رواية أم فتحي ( السادسة)

 

-   لااااااااااااااااااااااااااااااااااااااااااااااااااااااااا مش ممكن الحقيني يا ماما هيغم عليا

-   يا مصيبتي. ايه اللي انت عامله في نفسك ده يا معلم

-   في ايه يا حوماتي

-   ايه البدلة العرة اللي انت لابسها دي. وايه الألوان دي. حد يلبس بدلة بنطلونها اخضر والجاكيت مخطط احمر وازرق ومالي الجيب ريش!

-   لا يا ماما ولا شوفي الكرافت

-   لا دي مش جرافتة. دي فنلة قديمة قلت استفيد منها بدل ماتترمي

-   يا دي الفضايح يادي الفضايح

-   والله انتوا عالم ما بتفهموا في الموضة. ايش فهمكو انتو بلبس الملوك

-   ماما. انا مش رايحة القاعة. انا هاخده وامشي من برا برا لحسن حد يشوفنا

-   يابنتي ماينفعش. الناس تقول ايه. لازم نروح وامرنا الى الله

-   اهئ اهئ اهئ اهئ اهئ يا مامي اهئ اهئ اهئ

-   هي حرمنا المصون بتعيط ليه يا حوماتي؟

-   بتعيط من الفرحة, مش مصدقة نفسها انك بقيت جوزها

-   ليها حق ما تصدقش. اصل انا واد لقطة واللي تتجوزني محظوظة بنت محظوظة

˜—–™

-   ههههههههههههههههههههههههههههههههههههههههههههههههههههههههههههههههه
ههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه

-   بصوا بصوا شوفوا عريس نسمة

-   بس يا هالة انتِ ودينا عيب عليكو

-   هههههههههههههههههههههه مش قادرة يا ماما شكله يفطس من الضحك هههههههههههههههههههه

-   وبعدين بقى سكت اخواتك يا فتحي

-   بس عيب بقى احترموا نفسكو شوية

-   لووووووووووووووووووولوووووووووووووووووووووووووووووووييييييييييييييييييييييييييييييي لووووووووووووووولوييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييي

-   مبروك يا فرج يا خويا

-   الله يبارك فيكِ ياباتعة يختي

-   مبروك يا مرات اخويا.....هي مابتردش ليه؟

-   مغم عليها من الفرحة,فوقي يا حرمنا المصون المعازيم بتحسدك ع الأملة اللي انتِ فيها

-   مبروك يا فرج

-   الله يبارك فيكي يا سيدة ازيك يا محاسن,سلمي على سيدة ومحاسن اخواتي من ابويا ولاد تنت لواحظ

-   مبروك يا فرج

-   الله يبارك فيك يا سيد انت ودكروري

-   ايه الاسامي دي. ايه الناس دي

-   عيلتك الجديدة يا حرمنا المصون

-   اهئ اهئ اهئ لا لالالالا مش ممكن ياربي ع الأشكال. شبه المجرمين اللي بيجوا في صفحة الحوادث اهئ اهئ اهئ

-   بس يا نسمة عنيكي يا حبيبتي. كفاية عياط

-   مش قادرة يا ماما خديني معاكي انا مش عايزة الناس دول

-   هو هزار يا نسمة! دا جواز يابنتي, وخلاص انتِ دلوقتي بقيتي حرم المعلم فرج الفرارجي

-   اااااااااااااااااااااااااااااااااااااااااااه يا مامي يا ماميييييييييييييييييييييييييييييييييييييييييييييييي

-   مبروك يا معلم فرج

-   الله يبارك فيك يا معلم فوزي,احب اقدملك اعز اسدكائي المعلم فوزي أبو فروة أكبر تاجر خرفان فيكي يا كاهرة والمودام بتاعته الحاجة معزة

-   مبروك يا عرسان. خروف واتلم على نعجة ماشاء الله عليكو

-   الله يخليكي يا مودام

-   انما ايه الشياكة دي يا معلم

-   عريس بقى ولازم اتشيك واشرف حرمنا المصون الست نوسمة

-   مبروك يا عروسة ابني

-   اهلا يا طنط بطة الله يبارك فيكي

-   خلي بالك من من المعلم فرج ابني حطيه في عنيكي و اقفلي عليه لحد يلطشه منك

-   خليهم يلطشوه. انا عايزة حد يلطشه. حد ياخده من جنبي يا ناس حرام عليكو اهئ اهئ

-   يلا الزفة جاهزة

-    لاااااااااااااااااااااااااااااااااااااااااااااااااااااااااااااااااااااااااااااااااااااااااااااااا

-   الوداع يا نسمة. الوداع يا  حبيبة خالتك. ماكانش يومك يابنت اختي  اهئ اهئ اهئ 

˜—–™

-   كااااااااااااااااااااااك  بق بق بق كااااااااااااااااااااااااااااااك كااااااااااااااااااااااااااااااااااك

-   ايه ده. ايه الفراخ اللي مالية اوضة النوم دي!انت يا فرج يا فرررررررررررررررررررررررررررررررررج  انت يا بني ادم

-   انتِ صحيتي. صباحية مباركة يا مودام

-   الله لايبارك فيك يا شيخ. ايه الفراخ اللي مالية اوضة النوم دي

-   جاين يباركولك يا حرمنا المصون

-   طلعهم برا بررررررررررررررررررررررا

-   لا اصل انتِ مش فاهمة ,دول جايين يبيضوا وينزلوا شقتهم ما تخافيش

-   يعني ايه؟

-   جاهلة يا عالم جاهلة هنقول ايه. الفراخ يا مودام لما تتعود تبيض في مكان لازم تبيض فيه كل يوم, ربنا ما يقطعلهم عادة ولا يحرمنا من بيضهم

-   يا سلالالالالالالالالالالالالالالام! ودول هيبيضوا فين؟

-   تحت السرير

-   يعني كل يوم يطلعلوا يبيضوا في اوضة نومي؟

-   شوفي السعد اللي اتكتبلك

-   طلع الفراخ دي من هنا لحسن والله اسمهوملك. انا مجنونة واعملها

-   اعوذ بالله. حد يكره الخير يا نوسمة!

