الحلقة الأولى

الكتاب: خلف هذه الجدران  

الجزء الخامس

بقلم: هبة عبد العظيم نور           

الناشر: المؤلف

رقــــم الإيداع: 00000/2017م

جميع الحقوق محفوظة للمؤلف

خلف هذه الجدران

الجزء الخامس

بقلم

هبة عبدالعظيم نور

الناشر المؤلف

يتأمل ثعبان الحانة الكامن في جحره الكئيب هالة نور أشرقت من بعيد متجسدة في هيئة امرأة من حسن فريد ..يرمقها متململاً ومكبلاً بأشعة سحرها, رافعاً صوت فحيحه المخيف, من أنتِ ؟ فتمض غير مكترثة في جلال مهيب ...فيجيبه صوت خفي  

هي شمس ضحــــى تاليـــــــــــة قـــــــــــــرآن الفجــــــر المشهــود

هي عذراء المشاعر, حامية بكارة الحياء في حياء

هي صمت العفــــــــاف الوقـــــــور وسط ضجيج العهر

هي قبلة الورعــــــــــــــــــــــــــــــــــــين .... حلم الصالحـــــــــــــــــــــــــــــــين

  هي ضحى..... أسطورة الوجود

فيخرج ثعبان الحانة من جحره واثباً خلفها في جنون فينالها .. فتسيل دماء الطهر على أرض مخضلة بعبرات البراءة فينبت نبت حزين

أيتها الأقدار المحتمة .. ليتك لم تمكني الرياح العاتية من اقتلاع زهر الياسمين, ولكن.... ربما تسقنا سنوات الشقاء شراب العبر في كؤوس الحكمة فنسجد لمالك السموات والأرض راضيين حامدين, اللهم لك حمداً بعدد من أنت راض عنهم وبعدد العاصيين

هبه عبد العظيم نور    

********************

                         الفصل الأول

********************

-      اطلعي يا هيام عند ماجدة صاحبتك واحنا هنقضوا مشوار ونعدوا عليكِ كمان ساعة ان شاء الله

-      ماشي يا احمد

-      اول ما نرن عليكِ تنزلي يا هيومة ، مش تقعدي تحكي مع صاحبتك وتسيبيني ملطوع تحت ههههه

-      هههه لا يا حبيبي ما تخافش، اول ما ترن هننزلوا بإذن الله، السلام عليكم

-      عليكم السلام، خدي شنط الهدايااااااا ههه نستيها

-      ايّوووووووه هههههه كنا هنطلعوا من غيرها، هات يا احمد

-      اتفضلي، على مهلك وانتِ طالعة

********************

ترررررررررررررررررررررررررررررررررن

-      مين

-      انا هيام يا ماجدة، افتحي يا حبيبتي

-      هيااااااام هه ازيك يا حبيبتي، اهلا وسهلا، اتفضلي 

-      ازيك يا ماجدة اموووه امووووه هههه وحشتيني يامَا

-      وربنا انتِ اكتر يا هيام، اتفضلي في الصالون

-      الأول خدي الشنط دي دخليها المطبخ

-      ايه ده يا هيام! ليه كدة بس

-      دي حاجة بسيطة يا حبيبتي ما تجيش من بعد خيرك عليا

-      اخص عليكِ ما تقوليش كدة، دانتِ اختي وربنا

-      واكتر يا ماجدة يا حبيبتي، اومال الولا كريم  ابنك فين؟

-      نايم يا هيام، هنصحوه ونجيبوهولك 

-      لالا سبيه نايم

-  لا وربنا ابدا، هو انت بتيجي عندنا كل يوم! هه هنودوا الحاجة المطبخ ونجيبولك حاجة تشربيها ونجيبو الولا ونيجو، عن اذنك

-      اتفضلي يا حبيبتي

********************

-      عملتلك كوباية لمون يا هيام، اتفضلي

-      والله ما كان له لزوم تتعبي نفسك يا ماجدة، أنا مش غريبة

-      طبعا يا حبيبتي مش غريبة، تعالى يا كريم، تعالى شوف مين عندنااااا هه تعالى يا حبيبي

