئ اهئئئئئئئئئ انا برضو بقول لرحمة بنت اشجان يا بنت اشجان على طول اهئ اهئئئئئ الله يرحم عشرتك يا اشجان , العمارة هتفضى عليا ولا ايه ! اهئ اهئئئئئ

العمارة مليانة يا طنط الحمدلله وكفاية انك فيها منوراها يا طنط بهيرة يا قمر اموووه هبقى اجي ازورك , ابقي سلميلي على ياسمين

الله يسلمك يا سهير اهئ اهئئئئئئ

السلام عليكم يا طنط

استني يا بنت فهيمة مستعجلة ليييييه اهئ اهئئئئئئئ هي الدنيا طااااارت ! تعالي هاتي بووووسة اهئ اهئ

يا حبيبتي يا طنط بهيرة امووووووووه ههه السلام عليكم

عليكم السلام اهئ اهئئئئئئئئئ وبعدين بقى في العمارة اللي عمالة تتصفى زي الشركة الخسرانة دي ! اهئ اهئئئئئئئئئئئ الأول اشجان وبنتها وبعدها فهيمة وولادها , يا خوفي لصحى مالاقيش نوااااااال

وبعدين يا كماااااااااااااال , هو كل يوم والتاني الموال ده ولا ايييييييييييه

يا حبيبتي يا نوال اهئ اهئئئئئئئ الهي ما يقطع حسك من العمارة يا ام صوت زي الرعد

*****************************************

سهير ! انتِ واقفة جنب الأسانسير ليه ؟

مستنياك يا عبد الرحمن

مستنياني أنااااااا ؟ هههه حقيقي يا سهيررررر ؟

ايوة مستنياك عشان أأدي الدين اللي عليا ليك من سنين طويلة

دين !!! دين ايه ؟

فاكر لما جبتلي الأيس كريم اللي كان بخمسة وسبعين قرش  على حسابك ؟ اديتك  ربع جنيه وقتها من تمنه وبعدها بفترة طويلة بعتلك ربع جنيه تاني مع عمو هاني , يبقى فاضلك ربع جنيه قولت اديهولك قبل ما امشي

تمشيييي ,تمشي تروحي فييين ؟

احنا هنسيب العمارة يا عبد الرحمن

هتروحوا فين يا سهيرررر ؟

مش من حقك تسأل , اتفضل الربع جنيه بتاعك أهو عشان ما يبقالكش حاجة عندي بعد كدة , عن اذنك يا دكتور

سهيرررر سهيرررر اووووووف دخلت وقفلت الباب , معقول سهير تمشيييي ! اووووووف العمارة دي ما بقاش يتعاش فيهااااااااا

****************************************

تررررررررررررررررررررررررررررن تررررررررررررررررررررررررررن

شوفي مين ع الباب يا منننننة

حاضر يا مامااااااا

عبد الرحمن اخويا حبيبيييييييي هههههه ده عبد الرحمن يا مامااااا

السلام عليكم يا منة

عليكم السلام , ايه ده ! ايه الربع جنيه اللي ماسكه في ايدك ده ! انت كنت بتشحت على باب الجامع ؟ هههههههههههههههه

يووووو أوعي يا منة عشان انا مش فايقلك

هو ماله ده !!!

انت جيت يا عبد الرحمن ! اتأخرت كدة ليه ؟

كنت قاعد مع شوية من اصحابي يا ماما , حصل ايه في الدنيا يعني !!! عن اذنك

ايه الولد ده ! ماله اخوكي يا منة ؟

مش عارفة والله يا مامتي , داخل متنشن ومش طايق كلمة من حد

مممممم أكيد حاجة حصلت ضايقته , هخلص الطبيخ وادخل اطمن عليه

انا بقى هدخله دلوقتي يا مامتي

***********************

تن تن عبد الرحمننننننننن مانووووو هههههه جود ايفيننج يا مان

عايزة ايه يا منننننننة ؟

مممم اصل شايفاك متضايق على غير العادة قولت اجي اشوف مالك , مش بحب اشوفك متضايق يا عبد الرحمن , اخويا بقى وبحبك , اعمل ايه يعني ! ما ينفعش اتبرا منك ههههه

انا كويس يا منة , سيبيني دلوقتي

لأ مش كويس , قولي مالك بقى ما تبقاش رخم

اوووووووف عارف انك مش هتسبيني في حاااااالي , متضايق يا ستي عشان عم عواد هياخد ولاده ويمشي من العمارة

ايه ده ! معقوووول ! لأ أنا كدة ازعل بجد , عم عواد وعيلته دول جزأ لا يتجزأ من العمارة مممم بس انت بتحب عم عواد قوي كدة ؟

طبعاً , انا متعود عليهم , واخد اني في الطالعة والنازلة اشوفهم قدامي , حتى لو قافلين الباب ببقى مطمن عشان هما جوا , لكن دول هيمشوا يا منة هيمشوااااا

يا عبد الرحمن جايز لقوا عمارة تانية يشتغلوا فيها احسن من دي وهياخدوا فلوس اكتر , وطبعاً كل واحد بيدور على مصلحته , صحيح انا هزعل لما يمشوا بس برضو هكون فرحانة لو لقوا شغل احسن من هنا , لكن ايه الربع جنيه اللي ناقص تتصور معاه سيلفي ده ؟ ههه

ده باقي الدين بتاع الايس كريم اللي جبته لسهير , اديتهولي وانا طالع عشان تبري ذمتها

هههههههههههههههه حلوة تبري ذمتها دي , انت محسسني انها كانت مديونة بمليون جنيه مش بربع جنيه , بس اتصدق , البنت دي هايلة , عندها كرامة وعزة نفس غير عادية

......... عشان دي سهير

تن تن عبد الرحمن

يا خبر يا عبد الرحمن , دي ماما , اوعى تقولها انك زعلان عشان عم عواد وعيلته هيمشوا وإلا هطين عيشتك هههه

