رواية أم فتحي ( السابعة)
- يا فتحي يابني
- نعم يا طنط
- انا هاخد مروة معايا
- ليه يا طنط؟
- عشان يا حبيبي دي لسة والدة ومحتاجة رعاية وتغذية
- لييييييييييييييييه يختي هو احنا هنبهدلها ونجوعها ولا ايه!
- والله ما اقصد يا ام فتحي. بس اصل انا عايزة اراعي بنتي بنفسي
- ابقي تعالي راعيها عندنا
- اجي ازاي بس واسيب باباها واختها لوحدهم
- هو كدة. انا عايزة ابن ابني في حضني ولا ناوين تكرهوه فيا من
دلوقتي!
- لا حول ولا قوة الا بالله
- خلاص يا راضية ابقي روحيلها كل يوم وخلاص. استحملي الفترة دي
- هنقول ايه. حاضر
- صهيب يا حبيب ماما. جميل قوي يا فتحي
- مش اجمل منك يا حبيبتي ربنا يباركلي فيكو انتو الاتنين
- ربنا يخليك لينا يا حبيبي
- ووووووووووووووووووواء
واااااااااااااااااااااااااااااااااااءوااااااااااااااااااااااااااااااااااااااااااااااااء
- بتعيط ليه يا صهيب يا حبيب ماما
- بيعيط عشان انتِ امه. صعبان عليه نفسه. تعالى لتيتة مديحة يا
حبيبي ولا تزعل نفسك ماحدش بيختار امه. دا قضاء ربنا وارضى بيه يا حبيبي
˜—–™
- بقولك ايه يا فرج
- نعمين ياما
- هي مراتك دي مافيش لا حس ولا خبر كدة بالنسبة لموضوع الخلفة؟
- والله ياما ما عارف في ايه. وكل ما اكلمها تقولي هبقى اروح
للدكتورة
- وهي تروح للدكتورة ليه!. انا هروحلها واخد معايا أم خلف
الداية عشان تكشف عليها يمكن تكون حبلى وماتعرفش
- خالتي ام خلف. يا زين ما اختارتي ياما. دي داية ولا كل
الدايات
- طيب. روح انت بالسلامة وانا بكرة الصبح هجيب ام خلف واجي. بس
ماتقولش لمراتك. عايزين نفاجأها كدة ونفرحها
- ربنا يخليكي ليا يا ما. دايما شايلة همي
˜—–™
- ترررررررررررررررررررررن ترررررررررررررررررررررررررررررررن
- مين
- افتح يا فرج انا امك ومعايا خالتك أم خلف
- يا مرحب يا مرحب ازيك يا خالتي ام خلف
- ازيك يا فرج يابني. يجعل دخلتي عليكو فيها الشفا ان شاء الله
والبيت يتملي عيال
- انا متباشر بيكي يا خالتي ام خلف
- اومال فين مراتك يا فرج
- هدخل اندهلها حاضر بالإذن
˜—–™
- يا نوسمة
- خير في ايه مين جه
- دي امي ومعاها خالتي ام خلف الداية
- داية!!!!!!!!!!!!!!!!!! ودي جاية ليه؟
- عشان تكشف عليكي
- يا نهارك مش فايت. انت اتجننت!. انا نسمة منصور تكشف عليا
داية!
- هي عايزة تشوفك عدم اللامؤاخذة حبلى ولا لأ
- ايه اللفظ المقرف ده.! ايه حبلى دي!. اسمها حامل مش حبلى
- يا ستى مش مهم الالفاظ المهم الانتاج
- روح اطرد الداية دي لحسن هروح اطردها بنفسي
- عيب يا نوسمة
- طيييييييييييييييييب انا رايحة اطردها بنفسي
˜—–™
- اهي مرات ابني اهيه
- اطلعي برا يا ست انتِ
- مش لما تكشف عليكي الاول يا بنتي
- برررررررررررررررررا انا ماحدش هيكشف عليا
- خلاص يا ام خلف انا هكتفها وانتِ شوفي شغلك
- وانا نازل افتح المحل عشان اتأخرت. عيشوا اللحظة
- انت يا بني ادم استنى ما تسبنيش معاهم
- معلش والله كان بودي بس دي امور نسائية عدم اللامؤاخذة انا
ماليش فيها بالإذن يا نوسمة اشوفك ع الغدا
- تعالي هنا انتِ رايحة فين!
- يا مااااااااااااااااااااااااااااااامي الحقوني يا
ماااااااااااااااااااااااااااااااااااااااااااااااااااااااااامي
˜—–™
- ايه يا ام خلف. مش حبلى؟
- يختي ولا حبلى ولا نيلة. خسارة طلوعنا السلم
- بقولك ايه يا مرات ابني شوفيلك يختي صرفة. انا عايزة افرح
بعيال ابني. انتِ كدة واقفة علينا بخسارة
- اهئ اهئ اهئ يا مامي انا اتبهدلت يا مامي اتبهدلت. طيب يا فرج
والله لوريك
˜—–™
- ازيك يا نسوووووم
- مابترديش ليه
- انا تسيبني لست متخلفة زي دي تكشف عليا!. انا نسمة منصور تكشف
عليا داية!
- الله. ومالها الداية عدم اللامؤاخذة. طب ايه رأيك خالتي ام
خلف دي الدكاترة بيغيروا منها ويحكدوا عليها عشان ستات المنطكة ما بيثقوش الا فيها,طب
انتِ عارفة الدكتورة اللي فتحت عيادتها في الشارع اللي ورانا؟
- مالها؟؟؟
- قفلت العيادة بسبب خالتي ام خلف
- ازاي بقى ان شاء الله؟
- عشان كل الستات بيولدوا على ايد خالتي ام خلف ومابيعبروش
الدكتورة وبيقولوا عليها مابتفهمش راحت قافلة
العيادة واعتزلت الدكترة وجت ولدت عند خالتي ام خلف
- دول ستات متخلفين. وام خلف دي متخلفة اصلا
- بس ست لتيفة
˜—–™
- مبروك يا مروة يا سلفتي, حمدالله ع السلامة
- الله يسلمك يا ايناس
- ومالك بتقوليها من غير نفس كدة!
- يعني متهيألي انتِ شيفاني قايمة من ولادة ولسة تعبانة
- تعبانة من ايه يا حبيبتي!. دانتِ حتى والدة طبيعي. اومال لو
بتولدي قيصري زيي كنتي عملتي ايه!
