زوجتي والمفتاح (الثالثة)

 

في حديقة القصر، نادى حافظ باشا ولده عادل الذي كان يتجول بين الأزهار:

ــــ عادل حبيب بابّا

ــــ افندم بابّا

ــــ قيست البدلة الجديدة؟

ــــ ايوة قيستها

ـــــ مظبوطة ولا اخلي الخياط يظبطهالك؟

ــــ لا كويسة بابّا , عن إذنك هتمشى في جنينة بابّا

ــــ اتفضل يا عادل

***********************************

عاد عادل إلى داخل القصر، وما أن قنع الدور العلوي حتى ألفى شقيقته عفيفة في الرواق، فحاول إثارة غيظها:

ــــ ههه عفيفة , شوفتي البدلة الجديدة اللي هحضر بيها حفل عيد ميلادي ؟

ـــ أوف!  عيد ميلاد غير سعيد إن شاء الله، اوعى من قدامي، هروح اسأل بابّا ليه مش خلانا نفصل فساتين جديدة

ــــ ههه انتِ غيرانة كتير وتحقدي عليا كتير، معذورة عزيزتي، لكن لازم تعرفي ان السرايا فيها عادل واحد بسسس ههه

ــــ اوعى من قدامي، إن ما وريتك يا عادل

******************************
نزلت بأقدام تلتهم الدرج وهرعت إلى أبيها مقطبة الجبين:

ــــ بابّا

ــــ افندم عفيفة

ــــ هو احنا ليه مش عملنا فساتين جديدة انا وشريفة زي ما عادل فصل بدلة جديدة؟

ــــ عفيفة . شيلي اخوكي من دماغك . ما تقارنيش نفسك بيه . دا ابني الراجل اللي هيشيل اسم العيلة

ــــ هو قادر يشيل نفسه اصلا عشان يشيل اسم العيلة!!!!

ــــ بتقولي ايه يا بنت ؟

ــــ بقول كل سنة وهو طيب ابنك الراجل اللي هيشيل اسم العيلة ... ان شاء الله هيشيل اسم العيلة ويقع بيه

**************************

كانت عفيفة تقف أمام غرفتها بوجه مكفهر، وإلى جوارها أختها شريفة التي كانت تنتظر عادل لتهنئته.. ما أن رأت شريفة عادل حتى هنئته بوجه طلق:

ــــ عدولة، كل سنة وانت طيب اخويا حبيبي

ــــ وانتِ  طيبة شريفة . وإنتِ عفيفة ليه مش تقولي كل سنة وانا طيب؟

ــــ طيب مش طيب حاجة ما تخصنيش

ــــ انتِ عارفة عفيفة. بابّا عازم كل بشاوات وبكاوات مصر وجايب مطرب كبير

ــــ انت بتغيظني، مش كدة؟

ــــ ههه مطلقاً عزيزتي

*********************

تسللت عفيفة إلى المطبخ في الدور السفلي، وألقت التحية على الطباخ:

ــــ صباح الخير عم حسين

ــــ صباح الخير عفيفة هانم

ــــ ايه أخبار  الاصناف والحلويات بتاعة حفل عيد ميلاد اخويا العزيز ؟

ــــ كله تمام يا هانم . السفرجي هيقدمهم  بالليل لما يوصلوا الضيوف

ــــ تمام تمام .هو انت بتشيل الشطة والفلفل الاسود فين؟

ــــ شطة وفلفل أسود !!!!!! ليه يا هانم ؟

ـــ أبداً ، بتطمن عليهم

 

ــــ موجودين في البرطمانات دي

**************

في بهو القصر، لمحت شريفة شقيقتها عفيفة تحمل البرطمانات وتمشي على أطراف أناملها:

ــــ ايه ده عفيفة ! إيه البرطمانات اللي في ايدك دي ورايحة بيهم على فين ؟

ــــ دول شطة وفلفل إسود شريفة

ــــ اوعي تكوني هتحطيهم في الاكل للضيوف وتعملي كارثة مجنونة

ــــ لالالا، أنا أكبر من تصرفات الأطفال دي

ــــ اومال هتعملي ايه؟

ــــ اقولك يا اختي . أنا هحطهم على السجاد وكراسي الصالون وشوفي الضيوف هيحصلهم ايه هههه

ــــ مجنونة إنتِ  ازاي هتعملي كدة حرام عليكي . بابّا المرة دي مش هيكتفي بالكرباج ده اكيد هيقتلنا

ــــ هههه المهم ابوظ الحفلة وأي حاجة بعد كدة مش مهم

ــــ طيب أنا هروح أودع مامّا واصلي ركعتين قبل ما اموت

ــــ شوفتي افعالي خلت ايمانك قوي وبتلجئي لربنا دايما ازاي؟ هههه ادعيلي معاكي اختي

******************************

قبل بدء الحفل، تعجل حافظ باشا ولده عادل:

ــــ يلا يا عادل يا حبيبي،  الضيوف وصلوا

ــــ داكور بابّا , هحصل حضرتك حالا

ــــ طيب ما تتأخرش

***************

ما أن لمحت عفيفة أباها يخرج من غرفة شقيقها عادل وبدء في نزول الدرج، حتى دقت باب غرفة عادل:

ـــــ عادل، ممكن ادخل ؟

ــــ افندم عفيفة

ــــ اتفضل عصير التفاح الرائع ده، هدية مني قبل ما تنزل لضيوفك هههه

ــــ اشكرك عفيفة هه حاجة مش متوقعة منك

ــــ هههه انت لسة شوفت حاجة !

