الحلقة السابعة والستين (ف2)

**************************

خلف هذه الجدران,هبة عبد العظيم نور

ممنوع النسخ أو أخذ اسكرين شوت

**************************

نورتني يا حودة يا اخويا يا حبيبي هههههه

نورك يا بهيرة , لقيت نفسي فاضي على غير العادة قلت اجي اطمن عليكي انتِ والولاد واتغدا معاكو بالمرة

يا حبيبي يا حودة ربنا ما يحرمني منك يااااارب هههه هغديك غدوة تاكل صوابعك وراهاااا

كل اللي بتعمليه بونو يا بهيرة هههه

والله انت اللي بونو وكلامك بونوووو ههههه

 ههه جراتسي , اخبار ياسمينة وجوزها ايه ؟

كويسة الحمد لله

والبامبينو  بتاعها ؟

البامبينو حلو وبيسبوس ايدك هههه

ههه اومال فين ياسر وياسين ؟

ياسين دخل ينام شوية, وياسر لسة ما جاش

ما جاش منين ؟

اصله يا حبيبي صحي من بدري ونزل يشوف وظيفة

بونو بونو , هما فتحوا باب التقديم للوظايف ؟

لا يا حبيبي لا فتحوا ولا قالوا لحد يقدم , هو اللي رايح يرمي جتته عليهم هههههه

هههه مممم هو ياسر مصمم يشتغل في مجال دراسته ؟

اومال يعني هيشتغل في حاجة ما يفهمش فيها يا حودة !!!

ههه يعني هي القوة العاملة بتشغل حد طبقاً لدراسته !

اه والله عندك حق , دول بيحدفوا أي حد في أي حتة وزي ما تيجي تيجي , خريج حقوق يشتغل مفتش تموين وخريج اداب يشتغل محاسب واهو كله عند العرب صابون يا حودة ههههه هروح اصحيلك ياسين وادخل احضر الغدا بسررررعة

جراتسي حبيبتي

**************************

خلف هذه الجدران,هبة عبد العظيم نور

**************************

خالي , السلام عليكم

اهلا ياسين , عليكم السلام حبيبي , معلش خليت المامّا صحيتك

ههه كان لازم تصحيني عشان اشوفك واقعد معاك , واحشني قوي يا خالي والله

انت كمان حبيبي , خلاص نويت على كلية الصيدلة ؟

ايوة ان شاء الله

ما تدخل كلية سياحة وفنادق يا ولد وتيجي تشتغل معايا

لالالا السياحة مش من ميولي خالص يا خالي , انا نفسي من زمان ادرس يا إما طب يا إما صيدلة , وطالما مجموعي ما جابش طب يبقى الحمدلله ع الصيدلة

ههه ربنا يوفقك يا سيدي

يا ياسينننننننن

نعم يا مامااااااااا

اتصل بياسر شوفه اتأخر ليييييييييه

حاضر يا ماماااااا , يييي ده انا مشطب رصيد صحيح

خد موبايلي يا حبيبي

تررررررررررررررررررررررررررررررن

ده باين عليه رجع يا خالي , عن اذنك هفتحله

اتفضل

**************************

خلف هذه الجدران,هبة عبد العظيم نور

**************************

ياسرررر عملت اييييييه ؟

ولا حاجة

ولا حاجة ازاي ! اخوها ما رضيش يقابلك ؟

مسافر

مسافر ! مسافر فين ؟

يوووو يا ياسين , الواحد راجع مخنوق وانت مش مبطل اسئئئئئئلة, يا اخي قدر حالتي النفسية

خلاص يا عم روّق , خالك هنا , ادخل سلم عليه

خالي !! اوعى تكون قولتله حاجة

لالا بس اكيد ماما قالتله انك نزلت تدور على شغل

طيب ماشي , انا داخلّه

**************************

خلف هذه الجدران,هبة عبد العظيم نور

**************************

السلام عليكم يا خالي

اهلا ياسر, عليكم السلام , اخبارك ؟

الحمدلله يا خالي

مين جه يا ياسيييييييييين

انا اللي جيت يا ماماااااااا

عملت ايه يا ياسرررررررررر

ولا حاجة يا ماما ولا حاااااااجة مالقيتش شغل

يا عيني يا ابنيييييييي معلششششش خيرها في غيرها يا حبيبييييييي هخلص الطبيخ وجيالكووووو

اجيبلك حاجة تشربها انت وياسر يا خالي ؟

جراتسي ياسين , يا ريت تسيبني مع ياسر لوحدنا

حاضر , عن اذنكو

 اتفضل ,ازيك يا ياسر

الحمدلله يا خالي

انت كويس ؟

.... تمام الحمدلله

لا مش تمام , انت شكلك متضايق قوي

.... عادي , ده بس عشان مالقيتش شغل

هه لا , اكيد في حاجة تاني

حاجة زي ايه ؟

طب ادخل خد شاور سريع والبس هدوم غير اللي اتكرمشت وباظت دي وهاخدك وننزل نتغدا برا

مافيش داعي يا خالي , انا ماليش نفس للأكل

يا سيدي انا محتاج اتكلم معاك على انفراد , واكيد هنا مش هينفع , مامتك مش هتسيبنا في حالنا ولو لقيتنا بنتكلم على انفراد هتقلق , وانا عارف اختي ههه

هه ماشي يا خالي

بهيررررررة انا هاخد ياسر ونتغدا برااااااا

تتغدوا برا فييييييين ؟ لا دانا جيالكوووووو , ايه يا حوودة , تتغدا برا ليه يا حبييي ! دانا هغديك لحمة والله

هههه يا حبيتي انا عارف والله , بس انا محتاج ارفه عن ياسر شوية عشان صدمته في موضوع الشغل

يا حبيبي يا حودة ! طول عمرك حنين

**************************

خلف هذه الجدران,هبة عبد العظيم نور

**************************

ايه رأيك في الريستاورانتو ده يا ياسر ؟؟

كويس

ده بقى احسن ريستارانتو يعمل اكل ايطاليانو  , كل ما اشتاق لإيطاليا والأكل الإيطاليانو اجي هنا , تحب تاكل ايه ؟

هه اكيد على ذوقك يا خالي لإني ماليش في الأكل الإيطالي

اوكيه , هناخد فوتشيني وسلطة باستا

**************************

خلف هذه الجدران,هبة عبد العظيم نور

**************************

بعد ما اكلنا استمتع بقى بنكهة قهوة لافاستا الفريدة دي.........ايه رأيك فيها ؟

مممم روعة

طبعاً لازم تكون روعة عشان من اختياري ههه

هه اكيد يا خالي

ممم دلوقتي بقى بعد ما خليتك تعيش  مود مختلف واجواء مختلفة ,عايزك تحكيلي بقى عن كل اللي جواك وكل اللي موصلك للحالة المش لطفية دي

........ مافيش حاجة يا خالي

يا ولد اتكلم يمكن اقدر اساعدك

تساعدني في ايه بس يا خالي ! كل الطرق مسدودة في وشي

أووو ايه الكلام المليان احباط ده يا ولد !!! ياسر انت شاب جميل والحياة مفتوحة قدامك , ليه تبصلها النظرة التشاؤومية دي !!!

يا خالي عشان كل اللي بيحصلي ما يدعوش للتفاؤول , كل ما احاول اقرب من اللي انا عايزه الاقي ايد  اقوى مني بتبعدني

هه لالالا ده كدة موضوع عاطفي , رعشة صوتك بتقول كدة , مين بقى البيلا دونا اللي عاملة فيك كدة ؟

........................................