- الله اكبر في عنتينك المدورين دول يا ايناس. اعوذ بالله
- وانا هحسدك على ايه يا حبيبتي. ناقصة عيال ولا ناقصة عيال.
معايا الصبيان ومعايا البنات. هحسدك على حتة برص جايباه!
- بقولك ايه يا ايناس
- نعم يا مروة
- اشربي كوباية الموغات بتاعتك واتوكلي على الله عشان عايزة
ارضع الولد ومابحبش ارضعه قدام حد
- وعلى ايه يا حبيبتي. سيبالك كوباية الموغات اهي عندك اشبعي
بيها
- المركب اللي تودي. ال مركب الضراير سارت ومركب السلايف غارت,تعالى
صهيب حبيب ماما عشان ارضعك. الست الوحشة مشيت خلاص يا حبيبي
˜—–™
- وبعدين في مراتك دي يا فرج اللي عمالين نعلف فيها من غير ما
ترمي انتاج
- ياما كله بأوانه ياما, الصبر حلو
- انا بصراحة ما عجبنيش حالها واديتلها كلمتين في جنابها
- ايه ياما. مالك ومال نوسمة ياما. خفي عليها شوية دي مش حملك
- وانت مالك زعلان قوي كدة!
- ياما دي مراتي ياما. ولما تزعليها تبقي بتزعليني
- طيب يا ابو قلب حنين. اما اشوف هنصبر عليها لإمتى
- الصابرين بخير ياما. بالإذن. عايزة حاجة؟
- عايزاك طيب يا حبيبي. بالسلامة
˜—–™
- صباح الخير يا معلم فرج
- صباح النور اهلا يا مودام فاتن.طلباتك؟
- عايزة فرختين حلوين كدة الفرخة ما تقلش عن كيلو ونص
- شوف طلبات المودام يا مرزوق ونضفلها الفراخ كويس
- بصراحة يا معلم مابحبش اخد فراخ غير من عندك. كفاية امانتك في
الميزان
- حد الله بينا وبين الحرام يا مودام
- ربنا يكرمك ويخلف عليك بالحلال دايما يا معلم. دانا كنت بجيب
فراخ من عند واحد تاني كان دايما يغشني وينقص في الميزان. اصل انا عندي ميزان في
البيت,وبصراحة بطلت اجيب من عنده. وواحدة جارتي قالتلي اجي اخد من عندك وشكرتلي
فيك قوي
- الله يخليكي ويخليها يا مودام. خلصت طلبات المودام يا مرزوق؟
- قربت اخلص يا معلمي
- بصراحة مرزوق ماشاء الله عليه بينضف الفراخ ويغسلها وبيديهاني
زي الفل. انا من نضافة الفراخ ببقى عايزة اخدها من ايده احطها في الحلة على طول
- لا دي تبقى نتانة منك عدم اللامؤاخذة. لازم تغسليها تاني
بالملح والخل
- ماانا بعمل كدة
- اتفضلي يا مودام الفراخ اهيه
˜—–™
- واد يا مرزوق,روح يابني جيبلي علبة كشري ولا اي حاجة اكلها
- ليه يا معلمي. هو مافيش اكل في بيتكو؟
- لا ازاي. المودام عليها طبق سلامون ماحصلش ولا هيحصل وبتسلق
بيض ما شوفتوش على حد. بس النفس طماعة بعيد عنك
- يا عيني عليك يا معلمي. طب ماتروح تتغدا عند الحاجة والدتك
- ما انا لو روحت عند امي وقولتليها اكليني عندك هتقولي يبقى
مراتك خايبة ومابتعرفش تطبخ. وانا مابحبش حد يغلط في مراتي ولا يعرف عيوبها
- طب خلاص يا معلم تعالى كل معانا. امي طابخة شوية بامية
يستاهلوا بقك
- بامية! ولا زمان يا بامية. ابقي سلملي عليها
- امي؟
- لأ البامية
˜—–™
- مساء الخير يا فرج يا جوز بنتي
- اهلا اهلا يا مرحب بالغالية أم الغالية. ازيك يا حوماتي
- ازيك يا فرج يابني وازي نسمة
- نوسمة زي الفل الحمدلله. كرسي لحوماتي يا واد يا مرزوق
- اتفضلي يا مودام
- شكرا يا مرزوق
- تشربي شاي ولا شيشة يا حوماتي؟
- لا يا حبيبي لا ده ولا ده كتر خيرك,بصراحة يابني انا كنت
جايالك في طلب كدة ومكسوفة. ومش عارفة ابتدي ازاي
- انتِ تؤمري يا حوماتي. انا زي ابنك ومافيش بينا كسوف احنا اهل
- والله يابني انت بتحرجني بذوقك. اصل بصراحة كنت عايزة منك
مبلغ صغير كدة كنت محتاجاه. يادي الكسوف
- تحت امرك يا حوماتي عايزة كام
- خمسوميت جنيه بس وهرجعهوملك لما ربنا يفرجها
- ترجعي ايه بس يا حوماتي. والله ماهم راجعين. وبعدين انتِ
ماكنتيش تتعبي رجليكي وتيجي. كنتي عدم اللامؤاخذة رنيتي علية وانا اجيبهوملك لحد
عندك
- يا حبيبي يابني. ربنا يباركلي فيك ويوسع عليك يارب
- الحمدلله خير ربنا كتير يا حوماتي الف حمد والف شكر. اتفضلي
يا حوماتي ولو عايزة اكتر قولي
- ربنا يزيدك يابني كتر خيرك. كدة كويس قوي. طب سلملي على نسمة
- بقولك ايه يا حوماتي
- نعم ياخويا
- اصل يعني عدم اللامؤاخذة كنت عايز اقولك كلمتين ولساني مش
قادر ينطقهم
- قول يا حبيبي. هي نسمة مزعلاك في حاجة؟
- يعني عايزك توصيها علية شوية. اصلها يعني بتديني حقوقي
الشرعية بالعافية وانا بصراحة ماكنتش عايز اقولك بس الكيل فاض
- معقول! هي بتمنع نفسها عنك ولا ايه؟
- لا يعني هي مرة توافق وعشرين لأ. وانا بصراحة بيصعب عليا منها
- اخص عليها. والله ما هسكتلها. انا همشي من عندك واروحلها على
طول
- لا يا حوماتي بالراحة عليها دي مهما كان نوسمة برضو
˜—–™
- قفشتك يا نوسمة. ايه البورشام اللي بتبلبعيه ده كل يوم
- دددددا دا دا. اصل انا عندي صداع
- صوداع. كل يوم صوداع
- طب هعمل ايه بيجيني صداع كتير
- اعترفي يا نوسمة البورشام ده بتاع ايه ولا اقولك انا
- هو انت. انت. انت عارف؟
- ايوة طبعا عارف ومراقبك من زمان ومارضيتش ابلغ عنك
- تبلغ عني!!!!!!!! تبلغ عني ليه ان شاء الله؟
- عشان مودمنى عدم اللامؤاخذة. وكل يوم اقول ياواد بكرة تبطل
الاودمان بلاش تحرجها. بس خلاص كان لازم اعرفك ان انا عارف عشان اوديكي المصحة
بتاعة المهافيف يظبطولك مخك اللي فوت
- يا اخي ادمان ايه وكلام فاضي ايه, قولتلك برشام صداع,مصدعة مش
مدمنة
- يا هيبتك اللي ضاعت وسط المعلمين يا فرج. بقى نوسمة حرمنا
المصون بتضرب بورشام وبتعمل دماغ!
