أم فتحي ( الرابعة)

 

-   تررررررررررررررررررررن ترررررررررررررررررررررررررن 

-   مييييييييييييييييييييييييين 

-   انا هاجر يا طنط

-   هاجر مين؟

-   اخت مروة يا طنط 

-   ما عندناش حد بالإسم ده 

-   يا طنط مروة مرات فتحي 

-   طب استني يللي ع الباب 

-   السلام عليكم 

-   وعليكم السلام اهلا اهلا اهلا ازيك يا حبيبتي 

-   الله يسلمك يا طنط ام فتحي 

-   ازي ماما وبابا وجيرانكو وقرايبكو 

-   كلهم كويسين يا طنط 

-   طيب عن اذنك هندهلك مروة 

-   اتفضلي يا طنط 

˜—–™

-   مروة 

-   نعم يا ماما 

-   زمزم برا 

-   زمزم مين؟

-   زمزم اختك. هو انتِ نسيتي اختك واسم اختك!

-   آآه قصدك هاجر مش زمزم 

-   اهي كلها اسامي بتفكرنا بالحرم وايام الحج الجميلة 

-   ربنا يكتبهالك وتروحي تاني وتالت ان شاء الله يا ماما 

-   ان شاء الله. ربنا يكتبهالي انا وفتحي وانتِ لأ 

˜—–™

-   هجورة حبيبتي ازيك 

-   ازيك يا مورا وحشتيني 

-   مورا وهجورة. عيني علية ماحدش بيدلعني. ابقى ادلع روحي واسمي نفسي ام توحا 

-   شوفي يا مروة عايزاني اعملك ايه 

-   شوفي طنط هتقولك 

-   تحت امرك يا طنط 

-   الأمر لله يا حبيبتي. ليه يابنتي تاعبة نفسك وجاية لحد هنا. مروة مش محتاجة حد يخدمها. انا هنا بخدمها برموش عنية دي زي بنتي واكتر 

-   احنا عارفين طبعا يا طنط بس ماحبناش نتعبك 

-   طب تعالي ابتدي باوضتي بقى عشان قربت تدود 

˜—–™

-   ها يا طنط انا خلصت تنضيف البيت وبقى عشرة على عشرة في حاجة تاني 

-   تسلم ايدك يا زمزم يا حبيبتي 

-   اسمي هاجر يا طنط 

-   تسلمي ويسلم اسمك. مش هتعملنا حاجة ناكلها ولا مابتعرفيش تطبخي؟

-   لأ ازاي بقى بعرف طبعا. ماما علمتنا كلنا الطبيخ وشغل البيت 

-   ايوة ست واعية. علمتكو عشان تصطادوا عرسان بسهولة

˜—–™

-   فتحيييييييييييييييييييييييييييييييي فتوح ازيك يا تيحا

-   مييييييييييييييييييييييييييين معقوووووووووووول ازيك يا أحمد

-   ازيك انت يا فتحي وازي احوالك. مبروك يا عم ع الجواز مع انها متأخرة قوي

-   من ناحية متأخرة فهي فعلا متأخرة على العموم الله يبارك فيك يا ابو حميد وعقبالك

-   الله يخليك يا فتحي

-   جيت من السفر امتى؟

-   لسة واصل من يومين وقلت لازم النهاردة اعدي عليك في الشغل عشان اباركلك

-   واخبار شغلك ايه يا احمد

-   الحمد لله كله تمام

-   اعمل حسابك هتتغدى معايا النهاردة

-   يا عم مافيش داعي انا قلت اجي اشوفك بس عشان واحشني

-   لا والله مستحيل انت هتتغدى معايا. ولا ما وحشكش اكل مصر؟

-   والله كان واحشني جدا واول ما وصلت لقيت الست الوالدة عاملالي كل الاكلات اللي بحبها

-   ربنا يخليهالك. هي صحتها عاملة ايه

-   بخير الحمد لله

-   طيب انا قدامي نص ساعة واخلص شغلي ونروح ان شاء الله. هتصل بالمدام اقولها تعمل حسابك ع الغدا

˜—–™

-   مورا انا خلصت الطبيخ وهمشي بقى

-   طيب استني اشربي حاجة حبيبتي

-   لأ عشان مااتأخرش. هي فين طنط ام فتحي عشان اسلم عليها قبل ما امشي

-   تلاقيها في البلاكونة اصلها بتحب قعدة البلاكونة جدا

-   طيب هروح اسلم عليها

˜—–™

-   انا ماشية يا طنط. عايزة حاجة؟

-   عايزاكي بخير يا حبيبتي شكرا تسلم ايدك على اللي عملتيه النهاردة

-   لا شكر على واجب ياطنط. السلام عليكم

-   وعليكم السلام ورحمة الله يا عسل انتِ. سبحان الله اخوات وكل واحد شكل غير التاني. احلى من مروة الف مروة. الله يسامحك يا فتحي انت وذوقك 

˜—–™

-   تررررررررررررررررن ترررررررررررررررررررن

-   ايه ده مين بيخبط. انا لسة هفتح الباب عشان اخرج لقيته بيخبط

-   تلاقيه فتحي يا هاجر ومعاه واحد صاحبه

-   يوه يا مروة انا اتأخرت وادي جوزك جه وانا موجودة

-   طيب انا هفتح الباب نص فتحة اخرجي جري وانا كمان طيران على اوضتي عشان معاه راجل غريب

-   طب يلا بسرعة

-   السلام عليكم

-   وعليكم السلام

-   مين دي يا فتحي

-   وانت مالك يا جدع انت ههههههههههههه

-   لا بجد والله مين اللي وشها في الارض وخدت السلم جري دي

-   دي اخت المدام

-   ماشاء الله خجولة قوي. انا كنت فاكر الصنف ده انقرض من الاربعينات ههههههههههه

-   لأ الحمدلله الصنف ده موجود وحمايا مربي بناته كلهم على الاخلاق والتدين والحياء

-   مخطوبة؟؟؟؟؟؟؟؟؟؟؟؟؟؟؟؟؟

-   طب ادخل يا احمد اتفضل

-   يزيد فضلك يا فتحي. ها ما قولتليش هي مخطوبة

-   هههههههههه يا بني في ايه

-   بصراحة عجبتني جدا. زي القمر وخجولة كدة وباين عليها صغيرة في السن

-   عندها اتنين وعشرين سنة ولسة متخرجة طازة من كلية الاداب

-   هي خريجة اداب قسم ايه

-   اداب علم نفس

-   الله. عز الطلب. انا عندي عقد نفسية وهي اللي هتحلهالي ان شاء الله

-   هههههههههههه بتتكلم جد صحيح عجبتك قوي كدة؟

-   ايوة وخلاص انا نويت اخطبها ولو سمحت خلي مراتك تتصل بيها تقولها تروح على البيت على طول انا ماعنديش حريم تتأخر برا البيت  وكمان بعد الجواز هنقبها. انا مااطقش حد يبص لمراتي وخصوصا اذا كانت بالجمال ده

-   هههههههههههه ايه يابني خلاص انتِ اعتبرتها مراتك

-   عجبتني عجبتني عجبتني قوي يا فتحي

-   طيب يا سيدي نبقى نتكلم بعدين في الموضوع ده

-   لا بقولك ايه. بعدين ازاي. انا اجازتي قصيرة جدا, انا راجع الكويت كمان شهر وان شاء الله لو حصل نصيب هاخدها معايا

-   طيب خلاص ان شاء الله هتكلم مع المدام بتاعتي وهي تبقى تكلم اهلها تشوف رأيهم ايه واححدلك معاد مع والدها

-   ربنا يخليك يا فتحي. ده جميل مش هنسهولك

-   عيب يا ابو حميد انت ابن حلال وتستاهل كل خير

˜—–™

-   مين اللي عندنا في الصالون يا مروة؟

-   دا واحد صاحب فتحي

-   صاحبه مين؟

-   اللي بيشتغل في الكويت

-   أأه يبقى احمد عبد المنعم بتاع زمان. اما ادخل اسلم عليه

˜—–™

-   السلام عليكم

-   وعليكم السلام ورحمة الله ازيك يا حاجة

-   ازيك انت يا احمد يابني وازي احوالك

-   الحمدلله بخير

-   امك عاملة ايه

-   كويسة بخير الله يخليكي

-   اتجوزت ولا لسة

-   لا لسة

-   خلاص عروستك عندي. عروسة ايه بقى مااقولكش. قمر قمر قمر باين عليك امك دعيالك

-   تقصدي مين يا امي

-   اقصد نسمة بنت خالتك يا فتحي

-   نسمة ايه بس يا امي

-   شوف الواد هيبتدي يحقد عليك يا احمد. اصله اتقدم لنسمة يجي تلات مرات وترفضه. لحد ما جاله اكتئاب  ويأس من الحياة واتجوز مروة

-   لالالالالالالالا يا امي احمد اختار خلاص ولسة شايف عروسته عندنا ع السلم

-   شاف عروسته ع السلم!!! بس ام اسماعيل ما بتفكرش في الجواز  اليومين دول

-   يا امي ام اسماعيل مين بس. انا قصدي على هاجر اخت مروة

-   يا ربي على مروة واخوات مروة. يا عيني عليكي يا نسمة يا بنت اختي. هو انا كل ما احط عيني على عريس لنسمة تيجي مروة واخواتها يخطفوه!

-   النصيب يا حاجة. ادعيلي بس توافق هي ووالدها

-   وهما يطولوا عريس زيك يا احمد يابني قيمة ومركز ويشرح القلب

-   الله يخليكي يا حاجة

-   طب يلا يا ابو حميد عشان نتغدا

˜—–™

-   الله. المدام بتاعتك نفسها حلو قوي في الاكل

-   لأ دي عروستك اللي طبخت هههههههههههه

-   ايه ده. وكمان طباخة هايلة. دانا  امي راضية علية بقى هههههههههه

-   بس انا رأيي تشوف رأي والدتك الاول يا احمد لحسن تكون خاطبالك بنت خالتك انت كمان وانت ماتعرفش هههههههههههه

-   لأ يا عم. انا امي ربنا يبارك فيها مابتتدخلش في اختيارتنا

-   ربنا يقدم مافيه الخير

˜—–™

-   مروة

-   ايوة يا فتحي. ايه ضيفك مشي؟

-   ايوة لسة نازل حالا. على فكرة هاجر عجبته قوي

-   يعني ايه عجبته قوي؟

-   يعني ياستي عايز يخطبها

-   حاجة غريبة قوي. هو لحق يشوفها اصلا عشان يعجب بيها ويقرر يخطبها كمان

-   لأ شافها وشافها كويس قوي وهي خارجة من الشقة وفضل ملاحقها بنظراته لحد ما نزلت السلم

-   حتى لو كانت عجبته ما اعتقدش ان بابا وماما هيوافقوا

-   ليه بقى؟

-   اولا لأن هاجر اصغر من سارة ومش ممكن بابا وماما يوافقوا يجوزوا الصغيرة قبل الكبيرة، ثانيا لان صاحبك بيشتغل برا مصر وبرضو متهيألي مش هيوافقوا ان هاجر تبعد عنهم

-   يا سلام. وحضرتك بقى عمالة تعتقدي وتخمني وهتضيعي فرصة هايلة زي دي من اختك

-   يا فتحي انا بقولك على توقعاتي

-   لأ بقى. ياريت تخلي توقعاتك على جنب وتكلمي باباكي ومامتك واختك على العريس

-   طيب هو انت تعرفه كويس يا فتحي؟

-   طبعا يا بنتي. دا اعز اصدقائي وانسان متدين وملتزم وعلى خلق

-   هو بيشتغل ايه

-   بيشتغل محاسب في شركة ملاحة  ومرتبه كبير

-   مش مهم مرتبه يكون كبير. المهم يكون حنين ورومانسي

-   يا سلام ع الشاعرية. ايه العيلة الرومانسية دي.