رحمة ؟؟؟

.......... ايوة

هههه حقيقي بيلا دونا , تستاهل انك تعيش الحالة دي عشانها

يا خالي انا بحب رحمة مش عشان جمالها , انا مش عارف اوصفلك احساسي برحمة , رحمة دي ...... رحمة ...... رحمة تقدر تقول عليها انها جزء من كياني , انا مش ياسر لو رحمة مش موجودة في حياتي , انا مش ياسر لو رحمة بقت لواحد تاني غيري , انا مش ياسر لو ما حاربتش عشان رحممممممممة

للدرجة دي متعلق بيها ! وبعدين تحارب عشانها ازاي يعني وايه سبب الحرب دي ؟ والدك مش موافق ؟

يا ريت الموضوع كان كدة , كنت وطيت على رجل بابا بوستها واترجيته يغير موقفه ويخليني اتجوز رحمة , لكن المشكلة في اهلها هي , بالتحديد في اخوها الكبير , الغريبة ان اخوها ده طول عمري بحبه واحترمه جدا , وعمري ما تصورت انه هيكون سبب في يوم من الأيام لحرماني من رحمة

مممم واخوها مش موافق ليه ؟

اوووووف مش عارف مش عاااااااارف حاسس انه بيتلكك عشان يبعدها عنيييييي عايز يجوزها أي حد في اسكندرية عشان تبقى جنبه وخلاااااااص , مافيش تفسير تاااااني

وليه ما يكونش عشان علاقتك برحمة كانت مستفزة بالنسبة له عشان كدة هو رافض جوازك منها

يا خالي انا ما فيش حد حب رحمة وخاف عليها قددددي , انا كنت بخاف عليها حتى من نفسيييييي يبقى ليه اتعاقب بسبب حبي ليهااااااا

طب اهدا يا ياسر , انا مقدر انفعالك وعدم سيطرتك على اعصابك , شوف يا ياسر , لازم تعرف ان مش كل حاجة في الدنيا دي بنتمناها بنحصل عليها , وانا مثال متجسد قدامك , انا في يوم من الأيام حبيت انسانة وخطبتها كمان , لكن الظروف فرقت بينا , وهي اتجوزت انسان تاني , لكن حياتي ما وقفتش عند احزاني , لا , سافرت واشتغلت وكافحت لحد ما حققت اللي انا عايزه بتوفيق ربنا سبحانه وتعالى , الحمدلله , وبعدها رجعت لبلدي واتجوزت انسانة في قمة الروعة عوضتني عن كل حاجة وحشة شوفتها في حياتي , الحمدلله , من نعم الله علينا ان الحياة متجددة , كل يوم نهار جديد واحداث جديدة , يعني الأحزان مهما كانت مؤلمة , اكيد هيجي يوم وتبقى ذكرى بعيدة

يعني ايه يا خالي ! يعني ممكن رحمة تتجوز حد تاني غيررررري ؟؟؟

انا ما قولتش كدة , ماحدش عارف ربنا كاتبله ايه ولا هيتجوز مين , لكن انا مش عايزك توقف كل حياتك وكل طموحاتك عند حدود انسانة حبيتها , العالم اكبر بكتير من مجرد قصة حب

العالم كله عندي بيعني حاجة واحدة بس , رحمة , رحمة هي العالم بتاعي

.......... انا مش عايز اكون سخيف واقولك كلام محبط ومزعج , لكن هقولك حارب , وانا هكون اول واحد جنبك في الحرب دي , عندي استعداد اساعدك بأي وسيلة , بس توعدني انها تكون حرب سلمية ههه

هههه اكيد يا خالي , انا مستعد اروح لاخوها وانا رافع الراية البيضا عشان يتأكد من حسن نوايايا

ربنا يوفقك يا ياسر , وصدقني انا مش هبطل تفكير لحد ما اوصل لحل يرضي جميع الأطراف إن شاء الله مممممم تعرف في فكرة طرأت على ذهني دلوقتي حالاً

فكرة ايه دي يا خالي ؟؟؟

ممممم انت متأكد ان اخو رحمة مش معترض عليك إلا لإنه عايز يجوز اخته في اسكندرية ؟

مش فاهم

اقصد يعني لو انت هتعيش في اسكندرية وتشتغل هناك , ممكن في الحالة دي موقفه يتغير ؟؟؟

اعيش واشتغل في اسكندرية !! ازاي بس يا خالي ؟؟؟

بسيطة اوي , انا من فترة طويلة كنت قولت لعتاب مراتي إني عايز افتح فرع للشركة في محافظة تانية , وهي رشحتلي المنصورة عشان لها معارف هناك هيديروا الشركة بدالي مقابل نسبة من الأرباح , لكن انا دلوقتي شايف ان فرع اسكندرية هو الأنسب عشان خاطر ياسر حبيب خاله

يا حبيبي يا خاااااااالي هههه والله العظيم انت اجدع خال في الدنيا دي كلهااااااااااا , بتتكلم جددددد ؟؟؟؟

ههههه اومال يعني بهزر معاك يا ولد !!! بس اسمع بقولك اييييه , انا ما عنديش هزار في الشغغغغغل , ده شغل يا إبني ومال هتكون مسؤول عنننننه , يعني انا هبعتك اسكندرية عشان تشتغل مش عشان تحب هههه

هههههه على فكرة بقى الحب هو اللي هيخليني ادير الشركة ببراااااااعة

ايوة بس قبل ما افتح فرع اسكندرية  لازم تيجي تتمرن عندي مش اقل من تلات شهور في الشركة

انا موافق يا خاااااااالي من النهاردة هكون عندددددك

النهاردة ايه بقى !! بكرة الصبح ان شاء الله تجيلي يا استاذ

ان شاء الله يا خالي , يااااااااه انا مش هنسالك الجميل ده ابداااااااً

ربنا يوفقك يا ياسر ان شاء الله ويحققلك كل اللي بتتمناه يا حبيبي

**************************

خلف هذه الجدران,هبة عبد العظيم نور

**************************

حمدالله ع السلامة يا ست سعاااااد هههه نورتي الفيلا وربنا يا حاجة

الله يسلمك يا شوقية,وربنا وحشتيني يا بت.

ما تشوفيش وحش ابداً,بسم الله ماشاء الله,راجعة من العمرة وشك منور زي البدر وصَغَرتي يجي عشرين سنة.

هه صَغَرنا ايه يا مضروبة انتِ!هو احنا كنا كَبَرنا من أصله!هه

هههه عيني عليكِ باردة,ربنا يديكِ الصحة والسعد كله يا ست الكل,أومال سي أحمد فين؟

وصلنا وراح لمراته وابنه

ما يتحَرَمش منهم قادر يا كريم.

البت أوسا فين مش شايفينها؟

الست أوسا قاعدة ويا  الست رحمة في أوضتها.

رحمة!..هي رحمة هنا؟

أيوة,من ساعة ما مَشيتي وهي بتيجي تبات يومين هنا ويومين عند امها.

....غريبة الحكاية دي!

