زوجتي والمفتاح( السادسة)

 

دلفت والدة الطبيب إلى غرفته لتخبره بوجود ضيف أتى لزيارته:

ـــــ علاء

ـــــ نعم يا أمي

ـــــ محمود بك رشدي زميلك عايز يقابلك، ونعمات بلغتني

ـــــ خليه يتفضل يا أمي

***************************

دلف زميل الطبيب وحياه:

ـــــ نهارك سعيد يا علاء

ـــــ يا اخي قول السلام عليكم ورحمة الله، احنا مسلمين

ـــــ هاها ماتزعلش حقك علية، السلام عليكم ورحمة الله وبركاته

ـــــ وعليكم السلام ورحمة الله وبركاته، ازيك يا محمود

ـــــ بخير الحمدلله، جيت اطمن عليك، سلامة ايدك

ـــــ الله يسلمك يا محمود، تشرب ايه؟

لحظ صديقه تلك الغصة في صوته المتحدة مع كآبة تقاسيمه، فسأله باهتمام:

مالك يا علاء؟

ـــــ في ايه يا محمود!

ـــــ مش انت علاء خالص . ايه الاكتئاب اللي انت فيه ده . فين علاء اللي ماكانش يبطل ضحك ومرح!

ـــــ اضحك ! اضحك على ايه !. أنا مش مرتاح هنا يا محمود وبفكر ارجع اوروبا تاني

 

ـــــ ترجع أوروبا ! طب ليه؟ ومش مرتاح هنا  ليه؟ . الشغل في المستشفى مش عاجبك؟ . هو صحيح المستشفى حكومي وعلى اد حالها بس عندنا امل في التطوير

ـــــ المستشفى مش السبب ،الناس هما السبب . بنات المسلمين بقوا زي بنات اوروبا . تعرف يا محمود اني كنت ناوي اخلي أمي تشوفلي عروسة كويسة واتجوز، لكن حقيقي غيرت رأيي

ـــــ ليه كدة بس!. ما تشوف عروسة واتجوز وافرح وفرح والدتك معاك

ـــــ ماعنديش ثقة في حد خالص يا محمود فقدت الثقة في كل البنات

ـــــ لالالالالا يا علاء مش للدرجة دي . بنات الاصول كتير والبنات الملتزمات بالدين والعفاف كتير ما تعممش لو سمحت أنا ارفض التعميم، انت كدة بتهين اخواتي البنات والكلام ده يطير فيه رقاب

قهقه علاء وقال:

ـــــ يا سيدي  أنا جيبت سيرة اخواتك البنات دلوقتي! هاها

ـــــ ههه ايوة كدة يا اخي اضحك . أنا كنت قربت انسى شكلك وانت بتضحك، حرام عليك

ـــــ اعمل ايه بس!.. لما كنت في اوروبا وكنت بشوف الانحلال كانت  دايما تتبادر  لذهني صورة المرأة المحجبة المنتقبة المسلمة العفيفة وكنت ارفع راسي واحس بفخر...لكن جيت لقيت قاسم أمين دمر كل شيئ جميل

ـــــ يا سيدي سيبه يهوهو . مافيش حد هيسمع كلامه

ـــــ لا للأسف في ناس كتير سمعوا كلامه

ـــــ بقولك ايه ماتتحججش بحجج واهية ، هتتجوز يعني هتتجوز . بقولك ايه! ماتيجي اجوزك اختي امتثال ، هي صحيح شبهيي بس دمها خفيف وتتحب والله هههه

 

ـــــ هههه لا يا سيدي شكراً، بارك الله فيك، أنا ههرب على اوروبا احسن

****************************************************

بعدما غادر صديقه، دلفت إليه والدته وجلست على مقعد قبالته، لتتجاذب معه أطراف الحديث:

ـــــ علاء

ـــــ افندم يا أمي

ـــــ تعرف اني مبسوطة ان صاحبك ده جه النهاردة . هو الوحيد اللي عرف يخرجك من الحالة اللي انت فيها

ـــــ محمود ده من اقرب الناس لقلبي والله . انسان طيب ومحترم

ـــــ هو متجوز ؟

ـــــ ايوة، متجوز بنت عمه

ـــــ عقبالك يا علاء يابني، نفسي افرح بيك قبل ما اموت

ـــــ أمي.. أنا قررت ارجع اوروبا

انتفضت والدته عن مقعدها مصعوقة:

ـــــ ايه!! ايه اللي بتقوله ده يا علاء! ليه ياابني؟؟؟؟؟

ـــــ معلش يا أمي، أنا مش قادر اتكيف مع الحياة هنا، وكل مااشوف القيم بتنهار، اعصابي بتتعب اكتر

ـــــ قيم ايه بس اللي بتنهار يابني! . وبعدين كل واحد حر في حياته، اللي عايز يطيع ربنا يطيعه واللي عايز يتبع كلاب الغرب يتبعهم، انت ليه تعقد نفسك! لا حول ولا قوة الا بالله

ـــــ طب اهدي يا أمي ارجوكي

أجهشت والدته بالبكاء وقالت:

ـــــ اهدى ازاي! اهدى ازاي وانت بتهد كل أحلامي! أنا مستنياك طول السنين دي كلها عشان ترجع من أوروبا وتستقر هنا ومصبرة نفسي على وحدتي، وكنت باقول بكرة ابني يرجع ويتجوز ويملا عليا حياتي هو ومراته وولاده، وانت دلوقتي عايز تهد كل حاجة ببساطة، عايز ترجع أوروبا وتسيبني هنا للوحدة والملل واموت وانت بعيد عني يا علاء، حرام عليك يابني والله حرام

ـــــ يا أمي ارجوكي دموعك دي بتقتلني . أنا ما استاهلش دموعك يا أمي

ـــــ مافيش رجوع لأوروبا تاني يا علاء فاهم ولا لأ؟

ـــــ امرك يا أمي امرك . بس ارجوكي بلاش سيرة الجواز. أنا مش هتجوز

ـــــ الله يهديك يا علاء . الله يصلح حالك يابني

******************************

دلفت شريفة إلى الغرفة، فألفت عفيفة تحتضن معطف الشاب الملطخ بدمائه كعادتها وعيناها شاردتان، فهزت رأسها متعجبة وقالت::

ـــــ عفيفة! انتِ هتفضلي كل يوم حاضنة البلطو بالشكل ده وسرحانة

ـــــ ها!!.. انتِ بتكلميني شريفة ؟

ـــــ إنتِ ايه حكايتك! إنتِ اتعلقتي بالشاب ده ولا ايه؟

ـــــ أنا!!...لا ابداً . أنا بس البلطو ده دايما يفكرني بالعفاف والطهر وحاسة اني لو سيبته ممكن ارجع زي ماكنت