اوووووف اتفضلي يا ماما

 ايه يا دكتور , ماااااالك ؟

مافيش يا ماما , كنت مخنوق شوية ودلوقتي بقيت كويس

مممم طيب تمام , قوم غير هدومك على ما اجهز السفرة , تعالي يا منة عشان تساعديني

اوك يا جميل , مستنينك ع السفرة يا عبد الرحمن

ماشي يا منة ممممم انا هشيل الربع جنيه ده في دولابي , ذكرى من سهير , يا ترى هتروحي فين يا سهير ؟ وليه بس تمشي من اساسه ؟ لييييه ؟

************************************

هو ده البرج اللي هنسكن فيه يا سهير

اااااااااااالله !!!!!! بجد يا مسعدددددددد ؟ احنا هنسكن هنا بجدددددد ؟ هههه

اومال يعني هنسكن هنا كدة وكدة ! ههه

شايف يا عواد العمارة اللي هيسكنا فيها مسعد , دي عالية اوووووووي  عيني مش جايبة اخرهااااااا دي واصلة للسحاب

يا ولية ده بررررررج برج مش عمااااااااارة

اللهم صل ع النبي , هما هيرضوا يدخلونا يا مسعد ولا ناخدها من قصيرها ونمشي يا ابني؟

ههه تمشي تروحي فين بس يا أمي !!! الشقة بتاعتنا في البرج ده , تعالوا يا جماعة تعالوااااا

تعالي يا ماما هههه تعالى يا باباااااا

العمارة مافهاش بواب يا عواد , فين البواب يا مسعددددد؟

يا أمي مافيش بوابين هنا , هنا في نظام سيكيورتي , أمن يعني

أمن ! هي دي المحافظة ؟ يلا نمشي يا ابني ليمسكوناااااااا

يا امي تعالي يا حبيبتي , يمسكوا مين بسسسس , احنا سكاااااان

استر يا رب , كان مالها عمارة الحاجة أم عصااااااام

********************************************************

اتفضل يا ابويا اتفضلي يا امي تعالي يا سهير , سموا الله وادخلوا شقتكو الجديدة

بسم الله الرحمن الرحيم

الله يا مسعددددددد الله الله الله , دي شقتنا يا مسعددددددد

ههه ايه رأيك ؟؟؟؟؟؟

 يااااااااااااااه انا مذهووووووولة مذهووووووولة مش مصدقة عنيااااااا معقول اللي انا شايفاه دددده يااااااااااااااااااااه ههههههه ايه الريسبشن التحفة دددده !

هههه شوفي  الصالون و السفرة دول وقوليلي رأيك  ؟

 الله يجننووووووا يجننوا حلوين قوي قوي يا مسعدددددد ذوقك يجنننننن هههه

طب ادخلي شوفي اوضتك بقى

هي فييييييين ؟

اخر أوضة في الطرقة

ههههه ميرسي يا حبيبي

شايف اللي انا شايفاه يا عواد ! احنا هنعيش هنااااااا ؟

ليه كدة يا مسعد يا ابني ! ليه المصاريف دي كلها ع الفرش ! يا ابني كنت اتجوزت بيهم كان احسن واحنا جبنا كنبتين وطبلية فرشنا بيهم الفسحة دي

هههه مش مقامك يا عم عواد , اللي بيقعدوا ع الفرش ده مش احسن منك انت وامي

الله يكرمك يا ابني

طب عن اذنكو هدخل اشوف سهير عجبتها اوضتها ولا لأ

روح يا ابني , ايه العز ده يا فهييييمة هههه

عز ما بعده عز يا عوااااااد ههههههه تعالى اما نتفرج ع الشقققققققة

**********************************************

سهيررررر,ايه رأيك في اوضتك بقى؟

جمييييييلة جميييييييلة يا مسعددددددد جمييييييييلة , انا حاسة ان انا مش سهيررررررر

اومال انتِ مين ؟ ههههههه

انا فراااااااشة فرااااااااااااااشة ههههههه واوضتي دي جنينة مليانة ورد وعايزة اتنطط واطيررررررر اطيررررر عايزة ارقص زي الفراشة وألف في الأوضة ألف كدة هوووو واغنيييي لاي   لاااااااااي  لاااااا لالالاااا لاااااااي لاااااااي لاااااالااااا

هههههههه طب حااااااااسبي هتدوخي من كتر اللف يا فراااااااشة

هههههه خليني ادوووووووخ انا عايزة ادوووووووخ ياااااااااااااه اوضتيييييي اوضتي يا مسعددددددد اخيراً بقالي اوضة لوحدددددددددي وكمان ليها مفتاااااااح والمفتاح معايا انا وبسسسسس ههههه

ههههه ربنا يهنيكي ويسعدك يا حبيبتي , روحي بقى اتفرجي على الحمامات والمطبخ

حمامات ! هو فيه اكتر من حمام ؟

في اتنين يا ستي

الله هههههه يبقى خلااااااص انا هاخد واحد يبقى خاص بيا أنا , أنا وبسسسسس, وانت وبابا وماما تاخدوا الحمام التاني

واحنا موافقين يا ستي ههههه اهم حاجة تكوني مبسوطة يا سهير

ههههه اموووووه هروح اشوف الحمامات بقى واختار الحمام بتااااااااعي

روحي يا حبيبتي هههههه

********************************

مسعد,الحمامات  والمطبخ تحففففففة وواسعين بشكل مش طبيعييييي هههه واخترت الحمام بتاااااااعي اقرب حمام لاوضتي  وكمان شوفت اوضة بابا وماما جميلة قووووي , ولقيت اوضة تالتة فيها سرير بس

دي اوضتي انا

سرير بس يا مسعد ! يعني كل اللي هتطلع بيه من الشقة دي كلها اوضة وفيها سرير !

ههه الفلوس ما كفتش اجيب اكتر من سرير ليا , وبعدين يا ستي انا مش محتاج اكتر من سرير

يا حبيبي يا مسعد !!

خدي بابا وماما فرجيهم على اوضتهم

**************************************

ترررررررررررررررررررررررن ترررررررررررررررررررن

يا منننننننة روحي شوفي مين ع البااااااب

حاضر يا ماماااااااا كل حاجة منة منة منننننننة الواحد كره اسممممه , ايه ده ! رامي ! ازيك يا رامي

ازيك يا منة , فين مانو ؟

في اوضته

ازيك يا طنط رشااااااا ههه وحشاني مووووووت

اهلاً , خير ؟

عايز مانو , يا مانوووووو  عن اذنك يا طنط

ايه الولد دددده !!! داخل كإن البيت بيتتتتتتته , قليل الأددددب

هو عمل ايه بس يا ماما عشان يبقى قليل الأددددب !