-   هو عنده كام سنة

-   اصغر مني بسنة  حوالي اتنين وتلاتين سنة

-   يعني راجل عجوز زيك هههههههههههههههههه

-   يا سلام يختي يعني انتِ اللي صغيرة قوي هههههههههه

-   يوه يا فتحي بلاش احراج بقى ههههههههههه

-   طيب يلا  اتصلي بأهلك

-   لأ ما ينفعش الكلام في التليفون. ماتيجي نروحلوهم؟

-   خلاص يا ستي البسي ونروحلوهم مع ان انا عارف ان الغرض الاساسي انك تشوفي مامتك

-   ماما بتوحشني قوي بجد يا فتحي  وبابا واخواتي كمان

-   طب يلا البسي عشان نروح

˜—–™

-   على فين العزم ان شاء الله؟

-   رايحين عند اهل مروة

-   يا حلاوة. طب ما انتِ حلوة اهو وقادرة تروحي لامك. اومال طول النهار عاملة تعبانة ومش قادرة  وماشية بتتسندي ع الحيطة يعني

-   والله تعبانة بس مضطرة اروح

-   ليه ان شاء الله خير. هي امك عيانة؟

-   بعد الشر على ماما. هو انا ماازورش امي الا اذا كانت عيانة

-   احنا رايحين نكلمهم في موضوع احمد يا أمي

-   يا واد اطلع من دول انت وهي. ال يعني ابوها وامها ما يعرفوش. انتوا متفقين مع بعض من الاول ان امك تبعت اختك عشان صاحب فتحي يشوفها ويخطبها. هو انا مغفلة ولا مغفلة

-   والله ابدا.الموضوع جه بقدر الله يا امي

-   مش مصدقاك

-   طب خلاص على العموم اساسا الموضوع ما يخصناش وهنروح نكلم اصحاب الشأن

-   بس انا مش موافقة ع الجوازة دي

-   وانتِ دخلك ايه بس يا امي!

-   دخلي ايه ازاي. انا حماة اخت العروسة والعريس صاحب ابني. يعني ليا حكم ع الطرفين

-   طيب يا امي عن اذنك عشان نلحق نروح ونيجي على طول

-   ياخويا على طول ولا على عرض انا مالي. بس برضو انا مش موافقة ع الجوازة دي. ما عرفتش امشي كلمتي على ابني يبقى امشيها على صاحبه ان شاء الله 

˜—–™

-   ها يا جماعة ايه رأيكو 

-   والله يا فتحي هو اذا كان بالمواصفات وبالاخلاق دي يبقى انسان ممتاز

-   ايوة يا ابو مروة بس ازاي نجوز هاجر قبل سارة 

-   وفيها ايه يا ام مروة. كل واحد وبياخد نصيبه. وسارة ان شاء الله ربنا يبعتلها ابن الحلال اللي يستاهلها 

-   لأ  انا بصراحة خايفة على مشاعر سارة. ازاي يعني نجوز اختها الصغيرة وهي لسة ما اتخطبتش حتى 

-   اسمحيلي يا حماتي انا مش معاكي. انا رأيي من رأي عمي. ماينفعش تضيعوا فرصة كويسة زي دي من هاجر، وصدقيني احمد ما يتعوضش 

-   لأ لأ لأ يا فتحي يابني حماتك خايفة من بعد بنتها عنها هههههههههه

-   بصراحة ده كمان سبب. يعني يا ناس ابقى في بلد وبنتي في بلد وما اعرفش اطمن عليها واشوفها 

-   يا ام مروة الست مكانها مكان جوزها. وياما بنات بيتجوزوا جنب اهاليهم ومع ذلك اجوازهم في قمة السوء وبيعاملوهم ابشع معاملة ووجود اهلهم مش نافعهم بحاجة، انا ادي بنتي لراجل يصونها ويتغرب بيها ولا اديها لراجل يهينها ووجودي جنبها ما يفيدهاش. الفيصل هو الدين والالتزام مش القرب والبعد 

-   نعم الرأي يا عمي والله 

-   طيب مش نشوف رأي العروسة الاول يا بابا؟

-   ادخليلها يا مروة وكلميها على انفراد 

˜—–™

-   ماقولتليش يا هاجر 

-   نعم يا مروة 

-   ايه رأيك في الشاب اللي شوفتيه النهاردة داخل عندنا 

-   شاب مين وداخل فين. انا ماشوفتش حد 

-   يا بنتي اللي كان مع فتحي 

-   ما اخدتش بالي يا مروة والله. هو في ايه؟

-   اصله عايز يخطبك 

-   هو مين ده وعايز يخطب مين هو ايه الحكاية 

-   بصي يا ستي  الراجل اللي كان مع فتحي ده صاحبه وبيشتغل محاسب في الكويت ومسافر بعد شهر وعايز يتجوزك وياخدك معاه 

-   ايه يا مروة اللي بتقوليه ده. اسافر مع مين. اسافر مع واحد ما اعرفوش واروح بلد غريبة. ايه الكلام ده 

-   بصي بقولك ايه ده انسان هايل بجد وفتحي بيشكر فيه ومعجب بيكي جدا 

-   معجب بيا ازاي وانا ما شوفتوش 

-   ماهو ده اللي عجبه فيكي هههههههههه

-   يعني ايه 

-   عجبتيه عشان خجلك وانك ما بصتيش في وشه حتى وانتِ خارجة فلفتِ نظره ليكي جدا 

-   يا سلام. يقوم يقرر يتجوزني وياخدني ويسافر. بس انا بقى مش موافقة 

-   تبقي عبيطة 

-   ليه بقى 

-   يا بنتي بقولك فتحي مرشحه وبيشكر فيه يعني مش هنرميكي لواحد من الشارع وكمان في ميزة مهمة جداااااااااااااااااااااااااااااااااااااااا

-   ايه هي 

-   انك هتسافري معاه. يعني مافيش حماة تنكد عليكي ولا اخت جوز تقرفك في عيشتك ولا سلفة تقعد كل شوية تخمس في وشك، هتبعدي عن كل الهم ده وهتبقي انتِ وجوزك في بلد لوحدوكو. قمة الرومانسية. يا بختك يا هاجر يا محظوظة يا هاجر هههههههههههههههه

-   هههههههههههههه ايه الحقد ده من اولها يا ست مروة 

-   استخيري يا حبيبتي وردي علينا وكمان اتشاوري مع بابا وماما وربنا يقدم ما فيه الخير 

-   طيب هو اسمه ايه 

-   الله. دانتِ ابتديتي تحنيله بقى ههههههههه 

-   بس بقى يا مروة بتكسف 

-   اسمه احمد يا ستي. الله. هاجر واحمد. اساميكو لايقة على بعضها خالص 

-   عنده كام سنة 

-   عنده اتنين وتلاتين سنة 

-   ايه ده. دا اكبر مني بكتير خالص. عشر سنين بحالهم 

-   مش مشكلة يا حبيبتي. الستات بيعجزوا قبل الرجالة. يعني فرق السن مناسب جدا 

-   خلاص هصلي استخارة  ان شاء الله 

˜—–™

-   تررررررررررررررررررن ترررررررررررررررررررررررن 

-   ايوة يا فتحي 

-   ايوة يا احمد. حددتلك معاد بكرة مع ابو العروسة  الساعة تمانية ونص مساءا وربنا يوفق ان شاء الله 

-   ايوة كدة اهي دي الصحوبية ولا بلاش ههههههههه طيب هات العنوان عشان اخد والدي ووالدتي ونروح بإذن الله

˜—–™

-   فتحي 

-   ايوة يا حبيبتي 

-   شايف التفاح الأمور ده 

-   ايوة شايفه 

-   شكله حلو مش كدة؟

-   تحبي اخدلك صورة جنبه يا حبيبتي ههههههههههه

-   لأ يا سيدي عايزاك تشتريلي عشان بتوحم عليه. ولا انت عايز الواد يطلع في وشه تفاحة 

-   انا عيوني للواد وام الواد. حاضر حبيبتي 

˜—–™

-   تررررررررررررررررن تررررررررررررررررررن 

-   مين 

-   انا فتحي يا امي 

-   السلام عليكم ازيك يا ماما 

-   وعليكم السلام يا الف اهلا وسهلا. اتأخرتوا ليه ان شاء الله 

-   على ما اقنعنا العروسة واهلها 

-   وايه الشنطة اللي في ايدك دي 

-   دا تفاح طلبته مروة 

-   وهو كل اللي تطلبه مروة تجري تجيبهولها. يابني حرام عليك هو انت قاعد على مطبعة فلوس 

-   ياامي دي بتتوحم 

-   يا حلاوة ياخويا. اللي بتتوحم تتوحم على حتة جبنة قديمة ولا شوية فول حيراتي مش تتوحم على تفاح. وجايب كام كيلو؟

-   تلاتة كيلو 

-   ليه ياابني تلاتة كيلو بحالهم تجيبهم للهانم. حرام عليك شقاك ياابني اللي عمال تبعتروا ع اللي يسوا واللي مايسواش ده. جبت الكيلو بكام 

-   بتمنتاشر جنيه 

-   يا وكستك في ابنك يا مديحة. تمنتاشر جنيه الكيلو. استنى احسبهوملك. تمنتاشر وتمنتاشر يبقوا ستة وتلاتين وعليهم تمنتاشر يبقوا!!!!!!!!!!!!!!!!!!! قلبي قلبي مش قادرة اقول.دفعت اربعة وخمسين جنيه في شوية تفاح. حرام عليك يابني. حرام عليك توجع قلب امك. خد الهانم واخفى من وشي الساعة دي

-   حاضر. يلا يا مروة 

-   سيب الشنطة بتاعة التفاح هنا. ولا انت جايبه للأميرة نازلي لوحدها 

-   لأ يا امي هحطه في طبق الفاكهة في السفرة واللي عايز ياكل 

-   أصيل يافتحي يابني

˜—–™

-   صباح الخير يا مروة 

-   صباح النور يا حبيبي 

-   هو التفاح اللي اشتريته راح فين؟ انا لقيت طبق الفاكهة فيه تلات تفاحات بس 

-   اقولك يا حبيبي. انا قلقت بالليل وقومت عشان اشرب لقيت مامتك بتعبي التفاح اللي في السفرة في كيس نايلون وجريت بيه على اوضتها 

-   هههههههههههههههههههه  معقول 

-   معقول ونص 

-   بس امي كريمة برضو سابتلنا تلات تفاحات هههههههههههههه

-   انت بتضحك يا فتحي !