ـــــ طيب حتى اغسلي الدم اللي عليه ده

ـــــ لالالا مش ممكن، مش ممكن ابداً . دا دم طاهر.. دم شاب مسلم محافظ على دينه. يضحي بدمه عشان ما يخسرش دينه . دا مش اي دم شريفة

تبسمت شريفة وقالت:

ـــــ نفسك تشوفيه تاني؟

ـــــ اتمنى . بس مش عايزة

ـــــ هاها مش فاهمة

ـــــ اتمنى اشوفه، واتمنى يكون ليا زوج زيه.. بس مش عايزة اشوفه عشان خجلانة منه لاني عارفة انه بيحتقرني واكيد مش عايز يشوفني.. اكيد

*************************************************

انهى الطبيب الشاب عمله بالمشفى واستعد للمغادرة، فسأله أحد الممرضين:

ـــــ سعادتك ماشي يا دكتور علاء؟

ـــــ ايوة ان شاء الله . لو سمحت الحالة دي تفضل تحت الملاحظة

ـــــ إن شاء الله يا فندم

*****************************

اقترب من القصر، فاسترق النظر إلى بوابته، فلم يرمق الفتاة، ودار بينه وبين ذاته حديث:

ـــــ الحمدلله البنت دي مش موجودة جنب الباب والسرايا مقفولة بأقفال....يا ترى راحت فين؟...ايه ده ! أنا بتسائل بيني وبين نفسي عليها ليه ! طب وأنا دخلي ايه ! الحمدلله انها مش موجودة.... يااااااااااه الفضول آفة الجنس البشري

*************************************************

دلفت شريفة إلى الغرفة لتخبر عفيفة بوجود المعلمة الإفرنجية التي تلح في مقابلة عفيفة دون جدوى:

ـــــ عفيفة. مدام سيلفيا جت سألت عليكي اكتر من مرة، وانتِ  مش عايزة تقابيلها، هو في ايه

زفرت عفيفة وقالت بتأفف:

ـــــ هي جت تاني!! شريفة، سيلفيا هي السبب في كل افكاري دي، أنا بكرهها. أنا مش عايزة اشوفها

ـــــ حبيبتي كل مرة بقولها انك مش تقدري تقابليها، لكن هي لحوحة وبتيجي تاني . خلاص هقول لمامّا تطردها

ـــــ لأ استني، خليها تستناني، أنا هنزل اقابلها بنفسي

**********************************************

تفاجئت المعلمة الإفرنجية بما زلزلها حين سمعت تحية الإسلام من فم تلميذتها التي طالما بغضت إليها تعاليمه:

ـــــ السلام عليكم ورحمة الله وبركاته

انتفضت المعلمة عن مقعدها شاخصة البصر، وصاحت بجنون:

ـــــ إإإإإإإإإيه . ايه التحية دي !!!!!! . المفروض تقولي بنجور . وبعدين ايه الحجاب ده وايه الكتاب اللي متشبثة بيه وحاطاه على صدرك ده؟

ـــــ التحية تحية الاسلام، وعارفة انها مش تجوز عليكي، لكن حبيبت اسمعهالك عشان اعرفك هويتي..والكتاب ده القرآن، ده دستوري ومنهجي اللي همشي عليه وأنفذ اوامره

صرخت المعلمة كمن طاش عقلها، فكل الأعيبها ذهبت سدى:

ـــــ لا! ارمي الكتاب ده، ارميه من ايدك . ده سبب جهلكو يا مسلمين ده سبب تخلفكم

ـــــ هاها لا إنتِ  تقصدي دا سبب رعبكم مننا عشان لو نفذنا اللي فيه هنمحيكم من على وش الأرض وهنهزمكم بإذن الله. بلغي اللي باعتينك ان بنات المسلمين بخير واننا مش هننساق ورا مخططاتكم لتغريبنا عن هويتنا الاسلأمية، بلغيهم ان قائدنا الاعلى محمد عليه الصلاة والسلام وان زوجاته قدوتنا

صرخت المعلمة الإفرنجية كالملتاثة:

ـــــ لا، اسكتي . اسكتي . عايزة تقولي اني فشلت معاكي؟

ـــــ ايوة فشلتي، وان شاء الله هتفشلي على طول

ردت المعلمة بعينين متحدتين:

ـــــ فشلت معاكي لكن غيرك بيطاوعوني، ومش هيأس، مش هيأس، لازم الاسلام يختفي من على الأرض، لازم

ـــــ واحنا بنقول لازم الاسلام يملا كل الارض، لازم . الحمدلله على نعمة الإسلام وكفى بها نعمة

***************************************

في صبيحة اليوم التالي، هرعت عفيفة إلى والدتها لأمر أهمها:

ـــــ ما مّا

ـــــ افندم عفيفة

ـــــ أنا عايزة ازور طنط خديجة

ـــــ خديجة هانم ! والله وحشتني كتير كتير . لكن ايه فكرك بيها بنت عفيفة!

ـــــ حاسة اني محتاجالها اوي مامّا . محتاجة اتكلم معاها اوي

ـــــ ناخد إذن من بابّا ولما يكون مش مشغول ودينا

ـــــ أنا هروح اقول لبابّا

هرعت عفيفة إلى والدها الذي ألفته يخرج من حجرته يحمل بندقية الصيد ويتجه إلى غرفة ولده:

ـــــ بابّا

ـــــ افندم عفيفة

 

ـــــ عايزة ازور طنط خديجة أنا ومامّا

مش فاضي . لما ابقى فاضي اشوف الموضوع ده

أعرض عنها والدها  ومضى ينادي على ولده:

ـــــ عادل، فينك حبيبي؟

عقدت عفيفة حاجبيها وقالت بضيق:

ـــــ يوووه! عادل، عادل، ولا كأني بكلمه، سابني ومشي يدور على عادل

هرولت خلفه ونادته بإصرار:

ـــــ بابّا

ـــــ وبعدين عفيفة! في ايه؟

ـــــ لو سمحت بابّا لو سمحت ودينا عند طنط خديجة

زفر وقال حانقاً:

ـــــ إنتِ  بنت لحوحة كتير . خلاص هنروح الأسبوع الجاي عشان اخلص من إلحاحك

ـــــ ميرسي با بّا، ميرسي بوكو

استدار ينادي على ولده:

ـــــ عادل، هات بندقية الصيد بتاعتك وتعالى

ـــــ داكور بابّا

سألته عفيفة بفضول:

ـــــ هو حضرتك هتاخد عادل وتصطادوا عصافير بابّا ؟

ـــــ عندك مانع؟

 

ـــــ هو حضرتك تحب الصيد با بّا؟

ـــــ أنا بحب الصيد من صغري

ـــــ ايوة أنا اسمع من انّة ان حضرتك كنت بتحب تصطاد الدود من القطن هههه

ـــــ بتقولي ايه بنت؟

ـــــ مش بقول حاجة بابّا . كنت بشكر حضرتك عشان وافقت إننا نزور طنط خديجة

أشاح بوجهه ونادى على ولده:

ـــــ عادل، يلا يا حبيب با بّا

***************************************

جاء يوم زيارتهم للسيدة خديجة، استعدت عفيفة ووالدتها منذ الصباح الباكر، نزلت إلى البهو مسرعة لتخبر والدها الذي كان في انتظارهما:

ـــــ يلا با بّا، أنا ومامّا جاهزين عشان نروح لطنط خديجة

ـــــ فين ما مّا؟

ـــــ نازلة حالا

ـــــ طيب هخليهم يجهزوا الكاريتة وحصلوني

ـــــ داكور با بّا

****************************************

انتهى الحاج محفوظ من صلاة الضحى، فلم يجد زوجته في مهنة البيت كعادتها، فنادى:

ـــــ خديجة، إنتِ  فين؟

أتاه صوتها الواهن من غرفتهما:

ـــــ أنا هنا يا سي محفوظ

هرع إليها جزعاً، فألفاها متدثرة في فراشها لم تبرحه والوصب يبدو على ملامحها:

ـــــ ايه ده . مالك يا خديجة راقدة ليه ؟  إنتِ  تعبانة ؟

ـــــ لا مش تعبانة ولا حاجة

ـــــ لا انتِ  باين عليكي التعب

ـــــ يا سي محفوظ ولا تعبانة ولا حاجة أنا هقوم احضر الفطار  حالاً

ـــــ والله ما تقومي ولا تعملي حاجة . أنا هعمل كل حاجة خليكي مرتاحة

ـــــ يا سي محفوظ ما تتعبش نفسك كفاية عليك تعب الشغل

ـــــ وايه رأيك مش هروح افتح الوكالة النهاردة . أنا هقعد جنبك لحد ما تبقي كويسة

ـــــ يا سي محفوظ ما تتعبش نفسك عشاني

ـــــ ولو ما تعبتش نفسي عشان زوجتي حبيبتي شريكتي في حياتي بحلوها ومرها، هتعب عشان مين!

ـــــ ربنا يخليك ليا يا سي محفوظ ومايحرمنيش من قلبك الطيب، ما تشغلش روحك ، حفصة وصفية لما يجوا من مدارسهم هيعملوا كل حاجة إن شاء الله

سمعا دقات على البوابة، فقال الحاج محفوظ وهي يتجه إلى خارج الغرفة:

ـــــ الظاهر في حد على بوابة البيت تحت، عن اذنك هشوف مين

ـــــ اتفضل

**************************************

رفع المشربية ونظر إلى أسفل وسأل:

مين تحت ؟

ـــــ أنا حافظ باشا ابن عمك يا محفوظ، ومعايا الهانم

ـــــ يا الف اهلا وسهلا . أنا نازل حالا

ـــــ يا خديجة حافظ ابن عمي تحت ومعاه جيلان هانم=

ـــــ  يا اهلا وسهلا يشرفوا . والله ما قادرة اقوم ارحب بيهم

ـــــ أنا هاخد حافظ المضيفة وهخلي جيلان هانم تطلع عندك

****************************

دلفت جيلان هانم إلى غرفة السيدة خديجة وخلفها عفيفة، وألقت السلام:

ـــــ السلام عليكم ورحمة الله وبركاته، ازيك خديجة هانم

ـــــ وعليكم السلام ورحمة الله وبركاته، اهلا جيلان هانم حبيبتي، اهلا وسهلا

ـــــ ازيك طنط خديجة وحشتيني كتير مالك إنتِ  تعبانة؟

ـــــ ازيك يا عفيفة يا حبيبتي وازي شريفة ؟. تعبانة شوية يا حبيبتي معلش مش قادرة اقوم

قالت جيلان هانم مبتئسة:

ـــــ سلامتك خديجة هانم. حاسة بإيه؟

ـــــ شوية ارهاق بس،  يمكن اكون تعبت نفسي في شغل البيت شوية

ـــــ سلامتك حبيبتي خديجة هانم. كنا نحب نزورك في ظروف أحسن

تنهدت عفيفة وقالت بأسى:

ـــــ اه والله أنا زعلانة كتير طنط خديجة . أنا كنت جاية مخصوص اتكلم معاكي

ـــــ خير يا عفيفة، في ايه؟

ـــــ لا خلاص طنط خديجة مش حابة اتعبك في الكلام

ـــــ لا والله حبيبتي أنا عايزة اسمعك

ـــــ طنط خديجة. إنتِ بالنسبة لي نموذج رائع للمسلمة الملتزمة، وكمان ده واضح من خلال تربيتك لصفية وحفصة على الالتزام

قالت جيلان هانم لابنتها بامتعاض:

ـــــ وأنا مش ربيتكو على التزام بنت ادب سيس!

ـــــ هههه لا ما مّا، ربتينا على البيانو والموسيقى

ابتسمت السيدة خديجة ووجهت اللوم لعفيفة:

ـــــ هه  عيب كدة يا عفيفة، مش تزعلي مامتك حبيبتي

ـــــ مش اقصد والله يا طنط، وما مّا عارفة

ـــــ اتفضلي حبيبتي عايزة تقولي ايه

ـــــ الإسلام دين جميل. أنا بحبه.. بس ليا ملحوظات كتير محيراني

ـــــ ملحوظات ايه حبيبتي؟

ـــــ ليه با بّا مش يعاملنا زي عادل. ليه يفرق في المعاملة ويفضل عادل علية أنا وشريفة ؟

ـــــ حبيبتي الاسلام ماله بمعاملة باباكي ليكي إنتِ  واخواتك بطريقة غلط!!