-   يا بني ادم السجاد اتبهدل حرام عليك مشيهم مشيهم

-   طب استني نص ساعة هيبيضوا ويمشوا وبكرة ابقى اتصرف معاهم. انا نازل وانتِ ابقي لمي البيض. اياك بيضة تتكسر. هيطير فيها رقاب والدم هيبقى للركب

-   انت بتهددني؟

-   مش انا والله. بس الفراخ دي شرانية وبيضهم غالي عليهم وهما اللي هيبهدلوكي ويبهدلولك عفشك

-   يا فرج

-   نعمين

-   هموت من الريحة

-   ريحة ايه

-   ريحة فراخك وبطك ومعيزك. مش طايقة حراااااااااااااااااااااام

-   بكرة تتعودي عليها وتدمنيها

-   والله حرام عليك حد يسكن وسط الفراخ والبط والأرانب برضو!

-   دول احلى جيران. ولا تلاقي فرخة قليلة ادب ولا بطة تطول لسانها عليكي. هما في حالهم وانتِ في حالك

-   تررررررررررررررررررررررررررن تررررررررررررررررررررررررررن

-   بالإذن يا نوسمة هروح اشوف مين ع الباب

-   روح مطرح ما تروح وسيبني في حالي أوف,دا ايه الكابوس اللي انا فيه ده ياربي!

˜—–™

-   مين

-   انا امك يا فرج ومعايا اخواتك باتعة وست ابوها

-   مرحب يا امّا

-   الله يرحب بيك يا حبيبي, نزل السبت من على دماغ اختك

-   عنك يا باتعة,نتعبلك يوم فرحك,ازيك يا امّا, وحشاني من امبارح وربنا

-   ما تشوفش وحش يا حبيبي,اسم الله عليك وشك منور,صباحية مباركة يا سيد العرسان

-   الله يبارك فيكِ يا بركة,ازيك يا بت يا باتعة

-   تسلم وتعيش يا اخويا,الف مبروك

-   الله يبارك فيكِ,ازيك يا ست ابوها

-   بخير طول ما انت بخير يااخويا,صباحية مباركة يا عريس الهنا

-   الله يبارك فيكِ,عقبالكو كدة في بيوت عدلكو يا جوز البرابر,ادخلوا الصالون على ما انادي نوسمة

-   طيب,تعالي يا بت انتِ وهي وهاتوا السبت اللي جايبينه أما نستناهم في أوضة المسافرين

-   إسمها الصالوم يا امّا الصالوم ما تفضحيناش مع عروسة اخويا لتقول علينا جاهلين

-   خلاص يا باتعة عرفت, آل صالوم آل, هو احنا داخلين نحلق!

˜—–™

-   يا نوسمة,امي جت افرحي

-   يووووووووووووووووووووووو,حد يجي بدري كدة!

-   بدري من عمرك ,اخرجي سلمي عليها وعلى اخواتي باتعة وست ابوها,وافردي وشك كدة ليقولوا متخانقين كفالله الشر

-   أوف

˜—–™

 

-   عروسة اخويا اهيه يا امّا

-   هي مالها مش طايقة تبص علينا كدة يا بت يا باتعة؟

-   أنا عارفة يا امّا!يمكن مكسوفة,ازيك يا ابلتي نسمة

-   ابلتي نسمة! ايه ابلتي دي كمان! ما تتكلمي كويس يااسمك ايه انتِ

-   ما انا بتكلم كويس اهو وبحترمك وبقولك يا أبلتي, زعلانة مني ليه بقى! هي مالها بتبصلنا من فوق لتحت كدة يا ست ابوها؟

-   غيرانة مننا يا بت,خليها بنارها..ازيك يا عروسة اخويا, صباحك ورد

-    أوف ميرسي

-   هي مالها كدة بتسلم علينا من بعيد يا واد يا فرج ومش هاين عليها تقرب

-   معلش يا اما اصل ريحتها وحشة وخايفة لتقرفوا منها

-   ازيك يا مرات ابني

-   هاي طنط بطة

-   هي مراتك بتشتمني يا واد ولا ايه؟

-   لا يا ما دي بترحب بيكي بالخواجاتي. اصلها بنت مدارس

-   والله ياخويا انا ماعارفة المدارس دي لزومها ايه. والناس بتدفع دم قلبهم فيها ليه,  دي حتى بتعلم العيال قلة الأدب والقراية. مانا عندي ست عيال أهو طلعتهم من المدارس  وقعدتهم جنبي. وطلعوا زي الفل أهو. ولا ايه رايك في جوزك يا نسمة

-   فل فل قوي, حاجة تشرح القلب

-   شوفتي مراتي بتدوب فيا دوب ازاي ياما. اصل ابنك يتحب

-   من يومك يا حبيبي والبنات بتجري وراك. مش هنشرب حاجة ولا نقوم نروح

-   نسمة

-   نعم

-   شوفي الهانم امي تشرب ايه

-   بس خدي الاول السبتين دول فضيهم وهاتيهم عشان عايزاهم,دخلوهم المطبخ يا باتعة انتِ وست ابوها