- بقولك ايه يا فرج انا مش طايقة اشوف وشك اصلا وماتغيرش
الموضوع. انت ازاي تروح تشتكيني لماما؟
- اعملك ايه يا نسوم. عمايلك لا تسر عدو ولا حبيب. اشتكي لمين
غير لامك. اهي ستر وغطا عليكي ومش هتطلع الكلام برا
- يا اخي الحاجات دي تبع الحالة النفسية وانا حالتي النفسية من
يوم ما اتجوزتك طين في طين اعملك ايه
- ليه بس كدة يا نسوم!. انا قصرت معاكي في ايه!.دانا لو علية
اجيب نجمة من السما واحطها بين ايديكي. وفرحتي هتكمل لما يبقالي حتة عيل منك يقولي
يابا
- ياربي ياربي. اهو عشان انت عايزه يقولك يابا مش هجيبهولك. ايه
رأيك بقى
- ربنا اللي بيجيب مش العبد
- مش عاجبك ابقى روح هاته من واحدة تانية
- لا انا مش عايز عيال الامنك انتِ وعندي امل ومش هقطعه
- خليك عايش في الوهم بقى
- قصدك ايه يا نسوم
- قصدي ان انا مش هخلف طول ماانا قاعدة في المنطقة دي. انا كرهتها.
مش معقول هتولد واعيش واموت فيها. دا عذاب
- مالها بس المنتكة. اهلنا وحبايبنا حوالين مننا وتجارتنا
وحالنا ومالنا فيها وزباينا الحلوين منها
- بقولك ايه يا فرج. تعالى نبيع العمارة دي ونشتري فيلا شيك كدة
في منطقة هاي كلاس
- ايه يا نسوم هو الصوداع جامد قوي كدة عدم اللامؤاخذة. نبيع
ايه ونشتري ايه يا بنت الناس!
- يا فرج. يافرج انت عندك فلوس كتير وممكن تغير نشاطك ممكن نغير
حياتنا كلها. لكن ما ينفعش نكمل بالطريقة دي
- نشاط ايه. طب ماانا طول عمري نشيط وبصحى من بدري, اعمل ايه
تاني!
- تغير نشاط شغلك, يعني تبطل شغلانة الفراخ والطيور دي
- واتاجر في ايه عدم اللامؤاخذة. انا مابفهمش غير في الشغلانة
دي
- ممكن تصفي شغلك هنا كله ونبيبع العمارة ونشتري فيلا وتعمل
ريستورانت شيك كدة في منطقة راقية ونبقى حاجة تانية,تبقى فرج بيه وانا نسمة هانم.
مش المعلم فرج وحرمه المصون اللي هتشلني بيها دي
- انا مش موافق ع الكلام ده ومش داخل دماغي من الاخر. انا ايه
يخليني اسيب شغلي وطيوري اللي بحبهم واروح افتح صالون حلاقة
- صالون حلاقة ايه بس يابني ادم. ريستورانت يعني مطعم
- ايوة ايوة. مطعم فول وطعمية يعني. طب ماتقولي كدة يا نسوم
- لااااااااااااااااااااااااااااااااااااااااااااااا انت بجد
صعب التفاهم معاك. انا عايزة انام
- تنامي! نوم العوافي يختي. انا نازل أأكل الطيور يا احلى من
شوربة لسان العصفور. ال ابيع طيوري ال. جايلكو يا حبايبي
˜—–™
- ترررررررررررررررررررن ترررررررررررررررررررررررررررررن
- أما اروح اشوف مين ع الباب,ماداهية لتكون ام اسماعيل,أنا مش
ناقصاها الساعة دي,كفاية علية الناس اللي بينطولنا كل شوية يباركوا للمحروسة ع
المفعوص اللي جابته ....مين؟
- منال صاحبة مروة
- وبعدين بقى في المقاطيع اللي بيتحدفوا علينا كل شوية دول.
افندم
- السلام عليكم
- وعليكم السلام
- حضرتك حماة مروة
- مع الألم والأسف والشكوى لله ايوة. انتِ مين؟
- انا منال صاحبتها
- انتِ مش كنتي هنا امبارح؟
- انا! لا والله انا اول مرة ازورها في بيتها
- بيتها دا ايه يختي. هي ورثتني بالحياة ولا ايه. البيت ده بيتي
وهي ضيفة عندي
- طيب طيب حضرتك زعلانة ليه. ممكن اشوف مروة
- أهي عندك متلئحة في اوضتها
- طيب هي فين اوضتها
- يادي الغولب. كل اللي يجي يقولي فين اوضتها. يعني اعمل سهم
احمر واكتب تحتيه الى اوضة مروة ولا اعلق يفطة على باب الاوضة واكتب عليها مرحب
بالزوار
- معلش يا طنط انا اسفة ممكن تشاوريلي ع الاوضة
- شايفة يا حبيبتي البرواز الكبير اللي هناك
- ايوة يا طنط
- اول ماتوصليله اكسري شمال. اول اوضة تقابلك ع الناصية. بس بصي
يمين وشمال وانتِ بتعدي الشارع
- شكرا يا طنط
- ربنا يتوب علينا من اشكالكو. الواحد رجله وجعته من فتح الباب
كل شوية. ايه الناس اللي جايين يباركولها دول كلهم. زي مايكون
ماحدش ولد زيها قبل كدة. اااااااااه يارجلي ياني
˜—–™
- تن تن تن
- مين؟
- انا منال يا مروة
- لا مش ممكن منووووووووووووووولة ادخلي يا حبيبتي
- السلام عليكم
- وعليكم السلام منولة حبيبتي ازيك وحشتيني
- والله وحشتيني اكتر يا مروة ازيك حمدالله ع السلامة,اموووووووووووووووووووووووووووه
- الله يسلمك يا حبيبتي. عقبال ما افرح بيكي وانتِ متجوزة
ومتهنية في بيتك ومعاكِ البيبي بتاعك
- يارب يا مروة يارب. يابنتي ادعيلي بضمير شوية ههههههههههههه
- هههههههههههه والله بدعيلك انتِ وسارة اختي دايما
- فين الاستاذ صهيب؟
- دانتِ عرفتي اسمه كمان ههههههههه
- اومال يابنتي. انا سألت مامتك وقالتلي واستأذنت من ماما
وقولتيلها هروح ابارك لمروة واجي على طول. فين استاذ صهيب
- نايم في سريره المجرم بعد ماسهرني طول الليل
- تعيشي وتسهري يا ماما مروة هههههههههه بس حماتك دي صعبة قوي.