ـــــ هو مش الإسلام أمر إن للذكر مثل حظ الانثيين؟

ـــــ حبيبتي ده في الميراث، مش في المعاملة، وبعدين عشان تبقي عارفة ان النفقة واجبة على الراجل مش الست، يعني الميراث اللي بيروح للراجل يصرف منه على الست وهي تشيل ورثها وما تديهوش منه كمان، ايه رأيك بقى هاها شوفتي إن الاسلام كرم المرأة جداً

أومأت عفيفة برأسها وقالت:

ـــــ ممم أنا فهمت، يعني بعد با بّا نورث أنا وشريفة وعادل وممكن نطلب من عادل يصرف علينا من ورثه كمان

بدا الانزعاج على وجه والدتها ونهرتها:

ـــــ انتِ  تتمني لحافظ باشا جوز حظرتنا الموت بنت ادب سيس!!

ـــــ هاها والله ابدا ما مّا، أنا بس حبيبت أفهم..... طيب يا طنط برضو ليه با بّا بيعاملنا وحش ويعامل عادل كويس؟ ليه الاسلام يكره خلفة البنات؟

 

ـــــ حبيبتي كره خلفة البنات كان في الجاهلية وكان الناس يدفنوا بناتهم حيين عشان كانوا بيعتبروا خلفة البنات عار، لكن جه الاسلام حرم العادة دي وان فِعلها  إثم كبير ومحرم في ديننا ..وبعدين إنتِ  ما تعرفيش قد ايه الرسول صلى الله عليه وسلم كان بيحب بناته وبيعاملهم برقي وحب

بدا الاندهاش على ملامح عفيفة وقالت:

ـــــ الرسول عليه الصلاة والسلام كان بيحب بناته ؟

ـــــ طبعا حبيبتي، وضرب أروع الامثلة في معاملته لبناته، تعرفي طبعا بنته الصغرى اسمها ايه

ـــــ لأ مش اعرف

ـــــ السيدة فاطمة الزهراء رضي الله عنها.. كان يقول عنها الرسول صلى الله عليه وسلم

فاطمة بضعة مني يريبني ما ارابها ويؤذيني ما آذاها

غضنت عفيفة حاجبيها وسألت:

ـــــ يعني ايه طنط؟

ـــــ يعني يا حبيبتي اي حاجة تضايقها وتإذيها كانت تعتبر إيذاء للرسول عليه الصلاة والسلام . كان يتكدر صفوه اذا اي شيء كدر صفوها

بدا الانبهار على قسمات عفيفة وقالت:

ـــــ ياه!  للدرجة دي كان يحبها؟

ـــــ وهي كمان رضي الله عنها كانت تحبه، لو قريتي عنه صلى الله عليه وسلم تعرفي ان في مرة المشركين وضعوا على ظهره الشريف بعض القاذورات وهو ساجد يصلي، وهي اللي جت شالت الأذى  ده من على ظهر أبيها وكانت صغيرة، تعرفي انه قبل ما يموت كانت قاعدة جنبه تبكي لشدة حبها ليه وحزنها على فراقه فطمنها وقالها انها هتموت بعده بقليل ففرحت جداً انها مش هتفارقه وهتلحق بيه

قتلها الانبهار بما سمعت فقالت:

ـــــ ياه!! للدرجة دي علاقة الحب العظيمة بين الرسول عليه الصلاة والسلام وبنته !. قد ايه كان انسان رائع وراقي عليه الصلاة والسلام

ـــــ شوفتي بقى يا عفيفة ان التفريق بين الولد والبنت حاجة مش في الاسلام . دي افعال بشر تحيد عن الإسلام حبيبتي . احنا نبينا عليه الصلاة والسلام قبل ما تفارقه الروح اوصى بالنساء خيرا

ـــــ للدرجة دي كان يهمه أمر المرأة وتكريمها؟

ـــــ طبعا حبيبتي

قالت عفيفة والحزن يدثر قسماتها:

ـــــ نفسي اشوفه، نفسي، هو ليه سابنا لوحدنا، أنا محتاجاله جداً

ـــــ عليه الصلاة والسلام . ربنا يجمعنا بيه في الجنة . هو تركلنا القرآن منهج نمشي عليه عشان نقابله في الجنة بالتزامنا بمنهجنا

ـــــ طيب سؤال تاني طنط خديجة

ـــــ اتفضلي حبيبتي

ـــــ ليه الاسلام يخلي الراجل يتجوز اربعة ؟. اربع ستات كتير اوي طنط

ـــــ هههه حبيبتي الرجال قبل الاسلام كانوا بيتجوزا عدد كبير جداً من النساء، والاسلام حددلهم اربعة بس عشان ما يتجاوزوش حدودهم في التعدد. يعني الإسلام قلل العدد  وحدده، مش كتره

ـــــ معقول! . أنا اول مرة أعرف كدة. كمان طنط بيقولوا ان الدين الاسلأمي ظالم للمرأة والديأنات الاخرى راقية

ـــــ حبيبتي أحب اقولك ان اليهود قديماً لما كانت نساءهم تحيض، كانوا يطردوهم برا البيت ويعتبروهم شيء قذر. واظن دي قمة المهانة للمرآة.. تعالي بقى شوفي حبيبك النبي عليه الصلاة والسلام لما كانت زوجته السيدة عائشة رضي الله عنها تحيض كان يتفقد موضع شربها من الأناء ويشرب مكانها تكريم ليها ومراعاة لمشاعرها اثناء فترة الحيض

أشرق وجه عفيفة إعجاباً بأخلاق الرسول عليه الصلاة والسلام وقالت:

ـــــ رائع رسولنا عليه الصلاة والسلام، يارب يجمعنا بيه في الجنة أمين.....احبك سيدي يا رسول الله يا من اكرمت المرأة ووضعتها في مكانة عالية

ـــــ عليك الصلاة والسلام يا سيدي يا رسول الله

*******************************

في منزل المغنية الشامية

عقدت المغنية العزم على الانتقام من حافظ باشا الذي تخلى عنها وعن جنينها الذي أثمرته علاقة الزواج السري بينهما..أمضت الشهور تفكر وتخطط وتدبر المكائد، وحان وقت التنفيذ..نادت المغنية على خادمتها:

ـــــ بسبوسيه

ـــــ نعم يا ست عالية

ـــــ عارفة عنوان بيته لرفيق ؟

ـــــ رفيق ! أيوة عارفاه

ـــــ روحي خليه يجيني هلأ، لو ما لقيته استنيه، ما ترجعي من غير رفيق

ـــــ حاضر يا ست عالية

عادت الخادمة بشاب وسيم، تبدو عليه علامات العربدة والضياع ، هرعت إلى سيدتها في غرفتها لتخبرها:

ـــــ ست عالية رفيق جه برا

ـــــ قدميله حاجة يشربها أنا جاييه

*******************************

ذهبت إلى الضيف تقول:

ـــــ  الست عالية جاية حالاً ، تشرب ايه يا رفيق، سحلب ولا قرفة ولا يانسون؟

ـــــ ايه المشروبات الغريبة دي!. عيب عليكي أنا في بيت مطربة كبيرة . مافيش شامبانيا ولا ويسكي  ؟ ولا انتوا ما بتعرفوش تكرموا ضيوفكو!