-   معلش يا حبيبتي. ست كبيرة وعقليتها كدة هنعمل ايه. انا هجيبلك غيره ما تزعليش 

-   ماهي برضو هتاخده تخبيه 

-   لأ ما تخافيش. خليه عندك في اوضة النوم 

˜—–™

-   يا مروة 

-   نعم يا ماما 

-   ممكن يا مرات ابني يعني لو مافيهاش رزالة  وقلة ذوق مني تعمليلي كوباية شاي. ولا مرواحك المطبخ فيه خطورة على الاستاذ البيبي كفالله الشر 

-   لأ مافيش خطورة ولا حاجة حاضر 

-   لو فيها خطورة ابعتلك تاكس يوديك ويجيبك من المطبخ ولا يهمك. احنا ما ورناش الا راحتك. انتِ معنا في ايدي امينة 

-   شكرا يا ماما. مالوش لزوم التاكسي. تحت امرك 

-   هي مالها مرات ابني مكشرة في وشي ليه. زي مااكون قتلتيلها قتيل. اه يا مظلومة ياني. بسرعة يختي هو انتِ لسة ماجبتيش الشاي 

˜—–™

-   هاجر 

-   نعم يا ماما 

-   قلتِ لسارة ان جايلك عريس? 

-   لأ 

-   ليه يا حبيبتي ؟

-   بصراحة يا ماما خايفة اقولها لتزعل 

-   تزعل من ايه بس ؟

-   يعني يا ماما عشان هي الكبيرة والمفروض انها تتجوز الاول 

-   لأ مش مفروض ولا حاجة. اللي يجيلها نصيبها الاول هي اللي تتجوز الاول 

-   طيب يا ريت يا ماما تقوليلها انتِ. انا مش قادرة اقولها 

˜—–™

-   سارة حبيبتي 

-   نعم يا ماما 

-   مش تباركي لهجورة 

-   اباركلها على ايه يا ماما 

-   جالها عريس عقبالك 

-   ايه!!! عريس!!! عريس لهاجر 

-   انتِ اتضايقتي يا حبيبتي ؟

-   انا......... لا......... لا انا ما اتضايقتش يا ماما ابدا انا فرحت خالص 

-   انا عارفة انك هتفرحي لاختك يا حبيبتي. عقبال ما افرح بيكي يارب 

-   لكن مين العريس ده وعرفتوه منين ؟

-   صاحب جوز اختك 

-   واشمعنى اختاروله هاجر ؟

-   والله يا بنتي ما حد اختار لحد حاجة. هو شاف هاجر عند مروة وعجبته 

-   اه عشان كدة بقى الاجتماع السري بتاع امبارح بين مروة وهاجر 

-   سارة. انتِ زعلانة. مش كدة؟

-   لا يا ماما. بس كان المفروض هاجر ومروة يقولولي ولا انا مش اختهم يعني 

-   معلش يا حبيبيتي. اديني انا قولتلك اهو. وبعدين احنا حتى لسة ما شوفناش العريس ولا نعرف هنوافق ولا نرفض 

-   كفاية هاجر شافته يا ماما. كفاية رأيها هي 

-   والله ما شافته. هي كانت نازلة من عند اختك وما شافتوش. انتِ عارفة هاجر وخجلها 

-   طيب في حاجة مطلوبة مني يا  ماما. اصلي مشغولة ومش فاضية 

-   لأ يا حبيبتي اسيبك تشوفي اللي وراكي 

˜—–™

-   اهلا وسهلا يا استاذ احمد 

-   اهلا بيك يا عمي 

-   اهلا يا استاذ عبد المنعم اتشرفنا بيك وبالمدام 

-   اهلا بيك يا استاذ صابر. احنا اللي زادنا شرف 

-   فين العروسة يا ام مروة 

-   حاضر هتيجي حالا 

˜—–™

-   يا هاجر 

-   نعم يا ماما 

-   جهزتي ولا لسة 

-   جاهزة يا ماما 

-   طب يلا 

-   يلا ايه 

-   اخرجي عشان تشوفي العريس 

-   يوه يا ماما هو لازم اشوفه؟

-   اومال هتتجوزيه من غير ما تشوفيه !

-   مكسوفة قوي يا ماما. طب هاتيلي صورته وخلاص 

-   يلا يا بنت بلاش دلع 

-   ايه ده انتِ مال ايدك متلجة كدة يا هاجر !يابنتي يلا هو انا هجرجر فيكي كدة لحد الصالون ولا ايه 

-   يلا سمي وادخلي 

-   طيب دخلي سارة بدالي انا متنازلة عنه لاختي 

-   بصي ما تخلنيش اتعصب عليكي يلا خلصيني  اتفضلي ادخلي 

-   طب اقولهم ايه 

-   ما تقوليش حاجة. قولي السلام عليكم واقعدي 

-   طب اقعد فين 

-   يا ربي ياربي 

-   طب خلاص يا ماما حاضر حاضر 

-   ادخلي يا عروسة 

-   السلام عليكم 

-   وعليكم السلام ورحمة الله وبركاته 

-   ماشاء الله 

-   الله. عروستك زي القمر يا احمد 

-   حماتك بتقول عليكي حلوة قوليلها شكرا 

-   مش هقول حاجة يا ماما  انا داخلة اوضتي 

-   يا بنت خدي هنا يا بنت، معلش يا جماعة اصلها مكسوفة انا اسفة خالص 

-   ماشاء الله. ربنا يزيدها حياء يا أم مروة

-   ربنا يخليكي يا ام احمد 

-   والله انا اتشرفت بيكي يا ام مروة 

-   ربنا يخليكي يا حبيبتي 

-   ها   ندخل في الموضوع بقى يا استاذ احمد 

˜—–™

-   ترررررررررررررررررررررن ترررررررررررررررررررررررررررن 

-   الو ايوة يا ماما عملتوا ايه 

-   باركي لاختك وافقت على العريس وابوكي وافق الحمدلله 

-   مبروك مبروك الحمدلله والله فرحتيني يا ماما 

-   هو بصراحة شاب مهذب جدا ما يتخيرش عن فتحي جوزك وارتحناله خالص 

-   هيجيب شبكة بكام 

-   والله انتِ عارفة يا مروة ابوكي مش بيدق على الحاجات دي. لكن العريس قال انه هيجيب شبكة بتلاتين الف 

-   ماشاء الله ماشاء الله. ده واقع لشوشته بقى ههههههههههههههه

-   هاجر طيبة وتستاهل كل خير. وكمان قال انه هيجهز كل حاجة وعايزها بشنطة هدومها 

-   ايه الجمال ده. طب والله فرحتيني اكتر 

-   باباكي بقى قال انه هيجيب لهاجر بفلوس جهازها دهب عشان ما يظلمهاش 

-   بابا ده  ونعم الاب والله ربنا يخليه لينا 

-   بس سارة شكلها متضايقة 

-   انا كنت متوقعة يا ماما. معلش غصب عنها. ربنا يبعتلها ابن الحلال قريب ان شاء الله 

-   يارب يا حبيبتي اسيبك بقى دلوقتي مع السلامة 

-   الله يسلمك يا ماما 

˜—–™

-   فتحيييييييييييييييييييييييييييييييييييييييييييييييييييييييييييييييي تعالى اقولك خبر حلو 

-   خير يا مورا يا حبيبتي

-   هاجر وافقت على العريس خلاص وتخيل هيجيب شبكة بتلاتين الف

-   ماشاء الله الف مبروك ربنا يتمم بخير.

-   هو مييييييييييييييين ده اللي هيجيب شبكة بتلاتين الف جنيه يا فتحي يا بني

-   ده احمد صاحبي هيجيب لهاجر اخت مروة

-   يا نهاري. ضحكو ع الواد واكلوه البالوظة زي ما اكلوهالك. وازاي امه توافق على الكلام الفاضي ده. حموات ايه اللي هتجيبلنا العار وتبوظ سمعتنا دي

-   يا امي واحنا مالنا

-   واحنا مالنا ازاي. اديني نمرة امه يا واد

-   عايزة نمرة امه تعملي بيها ايه بس

-   افهمها ووعيها  باين عليها خام في عالم الحموات. دي زميلة ولازم اقوم معاها بالواجب

-   ربنا يتمملهم بخير

-   اندهلي مراتك اللي اسمها ايه دي

-   تعالي يا مروة كلمي امي

-   نعم يا ماما

-   هو العريس هيجيب كام اوضة وانتو هتجيبوا كام اوضة

-   لأ احنا مش هنجيب حاجة خالص. هياخدها بشنطة هدومها

-   هو انتوا حيلتكو هدوم اصلا عشان تحطوها في شنطة

-   ربنا يسامحك يا ماما

-   ايوة ايوة انا فهمت. اكيد لما جم وشافوا البؤس والفقر والمنطقة  اللي انتو عايشين فيها صعبتوا عليهم ومارضيوش يخلوكوا تبيعوا البلاط عشان تجهزوا البت

-   جرا ايه يا ماما. هما اهلي شحاتين!

-   لأ  جعانين ومش لاقين تاكلوا. فقر وعنطزة. امك يوم فرحك كانت لابسة عباية واسعة زي البحر عليها. تلاقيها كانت شحتاها وتاني يوم رجعتها لاصحابها

-   شايف كلام مامتك عن اهلي؟

-   معلش يا حبيبتي فوتي

-   والله انا مش عارفة افوت ايه ولا ايه انا زهقت 

˜—–™

-   تررررررررررررررررررررررررررررن تررررررررررررررررررررررن 

-   الو ايوة يا احمد 

-   ازيك يا استاذ فتحي يا عديلي ههههههههههههههه

-   ههههههههههههههههه باين عليك هتقع في اربيزي العمر كله. واهي ختمت بإننا اتجوزنا اختين 

-   ربنا يديم المعروف يا عم ان شاء الله 

-   ها  ما قولتليش انطباع اهلك عن اهل هاجر 

-   امي مبسوطة جدا وطايرة بأم هاجر وعمالة تقولي انا حبيتها جدا ست طيبة وبنت حلال 

-   سبحان الله نفس رأي أمي فيها 

-   وكمان والدي معجب بوالد هاجر واخلاقه وتربيته لبناته 

-   ايوة فعلا عمي راجل محترم بجد وانسان هايل. ورأيهم ايه في العروسة 

-   نفس رأي ابنهم طبعا هههههههههههه

-   ربنا يتمملك بخير ان شاء الله 

-   ان شاء الله. اتفقنا هنكتب الكتاب الجمعة الجاية عشان كمان نلحق نخلص اجراءات السفر لهاجر 

-   الف مبروك يا احمد. وياترى انا معزوم انا والمدام ولا لأ ههههههههههههه

-   هفكر وارد عليك ههههههههههههه

-   هههههههههههه ماشي ياسيدي. 