-      ههه الله! بسم الله ماشاء الله، بقى يمشي اهو ماشاء الله عليه

-      ايوة يا هيام، عنده سنة ونص ماشاء الله

-      ههه ماشاء الله، تعالى يا كريممممم تعالى ما تتكسفش يا حبيبي، أنا خالتو هيااااااام

-      اهو جاي يجري عليكِ اهو يا هيام ههه

-  هههه حبيبييييييييي امووووووه، ايه العسل ده، ماشاء الله عليك، خد يا حبيبي الخمسين جنيي دول هات بيهم لعبة، مالَحَقتش نجيبولك حاجة معلش ههه

-      لالالالا يا هيام، ما ينفعش كدة، ما تديلوش حاااااجة

-      طب وربنا نزعلوا منك يا ماجدة ، هو كريم مش ابني زي ما اهو ابنك ولا ايه!

-      تعيشي يا هيام، ربنا يخليكِ يا حبيبتي، عقبال ما نردوهالك لما ربنا يكرمك وتجيبي عروسة لكريم

-      ............. الله المستعان يا ماجدة، أنا راضية وحامداه

-      مامّااااا مم اهئ اهئئئئئئ

-      حاضر يا كريم، هنقوموا نجيبولك علبة زبادي من جوا، عن اذنك يا هيام، الولا جعان هنأكلوه

-      انتِ فطمتيه ولا ايه؟

-      ايوة، من ساعة ما حملت في التاني فطمته، آآآه ياني والله ما قادرة نقوموا والولا طلباته يامَا

-  الله يقويكِ يا ماجدة، روحي وسيبيني مع الولا القمر ده ماشاء الله عليه ههه  ازيك يا ولا يا كريم يا عسل انت امووووه سكررررر هههه

********************

-      تعالى يا كريم عشان نأكلوك الزبادي، اشربي اللمون يا هيام

-      بنشرب اهو يا ماجدة، أنا والله زعلت يامَا لما ماما قالتلي على الظروف اللي فيها جوزك

-  الحمدلله على كل حال يا هيام، اهو يا عيني كل يوم ينزل من الصبح يلف على شغل ومش لاقي، وبيجي بقى مش طايق نفسه ولا طايق كلمة من حد، حتى اللقمة بياكلها بالعافية وبالمحايلة وربنا، بيقولي كل ما نفكروا في كريم وفي العيل اللي جاي في السكة ونشوفوا نفسي مش لاقي شغل نحس اني هنتجنن ونقولوا هنأكلوا عيالي منين اهئ اهئئئئئئئ والله يا هيام بيصعب عليا اهئ اهئئئئئ وبنقولوا يعني هو في الظروف دي وانا كمان نخلف تاني ونشيلوه هم فوق همه اهئ اهئئئئئ أنا فكرت ننزلوا الجنين وربنا

-  اعوذ بالله اخص عليككككِ، اياك تقولي كدة تاني يا ماجدة، تنزلي الجنين ده ايه! ده حرام يا حبيبتي ، دي روح ربنا خلقها ويحاسبك عليها لو أذتيها

-  اهئ اهئئئئئ أنا عارفة يا هيام، لكن غصب عني وربنا، أنا كمان لما قولتله كدة زعل وقالي إياك تفكري في الحكاية اللي تغضب ربنا دي تاني, ربنا هيدبرها ان شاء الله وهنلاقوا شغل اهئ اهئئئئئئئئئ

-      طب خدي يا ماجدة، دول الفين  جنيي مشي بيهم نفسك يا حبيبتي لحد ما ربنا يفرجها

-  لالالالالا وربنا ما ناخدوهم،أنا يا هيام بنفضفضوا معاكِ يا حبيبتي عشان انتِ زي اختي، مش بنقولولك كدة عشان تديني فلوس، كدة هتخليني نندموا اني فضفضت معاكِ