ـــــ حاضر يا رفيق . كنت بحسب ربنا تاب عليك هههه

*************************

مضى وقت ليس بالطويل، ودلفت المغنية إلى غرفة الأضياف، فألفت الضيف يرتشف كأساً من الخمر في نشوى، فحيته:

ـــــ اهلين رفيق، شو اخبارك

ـــــ تمام يا ست الكل، أخبارك إنتِ ايه يا ملكة الطرب

ـــــ ملكة الطرب محتاجة لإيلك كتير

ـــــ وأنا في الخدمة

ـــــ عندي واحد عايزة اخرب بيته واحزنه على عمره

ـــــ لالالا بقولك ايه أنا ماليش في سكة القتل . أنا انصب اه . اقتل لأ

ـــــ ومين قالك اني عايزاك تقتل . أنا عايزاك تنصب هههه

ـــــ احكيلي القصة وفهميني إنتِ  عايزة ايه

ـــــ راجل غني من الاعيان اتجوزني عرفي وبعد ما صرت حامل قطع الورق وقالي مش هعترف بابنك

ـــــ يااااه! ايه الندالة وقلة الاصل دي! هي الناس جرالها ايه! . ناوليني كاس تاني يا بسبوسة عشان افهم من ست الكل هي عايزة ايه بالظبط

ـــــ خد الإزازة بحالها اهيييييه

ـــــ متشكر يا بسبوسة ههه طول عمرك كريمة ، يااااااه شامبانيا من الأصلي، كملي يا ست عالية، طلباتك، ماله الراجل قليل الأصل اللي قطع الورق ومش عايز يعترف بابنك ده ؟

ـــــ  صارلي شهور عم افكر كيف راح انتقم منه ، أنا فكرت يا رفيق اني اجوزك بنت من بناته . عنده صبيتين احلى من بعض مثل  ما بسمع

قهقه الشاب الضائع وقال:

ـــــ وده هيرضى ازاي يجوز بنته لواحد زيي ما حيلتوش حاجة ولا اهل ولا مركز ولا أطيان ولا  اي حاجة!!

ـــــ لا دي شغلة سهلة وبسيطة. انت من أرقى عائلات اسطنبول، شاب غني، شاب ابن اصول، وهجيب واحدي تعمل دور إمك  التركيييه يا ابن التركييه هههه

ـــــ هاها ما لقتيش إلا أنا يا ست عالية! اسطنبول ايه بس !. أنا مااعرفش هي فين اصلا ،  وبعدين اشمعنى اخترتيني أنا؟

ـــــ لأنك شاب ليك هيئة الله يحرسك عليها، اللي يشوفك ومابيعرفك على حقيقتك يقول عليك ابن ناس ومتربي في سرايات ههه

قال ضاحكاً وهو يمسك بزجاجة الخمر ليصب كأساً آخر

ـــــ هههه كتير بيقولولي كدة . طب فهميني بالراحة

 

ـــــ سيب الكاس من يدك يا اذعر ميشان تفهم كلأمي منيح

****************************

غادر الشاب المنزل بعد أن أفهمته المغنية الدور الذي سيقوم به لخداع حافظ باشا وعائلته..نادت المغنية على خادمتها تدللها:

ـــــ بسبوسيه يا ننوسيه

ـــــ هههه ايه الدلع ده كله . نعم يا ست الكل يا ست عالية يا ملكة الطرب

ـــــ اولا بدي اشكرك عشان ظليتي معي  لحد ما صيرت منيحة

ـــــ ان شا الله دايما منيحة وكايدة عوازلك يا ست عالية

ـــــ ايه إلي كتير عوازل بسبوسيه

ـــــ عارفاهم واحدة واحدة وبالاسم وخصوصا المطربة الفاشلة حسنية الرايقة

ـــــ الله لا يروق بالهيه ولا يصلح حالها الذعرة . سيبك من حسنية وغيرها . أنا بريد شي خدمي منك حبيبتي

ـــــ من عنيا يا ست عالية

ـــــ تعرفي تتكلمي تركي بسبوسيه ؟

ـــــ تركي ! ليه ؟ لأ ما اعرفش . هو إنتِ  هتبعتيني اكمل تعليمي هناك يا ست عالية؟

ـــــ شو تعليمك !. بعد ما شبتي تبلشي علام ! أنا هعلمك تتكلمي تركي ميشان راح تعملي دور مرا تركييه

ـــــ مش فاهمة حاجة يا ست عالية

ـــــ بفهمك يا حبات عيوني

*******************************

حاولت المغنية أن تفهم الخادمة الدور دون جدوى حتى ضاقت بها ذرعاً ووبختها:

 

ـــــ يا الله، يا الله شو ها المِخ  المتحجر . صارلي ساعتين بفهمك الشغلة  وانتِ  ولا كإني بقول ايشي

ـــــ يا ست عالية ما انتِ  بتقولي كلام غريب . ازاي أنا ام رفيق وابقى تركية . وازاي من الاساس رفيق يبقى تركي اذا كان هو ساكن في الحارة اللي ورأنا، وابوه كان سقا وامه كانت غسالة!

ـــــ يا بسبوسيه هايدا تمثيل، كدب في كدب ميشان اخد تاري من حافظ الله يقصف عمره

ـــــ ايوة ايوة فهمت ، مؤامرة يعني

ـــــ تؤبريني حياتيه . يلا نبدأ دروس التركي

ـــــ استني اما اجيب ورقة وقلم يا ست عالية

ـــــ لشو ورقة وقلم!  بتعرفي  تقري  بسبوسيه؟

ـــــ لأ يا ست عالية

ـــــ اومال شو راح تكتبي!

ـــــ على رأيك صحيح . خلاص كلي اذان صاغية يا ست عالية

**********************************************************

بعد عدة ساعات من تلقين الدور واللكنة التركية، سألت المغنية الشامية خادمتها:

ـــــ  هلأ قوليلي مثل ما فهمتك ، انتِ  اسمك ايه بسبوسيه؟

ـــــ حظرتنا .....  حظرتنا  ..... حظرتنا أأأأأأأأأ حظرتنا

ـــــ شو بسبوسيه شوووووو

ـــــ الاسم صعب اوي، شوفيلي اسم صغنن كدة اعرف اقوله

ـــــ لا . هو الاسم ده  وما في غيره جولبهار . جولبهار هانم

ـــــ ياربي احفظه ازاي ده بس !. ده اسم ولا انتقام!