˜—–™

-   امي ,يا امي ,انتِ فين يا امي 

-   انا هنا يا فتحي يا حبيبي. قاعدة في البلكونة وعايزة اشرب شاي ومش لاقية حد يعملي 

-   لأ ازاي بقى. انا هروح اعمل كوبايتين شاي واجي اقعد معاكي ونحكي مع بعض للصبح زي زمان 

-   الله. كانت ايام حلوة. قبل ماتيجي واحدة تشاركني فيك 

-   هو في حد يقدر يشاركني فيك يا جميل. انت اللي في القلب يا باشا ومالكش شريك ههههههههههه

-   ربنا يخليك يا حبيبي ويجبر بخاطرك 

-   طيب هروح اعمل الشاي واجي 

-   تيجي لوحدك اوعى تجرجرلي حد معاك 

-   هههههههههههه لأ ما تخافيش مروة نامت 

-   احسن برضو عملت طيب 

˜—–™

-   الشااااااااااااااااااااااااااااااااااي يا ام فتحي يا قمر 

-   هات يا حبيبي تسلم ايدك 

-   كنت عايز اتكلم معاكي شوية يا امي في موضوع كدة 

-   خير يا حبيبي. عايز تتجوز على مراتك. من عيوني. الصبح اجيبلك ست ستها 

-   لأ يا امي انا بصراحة زعلان من طريقة كلامك عن اهل مروة 

-   هو انا قلت حاجة غلط يابني. انا بوصفهم بالاوصاف المناسبة 

-   يا امي مايصحش تقولي المنطقة اللي هما فيها مش حلوة وتنقصي من قدر ابوها وامها بالشكل ده 

-   انا يابني ما نقصتش ولا زودت انا شهدت بللي اعرفه عنهم 

-   غلط يا امي كدة يا حبيبتي دول مهما كان اهلها وهي ماتحبش حد يغلط فيهم 

-   جرا ايه يا فتحي هي الست هانم سلطتك على امك ولا ايه 

-   مروة مالهاش دعوة 

-   اومال مين اللي ليه دعوة. انت جاي تحاكمني ولا ايه يا فتحي. ايه يابني هو انت هتحجر على لساني. احط كمامة على بقى ومااتكلمش. مااخدش حريتي في بيتي ولا ايه 

-   يا امي انا مااقصدش والله. انا بس عايز العلاقة بينكم تكون كويسة 

-   بلا علاقة بلا نيلة. قوم يا واد من هنا وهات الكوباية اللي ايدك دي والله ما انت شارب شاي ولا قاعد معايا. يلا امشي لحسن احميك بالمية اللي في البراد دي 

-   عن اذنك يا امي تصبحي على خير 

-   ال خلاص الواد كبر وطلعله شنب وجاي يحاكمني. هو انت لولايا كان طلعلك شنب ولا بقيت راجل. ال ربي يا خايبة للغايبة

˜—–™

-   تن تن تن 

-   ميييييييييين 

-   افتحي يا مروة انا ماما يا حبيبتي 

-   ماماااااااااااااااااااااااااااا ايه المفاجأة الجميلة دي يا حبيبتي وحشتيني 

-   هو انا لحقت اوحشك يا بكاشة 

-   والله يا ماما لما يعدي يوم مش بشوفك فيه بحس اني هتجنن واشوفك 

-   ربنا مايحرمنيش منك يا حبيبتي، فين حماتك. انا جاية اعزمها على كتب كتاب هاجر 

-   طيب ما كنتي اتصلتي بيها بدل ما تتعبي نفسك وتيجي يا ماما 

-   ما يصحش يا حبيبتي. انا قلت اقدرها واجي بنفسي اعزمها 

-   كلك ذوق والله يا ماما. اتفضلي في الصالون هندهالك حالا 

˜—–™

-   ماما 

-   عايزة ايه يختي 

-   ماما برا  جاية تعزمك على فرح هاجر 

-   يا سلام. دي بتفهم في الاصول بقى على كدة 

˜—–™

-   اهلا اهلا اهلا ام مروة يا الف خطوة عزيزة 

-   اهلا يا ام فتحي ازيك يا حبيبتي 

-   الله يسلمك من كل وحش. ايه يختي الغيبة الطويلة دي. بقالنا كتير ما شوفناكيش 

-   مشاغل بقى يا ام فتحي. بس على طول بوصلك السلام مع مروة 

-   الله يسلمك يا حبيبتي يا الف اهلا وسهلا. مروة يا حبيبتي يا مرات ابني 

-   ايه!!!!!! حضرتك بتكلميني!!!!!!!!

-   ايوة يا حتة من قلبي. شوفي ماماتك تشرب ايه 

-   تشربي ايه يا ماما 

-   فنجان قهوة مظبوط يا مروة 

-   حاضر يا ماما 

-   بس القهوة وحشة ع الضغط يا ام مروة 

-   انا الحمدلله ما عنديش ضغط 

-   ما عندكيش ضغط! ولا سكر؟

-   الحمدلله ولا سكر 

-   اومال عندك ايه؟

-   الحمدلله ربنا معافيني ماعنديش حاجة بفضل الله 

-   انا بقى عندي الضغط والروماتيزم ورجلي طول الليل تنئح علية عقبال عندك 

-   سلامتك الف سلامة ربنا يشفيكي ويعافيكي 

-   آمين يارب 

-   وازي غادة وهالة ودينا وولادهم 

-   بخير الحمدلله كلهم كويسين 

-   والاستاذ ممدوح ومراته وولاده 

-   ممدوح كويس بس مراته تخينة قوي. بتاكل زي الغيلان بعيد عنك. 

-   يا ستي مطرح ما يسري يمري 

-   هو بيمري ولا بيتمر يختي. ستات تجيب المرض. هو انا جالي الضغط من شوية 

-   ربنا يصلح حال الجميع ان شاء الله 

-   اتفضلي القهوة يا ماما 

-   تسلم ايدك يا حبيبتي 

-   والله يا ام مروة انتِ غالية عندي قوي ودايما اشكر فيكي. حتى اسألي مروة كدة، لو انا كدابة تكدبني. ولا ايه يا مروة 

-   نعم!!!! اه اه طبعا طبعا 

-   طب دانا اول ماشوفتك يا ام مروة قلت ام مروة دي مش هتبقى حماة ابني بس دي هتبقى اختي الكبيرة 

-   اختك الكبيرة!!!!!!!!!!!!!! شكرا يا حبيبتي 

-   بس يا ماما على فكرة مامتي عندها سبعة واربعين سنة وممدوح عنده اتين واربعين سنة تبقى ازاي اختك الكبيرة 

-   شوفتي بنتك وطولة لسانها. يعني قصدك ايه يا يختي. قصدك ان امك من دور ولادي 

-   لالالالا يا ام فتحي ماتقصدش. مروة وبعدين. يابنتي عاملوا الناس على قدر عقولهم 

-   يا ماما دي عندها يجي ستين سنة ازاي تقول عليكي اختها الكبيرة 

-   يا ستي انا جدتها كمان اذا كان ده يريحها. اسكتي بقى 

-   منورة يا ام مروة 

-   نورك يا ام فتحي. على فكرة كتب كتاب هاجر يوم الجمعة ان شاء الله ولازم تشرفينا 

-   الف مليون مبروك فرحتلها قوي قوي قوي وخصوصا بالشبكة الغالية اللي هي تستاهلها. دنيا حظوظ 

-   الله يبارك فيكي ويخليكي. في انتظارك ان شاء الله. عن اذنك 

-   مع السلامة يا حبيبتي ابقى تعالي ماتغبيش 

-   الله يسلمك 

-   مع السلامة يا ماما 

-   انتِ بقى اياك تعارضي كلام حماتك ولا تغلطيها فاهمة ولا لأ. ولا انتِ غاوية مشاكل ووجع قلب !

-   حاضر يا ماما 

-   سلمي على فتحي 

-   الله يسلمك يا ماما مع السلامة 

˜—–™

-   شوفت حماتك يا فتحي 

-   مالها يا امي خير زعلتك في حاجة بعد الشر 

-   لا والله دي طلعت اصيلة وكلها ذوق 

-   الحمدلله 

-   انا ندمانة على الكلام اللي قولته عنها بصراحة وزعلانة من نفسي قوي وضميري مأنبني  وماعرفتش انام طول الليل 

-   طب الحمد

-   انت بتحمد ربنا عشان ضميري مأنبني ومانمتش يا فتحي؟

-   لا والله يا امي انا بحمد ربنا ان قلبك صفي لحماتي 

-   هو ما صفيش قوي يعني بس احسن من الاول 

-   خير يا امي الحمدلله 

-   تصدق. خالتك سهير بقالي يجي تلات شهور ما اعرفش عنها حاجة وخايفة اقولها ان مراتك حامل 

-   ليه يعني. هي دي حاجة هتستخبى 

-   اصل انت ماتعرفش سهير. دي ممكن لو عرفت ان مراتك حامل تأجر عصابة تخطفها وتخلص عليها 

-   اعوذ بالله يا حفيظ يارب. كل ده من الحقد وسواد القلوب. فيها ايه يعني لو اتمنت للناس امنيات طيبة. يمكن ساعتها ربنا يكرم بنتها 

-   امنيات طيبة من سهير. دا انت متفائل قوي. يا ترى عاملة ايه يا سهير يختي انتِ ونسمة 

˜—–™

-   نسمة 

-   نسومة 

-   تعالي يا حبيبة ماما جايبالك خبر ماحصلش ولا هيحصل بعد كدة. حدث تاريخي 

-   في ايه يا ماما 

-   جالك عريس يا حبيبتي جالك عريس 

-   بجد يا ماما. مين هو فرحيني 

-   عارفة المعلم فرج بتاع الفراخ اللي على ناصية شارعنا 

-   ايوة بشوفه لما بكون معاكي بنشتري فراخ. ماله ده 

-   ما له ازاي. هو ده العريبس 

-   يا خبر مش فايت. ازاي الكلام ده. ازاي يتجرأ اصلا ويطلب طلب زي ده 

-   طب اسكتي بس اما احكيلك. النهاردة وانا بشتري الفراخ قالي عايز اسألك سؤال يا مودام 

-   قولتيله خير يا معلم 

-   قالي هي الكتكوتة البيضا اللي كانت معاكي دي تبقى مين 

-   قولتله بنتي اللي طلعت بيها من الدنيا 

-   قالي عدم اللامؤاخذة هي متجوزة 

-   قولتله لأ. قالي اصل عايز اتأهل وادخل دنيا ومش هلاقي احسن من بنتك 

-   انتِ بتقولي ايه يا ماما. انتِ بتتكلمي ازاي. انتِ عايزة فتحي ومراته يشمتوا فيا. يعني مروة اللي انا برقبتها تتجوز محاسب في شركة كبيرة وانا اتجوز فرارجي! 

-   يا دي فتحي وسنين فتحي. هو كان عبرك واحنا قلنا لأ!. مش سابك تخبطي راسك في الحيط وراح اتجوز 

-   ولو يا ماما. انا بقى لما اتجوز لازم اتجوز واحد اغيظ بيه فتحي. مش فرج الفرارجي 

-   يابنتي فتحي ايه وخيبة ايه. هو كان فتحي هيأكلك فراخ قد اللي هيأكلهالك المعلم فرج. انتِ عارفة الفرخة بكام. يا بنتي دا هيغرقنا فراخ وبيض، البيض هيبقى عندك بالكراتين تسلقي وتعملي الاومليت اللي بتحبيه والبيض العيون. دا بالنسبة لوجبة الفطار، ع الغدا بقى براحتك تعملي بط تعملي  وز تعملي ارانب انتِ حرة  تاكلي والباقي ابعتيه لامك 

-   يا ماما يا ماما الاكل والشرب مش كل حاجة 

-   لأ كل حاجة. هناكل على حساب المعلم ونحوش. يا بنتي احنا فلوسنا ضايعة ع الفراخ والبيض. يعني لو وفرنا تمنهم ممكن نشتري دهب ولا حتة ارض ونبقى من اصحاب الاملاك 

-   انا مش موافقة انا خريجة جامعة وده شكله اصلا مش متعلم 

-   لا متعلم خارج من ستة ابتدائي  وماحدش زيه 

-   يا ماما حرام عليكي انا اصحابي متجوزين دكاترة ومهندسين 

-   يا بنتي يا حبيبتي الدكاترة ريحتهم بنج وطول النهار يخرجوا من عملية يخشوا عملية والمهندسين طول النهار لابسين الخوذة الحديد ومقضين اليوم في المواقع ومش فاضين لستاتهم، لكن ده راجل بيتعامل مع الطيور يعني رومانسي ورقيق وكله عواطف 

-   انا مش موافقة. ده عريس مش مناسب 

-   انا بقى موافقة ورأيي هو اللي هيمشي. كفاية ابوكي اللي من ساعة ماطلقني وهو رامي همك علية ومابيسألش عليكي ولا معبرك. انا خلاص تعبت 

-   هو عشان تعبتي مني تقومي ترميني الرمية دي 

-   بقولك ايه انا مش عايزة اسمع كلام. الراجل جاي بكرا هو وامه 

-   كمان امه عايشة!