-      اخص عليكِ يا ماجدة، هو في فرق بينا يا حبيبتي! أنا كدة اللي زعلت منك

-  معلش يا هيام، شيلي فلوسك يا حبيبتي، أنا مش محتاجة غير دعواتك بس، ادعي ان ربنا يرزق  جوزي بشغلانة يصرف بيها ع البيت وعلى العيال اللي في رقبتنا

-      ان شاء الله يا حبيبتي، بكرة تفرج يا ماجدة وربنا يرزقكو من وسع ان شاء الله

-      يا رب يا هيام، يااااارب، تعالى يا كريم امسحلك بقك

تررررررررررررررررررررررن  تررررررررررررررررررررررررررررررن

-      ده احمد اللي بيرن يا ماجدة، طب نستأذنوا احنا بقى يا حبيبتي عشان احمد مستنيني تحت

-      مالسة بدري يا هيام، ما لحقناش نشبعوا منك وربنا

-      ههه معلش، نجولك تاني ان شاء الله، كريممم هات بوسة قبل ما نمشوا امووووه، السلام عليكم يا ماجدة

-      عليكم السلام يا هيام، ربنا ما يحرمنيش منك ومن طيبة قلبك يا حبيبتي

********************

-      السلام عليكم يا احمد

-      عليكم السلام يا هيومة

-      شوفت، اديني نَزَلت على طول اول ما رنيت عليا هه

-      شطووووورة ههههه عملتي ايه مع صاحبتك؟

-      ما رَضَتش تاخد الألفين  جنيي

-      ليه بسسس؟

-  اصل ماجدة حساسة قوي وعزة نفسها ما سمحتلهاش تاخد مني الفلوس، أنا زعلانة عشانها يامَا وربنا، طَلَعت لقيتها شايلة هموم الدنيا كلها، تحت عنيها اسود وخست يامَا من كتر الفكير والهم اللي شايلاه، مش هي دي ماجدة اللي نعرفوها

-      وليه بس تشيل الهموم للدرجة دي! ربنا كبير وقادر يرزقهم

-  ونعم بالله يا احمد، اصلها يا عيني شايلة هم الولا كريم ابنها، غير انها حامل، تصور كانت بتفكر تنزل الحمل وجوزها منعها

-      نعوذ بالله، ازاي تفكر بالطريقة دي! الأرزاق بيد الله وحده

-      بنقولولك ايه يا احمد، ما تشوف شغل لجوزها معاك في المينا

-  ايوة يا هيام بس هنشغلوه ايه! انتِ بتقولي ان هو محاسب، واحنا عندنا محاسبين كفاية في الشركة، بس هنكلموله ناس معارفي ان شاء الله يشوفوله شغل

-      طب بنقولولك ايه، ما تشغله بدال صابرين

-      بدال صابرين!

-      ايه! هو لازم اللي تقعد برا وتنظملك مواعيدك تكون واحدة ست!

-  ههههههههههههههههههههههههههههههه ايّوووه ع الخبث، لا يختي مش لازم طبعا، خلاص يا ستي، هنكلموا الحاج ونشاوروه في الموضوع وان شاء الله خير

-      خير ان شاء الله، أنا متفائلة

-      هههه ان شاء الله دايما متفائلة يا عسسسسسل

-      هههه وربنا انت اللي عسل وبنحبوك ونموتوا فييييييييييك

-      ايّوووووووووووه ههههههههههه ايه الهنا اللي انا فيه ده يا نااااااااااااس

-      ههههه قول ماشاء الله لا قوة الا بالله يا حبيبي عشان ربنا يحفظ علينا النعمة

-      ماشاء الله لا قوة إلا بالله، ربنا يخليكِ ليا يا هيووووووومة ههههه

-      ويخليك يا روح هيوووووووومة هههه

********************

-      اتفضل فنجان القهوة يا احمد

-      تسلم ايدك يا حبيتي، ريحة تحويجة القهوة حلوة ههه امممم طعمها احلى واحلى ههه

-      ههه بالهنا والشفا يا حبيبي

-      على فكرة يا هيام انا كلمت الحاج ووافق على شغل جوز صاحبتك عندنا في المينا

-      وربنا صحيحححححح؟؟؟؟؟؟؟

-      ههههه اومال بنكدبوا عليكِ!!!!!