ـــــ احفظي الاسم وبكرة نكمل . ورأنا مهمي كبيريه بسبوسيه . اقصد جولبهار هانم هاها

*********************************

في قصر حافظ باشا، أتى أحد الخدم يبلغ سيدة القصر بوجود ضيفة:

ـــــ جيلان هانم

ـــــ افندم عم ربيع

ـــــ في واحدة هانم بتسأل على حضرتك برا

ـــــ هانم ! مين دي . اسمه ايه ؟

ـــــ والله يا فندم مش عارف اقول الاسم اصله صعب شويه

ـــــ خليها اتفضل في صالونات

ـــــ أمرك يا هانم

أتت الجدة يلدز تسأل ابنتها:

ـــــ مين جه جيلان هانم ابنة حظرتنا؟

ـــــ مش بعرف أنّة . لسة هشوف

********************************

لم تكن الضيفة إلا خادمة المغنية المتنكرة في شخصية تركية من طراز رفيع..دلفت جيلان هانم ووالدتها إلى غرفة الأضياف، وألقت التحية على الضيفة:

ـــــ ميرحبا

ـــــ الله يرحب بيكي . يوه . ميرحبا حبيبتي ميرحبا، كيرشلاما. حظرتكم جيلان هانم ؟

ـــــ ايفيت

ـــــ وحظرتنا ام جيلان هانم . مين حظرتكم؟

ـــــ حظرتنا. اللهم صل ع النبي هي قالتلي اسمي ايه . وبعدين بقى! حظرتنا.. حظرتنا ايه ...............حظرتنا جومبهار هانم

غضنت جيلان هانم حاجبيها وقالت:

ـــــ جومبهار ! ايه جومبهار دي!. حظرتكم عندك برد هانم ؟ تقصدي جولبهار هانم جولبهار يعني ورد الربيع

ـــــ ايوة قصدي، ايفت، ايفيت، حظرتنا عنده برد بعيد عن حظرتكم

ـــــ سلامة حظرتكم جولبهار هانم خيرات ان شاء الله

ـــــ أنا جاية في موضوع نسبات ، حظرتنا هانم تركي وعندي ولد تركي وحيد اهئ اهئ اهئ وحيد وعايزة اجوزه، وسألت على عيلة تركي كبير قالولي على عيلة حظرتكم.سمعت عندكم عروسات جوزيل جوزيل قولت اجي اخد واحدة لابني

أثنت الجدة يلدز عليها بملامح متهللة:

ـــــ انتِ هانم تركي شوك جوزال زي حضرتنا تمام تمام ، شرفت سرايات ابنة حظرتنا جيلان هانم . أنا مش احب غير هوانم تركي . ايه اسم عيلات؟

ـــــ احنا من عيلة بغلو

ـــــ بغلو !. ايه بغلو  دي!!

قالت جيلان هانم:

ـــــ أنّة اكيد تقصد اوغلو

ـــــ ايفيت، ايفيت احنا عيلة اوغلو لا زغلو، ارقى عائلات استهبول

ردت الجدة باندهاش:

ـــــ استهبول!!

ردت جيلان هانم على والدتها:

أنّة، جولبهار هانم عنده برد . اكيد تقصد اسطانبول

أومأت الجدة برأسها وقالت:

ـــــ ايفيت، ايفيت، فهمت....ابنك اشتغل ايه؟

ـــــ ابني مش اشتغل . ابني صايعات في بارات طول الليلات والنهارات . عندنا فلوسات كتير هو اصرف

هزت الجدة يلدز رأسها باستحسان وقالت:

ـــــ افاريم افاريم، يعني من الاعيان، شوك جوزال، شوك جوزال . اسمه ايه ابنك؟

ـــــ اسمه رفيق وعنده تلاتة وعشرين سنة

ـــــ افاريم، افاريم، احنا موافقين على نسب حظرتكم

امتعضت جيلان هانم وهمست في أذن والدتها:

ـــــ أنّة ايه تقوليه ده . الكلام ده قوله حافظ باشا جوز حظرتنا لما يقابل عريس تركي

ـــــ ايه حافظ دي بنت! . هو دخله ايه!!!!!

ـــــ أنّة من فضلك. دي بنته وحظرته حر.

وجهت جيلان هانم حديثها للضيفة:

ـــــ  جولبهار هانم. ادينا فرصة نفاتح باشا في موضوعات ونرد على حظرتكم . ممكن ابعت مرسال عشان نحدد معاد ونبلغكم بيه

ـــــ كلامات مظبوطات بعد اذن حظرتكم هبعت مرسالات بكرات

*****************************

في المساء، دلف حافظ باشا إلى بهو القصر، فقالت جيلان هانم لوالدتها:

ـــــ حافظ باشا جه أنّة

ـــــ كلم هو عن عريس تركي ابن جولبهار هانم مقامات شريفات

وقفت وحيت زوجها باسمة:

ـــــ حافظ باشا، حمدالله على سلامات

ـــــ الله يسلمك جيلان هانم ، اهلا يا يلدز هانم

ـــــ اقعد هيافان ، جيلان هانم ابنة حظرتنا عاوز ياخد رأيك في موضوع  أنا موافق عليه

ـــــ  ايفيت، كنت عاوز جناب حظرتكم في موضوع مهم

ـــــ بعدين، بعدين جيلان هانم

ـــــ لا مش يتأجل. دا موضوع جواز

زفر وقال حانقاً:

ـــــ ما قولتلك طلقتها يا جيلان في ايه تاني!!!!!!

ـــــ لالالا حظرتكم فهمت غلط . أنا اتكلم عن عريس تركي من عيلة كبير، امه جت اتكلم على جواز من بنت حظرتنا

ـــــ شريفة ! وهما عرفوها منين؟

ـــــ طبعا شريفة عشان هي كبيرة واحنا مش نجوز صغيرة قبل كبيرة . هما سمعوا عن عيلات مقامات شريفات عشان كدة عاوزين جوازات

قالت الجدة يلدز لحافظ باشا:

ـــــ أنا موافقة حافظ فلاح على نسب تركي شريف

ـــــ حضرتك من فضلك ما تتدخليش، أنا لسة ما قابلتش العريس ولا اعرف مين الناس دول اصلا

صاحت به الجدة وهي تنظر إليه بازدراء:

ـــــ الناس دول اسيادك واسياد عيلتك حافظ فلاح . نسب تركي رفيع مقامات يا شحات

ـــــ يا سلام ! هو عشان تركي هرميله بنتي من غير ما اعرف كينونته!