ولا غريبة ولا حاجة,اخوات يا ست سعاد وربنا يحنن قلوبهم على بعض,طب دي الست أوسا فرحانة بيها يامَا,غير انها يوماتي لما تكون هنا تفطر سي أدهم بإديها وتديله الدوا كمان..ايّووووه ع الحنية يا جدعان,كان نفسي يبقالي اخت تحبني وتحن عليا كدة,بس نعملوا ايه في البخت!أمي كانت كل ما تحبل تسقط وما عاشلهاش عيال غيري, واديني قاعدة من غير اخوات زي قرد قطع

هههه طول عمرك فقرية يا بت

ههههههههه وربنا عسل يا ست سعاد,وحشني ضحك وهزارك بتاع زمان,الهي ما نتحَرَم من رنة ضحكتك

ضحكتي!...الحمدلله ع العمر اللي عدا بالضحك والفرْح

نعوذ بالله,وحدي الله يا حاجة,دانتِ في نعمة الله أكبر,وبكرة الحال ينعَدل وسي أدهم ربنا يشفيه والفرح والهنا كله يرجع

لا إله إلا الله..أهم حاجة عايزينها في سنين عمرنا اللي جاية هي رضا ربنا علينا يا شوقية..احنا عصيناه يامَا

ربنا يغفر ذنوبك وذنوبنا يا ست سعاد,احكيلي بقى عملتي ايه أول ما شوفتي الكعبة

ايّوووه يا بت يا شوقية,داحنا بكينا بكا أول ما شوفناها, اللي فاكراه أنوار في أنوار حواليا في كل مكان, والكعبة زي ما يكون طالع منها نور بهيبة يخطف القلب ..طَلعنا نجري عليها ونسينا روحنا,مش فاكرة من كتر فرحتي كنت بنقول ايه,أكتر حاجة فاكراها انّي كنت بنقول يارب سامحني,يارب ماليش غيرك

الله! ربنا يقبل منك ويكتبهالي يارب

ماماااااا حمدالله ع السلامة, نورتي الفيلا اموووه

اوساااا ههه وربنا وحشتيني يامَا يابت

يا حبيبتي يا ماما يا حبيبتي امووووه,انبستطي في العمرة؟

انبسطنا يامَا يابت,وربنا ما في في حلاوة المكان ده اللي غسل روحنا من جوا..وربنا ما كنا عايزين نرجعوا للدنيا بتاعتنا وأرفها.

للدرجة دي يا ماما انبسطتي!

انبسطنا يامَا يابت, ودعيتلكو يامَا

ربنا يقبل منك يا ماما

حمدالله ع السلامة يا طنط سعاد

الله يسلمك...متشكرين على وقفتك مع أدهم,كتر خيرك

بتشكريني على ايه يا طنط! ده أخويا, واسمحيلي بعد اذنك اجي ازوره واطمن على ابلة أوسا

.......فيلت ابوكِ تبقى فيلتك وما حدش يقدر يمنعك عنها...شوقية,خلي البواب يجيب الشنط من برا وطلعوهوملي على فوق انتِ وعطا,انا طالعة نرتاحوا

اتفضلي يا حاجة يا سعاد ههه الفيلا نورت وربنا...بت يا عطااااا

**************************

خلف هذه الجدران,هبة عبد العظيم نور

**************************

دكتور,اخويا بقاله شهرين بيتعالج علاج طبيعي ومافيش فايدة

دي مسألة وقت يا أستاذ احمد

وقت لحد امتى بس!

الحالة اللي عند اخوك مش سهلة,العلاج ما بيجيبش نتيجة بين يوم وليلة,ياريت بلاش التوتر والقلق اللي حضرتك فيه ده.

ما نتوترش ازاي يا دكتور!ده اخويا الوحيد,كل ما بنشوفوه عاجز على كرسي بنقطع من جوايا

ربنا يخليكو لبعض ويشفيه يا أستاذ احمد.

طيب يا دكتور بنقولوا نسفروه يكمل علاجه برا.

صدقني لو ما استجابش للعلاج لمدة طويلة أنا اللي هقترح على حضرتك تسفره برا..الأمل في ربنا موجود وان شاء الله يشفيه

يارب,يارب,اشفي اخويا يارب

**************************

خلف هذه الجدران,هبة عبد العظيم نور

**************************

ها يا ياسر , ايه رأيك في الشغل معانا ؟؟؟

رائع جداااااً انا حبيت المجال ده اوي رغم انه مش مجالي واتعلمت كتير اوي في الشهر اللي اشتغلته هنا

ههه وانا ملاحظ انك بتشتغل بجد واجتهاد , عشان كدة ليك مكافأة شهر بحاله

ربنا يخليك ليا يا خالي ياااااااارب ممممم خالي انا كنت عايز استأذنك اني مش هقدر اجي بكرة

ايه ده بقى !!! انت هتخليني ارجع في المكافأة ولا ايه !!! ههه

ليه بس كددددة ! ههه الطيب احسن

مش هتقدر تيجي ليه بكرة ؟

عايز اروح اقابل اخو رحمة , فات شهر على مرواحي هناك , واكيد طبعاً رجع من السفر

تفتكر هيوافق ياسر ؟

لازم يوافققققق , ما عندوش حجة , الفرع الجديد في اسكندرية ولقينا المقر بتاعه يعني هشتغل هناك وهجيب شقة هناك ان شاء الله ورحمة هتبقى جنبه , يبقى ايه حجته بقى !

على العموم روح قابله وشوف نتيجة المقابلة ايه , وطمنه على موضوع الشقة , انا كلمتلك صديق ليا يشوفلك شقة في ارقى احياء اسكندرية عشان تليق برحمة ومركز عيلتها

ههه والله يا خالي ما عارف اقولك اييييييه , انا لو طول العمر حاولت ارد جزأ من جمايلك مش هقدررر

انت ابن اختي الوحيدة يا ياسر , يعني ابني

ربنا يخليك ليا يا خالي وما يحرمنيش منك

**************************

خلف هذه الجدران,هبة عبد العظيم نور

**************************

لو سمحت عايز اقابل الاستاذ احمد

ممم مش حضرتك اللي جيت من فترة سألت عليه ؟

ايوة انا

نقوله مين ؟

...... ياسر حسين

طيب لحظة يا استاذ ياسر

تن تن استاذ احمد

ايوة يا ضيا

الأستاذ ياسر حسين  عايز يقابلك

ياسر حسين !!!

ايوة , ده هو الجدع اللي جه سأل عليك وانت مسافر

.......... خليه يدخل

حاضر , اتفضل يا استاذ ياسر

متشكر , ..... السلام عليكم يا استاذ احمد

عليكم السلام , أي خدمة ؟؟؟

مممم طيب ممكن اقعد ؟

اتفضل

استاذ احمد ..... انا ...... انا جاي اتقدم لرحمة وبتمنى حضرتك توافق

اوووووووف اللهم لا حول ولا قوة إلا بالله , سبق وقولتلك قبل كدة مش هنجوزوك اختييييييي , ليه مصر تخليني نعيد الكلام تاااااااني

يا استاذ احمد انا جايلك مخصوص من القاهررررة

تبقى تعبت نفسك ع الفاضي يا استاذ ياسرررررر , الموضوع ده انتهى ومش هنتكلموا فيه تاني

حتى لو قولتلك ان انا هشتغل هنا في اسكندرية في فرع شركة السياحة بتاع خالي وكمان هجيب شقة في منطقة راقية وهجهزها بالمستوى اللي يليق برحمة ؟؟؟

اسمع يا استاذ ياسر , شغلك في اسكندرية من عدمه دي حاجة ما تخصنيش , ومش ده اللي هيلغي قراري , اني لما رفضتك ما رفضتكش عشان انت عايش في القاهرة , اني عندي اسباب يامَا للرفض وأولها انك ما احترمتناااااااش

يا استاذ احمد انا ........

استنى اما نخلصوا كلامي ونردوا على عرضك السخي , اني يا استاذ ياسر لا يهمني المال ولا بندوروا لاختي على واحد صاحب مال , اني لما نجوزوا اختي نجوزوها لراجل يصونها ويخاف عليها بجد , مش كلام , الرجولة عندي افعال , وللأسف اني ما شوفتش منك افعال تدل ع الرجووووولة , وارجوك ما تخلنيش نغلط فيك اكتر من كدة , اني لا طبعي نغلط ولا نعيب في حدددد , شوف سكتك بعيد عن اختي يا استاذ ياسر , رحمة مش ليك

..................... انا مش هدافع عن نفسي يا استاذ احمد , لكن هقولك كلمة واحدة , انت اهنتني وجرحتني كتير اوي من غير ما تديني فرصة ادافع عن نفسي , انا ........