كانت هتضربني هههههههههه
- اومال انا اعمل ايه في القرف اللي عايشة فيه!
- ايه ده. هي حماتك مطلعة عنيكي ولا ايه؟
- اه والله يا شيخة, كانت غلطة عمري اني وافقت اسكن معاها
- بس يامروة انا عندي بنت خالتي وعايشة مع حماتها كويسين خالص
- مش كل الناس زي بعضها. الحموات دي حظوظ. ربنا مايكتب عليكي
حماة زي حماتي، ولا اخواته البنات واللي كل مايجوا مافيش واحدة تتحرك من مكانها
وانا اللي اقف اخدمهم,والله يا منولة كنت حامل وتعبانة وبرضو بخدمهم وهما عاملين
هوانم
- معلش يامروة يبقى انتِ اللي غلطانة
- غلطانة في ايه؟
- يا حبيبتي المفروض من الاول كنتي وقفتي كل واحد عند حده. مش
تبقي ضعيفة ومستسلمة بالشكل ده
- خلاص بقى يا منولة أهو عرفوا اني ضعيفة وغلبانة ومقدور علية
- جتك خيبة. عرفوا دا ايه. غيري طبعك. وريهم الوش التاني
وعرفيهم حدودهم. تعالي شوفي نسرين اختي واللي عملاه في حماتها واخوات جوزها.دول
بيخافوا منها قوي
- اززززززززززززاي فهميني
- اسمعي ياستي
- ها يا منولة قولي يا حبيبتي اعمل ايه
- بصي بقى يا مروة اسلوبك مع جوزك يتغير
نهاااااااااااااااااااائي
- يعني ازاي؟
- يعني دور الست المسكينة اللي تقول حاضر وطيب وتخلي جوزها
يستقل بيها ده تبطليه
- مش فاهمة
- بصي يعني اول ما يدخل تقابليه بتكشيرة حلوة كدة ملو الوش تسد
نفسه وتكرهه في عيشته
- دي سهلة خالص من عنية
- يقولك ازيك يا حبيبتي تقوليله زي الزفت,يقولك في ايه بس مين
زعلك,تقوليله خليها في القلب تجرح ولا تطلع برا تفضح
- هي مين دي يا منولة؟
- هي مين ايه يا مروة!. دا مثل شعبي
- ههههههههههههه الله. لطيف قوي.قوليه تاني كدة
- اقولك واحد تاني. ال جوا وبرا فرشتلك وانت حالك مايل وايه
يعدلك
- هههههههههه الله وده حلو قوي كمان. استني استني هجيب ورقة
وقلم واكتب وراكي عشان احفظهم
- هو انتِ ماسمعتيش الامثال دي قبل كدة من امك؟
- ماما! ماما تقول الكلام ده!!!!!!!!! ماما ماتعرفش غير جزاكم
الله خيرا لما حد يعملها حاجة حلوة وسامحكم الله لما حد يزعلها
- والله يا مروة امك دي تروح تعيش في عالم سمسم وتسيبنا في
حالنا احسن
- هي مامتك هي اللي بتحفظك الامثال اللطيفة دي؟
- ايوة طبعا. كل يوم تجمعني انا واخواتي وتحفظنا امثال وتخلينا
نطبقها ودايما تقول خليكو جامدين عشان حمواتكو ما يستوطوش حيطتكم
- يعني ازاي يعني.حيطة ايه. هو انتوا بتبنوا بيت؟
- مروة. بطلي غباوة لحسن اقوم اروح ومش هعلمك حاجة
- لالالا خلاص علميني بالراحة. طب انتِ عارفة في مثل حفظته من
ايناس سلفتي وكل مااشوفها اقولهولها وهي تتغاظ
- مثل ايه ده؟
- بتاع مركب السلايف
- اه اه عارفاه. دا قديم قوي. امي حفظيتهولنا من زمان ايام جواز
نسرين
- طيب خلينا في المثل, مليني تاني
- جوا وبرا فرشتلك وانت حالك مايل وايه يعدلك
- جوا لبرا فرشتلك
- جوا لبرا ايه يا مروة. اسمه جوا وبرا
- اه سوري سمعت غلط. خلاص كتبته وهحفظه على مايجي فتحي
- عايزاكي تنكدي عليه عشان يعرف قيمتك ويجيبلك حقك
- طيب فتحي وخلصنا منه. اعمل ايه مع حماتي؟؟؟؟؟؟؟؟؟؟
- بسيطة قوي. سوقي العوج
- بس انا مش بعرف اسوق ولا معايا رخصة
- استغفر الله العظيم. يا حبيبتي يعني ماتسمعيش كلامها ودايما
اتمردي عليها واقهريها
- بس انا بخاف منها قوي. دي عصبية خالص
- عصبية على نفسها يا حبيبتي مش عليكي. اسمعي كلامي وهتشوفي
- خلاص ماشي. طيب واخواته هالة ودينا؟
- عندهم عيال؟
- ايوة عندهم وبيجوا يبهدلوا البيت ويسيبوه زريبة
- اضربيهم.موتيهم من الضرب
- يا سلاااااااااااااااااام. وانتِ فاكرة هالة ودينا هيسكتوا!.