قالت جيلان هانم لزوجها بأدب جم:

ـــــ حدد معاد حافظ باشا جوز حظرتنا وهما ايجي قابل حظرتكم

 

يجي يوم الخميس هو وعائلته بعد صلاة  العشا

 

هو انت صلي عشا !. انت مش صلي حافظ باشا

 

يووووووووووووووووه أنا بلغتك بالمعاد يا هانم عن اذنك

 

 

**********************************************************

شريفة

 

افندم ما مّا

 

في عريس جاي شوف انت هو وامه بكرة ان شاء الله

 

عريس !!!!!!!!!!!

 

ايفيت

 

أنا مش عاوزة اتجوز ما مّا أنا اتكسف

 

ههههههههه ايه اتكسف دي بنت . انتِ  عروس  جميل عندك 16 سنة ولام اتجوز

 

مين ده ما مّا؟

 

عريس تركي من عائلات كبيرات

 

ايه ده ما مّا . هي شريفة هتتجوز وتسيب البيت؟

 

طبعا بنت عفيفة وانتِ  كمان اتجوز وسيب البيت

 

لأ أنا مش موافقة ان اختي تسيب البيت واقعد لوحدي

 

يعني ايه بنت!

 

يعني شوفولي عريس أنا كمان . او العريس ده اتجوزه أنا وشريفة

 

ههههههههه مش ينفع بنت . اخوات مش يتجوز عريس واحد . حرام

 

طب خلاص خلوا شريفة قاعدة وخلوا عريسها يستنى لحد ما اتجوز أنا كمان

 

إنتِ  بنت مجنون . كلام كله تخاريف

 

إنتِ  موافقة شريفة أختي  ؟

 

أنا مش ليا رأي . با بّا ومامّا هما اللي يوافقوا ويرفضوا عفيفة

 

 

**************************************

 

حافظ با شا

 

افندم عم ربيع

 

جناب رفيق بك اسماعيل ووالدة جنابه وصلوا

 

خليهم يتفضلوا ، وخلي الهانم والدته تروح عند الهوانم في الحراملك ، وهو خليه ينتظرني في الصالون ، هقابله بعد شوية

 

أمرك يا باشا 

 

 

***************
***************
***************

 

 

 

ميرحبا جولبهار هانم

 

ميرحبا يا اختي . هو حظرتنا مش هشوف العروسة ولا ايه؟

 

حالا حبيبتي جولبهار هانم ، نازلة حالا

 

 

***************
***************
***************

 

تعالي شريفة سلمي على جولبهار هانم

 

ماشالله تبارك الله (خسارة فيك يارفيق ) جوزيل جوزيل . هانم تركي جميل جمييييييييييييييل

 

ميرسي طنط جولبهار

 

تعالي اقعد جنبي عروسة ابني شريفة هانم

 

ايه رأي حظرتكم في حفيدة حظرتنا؟

تبارك الله تبارك الله جمال امان ربي امان عروسة جميل

 

 

 

 

 

***************
***************
***************

 

 

مساء الخير

 

بنسوار حافظ باشا . أنا رفيق بك اسماعيل من الاعيان

 

تشرفنا رفيق بك اتفضل اقعد

 

 تشكرات  ، والله يا فندم أنا سمعت كتير عن عيلة حظرتكم ويشرفني ويسعدني اتقدم للجواز من بنت حظرتكم

 

انت من عيلة مين؟

 

والدي من عيلة اوغلوا . اسماعيل باشا اوغلوا ومامّا جولبهار هانم شركس

 

واحنا عندنا عقارات واملاك كتير ممكن حضرتك تسأل وتتأكد بنفسك

 

فين عقارات واملاك دي؟

 

احنا عندنا سرايا في الحلمية وسرايا في عابدين وعندنا اراضي من اجود الاراضي الزراعية

 

شحاتين يعني . فين والدك؟

 

مات

 

فين اعمامك؟

 

في فرنسا

 

اخوالك؟

 

في النمسا

 

طب اتكلم مع مين؟

 

اتكلم معايا أنا . متهيألي اني راجل وأد  كلمتي ومسؤليتي

 

سيبلي بيأناتك واديني فرصة اسأل عليك وعدي عليا بعد بكرة زي دلوقتي اديك الرد بالقبول او الرفض

 

 

************************************************

 

شو عملت يا رفيق؟

 

الموضوع هيبوظ

 

ليه ؟؟؟؟؟؟؟؟؟؟

 

أنا اديت الراجل البيأنات اللي قولتيلي عليها وسيبتله عنوان السرايات اللي قولتيلي عليها وشكلنا هنتكشف

 

هههههههههههههههههههههههههه والله ما بتعرف ايشي عن كيد النسا . السرايات دي مهجورة وأنا كلفت ناس يحطوا يافطة عليها

ووقفت حراس على البيبان لاني عارفيه ان حافظ ابو مِخ هيروح يسأل ما بيفرط في بنته بالساهل لاي حدا

 

يا الله على دماغك اللي زي الالماظ!

 

اومال يا رفيق . أنا حاسبة حساباتي منيح  ما تخاف  من ايشي يا البي

 

 

******************************************************

 

 

سألت على عريس حافظ باشا؟

 

ايوة  يا جيلان هانم . الولد فعلا من عيلة كبيرة ونسب عظيم

 

يعني وافقت؟

 

طبعا موافق . طالما غني وهيعيش بنتي في نفس المستوى خلاص . أنا عايز ايه تاني!

 

اطلب منه مجوهرات كتير يليق بمقام عروس جميل

 

طبعا طبعا . لازم اطلب . دي بنت حافظ باشا . هو أنا اي حد ولا ايه!