عن اذنك يا استاذ ياسر , مضطر انزل على رصيف المينا عشان المركب وصلت , ضيااااااااا خلي ريس العمال يجيلي على رصيف سبععععععععة

حاضر يا استاذ احمدددددد

**************************

خلف هذه الجدران,هبة عبد العظيم نور

**************************

كنت فين ياسر يا حبيبي ؟؟؟ اتصلت بيك خالك قالي انك ما روحتش الشركة عشان عندك مشوار مهم

ماما ........... انا تعبان

يا حبيبي يا ابني , مالك يا ياسرررر ؟؟؟

انا كرهت نفسي وكرهت الدنيا دي كلهاااااااااااا

اعوذ بالله من الشيطان الرجيممممم مالك يا ابني ؟ في ايه يا ياسررررر ؟

اول مرة في حياتي اعرف اني انسان بالبشاعة دددددي , مش راجل وغير مؤتمن على الانسانة اللي بحبهااااااا

رحمة تاااااااااني !!!

اطمني يا ماما , مش هجيب سيرتها تاني , اخوها احمد قفل في وشي كل باب للوصول ليها

اخوها احمد !!! انت روحت اسكندرية يا ياسر ؟؟؟؟

ايوة , روحت عشان اقابله , ورغم اني قولتله اني هعيش في اسكندرية عشان خاطر رحمة وهنقل كل حياتي هناك لكن برضو رفضني , بيقول عليا مش راجل يا ماما

مش راجل !!! الله يسامحه , خلاص يا حبيبي , طالما مش عايزينك يبقى انت كمان تنسى رحمة , مش من قلة البنات , عارف يا ياسر ,لو خطبت واحدة تانية والله هتنساها ولا هتفكر فيها , انا من بكرة هدورلك على عروسة واجوزك , احنا ربنا كرمنا ومعانا الفلوس اللي نجوزك بيها , وانا هقول لخالك يلغي حكاية فرع اسكندرية دي ويفتح في أي مكان تاني

هه بالبساطة دي !!!!

ايوة بالبساطة دي , فيها ايه يعني رحمة زيادة عن البنات يا حبيبي !!! عشان حلوة بزيادة يعني ! مش مهم الحلاوة , وبعدين البنات الحلوين كتير , وانا هبقى هختارلك على ذوقي حتة بنت ما وصفتش ههه تبص في وشها كدة تنسى اسمك واسم امك ههههههه اضحك يا ياسر اضحكككككك اهئ اهئ اهئئئئئئئ

بتعيطي ليه بس يا ماما ؟

اهئ اهئئئئئئ اكتر حاجة بتوجع قلبي لما اشوفك ولا اشوف حد من اخواتك حزين ومش بإيدي اعمله حاجة اهئ اهئئئئئئئئئ

يا حبيبتي يا مامااااا راسك ابوسها اموووه وايدك كمان يا ست الكل اموووه ادعيلي يا ماما

اهئ اهئئئئ ربنا يسعدك يا حبيبي

**************************

خلف هذه الجدران,هبة عبد العظيم نور

**************************

هنسيب ياسر كدة يا حسين ؟؟؟ ده الواد يا عيني اتبدل , بقى هو ده ياسر اللي ماكنش بيبطل ضحك ولا هزار ولا اكككككل !!! اهئ اهئئئئئ يا حبيبي يا ابني , الواد نفسه اتسدت عن الدنيا يا حسين

هنعمل ايه بس يا بهيرة !!! الجواز مش بالعافية , وطالما اهلها رافضين يبقى ما نملكش أي شيء نعمله

انا اصلاً مش عايزاه يجوز رحمة بسبب الكلام البايخ اللي اخوه قاااااااله , بقى انا ابني مش راجل انااااا ! طب ده ياسر واخد الرجولة منك ومن خاله وتصرفاته كلها شهاااااامة , بقى كل ده يحصل عشان وصل رحمة اسكندرية !!!

ابنك غلط يا بهيرة , لازم نصارح نفسنا , لكن انتِ بتبرري لابنك بدافع الأمومة

انا مش في الامومة ولا الابوبة دلوقتي يا حسين , انا في ابني اللي بيضيع منييييي من ساعة ما جه وهو نايم وكل ما احاول اصحيه يقولي يا ماما سيبيني انام من فضلك

من ساعة ما جه وهو نايم !!! يعني ما صلاّش العشا ؟

لا العشا ولا المغرب بصراحة

ماشاء الله , وتقولي عليه رااااااااجل !!! اللي ما يعرفش حق ربنا عليه يبقى مستحيل يعرف حد زوجته عليه يا بهيررررررررة

زوجته ! هو ياسر اتجوز من ورايا يا حسين ؟؟؟؟

هو فين الاستاااااااذ

نايم في اوضته

عن اذنك

ربنا يسامحك يا ياسر , تنام عن الصلاة يا ابني !!! وانا اللي عمالة ادافع عنك قدام ابوك ! يا كسفتي

**************************

خلف هذه الجدران,هبة عبد العظيم نور

**************************

انت يا ولد يا ياسررر

باباااا !

ايه يا ولد , انت ازاي لحد دلوقتي ما صليتش المغرب والعشاااااااا !

أأأأ انا

انت ايييييييه ! انت انسان غير مسؤوووول , لما ربنا اللي خلقك وبيرزقك ما بتراعيش حقه ولا بتتقيييييه , يبقى ازاي هتكون زوج مسؤول عن بيت وزوجة وأولااااااااد

اطمن يا بابا , انا لا بفكر في جواز ولا عايز اتجوز بعد رحمة

قوم يا ولد بلاش كلام فاااااااارغ , ايه رحمة رحمة رحمممممممة , ربنا خلقك في الدنيا عشان تعبده ولا عشان تجري ورا البنااااااااااات

انا بجري ورا البنات يا باباااااااا !!!

قوم يا ولد اتوضى وصليييييييي

حاضر يا بابا

**************************

خلف هذه الجدران,هبة عبد العظيم نور

**************************

تن تن أدهم

تعالي يا رحمة,كويس انك جيتي عشان تساعديني

أساعدك في ايه يا أدهومة

أدهومة!هه..حلوة أدهومة دي.

الله! هو انت ما حدش دلعك قبل كدة ولا ايه!هه

...أبداً

ولا حتى أبلة ضحى؟

....ضحى!

آآآآآسفة,فكرتك بيها.

أنا عمري ما نسيت ضحى عشان نفتكروها

انت نفسك انها ترجعلك تاني؟

........ضحى مش هترجع تاني....حاسس ان عمري هينتهي من غير ما نشوفوها تاني...من ساعة ما اختفت وانا دايماً نحلم ان انا وهي بينا سور عالي وكل ما نقرب السور يعلى اكتر واكتر..والحلم بينتهَى على كدة.

دي مجرد أحلام يا أدهم.ممكن يكون عقلك الباطن هو اللي بيصورلك كدة

.....نفسي نشوفوها ولو مرة واحدة في حياتي...نفسي نشوفوا ابني..وحشني, وحشني يامَا ونفسي ناخدوه في حضني ونكون واقف على رجليا.

ربنا يرجعهم بالسلامة

قلتلك مش هيرجعواااا مش هيرجعوا يا رحمة, وقفلي ع السيرة دي يا إما ما تدخليش اوضتي تااااااااااني, انتِ ازاي تتكلمي معايا في خصوصيات ما بنحكوش عنها لحدددد! أنا عمري ما بينت ضعفي لمخلوووووق,سااااااامعة. يا إما تلزمي حدودك يا إما تغوري من هنا وما نشوفوش وشك تاااااااااني

خلاص يا أدهم خلاص, أنا اسفة...انت كنت عايزني أساعدك في ايه؟

.......اقفلي الباب كويس وتعالي

حاضر...اديني قفلته.

ساعديني نقف على رجلي يا ضحى

ضحى!

آآآقصدتي يا رحمة.