-   وليه التعب دا ياما

-   حاجة بسيطة يا حبيبي, عشرين كيلو زبدة وعشرين سكر وعشرين رز  وباكو شاي

-   كان كفاية باكو الشاي ياما

-   معلش يا حبيبي كلوا واتهنوا انتو عرسان. كنت هجيبلكو فراخ بس قلت انتو مش محتاجينها. الخير عندكو زايد وفايض ومش عارفين تودوه فين

-   ارحميني من عنيكي ياما ابوس ايدك

-   اخص عليك هو انا هحسدك ياواد!. انا بدعيلك يزودهوملك ويكترهوملك قادر كريم

-   لا ارجوكي يا طنط مش عايزين الدعوة دي انا اتخنقت من الريحة ياناس حرام عليكو

˜—–™

-   ترررررررررررررررررررررررررررررن تررررررررررررررررررررررررررررن

-   مين

-   انا سعاد افتحي يا ام فتحي

-   سعاد مين؟

-   سعاد بنت خالتك. هو حد بيعبرك غيري!

-   اهلا اهلا يا مرحب ازيك يا سعاد عاش من شافك اتفضلي

-   يزيد فضلك يا ام فتحي

-   والله زمان يا سعاد. ايه الغيبة الطويلة دي

-   مشاغل يا ام فتحي. اللي عليها بيقاسي يختي

-   وحشني كلامك اللي بيجيب اكتئاب. ازيك يا سعاد وازي العيال

-   عيال ايه. العيال كبرت وكبرنا معاهم يلا حسن الختام بقى. هناخد زمنا وزمن غيرنا

-   يا لهوي. كل ده عشان بقولك العيال عاملين ايه

-   مش عماد اتجوز

-   عماد مين؟

-   يوه. عماد ابني الصغير

-   ماشاء الله. وماعزمتوناش ع الفرح ليه؟

-   كان فرح الشوم واللوم بعيد عنك. اتخانقت مع ام العروسة والفرح كان هيبوظ

-   واتخانقتوا ليه؟

-   داست على رجلي. اسكتها ولا اسكتلها!

-   لا ودي تيجي!. لازم تاخدي حقك وتفتحي دماغها

-   اديكي قلتِ يا ام فتحي

-   والفرح تم ولا باظ على كدة؟

-   تم يختي هنعمل ايه.هو حد يقدر يمنع قضاء ربنا

-   إنا لله وإنا إليه راجعون. زعلتيني. تشربي ايه

-   اشرب عصير قصب

-   واجيبهولك من انهي مصيبة دا!

-   خلاص اي حاجة ساقعة

-   عن اذنك هروح اجيبلك

-   ليه. هي مش مرات ابنك عايشة معاكي؟

-   ايوة

-   وانتِ اللي هتقومي تجيبي بنفسك!

-   اصلها حامل وتعبانة

-   يختي عليكي وعلى حنية قلبك. هو احنا هنديهم رجالة يستتوهم وهنشتغل عندهم خدامين كمان!. ايه الخيبة اللي انتِ فيها دي!. انشفي يا ام فتحي مش كدة لنشطب اسمك من سجل الحموات وناخد منك النياشين والأوسمة

-   يختي برضو الواحد يبقى عنده شوية رحمة يا سعاد

-   وهما كانوا رحمونا لما خدوا فلذات أكبادنا جهارا نهارا على رؤوس الأشهاد ظلما وعدوانا!

-   اي والله عندك حق يا سعاد.خلاص انا هستنى لما تولد وبعدين استعيد نشاطي

-   يختي وهي تعبانة في ايه!. هو شغل البيوت دلوقتي بقى يتعب ولا يهد حيل!. دا كل حاجة بالكهربا,الغسيل يحطوه في الغسالة الاتوماتيك ويطلعوه ينشروه. تعبوا في ايه دول قوليلي!. ياما الطشوت خدت مننا رقات يا ام فتحي يختي ولا نسيتي قطمة وسطنا واحنا بندعك الهدوم!

-   اهئ اهئ اهئ بتفكريني ليه يختي خليني ناسية

-   ولا المكنسة ام كهربا اللي بتشفط لوحديها واللي ماسكاها تستهبل وتقول دانا كنست واتهد حيلي. فين دول من المقشة الليف اللي كنا نوطي ونكنس بيها لما جالنا كساح

-   اهئ اهئ اهئ فاكراها. الله لا يرجعها

-   تقومي تقوليلي بيتعبوا. ال بيتعبوا ال. اندهي عليها تعملنا حاجة نشربها بلا دلع ستات فارغ. دانا مرات ابني بتشوفني تقوم تقف وتديلي التحية العسكرية. انتو حموات انتوا!

-   مروووووووووووووووووووووووووووووووووووووووووووووووووووووووووووووووووووة

˜—–™

-   كنت فين يا فرج؟

-   بتفقد احوال الرعية

-   رعية ايه اللي بتتفقد احوالها  دي ان شاء الله

-   روحت اشوف الجيران يكونوا محتاجين حاجة. لقيت الانارب شكلهم مش عاجبني

-   ازاي يعني

-   زي ما يكونوا نفسويتهم تعبانة وسرحانين

-   يا سلام! هي الأرانب نفسيتها بتتعب كمان!