يوووووو اوعي من وشي يا منة عشان انا حاسة باكتئاب

سلامتك يا مامتييييييي , ييييي كنت هنسى معاد الفيلم الأجنبي

*********************************************

ايه يا مانو  الجو الكئيب اللي انت فيه ده ! مالك مقفل الأوضة وحابس نفسك كإنك في سجن كدة !

مشيت يا رامي , خلاص مشيت

مممم سهير ؟

المكان بقى كئيب قوي من غيرها , تخيل , سلمت على كل سكان العمارة امبارح ماعدا ماما

ههههه هي مامتك دي حد يقدر يسلم عليها !!! دا اللي يسلم عليها تبلغ عنه بتهمة ازعاج السلطات هههه دا وانا داخل مقبلاني بوش خشب ناقصله مسمارين ويتثبت ههههههه

يا اخي انت بتهزر وانا في الحالة دي !

مالها حالتك يعني ! كل ده عشان الليدي سهير !!! وبعدين انا شايف ان احسن انها سابت العمارة

انت بتقول ايه يا رامي !

يعني , شايف انها كدة هتكون في وضع اجتماعي افضل , عشان لما تروح تخطبها ماحدش يعترض انها بنت البواب

انا ما يهمنيش ظروف سهير , بنت بواب , بنت زباااااال , انا عايز اتجوزها

قول الكلام ده لمامتك , شكلك هتعيش أيام لذيذة قوي الفترة الجاية وجايز العيلة كلها تتبرا منك ههههههه

اوووووف , ده لسة فاضل شهر على الدراسة ..بقى هقعد كل الفترة دي ما اشوفهاش!.. انت شوفتها قبل ما تمشي يا رامي ؟

ايوة , جت تسلم على ماما , وماما ايه بقى اديتلها نصيحتين  من قلب أم شيك قوي , قالتلها يا ريت سهورة تتخصصي طب تجميلي عشان ده مهم موووت مووووت لكل الستات  وهخلي كل كل صاحباتي يبقوا الزبونات بتوعك وهعملك دعايات كبيرة موت في النادي هههههه وبعدين دمعت دمعتين ومسحتهم بمنديلها وقالتلها باي سهورة , مش تمشي فور ايفر , خلينا نشوف انتِ ههههههه

ههه والله امك دي تحفة

الله يخليك , اتفضل , والله ما تغلى عليك

يا اخي انا ناقص ! كفاية عليا ماماااا

عبد الرحمممممممممن

ييييييي اهي مامتك جت , هقوم امشي انا بقى قبل ما تعمل معايا كلاش

***************

باي طنط رشااااااا هابي تو سي يوووووو

امشيييي ولد مممممممل , مش هتاكل يا عبد الرحمن ؟

ماليش نفس يا ماما , انا عايز انام

اوكيه نام , لما تصحى تبقى تاكل

****************************************

أدهم باشا,نطلعوا بيك ع الفيلا ولا رايح مشوار تاني ؟

.....................................

ادهم باشا......هو سرحان في ايه!

احمممممد هو احمد اللي عارف كل حاااااااااجة ,ما كناش عايزين نلجؤله,كانت فاكر اني هنوصلوا لضحى من غير ما نتذل لواحد زييييه..لكن..لكن مضطر.. اطلع ع المينا يا ناصررررررر

حاضر يا ادهم باشاااااا

*************************************************

استنوني هنا يا رجااااااااالة

أمرك يا ادهم باشااااااا

احمد جوا يا ولاااااااااا

ايه ده !! مش حضرتك اخو الاستاذ احمد ؟

بنقولولك هو فيييييين ؟

اني هنا يا ادهم , نورت الشركة انت ورجالتك اللي مستنينك تحت , اتفضل

ضياااااا ,شوف ادهم باشا يشرب ايه

اني مش جاي نتضااااااايف , ومش هنتعَزَموا في شركتي يا احمدددددد الشركة دي بتاعتي وليا فيها اكتر ماليكككككككك

ماشي ,الشركة ملكك والدنيا كلها ملكك يا ادهم تعمل فيها اللي انت عايزه واللي على هواك , خير يا ادهم , مشرف شركتك ليه ؟؟؟

ضحى فين ؟؟؟؟؟؟؟

ضحى ! واني نعرف منين

ما تحاولش تستغفلني  يا احمددددددد , اني عارف انها كانت عند مراتك في الليلة اللي اختفت فيهااااااااا , كانت عندكو لييييييه ؟ اكيد قالتلكو هي رايحة فين هي واهلهااااااااا

غريبة اوي انك عَرَفت انها كانت عندنا !!! يا ترى مين قالك ؟

ما تردش على سؤالي بسؤاااااااااال , طالما ضحى كانت عندكو يبقى اكيد قالتلكو مسافرة فييييين

احنا ما كناش نعرف انها مسافرة ولا هي جابت سيرة لهيام

كدااااااااااااااااب , اومال كانت عندكو ليييييييه ؟

عايز تعرف كانت عندنا ليه يا ادهم ! ماشي , هنقولولك , كانت جاية عشان تصالح هيام مراتي وتوضحلها موقفها , وانها فسخت خطوبتها من اخوها بحيلة دنيئة منك ومن الست أوسا , قالت لهيام انك مضيتها على ورقة جواز عرفي بالإكرااااااه , مش كدة برضو يا ادهم ؟؟؟؟؟؟؟

اأأأ انت ماااااااالك ايه اللي حشررررررك , ضحى دي ملكيييييييييي اني بس اللي نليق بيهااااااااا كان لازم نخدوها من الجربوع تربية الشوااااااااااارع

اخررررررررررررررررس اخرس يا ادهم واياك تغلط في خالد مرة تاااااااااانية , خالد متربي احسن تربية على ايد ست فاضلة , حَرَمت نفسها من كل حاجة وشقيت وكافحت عشان تربيه هو واختتتتتته , خالد بفضل الله ثم بفضل والدته بقى مهندس من احسن المهندسين ومشهودله بالكفاءة , اذا كنت انت شايف غير كدة يبقى العيب فيككككككك