*************************

ضجت قاعة الحضور بالعطاس، كانت عفيفة تلتصق بباب غرفتها وتسمع ما يضحكها من أمر عطاس الأضياف..قالت لأختها:

ــــ تعالي اسمعي يا شريفة حفلة العطس دي هههه مممم هي مش بترد عليا ليه ! مالك شريفة؟

ــــ مرعوبة

ــــ ماتخافيش انا كمان هتعاقب معاكي

ــــ طيب أنا ذنبي ايه ! انا مش عملت حاجة

ــــ حظك كدة هتعملي ايه بقى . بقولك ايه طالما مش هنحضر الحفلة تعالي اغنيلك انا وردي ورايا وسيبك من الرعب اللي انتِ فيه ده  هههههه.اكيد صوتي احسن من المطرب اللي جايبينه هههه

ــــ نغني ايه بس .أوف! سيبيني في حالي عفيفة ، انا بفكر في عقاب بابا اللي بسببه هننام معيطين انا وانتِ , نغني ازاي بس!!!!!

ـــــ خلاص انا هغنيلك .اسمعي الاغنية دي

ـــــ يا شادي الألحان اااااااااااااااااه اسمعنااااا

ــــ رنات العيدان يلالالي

ــــ يلالالالالي ااااااااااااه يا لالالالي ااااااااااااااااه . اااااااااااااااااااه اسمعنا

ــــ واطرب من في الحان ااااااااااه اسمعنا رنات العيدان يلالالالي

 

ــــ يلالالالالالي اااااااااااااه يلالالالالالي اااااااااااااااه . اااااااااااااااه اسمعنا

ــــ مش عجباكي الأغنية؟ اغنيلك اغنية غيرها ؟

ــــ عفيفة ارجوكي سيبيني في حالي

*********************

في حفل العطاس، حيث الجميع يعطسون، نادى حافظ باشاً ولده عادل:

ــــ عااااااااهاااااااادل هااااااااااااتشييييييييي يلا حبيهيهاتشيييييييييي

ـــــــحااااااااااااااااااهاااااااااااااااضرررررررهاااااااااااااااااااتشيييييييييييييييي بابّا

ـــــ احناااااااخدناهااااااااااابردااااااهااااااااااولا ايهااااااااااااااااااااااتشييييييييييييييييييييييي

ــــ مش عاراااااااااااااااااااااااااااااريفهاااااااااااااااااااااااااااتشييييييييييييييييي باهاااااااااااااااباههاااااااااااااااااتشيييييييييييييييييييييييييي

ــــــ كل سنهاااااااااااااااااااااااااااااااااااااتشييييييييييييييييي وانتهاااااااااااااااااااااطيبهااااااااااااااااتتشيييييييييييييييييييييييي

عااااااااااااااااهااااااااااااااااااااااااااااااااادللللللللللللللللللللللللتشييييييييييييييييييييييييييييييييييييي

ـــــ وحضرتهااااااااااااااااااااكهاتهاهاهاتتتتتتتتتتتتتتتتتتتتتتشيييييييييييييييييييي يا عمو

ــــــ غنيهااااااااااااااااااااااااااتشتيييييييييييييييييييا استهااااااااااااااااااااااااااااااااااااااااااااذ

ـــــ تحبهوهاااااااااااااااااااااااااااااااتشييييييييييييييييييييتسمعوهااااااااااااااااااتشييييييييييييييييييييياييييييييييييييه

 

ـــــ هاااااااااااتتتتتتتتتتتتتتشيييييييييييي

ـــــ هاتشييييييييييييييييييييي

ـــــ راهااااااايح فييييييييييينهاااااااااااتشيييييييييي عااااااااهاااااادل تشششي

ـــــ عندي مهاااغصهااااااااااااااتشييييييييي جاااااااااااهاااااااااااااااامدهاتتشيييييييييييييي بابّا

******************************************

انتهى الحفل فهرع الأب إلى الدور العلوي يزأر غاضباً:

ــــ شريفة، غفيفة، الكرباج

ـــــ اهئ اهئ اهئ مش أنا بابّا

ــــ الوداع مامّا

ــــ بنات حظرتنا اهئ اهئ اهئ

*********************

نادت عفيفة أخيها صباحاً لتعبر عن شماتتها:

ــــ عادل

 

ــــ افندم عفيفة

ــــ كل سنة وانت هاتشي ههههه

********************

في هذا القصر الشاهق، نادت السيدة على خادمتها تتعجلها لأمر هام:

ــــ نعمات..... يا  نعمات

ــــ تحت أمرك شكرية هانم

ــــ بلغي الطباخ يعمل ملوخية بالأرانب، وكفتة داود باشا ورز معمر وشركسية . وايه كمان وايه كمان مممم  . اه . كشك الماظ، والحلو عيش سرايا

ــــ هاها هو حضرتك عندك عزومة النهاردة يا  شكرية هانم ؟

ــــ علاء بك ابني راجع من أوروبا النهاردة، الباخرة هتوصل كمان كام ساعة ان شاء الله وعايزاه يجي يلاقي كل الاكل اللي بيحبه . اكيد اتحرم منه في الغربة ابني حبيبي

ــــ ايه الخبر الجميل ده! يوصل بالسلامة ان شاء الله. لكن هو هيرجع أوروبا تاني يا هانم ؟

ــــ لالالالا خلاص خلص دراسته وبقى طبيب قلب ماهر

ــــ ماشاء الله . يبقى فاضل العروسة بقى هاها

 

طبعا نعمات طبعا. هو انا هسيبه ! . انا من بكرة هدورله على عروسة عشان أفرح بيه

ربنا يفرحك بيه يا هانم

**********************

عاد الطبيب الشاب إلى أحضان أمه بعد سنوات الاغتراب:

ــــ أمي، أمي حبيبتي وحشتيني

ــــ علاء حبيبي، وحشتني يابني، وحشتني

ــــ ياه! وحشني حضنك قوي يا أمي .ايدك ابوسها .الحياة من غيرك صعبة جداً، اشتقتلك قوي قوي يا أمي

ـــ وحشتني، وحشتني قوي ياعلاء . اقعد يا ولد كلمني، احكيلي

ــــ هاها ولد ! انا ولد برضو يا أمي! هاها ابنك علاء بك فكري طبيب قلب

ــــ انت هتكبر عليا ولا ايه يا ولد!