يابنتي اصلك ماشوفتيش هالة.دي عاملة زي مازينجر.شكلها زي بتوع كمال الاجسام
- بلا خيبة دي منظر ع الفاضي. انا عارفة الاشكال دي. الواحد
ينفخ فيهم يقعوا
- الله. انا كدة هبقى سوبر مروة، انا فرحانة قوي
- اومال يا حبيبتي. اعملي اللي قولتلك عليه وهتشوفي الخوف
والرعب اللي هيبقوا فيه منك
- متشكرة قوي قوي قوي يا منولة. من النهاردة هنفذ مع فتحي.
وبكرة هالة ودينا جايين وهيشوفوا اللي عمرهم ماشافوه
- إلى الأمام يا مروة. ثبت الله خطاكِ
˜—–™
- بتدوري على ايه يا نوسمة؟
- ماشوفتش البرشام بتاعي يافرج؟
- شوفته ورميته وهحبسك في البيت عشان ماتجبيش منه تاني لحد
ماتبطلي اودمان
- يا نهارك مش فايت! انت اتجننت! هات البرشام هات
البرشااااااااااااااااااااااااااااااااام البرشام
بتاعييييييييييييييييييييييييييييييييييييييييييييي يا مامي اديني البرشام
البرشااااااااااااااااااااااااااااااام
- انا كدة اتأكدت انك مودمنى عدم الامؤاخذة. بشوف زمايلك
المودمنين يقعدوا يصوتوا ويتمرمغوا في الأرض كدة ويقولوا هاتوا
البرشام. بس انا مش هضعف. لازم تتعالجي يا حرمنا المصون
- اهئ اهئ اهئ. طب اطلع نام برا
- نعم! ليه ان شاء الله. حد في الدنيا يشوف القمر ده ويسيبه
- يا ماميييييييييييييييييييييييييييييي
˜—–™
- مروة ... مروة ... حبيبتي ... روحي ... عقلي ... القمر
مابيردش ليه
- عايز ايييييييييييييييييييييييييييييييييييييييييه
- مين دي!!!!!!!!!!!!!! مالك يا مروة؟
- جوا وبرا فرشتلك يا مايل يللي مافيش حاجة بتعدلك
- ايه!!!!!!!!!!!!!!!!!!!!!!!!!!!!!!!!! ايه الكلام البيئة ده.
ايه اللي حصلك يا مروة
- اللي حصل اني مش طيقاك. مش عايزاك. بتعصب لما اشوف وشك اللي
يقطع الخميرة من البيت ده
- لالالالالالالالا مش ممكن تكوني مروة مراتي المؤدبة المتربية.
انا مش مصدق وداني. في ايه يا مروة سمعتي من منين الكلام المتدني ده
- سمعته من حبايبي اللي بيحبوني وعايزين مصلحتي. يا مبهدلني يا
فتحي. يا ذاللني لكلاب السكك يا فتحي
- لا لا بجد مش ممكن انا مذهول. دي مش مراتي الرقيقة الهادية
اللي بحبها
- انا فتحتلك الباب اخرج نام برا
برااااااااااااااااااااااااااااااااااااااا روح نام في حضن امك يا ابن امك.
براااااااااااااااااااااااااا خد مخدتك ولحافك
وبراااااااااااااااااااااااااااااااااااا
- يا مروة ماتزقيش كدة امي قاعدة في الريسيبش عيب
- براااااااااااااااااااااااااااا اخرج بقى
يوووووووووووووووووووه الواحد مش قادر يزوقك اخرج بقى
- يا مروة افتحي الباب عيب كدة نتفاهم مروة يا مروة........احم
احم مساء الخير يا امي
- انت معزل يا حبيبي!
- انا!!!! لا. لا ابدا
- اومال شايل مخدتك ولحافك ورايح فين؟
- ابدا ابدا اصل الولد صهيب. صهيب ابني الصغير مانتِ عارفاه.
اصله بيعيط ومش عارف انام منه. قولت اخرج انام برا
- يا وكستك في ابنك يا مديحة. ياريتني ماعيشت لليوم ده. يا
خسارة الرجالة. اطردت من اوضتك يا سيد الرجالة!. ادخل احلق شنبك عشان مالوش لزمة
تحتفظ بيه وتهزئوا معاك اكتر من كدة
- يا امي
- بلا امي بلا ابويا بلا خيبة. ال اكسر للست ضلع يطلعلها اربعة
وعشرين. اديك دلعت وفي الآخر جت على دماغك
- لا حول ولا قوة الا بالله. ايه اللي عمل فيكي كدة يا مروة.
الله يسامح اللي كان السبب. انا داخل انام في الصالون. عايزة حاجة يا امي؟
- عايزاك تجيب منخل وتحطه على وشك وتقول يا أرض اتشقي وابلعيني
˜—–™
- تررررررررررررررررررن تررررررررررررررررررررررررن
- مين
- احنا هالة ودينا يا ماما
- هيييييييييييييييييييييه هييييييييييييييييييييييييييييه
هييييييييييييييييييييييييييييييييييييييييييييييه تيتة اهيه تيتة اهيه
- يا حبايب تيتة يا نور عين تيتة. انتشروا يا حبايبي
- هييييييييييييييييييييييييييييييييييييه
هيييييييييييييييييييييييييييييييييييييييييييييييييييييييييييييييه
هييييييييييييييييييييييييييييييييييييييييييييييييييييييييييييييييييييييييييييييه
- ازيك يا ماما
- الحمدلله ازيك انتِ يادينا وازي جوزك
- الحمدلله بخير هيجي يتعشى معانا ان شاء الله
- ينور ويآنس. وانت ازي جوزك يا هالة
- كويس يا ماما. بس امه مطلعة عنية كأني عدوتها
- اخص عليها ليه بقى كدة. هي نسيت نفسها ولا ايه. لالالا تلم
نفسها لحسن قسما بالله اروح ابهدلها انا ماحدش يمس بنت من بناتي بكلمة ولا بفعل
- ياريت يا ماما تروحيلها لحسن دي بجد مزوداها وكل ماتيجي عندي
تولع الدنيا وتخلي حسين يقلب عليا
- اتقلبت في نهار جهنم البعيدة. مرووووووووووووووووووووووووووة
يا
مرووووووووووووووووووووووووووووووووووووووووووووووووووووووووووووووووة مروووووووووووووووووووووووووووووووووووووووووووووووووووووووووووووووووووووووووة
- ايييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييه
عايزة ايه
- يا نهارك مالوش ملامح. هي مين دي اللي عايزة ايه. مش سامعاني
بنادي عليكي
- سا معة ومش عايزة ارد
- مش عايزة تردي ليه يختي؟
- مزاجي كدة. كيفي كدة. انا
حررررررررررررررررررررررررررررررررررررررررررة
- حرة في عينك. روحي حضريلنا الفطار
- وانا احضره ليه. ماتقومي اسدين قصر النيل اللي جنبك دول
يحضروه ,ولا دول قاعدين ديكور وزي قلتهم
- اسدين. احنا اسدين يا مامي. سامعة مرات فتحي بتقول ايه
- يابنتي الله يهديكي روحي اعملينا حاجة نفطر بيها
- وانا مالي. هو انا اللي هطفح ولا انتوا.