-   اومال ايه. الحاجات دي ما يعرفهاش الا اللي عنده قلب واحساس زي حالاتي. اوعي تكوني بتعامليهم وحش يا نوسمة عشان كدة واخدين على خاطرهم

-   وانا مالي ومالهم يا بني ادم انت. انا بفتح باب الشقة لقيت كذا ارنب واقفين عند الباب خوفت وقفلت بسرعة قبل ما يدخلوا

-   ايوة ايوة قولتيلي عشان كدة. انتِ جرحتي مشاعرهم. الله يسامحك يا شيخة. اهم لا راضين ياكلوا ولا يشربوا

-   يااخي ان شالله ما طفحوا. هو احنا ماورناش غير سيرة الطيور بتاعتك!

-   اومال هنتكلم عن ايه يعني؟

-   نتكلم عن اي حاجة. اتكلم في السياسة مثلا

-   اهو انا ما اكرهش في حياتي اد السياسة دي عدم اللامؤاخذة. الجماعة بتوع السياسة دول عاملين زي الديوك طول النهار ياكلوا في بعض وبيتخانقوا بغباوة وناقص يمسكوا مطاوي ويغزوا بعض. ربنا يكفينا شر السياسة. خلينا في عالم الحيوان احسن

-   بقولك ايه. انا عايزة اخرج اتفسح خرجني من هنا على الاقل ارتاح من الريحة

-   ودي معقولة!. نخرج ونسيب الجيران لوحديهم!

-   بقولك ايه. عايزة اخرج يابني ادم انا مخنوقة

-   طب خلاص انا هاخدك بالعربية ونطلع امريكاني على سوق العبور نجيب قفصين برتقان ونقعد في اي جونينة نقشرهم وناكلهم. واهو نغير جو

-   سوق العبور! اتقي الله فيا. عايزة اتفسح يا بني ادم عايزة اتفسح

-   طب ماتقولي عايزة تروحي فين وانا اوديكي يا نوسمة

-   احنا ناخد العربية ونطلع ع المقطم

-   طب خدي معاكي قسيمة الجواز ليقفشونا هناك

-   يييييييييييييييييييييييي ياربي ارحمني. ولا اقولك تعالى نتعشى برا

-   ونتعشى برا ليه!. هو احنا ما فيش اكل في بيوتنا!. وبعدين هنتعشى عند مين.الناس كلها بقت بخلا ومايتعاشروش

-   يابني ادم هو احنا هنروح ناكل عند حد نعرفه!

-   اومال يعني هنخبط ع الناس الغورب نقولهم عشونا!. انتِ جرا لمخك حاجة يا حرمنا المصون!

-   يا فرج يا فرج الناس بتتعشى برا في مطاعم. مطاعم شيك. مطاعم كبيرة

-   طب ماتقولي كدة. شوفي عايزة تروحي فين. عيوني ليك يا باشا يا احلى من البوغاشة

˜—–™

-   اركن على جنب يا فرج المطعم أهوه

-   ركنا على جنب يا حرمنا المصون. ايوتها خدمة يا جميل

-   يلا انزل قاعد ليه!

˜—–™     

-   يا الطاف الله. ايه المكان الفِخم ده

-   ما تدخل يا فرج

-   هو ما فيش حد واقف عشان يلم الفلوس ليه؟. يا جماعة يللي هنا. المعلم فرج وجماعته شرفوكو

-   يا اخي وطي صوتك وطي صوتك. هو انت فاكر نفسك في سوق العبور بتاعك. وبعدين فلوس ايه يا اخي. الناس هنا بتدفع الفلوس بعد الأكل. ادخل. تعالى نقعد ع الطرابيزة اللي في الآخر دي.

-   طب استني نسلم ع الناس الحلوة اللي قاعدين دول لحسن يفتكرونا ما بنفهمش في الأصول. سلامو عليكو ازيك يا سيدنا الافندي

-   ايه ده!!!!!!!. اهلا. وسهلا

-   ازيك يا مودام

-   هو في ايه!!!!!!!!. اهلا يا فندم

-   يا ربي ع الفضايح. ايه اللي بتهببه ده.

-   بنسلم ع الناس في ايه

-   واحنا مالنا ومالهم. هنا كل واحد يدخل يقعد على طرابيزة ومالوش دعوة بحد

-   ليه. هما متخاصمين. ربنا يكفينا شر الخصام. وبعدين طب ما انا بروح اقعد ع القهوة واسلم على كل الاخوة الافاضل القاعدين. المعلم سطوحي والمعلم جادالله والمعلمة نحمده

-   يا فرج ابوس ايدك.هنا مجتمع تاني. هنا ناس كلاس. هاي استاندرد. إليت.إليت يا بني ادم إليت. افهم بقى

-   ربنا يشفيهم ويعافيهم من الأمراض اللي قلتِ عليها دي. الدنيا مليانة بلاوي.

-   اقعد يا فرج

-   اديني قعدت يا حرمنا المصون. الله. حلوة قوي قصرية الورد دي

-   اسمها فاز مش قصرية. المتر جاي أهو

-   مساء الخير يا فندم

-   يسعد مساك يا بلدينا

-   اتفضل المينيو. اتفضلي مدام

-   ميرسي

-   يا عم احنا عايزين ناكل. ايه الاوراق اللي سابهالنا دي. اوعي تمضي على حاجة لتكون وصولات امانة ولا حاجة ونروح في داهية