-      ههههه ربنا يخليك يا احمد ويخليه عمي عااااااادل، طب هيجيلك امتى عشان يستلم الشغل؟

-      من بكرة الصبح يجي يقابلني ونسلموه شغله ان شاء الله، هنستنوه الساعة عشرة

-  هههه ربنا يخليك يااااارب، هنطلبوا ماجدة نقولولها ونفرحوهاااا هههه دي هتفرح يامَا ان شاء الله .. بس بنقولولك ايه  يا احمد، أنا عايزاك تديله مرتب كويس، ده غير صابرين برضو، ده راجل متجوز وصاحب عيال

-      من غير ما تقولي، أنا عامل حسابي

-      هتديله كام يعني؟

-      ههههههه وانتِ مالك يا حشرييييييييييية

-      هههه أنا حشرية! طب وماله زي بعضه، قولي بالله عليك هتديله كام عشان نفرحوا ماجدة

-      هديله يا ستي ألف وخموسيت  جنيي، كويسين؟

-      هههههه كويسين قوي الحمدلله، الله يزيدك يا حبيبي ويوسع عليك ويجعلك تدي ماتاخد ابدااااااا

-      انتِ شحاتة يا بت! ايه اسلوب المتسولين ده! ههههههه

-      هههههههههه اصل انا فرحاااااااااانة، ربنا يخليك يااااااارب، عن اذنك بقى نكلموهاااااااا

-      طيب ما ترغيششش، عايزين نقعدوا انا وانتِ في التراس شوية نشربوا حاجة وندردشوا

-      هندردشوا للصبح ان شاء الله ههههه

********************

تررررررررررررررررررررررررررررررررررررررررررن

-      السلام عليكم

-      عليكم السلام ازيك يا ماجدة

-      مين معايا؟

-      أنا يا هيام يا بت ههه

-      هيااااام، معلش يا حبيبتي، مش واخدة بالي

-      قوليلي جوزك لقى شغل ولا لسة؟

-  والله يا هيام لقى شغلانة زي قلتها ولسة هيستلمها بكرة، هيشتغل كاشير في محل ملابس جاهزة ويدوله تلتومية وخمسين  جنيي

-      ايه! تلتومية وخمسين جنيي! ودول يعملوله ايه!

-      واحنا بإيدينا ايه يا هيام! محمد قالي اهي شغلانة وخلاص ويجي منها أي قرش عشان الولا

-      وهي الفلوس دي هتكفيكو برضو! دانتِ حامل يا حبيبتي ولسة قدامك مصاريف يامَا

-      الحمدلله على كل حال يا هيام

-      هههههه طب ايه رأيك في شغلانة ياخد منها ألف وخمسوميت جنيي أول كل شهر

-      ايّووووووووووه ألف وخمسوميت جنيي مرة واحدة! ده في شغله القديم كان بياخد الف جنيي بس

-      ههه ربنا رايد  يوسع عليكو الحمدلله

-      بتتكلمي جد يا هيام؟ صحيح عندك شغلانة لجوزي بالمرتب ده؟

-      ههه اومال يعني متصلة نهزر!!!

-      طب شغلانة ايه دي وفين؟

-      هيشتغل مع احمد جوزي في المينا

-      في المينا! عتال يا هيام! أنا جوزي متعلم تعليم عالي، ده بكالوريوس تجارة

-      يا بت انتِ حد جاب سيرة عتال دلوقتي! ده هيشتغل مدير مكتب احمد جوزي

-      ههههه وربنا  صحيح؟؟؟

-      ايوة صحيح وربنا هههه

-      ربنا يخليكِ يارب يا هيام ويخليلك جوزك ويرزقك بالذرية الصالحة يااااااارب

-      آمين يا حبيبتي ، خلي جوزك يروح المينا لاحمد بكرة الصبح الساعة عشرة ان شاء الله عشان يستلم شغله