- شامة في كلامك ريحة تمرد يامرات ابني وده مش في صالحك
- انا هنا بخدم جوزي وابني وبس. انا داخلة اوضتي
- دي اجننت دي ولا ايه يا ماما. دي مش عاملالك اعتبار
˜—–™
- اطلعوا برا يا زفت الطين انت وهو جاتكو القرف بهدلتوا البيت
- مش هنطلع ياطنط احنا عايزين نلعب هنا
- طب والله لانا مموتاك من الضرب انت والبلاوي دول
- ااااااااااااااااااااااااااااااه يا ماما اهئ اهئ اهئ
˜—–™
- اااااااااااااااااااااااااااااااه
ااااااااااااااااااااااااااااه يا مامي اهئ اهئ اهئ
- ايه يا ولاد في ايه
- طنط مروة ضربتنا اهئ اهئ
- دي وقعتها سودة النهاردة.مرووووووووووووووووووووووووووووووووووووووووووووووووووة
- اييييييييييييييييييييييييييييييييييييييييييييييييييييييييييييييييييييييييييييييييييييييييييييييييه
عايزين ايييييييييييييييييييييييييييييييييييييييييييييييييييييييه
- ايه اللي بتعمليه ده يا مرات ابني
- باين عليها اتجننت ياماما
- انا ماحدش ليه دعوة بيه. اتصرف زي ماانا عايزة
- كدة!!!!!!! طب هاتوهالي يا بنات عشان مش قادرة اقوم
- يا ماماااااااااااااااااااااااا سيبوني سيبوني
- اتفضلي ياماما تحت امرك.
- سخنولي حلة مية كبيرة وهاتوهالي
- انتوا هتعملوا فية ايه حرام عليكو. انا عايزة اعيش اهئ اهئ
- قولولها يا بنات. مين اخر واحدة اتحدتني وجرالها ايه
- كانت عمتي عنايات يا ماما
- وجرالها ايه
- بقالها خمسة وعشرين سنة في الجبس ولسة مافكتوش يا ماما
- وغلطت فيا بعد كدة؟؟؟؟؟؟؟؟
- لا يا ماما دي حتى كنا عندها الاسبوع الي فات وبتدعيلك انك
قعدتيها في بيتها معززة مكرمة بسبب كسر ضلوعها بعد العلقة
اللي اديتيهالها ورحمتيها من زحمة المواصلات
- ربنا يقدرني على فعل الخير. المية غليت ولا لسة
- اهئ اهئ يا ماما انا اسفة مش هعمل كدة تاني. مش هزعلك
- لالالا انتِ زودتيها قوي ولازم تتربي. امبارح تنيمي الواد في
الصالون والنهاردة طايحة زي الطور الهايج وماحدش قادر عليكي
- اهئ اهئ خلاص والله حرمت
- فات الأوان يا مرات اخويا
- حرام عليكو ابني صغير ومحتاجلي
- ابنك هيتربى وسط العيال ماتشليش همه. كتفوها كويس يا بنات
- ايه ده يا ماما يا ماما دي هربت الجبانة
- اجروا وراها هاتوها
- جريت وقفلت باب اوضتها بالمفتاح يا ماما
- اديني قاعدالها على باب الاوضة يعني هتروح مني فين. البت
فاكراني من الحموات النص كم اللي يعيطوا وينهنهوا ويقولوا مرات ابني ظالماني. كان
غيرك اشطر يا مرات ابني,ماعاش ولا كان اللي يدوس على خيال أم فتحي
˜—–™
- تررررررررررررررررررررررررررررن
ترررررررررررررررررررررررررررررررن تررررررررررررررررررررررررررررررررررررررررررررررن
تررررررررررررررررررررررررررررررررررررررررررررررررررر رد يا فتحي
بقى تررررررررررررررررررررررررررررن
تررررررررررررررررررررررررررررررررررررررررررررررررررررررررررررررررن..... يووووووووه الخط فصل ومش عايز يرد علية تررررررررررررررررررررررررررررررررررررررن تررررررررررررررررررررررررررررررررررررررررررررررررررررن تررررررررررررررررررررررررررررررررررررررررررررررررررررررن
- افندم
- فتحي تعالى الحقني مامتك واخواتك حابسيني في الاوضة ومش عارفة
اخرج ومامتك عايزة تضربني وانا محبوسة وخايفة
- هههههههههههههههههههههههههههههههه احسن تستاهلي
- كدة يا فتحي. عشان خاطري تعالى
- مالكيش خاطر عندي. انا تنيميني في الصالون يا مروة. طيب يا
مروة
- حقك عليا سامحني
- ايوة طبعا لازم تعتذري عشان مضطرة
- بجد حقك عليا انا غلطانة والله غلطانة
- هو انا يا مروة ماكنتش اقدر لما اشوفك بتعملي كدة وبتطاولي
علية اديكي المين على وشك يفوقوكي؟ بس انا اخلاقي ماتسمحليش اهين مراتي عشان ده
مبدأ عندي وتحت اي ظرف مش هغيره. لكن انتِ بقى يا هانم شوفي مسلمة ودانك لمين
وغيرك بالشكل ده وخلاكي تبقي واحدة تانية وبتسيئي لجوزك
- انا اسفة يا فتحي حقيقي اسفة والله انا مااعرفش عملت كدة ازاي
مع جوزي وحبيبي
- لا يا شيخة. بقيت جوزك وحبيبك دلوقتي
- خلاص بقى مايبقاش قلبك اسود. انا متعودة على طيبتك وحنيتك
- وانا كمان متعود على رقتك وحسن اخلاقك وياريت ترجعي زي الاول
- انا اسفة حبيبي
- حاضر هاجي. مع اني والله كنت ناوي ماارجعش البيت دلوقتي خالص
واروح اسهر مع اصحابي
- ربنا يخليك ليا يا حبيبي ومايحرنيش من قلبك الطيب
˜—–™
- تررررررررررررررررررررررررررن
ترررررررررررررررررررررررررررررررن
- مين
- انا فتحي يا امي
- اهلا يا حبيبي
- ازيك يا توحا
- اهلا اهلا منورين
- ازيك يا خالو فحتي
- فحتي! الواد ده عنده حول في الحروف ابقي ظبطيهاله يا هالة
- ازيك يا فتحي عامل ايه
- الحمدلله يا دينا. اخبارك انتِ ايه
- تمام الحمدلله
- كويس انك جيت يا فتحي, ادخل خلي مروة تخرج تحضر الغدا عشان
جوعنا قوي
- يا سلام. ماتحضروا الغدا انتو يا ست هالة
- سامعة يا دينا فتحي وكلامه اللي يفور الدم !