الله الله الله !!! والله عال , وعشان كدة بقى الست مراتي هَرَبت مني عشان ترجععععععععله !!! داني نشرب من دمه ومن دمهاااااااااااااااااا

اتقي الله يا ادهممممممممم بطل افترااااااااا , خالد مالوش أي علاقة بضحىىىىىى , عارف لييييييه ؟ عشان عارف انها ست متجوزة ومش من حقه , ومراتك ست محترمة ومتدينة , وعارفة كويس حدود ربنا , دي تربية الحاج حامد والحاجة أم أمير , والنوعيات اللي بتتكلم عنها دي والستات اللي بتهرب من اجوازها عشان عشيقها دي تبقى النوعيات المنحطة وسفلة الناس , واظن كويس انت عارف مين هي ضحى , وإلا ما كنتش عملت كل اللي عملته عشان تاخدها من خطيبها غدر

......................... فين ضحى يا احمد ؟؟ فين ضحىىىىىىىىىىىىىىى ؟؟؟؟

ضحى ما كانتش من حقك يا ادهم , انت خدتها بالغصب والقهر , والإنسان لما بتجيله فرصة الهروب من ايد سجّانه اللي قهره وظلمه أكيد هيهرب من غير تردد

يعني بتنكر انها قالتلكو على مكانهاااااااا !!! كله من الزفت اللي اسمه خااااااااالد , اني بنكرهووووووه لازم ننتَقَموا مننننننننننه

هتنتقم منه ازاي يا ادهممممم ؟؟؟؟؟ هتأجر عصابة تقتله زي ما عملت معايا ولا هتحطله مخدرات في شنطة العربية زي ما عملت معايااااااااااااااا  ؟؟؟؟؟؟؟؟؟

هااااا !!!!!!!! أأأ انت ............ مين قااااااااالك ؟

كل اللي همّك هو مين قالي !!!! ................. كنت عايز تقتلني يا ادهم !!!!!!!

..................................................

داني اخوووووك اخوك يا ادهم , الدم اللي بيجري في عروقنا واحددددد , اني لو حد مس شعرة فيك ناكلوه بسنااااااااني , تقوم انت تأجر ناس مجرمين عشان يقتلوني يا خويا !!!!!!

...........................................

انكر يا ادهمممممممم انكررررر قولي اللي اني سَمَعته ده كدب في كدددددب

.........................................

قولي ان اني مش ممكن نأذيك يا احمد يا اخويااااااا قولي انت اخويا اللي ماليش غيره يا احمددددد

..........................................

ليه يا ادهم ليييييييييه , ليه جواك كل الشر ددددده , ليه بتعاديني يا اخويااااااااااا

عشان بنكرهوووووووووووك ايوة بنكرهوك يا احمددددددد وعمري ما كَرَهت حد في حياتي قد ما كَرَهتكككككككككك

.......................... ليه يا اخويا ؟؟؟؟؟ ليييييييييه ؟؟؟؟؟؟؟ داني طول عمري بنحبك يا ادهم , طول عمري زعلان على حاااااااااااالك

ماله حااااااااااااالي , اني حالي احسن منك مليون مررررررررررررة اني ادهم عادل سليممممممممممممم ادهم باشاااااااااااااااا اني ليا تجارتي ومالي ورجالتي وعزوتيييييييييي , هما دول العز الحقيقيييييييي اخوتك ما تلزمنيش ولا معرفتك تلزمنيييييييييييي ومن هنا ورايح انسى ان لك اخ في الدنيا اسمه ادهممممممممم

اللهم لا حول ولا قوة إلا بالله , ياربنا يهديك يا اخويا

****************************************

تررررررررررررررررررررررررررررررررررررن ترررررررررررررررررن

أحمد , ازيك يا صاحبي , وربنا كنت لسة هنكلموك ههه

لا يا راجل ! فينك يا عم خالد بقالك تلات تيام غطسان !! قاعد جنب الولا احمد بترضّعه ! ههههه

ههههه لا يا عم مش للدرجة دي , بنلاعبوه بس , ولا زي العسل وربنا هههه

ربنا يخليهولك يا ابو احمد

ويخليلك خالد يا ابو خالد

اللهم آمين .. بنقولولك ايه , أنا زَهَقت من الولا خالد وزنّه وزن امه وعايز نطفش النهاردة

هههه طب ايه رأيك هنقولوا لهيام ع الكلمتين دول

يا عم قولّها , هو احنا بنخافوا !! خليها تزعل وتاخد الولا خالد وتيجي تقعد عندك , وابقى قابلني لو عَرَفت تنام من زن ابن اختك هههه

هههه لا يا عم مش هنقولولها ,كفاية عليا زن الولا احمد , هو انا ناقص صداع !!

طب تعالى بقى نهربوا من الصداع انا وانت النهاردة ونعزموك ع العشا في مكان هادي

والله فكرة حلوة , بس نهربوا من آيات ازاي !!!

اتصرف بقى

خلاص , انا هنعدي عليها ونودوها لامها وبعد ما نخلّصوا سهرتنا هنعدوا ناخدوها ونتمشوا ع البحر ونعزموها على درة مشوي عشان بتحبه , واهو نحسبوها عليها فسحة ههههه

هههه نحبوا الراجل السياسي .. نعدوا عليك فين ؟

عند ترام محطة الرمل

تمام

************************************************

وقّف هنا يا عبدالله , المطعم اهو

حاضر يا أستاذ احمد

يلا انزل يا خالد

ماشي يا صاحبي

طب احنا هنركنوا العربية ونروحوا نتمشوا شوية ع البحر يا أستاذ احمد لحد ما ترن عليا

ليه يا عبدالله ! تعالى اتعشى معانا , انا عامل حسابك وربنا

متشكر يا أستاذ احمد , بنتعشى مع امي وابويا كل يوم , ما بيقدروش ياكلوا من غيري

ربنا يخليهوملك يارب

اللهم آمين ... عن اذنكو

اتفضل

مؤدب أوي الولا ده يا احمد

عبدالله ده من الناس المخلصين  اللي نادر تقابلهم في الدنيا ... بيحبني يامَا من قلبه وبيعتَبَرني أخوه الكبير .. وانا كمان بنحبوه يامَا عشان قلبه صافي وطيب