ــــ أنا اكبر عليكي انتِ يا أمي!.قولي ولد زي ما تحبي. ياريتني أرجع طفل بين إيديكِ  تاني

ــــ احكيلي يا حبيبي عملت ايه احكيلي عن أوروبا وبنات أوروبا هاها

 

ــــ بنات اروبا ايه بس يا امي !. قولي ساقطات أوروبا . انا شوفت مهازل يا امي . شوفت بائعات الهوى أغلبهم من القاصرات،شوفت حالات من الإجهاض بسبب الحمل السفاح باعداد رهيبة وقتل الاطفال حديثي الولادة مجهولي النسب... والله يا أمي أنا فخور ببنات المسلمين اللي متمسكين بتعاليم دينهم وحجابهم وطهرهم وعفافهم

ــــ لا حول ولا قوة الا بالله . انت قولت كلام صعب قوي علاء . بس انت ماتعرفش دعوات تحرير المرأة اللي ظهرت أخيراً على يد المدعو قاسم أمين!

ــــ ده راجل بينفذ أوامر اسياده في الغرب اللي استقى منهم أراءه القذرة ودلوقتي بيطبقها ضد  الإسلام والمسلمين، وللأسف دي مخططات مسبقة لهدم الاسلام من خلال المرأة لأنها هي المسؤولة  عن الأسرة، وبانحلال المرأة تنحل الأسرة وبالتالي ينحل المجتمع ويبقى أشبه بالمجتمعات الغربية اللاأخلاقية . بس أنا متأكد انهم هيفشلوا طول ما بناتنا معتزين بإسلامهم وحجابهم اللي ربنا فرضه لحمايتهم والحفاظ عليهم

ــــ الحمدلله على نعمة الإسلام يا ابني

ـــ الحمدلله يا أمي

ــــ يلا يا حبيبي، أسيبك تغير هدومك وترتاح على ما السفرجي يحضر السفرة

ــــ وحشني الأكل المصري جداً هاها

ــــ كل الأكل اللي بتحبه موجود يا حبيبي

أطالت عفيفة الوقوف أمام المرآة مستعرضة حسنها وجمال قدها، فلحظت ذلك شقيقتها ، فقالت متعجبة:

ايه عفيفة! بقالك ساعة واقفة قصاد المرايا تبصي لنفسك باعجاب .إنتِ أول مرة تشوفي نفسك! ههه

ــــ انا جميلة شريفة .مش كدة ؟

ــــ ايوة إنتِ  جميلة جدا

ــــ نفسي حد يقولي إنتِ  جميلة ويقدر جمالي

ــــ ههه أنا كل يوم هقدملك وردة واقولك إنتِ  جميلة قوي أختي

ــــ لا مش عايزة اسمع من ست . انا عايزة اسمع الكلام ده من راجل

ــــ يا خبر!  وطي صوتك حد يسمعك

ــــ هو انا قولت ايه غلط ! هو احنا مش لينا حق نحب! ليه احنا محبوسين. ليه مش نكلم رجالة!

ــــ هو احنا غواني ! الحاجات دي للغواني

ــــ يعني هما الغواني ليهم قلب وبنات العائلات لأ . يا ريتني كنت غانية عشان اعيش بحريتي

ــــ ساعات بحس انك شيطان

ــــ هههه طيب سيبيني يا ملاك خليني افكر في حل للخروج من السجن ده

*******************************

دخلت السيدة جيلان إلى غرفتها فأبصرت زوجها حافظ باشا يعد حقيبته استعداداً للسفر، غضنت حاجبيها وسألته:

ــــ حظرتكم رايح فين حافظ باشا جوز حظرتنا؟

ــــ مسافر العزبة جيلان هانم لمدة اسبوع

ــــ طيب ليه حظرتكم مش خدنا عزبة؟

ــــ لالالالا ما ينفعش . المرة الجاية جيلان هانم

****************

لمحته والدة زوجته يلدز هانم أثناء جلوسها في شرفة غرفتها وهو يغادر القصر والخادم يسبقه بالحقيبة إلى السيارة، فنادت أحد أعينها بالقصر:

ــــ عوض.  فالاد عوض

ــــ افندم عصمة يلدز هانم

ــــ حافظ فلاح رايح فين؟

ــــ الباشا رايح العزبة

ــــ لالالا انا مش عبيط. دي يكدب  على جيلان هانم بنت حظرتنا . كل يوم ارجع متأخر وريحته عطور حريمي . جيلان هانم طيب مش فاهم حاجة . راقب حافظ فلاح فالاد عوض شوفه روح فين

 

تحت امرك يلدز هانم

*****************************

دلف حافظ باشا إلى هذا المنزل بمفتاح خاص، وضع حقيبته جانباً ونادى سيدة المنزل الشامية الحسناء:

ــــ عالية

ــــ حافظ  ههه .أنت جيت يا البي ! . اشتقتلك كتير, اشتقتلك، اشتقتلك

ــــ أنا اشتقتلك اكتر يا مراتي يا حبيبتي...ايه الجمال ده يا عالية. فلتسقط التركية هههه

ــــ تؤبرني حبيبي. وخداك مني بنت التراكوة

ــــ جيلان؟ هاها

ــــ دخيلك مابحب اسمع اسمها. بدك تعصبني ؟

ــــ  ههه ما اقدرش اعصب حبيبة قلبي ،  قوليلي خلصتي شغلك في الصالة امتى؟

ــــ هما غنيتين وجيت لهون

ــــ وانا قاعدلك اسبوع ومو  بتحرك  من هون هههه

ــــ تسلملي عويناتك ههه  .شو قلت للتركييه ؟

ــــ قلتلها رايح العزبة

ــــ ههه تؤبرني حياتيييييييه

*********************

علمت يلدز هانم بخبر زواج حافظ باشا من المغنية الشامية ، فهرعت إلى ابنتها:

ــــ جيلان هانم بنت حظرتنا، مصيبات، مصيبات

ــــ  أمان ربي أمان، خير أنّة. ايه مصيبات؟

ــــ فلاح حافظ اتجوز على حظرتكم قرقوزات مش من مقامات شريفات

لــــ الالالالا أنّة حظرتكم تقول ايه اهئ اهئ امان ربي امان . حافظ باشا اتجوز على حظرتنا!!! اهئ اهئ

ــــ ايفيت اتجوز ايفيت. لمي هدومات وهاتي بنات وسيبي سرايات مطربقات، حظرتنا يبلغ جويد بيك ابن حظرتنا يأدب فلاح حافظ ويرجع كل فلوس سرقه

ــــ أنّة حافظ مش سرق فلوس. حافظ خد فلوس اشتغل بيه ورجع تاني لحظرتنا

ــــ لالالالا كل فلوس بتاع حظرتكم ولازم ارجع
***********************

كانت عفيفة تتنصت على الباب وعلمت بالخبر، فأسرعت إلى شقيقتها لتخبرها ضاحكة:

ـــــ هههه شريفة تعالي اسمعي، بابّا اتجوز مغنية على مامّا وأنّة مصممة على طلاق مامّا

ــــ يا خبر ! ليه !  ايه اللي انا سمعته  ده !. ليه بابّا يعمل كدة ! مامّا طيبة كتير

ــــ هههههههههههه كدة احسن . لما مامّا تطلق احنا هنعيش على طول عند أنّة يلدز ونخرج من السجن ده

ــــ إنتِ  انانية عفيفة . مش تحبي مامّا .انا هروح اشوف مامّا عامل ايه

********

أسرعت شريفة إلى غرفة والدتها، فألفتها تبكي:

ــــ اهئ اهئ اهئ امان ربي امان . حافظ باشا جوز حظرتنا اتجوز على حظرتنا اهئ اهئ

ـــ مامّا حبيبتي

ــــ ادخل شريفة هانم حفيد حظرتنا عيط جنب امك . عيط بالتركي بنت

ــــ هو في عياط تركي وعياط مصري أنّة!

ــــ ايفيت. عياط تركي اهئ اهئ امان ربي امان اهئ اهئ .عياط مصري اهئ اهئ متواصل

ــــ حاضر يا انّة اهئ اهئ بابّا اتجوز على مامّا امان ربي امان اهئ اهئ

دلفت عفيفة إلى الغرفة:

ــــ مامّا

ــــ تعالي عفيفة هانم  حفيد حظرتنا , حفلة عياط تركي شاركينا

ــــ لا انا ماليش نفس اعيط . احنا هنمشي امتى؟

ــــ نمشي حالا عفيفة هانم , بلغوا سواق حضر كاريتة لهوانم عزيزة

 

أمرك يلدز هانم

*******ـ**************************

بعدما خلد الجميع إلى النوم في قصر الجدة، تسللت عفيفة من فراشها وهي تحدث نفسها:

ــــ ياه! أخيراً خرجنا من السجن وجينا بيت أنّة، وأخيراً كل اللي في السرايا نامو . انزل انا بقى

*******************

وقفت خلف بوابة القصر الحديدية ترقب الطريق حتى مضى وقت طويل:

ــــ ايه ده . بقالي اكتر من ساعة واقفة ورا الباب الحديد ومافيش حد ظهر في الشارع ايه الشارع الغريب ده !. ممم أنا شايفة خيال من بعيد .يارب يكون راجل....أه متهيألي راجل . بسسس بس بس أنت , أنتتتتت بس بسسسس

ما كان الخيال إلا للطبيب الشاب الذي عاد من أوروبا حديثاً، نمت إلى أسماعه أصوات لم يفسرها:

ــــ ايه ده . ايه الصوت ده!

ــــ انت يا انت . ايوة انا هنا اللي بكلمك من ورا الباب الحديد

ـــ ايه ده !. ايه يا بنت ده!!!!!. انتِ ازاي كاشفة وشك بالشكل ده !!!!. إنتِ  مسلمة؟

ــــ ايوة مسلمة، وفيها ايه!

 

ــــ فين اهلك ؟ ازاي سامحينلك تكشفي وشك !!

ـــ انت مالك! دي حرية

ــــ حرية !!

هز رأسه وتنهد بأسى، وهم بمواصلة السير فنادته:

ــــ استنى، رايح فين؟

ــــ عايزة ايه؟

ــــ ممكن تقولي اني جميلة

ــــ لا ممكن اقولك انك مجنونة .اكيد إنتِ  مجنونة

ــــ استنى هقولك حاجة اسمعني

ــــ عايزة ايه يا بنت إنتِ

ــــ سن جوزيلسن

ــــ يعني ايه؟

ــــ يعني انت جميل

ــــ وإنتِ  قليلة الحيا وعايزة تتأدبي

ــــ اهئ اهئ متخلف . معقد . طيب والله كل يوم هستناك . اما اشوف هتصمد لحد امتى , أنا قليلة حيا أنا!!!