- جرا ايه يا فتحي. احنا ضيوف عندكو
- لا يا دينا انتوا اصحاب بيت واكتر والمطبخ قدامكو والفريزر
فيه من خيرات ربنا
- كدة برضو يا فتحي. طب بلاش عشانا احنا. خليها تيجي تطبخ عشانك
انت واحنا ناكل معاك
- لا ماتشيلوش همي واطمنوا خالص انا هاخد مراتي ونتغدا برا.
البسي يا مروة ولبسي صهيب عشان هنتغدا برا يا حبيبتي. سامعاني؟؟؟؟؟
- سامعاك يا حبيبي حالاااااااااااااااااااااااااا هكون جاهزة
- انت بتغيظنا يا توحا ولا ايه؟
- لأ يا دينا يابنتي دا بيكافئها عشان علمته الأدب ونيمته في
الصالون امبارح
- لا يا امي بكافئها عشان اعتذرت وعرفت غلطتها
- وقلة ادبها معايا مالهاش اعتذار؟ ولا امك ماتساويش حاجة
وزعلها مش مهم
- مروة. تعالي اعتذري لامي قبل ماننزل
- حاضر انا جاية
- انا اسفة يا ماما سامحيني
- المسامح ربنا يختي. تبهدلينا وتفرجي علينا الدنيا ويخرجك
يغديكي برا عشان يشل امه
- بعد الشر عليكي يا امي, احنا نازلين عايزة حاجة؟
- هعوز ايه. احنا بنزرع وغيرنا يحصد خيرنا. هقول ايه واعيد ايه
˜—–™
- متشكرة قوي يا حبيبي على العزومة دي
- العفو يا ستي
- شكلك لسة زعلان مني
- طبعا زعلان يا مروة, زعلان جدا
- خلاص بقى يا فتحي
- مش معنى ان انا عزمتك على الغدا ان انا راضي عنك. انا بس عشان
اتضايقت من اخواتي وهما عايزين يستغلوكي ويخلوكي تخدميهم وهما قاعدين,حسيت ان لازم
ادافع عن كرامتك واوقفهم عند حدهم
- فتحي! انت ماتعرفش كلامك ده بيخليني أخجل من نفسي ازاي
- يا مروة لو سمحتي من فضلك اسرار بيتنا ماحدش يطلع عليها
ارجوكِ. مش معقول تخلي الناس تشوف اخطاءنا وينتقدونا وهما مالهومش الحق في ده,مشاكلنا
نحلها جوا بيتنا وبينا وبين بعض وما نفضحش نفسنا قدام الاغراب وكل واحد يدينا رأي
شكل والبيت يتخرب
- عندك حق يا حبيبي. والله اسفة ومش عارفة اعمل ايه عشان ترضى
عني
- مش عايز اكتر من انك ترجعي مروة حبيبتي اللي حبيتها عشان
ادبها وحسن اخلاقها وصممت اتجوزها واتحديت الدنيا بيها
- اوعدك يا حبيبي اني هكون زي ما انت عايز وافضل
- ان شاء الله يا ام صهيب. هو صهيب نايم لحد دلوقتي؟
- ههههههههههههه ايوة نايم
- ايوة طبعا الاستاذ نايم ولا على باله العزومة اللي ابوه اتدبس
فيها بسبب امه ههههههههههههههههههه
˜—–™
- يا نوسمة,انتِ فين يا نسوم
- في المعتقل يا سي فرج. انت تقفل الباب علية بالمفتاح وماما
تيجي تزورني اقولها فرج قافل بالمفتاح!!!!!!!
- ماهي امك عدت علية وسألتني انا حابسك ليه قولتيلها بعالجها من
الاودمان والبورشام اللي هيخسر صحتها
- يا اخي انت مالك ومالي عايز مني ايه
- مالي ومالك ازاي. انتِ عنية اللي بشوف بيها يا نسوم. والله
مانتِ عارفة غلاوتك في قلبي. انا بعمل ده لمصلحتك يا حرمنا المصون
- اوووووووووووووووووووووف انا زهقانة عايزة اخرج
- من عنيا الاتنين, روحي البسي وتعالي اوديكي ايوتها مكان
تشاوري عليه يا نن عين فرج
- تعرف يا فرج. انا نفسي تجيبلي عربية
- لا مااجبلكيش عربية
- يا سلام! ليه بقى يا بخيل. ال وبتقول بتحبني ال
- والله بحبك بحبك اكتر من نفسي كمان ومش بخل والله. انا خايف
عليكي. السواقة خِطرة قوي يا نسوم. اخاف والله لبعد الشر يجرالك حاجة
- بقولك ايه. دا بخل بس انت مش عايز تبين بخلك يا بخيل يا جلدة
- طب شوفي تمن العربية كام واحطيهولك بأسمك في البنك عشان تعرفي
اني بس بخاف عليكي من الهوا الطاير.مش بخل ولا حاجة
- انت بجد بتخاف علية يا فرج؟
- اومال يعني عدم اللامؤاخذة هخاف على مين غيرك يا نن عين فرج
- اول مرة اسمع الكلمة دي. انا خايف عليكِ. انا كنت فاكرة ان كل
الرجالة زي بابا ماعندهومش مشاعر
- يا ستي اعتبريني انا ابوكي واخوكي وصاحبك وكل اللي تحبيهم
- ميرسي ميرسي قوي يا فرج. ها هنروح فين بقى؟
˜—–™
- ايه يا فرج وقفت العربية ليه؟
- استني بس يا نوسمة في ست كبيرة باين عليها رايحة مشوار ومش
لاقية حاجة تركبها
- طيب واحنا مالنا يا فرج
- مالنا ازاي يا نوسمة! حرام عليكي يا شيخة. يا حاجة. ياما.