-   احمدي ربنا هيبقالك حما زي بقيت الخلق 

˜—–™

-   ترررررررررررررررررن ترررررررررررررررررررررن

-   مين

-   المعلم فرج يا تنت أمو نوسمة

-   اهلا اهلا اهلا يا معلم اهلا وسهلا ازيك يا حاجة ام فرج

-   اسمي الحاجة بطة يختي

-   اهلا بيكي يا حاجة اهلا وسهلا

-   استني ما تقفليش الباب يا تنت. الصبي بتاعي معاه قفص فراخ بلدي هدية من المحل عربون محبة وقبول. ادخل يا مرزوق

-   احط القفص فين يا معلمي؟

-   اسأل تنت أم نوسمة

-   ايه الهنا والعز دا كله. دخله المطبخ يا خويا  على ايدك اليمين. تعيش وتجيب يا معلم

-   توشكري يا تنت. اومال فين الكتكوتة؟

-   حاضر هندهلها حالا. نورتونا

-   نورك يا تنت

˜—–™

-   تعالي يا نسمة سلمي على العريس وامه

-   اهيه ياما اهيه الانوسة نوسمة اهيه

-   هي مالها عاملة زي الفرخة الدايخة كدة

-   سلمي يا نسمة يا حبيبتي

-   ازيكو

-   مافيش زينا حد يا عروسة ابني

-   ايه رأيك ياما في الانوسة نوسمة

-   بصراحة يا ام العروسة المعلم فرج ابني عمال يحكي ويتحاكي عن نسمة وجمال نسمة بس بصراحة خدنا فيها مقلب

-   نعم. كمان مش عجباكي

-   بس يا نسمة. قصدك ايه يا حاجة بطة

-   بصي يا حبيبتي انا عمري ما اتدخلت لعيل من عيالي في جوازة. بسيبهم يختاروا براحتهم ويشيلوا الطين

-   كلك ذوق

-   امي ما تقصدش يا تنت ام نوسمة. هي بس ابوها كهربائي وكلامها صادم للعواتف

-   عواتف!. شوفتي العواتف دي ياست ماما. دا مابيعرفش يتكلم. جاهل جاهل يا ناس

-   اسكتي خالص هتتجوزيه يعني هتتجوزيه. ندخل في الموضوع بقى يا معلم

-   موضوع ايه يا ام العروسة. هو انتوا ماعندكوش رجالة يتكلموا مع المعلم فرج ابني ولا ايه؟

-   احنا يا حبيبتي عيلتنا كلها رجالة

-   هما فين يا حبيبتي ماشوفناش منهم ولا واحد يعني

-   هتشوفيهم ان شاء الله

-   هي ابوها ميت يختي؟

-   لأ ابوها مطلقني

-   وطلقك ليه ان شاء الله؟

-   وانتِ ايه دخلك في الموضوع ده

-   دخلي يعني ايه. دا نسب ولازم اعرف كل حاجة

-   جرا ايه يا اما هو انا كل مااروح اشوف عروسة تبوظيلي الموضوع. حقك عليا يا حوماتي

-   الله يجبر بخاطرك يا خويا

-   طب احنا هنأجل الكلام لحد ما تجيبولنا شنب نقعد معاه. بالإذن

-   اذنك معاك ياخويا........هعمل ايه واسوي ايه. مش هينفع اكلم ابوها. دا رميها ومابيسألش فيها. اكلم مين اكلم مين. هكلم مديحة اختي حبيبتي تتصرف وتقف جنبي 

-   تررررررررررررررررررررن تررررررررررررررررررررررررررررررن 

-   الو ايوة يا سهير يختي يا حبيبتي وحشتيني 

-   ازيك يا مديحة 

-   الحمدلله بخير 

-   انا متصلة افرحك 

-   خير يختي فرحيني. غيرتي سيراميك الحمام؟

-   لأ يا مديحة. نسمة بنتي جالها عريس 

-   لالالالالالالالالالالالالالالالالالالالالالالا ازغرط يا ولاد ولا اعمل ايه. ايه الخبر الحلو ده. اخيرا بعد طول انتظار. مين العريس ده 

-   عريس ولا كل العرسان راجل غني ومريش 

-   مريش! عنده كام ريشة يعني ؟

-   ريش كتير قوي قوي ما تعديش اصله تاجر دواجن 

-   تاجر دواجن! فرارجي يعني. وده معقول. ونسمة رضيت؟

-   كفاية انا راضية. بقولك راجل غني غني قوي مش صدمان وكحيان ومش لاقي ياكل زي ابنك 

-   طب يختي كتر خيرك. دي حاجة تفرحني لما اشوف نسمة بنت اختي مبسوطة. وده عنده شقة ؟

-   عنده عمارة سبع تدوار ساكن فيها هو وطيوره 

-   ويسكن فيها هو وطيوره ليه. هو مالوش أهل؟

-   ليه اهل وعزوة وناس. عريس ملو هدومه.واخد دور في العمارة للفراخ ودور للبط ودور للوز ودور للارانب وسايب دور فاضي عشان ناوي يتاجر في المعيز، والدورين الاخرانين عاملهم فيلا 

-   فيلا ايه يختي اللي تحتها زريبة دي. دا الواحد يخاف يروح يزورها لجدي ينطحه ولا فرخة تنقره. ابقى اباركلها بالتليفون 

-   انا متصلة بيكي عشان اقولك هاتي فتحي وممدوح عشان يتفقوا مع المعلم فرج 

-   يتفقوا معاه بصفتهم ايه? 

-   بصفتهم ولاد خالتها 

-   بس دول مش عصب يا سهير. لازم ابوها واعمامها ولو مش موجودين يبقى حد من ولادهم لكن اهل امها ما ينفعوش 

-   كدة برضو يا مديحة. انتِ بتتخلي عني في وقت زنقة 

-   يا حبيبتي دا شرع ودين. كلمي ابوها ولا خلي حد يكلمه. لكن احنا ماننفعش 

-   تصدقي انا عارفة انك هتستندلي معايا زي عوايدك. روحي منك لله يا شيخة 

-   استني يا سهير استني ماتقفليش. الله يسامحك يا سهير قفلت برضو. هو جوزك طلقك من شوية !

-   كنتِ بتكلمي مين يا امي ؟

-   خالتك سهير. نسمة جالها عريس 

-   عريس! اخيييييييييييييييييييييييييييييييرا الحمدلله. وبيشتغل ايه 

-   فرارجي بتاع فراخ 

-   هههههههههههههههه وده هيقعدها في شقة ولا في تقفيصة ههههههههههههه

-   بقولك ايه يا واد انت انا مش ناقصاك 

-   هههههههههههههه اصل مش متخيل ان نسمة اللي طالعة فيها ومناخيرها في السما دي تتجوز فرارجي 

-   ايوة ماهو انت لا منك ولا كفاية شرك. يعني رفضت تتجوزها وكمان لما يجيلها عريس تتريئ عليه !

-   يا ستي انا هتتريئ عليه ليه يعني. انا عندي واحد صاحبي وابوه فرارجي، عادي يعني الشغلانة مش عيب. العيب انه يكون مش مناسب ليها 

-   كانت عايزاك تروح تتفق معاه انت وممدوح وانا قولتليها ما ينفعش لازم ابوها او حد من العصب 

-   ماشاء الله عليكي يا ست الشيخة ام فتحي هههههههههه عرفتي الكلام ده منين 

-   من الشيخ في برنامج الفتاوى 

-   فعلا البرامج دي مفيدة جدا وبتعلم الناس ازاي يطبقوا الدين في كل مواقف الحياة 

-   بس خالتك ماعجبهاش الكلام وقفلت السكة في وشي 

-   ههههههههههههه دا العادي بتاع خالتي. مافيش مكالمة بتنتهي بينكو الا بالطريقة دي 

-   فين الست هانم مراتك. مش هتغدينا السنة دي ولا نستنى السنة الجاية ؟

-   هدخلها المطبخ 

-   اياك تساعدها ولا تشيل معاها طبق فاهم ولا لأ 

˜—–™

-   خلصتي يا مروة 

-   ايوة يا حبيبي حالا هحط الاكل ع السفرة

-   نسمة جالها عريس 

-   معقول. طيب الحمدلله انها هتشيلك من دماغها 

-   بس تخيلي هيجوزوها لفرارجي 

-   ايه ده. ليه كدة. طب هو متعلم؟

-   ما اعتقدش 

-   طيب ازاي مامتها توافق وهي ازاي توافق 

-   شكلها مضطرة تقبل عشان قلة العرسان 

-   يا عيني! والله رغم اني مش بحبها وخصوصا لما عرفت انها عايزة تلطش جوزي حبيبي بس صعبت عليا خالص. المفروض ترفض وتستنى الزوج المناسب 

-   مالناش دعوة يا حبيبتي كل واحد حر في حياته 

-   يا مرووووووووووووووووووووووووووووووووووووووووة الغدا فين. دا ايه وجع القلب ده 

-   يا مامي اوعى يا فتحي خليني احط الاكل ع السفرة بسرعة انا مش عايزة اتنكد 

-   ههههههههههههه يا جبانة 

˜—–™

-   يااااااااااااااااااااااااه يا فتحي تعبت تعب النهاردة. شغل البيت هد حيلي 

-   حبيبتي 

-   نعم 

-   بحبِك

-   بحبك يا حبيبي 

-   وحشتيني

-   وحشتني

-   طيب ما.......................

-   يا فتحيييييييييييييييييييييييييييييييييي يابني تعالى شوف الدش مش عايز يشتغل ليه

-   يووووووووووووه هو ده وقته يا امي. الواحد مايعرفش يقول لمراته كلمتين حلوين

-   اخرج يا فتحي روح كلم مامتك. بتتعامل معاك زي ماتكون راجل مش متجوز وليك ست وليها حقوق

-   يا فتحييييييييييييييييييييييييييييييييييييييييييييييييييييييييييييييييييييييي انت نمت ولا ايه تعالى شوف الدش عايزة اتفرج ع المصارعة الحرة مش عارفة

-   حااااااااااااااااااااضر يا امي حاضر استغفر الله العظيم

˜—–™

-   خير يا امي

-   القناة بتاعة المصارعة مش شغالة

-   يا امي شوفي قناة تانية

-   بحب اتفرج ع المصارعة قبل ما انام والا ما يجليش نوم

-   حاضر يا امي

-   شكل الدش عايز يتظبط من فوق السطح

-   طب اطلع اظبطه

-   يا امي الوقت اتأخر يا حبيبتي. بكرة بعد مااجي من الشغل هطلع اظبطلك الدش

-   لا اطلع دلوقتي ولو بتخاف من الضلمة خد معاك شمعة

-   ولا شمعة ولا غيره حاضر هطلع

˜—–™

-   ايه يا امي قناة المصارعة اشتغلت؟. امي 

-   أخخخخخخخخخخخخخخخخخخخخخخخخ  

-   انتِ نمتي يا امي!.. طب اما ادخل الحق مروة 

˜—–™

-   مروة حبيبتي انا جيت 

-   ايه ده انتِ كمان نمتِ يا مروة. الله يسامحك يا امي الله يسامحك 

˜—–™

-   ترررررررررررررررررررررررن تررررررررررررررررررررن 

-   الو 

-   ايوة يا سي منصور 

-   مين بيتكلم 

-   طليقتك 

-   ايه ده انتِ لسة عايشة ؟

-   عايشة غصب عنك 

-   ازيك يا سهير وازي الواد 

-   واد مين يا راجل انت؟

-   ابننا يا سهير. هو في سنة كام دلوقتي? 