باين عليه .. ربنا يحبب فيك خلقه يا صاحبي

اللهم آمين .. يلا يا عم ندخلوا المطعم عشان جوعناااا

**********************

ايه رأيك في الأكل يا خالد ؟

حلو أوي بصراحة .. ما تعزمني كل يوم هنا ويبقالك الأجر والثواب هههه

هههه لا يا عم , انا نحبوا نتعشوا مع مراتي .. وبعدين مش عايزين مشاكل يا عم خالد ههه

ههه الجبن سيد الأخلاق يا صاحبي

لا جبن ولا حاجة , هيام دي حبيبتي وما نقدروش نفارقوها

ربنا يخليكو لبعض يا رب .... لكن قولّي , هو اخوك ادهم ماجاش يباركلك على خالد ؟

......لا

غريبة أوي ! ...أنتو اخوات , وبعدين ده الولا جالك بعد شوق , يعني المفروض اخوك يفرحلك

يفرحلي ! هه , قلبك ابيض يا خالد ... أخويا اللي انت مستغرب انه ماجاش يباركلي ده , كان عايز يقتلني ويخلص مني

ايييييه !!! ... ايه اللي بتقوله ده يا احمد !!

هو ده اللي حصل يا خالد

ازاي بس يا احمد ! ولييييه ؟؟؟ ... دانت اخوه مش عدوه

.... أدهم بيعتَبَرني عدوه ... ما بيعتَبَرنيش اخوه

لا حول ولا قوة إلا بالله ... أنا مش قادر نصدق ان أخ ممكن يفكر يقتل اخوه

لا صدّق يا خالد

طب ليه يعمل كدة يا احمد ؟

سألته نفس السؤال وكانت اجابته انه بيكرهني

بيكرهك !!!... انت تتكَرَه يا احمد !!! ....انا عارف ان انت واخوك من زمان بينكو مشاكل يامَا , لكن دايماً كنت بنقول انها مشاكل عادية وهتتحل مع السنين

للأسف ما بتتحلش , ومن الواضح ان عمرها ما هتتحل ..... مش عارف السبب فيا ولا في ادهم ولا في ابويا وامي اللي ما زرعوش الحب في قلوبنا وعرّفونا يعني ايه أخ

بس انت طول عمرك بتحب اخواتك يا احمد

ايوة بنحبوهم ... ما نستحملش نسمة هوا تخدشهم ... لكن هنعملوا ايه في حظي معاهم بقى !!!

بصراحة اخواتك دول أغرب اخوات سَمَعت عنهم في حياتي

..... مهما عملوا أنا اخوهم الكبير ومسامحهم

طول عمرك قلبك كبير يا احمد .... أنا محظوظ انك صاحبي

انت وهيام حظي الحلو من الدنيا يا خالد

ربنا ما يحرمناش منك يا احمد

بس اسمع يا خالد , الكلام اللي قولناهولك ده ما يطلعش لهيام ولا حتى لأمي .... مش عايز صورة أهلي تتشوه في عنيهم أكتر من كدة

سرك متصان يا صاحبي ..... لكن ما قلتليش , اخوك كان عايز يقتلك ازاي وايه اللي حصل ؟

دي حكاية طويلة وما بنحبوش نحكوها عشان بتقلّب عليا مواجع يامَا  .... بس اللي لازم تعرفه ان اللي انقذني بأمر الله كان عبدالله

عبدالله !! ... السواق بتاعك ؟

ايوة

لالا دانت لازم تحكيلي بقى عبدالله عمل ايه ... شوقتني

************************************************

يلا يا خالد , اهو عبدالله جاي هناك أهو , أول ما رنيت عليه جَه يجري هه

السلام عليكم

عليكم السلام يا عبدالله ... على فكرة أحمد بيحبك أوي , وانا كمان حبيتك ... أنت ولا جدع يا عبدالله , واللي زيك قليل في زماننا

هه على ايه بس يا باشمهندس خالد !! أنا لو فديت الأستاذ احمد بروحي يبقى شوية عليه

ربنا ما يحرمنيش منك يا عبدالله

ولا منك يا أستاذ أحمد

يلا عشان نتوكل على الله ... بس اسمع , احنا هنوصلوا خالد عند بيت حماته وبعدين نعدوا ع الحلواني عشان ناخدوا تورتاية ولّا أي حاجة حلوة للمدام بتاعتي عشان نراضوها , ربنا يكفيك شر زعل الست لما جوزها يتعشى برا من غيرها ههه

ههههه ربنا ما يحرمكوش من بعض يا أستاذ احمد

*******************************************

سلاااااااامة

ألطاااااااااف !!!

........................... انت رَجَعت الورشة تاني !

................................... عايزة ايه يا أطاف

عايزة نتكلموا معاك , عندي كلام يامَا عايزة نقولوه

مافيش بينا كلام يتقال يا ألطاف

طب بس اديني فرصة يا سلامة اهئ اهئئئئئئئئئ اني تعبانة اوي وعايزة نتكلموا معاك

تووووء اووووووف هنا مكان شغل , زي ما انتِ شايفة ورشة وصنايعية ومافيش مكان نتكلموا فيه

اني هناخدوا الكرسي ده ونقعدوا هناك بعيد عن الصنايعية وانت حصلني

اووووووووف لا إله إلا الله , حاضر يا ألطاف

********************************

خير يا ألطاف

اهئ اهئئئئئئئئئئئئ سامحني يا سلامة , اني عَرَفت انك مظلوم اهئ اهئئئئئئئئ ربنا انتقملك مني ومن بنتي اشد انتقام اهئ اهئئئئئئئئئئئئئئئئئ