-   يا فرج دي اصناف الأكل اللي عندهم. انت اختار اللي انت عايزه

-   انا مش فاهم اي حاجة من الكلام المشنكل المكتوب ده

-   انا عارفة اني هتفضح. هختارلك انا على ذوقي...متر

-   تحت امرك مدام

-   اتنين جريلد ستيك. اونين سوب وجرين سالاد

-   مافيش فتة كوارع؟

-   انت تسكت خالص

˜—–™

-   فرج ايه اللي بتعمله ده. ايه اللي بتعمله ده

-   بشرب الشوربة

-   بتشرب الشوربة ولا بتستحمى. دانت غرقت هدومك وغرقت الطرابيزة وبهدلت الدنيا

-   ماتسبيني اشرب براحتي هو في ايه

-   يابني ادم فضحتني. حد في الدنيا يرفع طبق الشوربة على بقه ويشرب بالهمجية دي

-   بقولك ايه. قومي. مافيش عشا. دا ايه الذل ده. انا هروح اكل في البيت

-   ايه ده ايه ده. مين اللي جاية هناك دي. يادي المصيبة. دي هيام صاحبتي وجوزها الدكتور شريف. استخبى فين ياربي

-   هاااااااي نسومة ازيك

-   أأأأأأأأأأ اهلا ازيك يا هيومة

-   جوزك!

-   اه اه جوزي

-   السلام عليكم

-   وعليكم السلام ورحمة الله اهلا بالناس الأكابر

-   دكتور شريف عبد اللطيف

-   يا مرحب يا داكتور. اخوك المعلم فرج يحيك

-   معلم! جود.جود. اتشرفنا

-   يشرف مقدارك يا داكترة. اومال فين البلطو الابيض  والسماعة؟

-   هههههههههه نسيتهم في العيادة هههههههههههه يلا يا هيام

-   جوزك ده حاجة اوريجينال خالص. جود لاك بيبي هههههههههههه

-   ااااااااااااااااااااااااااااااااااااااااه ياناري الست هيام اللي كانت بتلبس شراب فردة وفردة بقت هانم وبتتريئ عليا. اهئ اهئ اهئ ليه انا حظي كدة

-   صاحبتك باين عليها بتحكد عليكي عشان الأملة اللي بقيتي فيها بسببي

-   انت هتقولي. ولسة. هو انا شوفت منك حاجة. يا ماميييييييييييييييييييييييييييييييي

˜—–™

-   يا ماما تعالي انا بكلم هاجر ع النت,ماما جايا أهيه يا هاجر, انتِ عاملة ايه

-   الحمدلله كويسة يا سارة ازيك انتِ

-   الحمدلله عايشة. يا ماما تعالي كلمي هاجرررررررررررر

-   ايوة انا جيت أهو,ازيك يا هاجر يا حبيبتي

-   ازيك انتِ يا مامتي وحشتيني قوي, وازي بابا هو فين؟

-   مش موجود والله معلش. مع ان كان نفسه يكلمك قوي

-   سلميلي عليه كتير. مروة عاملة ايه

-   هتولد الشهر ده ان شاء الله

-   ماشاء الله. ربنا يقومها بالسلامة

-   طمنيني عليكي انتِ عاملة ايه. ومافيش حاجة جاية في السكة

-   لا والله لسة. نفس السؤال اللي حماتي سألته إمبارح

-   هي حماتك بتكلمك ع النت؟

-   ايوة. مش بتكلمني انا مخصوص يعني. هي بتكلم احمد وتسلم عليا ع الماشي كدة

-   ايه الطريقة اللي بتتكلمي بيها عن حماتك دي!

-   بصراحة يا ماما تصرفاتها تخنق هي والهانم الست مريم بنتها وكمان اخواته كلهم المتجوزين

-   خير. في ايه. هاتي ماعندك

-   هههههههههههههههه شكل حماتها زي حماة مروة يا ماما

-   نقطينا انتِ بسكاتك وخليكي في حالك

-   انا مالي انتو حرين. خليهم ياخدو على دماغهم. بس بقى مايرجعوش يشتكوا ويعيطوا

-   يابنتي اسكتي. دانتِ كلامك يقوم حروب. خير يا هاجر. اومال يابنتي لو ماكنتيش في بلد وحماتك في بلد كنتي عملتي ايه!

-   يا ماما اول ما اتجوزت أحمد لاحظت انه كل شهر بيبعت فلوس لمامته. وطبعا دي حاجة ضايقتني جدا ومارضيتش اتكلم رغم غيظي,لكن لقيت ان كمان الست مريم مش مكفيها الفلوس اللي بيبعتها وكانت امبارح بتكلمه وعماله تقوله ابعتلي فلوس يا حمادة عشان عايزة اشتري حاجات ناقصاني. حاجة تقرف,وبصراحة كلمته في الموضوع واتنرفز علية وقالي مالكيش دعوة وماتتدخليش بيني وبين اهلي. دي حاجة ماتخصكيش

-   كمان كلمتيه في الموضوع! يعني اقول عليكي ايه بس. انتِ مالك انتِ بالأمور دي!

-   يعني ايه يا ماما وانا مالي. هو احنا متغربين عشان مستوانا يبقى احسن ولا متغربين عشان نصرف على أهله. وهما اصلا مرتاحين ماديا ومش محتاجين فلوس. لكن نقول ايه بقى في الطمع والاستغلال

-   دول طماعين قوي يا هاجر, المفروض ما تسكتيش ع المهزلة دي يا اختي

-   يا بنتي يابنتي ارحمينا

-   انا سكتت أهو

-   لا حول ولا قوة الا بالله. هو منقصك حاجة يا هاجر؟

-   ابدا يا ماما بالعكس عمره ما رفضلي طلب

-   اه. قولتيلي بقى. انتِ بقى مستخسرة ماله في حد تاني غيرك. عايزة كل حاجة ليكي

-   يا ماما انا ما اقصدش كدة. يدي اهله. انا ماعنديش مانع. لكن بالعقل. لكن دا جنان وسفه

-   اصل عيلتنا موعودة بالمجانين يا هاجر يا اختي

-   اتكتمي انتِ ولا قومي شوفيلك حاجة تعمليها وسيبيني اكلم اختك براحتي

-   ايه يا ماما هو الواحد ما يعرفش يقول كلمة حق في البيت ده!. دا مال جوزها ومن حقها تسأله وتحاسبه. اومال مراته ازاي بقى!