أنا تحت أمرك يا أدهومة هه

....أنا اخترتك انتِ عشان مش عايز نتكسَر قدام حد..لو فشلت إياك تجيبي سيرة لجنس بني أدم إنّي حاولت نقف وما قَدَرتش...مش عايز نبينوا عجزي لحد.

حاضر يا حبيبي..أنا فرحانة قوي انك اختارتني أنا بالذات,قوم يا أدهم , أنا واقفة جنبك, هات ايدك

آآآآآه مش قادر.

حاول تاني يا أدهم حااااول

آآآآه

اسند ع الحيطة وحاول.

آآآآآآآآآآآآآآآآآه

أدهم ههه انت وقفت,حاول تتحرك

آآآه هاتي ايدك يا رحمة

لا,حاول لوحدك,حاااااول.

آآآآآآآآآآآآه

هه ايوة كدة, اتحركت أول خطوة

ايوة, قَدَرت نحرك رجلي

اتحرك تاااااني,كمان خطوة.

آآآآآآه

ههه الحمدلله , كدة نجحت, سبحان الله ,انت عندك إرادة غير عادية انك تمشي عشان كدة ربنا أكرمك ونجحت

آآآآه هه أنا مش مصدق نفسي,آآآآه بس مش قادر نمشي زي الأول,رجلي اللي فيها الإصابة بنعرج عليها.

مش مشكلة, المهم انك قدرت تمشي يا أدهم ههه كدة مش هترجع للكرسي تاني هههه الحمدلله يارب الحمدلله

.......للدرجة دي فرحانة اني قَدَرت نمشي يا رحمة؟

طبعاً يا أدهم,فرحانة قوي قوي قووووي

............تعالي في حضني يا رحمة

اهئ اهئئئئ يا حبيبي يا اخويا.

ههه ايّوووووه حضنك حنين قوي يا بت.....حقك عليا يختي...راسك نبوسوها امووه

ايه الدموع دي يا أدهم!

.....حاسس اني صغير قوي قدامك..مش قادر نجيب عيني في عينك.

ارجوك ما تقولش كدة,بجد هزعل منك,انت اخويا الكبير حبيبي, ومن دلوقتي لازم نفتح صفحة جديدة.

يعني مسامحاني من قلبك يا رحمة؟

ومافيش في قلبي من ناحيتك غير حبي ليك يا أدهم.

....ربنا يخليكِ ليا يا رحمة....أنا عايز نخرج.

ايه!تخرج ازاي وتروح فين!

عندي مشوار مهم لازم نروحوه.

المشوار يتأجل,انت لسة تعبان,مش أول ما تقف على رجليك تقول عايز اخرج.

معلش يا رحمة,لازم نعملوا المشوار ده ضروري.

طيب ورجلك اللي بتعرج عليها؟

هناخدوا عكاز جدي سليم نتعكز عليه,موجود في البدروم,هنخلي شوقية تجيبه.

**************************

خلف هذه الجدران,هبة عبد العظيم نور

**************************

استاذ احمد

ايوة يا ضيا

في واحد عايز يقابلك ضروري

مين؟

أنا يا احمد

أدهممممممم!أخوياااااااا!معقول انت واقف على رجليك يا أدهم!انت قَدَرت تمشي يا اخويااااا!

هه بركة دعاك ليا يا اخويا

اخوك!....ياااااااااه...أول مرة تقول اخويا يا أدهم

..............................................تعالى خد بإيدي,رجلي لسة تعباني وبنمشوا على عكاز زي ما انت شايف

معلش,بكرة ترجع أحسن من الاول ان شاء الله ..تعالى يا أدهم,تعالى يا اخويا,هات ايدك,على مهلك,اقعد ياأدهم,اقعد

آآآه... متشكريا احمد

بتشكرني على ايه!أنا اللي لازم نشكر ربنا ليل نهار على شفاك ووقوفك على رجليك مرة تانية,لحظة واحدة نسجدوا سجدة شكر لله...................اللهم لك الحمد يارب,اللهم لك الحمد........ههه حمدالله على سلامتك يا أدهم

الله يسلمك يا احمد

ايّووووه وربنا من فرحتي مش عارف نقولوا ايه ولا نعملوا ايه!أنا.......

أحمد

نعم يا أدهم

.........سامحني يا اخويا

نسامحوك على ايه بس يا أدهم!

قصدك تسامحني على ايه ولا ايه ولا ايه!....أنا أذيتك يامَا..جيت عليك يامَا...ما كانش بيهمني الأخوة والدم الواحد اللي بيجري في عروقنا ولا عمري رعيتهم....أنا السبب في حاجات وحشة يامَا حصلتلك في حياتك,لكن انت طول عمرك قلبك كبير وبتسامح

يا أدهم انت اخويا الصغير وحبيبي,وربنا يعلم كنت قد ايه بنتمنى اننا نكونوا ايد واحدة ومافيش حاجة مهما حصلت تفرقنا

إن شاء الله يا احمد مافيش حاجة هتفرقنا بعد كدة....أنا عايز نشتغل معاك في المينا يا احمد...تقبلني؟

هههه ايّووووووووه,انت بتتكلم جد يا أدهم؟

ايوة يا احمد..كفاية فراق بقى,لازم نبقوا ايد واحدة وقلبنا على بعض

...أنا مش مصدق اللي بنسمعه!النهاردة أسعد يوم في عمري كله يا أدهم,الحمد لله ان ربنا حققلي اللي بنتمناه طول عمري,اللهم لك الحمد يارب..على خيرة الله يا اخويا,هتنور المينا وربنا,احنا هنعلموك كل حاجة في الشغل,ومش هنعملوا أي حاجة ولا نخطوا خطوة من غير ما ناخدوا رأيك

لا يا احمد,أنا هنفضل دراعك اليمين وبس,أنت الريس يا احمد

ههه وانت اخويا وحبيبي يا أدهم

بالحضن يا احمد

بالحضن يا اخويااااا

**************************

خلف هذه الجدران,هبة عبد العظيم نور

**************************

يلا يا أدهم يا اخويا عشان نوصولك الفيلا

لا يا احمد .. أنا عندي مشوار لازم نعملوه الأول

وماله يا اخويا ... نروحوا معاك أي مكان عايز تروحه

لا يا احمد ... ما ينفعش ... المشوار ده يخصني لوحدي ... سيبني على راحتي يا احمد

خلاص يا اخويا , استنى هنوقفولك تاكس

لا ... اتوكل على الله انت ... أنا هنتصرف

ماشي يا أدهم , السلام عليكم

عليكم السلام يا احمد

**************************

خلف هذه الجدران,هبة عبد العظيم نور

**************************

هو ده المسجد اللي قابلنا الشيخ عنده انا وهيما من سنين ... يا ترى الشيخ عايش ؟ ... يارب يكون عايش عشان نفسي نتكلموا معاه اوي , يااارب

هووو , ايوة هو الشيخ , قاعد بيقرأ قرآن

السلام عليكم يا شيخ

أهلا يا أدهم ... اقعد يا ابني ... كيف أحوالك ؟ هه

......... أنت لسة فاكرني يا عم الشيخ !!!

ازيك يا ابني ...سلامتك ... ايه اللي حصلك ؟

حادثة كبيرة وربنا نجاني منها

سبحانه , هو المنجي من المهالك يا ابني

يا عم الشيخ ... أنا جيت عشان نتطهر من ذنوبي

ذنوبك بينك وبين ربك يا ابني , ما تطلعش عبد عليها ... ما تكشفش ستر الله عليك ... أطلب المغفرة والعفو منه

يا عم الشيخ انا ذنوبي اتقل من الجباااااااال , ازاي بس ربنا هيغفرهالي !!