-   يا راجل انت انا مخلفة منك بنت مافيش غيرها مش واد 

-   آآآه ايوة ايوة افتكرت. كان اسمها............... مش فاكر. باين كان اسمها سوسن. هو كان اسمها فيه حرف السين مش عارف اوله ولا اخره 

-   اسمها نسمة يا سي منصور. طبعا ماانت ليك حق. خلفتها ورميتها 

-   هو انا رميتها في الشارع!. ما انا سايبهالك تربيها 

-   سايبهالي من غير ولا مليم. وبقيت ابيع في دهبي حتة حتة ولولا اختي مديحة ما كنتش عرفت اصرف عليها ولا اربيها 

-   يا حفيظ عليكي وعلى سواد قلبك يا سهير. انسي بقى الماضي وجراحه. هي البت في سنة كام ؟

-   بنتك اتخرجت من الجامعة من ست سنين 

-   ماشاء الله. واتجوزت ولا لسة ?

-   ماهو انا متصلة بيك عشان كدة 

-   لا بقولك ايه انا مامعيش فلوس اجهز الله يرضى عليكي انا راجل صاحب عيال 

-   وهي دي مش بنتك زيهم برضو!. على العموم مش عايزين منك حاجة. عايزينك بس تيجي تتفق مع عريسها وتحضر كتب الكتاب 

-   اذا كان كدة ماشي اجيلكو على عنية 

-   خلاص هحدد معاد مع العريس واتصل ابلغك

-   ان شاء الله يا ام نسمة مع السلامة 

-   كنت بتكلم مين يا منصور ؟

-   بكلم سهير طليقتي 

-   يا سلام! ودي ايه اللي فكرها بيك ان شاء الله. عايزة ترجع المية لمجاريها ولا ايه 

-   يا ستي لا مية ولا مجاريها. اصل البت جالها عريس وعايزيني عشان كدة 

-   ايوة ايوة فهمت. اكيد متصلة بيك عشان تدفع فلوس الجهاز. والله يا منصور لو دفعت مليم في الجوازة دي لكون لامة هدومي وواخدة العيال ورايحة عند اهلي ومش هتشوف وشي تاني، انا ولادي اولى بالفلوس دي. طليقتك وبنتها مالهومش عندنا حاجة 

-   ومين قالك يا كريمة اني هتدفع حاجة. انا هروح امضي على العقد واجي. مسافة السكة يعني 

-   مش مصدقاك. انا هروح معاك عشان اشوف بنفسي 

-   بقولك ايه لو جيتي يبقى انتِ الجانية على نفسك. وقسما بالله لو سهير مدت ايدها عليكي ما هحوش عنك. اصل انتِ ما تعرفيش سهير. ست مفترية وايدها طرشة 

-   وانت عرفت منين ان ايدها طرشة. شكلها كانت قايمة معاك بالواجب يا سيد الرجالة 

-   فشر. انتِ بتقولي ايه!. ان عمري ما انضربت الم من سهير الا ورديتهولها. انا ما انضربش واسكت. كنت باخد حقي في ساعتها، انا كنت اخد منها الروسية ادوخ واقع في الارض لكن اقف تاني على رجلي اقوى من الاول وكنت ابصلها بكل قوة واقولها منك لله هتروحي من ربنا فين يا مفترية، ولا كان بيهمني منها. عشان تعرفي ان جوزك اسد يا كريمة 

-   ماشاء الله عليك يا غضنفر. بس برضو هروح معاك. انا كمان زيك ما بخافش من سهير 

-   الله يرحمك يا كريمة يا حبيبتي 

˜—–™

-   يا سارة 

-   سارة 

-   نعم يا هاجر 

-   تفتكري البس ايه لكتب الكتاب 

-   يا بنتي ماعندكيش اي حاجة مناسبة. تعالي ننزل نشتريلك فستان جديد. وفرصة انا كمان بالمرة اجيب فستان جديد ههههههههه

-   هههههههههه ان شاء الله تجيبي فستان فرحك قريب يا سارة 

-   ربنا يخليكي يا هجورة. الف مبروك يا حبيبتي 

-   الله يبارك فيكي يا اختي يا حبيبتي. اعملي حسابك هتلفي معايا ع المحلات الايام الجاية عشان اشتري هدوم كتير للسفر وحاجاتي الخاصة 

-   طبعا يا حبيبتي. اومال مين يعني هينقيلك هدومك غيري 

-   ربنا مايحرمنيش منك يارب يا سارة 

˜—–™

-   يلا يا فتحي جهزت ولا لسة 

-   حالا اهو يا مروة 

-   هي ماما لبست ولا لسة؟هنتأخر على كتب الكتاب,يا ماما لبستي ولا لسة؟ 

-   ايوة انا جاهزة اهو. رغم ان رجلي وجعاني ومش قادرة بس هروح عشان خاطر امك جاتلي لحد هنا 

-   يعني عشان خاطر ماما لوحدها. هو انا ماليش خاطر عندك 

-   بصراحة ما لكيش. بس زي بعضه امك تستاهل كل خير 

-   الله. ايه الكلام الحلو اللي بتقوليه على ماما ده 

-   بصراحة امك تغلب الواحد بذوقها وطيبة قلبها. مش عارفة انتِ طالعة عقربة لمين 

˜—–™

-   لووولووووووووووووووووووووووووووووووووووووووووولييييييييييييييييييييييييييييييييي لوولووووووووووووووووووووووووووووووووويييييييييييييييييييييييييييييييييييييييييييييي

-   الف مبروك يا هاجر الف مبروك يا احمد 

-   الف مبروك يا عرسانا يا حلوين 

-   الله يبارك فيكو يا جماعة 

-   مبروك يا هجورة 

-   الله يبارك فيكِ يا سارة عقبالك يارب 

-   مبروك يا هجورتي 

-   الله يبارك فيكي يا مروة يا اختي، هي فين ماما؟

-   قاعدة بتعيط على جنب اهيه ههههههههههههه

-   يا عيني. هي بتعيط عشان ايه بالظبط. عشان انا اتجوزت ولا عشان هسافر واسيبها 

-   انا هروح اشوفها انا وسارة  وانتِ خليكي مع عريسك

˜—–™

-   ماما حبيبتي انتِ سايبة المعازيم لوحدهم ومارحبتيش بحد 

-   حاضر حاضر يا مروة انا جاية حالا 

-   بتعيطي ليه بس ياماما. كدة هاجر هتتنكد 

-   هي مين دي اللي هتتنكد يا مروة. بصي كدة على هاجر نازلة ضحك وهزار مع عريسها وناسية الدنيا بللي فيها هههههههههههه

-   هههههههههههه اه والله على رأيك يا سارة. شوفتي بقى يا ماما انتِ اللي متنكدة لوحدك 

-   ربنا يهنيها ويسعدها يارب 

-   يارب يا ماما

˜—–™

-   مبروك يا ابو حميد 

-   الله يبارك فيك يا فتحي  ربنا يخليك 

-   فين عروسة ابني الغالية. مبروك يا هاجر يا حبيبتي 

-   الله يبارك فيكي يا طنط 

-   ماما. قوليلي ماما. ولا انتِ مش معتبراني زي ماما 

-   لأ ازاي بقى يا طنط ههههههههه قصدي يا ماما 

-   اتفضلي يا حبيبتي. الخاتم دي هديتي ليكي. يارب ذوقي يعجبك 

-   الله. جميل قوي قوي يا ماما ذوقك حلو خالص 

-   بصي بقى انتِ خلاص بقيتي بنتي واخت لمريم. تعالي يا مريم سلمي على عروسة اخوكي 

-   مبروك يا هاجر الف مبروك 

-   الله يبارك فيكي يا مريم 

-   انتِ امورة خالص يا هاجر 

-   انتِ احلى يا حبيبتي ربنا يخليكي 

-   ايه ده. ايه يا جماعة سيبولي عروستي شوية مش عارف اتهنى بيها ههههههههههههه

-   ههههههههههههه ماشي يا سيدي الف مبروك 

˜—–™

-   سارة 

-   نعم يا ماما 

-   معلش يا حبيبتي اختك مروة النهاردة عايزة تنضف الشقة وانتِ عارفة هاجر مشغولة وبتجهز للسفر. ممكن تروحي لمروة النهاردة ؟

-   طبعا ياماما. يعني تفتكري هتخلى عن اختي !

-   ربنا يخليكو لبعض يارب ويفرح قلبي بيكي عن قريب زي اخواتك يا حبيبتي آمين 

˜—–™

-   اهلا سارة ازيك يا حبيبتي 

-   الله يسلمك يا مورا انا كويسة ربنا يخليكي 

-   معلش هتعبك معايا. 

-   لا يا حبيبتي مافيش تعب ولا حاجة 

-   ميييييييييييييييييييييييين اللي جه برا يا مروة 

-   دي سارة اختي 

-   سارة اختك. هو انتو كام اخت !

-   ازيك يا سارة 

-   ازيك يا طنط ام فتحي 

-   هو في حد من اصحاب فتحي عايز عروسة وجاي النهاردة ولا ايه ؟

-   اشمعنى يا ماما ؟

-   اومال اختك جاية ليه ؟

-   اووووووووف جاية تساعدني في شغل البيت 

-   ايوة زي زمزم برضو ماجت تساعدك وخطفت الواد من ع الباب. طب اياك تكونوا بتضحكو علية وجايبين عريس النهاردة 

-   جرا ايه يا طنط. شايفاني بايرة وجاية ادور على عريس ولا ايه !

-   بس يا سارة الله يكرمك مش عايزين مشاكل 

-   طب خديني في حتة تانية غير اللي قاعدة فيها الست دي عشان مش طايقاها 

-   طب وطي صوتك هتودينا في داهية 

-   انتِ مستحملة الست دي ازاي! 