-      ههه ان شاء الله يا هيام يا وش الخير، مع السلامة

-      الله يسلمك يا حبيبتي هههه

********************

-      السلام عليكم

-      عليكم السلام ورحمة الله

-      ممكن نقابل الأستاذ احمد من فضلك

-      حضرتك مين؟

-      قوله محمد مصطفى

-      حاضر، اتفضل استريح واحنا هنبلغوه

-      متشكر

********************

-      السلام عليكم يا أستاذ احمد

-      اهلا وسهلا، عليكم السلام ورحمة الله وبركاته، اتفضل يا استاذ محمد

-      متشكر يا فندم

-      تشرب ايه يا استاذ محمد؟

-      لالالا مالوش لزوم

-      ما يصحش ابدا، دي اول مرة تدخل مكتبي

-      هه طيب ناخد قهوة مظبوط 

-      ماشي، اتنين قهوة مظبوط يا ضيا

-      حاضر يا استاذ احمد

-      شرفت مكتبي يا استاذ محمد

-      الشرف لينا احنا يا استاذ احمد، ربنا يكرمك يارب

-  احنا هندوك فكرة عن طبيعة الشغل، حضرتك ان شاء الله هتكون مسؤول عن ادارة مكتبي بالكامل من تنظيم مواعيد وملفات عملاء وكل التفاصيل اللي حضرتك عارفها، اكيد حضرتك بتجيد استخدام الكمبيوتر

-      ايوة طبعا الحمدلله

-      طيب كويس قوي، بالنسبة للمرتب هيكون مبدئيا الفين وخمسوميت جنيي وان شاء الله قابلين للزيادة

-      ههه ربنا يخليك يا استاذ احمد، ده رزق كريم ابني واخوه اللي جاي في السكة ان شاء الله

-      ههه ان شاء الله، ربنا يخليهوملك

-  الله يخليك، ويرزقك يا رب بالذرية الصالحة يا استاذ احمد ,انت ونعم الناس والله، اني كنت جاي وخايف نلاقي صاحب الشغل راجل فظ وما نعرفوش نتعاملوا معاه هههه لكن حقيقي انت راجل طيب والتعامل معاك مريح جدا

-      بارك الله فيك، لكن برضو الطيبة ما تمنعش اني ما نحبوش التقصير في الشغل ههههههه

-  لالالا من الناحية دي اطمئن تماماً، اني نحبوا نخلصوا في شغلي ونعملوا بالفلوس اللي بناخدوها عشان ربنا يباركلي

-      ان شاء الله

********************

-      يلا يا عادل الغدا جاهز

-      ماشي يا شجونة، اومال البت رحمة فين؟

-      في البلكونة

-      بتعمل ايه في البلكونة؟

-      كانت بتكلم الولا ياسر، هننادوها ونيجي، بت يا رحمممممممممممممة

********************

-      يعني انت عندك خال يبقى اخو مامتك يا ياسر؟

-      ايوة، من زمان اوي، بس انا اول مرة اشوفه

-      يعني هو جاي بكرة؟

-      ايوة، وماما هتعمل اكل كتير اوووووووي، لحمة وفراخ وكفتة ، ما تيجي تاكلي معانا

-      هقول لماما

-      رحمممممممممممة

-      دي ماما بتنادي عليا، باي باي يا ياسيرررررررررر

-  باي باي يا رحمممممممممة، ايه ده، في راجل شايل بطيخة وماشي، رايح فين ده! يا عممممم انت جايب البطيخة دي  منييييييين؟؟؟ ده مش سامع

-      واد  يا ياسرررررررر

-      ايوة يا مامااااااااااااااا

-      بتعمل ايه في البلكووووووونة؟

-      انا جاي اهوووووووو، ماما البطيخ طلع يا مامااااااااااااااا

-      الف مبروك يا حبيبي، عقبال الشمام، روح اكتب الواااااااااجب

-      حاضر، طب خلي بابا يجيبلنا بطيخخخخخخخخخ

-  يا حبيبي ارحم بابا شوووية، حس ببابا شوية يا ياسررررررر، لازم تحس ببابا  وتقدر تعبه عشان تبقى ولد طيب