لا تقنط من رحمة الله يا ابني , إن الله يغفر الذنوب جميعا

حتى لو كانت زي ذنوبي ؟؟؟؟

عارف يا ابني قصة الراجل اللي قتل تسعة وتسعين نفس ؟

لا

طب اسمع الحديث ده بقلبك عشان تعرف رحمة ربك عظيمة قد ايه

عَنْ أَبِي سَعِيدٍ الْخُدْرِيِّ أَنَّ نَبِيَّ اللَّهِ صَلَّى اللَّهُ عَلَيْهِ وَسَلَّمَ قَالَ :

كَانَ فِيمَنْ كَانَ قَبْلَكُمْ رَجُلٌ قَتَلَ تِسْعَةً وَتِسْعِينَ نَفْسًا ،

فَسَأَلَ عَنْ أَعْلَمِ أَهْلِ الْأَرْضِ، فَدُلَّ عَلَى رَاهِبٍ ، فَأَتَاهُ فَقَالَ : إِنَّهُ قَتَلَ تِسْعَةً وَتِسْعِينَ نَفْسًا فَهَلْ لَهُ مِنْ تَوْبَةٍ ، فَقَالَ : لا ، فَقَتَلَهُ فَكَمَّلَ بِهِ مِائَةً،

ثُمَّ سَأَلَ عَنْ أَعْلَمِ أَهْلِ الأَرْضِ فَدُلَّ عَلَى رَجُلٍ عَالِمٍ ، فَقَالَ : إِنَّهُ قَتَلَ مِائَةَ نَفْسٍ فَهَلْ لَهُ مِنْ تَوْبَةٍ ؟ فَقَالَ : نَعَمْ، وَمَنْ يَحُولُ بَيْنَهُ وَبَيْنَ التَّوْبَةِ ،

انْطَلِقْ إِلَى أَرْضِ كَذَا وَكَذَا ؛ فَإِنَّ بِهَا أُنَاسًا يَعْبُدُونَ اللَّهَ فَاعْبُدْ اللَّهَ مَعَهُمْ وَلا تَرْجِعْ إِلَى أَرْضِكَ فَإِنَّهَا أَرْضُ سَوْءٍ . فَانْطَلَقَ حَتَّى إِذَا نَصَفَ الطَّرِيقَ أَتَاهُ الْمَوْتُ ،

فَاخْتَصَمَتْ فِيهِ مَلائِكَةُ الرَّحْمَةِ وَمَلَائِكَةُ الْعَذَابِ ،

فَقَالَتْ مَلَائِكَةُ الرَّحْمَةِ : جَاءَ تَائِبًا مُقْبِلا بِقَلْبِهِ إِلَى اللَّهِ ، وَقَالَتْ مَلائِكَةُ الْعَذَابِ إِنَّهُ لَمْ يَعْمَلْ خَيْرًا قَطُّ ،

فَأَتَاهُمْ مَلَكٌ فِي صُورَةِ آدَمِيٍّ فَجَعَلُوهُ بَيْنَهُمْ ، فَقَالَ : قِيسُوا مَا بَيْنَ الأَرْضَيْنِ فَإِلَى أَيَّتِهِمَا كَانَ أَدْنَى فَهُوَ لَهُ ،

فَقَاسُوهُ فَوَجَدُوهُ أَدْنَى إِلَى الأرْضِ الَّتِي أَرَادَ ، فَقَبَضَتْهُ مَلائِكَةُ الرَّحْمَةِ " .

عرفت يا ابني ان ربك رحيم وغفور قد ايه ؟ مهما كانت ذنوبك مش هتكون أعظم من ذنوب الراجل اللي قتل تسعة وتسعين نفس وكملهم مائة ... ربنا غفرله وقبل توبته عشان ما حدش من عباده ييأس من رحمته مهما عمل ومهما عظمت ذنوبه ومعاصيه

يعني نطمن يا عم الشيخ ان ربنا قَبَل توبتي ؟

إقبل على الله بقلبك وبكل جوارحك يا ابني .. عوض اللي فات من عمرك وانت بعيد عن ربك , صلي , استغفر , تصدق , اعطف على الفقراء وما تبخلش بمالك ,  رد المظالم ,الحسنات بتمحي السيئات

....... أنا عايز نصلي وراك يا عم الشيخ

قم توضأ يا إبني ... نحن على موعد مع الله في صلاة العشاء

حاضر يا عم الشيخ .... اللهم إني أستغفرك وأتوب إليك

**************************

خلف هذه الجدران,هبة عبد العظيم نور

**************************

تن تن الفطار جاهز يا سي أدهم

جاي يا خالتي شوقية

خالتك شوقية !!! انت سُخن يا حبة قلبي ؟

ههه ... سامحيني يا خالتي شوقية ... انا قليت أدبي عليكِ يامَا

... انت بتكلمني اني ؟؟؟  هو انت سي أدهم صحيح ولا واحد شبهه ؟؟؟

أنا أدهم يا خالتي شوقية , أدهم اللي مش هيسامح نفسه لو ما سامحتهوش ونسيتي قلة أدبه عليكِ من وهو عيل صغير

ربنا يسامحك ويسامحني ويسامح العباد كلها يا سي أدهم ... وربنا حاسة انّي بنحلم وشوية وهنلاقيك طايح في الكبير والصغير

هه خلاص يا خالتي شوقية ... انا توبت ونَدمت

يا عيني يا ابني !! هي الحادثة اثرت على دماغك !!! فوق يا ابني وجعرلك تجعيرتين خلينا نرجع لأيام زمان عشان اعرف انك خفيت

ههه يعني مش مسامحاني ؟؟؟

وربنا مسامحاك يا ابني ,,,هو انت بتتكلم جد يا سي أدهم ؟؟؟ يعني مش هتقولي يا ولية تاني ولا هتشتمني ؟

أبداً يا خالتي شوقية , انتِ أمي اللي ربيتني واستحملتني واستحملت طولة لساني

هو من ناحية كان طويل فهو كان طويل اوي , بس طالما انت توبت وربنا لنسامحوك وندعولك كمان , الهي يحلي لسانك ويحلي دنيتك ويحبب فيك خلقه يا سي أدهم , مع اني وربنا لسة خايفة لتقلب تاني

هههههه أهم حاجة انك سامحتيني وسَمَعت منك الدعوتين الحلوين دول ... بكرة تتأكدي إنّي توبت توبة نصوحة من قلبي

ربنا يقبل منك يا ابني ويهديك

ادعيلي نلاقي ضحى يا خالتي شوقية ... وحشتني يامَا ... وابني وحشني يامَا ..... يااااارب

يا حبيبي يا ابني !!! انت بتبكي يا سي أدهم !!! لا وربنا ما تنزل دمعة ولا تقهر روحك , ان شاء الله يا ابني هتلاقيهم ... ربك كبير وقادر يجمع شملك على مراتك وابنك

يارب يا خالتي شوقية

طب تعالى افطر يا ابني عشان تاخد العلاج

حاضر يا خالتي شوقية ... هنحصلوكِ

طيب يا ابني ..... سبحانك يا رب , بتصلح قلوب زي الحجر الصوان وتخليها لينة ... سبحااااااااانك , سامحه يارب , انا مسامحاه , انا قلبي ابيض وما بنشيلوش من حد وربنا

**************************

خلف هذه الجدران,هبة عبد العظيم نور

**************************

باشمهندس خالد , واحد عايز يقابلك

مين ده ؟

اسمه ادهم سليم

ادهمممم !!! ............ خليه يتفضل

السلام عليكم يا خالد

هه أهلاً يا أدهم , حمدالله على سلامتك

الله يسلمك

اتفضل استريح , على مهلك يا أدهم

متشكر , الحادثة اثرت على رجلي , بعد العملية ما بقتش نعرف نمشي غير بالعكاز ده

معلش , أهم حاجة انك بخير , على فكرة كنت هنيجي نزورك , بس اني عارف موقفك مني وان زيارتي مش هيكون مرحب بيها