*******

في منزل الحاج محفوظ، سمعت ابنته دقات عالية متواترة على الباب، ففزعت وهرعت تسأل:

ــــ ايه الخبط الجامد ع الباب ده !  مين ؟

أجابتها أختها من الخارج بصوت مرتعد:

ــــ افتحي يا صفية انا حفصة, افتحي بسرعة

ــــ ايه يا حفصة مالك ؟

ــــ اه ياني اه مش قادرة اخد نفسي، نزلت السلم جري

ــــ نازلة جري ليه ؟. ومالك بتترعشي كدة؟

ــــ مصيبة مصيبة يا صفية اهئ اهئ اهئ

ــــ في ايه مالك هدي نفسك وقوليلي

ــــ طلعت انشر الغسيل فوق السطوح  وبعدين وانا بنشر  بصيت لقيت راجل فوق السطوح اللي قدامنا عمال يبص عليا ومبتسم قوي

ــــ يبص عليكي !. يبص على ايه ! يا نهارك مش فايت. هو انتِ كنتي واقفة تنشري من غير النقاب؟

ــــ ماانا كنت بقول ماحدش ساكن فوق السطوح اللي قصادنا وماحدش هيشوفني

 

ــــ يابنتي ما إنتِ  عارفة ان الناس اللي قصادنا بيأجروا اوضة السطوح كل كام شهر

ــــ طيب ما الاوضة بقالها مدة كبيرة مقفولة وانا كل مرة بطلع انشر وماحدش بيبص عليا

ــــ يا سلام ! انا الف مرة نبهت عليكي ماتطلعيش من غير النقاب حتى لو متأكدة ان مافيش حد. الاحتياط واجب . عاجبك اللي حصل ده !!!!

ــــ  اسكتي بقى وبطلي تأنيب فيا , انا حاسة اني مش قادرة اتمالك أعصابي , وبعدين ازاي الراجل ده يبص عليا وانا كاشفة وشي !دا ماعندوش حياء

ــــ زمانه هو اللي عمال يقول عليكي ان ماعندكيش حياء واهلك ما عرفوش يربوكي وبكرة تبقى سيرتنا على كل لسان ويقولوا البنت اللي كشفت وشها اهيه وماحدش هيرضى يجي يتجوزنا بسببك

ــــ اهئ اهئ اهئ اوعي تقولي لامي لحسن تزعل مني وتقول لابويا اهئ اهئ اهئ

ــــ ودي حاجة تتقال! . عايزاني اقولها بنتك وشها اتكشف على راجل غريب عشان تطب ساكتة

ــــ اهئ اهئ اهئ يادي الفضيحة . اعمل ايه دلوقتي يا صفية !

ــــ طب بس اسكتي اسكتي، أمي جاية

ــــ خلصتي نشر الغسيل فوق السطوح يا حفصة ؟

 

ــــ أأأأ أيوة يا أمي أأأيوة

ـــــ طب ابقي فكريني أطلع ألمه  الصبح بدري

ــــ حاضر

ــــ الله ! لكن مالك يا حفصة يا حبيبتي لونك مخطوف كدة وبتنهجي كدة ليه

ــــــ أأأأأأأأانا أأأأأأأأأبدا أأأأأأأأأأبدا يا أمي ما فيش حاجة

ــــ مالك يابنتي؟ . انتي مش طبيعية أبداً

ــــ اصلها شافت فار فوق السطوح ونزلت تجري

ــــ فار ! احنا ما عندناش فيران فوق السطوح

ـــــ الظاهر الفيران هتبتدي تظهر من هنا ورايح يا امي ومش هنقدر نسيطر عليها ,  ربنا يستر

ـــــ ربنا يستر عليكو من الفيران ياحبيبتي اللهم آمين دول أذى وما وراهومش إلا الخراب

****************************

في قصر يلدز هانم، أتتها الخادمة تهرول لتخبرها بأمر هام:

ــــ عصمة يلدز هانم، عصمة يلدز هانم

ــــ في ايه! يلدز هانم! يلدز هانم! في ايه بنت سعدية؟

 

ــــ ريتا الكلبة بتاعت حضرتك ولدت

ــــ ريتا . حبيب قلب . جابت كام كلبة ؟

ــــ جابت تلات كلاب

ــــ شوك جوزال،  شوك جوزال. انا جاي اطمن عليه بنفسي

***************

جلست يلدز هانم إلى جوار الكلبة وصغارها تداعبهم، فأتتها عفيفة ضاحكة:
ــــ ههه مبروك عشان ريتا أنّة يلدز

ــــ تعالي شوفي اد ايه ولاد ريتا حلوين عفيفة حفيدة حظرتنا

ــــ حلوين خالص خالص أنّة . بس هما فين باباهم؟

ــــ ايه باباهم دي بنت عفيفة !

ــــ يعني جوز ريتا

ــــ هاها امان ربي امان . الكلاب مش اتجوز حبيبتي

ــــ اومال خلفت ازاي بقى!. انتي بتضحكي عليا ولا ايه!  انا عندي اربعتاشر سنة، مش صغيرة

ــــ حبيبتي الكلبة تخلف من اي كلب زيه من غير جواز

 

ــــ انا كمان عايزة اخلف من غير جواز أنّة . اخلف من الراجل اللي يعجبني هههه

ــــاخرس بنت ادب سيس . إنتِ  عايزة تبقي كلبة  وولادك يكونوا ولاد كلبة! .أنا احفاد حظرتنا كلاب!!!!!!!

ــــ حرية يا أنّة، حرية

ــــ يابنت، يابنت حرية شيء جميل لكن اللي انت قوله ده انحلال، مش حرية بنت، حرية هي كرامة بنت، حرية هي عزة بنت. أنت  هانم جميل. يجي عريس يتقدم لبابّا وننظر في امره يناسب حظرتنا ومركز حظرتنا ولا لأ . يستاهل حظرتكم  ولا نطرده برا بعيد عن مقام شريفات عفيفات...هوانم غير كلاب حبيبتي

ــــ حتى الكلاب واخدين حريتهم واحنا لأ!!!!!!