ياست
- نعم يابني
- انتِ رايحة فين؟
- والله يابني بقالي ساعة واقفة مش لاقية حاجة اركبها ورجلي
وجعتني مش قادرة اقف
- طب اركبي هوصلك
- يا فرج انت بتهرج. ايه الاشكال اللي هتركبها العربية دي
- عيب يا نوسمة دي زي امي وامك. هي الرحمة اتنزعت من قلوب الخلق
ولا ايه يا ناس
- اووووووووووووووووف
- اتفضلي ياما. فتحتلك الباب
- الله يكرمك يابني. ربنا يوقفلك ولاد الحلال منين ماتروح. هي
اللي جنبك دي الست والدتك؟
- نعم!!!!!!!!!!!!!!!!!!!!!!!!!!!!!!!!!!
- لا يا حاجة سلامة الشوف. دي الست حرمنا المصون
- ازيك يابنتي. معلش اصل نظري ضعيف
- اووووووووووووووووووووووووووووووف
- رايحة فين يا حاجة
- رايحة امبابة
- حاضر من عونيا
- احنا ايه يودينا امبابة!!!. ايه يودينا امبابة!!!
- معلش يا نوسمة هنوصلها ونروح نتفسح زي ما اتفقنا
- اووووووووووووووووووووووووووووووووف
- وقفت ليه تاني يا فرج
- في واحدة ست معاها عيال صغيرين وشايلة عيل على كتفها وباين
عليها مش لاقية حاجة تركبها
- يعني اعمل ايه اعمل ايه في تصرفاتك اللي زي وشك دي. انتِ
هتقلبلي العربية ميكروباص!.
- يا حاجة. يا ست. يا ست يا ام العيال
- نعم يا اسطى
- رايحة فين؟
- رايحة باب الشعرية
- طب اركبي اوصلك
- هتاخد كام؟
- لا من غير فلوس
- ربنا يخليك ياخويا اركبوا يا عيال. انتِ يا اختي يللي جنب
السواق, انتِ نازلة فين؟
- هي مين دي اللي نازلة فين!. ثم انتِ مالك اصلا!
- طب خدي الواد ده على حجرك الله يباركلك
- ايه ده ايه ده. شيلي الولد القذر ده من على حجري. ايه القرف
ده!. انتِ ما بتحميهوش!. اعوذ بالله
- والله محمياه الاسبوع اللي فات وريحته زي الفل. مالك مش طايقة
روحك
- وانت مالك انتِ يا ست يا بيئة انتِ!
- انا بيئة! طب لمي لسانك بقى لحسن اخلي الاسطى ينزلك. نزل الست
اللي جنبك دي يا اسطى. وبعدين استنضف الناس اللي بتركبها جنبك
- يا نهارك مش فايت. نزل الست دي حالا يا فرج
- وبعدين بقى. خلاص بقى يا نسوم كبري دماغك.
- خدي ابنك المعفن ده
- مش هاخده. قاعد مرتاح على حجرك اخده ليه!
- طب والله لو ماخدتيه لرميهولك من الشباك. ايه ده ايه ده
لالالالالالالالالالالالالالالالالالالالالالا الولد عمل بيبي على
حجري يا ماميييييييييييييييييييييييييييييييي عاجبك كدة يا فرج!
- معلش يا اختي اصل مابلبسوش بامبرز عشان بوفر.
- اهئ اهئ اهئ اتفضلي شيليه لحسن اخنقهولك وكفاية هدومي اللي
اتبلت
- ادينا وصلنا اركن على جنب يا اسطى
- اتفضلي يا ست
- متشكرين يااسطى,يلا يا عيال,هاتي الواد لتخطفيه انتِ كمان
- خدي,جاتك القرف,روحني يا فرج, روحني خليني استحمى الله يسامحك
يا شيخ
- طب نوصل الست الحاجة بتاعة امبابة دي ونروح تغيري هدومك وننزل
تاني
˜—–™
- وصلنا امبابة يا ست
- يا حاجة
- يا ست
- هي ماتت ولا ايه يا نوسمة
- ماتت!
- شوفيلها النبض كدة دي مابتتحركش
- يا دي الخروجة وسنين الخروجة. انا كان ايه خلاني اقول عايزة
اخرج. انتِ ياست انتِ
- مين بيصحيني؟
- مين بيصحيكي ده ايه. هو انتِ نايمة في بيتكو! قومي انزلي
وصلنا,أوف
- ربنا يكرمك يابني وينور طريقك
- مع السلامة يا حاجة. ابقي تعالي
- استغفر الله العظيم. في حد يعمل عمايلك دي. خارجين نتفسح تقوم
تملالي العربية ناس عجيبة وتوصلهم وتعطلنا عن مشوارنا!
- هو البني ادم يا يعملش خير يا نوسمة ولا ايه. اومال هنقابل
ربنا بأيه
- وان شاء الله كدة حضرتك بتركب ستات وانا مش معاك
- ههههههههههههه انتِ بتغيري عليا؟
- اغير عليك ده ايه!. ده مجرد سؤال
- لا والله مابركبش حريم. بركب رجالة. الاقي راجل عجوز ولا راجل
مسكين باخده اوصله
- ان عمري ماشوفت بني ادم زيك. اتفضل روحني خليني اخد شاور. مش
طايقة ريحتي
˜—–™
انتهت الحلقة السابعة، تتبع بالثامنة والأخيرة حالاً إن
شاء الله
لا إله إلا الله ولا حول ولا قوة إلا بالله
عيني عليكي يا نوسمة
ردحذفعايشة في عالم تاني خالص كان مستخبي لك فين ده كله😂😂
القنعرة دي هتطلع ع دماغك
تسلم إيدك يا استاذة هوبا
💓دُمتِ مُبدعة 💓
كاميليا محمد
ردحذفلا إله إلا أنت سبحانك إني كنت من الظالمين
الحلقة جميلة جدا سلمت يداك ❤️🌹
تحفة يا بوبة
ردحذف