-      يعني هما اللي بياكلوا بطيخ اشرار يا مامااااااا؟؟؟؟؟

-  يييييييي مش هتفهمني عشان عقلك في معدتكككككككك، حاضر يا سيدي، ان شاء الله في اقرب فرصة هخلي بابا يجيبلنا بطيخة

-      ماشي يا ماما، اعمليلي سندوتش حلاوة طحينية

-  يا رب ارحمنيييييييي، يعني مش ناوي تكتب الواجب في يومك دددددده! امتحانات اخر السنة قربت يا ياسرررررر..  انت عارف لو مس همسة عتاب اشتكت منك هعمل فيك ايييييييييه!

-      هتعملي ايه يا ماماااااااااا؟

-      هحرمك من الاكل والشرب لمدة تلات ساعااااااااااات

-  لاااااااااااا، خلاص، هدخل اكتب الواجب ..... يا ترى البطيخة اللي كان شايلها الراجل دي حمرا ولا قررررررعة!!!!!!!!

********************

-      خدي حتة الفرخة دي كليها يا رحومة يا حبيبة ابوكِ

-      يوووو مش بحب الفراخ

-      يا بت كلي ما تخلنيش نزعلوا منك

-      هو انت مش قولت هتغدينا برا النهاردة يا بابا ؟

-      امك قالت خليها ع العشا، كلي بقى عشان نفسحوكِ فسحة حلوة ونودوكِ الملاهي

-  مااااااااشي هههه وكمان تجيبلي البنطلون والتيشيرت اللي كانوا عاجبيني وقولتلك عليهم ومعاهم الكوتشي اللي قولتلك عليه وكمان صندل وتوك

-      ماشي يا قمر ههههه كلي بقى واحنا هنجيبولك كل اللي نفسك فيه وزيادة  

-      هييييييييييييييييه ههههه انا بحبك يا باباااااااااا

-      واحنا نموتوا فيكِ وربنااااااا هههه

-      ايوة يا خويا دلّع دلّع ، اه يا ناري منك ومن عمايلك يا عااااادل

-      هههه خدي يا شجونة حتة الفراخ دي من ايدي

-      هههه تسلم ايدك يا عادل

-      باباااااا ,خال ياسر جاي يكررررررررة

-      يجي بالسلامة يا ستي

-      ايوة صحيح يا عادل ,إحنا  كنا لسة هنقولولك إنّي عايزة نعملوا الواجب مع بهيرة عشان زيارة اخوها

-      تعملي الواجب ازاي يعني؟

-      يعني كنت عايزاك تتصل بمطعم كبير من اللي بنروحوهم وتطلب ديك رومي محترم كدة

-      اييييييييييه! ديك رومي بحاله هتهادي بيه جارتك! طب قولي فرخة ولا كيلو لحمة

-  ههههههه جرا ايه يا راجل، اتعلمت البخل امتى!!!!!!!  وبعدين انت ناسي لما قولتلك ان بهيرة عملت الواجب مع احمد ومراته لما جم وبعتت حلة محشي ورق عنب؟

-  ههههه يا اشجان لما جارتك تبعتلك حلة محشي ورق عنب تقومي انتِ تردهالها حلة محشة بتنجان، مش ديك رومي يا اشجااااااااان هههه

-      هههه لا بقىىىىىىىى هنجيبوا الديك الرووووووومي، واني ما يتقاليش لا يا عادل يا سليمممممم

-  ههههه ما عيشت ولا كنت لما نرفضولك طلب يا شجووووونة، عيني ليكِ يا ستي، هنتصلوا بأفخم محل يبعتلك اكبر ديك رومي بالرز البسمتي والسلطات كمان، أي اوامر تانية يا شجونة باشاااااا؟ هههه

-  هههه تعيش يا ابو احمد، دي بهيرة فرحانة اوي  برجوع اخوها من برا، اصل بقالها يامَا ما شافتوش، يجي اتناشر سنة، من قبل احنا ما نسكنوا هنا

-      ايّووووووووووه دي سنين طويلة اوي، الحمدلله ان ربنا جمع شملهم

-  الحمدلله، ربنا يخليهم لبعض، ايّووووووه يامَا كان نفسي يبقالي اخ يا عادل، يحبني ويخاف عليا ولو قلت اه نلاقوه جنبي

-      جرا ايه يا شجونة! هو اني مش ابوكِ واخوكِ وجوزك وكل حاجة ليكِ؟, ولا اني شوية يا بت!