******************

أتت المدرسة الإفرنجية إلى قصر الجدة لتقابل عفيفة..ألقت التحية على الخادمة:
ــــ بنسوار

ــــ بنسوار افندم

ــــ ياترى ممكن اقابل عفيفة هانم؟

ــــ اقولها مين حضرتك؟

ــــ مدام سيلفيا مدرسة الفرنساوي

 

ــــ اتفضلي حضرتك ,هبلغ الهانم

**************

علمت عفيفة بوجود المعلمة الإفرنجية فنزلت مسرعة:

ــــ بنسوار مدام سيلفيا, كيل سيغبغيز

ــــ بنسوار حبيبتي عفيفة ههه مفاجأة مدهشة مش كدة ؟

ــــ  ايوة فعلا , لكن إنتِ  عرفتي ازاي اننا هنا عند أنّة واخدتي العنوان من مين؟

ــــ كان لازم أعرف طريقك واجيلك في اي مكان تكوني فيه عزيزتي . روحت سألت عليكي في سرايا مش لقيتك واخدت عنوانك عند جدتك

ــــ بردونيه مواه . اصل مشينا فجأة من السرايا ومالحقتش ابلغك

ــــ ما فيش مشكلة حبيبتي . انا اسعى دايما ورا اي تلميذة نجيبة تسمع كلام وتنفذ تعليمات

ــــ هههه تعليمات ! تعليمات مين؟

ــــ تعليمات الحرية حبيبتي الحرية

ـــــ ميغسي ميغسي مدام سيلفيا انا احبك كتير

ــــ انا احبك اكتر هاها قوليلي عملتي ايه؟

 

ـــــ انا قريت الكتاب وعجبني جداً كتاب المرأة الجديدة ده, بس للأسف الظاهر ان مافيش رجالة هيتفهموا المعنى السامي للحرية

ـــــ ازاي حبيبتي؟ . ممكن تفهميني تقصدي ايه؟

ــــ امبارح استنيت جنب باب السرايا لحد ما لقيت شاب عجبني و....

ــــ ها ها كملي، كملي فرحيني

ــــ للأسف عرضت عليه انه يتكلم معايا رفض وأهانني  ومشي

ــــ ايه ده !. جنسه ايه ده!!! . حد يشوف جمال زي جمالك ومايتأثرش !

ــــ تخيلي قالي ازاي كاشفة وشك واتهمني بقلة الحياء

ــــ هو إنتِ  كنتي كاشفة وشك بس؟

ــــ ايوة كنت رافعة النقاب

ــــ غلط عزيزتي غلط كبير . وشك لوحده مش كفاية، لأن شعرك بيبين جمالك اكتر واكتر واكتر . انا فهمت هو ليه ما حسش بيكي، عشان إنتِ  مش أظهرتي  اسلحتك الأنثوية

ــــ اسلحة انثوية! هاها يعنى ايه ويجيبوها منين؟؟

ـــ يجيبوها! هاها حبيبتي إنتِ  تملكيها. كل ست تملكها

ـــ املكها ! هي فين؟

 

ـــ اسلحتك هي مفاتن جسدك .  صارحيني عفيفة , مش تحبي راجل يمدح مفاتن جسدك؟؟

ــــ لالالالالا ايه ده ايه الكلام ده لالالالالالالالا انا اتكسف

ــــ ههه الحب مافيهوش كسوف . وبعدين انا مبسوطة كتير ان الراجل ده رفضك . عشان عنادك انك تكسبيه يكون اكبر . رفضه ليكي اهانة لانوثتك عزيزتي الجميلة عفيفة

ـــــ عندك حق انا فعلا حسيت بإهانة كبيرة جدا لما رفض يتكلم معايا

ـــ حبيبتي جربي اسلحتك وقوليلي النتيجة . مع اني ضامنهالك مية في المية هاها..انطلقي حبيبتي، انطلقي حطمي القيود اتحرري من الرق والذل قبل ما يجوزوكي وتعيشي ذليلة في بيت راجل وتخدمي اطفال...ليه تبقي تحت أمر  راجل واحد ويتحكم فيكي وإنتِ  ممكن كل الرجالة يكونوا بانتظار  اشارة من صباعك الصغير!

ــــ كلامك يجنن , يسحر

ــــ انا مش عايزاكي تتجنني بكلامي انا عايزاكي تنفذي عشانك إنتِ  حبيبتي عشان حريتك من عبودية وتخلف

ــــ بس خسارة مدام سيلفيا

ــــ خسارة ليه حبيبتي في ايه؟

ــــ انا مش معايا مفتاح سرايا

ـــــ لالالا لازم تاخدي المفتاح لازم حبيبتي . افتحي الباب، افتحي الباب . باب عبودية . باب رق . باب ذل,  لازم تاخدي المفتاح

في أحد المنازل بإحدى الحارات الشعبية، كان السيد خليل يتأنق أمام المرآة في المساء استعدادا للخروج من المنزل، نادى زوجته:

ــــ بهيجة

ــــ نعم يا سي خليل

ــــ ناوليني الطربوش والمنشّة  خليني انزل

ــــ نازل رايح فين يا سي خليل؟

ــــ نعم!!!!!! . إنتِ  ازاي تتجرأي تسأليني رايح فين ! . انتي جرالك حاجة في مخك يا بهيجة!!!!!!

ــــ سامحني يا سي خليل غلطة ومش هتتكرر ياخويا . اهئ اهئ زلة لسان . يقطعك يا لساني

ــــ خلاص .مسامحك . بس ماتكرريهاش تاني

ــــ طول عمرك طيب يا سي خليل . الطربوش أهو . استنى لما البّسهولك   .ماشاء الله .بدر منور يا سي خليل . الطربوش هياكل من جبينك حتة .ربنا يبعد عنك العين قول آمين يا سي خليل

ــــ آمين .

ــــ سي خليل

 

ــــ نعم يا بهيجة

ــــ هو انت هتتأخر؟

ــــ لا بقى دانتي بتسعي لخراب بيتك يا بهيجة  . شكلك هتباتي عند امك النهاردة

ـــــ يقطعني ياسي خليل اهئ اهئ هو انا قولت ايه غلط!!!!!!

ــــ دا تاني سؤال تسأليه وشكلك مش ناوية تجيبيها لبر

ــــ اهئ اهئ سامحني يا سي خليل . يقطعك يا لساني انا ما اقصدش يعني اسألك . انا اقصد اقولك يعني انيم العيال واستناك يا سي خليل؟

ــــ لالالا نيمي العيال و نامي إنتِ  كمان وشدي اللحاف يا بهيجة و اوعي تستنيني

ــــ طيب يا خويا بالسلامة

ـــ الله يسلمك يا بهيجة

ـــــ سي خليل

ــــ وبعدين بقى! .مش هنزل انا النهاردة ولا ايه!!!!!