اني اللي جاي نعتذرلك

تعتذرلي ! تعتذرلي عن ايه ؟

عن حاجات يامَا , بس أهم حاجة اني جيت نعتذرلك عشان ضحى

............ دي حاجة اني نسيتها من زمان

اني عارف انك نسيت الموضوع كله وضحى مش في دماغك , لكن برضو جيت نعتذر ونقولك انك ما كنتش المقصود بأي اذى , اني كنت شايف اني بندافع عن حقييييي , ما كنتش متصور ان في راجل على وش الأرض ياخد ضحى منييييي , مافيش حد في الدنيا حب ضحى قددددي , انت اهو اتمنيتها وخطبتها وحلمت انها تكون مراتك , ولما ما حصلش وراحت من ايدك زعلت عليها شوية , سافرت واتغربت , لكن رَجَعت واتجوزت وخلفت وعيشت حياتك , لكن اني لو ما كنتش اتجوزت ضحى وربنا المعبود ما كنت اتجوزت غيرهااااااا , كان يحرم عليا الحريم من بعدهااااااا , عارف لييييييه ؟ عشان ماحدش حب ضحى قدددددي , ولا حد يعرف قيمتها غيررررري

يا أدهم اني مقدر احساسك , دي مراتك وأم ابنك , ربنا يهنيك بيها

يهنيني بيها ! وهي فين ضحى !!! خلاص , راحت من ايدي ومش هترجع تاني

ماحدش عارف بكرة فيه ايه يا أدهم . حقيقي أنا مبسوط جداً انك شرفتني , ما توقعتش في يوم من الأيام اننا نتقابل مقابلة ودودة زي دي , تحب تشرب ايه ؟

.............. انت مسامحني يا خالد ؟

مسامحك ومن قلبي يا أدهم

الحمدلله , ياريت هي كمان تسامحني , ياترى هنشوفوكِ تاني يا ضحى !!!! اااااااااه

**************************

خلف هذه الجدران,هبة عبد العظيم نور

**************************

تن تن ياسر

اتفضلي يا ماما

ايه يا كئيب افندي , قافل على نفسك الأوضة وقاعد لوحدك كدة ليه !

مافيش حاجة يا ماما

طيب طالما مافيش حاجة يا ماما يبقى تعالى اقعد معايا برا ندردش سوا

يا ماما من فضلك عايز اقعد لوحدي .. ممكن ؟

لا مش ممكن , ما هو مش معقول الحالة الوحشة اللي معيش نفسك فيها دي , كدة يا حبيبي يجيلك اكتئاب بعد الشر , طب بلاش تقعد معايا , اتصل بنصك الحلو واخرجوا سوا هههه

نصي الحلو ! تقصدي مين ؟

أقصد مروان , أومال هقصد مين يعني يا ابو ضمير وحش هههه

يا ماما أنا لا عايز اشوف حد ولا اكلم حد , بجد أنا مخنووووق

يا ابني يا حبيبي ليه وعشان ايه ده ككككله !!!

ماما واضح انك متضايقة من وجودي في البيت , خلاص يا ماما , انا هلبس واخرج واريحككككك

ايوة كدة يا حبيبي , اخرج وفرفش وفك عن نفسك , انسى الهم ينساك هههه هتروح فين يا حبيبي ؟

هروح عند تيتة

تيتة ! ليه يا بني تعمل في نفسك كدة

حاسس ان تيتة وحشاني وعايز اشوفها , عن اذنك هلبس يا ماما

يا حبيبي ياابني ! الاكتئاب اثر على دماغ الواد

**************************

خلف هذه الجدران,هبة عبد العظيم نور

**************************

تررررررررررررررررررررررن

مييييييييين ؟

افتحي يا تيتة , أنا ياسر

ياسر مين ؟؟؟؟

ياسر ابن ابنك  حسسسسسسين

ياسر ابن حسين ! ايه اللي حدفه عليا ده !! أهلاً يا ياسر , أدخل

متشكر يا تيتة

ايه الزيارة اللي لا ع البال ولا الخاطر دي !!!

لو اتضايقتي يا تيتة ممكن امشي

لالا اخص عليك , مش للدرجة دي , مالك يا واد يا ياسر مكشر كدة ! أكيد امك زعلتك , ما هي اتخلقت عشان اذية الخلق والعكننة عليهممممم

ماما مالهاش دعوة , انا اللي مخنوق من الدنيا بحالها

والدنيا مزعلاك في ايه يا ابني ؟

يا تيتة أنا بحب رحمة وعايز اتجوزها , لكن الظروف كلها ضدي , اخوها حبسها في اسكندرية , ولما روحت عشان اتفاهم معاه واقوله انّي عايز اتجوزها , قالي مش هجوزهااااالك

هو قالك كدة ! اخص عليه , معلش يا ابني , اللي ما يعرفك يجهلك , أكيد ما يعرفش ان انا ستك أم ابوك , روح قوله تيتة محروسة بتقولك جوزني البت رحمة وهو هيجوزهالك على طول من غير ما ياخد مهر ولا شبكة

يا تيتة الموضوع مش كدة خالص , أخوها محسسني ان انا ما استاهلهاش

يا سلام ! ليه يعني ! كانت السفيرة عزيزة !!بس ان جيت للحق يا واد يا ياسر , البت رحمة حلوة , حلوة أوي وبيضااااااا , البت طمعت في البياض وخدته لوحدها , واللي زي دي يا ابني عرسانها كتير , اصل الرجالة يحبوا الستات البِيض , ماعدا ابوك أبو حظ فقري , طب انا راضية ذمتك  وانا عارفة انك مش هتكدب , بقى امك دي ينفع يتقال عليها واحدة ست يا ابني ؟

هه يا تيتة ماما طيبة اوي , وبعدين حلوة بقى , أنا مش عارف هي مش عاجباكِ ليه !

أيوة ما هي أمك ولازم تدافع عنها , أنت أملنا يا ياسر , وانا مش هسيبك تغلط غلطة ابوك وتروح تتجوز واحدة شبه امك , لازم تتجوز رحمة بالذوق أو بالعافية , ولو الواد اخوها ده عصلج معاك أنا هبعتله حراس السلطان أبو صولجان يكتفوه ويرموه في البحر اللي مالوش قرار , وانت بقى تاخد رحمة في التختروان ويزفوكو أهل المملكة , بس اوعى تعزم امككككك

ههه والله يا تيتة انتِ رايقة وعازلة نفسك عن الدنيا بالحكايات دي

دي مش حكايات يا واد , فاكرني بفشر ولا بخرف !!! انا لسة راجعة من عند السلطانة وكلت عندها حمام محشي برزة دهب ورزة مرجان , بس يا خسارة ما فضلش منه شوية كنت جبتهوملك تدوقهم , بس يوم فرحك على رحمة هخلي وصيفات الملكة يحشولكو جوزين

ربنا يخليكِ يا تيتة , بالهنا والشفا انتِ

مالك يا واد خاسس ووشك اصفر كدة !! تتغدا معايا ؟

ماليش نفس يا تيتة

لالا ازعل منك , في طبق فاصوليا في التلاجة فيه تلات حتت لحمة , شيل منه اللحمة وسخن الفاصوليا هي وحبة الرز اللي ع الرخامة وهاتهم ناكلهم سوا , اصل انا جعانة ومكسلة أقوم اسخن

حاضر يا تيتة هه

**************************

خلف هذه الجدران,هبة عبد العظيم نور

**************************

سخنت ولا لسة يا واد يا ياسررر , انا جوعت يا وادددددد

حاضر يا تيتة , انا جيت اهو

طب حط الأكل ع الطرابيزة وكل بس ما تحفّش , بشويش ع الفاصولياااااا

حاضر يا تيتة , بس لقيت الرز شايط

ايوة , شاط مني , نسيته ع النار عشان عمتك سامية كانت متصلة بيا , سيبت الرز وروحت أرد عليها , وكلمة تجر كلمة وشوية وشميت ريحة شياط , ما هي عمتك سامية دي ما يجليش من وراها إلا الخسااااارة