 

***************
***************
***************

مبروك شريفة ابنة حظرتنا ،  با بّا وافق على عريس

 

وافق !!!!!!!!!! أنا مش شوفت عريس

 

هتشوفيه حالا . تعالي حصليني بنت

 

***************
***************
***************

 

بنسوار

 

أووووووووووه مون ديو . معقول الجمال ده ! تري جولي ههه  اسمحيلي اقبل ايد شريف ماي فير ليدي؟

 

أأأأأأأأأ ايه ده سيب ايدي

 

هههههههههههههه استني بنت شريفة . البنت اتكسف وجري

 

***************
***************
***************

 

ايه شريفة شوفتي عريس؟

 

شوفته عفيفة شوفته

 

شكله ايه احكيلي ، جميل ؟

 

جمييييييييل عفيفة . ورومانسي اوي . تصوري انحنى وباس ايدي وقالي ماي فير ليدي

 

ههههههههههه ومالك فرحانة اوي كدة هههههههههه عقبالي يارب لما حد يبوس ايدي ويقولي ماي فير ليدي

 

***************
***************
***************

 

على فكرة حافظ باشا أنا هاخد عروستي واطير على أوروبا

 

هتقضوا شهر العسل هناك ؟

 

ايوة طبعا . ويمكن نقعد اكتر من شهر . زي ما شريفة تحب

 

ربنا يسعدكو يا ابني

 

الفرح امتى حافظ باشا؟

 

اديني فرصة كمان شهر اكون عزمت كل بشاوات وبكاوات مصر يا ابني

 

شهر كتير كتير اوي حافظ باشا

 

هو شهر مش قبل كدة رفيق بك

 

زي ما تحب حافظ باشا عن اذن حظرتكم

 

***************
***************
***************

 

بهيجة

 

بهيجة هانم من فضلك يا خليل بيه

 

هانم !!!!!!!!!! بيه !!!!!!!!!!!!!!!!!!!!!! انتِ بتتكلمي عن مين . يا بهيجة شوفيلك حل في عطيات ،  دي رافضة تاكل أو  تشرب وحابسة نفسها في اوضتها أنا خايف ع البنت

 

بكرة تنسى والعمل العام ياخدها

 

يا ست حرام عليك . عمل عام ايه وخاص ايه ، انتِ مش دريانة بللي جرا لبنتك!

 

اللي جرالها جرا كتير لغيرها . حصل ايه يعني . خربت الدنيا ولا اتهدت!

 

لا حول ولا قوة الا بالله . هو ايه اللي بيحصلنا ده . مين اللي بيخرب في المجتمع ويهد القيم فيه بالشكل ده؟

 

ما تكبرش الموضوع يا خليل . أنا عندي مؤتمر كمان شوية وهاخدها معايا تغير جو

 

وانت مين قالك اصلا اني موافق انك تروحي

 

موافقتك مش مهمة . احنا في عصر النهضة . عصر المرأة المستقوية . وعشان تعرف اني طيبة هعمل الاكل قبل ما انزل

 

كتر الف خيرك

 

يا ست بهيييييييييييييييييييجة

 

في واحدة بتنادي عليا من بير السلم ، أما اروح اشوف مين يا خلييييييل

 

روحي يختي

 

يا بهيجة هانمممممممممممم

 

افندم يا مستكة هانممممم

 

مش هتنزلي المظاهرة اللي طالعة كمان شوية؟

 

هو في مظاهرة ؟

 

ايوة مطلعينها الستات ضد الانجليز

 

طب استني هخلص طبيخ وانشر الغسيل وانزلك

 

طبيخ وغسيل ايه ؟ مش جوزك عندك؟

 

ايوة

 

طب خليه ينشر الغسيل ولما تيجي ابقي لميه

 

عندك حق خلاص هخلص الطبيخ وانزلك

 

***************
***************
***************

 كنتي  بتكلمي مين يا بهيجة ؟

 

اختي في النضال مستكة هانم

 

مستكة هانم مين؟

 

مرات مبيض النحاس اصلها بتبلغني بمعاد المظاهرة

 

مظاهرة ايه! ودي ايه عرفها بالمظاهرات!

 

أنا عملت اجتماع سري مغلق لسيدات المنطقة المكلومات المضطهدات  عشان يبقوا من العناصر الفعالة في المجتمع

 

ايه الكلام الكبير ده دانتِ ماكنتيش تعرفي تقولي كلمتين على بعض

 

لالالالا أنا بقيت خطيبة مفوهة والفضل لاخواتي في النضال، أما أنادي على عطيات عشان اقولها تيجي معاياااااا

 

 

يا عطيات بنت يا عطيات

 

نعم يا ماما

 

البسي وتعالي معايا عندنا مظاهرة

 

مش عايزة يا ماما ارجوكي سيبيني في حالي سبيني

 

ايه البنت الكئيبة دي! رايح فين يا كمااااال ؟

 

 

رايح انتقم من الكلاب اللي اغتصبوا اختي يا أمي 

 

يا شيخ اقعدلنا على جنب بقى . بتنزل تاخد الطريحة اللي هي وتطلع قفاك يقمر عيش

 

على فكرة يا والدي ابراهيم ابن عمي عرف اللي حصل لعطيات ومصمم يتجوزها

 

بجد ؟؟؟؟؟؟؟؟؟؟ صحيح ؟؟؟؟؟؟؟؟؟؟؟؟ شوفته فين وقولتله ايه وقالك ايه؟؟؟

 

يا والدي ابراهيم بيكافح معايا ويقاوم الانجليز بس ابوس ايدك ما تقولش لأمي عشان هتروح تبلغ عننا

 

وقالي ان عطيات لحمه ودمه وعرضه وهو الاولى بيها ومش هيسيبها تضيع

 

 

طول عمره شهم ونبيل الولد ابراهيم ده

 

تعالي يا بهيجة افرحك . ابراهيم ابن اخويا عايز يتجوز عطيات

 

على جثتي . أنا مش موافقة . ابراهيم دا ايه المفلس الجعان .

 

بقولك ايه يا ست انتِ سيبينا في حالنا . أنا احمد ربنا ان ابن اخويا حس بالمصيبة اللي احنا فيها وهيريح قلبنا من ناحية عطيات

 

يا سلام !. يتجوزها ويقعدها تخدم امه ويبعدها عن العمل الوطني النسائي العظيم ؟ دا مش ممكن ابدا

 

عارفة احسن رد ارده عليكي ايه يا بهيجة هانم؟

 

خير يا خليل افندي

 

انتِ طالق

 

طالق ؟؟؟؟؟؟؟؟؟؟؟؟ يحيا الجلاء يسقط الاستعمار الزوجي الله اكبر والله يا شيخ خير ما فعلت . أنا كنت عايزة اطلبها منك بس كنت خايفة ترفض . طيب هروح  الم هدومي واروح اقعد عند واحدة من اخواتي في النضال عشان نحقق طموحات المرأة في الاستقلال

 

 

***************************************************************

انتهت حلقات هوانم جوزيل

شكرلار على وجود حظرتكم في مدونات 

لا تنسوا ذكر الله والصلاة على الحبيب عليه الصلاة والسلام 

لا إله إلا الله ولا حول ولا قوة إلا بالله 

اللهم صل وسلم وبارك على نبينا محمد 

استغفر الله وأتوب إليه