-   سيبيها يا ماما سارة عندها حق

-   شوفتي يا ست هانم. زودي اكتري واخربي بيوت اخواتك

-   يوووووووووووووووووه انا قايمة وسايبة الاوضة خالص

-   يكون احسن. وانتِ يا ست هاجر. قوليلي هو جوزك عنده كام سنة

-   ايه السؤال ده يا ماما. ماانتِ عارفة ان عنده اتنين وتلاتين وكام شهر

-   تعرفي من اكتر من اتنين وتلاتين سنة كان فين؟

-   كان بيبي في حضن مامته طبعا

-   كويس والله انك عارفة انه كان بيبي في حضن مامته, ومين اللي اهتم بيه وسهر عليه؟

-   مامته طبعا

-   ومين كان بيأكله؟

-   مامته

-   ومين اللي لما كان يتعب يوديه للدكتور؟

-   مامته

-   ومين رعاه لحد ما  اتخرج من الجامعة بقى راجل يعتمد عليه؟

-   مامته

-   يعني حضرتك ما تعبتيش معاها في حاجة

-   لأ

-   والست قدمتهولك على طبق من دهب راجل محترم تتباهي بيه ويصرف عليكي وتعيشي في خيره وفي الآخر مش عايزاه يرد شيئ من جميل أمه عليه اللي مهما عمل مش هيرده برضو,انتو جرالكو ايه يا بنات اليومين دول!. اومال صلاة ايه وقرآن ايه اللي بتقروه وفي الآخر ما بتعملوش بولا حرف منه. اتقوا الله شوية في حمواتكو

-   يا ماما............ اصل.......... عندك حق يا ماما. انا غلطانة بجد

-   ماتبقيش أنانية, وبجد جوزك لو اتنكر لأهله ومارعاهمش خليكي متأكدة انه هيجي يوم يتنكرلك ويضحي بيكي. المفروض تكوني اسعد واحدة ان جوزك راجل بار بأمه وعطوف على اخته

-   انا اسفة يا ماما

-   اتأسفي لجوزك مش ليا أنا

˜—–™

-   رررررررررررررررررررررررن ترررررررررررررررررررررررن

-   مين

-   انا نسمة يا ماما

-   نسمة بنتي حبيبتي روح قلبي وحشتيني

-   امووووووووووووووه وحشتيني اكتر يا ماما

-   عاملة ايه  يا حبيبتي

-   اديني عايشة

-   ايه. مالك

-   زهقانة يا ماما زهقانة هطق

-   ليه بس كدة يا حبيبتي. هو فرج مزعلك؟

-   وجوده في حياتي هو اللي مزعلني. صعب يا ماما تعيشي في بيت واحد مع راجل لا انتِ فاهماه ولا هو فاهمك

-   يختي وتفهميه ويفهمك ليه. ماتخليكو عايشين وحامدين ربنا

-   امبارح يا ماما مرتات باباه التلاتة جم عندنا. مش قادرة يا ماما اوصفلك اشكالهم. عارفة يا ماما ستات تخااااااااااااااااااااان قوي وكل واحدة لابسة عباية سودة وبتلمع,ولابسين سلاسل كبيرة وتخينة ونازلة لحد كروشهم. ومرشقين خواتم في صوابعهم بافترا,ولابسين غوايش دهب كتيييييييييييييير كتير قوي وحلقان مدورة كبيرة قوي. الحلق قد غطا علبة السمنة, وكل واحدة فيهم عندها ضرسين تلاتة دهب في بقهم وشكلهم يخوف كدة

-   يا حبيبتي يابنتي. طب ما بلغتيش عنهم ليه؟

-   يا ماما انا كنت قاعدة مرعوبة وحمدت ربنا لما مشيوا. حتة عيلة عمري ماشوفت زيها في حياتي

-   معلش يا حبيبتي  استحملي. كفاية فرج حنين

-   يا شيخة ربنا ياخده هو وفراخه. يا ماما انا من كتر ما عاشرت الفراخ كل شوية اجري ابص في المرايا ليكون طلعلي منقار

-   بعد الشر عليكي ما تقوليش كدة. هو فرج ماجاش معاكي ليه؟

-   بيأكل الفراخ ويغيرلهم المية وجاي ماتقلقيش

-   والله راجل طيب. شايل هم الفراخ...قوليلي يا نسمة

-   نعم يا ماما

-   مافيش كدة كتكوت جاي يطنطط في السكة وتفرحيني

-   مامااااااااااااااااااا بلاش سيرة الكتاكيت. انا نفسيتي تعبانة

-   خلاص. مش هتفرحينا بأرنوب صغير يقولي يا تيتة

-   يعني اسيبلك الدنيا وامشي عشان ترتاحي

-   خلاص اهدي خلاص. انا بس عايزة اطمن

-   انتِ متخيلة يا ماما اني ممكن اخلف من بني ادم زي ده!. انا من اول يوم جواز باخد حبوب منع الحمل

-   يا مصيبتي! والمعلم فرج يعرف الكلام ده؟

-   لأ طبعا مايعرفش. هو ماله هو!

-   يابنتي حرام عليكي. تلاقي الراجل نفسه في حتة عيل

-   دا قرفني بالموضوع ده. كل شوية يقولي نفسي في عيل يقولي يابا. تخيلي انا ابني يقول يابا.