هه معلش يا تيتة , كلي بالهنا والشفا

هاكل بس على شرط تغسلّي المواعين قبل ما تمشي عشان رجلي بتوجعني وما بقتش اقدر اقف

حاضر يا تيتة , هغسلك المواعين واعملك الشاي كمان واغسل الكوبايات قبل ما امشي

ربنا يخليك يا ياسر , اهو انت كدة حبيبي وهدعيلك تتجوز رحمة , بس اوعى تجيبها وتيجوا تاكلو عندي لزعل منكككك

ههه لا يا تيتة ما تخافيش , ادعيلي بس اتجوزها وانا اللي هعزمك عندي وأأكلك كل اللي نفسك فيه

ههه يا حبيبي يا ياسر , طالع كريم زيي , ما تضايقش نفسك يا ياسر , اللي من نصيبك هيصيبك يا ابني

**************************

خلف هذه الجدران,هبة عبد العظيم نور

**************************

سايب الأكل وسرحان في ايه يا معاذ يا حبيبي ؟

ها ! ابداً يا أمي , ايه ده ! هو فين أبي ومريم ؟

قاموا من بدري , وانا بقى قاعدة بصالك وحاطة ايدي على خدي وحضرتك في دنيا تانية ههه, في ايه يا حبيبي ؟

ابداً مافيش حاجة مهمة يعني , اصل شوفت حاجة في الكلية غريبة و لفتت نظري

شفت ايه ؟

ممم فاكرة نور ؟

طبعاً فاكراها , مالها ؟

تخيلي يا أمي شفتها النهاردة خارجة من مصلى النساء بتاع الجامعة ولابسة طرحة طويلة ولبس واسع , في الأول انا شبّهت عليها , حسيت اني شفت ملامحها قبل كدة , وانها مش غريبة عني , واتأكدت انها هي من عربيتها , شفتها بيها اكتر من مرة . حاجة غريبة انها تتغير وتلتزم بالشكل ده 

ايه الغريب في كدة يا معاذ !!! سبحانه وتعالى يهدي من يشاء

ونعم بالله , بس أنا يمكن عشان شفتها قبل كدة بصورة مختلفة وبعيدة كل البعد عن الإلتزام فدي الحاجة اللي خلتني انبهر انبهار شديد وافرح جداً بالتغيير الجميل ده

ههه هو المنبهر والفرحان بيسرح وما بياكلش !!!

ما انا هاكل اهو

طب استنى هروح اسخنلك الأكل ده تاني عشان برد

لالا كدة كويس قوي يا أمي

**************************

خلف هذه الجدران,هبة عبد العظيم نور

**************************

دي سهير وصلت الجامعة اهيه,مستنيها من بدري,سهيررررر

مممم ايوة يا عبد الرحمن

ازيك

الحمدلله , في حاجة ؟

أأأ لا , أصل كنت عايز اقولك ان العمارة وحشة قوي من غيركو

يعني موقفني عشان تقولي العمارة وحشة قوي من غيركو !!! على العموم ميرسي , عن اذنك

استني بس يا سهيررر

الله !!! عايز ايه يا عبد الرحمن ؟؟؟؟

سهير ....... تتجوزيني ؟؟؟

ايه ! هههههههههههه

هو انا قولت حاجة تضحك !!!

لأ , بس اصل انا متأكدة انك بتعرض عليا الموضوع ده من ورا أهلك , مش كدة يا دكتور ؟؟؟

سهير انا هفاتح بابا وماما في موضوع جوازانا

اوكيه , مافيش مشاكل

يعني انتِ موافقة ؟؟؟؟؟

انا ما قولتش موافقة , انت بتقول عايز تتجوزني , وده من حقك , وانا كمان من حقي أقبل أو أرفض , لكن مش هقبل ولا أرفض إلا لما تطلبني رسمي من أهلي , وده طبعاً بموافقة البيه والدك والهانم مامتك وتشريفهم لينا في البيت , لو عرفت بقى تقنعهم ابقى تعالى انت وهما اطلبوني من أهلي , وساعتها تبقى تعرف رأيي يا كتور , عن اذنك

اتفضلي يا سهير...لازم افاتح بابا وماما , لالالا انا هفاتح بابا بس , لإن ماما عمرها ما هتوافق حتى لو بوست رجلها , أمي وانا عارفهااااا

**************************

خلف هذه الجدران,هبة عبد العظيم نور

**************************

استاذ احمد ,  الأستاذ عبدالله عايز يقابلك

عبدالله !!! خليه يتفضل

اتفضل  يا استاذ عبد الله

*****************************************

ولحد هنا وانتهت حلقات النهاردة يا كتاكيت هههه

كفاية قوي كدة يعني عشان ما تهنجوش مني ههه

الأول طبعا عايزة ارحب بقارئاتي العزيزات العسولات اللي اسعدوني بتعليقاتهم قبل ما نودع الحلقات والأبطال للأبد

مرحباُ قارئاتي العزيزات

أمل مصطفى

أهلاُ بيكِ يا أمول ,شكرا حبيبتي على ظهورك على الشاشة اخيراً ههه سعيدة جدا بكلامك الجميل ودعواتك الطيبة ,الله يبارك في عمرك وعملك يارب حبيبتي اللهم آمين ,في انتظار رأيك في حلقات النهاردة يا عسولة

koko

كو كو كوووو ههههه أم أفنان المغير حبيبة قلبي ,انتِ من جمهوري الأول على منتدى اخوات الإسلام واسمك محفور في قلبي قبل ذاكرتي حبيبتي ,سعيدة بتعليقاتك يا أم أفنان ,برحب بيكي وكل سكان المدونة بيرحبوا بيكي يا سكرة

حواء أم هالة

اتوحشتك بالزاف بالزاف بالزاف الغزالة ديالي ,كيفاش دايرة الفنيونة ,كنموتوا عليك حوااااء ههههه حبيبة قلبي ربنا يسعدك ,ازاي يا بنتي بتقوليلي انك عرفتِ الرواية على اخوات الإسلام ! ما انا عارفة والله ,احنا اصحاب من زمان من ايام الست ذكية,ولا ناسية اني عملت حلقة في الست ذكية عنك ؟ هههه كانت ايام جميلة والله وصحبة من أروع ما يكون

أم هبة

الله يا ام هبة اسم غاااااالي ,بموت في اسم هبة وكل اللي اسمهم هبة او ام هبة هههه الله يحفظهالك يارب ويباركلك فيها اللهم آمين ...نورتي المدونة حبيبتي واسمك نور التعليقات والله

أم مريوم

حبيبتي يا أم مريوم ,تسلمي على التعليقات حبيبتي ,في انتظار رأيك في الحلقات الجديدة

***************

وبقول لomtalha

عودا أحمد يا أم طلحة ,بتغيبي تروحي فين يا سكرة

******************

وبرحب بكل قرائي الأعزاء (سكان المدونة ) هههه قد ايه عاجبني التعبير اللطيف ده

مش عايزة ارغي معاكو كتير عشان ما اخرجكوش من جو الأحداث

اسيبكو دلوقتي واشوفكم يوم السبت إن شاء الله مع حلقات جديدة

ماتنسوش الليلة هي ليلة الجمعة ,اكثروا من الصلاة على الحبيب عليه الصلاة والسلام

اللهم صل على محمد وعلى آل محمد كما صليت على إبراهيم وعلى آل إبراهيم في العالمين إنك حميد مجيد

وبارك على محمد وعلى آل محمد كما باركت على إبراهيم وعلى آل إبراهيم في العالمين إنك حميد مجيد