-   نصيبي هعمل ايه 

˜—–™

-   يا اسمك ايه يا سارة لمعي الموبيليا كويس. وامسحي الارضيات وحطي مسحوق في المية عشان السيراميك يلمع 

-   حاضر يا طنط حاضر. دي بتعاملني على اني شغالة عندها 

-   معلش حقك عليا 

˜—–™

-   يلا يا مروة عشان اساعدك في الطبيخ قبل ما امشي 

-   تعالي يا حبيبتي 

-   انتِ هتعملي ايه النهاردة ؟

-   هعمل ملوخية. انا هقطفها وهديكي المخرطة عشان تخرطيها 

-   ايه ده ايه ده يابنتي ليه العذاب ده كله. ماتجيبي الملوخية جاهزة من السوبر ماركت وتتحط في الشوربة من غير وجع القلب ده 

-   ههههههههههههه احنا بنحبها فريش 

-   طيب وليه المخرطة. انتِ مش عندك كيتشن ماشين يابنتي ؟

-   ايوة عندي طبعا بس بحب اخرطها بالمخرطة 

-   ياربي عاملة زي ماما, ربنا موسع عليها وعندها اتنين كيتشن ماشين وتحب تخرط الملوخية بالمخرطة. دانتوا عيلة كلاسيك قوي واللي زيكو انقرضوا 

-   ههههههههههه طب يلا يا ام لسان طويل خلصيني 

-   يا مروووووووووووووووووووووووووووة الغدا خلص ولا واقفة ترغي انتِ واختك 

-   سكتي الست دي لحسن اروح اخنقها 

-   ههههههههههه بقولك ايه انا هروح الم هدومي واجي معاكي عشان شكلي هنطرد بسببك النهاردة 

˜—–™

-   انا ماشية بقى يا مروة 

-   طيب ادخلي سلمي على حماتي 

-   واسلم عليها ليه يعني 

-   معلش ماتحرجنيش معاها 

˜—–™

-   جود باي يا طنط انا ماشية 

-   انتِ خلصتي اللي وراكي?

-   ايوة خلصت وطبخت كمان 

-   وده تنضيف برضو تنضفيه!. دا البلاط زي ماهو ولا كأن جت عليه نقطة مية. دي زمزم بتنضف احسن منك 

-   استغفر الله العظيم. معلش استحمليني لحد مامروة تبقى كويسة وتقدر تعمل حاجتها بنفسها 

-   يعني هي مروة اللي نضيفة قوي!. جاتكو خيبة تخيبكو انتو الجوز 

˜—–™

-   بقولك ايه يا سارة 

-   نعم يا ماما 

-   عايزاكي تنزلي معايا نشتري شوية طلبات للعزومة بتاعة بكرة ان شاء الله 

-   عزومة ايه دي يا ماما ؟

-   هنعزم احمد جوز هاجر 

-   هههههههههههه ايه ده هو خلاص بقى جوزها !

-   ههههههههه ربنا يكملك بعقلك يابنتي. مش خلاص كتبنا كتابهم !

-   اصل مش متخيلة ان هاجر الصغنونة بتاعتنا دي كبرت وبقالها جوز ههههههههههه

-   عقبالك يارب 

-   ركزي معايا في الدعا شوية يا ماما اليومين دول عشان بالله عليكي مش عايزة اطول عندكو كتير 

-   اخص عليكي زهقتي مني يا سارة 

-   انا قلت كدة برضو يا ماما!. بس نفسي بقى يا ماما يبقى عندي بيت كدة وجوز اتخانق معاه وانكد عليه ههههههههههه

-   والله انتِ ما في اطيب من قلبك يا سارة ربنا يرزقك بالزوج الصالح قريب يا بنتي يارب 

˜—–™

-   منور يا احمد يابني 

-   الله يخليك يا عمي دا نورك 

-   كل يا احمد ما تتكسفش 

-   لالالا يا طنط انا مابتكسفش. البيت بيتي هههههههههه

-   طبعا يا حبيبي 

-   كلي يا هاجر 

-   لا بقولك ايه يا طنط ماتخليهاش تاكل كتير انا عايزها زي ماهي كدة. انا مابحبش التخن خالص 

-   لا ماتخافش هاجر مالهاش في الاكل. طول عمري بأكلها بالعافية 

-   احسن كدة. بحب الست اللي بتاكل عشان تعيش. اصل يا طنط في ستات عايشة عشان تاكل وتتخن وتطفش اجوازها 

-   لا من الناحية دي اطمن يا احمد. انتِ مابتتكلميش ليه يا هاجر؟ 

-   اقول ايه يا ماما !

-   باين عليها لا ليها في الاكل ولا الكلام. الله يكون في عوني هههههههههه

˜—–™

-   اتفضل يا احمد في الصالون 

-   هو انا هقعد في الصالون لوحدي ولا ايه يا طنط، هي المدام بتاعتي فين 

-   روحي يا هاجر اقعدي مع احمد 

-   اقعد معاه فين يا ماما. انا بتكسف اقعد مع حد غريب 

-   يابنتي خلاص بقى جوزك. ادخلي ما تسيبيهوش لوحده 

-   طب هدخل بس تعالي يا ماما اقعدي معانا انتِ وبابا وسارة 

-   يابنتي يمكن عايز يقولك كلمتين. هنيجي نكبس على نفسكو ليه 

-   يوووووووووووه. حاضر 

˜—–™

-   هاجر 

-   نعم 

-   انتِ قاعدة بعيد ليه ؟

-   اومال حضرتك عايزني اقعد فين ان شاء الله 

-   يعني قربي شوية. مش يبقى انا قاعد في حتة ومراتي بعيد عني بتسعين متر. تعالي اقعدي ع الكرسي اللي قدامي عشان نعرف نتكلم 

-   طب ما تتكلم انا سمعاك من عندي كويس 

-   ماشاء الله. يعني الكلام اللي هقولهولك جيرانكو هيسمعوه 

-   طب ما يسمعوا هو احنا هنقول حاجة عيب 

-   طب تعالي الله يهديكي وانا اجيبلك شيكولاتة وبمبوني 

-   لأ. انت بتضحك علية. ماما دايما كانت تقولنا واحنا صغيرين اوعوا حد يقولكوا تعالوا معايا واديكوا شيكولاتة وبنبوني. لانه اكيد حرامي وعايز يخطفكو 

-   ههههههههههههههه ماشاء الله مراتي عندها عرق عبط من الاصلي. لا يا حبيبتي انا ربنا تاب عليا وبطلت اخطف عيال صغيرة من زمان 

-   طيب هقرب خطوتين 

-   طب خليهم خمسة عشان خاطري 

-   ماشي 

-   نعم 

-   الله ينعم عليكي دنيا وآخرة. الله تعرفي ان عنيكي حلوة قوي 

-   ايه الكلام العيب ده. احترم نفسك يا استاذ 

-   بحبك يا هاجر 

-   لأ بقى دانت نهارك مش فايت النهاردة. انا هروح اجيبلك ماما تعلمك الادب 

-   انتِ يا مجنونة انتِ استني رايحة فين يا هاجر يا هااااااااااجر. وبعدين بقى في البت الهبلة دي 

˜—–™

-   انتِ يا ست ماما 

-   في ايه يا هاجر 

-   تعالي شوفي الافندي اللي بتقولي عليه مؤدب بيقول ايه 

-   ايه يا بنتي قالك ايه 

-   بيقولي عنيكي حلوة وبحبك شوفتي قلة الادب 

-   يابنتي دا جوزك وده من حقه 

-   يعني الكلام ده مش عيب 

-   لأ مش عيب. لكن في ضوابط وحدود، هو شرعا من حقه يعاملك كزوجة وليه كامل الحقوق ولكن حسب العرف والتقاليد مش مسموحله حقوقه الكاملة إلا بعد الزفاف. 

-   مش فاهمة حاجة. ع العموم اياك يحاول يتجاوز حدوده معايا 

-   هههههههههه طب روحي اقعدي معاه 

˜—–™

-   اهلا. انتِ جيتِ! 

-   ايوة جيت 

-   ماما ماجتش بالعصايا يعني 

-   مش فاضية بتعملك عصير 

-   الله يهديكي يا هاجر 

-   ويهديك ان شاء الله 

-   تعرفي عنيكي مش حلوة ولا حاجة انا كنت بجاملك 

-   كدة! طب والله انت رخم 

-   ههههههههههههه والله انتِ عسل 

-   ههههههههههههه ميرسي 

-   بحبك 

-   جزاك الله خيرا يا اخي الفاضل 

-   اخيكي الفاضل! هو انا ادفع تلاتين الف شبكة غير القايمة اللي مضيت عليها وتذاكر طيران عشان تقوليلي يا اخي الفاضل!. وخيرا جزاكِ يا اختي الفاضلة 

-   عن اذنك هروح اجيبلك العصير 

-   اتفضلي يا اختي 

˜—–™

-   انا جبتلك العصير اهو 

-   ايه ده. هو انتِ كمان هتشربي عصير 

-   اومال يعني هتفرج عليك. ولا انت هتشرب الكوبايتين لوحدك 

-   على فكرة انا بجد مش بحب التخن. العصاير والحلويات بتتخن. وانا مش عايزك تتخني. عشان لو تخنتي جرام واحد هشحنك على اول طيارة راجعة مصر 

-   بقى كدة. طب انا بقى هشرب عصير وهاكل حلويات وهبقى اتخن من الدبة كمان وريني هترجعني مصر ازاي 

-   ههههههههههههه ما اقدرش ابعد عن حبيبة قلبي. نور عيوني.حبيبتي اللي اغلى من حياتي كلها 

-   ايوة كدة خليك كويس عشان........

-   عشان ايه؟ قوليها انطقي بقى نفسي اسمعها من شفايفك ها  عشان ايه 

-   عشان اجيبلك شيكولاتة وبنبوني هههههههههههههه

-   اووووووووووووووووووف ماشي يا هاجر والله لطلعه على عنيكي هههههههههههه 

˜—–™

-   فتحي 

-   نعم يا مروة 

-   هاجر واحمد خلاص مسافرين بكرة 

-   ايوة عارف احمد اتصل بيا وقالي 

-   طيب يا حبيبي المفروض النهاردة بالليل  نروح نسلم عليهم 

-   ايوة طبعا يا ستي هنروح اومال ايه. دا واجب. ومن حقك كمان تقعدي مع اختك وتساعدي امك  في العياط هههههههههه

-   والله بجد هاجر هتقطع بينا وهتوحشنا قوي. الله يكون في عون ماما 

-   يا حبيبتي دي سنة الحياة 

˜—–™

-   حماتك جت يا هاجر  هي ومريم اخت احمد قاعدين في الصالون مستنينك 

-   واحمد مش معاهم يا ماما؟

-   لا، بيقولوا جاي كمان شوية

-   طيب انا رايحة اسلم عليهم يا ماما

˜—–™

-   السلام عليكم 

-   اهلا اهلا مرات ابني حبيبتي ازيك يا قلبي عاملة ايه 

-   الحمدلله يا ماما ربنا يخليكي. ازيك يا مريم 

-   الله يسلمك يا هاجر. مالحقناش نتصاحب يا هجورة انا زعلانة 

-   ههههههههههه لا ماتزعليش يا حبيبتي نبقى نتكلم ع النت ونتصاحب ونشبع صحوبية 

-   ان شاء الله. دعواتك بس عشان امتحاناتي قربت 

-   اه صحيح انا نسيت اسألك بتدرسي ايه 

-   انا في كلية الصيدلة سنة اولى 

-   ربنا معاكي حبيبتي. 

-   تعالي اقعدي جنبي يا عروسة ابني عشان اقولك كلمتين 

-   حاضر ياماما 

-   بصي يا حبيبتي احمد ابني طيب وحنين ومش بقولك الكلام ده عشان انا مامته لا والله. انتِ بكرة هتعيشي معاه وتعرفي الكلام ده من افعاله وحنيته عليكي، ومش معنى ان الراجل طيب انه مافيهوش عيوب يا حبيبتي. انا عايزاكي تستحملي عيوبه. يعني هو عصبي شوية. يعني وقت عصبيته ماترديش عليه يا حبيبتي، وهتلاقيه بعد شوية هدي خالص وجه لحد عندك يصالحك ولا كأن في حاجة حصلت. وهو كمان غيور شوية. يعني تراعي النقطة دي 

-   حاضر ياماما 

-   انا بقولك الكلام دا يا حبيبتي عشان تهمني سعادتك وسعادة ابني. 