-   يا عيني! طب وامه ما بتتكلمش؟

-   انا مش بروح عندها وهي مش بتيجي

-   وانتِ فاكرة ان امه هتسكت!. دي تلاقيها على نار وبتقول ايه اللي أخر حملك

-   تقول اللي تقوله

-   تررررررررررررررررررررن تررررررررررررررررررررررن

-   مين

-   انا فرج يا تنت

-   اهلا يا حبيبي ازيك يا جوز بنتي

-   الله يخليكي يا حوماتي. اتفضلي جوزين فراخ بكبدهم وقوانصهم هدية من المحل

-   ربنا يزيدك من فضله. تعيش وتجيب

˜—–™

-   اااااااااااااااااااااااه فتحي فتحي الحقني انا تعبانة قوي اصحى ااااااااااااااااااااه

-   ايه ايه يا مروة في ايه

-   انا تعبانة شكلها ولادة. صحيلي ماما بسرعة

-   حاضر حاضر يا حبيبتي

˜—–™

-   يا امي

-   اخخخخخخخخخخخخخخخخخخخخخخخ

-   امي

-   اخخخخخخخخخخخخخخخخخخخخخخخخخ

-   يا امي

-   اخخخخخخخخخخخخخخخخخخخخخخخخخخخخخخخخخخخخخخخخخخخخ

-   امي

-   ايييييييييييييييييييييه في ايه بتصحيني ليه؟

-   مروة بتولد

-   طب واحنا مالنا يابني!

-   يا امي احنا مالنا بايه مراتي بتولد

-   استغفر الله العظيم. هي الساعة كام؟

-   الساعة حوالي اتنين

-   وهو في ست عاقلة تولد الساعة اتنين بالليل!. دا ايه وجع القلب ده. مافيش ذوق. ما تحطش في عنيها حصوة ملح وتقول استنى الصبح عشان ما اقلقش الناس معايا. انما هتجيب الذوق منين!

-   يا امي يلا تعالي شوفيها

-   يادي قلة الراحة. الواحد لا عارف ينام ولا يرتاح في البيت ده

˜—–™

-   اااااااااااااااااااااااااااااااااه

-   مالك يا وش القلق. بتصرخي ليه؟

-   تعبانة تعبانة قوي. ما صحتليش ماما ليه يا فتحي؟

-   ما هي قدامك اهيه يا مروة

-   مش ماما دي. انا عايزة ماما الحقيقية. عايزة ماما الحقيقية ااااااااااااااااااااه

-   هو ايه اللي عايزة ماما الحقيقية. عايزة ماما الحقيقية. شيفاني خارجة من فيلم كرتون ولا شبح قدامك!

-   ااااااااااااااااااااااااااااااااااااااااااااااااااااااه هاتولي ماما

-   روح اتصلها بامها عشان هتولد بدلها باين. ال ماما هاتولي ماما

˜—–™

-   ترررررررررررررررررررررن ترررررررررررررررررررررررررررررن

-   خير يارب في ايه الو ايوة يا فتحي

-   مروة بتولد يا طنط مروة بتولد

-   يا حبيبتي يابنتي.حاضر حاضر خدها ع المستشفى وانا هحصلكو حالا انا وباباها

˜—–™

-   يارب يارب. اتأخروا قوي في اوضة العمليات يا صابر. يارب استر

-   اهدي شوية يا راضية

-   اهدا ازاي يا صابر انا مش قادرة اتمالك اعصابي

-   تعالي اشربي شاي يا ام مروة

-   شاي ايه بس يا ام فتحي!. انا عايزة اطمن على بنتي

-   وهي هيجرالها ايه!. دلوقتي تقوم زي القردة وجنبها الشمبانزي الصغير ما تخافيش

-   ربنا يستر

-   اقعد يا فتحي يابني خيلتني مش عارفة اشرب كوباية الشاي

-   قلقان قوي يا امي

-   خلي قلقك على حاجة تستاهل يا حبيبي. القلق من غير سبب قلة ادب

-   استر يارب يارب ياااااااااااااااااااااااااارب

-   ها الدكتورة خرجت اهيه. خير يا دكتورة

-   مبروك يا جماعة ولد زي القمر

-   الحمدلله الحمدلله

-   بنتي بنتي طمنيني على بنتي

-   كويسة يا مدام بخير ما تقلقيش هننقلها لاوضتها بس هي تحت تأثير البنج دلوقتي. الف مبروك

-   مروة ولدت يا امي. ربنا رزقنا بولد

-   مبروك يا حبيبي يتربى في عزك. هنسميه فرغلي على اسم ابوك ان شاء الله

-   نعم!!!!!!!!!!!!!!!!!!!!!!!!!!!!!!

˜—–™

-   الله. ماشاء الله الولد زي القمر شبه مروة وهي صغيرة بالظبط. مش كدة يا صابر

-   هو لسة شكله اتحدد خالص يا راضية! هههههههههههه

-   طب والله كله مروة. ولا ايه رأيك يا فتحي

-   اه والله يا طنط شبه مروة بالظبط

-   ايوة يا واد افشر افشر عشان تراضي حماتك. ال شبه مروة ال. بعد الشر عليه الف مرة. طب دا كله فتحي ماسابش منه حاجة. نفس المناخير ونفس الودان ونفس البق حتى نفس الشنب سبحان الله. فرغلي يا حبيب تيتة مديحة يا سكر انت

-   فرغلي ايه بس يا ام فتحي. دا اسم تختاريه للولد برضو!