لا حول ولا قوة إلا بالله , ايه الي حصل يا ألطاف ؟

اهئ اهئئئئئئئئ الولا قليل الأصل اللي البت اتجوزته  وسيبتله المحل يديره كأنه صاحبه , خسرني تجارتي ونهب المحل وسحب بضايع بإسم المحل بألوف الالوف وخلى المحل على الحديدة , غير الديون اللي في رقبتي , ومش كدة وبس,  ده ضَحَك ع البت  وخلاها اتنازلتله عن الشقة اللي كنت كاتباهالها بإسمها اهئ اهئئئئئئ وطلق البت ورماهالي وهي حامل في اربع شهور وباع الشقة وخد فلوسي وفلوسها وهَرَب وماحدش عارف طريقه اهئ اهئئئئئ والديّانة رفعوا عليا قضايا يطالبوا بفلوسهم واتحجز ع المحل , واتحبست اربع تيام في القسم وما كانش قدامي غير اني نبيع الشقة اللي عايشة فيها ونبيعوا المحل عشان نخرجوا من القضايا ونسدوا الديون من غير سجن وبهدلة اهئ اهئئئئئئئئئئ دقت المر كله يا سلامة من يوم ما سيبتني اهئ اهئئئئئئئئ والبت في الآخر قالتلي وهي بتبكي بدل الدموع دم , ده ذنب عم سلامة يا ماما اهئ اهئئئئئئ اني افتريت عليه واتهمته زور عشان كان كل غرضي نبعدوه عن طريقي ونتجوزوا اللي رايداه اهئ اهئئئئئئئئئ حقك علينا يا سلامة اهئ اهئئئئئ احنا ظلمناك يا خويا

لا حول ولا قوة إلا بالله , طب وانتِ والبت عايشين فين دلوقتي ؟

احنا اجرنا اوضة  تحت بير سلم وعايشين فيها , واني رَجَعت لشغلة الدلالة تاني اهئ اهئئئئئئ لازم نصرفوا ع البت اللي الولا الله لا يسامحه سابهالي حامل ومَشَى وما نعرفوش راح فين اهئ اهئئئئئئئئئئ

معلش يا ألطاف , ربنا معاكو

سلامة

نعم

اهئ اهئئئئئئ اني محتاجالك تقف جنبي

.............................. ربنا يتولاكِ برحمته يا ألطاف

يعني مش هتردني لعصمتك وتقف جنبي وجنب بنتي ؟ اهئ اهئئئئئئئئ ده احنا اتنين ولايا مالناش حد يا سلامة اهئ اهئئئئئئئ

واخوانك  الرجالة فين ؟

هأ , اخواني  الرجالة ! اخواني  دول كانوا يعرفوني بس ايام العز اهئ اهئئئئئئئ ايام ما كانوا بيجيبوا حريمهم ويجوا ياكلوا ويشربوا ويتمرمغوا في خيري اهئ اهئ لكن دلوقتي قفلوا أبوابهم في وشي وماحدش عايز يعرفني بعد ما افتقرت اهئ اهئئئئئئئئئ

لا حول ولا قوة إلا بالله , معلش يا ألطاف , ليكِ رب اسمه الكريم

نفهموا من كدة انك بتتخلى عني وعن بنتي يا سلامة ؟ اهئ اهئئئئئ

اني تحت أمرك لو عوزتي مني أي خدمة , لكن نعيشوا تحت سقف واحد , لا , سكتي مش سكتك يا ألطاف , وجوازنا كان غلطة وبندفعوا تمنها لحد دلوقتي

اهئ اهئئئئئئئئئئئ حقك يا سلامة تقول كدة واكتر اهئ اهئئئئئئئئ كتر خيرك , اني ماشية

مع السلامة يا ألطاف

*******************************************************

يا ترى انت وين  يا بو عبدالله ؟ تظنين انه للحين يذكرنا يا أم راغب ؟

ما أظن يا أم عبد الله , بو عبدالله خلاص نسانا , والله ما ادري ان كان حي ولا ميت

يا ترى إن كنت حي تذكرنا والا ما تذكرنا, ولا ميت وما راح نتقابل مرة ثانية

يا ترى انت وين يا بو عبد الله

ترررررررررررررررررررررن افتحووووووا افتحوااااااااا افتحي يا أم عبدالله

وش هذا ! صوت يناديك يا أم عبدالله

هااااا !

افتحي يا أم راااااااااااغب

لالالا ما يناديني , يناديك يا أم راغب

ها !!! اظنها تهيؤات

اظن كذا

افتحي يا مرة انتِ وضرتكككككككك

ايش ! سمعتي اللي سمعته يا أم راغب ؟

سمعت يا أم عبد الله بس مو متأكدة

هذا صوت أبو عبد الله !!! ولا يتهيأ لنا وخرفنا!

ايه  خرفنا , ايش يجيب ابو عبدالله دحين ! احنا من كثر ما نفكر فيه صرنا نتخيل نسمع صوته

أها , يا ترى انت وين يا بو عبد الله

تررررررررررررررررررررررررن افتحوا يا حريم الهمممممممم

ايش هذا ! الصوت ينادينا مرة ثانية

تلاقينه عفريت الله يحفظنااااا

يحرق عفاريتكم ويقصف عمركم  افتحوااااااااااااا , ليش ما حد يرد عليّ

لالالالالا هذا صوت بو عبد الله صحيح يا ام عبد الله

بو عبددددددددددددالله !!! يا رب لا يكون تهيؤاااااااااات , راح افتح يا أم رااااااااغب

بوعبدالله ههههههه والله  مو مصدقة عيوني , كنت وين يا بعد قلبيييييييي ؟؟؟؟

كنت بباريس , ما تدرين وين كنت !!! ادخل يا مالك يا ولدي

مالك ! مين هذا الولد ؟

بو عبد الله هههههه يا بعد عمرررررري ,وين كنتتتتتتت ؟ ويش ! مين هذا الولد ؟

ولدي , ادخل يا مالك , ادخل يا ولدي , ايش فيك ! هذا بيت اُبوك

مالك ! تشوفين اللي اشوفه يا أم راغب !!!

مين مالك هذا يا بو عبدالله ؟؟؟؟؟

ولدي , ولدي يا حريم الهمممممم , قلت ولدي , ولدي من الله يقصف عمرها وعمركم معها دنانيررررر

دنانيررررر ! شفتِ يا أم عبدالله !!! بو عبدالله جاله ولد من دنانير

ولدددد !!! دنانير جابت لك ولد يا بو عبد الله!

وليش ما تجيبلي ولد ! ما كانت زوجتي !!!

كاااااااااانت !!! سمعتي يا أم عبدالله !