-  فشرررررر هههه شوية ده ايه! اني ما نقصدوش وربنا، اني بس بنقول ان الأخ ده حاجة كبيرة قوي، ربنا ما يحرم اخت من اخوها يااااااارب

-  آمين يا اشجان، بس مش كل الاخوات برضو، يامَا بتلاقي اخ بيقسى على اخته وعلى امه كمان، ويامَا بتلاقي اخ ايدك منه والأرض، وجوده زي عدمه

-      ههه ما فيش احسن من الرضا يا عاااااادل، الحمدلله، ربنا يخليك ليا ولرحمة ياااااارب

-      ويخليكِ يا شجونة، هي البت راحت فين؟

-      ههه البت قامت من بدري، سهيتنا واحنا بنتكلموا واختفت زي الزيبق

********************

-      يلا يا ياسمينتي خالو زمانه جاااااااااي، عايزين نخلص طبيخ قبل ما يجي ويلاقينا لايصين كددددة

-      يا ماما كل حاجة خلصت اهيه الحمدلله، مش ناقص غير صنية المكرونة اللي في الفرن

-      طب افتحي الفرن بصي عليها كدة، ولو وشها احمّر طلعيها بس اوعي تتلسعييييي

-      حاضر يا ماما

-      يحضرلك الخير يا حبيبة ماما هههه

********************

-      مممممممم متهيألي هي دي العمارة اللي ساكنة فيها بهيرة اختي، اركن العربية وانزل اسأل مرات البواب دي

-      ايه العربية الحلوة اللي وقفت قصاد العمارة دي!

-      بنجورنووووووو

-  اهلا يا خواجة، الأهرامات وابو الهول في الجيزة، احنا هنا في الحداااايق، ما عندناش اثارات، لما نفتح متحف انا وعواد جوزي هنبقى نبعتلك

-      ههه جراتسي، هو الاستاذ حسين إسماعيل  مدرس الجغرافيا ساكن هنا؟

-      ايوة يا خواجة، انت تعرفه؟

-      انا اخو المدام بتاعته

-      هههههه والله! انت بقى اخو الست بهيرة المتغرب في بلاد الانجليززززز؟

-      هههه لا، كنت متغرب في بلاد الطليان يا ......

-  انا فهيمة  مرات عواد بيه صاحب العمارة، يوو قصدي بواب العماااااااارة، اهو كان نايم وصحي اهو، يا عوااااااااااد

-      ايوة يا فهيمة جاااااااي، مين الافندي؟

-      ده الاستاذ اخو الست بهيرة اللي كان مسافر برا، رجع بالسلاااااامة

-      ههههه اهلا وسهلا يا بيه

-      اهلا بيك سنيور عواد

-      ههههههه اول مرة حد يعرف قيمتي في البلد دي، اتفضل يا بيه، هطلع معاك عشان اوريك الشقة

-      طيب الاول هديك كرتونة كبيرة تطلعها عند اختي وانا هفضل هنا جنب باقي الشنط على ما تيجي

-      ماشي يا بيه، هات الكرتوووووووونة، ايدك معايا يا فهيمة عشان ارفعها فوق كتفييييي

-  طيب يا عوااااد، شيل يا خويا شييييل، حاسب وانت طالع على كرتونة البيييييه، يا ترى فيها ايه الكرتونة دي ؟ ده عواد مش قادر يشيلها،  نورت مصر يا استااااااااذ

-      ههه بنورك، اتفضلي الفلوس دي عشانك

-      ههههههه ربنا يزيدك يا بييييه، متشكرين

********************