ــــ كنت عايزة اقولك يعني بعد اذنك يعني لو ماكانش يضايقك يعني ولا يزعلك يعني ابقى هات معاك رطلين لحمة ووقتين سكر

ــــ رطلين لحمة بحالهم ! ليه! اتسعرتي يا بهيجة ! مش شايفة انك سمنتي قوي اليومين دول ؟

 

ــــ كله من خيرك ياسي خليل .يا مأكلني الحلو كله ياسي خليل

ــــ وبعدين هو مش انا لسة جايب وقتين سكر الاسبوع اللي فات؟ راحو فين؟ . انتي بتسفي السكر يا بهيجة ؟

ـــــ هو انت مش فاكر يا سي خليل الاسبوع اللي فات لما  نفسي هفتني على رز بلبن والسكر خلص عليه؟

ــــ ونفسك تهفك على رز بلبن ليه ؟ بمناسبة ايه! . اكفيكي منين حرام عليكي انا موظف غلبان . يا دوب مرتبي  سبعة جنيه وسبعة واربعين قرش . اتقي الله شوية ومش كل مانفسك تهفك على حاجة تعمليها يا بهيجة

ــــ اوامرك يا سي خليل

ـــ انا نازل يا بهيجة

ــــ تجيلي بالسلامة يا سي خليل

********

وصل خليل افندي إلى المقهى كعادته، حيا صديقه الحميم وجلس:

ــــ مساء الخير يا عبد الحميد افندي

 

ــــ  مساء النور، يا مرحب يا خليل افندي، ازي أحوالك بقالك؟ يومين ماجيتش القهوة، خير ان شاء الله؟

ــــ ابداً، شوية مشاغل كدة يا عبد الحميد افندي . انت بتشرب ايه؟

ــــ بشرب يانسون، اطلبلك يانسون؟

ــــ لأ انا هشرب عناب. يا أخي الواحد ما بيصدق يخرج شوية ع القهوة يروّح عن نفسه

ــــ يا اخي نروح عن نفسنا في ايه يعني! . القعدة ع القهوة زي القعدة في البيت،  الا مافي حاجة تتطري القعدة يا خليل افندي

ــــ ههه لو عايز حاجة تطري القعدة ابقى روح الكازينو بتاع العوالم

ــــ انا عارف ليه الستات ما يسمعوش كلام قاسم بيه امين! خلي العيشة تبقى عيشة بقى بدل القحط اللي احنا عايشين فيه ده!

ــــ ههه انا الحمدلله ربنا مديني ست بحمد ربنا على نقابها عشان ماتخرجش تخوف الناس من غير ذنب

ــــ ههههه مش هتيجي اوحش من اللي معايا . الواحد نفسه يشوف الحريم اللي بصحيح بيبقى شكلهم ايه

ــــ انا خايف والله يقلعوا النقاب ويطلعوا شبه حريمنا وفي الحالة دي احنا اللي هنتأذي برا وجوا

 

ــــ وماتقولش ليه يطلعوا شبه حريم الانجليز ونتفرج عليهم ونملي عنينا بحلاوتهم في الرايحة والجاية

ــــ ياريت يا عبد الحميد افندي يا خويا ياريت . الله يعمر بيتك يا قاسم بيه يا امين

ــــ تلعب عشرة كوتشينا؟

ــــ ههه مافيش مانع  يا عبد الحميد افندي،  فكرتني بالطقطوقة بتاعة الست المطربة اسمها ايه دي اللي بتقول

ــــ فيك عشرة كوتشينا في التراسينا

ــــ اااااااااااااه فيك عشرة كوتشينا في التراسينا ااااااااااه

ــــ طب بس اسكت عشان صوتك يكرّه  الواحد في عيشته اكتر ما هو كارهها يا خليل افندي ياخويا

**************************

بعد سهرته على المقهى، عاد خليل افندي إلى المنزل:

ــــ الحمد لله البيت مضلّم و بهيجة نامت والغنى هيحلو  ههه فيك عشرة كوتشينا في التراسيناااااااااا اااااه

ــــ فيك عشرة كوتشينا في التراسينااااااااااااا

ــــ فيك عشرة كوتشينا في التراسينااااااااا

 

ــــ يا سلام على صوتي وجماله . والله انفع مطرب فيك عشرة كوتشينا في التراسيناااااا

ــــ انت جيت يا سي خليل؟

ــــ يا امااااااااااااااا يا امااااااااااااااااااااا عفريت يا امااااااااااااااااا

ــــ انا مش عفريت ما تخافش انا بهيجة

ــــ يبقى برضو عفريت، تعالي خديني يااما

ـــ مالك يا سي خليل؟

ــــ انا مش قولتلك نامي يا بهيجة؟

ـــ ما هانش علية انام إلا  لما اتطمن  عليك يا سي خليل

ــــ اصيلة يا بهيجة اصيلة .يا ريت شكلك في حلاوة طبعك يا بهيجة

ــــ خلقة ربنا ياخويا هعمل ايه يعني!