طلقت دنانير يا بو عبدالله ؟

لا , هي اللي  طلقتني  , خذت  كل حلالي وطلقتني , أرسلت لي البودي جارد حقينها وهددوني يقتلوني لو ما طلقتهاااااااا , تهددني بالبودي جارد اللي ادفع رواتبهم من حلالي ,  , خذت  كلشي وتركت لي ها الولد, قالت ما ابيه , خذه معككككك , تعال يا قلب اُبوك , امك طردتنا وشردتنا في فرنسا لكن ما في أحد يقدر يطلعنا من ها البيت ولا يطردنااااا , هذا بيت اُبوووووك , خذ راحتك يا ولدي في بيت ابووووووك

مين  هذولا  يبه  ؟

هذولا حريم ابوك , هذي أم عبدالله , هذي أم راغب , لا تخاف منهم يا ولدي , لا تخاف, تراهم  ما يعضون ...ايش فيكم مبققين عيونكم بالولد!!خوفتوووه

سمعتي ويش جال بو عبدالله يا أم رااااااااغب ! دنانير خدعته وخذت فلوسه وتركتله ولدهاااااا

ليش ما تركت الولد يا بو عبدالله !!! امه تسرق حلالنا وتتركه عندنا  نربيه!! حسبي الله عليها,عساها العمى, والله ما نبيه , ارميه يا بو عبدالله ارمييييه , والله لنقطّه في الزبالة  مثل صحن الكبسة

يقصف عمرك ان شاالله , هذا ولدي يا أم عقل خربااااااااان , أمه تركته مو معناته اني اتركه , تعال عندي يا ولدي, لا تخاف يا ولدي , لا تخاف , وين بناتي يا أم عبدالله  ؟؟؟؟؟

بناتك تزوجوا , والولاد بعد تزوجوا , باجي اتنين يدرسون

تزوجوا ! باجي اتنين بس ! كيف تزوجونهم في غيااااااااابي !

ووين كنا نلاجيك يا بو عبدالله ! انت هربت مننا وما كنا نعرفلك طريق, كنت تبينا نخليهم بدون زواج اثناعشر سنة  !

 يتزوجون ! ليش يتزوجون ! والله كرهتني في الزواج دنانير هذي , ليش يسموها  دنانير , يجعلها للفقر وما يصير معها ولا دينااااااااار , تصبحين في الصباح يا دنانير شحاتة وفقيرة  ويسمونك فقاقير , فلوووووسي فلوووووسي

ايش يا بو عبدالله ! هذا اللي قدرت تسويه لدنانير! بس انك تدعي عليها!خلاااااص! الحلال كله ضااااااع!

 إيوة ضاع , ضااااااااع , ليتكم انتم اللي ضيعتوا وبقى حلالييييي . وين ولدي عبدالله , ابي اشوفه , ولدددددي

دجي على عبد الله يا أم عبدالله , بشريه , ابوه رَجَع بأخ جديد وحلال ضاااااايع

ترررررررررررررررررررررررررررررررن

السلام عليكم يوما

عليكم السلام ولدي عبدالله , ابوك رَجع

أبوووووووي ! صدق يومااااااا ؟

إيوة يا ولدي , رَجَع بدون فلوس , ملايينه سرقتها دنانير وطلقته ,لا وبعد تركت ولدها عنده

ويش تقولين يمه ! أبوي صار له ولد من دنانير هذي وكمان بوي طلجها وخذت فلوسه !

لا يا ولدي هي اللي طلقته , هددته بالبودي جارد حقينها

وش هذا الكلام !! انا جاي يمه

تعال يا ولدي شوف ابوك ايش صار فيه

******************************************

يبه ههههه حمدالله ع سلامتك يبه

ولدددددددي , عبدالله , اشتفت لك يا ولددددددي

أبووووي اشتاجتلك مررررررة اشتجت  لاحضاااااااااانك , اشتجت لضمة صدرك الحنون يبه

هلا بولدي  الروماااااااااانسي تعال في حضن ابوووووووك , كبرت يا عبد الله , وجهك صار وجه رجال ولك هيبة

صارلك اثناعشر سنة ما شفتني يبه , كنت اظن اني ما راح اشوفك في عمري مرة  ثانية

والله يا ولدي كانت نيتي ما ارجع , لكن الحرمة الله يقصف عمرها خذت مني كلشي وما قدرت اجلس بفرنسا

خذت كلشي يبه ؟

لا يا ولدي  , تركت ولدها , اُخووووك  , تعال يا مالك في حضن اًخوووووك , احضنه يا ولدي , ترى الولد خايف منك

هلا والله يا مالك ههه انا اُخوك الكبير عبدالله , اموووه شلونك ؟ طيب ؟

ايه الحمدلله

روح يا مالك العب مع أم راغب وأم عبدالله , ابي اتكلم مع اخوك لحالنا

طيب يبه

احكي يبه ايش صار مع المرة 

والله يا ولدي ما ادري وش اقول ! المرة خذت عقلي وأشغلتني , جمالهااااااا , قوامهاااااا , سنها الصغير , والله شفت معها ايام ما شفتها مع ها الحرمتين  اللي كنهم ذئاب بشرية, وش كنت تبيني اسوي غير اني البي كل طلباتهاااااا , أي شي تبيه اقول موافق , قالت راح اخلع  الحجاب , الحجاب ما صار عصري , قلت موافق , صارت تصبغ شعورها مرة احمر ومرة اصفر وجمالها يزيد وانا على الجمال ما اقدرررر ,  قالت نفتح الشركة واساعدك بإدارتها قلت موافق , بعد ما عرفت كل شي واتعلمت كل شي استغنت عني وقالت مافي داعي تجي الشركة , اكتبها باسمي وانا اديرها وحدي تحت اشرافك قلت موافق , كتبت الشركة باسمها , وارقام حساباتي الخاصة صارت معها , تراها سحبت كل الأموال وكتبتها باسمها الحرامية

أيشششش ! شلون يبه تعلمها عن ارقام الحسابات الخااااااصة !