-   ربنا يخليكي لينا يا ماما 

-   اهو احمد جه أهو 

-   السلام عليكم 

-   وعليكم السلام. اتأخرت ليه يا احمد 

-   معلش يا امي روحت اسلم على اصحابي قبل ما اسافر 

-   بص بقى انا زي ماوصيت هاجر عليك بوصيك على هاجر. تحطها في عنيك. انتو هتبقوا في غربة ومالكوش إلا بعض. انا بحذرك اوعى تزعلها ولا تخليها تندم انها سابت اهلها وناسها وسافرت معاك 

-   ههههههههههههه ماتخافيش. انا هخليها تندم على كل لحظة عاشتها بعيد عني 

-   ههههههههههههه ربنا يهنيكو يارب. اومال فين ام العروسة 

-   قاعدة في الأوضة بتعيط هي واخواتي. على فكرة يا احمد. فتحي قاعد مع بابا في البلاكونة روحلهم 

-   انتِ بتوزعيني يعني. على العموم بكرة مش هتلاقي في وشك غيري 

˜—–™

-   حمدالله ع السلامة بعودة الايام يا سي فتحي انت والمحروسة. كنتوا باتوا برا بالمرة 

-   الله يسلمك يا امي 

-   كنتو فين ؟

-   يا امي انا قولتلك روحنا نسلم على اخت مروة وجوزها 

-   تقوموا تتأخروا لدلوقتي يابني 

-   مروة كانت عايزة تقضي اطول وقت ممكن مع اختها 

-   يا سلام ع الحنان. هي مابتردش ليه. هو انا مش مالية عينها 

-   يا ماما هو انا عملت ايه بس عشان تزعلي 

-   مش لازم تعملي حاجة. انا بشوفك بزعل من غير سبب 

-   ربنا يسامحك. انا داخلة انام 

-   استني يا مروة اوعي ادخل الاقيكي نمتي 

-   وانت عايز منها ايه يا فتحي 

-   هنلعب استغوماية 

-   يا بني غلط يا حبيبي حرام عليك صحتك اللي اتهدت من لعب الاستغوماية 

-   معلش يا امي دعواتك 

-   وبعدين عيب تقفلوا عليكو الباب كدة. يابني لسة سامعة الشيخ بيقول ما اجتمع رجل وأمرأة الا وثالثهما الشيطان 

-   شيطان ايه يا امي. دي مراتي 

-   برضو يابني مهما كان لازم تسمع كلام الشيخ

˜—–™

-   انتِ لبستي يا كريمة ؟

-   ايوة لبست

-   لسة مصممة تيجي معايا ؟

-   ايوة طبعا. اومال اسيبهم يضحكوا عليك ويدبسوك في فلوس الجهاز 

-   يبقى انتِ ماتعرفيش جوزك ونصاحته. انا مادفعش جنيه الا اذا كان هيتردلي الف 

˜—–™

-   فتحي 

-   ايوة يا امي 

-   انا رايحة عند خالتك سهير. اتصلت بيا عشان النهاردة هيتفقوا مع عريس نسمة 

-   طيب يا امي. الف مبروك مقدما 

˜—–™

-   ترررررررررررررررررررن تررررررررررررررررررررررررن 

-   مين 

-   انا منصور 

-   اهلا يا منصور. عاش من شافك. ومين اللي معاك دي 

-   انا المدام بتاعته يا روحي 

-   وليكي عين يا خطافة الرجالة تيجي لحد هنا! سيبوني عليها 

-   يا لهوووووووووي الحقني يا منصور 

-   لالالالالالالالالالالالالالا بقولك ايه يا سهير انا معايا صاعق كهربائي واللي هيقرب مني ولا من المدام هكهربه. فاهمة ولا لأ. استخبي ورايا يا كريمة. منصور بتاع زمان اتغير وبقى وحش مفترس 

-   مين اللي جه برا  يا سهير؟

-   دا منصور افندي 

-   يااااااااااااااااااااااااااااااااااااااااااه مين. ازيك يا مديحة. دانتِ عجزتي قوي وشكلك اتغير للأسوأ 

-   مديحة في عينك. اسمي الحاجة مديحة يا منصور. ال منصور ال. الهي يا شيخ ما تتنصر لا في دنيا ولا آخرة 

-   الله يسامحك يا حاجة مديحة, احنا برضو مهما كان اهل 

-   احنا لا اهلك ولا نعرفك 

-   ازي جوزك يا مديحة 

-   جوزي! مستنيك ومتشوقلك. عقبال ماتحصله قريب ان شاء الله 

-   على العموم انا جاي عشان خاطر نسمة بنتي, هي فين ؟

-   ماهي قاعدة قدامك اهيه 

-   ماشاء الله هي دي نسمة بنتي. احمدك يارب اني عيشت لحد ماشوفت بنتي عروسة على وش جواز تعالي في حضن ابوكي يا نسمة 

-   بص يا بني ادم انت, انا ما اعرفكش، لا تقولي بنتي ولا ليك دعوة بيا. علاقتي بيك اوراق وبس. اسمك في شهادة ميلادي ومحتاجينه في عقد جوازي وما اعتقدش اني هحتاجك بعد كدة 

-   اعوذ بالله. لسانك بينقط سم زي لسان امك 

-   امها ماعرفتش تربيها يا منصور يا حبيبي. شوفت بقى الفرق بين بنت طليقتك وبين ولادي المتربين المؤدبين ؟

-   مؤدبين قوي يختي بأمارة الواد الكبير اللي كل يوم يسرق عشرة جنيه من المحفظة والبت اللي كل ماكلمها تقولي اطلع من نفوخي 

-   ياخويا بس بلاش فضايح قدام الأعداء 

-   اومال فين عريس بنتي ؟

-   زمانه جاي 

-   طب مش هتشوفولنا حاجة نشربها  يا سهير ؟

-   ماعندناش 

-   ياراجل عيب عليك جاي ايد ورا وايد قدام. مش هاين عليك تجيب هدية لبنتك حتى! 

-   ايوة ايوة  قولي كدة يا مديحة انتوا جايبيني عشان تنصبوا علية وتاخدوا فلوسي بقى. يلا يا كريمة نمشي 

-   يلا يا منصور 

-   اقعد ياراجل انت خلي يومك يعدي. العريس زمانه جاي ماتفضحناش 

-   ماشي يا سهير

-   ترررررررررررررررررررن تررررررررررررررررررررررررررن 

-   أهو العريس جه افتحيله  الباب يا سهير يختي

˜—–™

-   ازيك يا حوماتي 

-   اهلا يا عريس بنتي ازيك وازي طيورك 

-   بيسلموا عليكي ويبوسوا ايدك 

-   والحاجة بطة امك فين ؟

-   مش فاضية. اصلها بتتخانق مع ضرايرها وما ينفعش تسيب الخناقة وتيجي. اصل انسحابها من المعركة يعتبر هزيمة وامي ما تقبلش الهزيمة 

-   هي امك ليها ضراير? 

-   ايوة. ابويا متجوز تلاتة غيرها 

-   ماشاء الله هو ابوك عايش. انا افتكرته مات عشان كدة ماجاش معاك 

-   ابويا مش فاضي للرغي الكتير  بتاع الاتفاقات. دايما بيحضر كتب كتاب اخواتي. رجلي وجعتني من الوقفة, هو عدم اللامؤاخذة مش هقعد في السالون ؟

-   لا يا خويا اتفضل في الصالون ابو العروسة مستنيك جوا 

-   هو فين حومايا في اللي قاعدين دول ؟

-   جرا ايه يا معلم فرج اللي قاعدين كلهم حريم ومافيش الاراجل واحد 

-   حريم! هما فين الحريم دول. انا شايف الاوضة مليانة رجالة  وشكلهم يخوف. شبه مطاريد الجبل ومافيهومش ولا ست الا الانوسة نوسمة 

-   اللي لابس بدلة وكرافتة ده 

-   ماشاء الله. بقى الراجل الجنتل ده هيبقى حومايا!. فينك ياما تيجي تشوفي النسب الملوكي اللي ابنك وقع فيه، ازيك يا حومايا 

-   حوماك! مين ده ؟

-   انا العريس, ولا مش باين علية النضافة !

-   انا اجوز بنتي لواحد يقولي يا حومايا!. انت شهاداتك ايه يابني ؟

-   شهاداتي! جرا ايه يا حوماتي يا ام نوسمة. هو انا جاي اتجوز ولا جاي اتقدم لوظيفة سكورتير !

-   انتِ اجننتي ولا ايه يا سهير. هو ده اللي هتجوزيه لبنتك !

-   جن لما يلخبط كيانك. انت مالكش دعوة بينا. انت تتفق معاه وبس وتمضي ع العقد وبس 

-   انا مش موافق ع الجوازة دي 

-   بس انا بقى موافقة يا بابا 

-   واحنا مالنا يا منصور ما يوافقوا ,احنا دخلنا ايه !

-   على رأيك صحيح احنا مالنا يا كريمة 

-   تعالى سلم على خالة العروسة يا معلم فرج

-   ازيك يا تنت 

-   اهلا يا  ابو الريش يا فخر العيلة. يا عيني عليكي يا نسمة اهئ اهئ اهئ يا حبيبة خالتك يختي اهئ اهئ اهئ 

-   معلش يا جماعة انا كان نفسي اجيبلكو قفص فراخ زي بتاع المرة اللي فاتت بس امي مارضيتش وقالتلي احنا هنصرف عليهم ولا ايه !

-   ست ذوق واصيلة ربنا يقل من امثالها 

-   بصوا بقى نخش في المفيد عشان نستفيد. انا هقدم الشبكة اللي الانوسة نوسمة تشاور عليها, وانتِ طبعا يا حوماتي عارفة العمارة اللي هسكنها فيها 

-   ايوة ياخويا اللي هتسكنها فيها مع الطيور والمعيز 

-   عليكي نور. وهنكتب بإذن المولى الشهر الجاي, ايه رأيكو ؟

-   على بركة الله يا معلم فرج الف مبروك 

-   زغروطة يا ام العروسة 

-   لوووووووووووووووووووووووووولووووووووووووووووووووووووووووووووووووووي لوووووووووووووووووووووووووووووووووووووييييييييييييييييييييييييييييييييييييييييييييييييييييييييي

-   نسمة 

-   نعم يا خالتو مديحة 

-   انتِ يابنتي موافقة من قلبك على عريس الندامة ده ؟

-   يعني هعمل ايه يا خالتي !

-   يابنتي لو مش موافقة قولي بالله عليكِ 

-   بصي يا خالتي مافيش حاجة فارقة خلاص. اهي جوازة والسلام 

-   لا حول ولا قوة الا بالله 

˜—–™

انتهت الحلقة الرابعة

 

موعدنا غداً إن شاء الله مع الخامسة والسادسة

 

لا تنسوا ذكر الله والصلاة على الحبيب عليه الصلاة والسلام

 

لا إله إلا الله ولا حول ولا قوة إلا بالله عدد خلقة ورضا نفسه وزنة عرشه ومداد كلماته

اللهم صل وسلم وبارك على نبينا محمد