-   وانتِ مالك انتِ يا ام اسمها ايه!. الواد ابن ابني وهيشيل اسم ابوه وجده. ايه دخلك انتِ

-   انتو حرين. بس كدة الولد هيتعقد حرام عليكو

-   انا مش هسمي ابني فرغلي يا امي. ماينفعش الاسم ده خالص. دا الواد يدعي علية

-   اخص عليك يا فتحي بتستعر من اسم ابوك!. ماكانش العشم يابني. بس برضو هتسميه فرغلي غصب عنك

-   هي مروة لسة مافاقتش من البنج؟

-   لا لسة يا طنط..ابتدت تحرك راسها

-   اااااااااه انا فين؟

-   انتِ في الملاهي يا حبيبة حماتك. انزلي من ع المرجيحة

-   دي باين عليها بتخرف تخاريف البنج

-   مديحة. يا مديييييييييييييييييييييييييييحة يا مديحة يا حماتي يللي مطلعة عنيا يا مدييييييييييييييييييييييييييييييييييحة

-   انا تقوليلي يا مديحة من غير القاب يا قليلة الادب. سيبوني عليها

-   معلش يا ام فتحي دي بتخرف اعذريها

-   يا فتحي. يا فتحي الحق امك سرقت التفاح وخبته في اوضتها عشان تاكله لوحديها الحرامييييييييييييييييييييييييييييييييييييية يا حرامية التفاح يا مديحة

-   لالالالا دي زودتها سيبوني اخد حقي.

-   بس يا امي معلش دي مش دريانة بللي بتقوله

-   يا فتحي فتحييييييييييييييييييييييييييييييي

-   نعم يا حبيبتي

-   يا فتحي ياراجل يا ندل يا نااااااااااااااااااااااااااااااااااااااااااادل. اقولك تعالى الحق اخواتك وامك مبهدليني تقولي عندي شغل. اخص عليك

-   انا ندل!!!!!!!!! طب والله لكون مطين عيشتك بس اما تفوقي. طيب يا مروة

-   يا بني معلش دي بتخرف. اصل هي دلوقتي بتقول الحاجات اللي متخزنة في عقلها الباطن ومش بتقدر تصرح بيها ومكبوتة جواها. معلش حقك علية

-   تعالى شوف اخواتك هالة ودينا اللي عاملين زي ريا وسكينة. كل مايجوا يقوموا الدنيا حريقة, ومديحة مابتقولوهمش عيب. ربنا ياخدك يا مديحة ويريحنا منك ياااااااااااااااااااارب

-   ربنا ياخدك انتِ يا قليلة الادب يا ام لسان طويل. بعد الشر عليا

-   خلاص يا ام فتحي. بعد الشر عليكي يا مروة يا حبيبتي. ماتدعيش على بنتي يا ام فتحي حرام عليكي

-   هي اللي ابتدت الاول

-   يا ايناس. يا ايناااااااااااااااااااااااااس يا ايناس يا بتاعة خمسة وخميسة يللي بتخمسي في وشي. هحسدك على ايه يا شوال التبن! آآه يا عيلة عايزة الاعدام رمياً بالجزم. اقبض عليهم يا حضرة الظابط.

-   سكتوا البت دي لحسن اجيبلكو خبرها. إلا ماسابت حد الا لما قلت ادبها عليه. ان ماكنت اشردك انتِ وجوزك وابنك ما بقاش مديحة

-   فوقي يا مروة فوقي يا حبيبتي عشان ندور على شقة احنا بقينا في الشارع

˜—–™

-   حمدا لله ع السلامة يا مروة يا حبيبتي

-   الله يسلمك يا فتحي يا حبيبي

-   حمدالله ع السلامة يا ام فرغلي

-   ايييييييييييييييييييه ايه فرغلي ده!. مين اللي اختار الاسم ده؟

-   انا اللي اختارته. حلو مش كدة؟

-   حلو ايه يا ماما!. انا مروة. يبقى ابني اسمه فرغلي!. دا مستحيل. انا ابقى مروة ام فرغلي!!!!!!!!!

-   اومال عايزة تسميه ايه يختي. ميمي ولا سوسو!

-   هو يا كدة يا كدة!. مافيش وسط؟

-   انا كمان مش موافق يا امي. احنا هنختارله اسم من اسماء الصحابة رضي الله عنهم

-   اذا كان كد خلاص ما اقدرش اعترض. هتسميه ايه يا فتحي؟

-   ايه رأيكم في صهيب يا جماعة

-   الله يا فتحي. جميل جدا. انا موافقة. انا أم صهيب

-   كلنا موافقين. مبارك يا أبا صهيب

˜—–™

-   ترررررررررررررررررررررررررن ترررررررررررررررررررررررررررررررن

-   الو ايوة يا فتحي

-   لا من فضلك يا ممدوح قولي يا ابا صهيب ههههههههههه

-   ماشاء الله. ايه الخبر الجميل ده يا ابا صهيب. مبارك صهيب حبيب عمه ممدوح

-   الله يبارك فيك. مش هتيجي تشوف صهيب. دا عمال يعيط ويقول فين عمي هههههههههههه

-   هههههههههههههه اجي طبعا وهجيب معايا ايناس عشان تبارك لمروة

-   واحنا هنكون في البيت كمان شوية ان شاء الله. في انتظارك

˜—–™

 

انتهت حلقاتنا لهذا اليوم

إلى اللقاء غداً إن شاء الله مع حلقتين جديدتين

 

لا إله إلا الله ولا حول ولا قوة إلا بالله

 

اللهم صل وسلم وبارك على نبينا محمد