يا ولدي المرة سحرتنيييييي , تراها مو حرمة عاااااادية , وابوك قلبه ضعيف 

وبعدين يبه , وش صار ؟

ولا شي يا ولدي , من ثلاث ايام دخلت البيت ومعها البودي جارد حقينها , عليهم اجسام تقول ثيران, , كل ثور يهد جبل بطرف من اصبعه,ما لقيتهم إلا محاوطيني, وهي تقول طلقني يا بو عبدالله وإلا راح اخلينهم يكسرون عظامك , وانا يا ولدي مافيني عظام سليمة عشان يكسرونها , وانا يابوك رجال كبير , خفت منهم, طلقتها , قالت ما ابي اشوفك هالحين , خذ ولدك معك , ما ابيه , اخذت ولدي وروحت فندق , قعدنا فيه مدة ثلاث أيام إلين موعد الطيران , وهذا أنا رجعت السعودية

حمدالله على سلامتك يبه , والله ردت فينا الروح من شفناك

الله يحفظك يا ولدي

لكن دنانير هذي والله ما راح اتركها  تفلت بللي سوته , عطني عناوينها  بفرنسا يبه

لااااااا , اخاف عليك يا ولدي , اقولك يحمونها ثيرااااااااان

لا تخاف يبه , ادري وش راح اسوي

الله يحفظك ويرعاك يا ولدي , طاحت دنانير وما بجى غير اشعاري , يا زهرة حضنتها وشوكها وخززززززززني , اخذت مالي وتركتني بحزززززني , يا عيوني لا تدمعين على اللي غرامها ذبحنييييي

شردت  غزالة البر بعد ما جرنها نطحنيييييييي , وانا الشايب اللي عشجت الصبا وبالحسن طاش عجلي , سحر العيون فتني وهرب نومي منييييي

*******************************************

ترررررررررررررن

السيليلور تبعك يدق مدام دنانير

 طيب يا مايا , ما تدخليليش حد إلا لما اقولك , انا مشغولة جداااا

اوكيه مدام

أليوووو أها بنجور ميسيه , وي ....... وي , داكوغ , دان سيت اوغ ....... اجزاجتيمو , داكوغ , اغوفواغ , خدي حطي التليفون ع الشاحن يا مايا

اوكيه مدام , الزلمة يللي كان يكلمك عميل جديد للشركة ؟

أها , اديتله معاد الساعة سابعة , قوليلي حلوة التسريحة بتاعتي ؟

ههه تؤبريني يا ألبي  , اللوك تبعك بيعَئِد مدام دنانير ,مديرة شركة غنوجة , ما راح يتحمل الزلمة الفرنسي

ايه اللي بتقوليه ده يا مايا ! انتِ متخيلة ان اعجاب الرجالة في دماغي ! دول ما يسوش في نظري أي حاجة , انا المهم عندي شغلي وأعمالي وبسسس , لكن أنا برضو أحب أكون ست جميلة و أنيقة , وده إرضاء لنفسي , مش إرضاء لأي راجل , زي ما قلتلك ما يستاهلووووش

هههه بعتئِد انك حبيبتي قبل بو عبدالله واتضح انه خاين

لااااا , ما حبيتش قبل ابو عبدالله ولا اعرف الكلام ده , أبو عبدالله اول راجل في حياتي

ههه والآخير ؟

ماياااااااا , بحذرك , ما تتجاوزيش حدودك في الكلام معايا مرة تانية , انتِ هنا مش اكتر من سكرتيرتي الخاصة , ولو حاولتي تتدخلي في شؤوني مرة تانية هيكون مصيرك الرفدددد

لالالا تؤبريني مدام , ما حدا راح يدفعلي  مرتب أعلي من يللي بتعطيهولي

يبقى الزمي حدودك عشان تستمري في الشغل معايا

أمرك مدام , تؤبريني , راح استأذن هلأ مشان اعمول شي  مكالمة متأخرة

اتفضلي اوووووف , عايزة تصاحبني وتعرف سري الست مايا , معتقدة اني ممكن اطلع اسراري لأي حد . مممم اما اراجع الفايلات اللي كنت عايزة اراجعها امبارح ومالحقتش ........................,ايه ددددددده ! الباب اتفتح فجأة ليه ! , مين براااااا ؟

............................................................................

ماياااااااااا يا ماياااااااااااااااا

...............................................................

الله ! ما بتردش ليه دي ! ماياااااااااااا

.........................................................

هههههههههههههههه بنجور مرات بابّاااااااااا

ايه ده ! انت مييييييييييييين ؟

ويش ! ما تعرفيني ! نسيتيني يا مرت  اُبوي !!!

عبدالله !!!!!! ايه اللي جابك هناااااااااا ؟ عايز ايييييييييه ؟ اخرج برا قبل ما اطلبلك البودي جاردات بتوووووووعي

*********************************************************

خلصت حلقات النهاردة

*****************

قارئتي العزيزة الياسمين

اسفة حبيبتي والله وبعتذر ان الفكرة دي وصلتلك ,وربنا عالم ان مش قصدي ابدا التسلط او الإجبار على الردود وإلا امنع الحلقات ,كان هدفي فقط هو التحميس واني احس بتواجدكم جنبي وتقديركم للرواية

وعلى فكرة انا نيتي اني اخلص الحلقات قبل رمضان سواء تفاعلتم او لأ ,والكلام ده قلته لام عبد الرحمن على الواتس,وهي تأكدلكم بنفسها,لكن طلبت منها ما تقولش عشان ما افقدش تفاعلكم وحماسكم

اي انسان بيتعب في شيء اكيد بيحب يشوف ثمار تعبه,وتفاعلكم كان بيحسسني ان الرواية مهمة واحداثها اثرت فيكم ,واكيد عدم التفاعل بيجيبلي احباط

لكن الأسلوب ضايقك من غير ما اقصد اواكيد ضايق البعض فأنا مش هطلب منكم التفاعل ابدا

الحلقات هخلصها قبل رمضان بأسبوع إن شاء الله ..وانا اللي بطلب منكم عدم التفاعل عشان اريحكم واريح نفسي ,في الحالتين الحلقات ان شاء الله هنزلها ...شكرا للجميع ,,التقيكم يوم الإثنين القادم

لا تنسوا ذكر الله الدائم والصلاة على الحبيب عليه الصلاة والسلام

سبحان الله ,الحمدلله,لا إله إلا الله ,الله أكبر