ــــ اللهم لا اعتراض . يارب الرحمة من عندك يارب

ــــ انا جيبتلك طشت المية السخنة عشان انقعلك رجليك وادعكهالك . بقالي كتير ما دعكتهالكش , زمانها قشّفت  يا سي خليل

ــــ اي والله كعوب رجليا وجعاني, الحقيني بالمية والملح يا ملح عمري يا قشف حياتي

ــــ تسلم يا سي خليل

ـــــ حط رجليك يا ابو عيالي يا غالي

ــــ يا سلام!! الواحد رجليه ارتاحت

ــــ يريحك من الدنيا وبلاويها يا سي خليل......... سي خليل

ــــ نعم

ــــ انا عايزة اشتكيلك من عطيات بنتك

ــــ عملت ايه؟

ــــ بتخرج من المدرسة تجري ورا العساكر الانجليز بالطوب

ــــ ايه!! هي مالها ومال الانجليز!. حرام عليكو . انتو هتمشّوا  الانجليز بحريمهم من البلد وتقعدولنا انتو!!!!! . خلي بنتك مالهاش دعوة بالانجليز . دول ضيوفنا واكرامهم واجب وإلا  هقعدها من المدرسة

ــــ ما تقعدها ياخويا ونشوفلها عريس بلا علام بلا وجع قلب

ــــ لا انا عايز بنتي تتعلم عشان تتوظف ويبقى لها قيمة

ــــ هو في حريم بتتوظف يا سي خليل؟

ــــ قاسم بيه جه وقال الحريم تتوظف . يبقى الحريم تتوظف . الله يعمر بيتك يا قاسم بيه يا امين ,هتخرج الحريم من بيوتها

*****************

في تلك الساعة المتأخرة من الليل تسللت عفيفة من فراشها، واتجهت إلى باب الغرفة على أطراف أناملها، فشعرت بها أختها فنادتها:

ـــــ عفيفة انتي بتتسحبي ورايحة فين؟

ــــ ايه ده! . انتي لسة صاحية شريفة ؟

ــــ ايوة . انتي رايحة فين؟

ــــ أنا! . أنا رايحة التواليت

ــــ طب استني خديني معاكي

ــــ اخدك معايا فين! . انا رايحة التواليت مش رايحة حفلة

ــــ انا كمان عايزة اروح

ــــ خلاص مش هروح اتفضلي روحي إنتِ  شريفة

ــــ لا اصل التواليت في اخر الطرقة وانا بخاف . تعالي معايا . إنتِ  مش بتخافي وقلبك جامد وعمرك ما خوفتي من الضلمة

ــــ يووه! انا عارفة ايه صحاكي دلوقتي! . اتفضلي هاجي

*********************

عادت الفتاتان إلى الغرفة، فقالت عفيفة لشقيقتها بضجر:

ــــ نامي بقى شريفة

ـــ غريبة! . إنتِ  ليه عايزاني انام! إنتِ  كل يوم كنتي تحبيني اسهر معاكي نحكي

ــــ لالالا اصل انا عايزة انام شريفة يلا عشان نطفي النور

ــــ تصبحي على خير عفيفة

ــــ وإنتِ من أهله شريفة , أوف أول ما تروح في النوم هنزل على طول

****************

وقفت عفيفة في البرد القارص خلف بوابة القصر في انتظار ذات الشاب، والهواء يعبث بشعرها:

ــــ ايه ده . هو الشاب اللي انا شوفته مش هيعدي النهاردة ولا ايه . الدنيا برد خالص .هموت من البرد والهوا جامد كمان,هيييه . اهو جه هناك .يارب اعجبه بقى المرة دي . متهيألي هيعجبه شعري قوي والتسريحة دي..ياه! مشيته تجنن, كلها وقار . باين عليه شخصية مش عادية . ياترى اسمه ايه....انا افتكرت غنوة حلوة قوي لايقة عليه هغنيهاله اول ما يقرب و  هشوف تأثيرها عليه....اهو قرب قوي اهو

ـــــ عجبا لغزالٍ  قتّال عجباااااا

ــــ كم بالافكار وبقلوب لعباااااااا

ــــ يا لا يلالالي

ــــ يخطو بدلالٍ  فيثير الشهباااا

ــــ يخطو بدلالٍ  فيثير الشهباااا

ــــ يا لا  يلالالالي

ــــ يا انت يا انت

ــــ إنتِ  برضو .! وبعدين معاكي يابنت . وكمان المرة دي واقفة من غير حجاب خالص و بتغني !!صوت المرأة عورة

ــــ يووه, كله حرام حرام، شَعر حرام، غنا حرام، اومال ايه حلال في اسلامكو ده !!!!! الحجاب ده عادة متخلفة ولازم نقضي عليها

ــــ لا حول ولا قوة الا بالله . الحجاب فرض يا مسلمة، فرض مش عادة . مين قالك الكلام الفارغ ده؟

ــــ قاسم بك امين قريبي هاها

ـــ إنتِ  قريبة قاسم امين  ؟ إنتِ  قريبة الضال المضل ده ؟؟؟؟؟؟

ـــ يعني . من بعيد . مش قوي . بس بتعجبني  افكاره جدا

ــــ الله يهديكي ويهدي امثالك

ـــ انت رايح فين؟

ـــ إنتِ  عايزة ايه يا بنت؟

ــــ عايزة نبقى اصحاب

ــــ لا إله  إلا  الله . إنتِ ازاي مسلمة يا بني ادمة !. ما فيش صداقة بين رجل وامرأة, ده حرام

ــــ أوف, باين عليك رجعي , راجل مش عصري ابدا

 

ـــ الله يهديكي . ادخلي والبسي حجابك وماتخليش حد يأثر على افكارك بالشكل ده . انتِ كدة بتهدمي دينك بمعاول الغرب

ــــ انا مش فاهمة حاجة . كل اللي فاهماه انك عاجبني جدا وعايزة نبقى اصحاب

ـــ اعوذ بالله، اعوذ بالله

ــــ استنى استنى.......يوووووووووه  , ده مشي بخطوات سريعة  واتجاهل كلامي , انا لازم اجيب المفتاح . كدة مش هينفع

 

 *****************************************************

انتهت الحلقة 

انتظروني في الحلقة القادمة يوم السبت إن شاء الله 

لا تنسوا ذكر الله والصلاة على الحبيب

لا إله إلا الله ولا حول ولا قوة إلا بالله 

اللهم صل وسلم وبارك على نبينا محمد

استغفر الله وأتوب إليه